23230	MAT 1:17	Kapara pratjana Abrahamangundru Davidanilu ma-rapratjana ja mandrumandru nganai; Davidandru Babylaia wapalkanantulu kapara marapratjana ja mandrumandru nganai; Babylaia wapalkanandru Christungulu kapara marapratjana ja mandrumandru nganai.
23235	MAT 1:22	Jenia pratjana pantjina wonti, ngangau morlalu pan-tjinanto, mina Prophetali Kaparandru kaukaubana wonti, nau jatana wonti:
23237	MAT 1:24	Joseph mukandru matja jiritjina, nulu jeruja ngan-kana wonti, worderu Kaparaia angelali nunkangu jirijiribana warai, ja nulu noa nunkani patana wonti.
23251	MAT 2:13	Tana matja puntina, mai, Kaparaia angela kulno Josephangu ngapitjani wondraterina wonti ja jatana wonti: “Jiritjiau ja kupa ja ngandri nunkani manina kurau ja kuri-kariau Egypta mitaia, ja naka ngamamai, ngani jinkangu ja-tanantulu; ngangau Herodes jertapateriai kupa wontila nina-para nandrala.”
23253	MAT 2:15	Ja nau naka ngamana wonti Herodes palinantulu, ngangau morlalu pantjinanto, mina Prophetali Kaparandru kaukaubana wonti, nau jatana wonti: “Egypta mitandru ngato Ngatamura ngakani karkana wonti.”
23264	MAT 3:3	Naupini nau nganai, nunkangundru Jesaiasali Prophetali kaukaubana wonti; “Karkanietjaia ngaiala pitarani parai: Kaparaia palto ngankinganimai, ja tidha-palto nunkani talku ngankanimai.”
23265	MAT 3:4	Johannili kati Kameei njurdu ja dala mantamanta ka-pani nunkanani ngamalkana wonti, ja buka nunkani palaparu ja pitjambu nganana wonti.
23271	MAT 3:10	Kalara matja pita kaparani parai; Pita pratjana, wata tandra ngumu punkibanani, wokaribala nganai ja turuni worala nganai.
23276	MAT 3:15	Jesujeli kalabana wonti ja nunkangu jatana wonti: “Karari jenia manuni kurau, ngangau jeruja talku nganai ngaldrangu, talkula pratjana morlalu kurala.” Ngadani nulu nunkangu manuni kurana wonti.
23282	MAT 4:4	Nulu kalabana wonti ja jatana wonti: “Dakanala pa-rai: Kana wata windri bukandru tepiriai, a-ai, jaura waru-potundru, nauja Godaia manandru dunkai.”
23285	MAT 4:7	Jesus nunkangu jatana wonti: “Nakaldra dakanala parai: Goda Kapara jinkani wata wontjamai”!
23288	MAT 4:10	Ngadani Jesus nunkangu jatana wonti: “Kutingau Satanajai! ngangau dakanala parai: Jidni Godani Kaparani jinkanani ngatjiamai ja windri nunkangu wodatarana ngama-mai.”
23291	MAT 4:13	Ja Nulu Nazareth worarana wonti ja ngura manina wonti Kapernaum ngamala, nau panto dirkalani parai, Sebu-lon ja Naphthali wondirani;
23294	MAT 4:16	Kana wolarali, tana ngalpurani ngamai, praitji pirna najina wonti, ja tanangu, tana naria pirini ja pungalani ngamai, tanangu praitji dunkana tarana wonti.”
23316	MAT 5:13	Jura mitaia kaldri nganai. Kaldri dunkarinani, mi-nali tanali kaldri ngankala nganai? Nau baku nganai, ja kanali nina teribala nganai-ja tidnali nankanankala nganai.
23336	MAT 5:33	Nakaldra jura matja ngarana, worderu Nauja pinaru worangu jatana wonti: “Wata jedinali jaura morlalu jatamai, ja Kaparani jaura morlalu jinkani kuramai.”
23340	MAT 5:37	Jaura jurani nganaiatimai: “Kau, kau; pani, pani;” mina pudlangu pinpi tarai, jenia madlentjandru dunkai.
23346	MAT 5:43	Jura matja ngarana, worderu Nauja jatana wonti: “Kamaneli jinkani ngantjamai, ja talpalani jinkanani kala-kalariamai.”
