23223	MAT 1:10	Hiskiasali kantji patana wonti Manasse, Manassili kantji patana wonti Amon, Amonali kantji patana wonti Josia;
23228	MAT 1:15	Elmdali kantji patana wonti Eleasar, Eleasarali kantji patana wonti Matthan, Matthanali kantji patana wonti Jacob;
23229	MAT 1:16	Jacobali kantji patana wonti Joseph, Mariananka noa, nankangundru dankana wonti Jesus, tala nunkani Chris-tus.
23231	MAT 1:18	Jesus Christus dankana wonti jeruja: Maria, ngan-dri nunkani, matja talpadakaterina Josephangu, windrila pudla jela ngamala, nandru mankamankana wonti, nani man-drantju nganana wonti Jaolali kulikirieli.
23233	MAT 1:20	Nulu jenia ngundranani, mai, Godaia angela kulno ngapitjani nunkangu wondraterina wonti ja jatana wonti: “Josephajai, Davidani ngatamurajai, wata japali nganau, Maria, noa jinkani patala; ngangau mina nandru patana wa-rai, Jaola kulikirindru nganai.
23236	MAT 1:23	“Mai! ngameri kulno mandrantju nganala nganai, ja nandru knpa kanku kantji patala nganai, ja tanali tala nunkani dikala nganai “Emmanuel”, jenia wondrai: Goda-ngaia-nangunto.”
23249	MAT 2:11	Ja tana pungani matja wirina, tanali kupa waka najina wonti Mariangu, ngandrini nimkanani jela; ja tana pan-tjaterkana ngarina wonti nunkangu, ja tanali poto pirna pil-tana wonti, ja nunkangu poto jinkina wonti: Marda, maralje, kuli ngmmi ja kaldri pilki.
23263	MAT 3:2	Ja jatana wonti: “Madlentjandru karitjianau, ngangau pariwilpaia milila karakara nganai.”
23269	MAT 3:8	Madlentjandru karitjinaia tandra talku punkibanau!
23273	MAT 3:12	Marani nunkanani pirra nunkani parai, ja Nulu ji-raua nunkani darpala nganai, ja buka tandra nunkani kam-pani pungaia mapala nganai, ja ngurdi Nulu japila nganai turujeli, nau wata paliai.
23295	MAT 4:17	Jendranguta Jesujeli wonina wonti kaukaubala ja ja-tala: “Madlentjandru karitjianau, ngangau pariwilpaia milila karakara nganai.”
23304	MAT 5:1	Matja Nulu kana wolara najina, Nau mardawonpaia tarana wonti; ja Nau matja ngamana ngarina, mili nunkani nunkangu wokarana wonti.
23306	MAT 5:3	Murlali pirna, tana mungarali wangiwangi, ngangau pariwilpaia milila tanangu nganai.
23307	MAT 5:4	Murlali pirna, tana ngaurongauro, ngangau tanali ngan-kalkani manila nganai.
23308	MAT 5:5	Murlali pirna, tana malti nganai, ngangau tanali mita maru ngamalkala nganai.
23309	MAT 5:6	Murlali pirna, tana mauali ja tertieli nganai talkulaia, ngangau tana bulurila nganai.
23310	MAT 5:7	Murlali pirna, tana kalumiltjamiltjariai, ngangau tanangu kalumiltjamiltjarina nganala nganai.
23311	MAT 5:8	Murlali pirna, tana ngara kulikiri nganai, ngangau tanali Goda najila nganai.
23312	MAT 5:9	Murlali pirna-tana wadlietja, ngangau tanana tanali Godaia kupa dikala nganai.
23313	MAT 5:10	Murlali pirna tana, tanangu kana talkulandru tirika-ripateriai, ngangau tanangu pariwilpaia milila nganala nganai.
23314	MAT 5:11	Murlali pirna jura nganai, tanali jurana ngirkibanani ja tirikaripaterinani ja madlentji marapu jurangu jatanani jedinali ngakangundru.
23315	MAT 5:12	Mankianimai ja murlali ngananau, ngangau kalala jurani pirna nganai pariwilpani; ngangau jeruja tana bakana Propheta worangu, jurangu ngopera ngananala, tirikaripate-rina wonti.