23355	MAT 6:4	Kalumiltjamiltjarina jinkani kurukuru nganananto, ja Npaperali jinkanali kurukuruni najiai, ja Nulia jinkangu kalala jinkila nganai tinkari.
23375	MAT 6:24	Kana kulno ngandandariai kapara mandruni mili nga-mala, nau kulnuni kalakalarila nganai, ja kulno nulu ngan-tjala nganai kara; kulnuni nau wodatarana ngamala nganai, ja kulnuni gilbarila nganai kara. Jura ngandandariai Godani ja Mammonani mili ngamala.
23391	MAT 7:6	Kulikiri wata kintalani jinkianau ja marda ngumu wata pikini worana pararanau, tanali tanana tidnali nankaiati ja jurana purana karitjiati.
23401	MAT 7:16	Tanani tandrani jura tanana ngujamananto. Kanali bakana waina tandra kampala nganai dilkandru ja manawa-ra dieltjirundru?
23406	MAT 7:21	Wata tana pratjana, tana ngakangu jatai: “Kapara-jai! Kaparajai!” pariwilpaia mililani wirila nganai, a-ai, windri naupini, nulu Ngaperaia ngakanaia pariwilpalaia jer-tapaterina ngankai.
23407	MAT 7:22	Marapu ngakangu jatala nganai nunkanguka ditjini: “Kaparajai! Kaparajai! wata ngaiani talani jinkanani talpa-dakana wonti? Wata ngaiani talani jinkanani kutji dunkal-kana wonti? Wata ngaiani talani jinkanani pirnala marapu ngankana wonti?”
23416	MAT 8:2	Ja mai, kana kulno gambanto wokarana wonti ja nunkangu pantjaterkana ngarina wonti ja jatana wonti: “Kaparajai, jidni jertapaterinani, jidni ngurunguru nganai ngana kulikiri ngankala.”
23419	MAT 8:5	Ja Jesus Kapernaum ngurani matja wirina, juljaia kapara kulno nunkangu wokarana wonti ja nunkangu ngatjina wonti,
23420	MAT 8:6	Ja jatana wonti: “Kaparajai, mili ngakanipungani parai tjunduru, ja pirna ketjaketjai.”
23422	MAT 8:8	Ja juljaia kaparali kalabana wonti ja jatana wonti: “Kaparajai, ngani wata talku nganai, jidni punga ngalpani ngakanani wirinanto; windri jaura kulno jatamai, ja mili ngakani tepirila nganai.”
23423	MAT 8:9	Ngangau ngani kana nganai ja kaparani wodatarana ngamai; ja ngato mili wolara ngamalkai; ja ngani nunkangu-pini jatanani: “Jerra wapau!” ja nau wapai; ja kulnuni: “Kaparau!” ja nau wokarai; ja milini ngakanani: “Ninapini ngankau!” ja nulu jenia ngankai.”
23434	MAT 8:20	Ja Jesus nunkangu jatana wonti: “Kintala jampali minka ngamalkai, ja paiali ngaranani kunjila ngamalkai, ja Kanaia Ngatamurajeli piri pani ngamalkai, wodajeri kukadi terkala.”
23435	MAT 8:21	Nunkani milindru kulno nunkangu jatana wonti: “Kaparajai, ngakangu manuni kurau, ngani ngopera wapananto, ngaperi ngakani todila.”
23439	MAT 8:25	Ja mili nunkangu wokarana wonti, ja tanali nina ji-ritjibana wonti ja jatana wonti: “Kaparajai, ngaianina kul-kau, ngaiani palipaliati!”
23445	MAT 8:31	Kutji wora nunkangu ngatjina wonti ja jatana wonti: “Jundru ngaianina dunkalkanani, ngaianingu manuni kurau piki ngamini wirinanto.”
23454	MAT 9:6	Ja jura ngujamananto, Kanaia Ngatamurajeli ngurula ngamalkai, mitani madlentji worala,” — Nau tjundurani jatana wonti: “Terkakamai, turarani piri jinkani patau, ja pun-gaia jinkanaia tikamai.”
23456	MAT 9:8	Kana wolarali jenia matja najina, tana ngamparana wonti ja Goda jurakokana wonti, ngangau Nulia jenia ngurula kanani jinkina warai.
23476	MAT 9:28	Nau pungani wirinani, butju wulu nunkangu wokarana wonti, ja Jesus pudlangu jatana wonti: “Judla morlalu ngundrai, ngani ngurunguru nganai, jenia ngankala”? Pudla nunkangu jatana wonti: “Kau, Kaparajai!”
23485	MAT 9:37	Jendranguta Nau milini nunkanani jatana wonti: “Kampananto marapu parai, ja ngankanietja windri ngalje.”
23486	MAT 9:38	Jendrania Kampania Kaparani. Ngatjianimai, Nulia ngankanietja jinpananto nunkani kampanaia.
23490	MAT 10:4	Simon, Kana ngurandru ja Judas Iskarioth, nulu nina wondawondana wonti.”
23491	MAT 10:5	Tananapini marapratjana ja mandru Jesujeli jinpana wonti, ja Nulu tanangu jirijiribana wonti ja jatana wonti: “Kana koja paltuni jura wata wapananto, ja Samarita ngurani jura wata wirinanto;
23509	MAT 10:23	Tana jurangu tirikaripaterinani ngura kulnuni ngura nguruja mindrianau. Ngangau morlalu ngani jurangu jatai: “Jura Israelaia ngura pratjana wata mudala nganai Kanaia Ngatamura wokaranantulu.”
23535	MAT 11:7	Pudla tikanani, Jesujeli wonina wonti kana wolarani jatala Johanningundru: “Mina najila jura pitaraia palkana paraia? Kalanka kulno, watarali wijawijabanani?
23536	MAT 11:8	Mina najila jura palkana paraia? Kana kulno kati tjankanto? Mai, mitaia kaparaia pungani tanali ngamalkai kati tjanka.
23547	MAT 11:19	Ja Kanaia Ngatamura wokarana warai, Nulia tajiai ja tapai, ja tanaia jatai: “Najianau, Nauja kana mirantjatieli tajinietja ja tapanietja, mardatandrakampanietjaia ja madlentji ngankanietjaia kamaneli!” Ja Kirila kalala maniai kani kupandru.”
23551	MAT 11:23	Ja jidni Kapernaum, jidni miririna pariwilpaia, turu-jelu jidni ngarila nganai; ngangau Sodom ngurani jenia pirnala pantjinani, jinkangu pantjinala, naupini nunkangupini ditjini kararielu terkananto.
23553	MAT 11:25	Jendranguta Jesujeli kalabana wonti ja jatana wonti: “Ngato jidnana Ngaperiai, Kapara pariwilpaia ja mitaia, jurakokala wapaia; ngangau jundru jenia kana kirini ja nguja-manietjani kutibana warai ja kupani tinkari ngankana warai;
23554	MAT 11:26	Kau, Ngaperiai! jeruja jinkangu manju nganana wonti.
23564	MAT 12:6	Ngani jurangu jatai: “Ninkida Kulno nganai, Nauja morla pirna nganai Godaia pungani.”
23566	MAT 12:8	Ngangau Kanaia Ngatamura bakana Sabbat ditjia Kapara nganai.
23590	MAT 12:32	Ja warle jaura madlentji jatanani Kanaia Ngatamurani, nunkangu Nulia kalingala nganai; warle jaura madlentji jatanani Jaola kulikirini, nunkangu Nulia wata kalingala nganai, wata nunkangupini mitani ja bakana wata ngadani.
23593	MAT 12:35	Kana ngumujeli ngara ngumundru ngumula dunkalkai; kana madlentjali ngara madlentjandru madlentji dunkalkai.
23598	MAT 12:40	Ngangau worderu Jonas paru pirna mandrani ditji parkulu ja tinka parkulu nganana wonti, jeruja bakana Kanaia Ngatamura mita mandrani ditji parkulu ja tinka parkulu nganala nganai.
23601	MAT 12:43	Kutji murumuru kanandru matja dunkana, nau pitarani palkingai, wontina ngara ngamala, ja wata mankaman-kai.
23605	MAT 12:47	Kulno nunkangu jatana wonti: “Mai, ngandri jinkani ja ngatata jinkani palarani terkala wapaia ja jertapaterila Wapaia jinkangu ngankamalila.”
23629	MAT 13:21	Nau kapara pani nganai, a-ai, nau maraltja nganai. Ketjaketjana ja tirikaripaterina wokaranani jaurandru, nau wolja kalakalarila nganai.