23329	MAT 5:26	Morlalu ngani jinkangu jatai: “Jidni wata morla na-kandru dunkala nganai, jundru ngopera mudani marda jinki-nantulu.”
23332	MAT 5:29	Milki ngunarali jidna karkarkanani, ninaia dukarau ja worau jinkangundru; ngangau jinkangu ngumu nganai jinkani palku buru kulno tintananto, Nulia palku buru pratjana turuni woraiati.
23341	MAT 5:38	Jura matja ngarana, worderu Nauja jatana wonti: “Milki milkini, manatandra manatandrani.”
23342	MAT 5:39	Ja ngani jurangu jatai: “Madlentjani wata ngandra-walkaterianau, a-ai, warlenulu jidna ngadla ngunari nandrai, nunkangu bakana nguru jinkiteriau.
23353	MAT 6:2	Jundru kalumiltjamiltjarinali jinkinani, wata wima-ko-kujeli ngaiala ngankamai, kana jeljujeljujeli jeribaka, tanali jaura pungani ja paltuni jeruja ngankai, jendrania kanali tanana jurakokananto. Morlalu ngani jurangu jatai: “Tanali kalala tanani matja ngamalkai.”
23356	MAT 6:5	Ja jidni ngatjinani, wata kana jeljujelju jeribaka nga-namai, ngangau tanali ngantjai jaura pungani ja palto buruni terkana ngatjila, jendrania kanali tanana najinanto. Morlalu ngani jurangu jatai: “Tanali kalala tanani matja ngamalkai.”
23361	MAT 6:10	Milila jinkani wokaraiatimai; Jertapaterina jinkani pantjiatimai, worderu pariwilpani jeruja bakana mitani;
23363	MAT 6:12	Madlentji ngaianini woramai, worderu bakana ngaiani kana nguruja madlentji worala wapaia;.
23367	MAT 6:16	Jura milja ngamanani, jura wata kana jeljujelju jeribaka mujarinanto; ngangau tana mudla marki ngankateriai kanani, tana miljangamanietja wondraterinanto. Morlalu ngani jurangu jatai: “Tanali kalala tanani matja ngamalkai.”
23375	MAT 6:24	Kana kulno ngandandariai kapara mandruni mili nga-mala, nau kulnuni kalakalarila nganai, ja kulno nulu ngan-tjala nganai kara; kulnuni nau wodatarana ngamala nganai, ja kulnuni gilbarila nganai kara. Jura ngandandariai Godani ja Mammonani mili ngamala.
23382	MAT 6:31	Ngangau wata manujeli ngundraterianau ja jatanau: “Mina ngaiani tajila nganai kara? Mina ngaiani tapala nganai kara? Mina ngaiani widmaterila nganai kara?”
23385	MAT 6:34	Ngangau wata manujeli ngundranau tankubanaia; ngangau tankubana ditji munta manujeli ngundraterila nganai. Matja nganai, ditji pilki nauja pilkildra nunkani manujeli ngundraterinanto.
23388	MAT 7:3	Minandru jundru pita tiwitiwi ngatatani jinkanani milkini najiai, ja pita wondra milkini jinkanani jundru wata ngu-jamai?
23398	MAT 7:13	Manani wuldruni wirianau; ngangau mana maru nganai ja palto maru, nauja turuja wapai, ja marapu nunkangu-pini palkai.
23407	MAT 7:22	Marapu ngakangu jatala nganai nunkanguka ditjini: “Kaparajai! Kaparajai! wata ngaiani talani jinkanani talpa-dakana wonti? Wata ngaiani talani jinkanani kutji dunkal-kana wonti? Wata ngaiani talani jinkanani pirnala marapu ngankana wonti?”
23418	MAT 8:4	Ja Jesus jatana wonti nunkangu: “Mai, wata jundru jenia kanani kaukaubamai, a-ai, wapau, Priestani wondrate-riamai, ja nina poto jinkiau, nina Mosili jirijiribana wonti, tanangu malka nganananto.
23424	MAT 8:10	Jesujeli jenia matja ngarana, Nau ngaruparana wonti ja jatana wonti tanangu nunkangu karipaterinani: “Morlalu ngani jurangu jatai: Jenipara morlalu ngundrana ngato Isra-elani wata mankamankana warai.”