23635	MAT 13:27	Ja pungaia kaparaia mili wora wokarana wonti ja jatana wonti nunkangu: “Kaparajai! wata jundru paua ngumu mitani jinkanani jaupana paraia? Woderindru nindri madlentji?”
23645	MAT 13:37	Nulu tanangu kalabana wonti: “Nulu paua ngumu jaupai, Nau Kanaia Ngatamura nganai;
23649	MAT 13:41	Kanaia Ngatamurajeli angala worana nunkani jinpala nganai ja nunkani mililandru kampala nganai tjikatjika pratjana, ja tanana madlentji ngankanietja.
23659	MAT 13:51	Jesus tanangu jatana wonti: “Jura tananapini pratjana ngundrana warai?” Tana nunkangu jatana wonti: “Kau, Kaparajai!”
23692	MAT 14:26	Ja milieli nina najina ngapani wapanani, tana japali pirna pantjina wonti jo jatana wonti: “Kutji Nauja nganai!” ja tana japali maritjina wonti.
23694	MAT 14:28	Petrujeli nunkangu kalabana wonti ja jatana wonii: “Kaparajai! Jidni ngananani, ngana karkamai, ngani jinkangu ngapani wokarananto.”
23695	MAT 14:29	Nau jatana wonti: “Kaparau!” Ja Petrus botandru ngarina wonti ja ngapani wapana wonti, Jesungu wokarala.
23696	MAT 14:30	Nulu watara pirna najina, nau japali pantjina wonti; ja nau nganana ngarina wonti kunakutila, nau maritjina wonti ja jatana wonti: “Käparajai, ngana kulkamai!”
23724	MAT 15:22	Ja mai, Canaan widla kulno nunkangupini wondirandru dunkana wonti ja maritjina wonti ja nunkangu jatana wonti: “Kaparajai, Davidani ngatamurajai! ngakangu kalumiltjamiltjariau; ngatani ngakani kutjieli pirna jupai.”
23727	MAT 15:25	Ja nani wokarana wonti ja nunkangu pantjaterkana ngarina wonti ja jatana wonti: “Kaparajai, ngakangu marangokau!”
23729	MAT 15:27	Nani jatana wonti: “Kau, Kaparajai; ja bakana kintalali buka worduwordu tajiai, kapara worani kurlindru pu-rinani.”
23744	MAT 16:3	Ja tankubana palkara: Karari ditjini talara wokarala nganai, ngangau pariwilpani nguramaralje pirna nganai, ja ngalpuru pantjiai. Jura kana jeljujelju! Pariwilpaia mudla jura kiri nganai ngujangujamala, windri miljaraia malka jura wata ngujangujamai.
23754	MAT 16:13	Jesus Cäsaraia Philippi mitani wokarana wonti, ja Nulu mili nunkani jekibana wonti ja jatana wonti: “Mina kana jatai, worana Kanaia Ngatamura nganai?”
23763	MAT 16:22	Ja Petrujeli nina tjirimalkana wonti, ja wonina wonti nina daudauala ja jatana wonti: “Ngamalkateriamai, Kaparajai, wata jenia jinkangu pantjinanto.”
23768	MAT 16:27	Ngangau wolja Kanaia Ngatamura Ngaperaia nunka-naia pirnalali wokarala nganai nunkani angela worangunto; ja ngadani Nulu warupotuni kalala jinkila nganai tanani ngankanandru.
23769	MAT 16:28	Morlalu ngani jurangu jatai: Tanangundru palpa ninkida terkala wapaia, tanalipini nari wata wontjala nganai, tanalia Kanaia Ngatamura mililani nunkanani wokaranani najinantulu.”
23773	MAT 17:4	Petrujeli kalabana wonti ja Jesungu jatana wonti: “Kaparajai, ninkida ngaianangu ngumu nganai; Jundru jenia ngantjai, ngaiani punga parkulu ninkida wotila nganai, jinkani kulno, Mosini kulno ja Eliani kulno.”
23778	MAT 17:9	Ja tana mardawanpandru ngarina tikana, Jesujeli tanana daudauana wonti ja jatana wonti: “Ninaia mudla wata kulnuni kaukaubanau, Kanaia Ngatamura narindru jiritjinantulu.”