23425	MAT 8:11	Ja ngani jurangu jatai: “Marapu wokarala nganai ti-riwandru ja jendakarandru ja Abrahamangu ja Isaakangu ja Jakobangu jela pariwipaia mililani ngamala nganai,
23430	MAT 8:16	Matja kalkaurarina, tanali nunkangu kana kutjinto marapu wokaralkana wonti, ja Nulu jaurali kutji worana dimkalkana wonti, ja Nulu muntja pratjana tepi ngankana wonti.
23431	MAT 8:17	Ngangau morlalu pantjinanto, mina Jesaiasali Prophetali kaukaubana wonti, nau jatana wonti: “Muntali Nulu waltowalto ngaianani manina wonti, ja muntja ngaianani waltana wonti.”
23440	MAT 8:26	Ja Nau tanangu jatana wonti: “Minandru jura japali nganai, juru wuldrungundranietja?” Ngadani Nau terkakana wonti ja watarani ja pantuni dikidikibana wonti, ja dalpura pirna pantjina wonti.
23441	MAT 8:27	Ja kana ngaruparana wonti ja jatana wonti: “Mina kana Nauja nganai; ngangau watara ja panto nunkangu pan-kiji?”
23443	MAT 8:29	Ja mai, pudla maritjina wonti ja jatana wonti: “Mina ngaianingu ja jinkangu, Jesujai, Godaia Ngatamurajai? Jidni ninkida wokarana warai, ngaianingu jupala ditji talkuja woljaia?”
23450	MAT 9:2	Ja mai, tanali tjunduru kulno nunkangu wokaralkana wonti, nau turarani pirini paranani. Ja Jesujeli morlalu ngun-drana tanani matja najina, Nulu tjundurani jatana wonti: “Murlali nganamai, ngatamurajai, madlentji jinkani matja wo-rana warai!”
23452	MAT 9:4	Jesujeli ngundrana tanani matja, ngujamana, Nau jatana wonti: “Minandru jura jenia madlentji ngundrai ngarali juranali?
23453	MAT 9:5	Mina morla ngaua nganai jatala kara: “Madlentji jinkani matja worana;” jatala kara: “Terkakamai ja wirariau?”
23457	MAT 9:9	Ja Jesus nakandru wapana wonti, ja Nulu kana kulno najina wonti mardatandrakampanietjaia pungani ngamanani, tala nunkani Matthäus; ja Nau nunkangu jatana wonti: “Ngakangu karipateriau!” Ja nau terkakana wonti ja nunkangu karipaterina wonti.
23459	MAT 9:11	Ja jenia Pharisaiali matja najina, tana milini nunkanani jatana wonti: “Minandru ngujangujara jinkinietjali jura-nali mardatandrakampanietjani ja madlentji ngankamietjani jelali tajiai?”
23462	MAT 9:14	Jendranguta Johannini mili nunkangu wokarana wonti ja jatana wonti: “Minandru ngaiani ja Pharisaia pota marapu milja ngamai, ja mili jinkani wata milja ngamai?”
23470	MAT 9:22	Jesujeli najina karitjina wonti ja nana najina wonti ja jatana wonti: “Murlali nganamai, ngatamurajai! morlalu ngundranali jinkanali jidna tepi ngankana warai.” Ja widla tepirina wonti nunkangupini ditjini.
23488	MAT 10:2	Mili marapratjana ja mandruja tala tanapini nganai: “Ngopera Simon, nina tanali dikai “Petrus” ja Andreas, ngatata nunkani; Jakobus, Zebedäuni ngatamura, ja Johamies, ngatata nunkani;
23489	MAT 10:3	Philippus ja Bartholomäus; Thomas ja Matthäus mar-datandrakampanietja; Jakobus Alphäuni ngatamura, ja Leppäus, nina tanali dikai “Thaddäus”;
23494	MAT 10:8	Muntja tepi ngankanimai, kana gambanto kulikiri ngankanimai, kana nari jiritjibanimai, kutji dunkalkanimai; bakujeli jura matja manina, bakujeli jinkianimai.
23497	MAT 10:11	Mina ngura pirnani kara, ngura wakani kara jura matja wirina, wolja jakalkanau, worana nunkangu talku nganai; naka ngamanimai, jura puntilalu.
23501	MAT 10:15	Morlalu ngani jurangu jatai: “Sodoma ja Gomorra mitalali kalala morla waka manila nganai kalala ditjini nunkangupini ngurani.”
23502	MAT 10:16	Mai, ngato jurana jinpai tjipi jeribaka pandipandi mandrani; kiri ngananau tjutju jeribaka ja jedini pani mulapara jeribaka.
23510	MAT 10:24	Mili wata morla pirna nganai ngujangujara jinkinie-tjani, bakana ngankanietja wata morla pirna kaparani nunkanani.
23511	MAT 10:25	Milini matja nganai, nau ngujangujara jinkinietjani nunkanani jeribaka pantjinani, ja ngankanietjani kaparani nunkanani jeribaka. Tanali punga ngamalkanietja Beelsebub matja dikana, worderu morla pungaia ngurula nunkani?
23513	MAT 10:27	Mina ngani jurangu jatai ngalpurani, jenia kaukaubanimai praitjani; ja mina jura kurukuru ngarai talpali, jenia kaukaubanimai punga mangatandrani.
23535	MAT 11:7	Pudla tikanani, Jesujeli wonina wonti kana wolarani jatala Johanningundru: “Mina najila jura pitaraia palkana paraia? Kalanka kulno, watarali wijawijabanani?
23536	MAT 11:8	Mina najila jura palkana paraia? Kana kulno kati tjankanto? Mai, mitaia kaparaia pungani tanali ngamalkai kati tjanka.
23537	MAT 11:9	Mina najila jura palkana paraia? Propheta kulno? Morlalu ngani jurangu jatai: Nau morla pirna nganai Prophetani.
23538	MAT 11:10	Ngangau naupini nau nganai, nunkangundru dakanala parai: “Mai, ngato angela ngakani jinkangu mudlani ngopera jinpai, nulu palto jinkani jinkangu ngopera ngankingala nganai.”
23539	MAT 11:11	Morlalu ngani jurangu jatai: “Wata kulno tanangundru, widlandru dankanala, terkakana wonti morla pirna Jo-hanningu multibanietjani. Worananau morla waka nganai pariwilpaia mililani, nau morla pirna nganai nunkangu.”
23560	MAT 12:2	Pharisaiali jenia najina, tana nunkangu jatana wonti: “Mai, milieli jinkanali ngankai, jenia wata talku nganai Sabbat ditjini.”
23571	MAT 12:13	Ngadani Nau nunkangupini kanani jatana wonti: “Mara ngutateriau!” ja nau ngutaterina wonti, ja mara tepi pantjina wonti nguruni jeribaka.
23576	MAT 12:18	“Mai, Ngatamura ngakani, ninaia ngato kalkalkana wonti, ja Ngantjanipirna ngakani, worangu ngani mungara manju nganai; Ngato Jaola ngakani nunkangu kurala nganai, ja Nulia kana wolarani kalala kaukaubala nganai.
23583	MAT 12:25	Jesujeli ngundrana tanani matja ngujamana, Nau tanangu jatana wonti: “Milila pratjana, munta piltjaru ngankaterinani, pitaru jeribaka pantjila nganai, ja ngura ja punga pratjana, munta piltjaru ngankaterinani, wata terkala nganai.
23589	MAT 12:31	Jendrania ngani jurangu jatai: “Madlentji ja ngirkibani jaura pratjana Godali kanani kalingala nganai; windri Jaola ngirkibana Nulia wata kalingala nganai.
23600	MAT 12:42	Mitaia kapara widla kunankarindru terkakala nganai kalala ditjini nunkangupini ngujani jela ja tanangu ngulkuterkala nganai; ngangau nani mitaia wondirandru wokarana wonti, Salomoni kiri ngarala; ja mai, ninkida morla pirna nganai Salomongu.
23605	MAT 12:47	Kulno nunkangu jatana wonti: “Mai, ngandri jinkani ja ngatata jinkani palarani terkala wapaia ja jertapaterila Wapaia jinkangu ngankamalila.”