23781	MAT 17:12	Ja ngani jurangu jatai: Elias matja wokarana warai, ja tanali nina wata ngujamana warai, a-ai, nunkangu ngankana warai, mina tana jertapaterina warai. Jeruja bakana Kanaia Ngatamura tanangundru ketjaketjala nganai.”
23784	MAT 17:15	Ja jatana wonti: “Kaparajai, ngatamurani ngakanani kalumiltjamiltjariau; ngangau nauwa pirala muntja nganai ja pirna ketjaketjai, ja pota marapu nauwa turuni puriai ja pota marapu ngapani.
23791	MAT 17:22	Tana Galilaiani wirarina, Jesus tanangu jatana wonti: “Tanali Kanaia Ngatamura kana marani ngulkujeli jinkila nganai.
23793	MAT 17:24	Tana Kapernaum ngurani wokarana, kalala kampa-nietja Petrungu wokarana wonti ja jatana wonti: “Jurani Ngujangujana jinkinietjali wata kalala jinkiai?”
23794	MAT 17:25	Nau jatana wonti: “Kau.” Ja nau pungani wirina Jesujeli nina ngaringana wonti ja jatana wonti: “Mina jun-dru ngundrai, Simoniai? Worangundru mitaia kaparali kalala pilki ja pilki maniai, tanani kupandru kara, tulandru kara?”
23803	MAT 18:7	Jakajai mitani karkarkanandru! Karkarkana kantji nganananto, ja jakajai nunkangupini kanani, nulu karkarkai.
23807	MAT 18:11	Ngangau Kanaia Ngatamura wokarana warai kulkala, mina tintaterina warai.
23808	MAT 18:12	Mina jura ngundrai? Kana kulnujeli 100 tjipi ngamalkanani ja kulno tanangundru tintaterinani, nulu wata 99 mardawonpani worarala nganai ja wapaia nganai, nina manila, nau tintaterina warai?
23817	MAT 18:21	Ngadani Petrus nunkangu wokarana wonti ja jatana wonti: “Kaparajai, worderuntja pota ngatatajeli ngakanali ngakangu madlentji ngankala nganai; ja worderuntja pota ngato madlentji nunkani worananto? Pota mara wora ja mandrumata?”
23822	MAT 18:26	Naupini mili nunkangu woraterina wonti ja ngatjina wonti nunkangu ja jatana wonti: “Kaparajai, manju ngana-mai ngakangu, ngato jinkangu warupoto jinkila nganai.”
23823	MAT 18:27	Kaparali nunkangu milini kalumiltjamiltjarina wonti ja nina kurakana wonti, ja poto wilpa nulu worani patana wonti.
23845	MAT 19:14	Jesus jatana wonti: “Kupa worani patanau, ja tana-naia wata daudauanau ngakangu wokarananto, ngangau tanangu pariwilpaia milila nganai.”
23857	MAT 19:26	Jesujeli tanana najina pararana wonti ja jatana wonti: “Kana ngandandariai ngarla Godata wata ngandandariai.” (Ngantjani-jaura Pauluni karitjini ditjini)
23859	MAT 19:28	Jesus tanangu jatana wonti: “Morlalu ngani jurangu jatai: Jura ngakangu karipaterina warai marra dankanani, Kanaia Ngatamura ngamanani pirnalaia pirini nunkanani, jura bakana pirnalaia pirini marapratjana ja mandruni ngamai a nganai, Juda kanaia kapara marapratjana ja mandruni kalala kurala.
23874	MAT 20:13	Nulu kalabana wonti ja tanangundru kulnuni jatana wonti: “Kamaneliai, ngato jinkangu wata tjikatjika ngankai; wata ngaldra talpadakijiribamalina warai mardatandra kulnuja?
23879	MAT 20:18	“Mai, ngaiana Jerusalemia tarala wapaia, ja tanali Kanaia Ngatamura Priesta pirnani ja jaura jmkinietjani ngulkujeli jinkila nganai, ja tanali ninaia naria kurala nganai.
23883	MAT 20:22	Jesujeli kalabana wonti ja jatana wonti: “Judla wata milkila, mina judla ngatjiai. Judla ngurunguru nganai, nunkangupini kokundru tapala, nunkangundru ngato tapananto; ja nina multibanila manila kara, nina multibanila ngato ma-ninanto?” Pudla nunkangu jatana wonti: “Kauna, ngali ngurunguru nganai.”