23611	MAT 13:3	Ja Nulu tanangu jaura marapu kaukaubana wonti jeribaka jaurali ja jatana wonti: “Mai, jaupanietja wapana wonti jaupala.
23618	MAT 13:10	Ja mili nunkani nunkangu wokarana wonti ja jatana wonti: “Minandru jidni tanangu jeribaka jaurali jatai?”
23624	MAT 13:16	Murlali pirna milki jurani nganai, ngangau tanalia najiai, ja talpa jurani, ngangau tanalia ngarai.
23633	MAT 13:25	Matja kana muka turaranani, talpala nunkani wokarana wonti, ja nulu paua madlentji jaupana wonti ngumuni terti, ja kutingana wonti.
23636	MAT 13:28	Nau tanangu jatana wonti: “Talpalali jenia ngankana paraia.” Mili nunkangu jatana wonti: “Jundru ngantjai, ngaiani wapananto, nina mulkana dukarala?”
23663	MAT 13:55	Naupini wata pita ngankanietjaia ngatamura nganai? Ja ngandri nunkani Maria? Ja ngatata nunkani Jakobus ja Joses ja Simon ja Judas?
23681	MAT 14:15	Matja kalkaurarina, mili nunkani nunkangu wokarana wonti ja jatana wonti: “Ninkida pitaru nganai ja ditji matja wirina; kana wolara jinpau, tanaia nguraia wapananto buka tanani burungankala.”
23693	MAT 14:27	Nurujeli Jesus tanangu jatana wonti: “Murlali nga-nanimai, ngani Nauja; wata japali ngananimai!”
23699	MAT 14:33	Tana kana botani wokarana wonti nunkangu pantjaterkana ngarila, ja jatana wonti: “Morlalu, Jidni Godaia Ngatamura nganai.”
23704	MAT 15:2	“Minandru milieli jinkanali pinaraia jirijiribani jaura dankarai? Ngangau tanali mara wata kulirkateriai buka tajila.”
23705	MAT 15:3	Nulu kalabana wonti ja tanangu jatana wonti: “Minandru jura Godaia jirijiribani jaura dankarai jurani jirijiribani jaurandru?”
23736	MAT 15:34	Ja Jesus tanangu jatana wonti: “Worderuntja buka ngunku jura ngamalkai?” Tana jatana wonti: “Mara wora ja mandrumata ja paru wakawaka ngalje.”
23741	MAT 15:39	Ja Nulu kana wolara matja jinpana, Nau botani wirina wonti, ja Magdalaia wondirani wokarana wonti.
23743	MAT 16:2	Nulu kalabana wonti ja tanangu jatana wonti: “Matja kalkaurarinani, jura jatai: Ditji ngumu nganala nganai ngangau pariwilpani kalkamaralje pirna nganai.
23749	MAT 16:8	Jesujeli jenia matja ngujamana, Nau tanangu jatana wonti: “Minandru jura ngankamaliai, jura wuldrungundranietja, ngangau jura wata buka padakana warai?
23754	MAT 16:13	Jesus Cäsaraia Philippi mitani wokarana wonti, ja Nulu mili nunkani jekibana wonti ja jatana wonti: “Mina kana jatai, worana Kanaia Ngatamura nganai?”
23756	MAT 16:15	Nau tanangu jatana wonti: “Mina jura jatai, worana ngani nganai?”
23758	MAT 16:17	Ja Jesujeli kalabana wonti ja nunkangu jatana wonti: “Murlali pirna jidni nganai, Simon, Jonani ngatamura; ngangau palkujeli ja kumarali jinkangu jenia wata tinkari ngankana warai, a-ai, Ngaperali ngakanali pariwilpani.
23767	MAT 16:26	Jenia kanani ngumu nganai kara, nulu mita maru maninani, ja mungara tintaterinani? Mina kalala kanali jinkinanto kara mungarani nunkanani?
23769	MAT 16:28	Morlalu ngani jurangu jatai: Tanangundru palpa ninkida terkala wapaia, tanalipini nari wata wontjala nganai, tanalia Kanaia Ngatamura mililani nunkanani wokaranani najinantulu.”