23214	MAT 1:1	Pantjipantjini-jaura Jesu Christungundru, Davidani nga-tamuraia, Abrahamani ngatamuraia;
23216	MAT 1:3	Judali kantji patana wonti Phares ja Zara Thamarangun-dru, Pharesali kantji patana wonti Esrom, Esromali kantji patana wonti Aram;
23235	MAT 1:22	Jenia pratjana pantjina wonti, ngangau morlalu pan-tjinanto, mina Prophetali Kaparandru kaukaubana wonti, nau jatana wonti:
23242	MAT 2:4	Ja nulu kana wolaraia Priesta pirna ja jaura jinki-nietja pratjana kampana wonti ja tanana jekijekibana wonti, woderi Christus dankananto.
23243	MAT 2:5	Ja tana nunkangu jatana wonti: “Bethlehemingu Ju-daiani”; ngangau jeruja Prophetali dakana wonti:
23246	MAT 2:8	Ja nulu tanana Bethlehemia jinpana wonti ja jatana wonti: “Palkanimai ja kupa parparali wontianau, ja jura nina matja mankamankana, ngakangu jaura tikalkanau, ngani ba-kana wokarananto nunkangu pantjaterkana ngarila.”
23253	MAT 2:15	Ja nau naka ngamana wonti Herodes palinantulu, ngangau morlalu pantjinanto, mina Prophetali Kaparandru kaukaubana wonti, nau jatana wonti: “Egypta mitandru ngato Ngatamura ngakani karkana wonti.”
23255	MAT 2:17	Jendranguta morlalu pantjina wonti, mina Jeremiasili Prophetali kaukaubana wonti, nau jatana wonti:
23261	MAT 2:23	Ja nau wokarana wonti ja ngamana wonti ngura kulnuni, tala nunkani Nazareth; ngangau morlalu pantjinanto Prophetaia jaura: “Tanali nina Nazarethala dikala nganai.”
23264	MAT 3:3	Naupini nau nganai, nunkangundru Jesaiasali Prophetali kaukaubana wonti; “Karkanietjaia ngaiala pitarani parai: Kaparaia palto ngankinganimai, ja tidha-palto nunkani talku ngankanimai.”
23268	MAT 3:7	Nulu Pharisaiala ja Sadduzaiala marapu nunkani mul-tibanilaia wokaranani najina, nau tanangu jatana wonti: “Wiparaia kuparu worajai! warlenulu jurangu wondrana wa-rai japa mindrinanto tirini nunkanani, nau wokarala nganai?”
23271	MAT 3:10	Kalara matja pita kaparani parai; Pita pratjana, wata tandra ngumu punkibanani, wokaribala nganai ja turuni worala nganai.
23292	MAT 4:14	Ngangau morlalu pantjinanto, mina Jesaiasali Prophe-tali kaukanbana wonti, nau jatana wonti:
23296	MAT 4:18	Jesus Galilaia pantuni dirkalani wirarina wonti, ja Nulu neji mara wulana najina wonti, Simon, nina talali dikai Petrus, ja Andreas ngatata nunkani; pudlali jama pantuni worana wonti, ngangau pudla paru maninietja nganana wonti.
23298	MAT 4:20	Pudlali nurujeli jama worarana wonti ja nunkangu karipaterina wonti.
23300	MAT 4:22	Pudlali nurujeli bota ja ngaperi pudlani worarana wonti ja nunkangu karipaterina wonti.
23315	MAT 5:12	Mankianimai ja murlali ngananau, ngangau kalala jurani pirna nganai pariwilpani; ngangau jeruja tana bakana Propheta worangu, jurangu ngopera ngananala, tirikaripate-rina wonti.
23320	MAT 5:17	Wata ngundranau, ngani wokarana warai jirijiribani-jaura kara, Prophetaia jaura kara dukarala, a-ai, ngani wata wokarana warai, ninaia dukarala, windri morlalu kurala.
23321	MAT 5:18	Ngangau morlalu ngani jurangu jatai: “Pariwilpa ja mita maru mudanantulu, wata tiwi kulno kara, malka waka-waka kulno kara jirijiribani jaurandru mudala nganai, jenia pratjana morlalu pantjinantulu.”
23323	MAT 5:20	Ngangau ngani jurangu jatai: “Talkula jurani wata morla ngumu ngananani jaura jinkinietjaia ja Pharisaiaia, jura morlalu wata pariwilpaia mililani wirila nganai.”
23371	MAT 6:20	Poto kampanimai pariwilpani, tanana kakatjieli ja karumurujeli wata tidatida ngankai, ja kurikantjieli bulu bakujai ja wata kurieli maniai.
23373	MAT 6:22	Palkuja praitji milki nganai. Jidni milki manju ngananani, jidni palku buru pratjana praitji ngananani.
23374	MAT 6:23	Jidni milki madlentji ngananani, jidni palku buru pratjana ngalpuru ngananani. Praitji jinkangu ngalpuru ngananani, worderu pirna ngalpuru munta?
23377	MAT 6:26	Paia najianau ngaranani, tanalia wata jaupai ja kam-pai ja wata mapai kampani pungani, ja Ngaperali juranali pariwilpani tanangu buka jinkiai. Wata jura morla pirna nganai tanangu?
23397	MAT 7:12	Pratjana, mina jura ngantjai, kanali jurangu nganka-nanto, jenia bakana tanangu ngankanau; naupini jirijiribani jaura ja Prophetaia nganai.
23400	MAT 7:15	Jedikantji Prophetandru ngamalkaterianau; tjipi kati-eli tana jurangu wokarai, ja mandrani tana pandipandi pu-ranietja nganai.
23403	MAT 7:18	Pita nindri ngumu ngandandariai tandra madlentji punkibala, ja pita nindri madlentji ngandandariai tandra ngumu punkibala.
23404	MAT 7:19	Pita nindri pratjanali wata tandra ngumu punkiba-nani, tanali wokaribala nganai ja turuni worala nganai.
23418	MAT 8:4	Ja Jesus jatana wonti nunkangu: “Mai, wata jundru jenia kanani kaukaubamai, a-ai, wapau, Priestani wondrate-riamai, ja nina poto jinkiau, nina Mosili jirijiribana wonti, tanangu malka nganananto.
23428	MAT 8:14	Ja Jesus Petruni pungani wirina wonti, ja Nulu pai-ara nunkani najina wonti, nani paranani muntja turuturu.
23431	MAT 8:17	Ngangau morlalu pantjinanto, mina Jesaiasali Prophetali kaukaubana wonti, nau jatana wonti: “Muntali Nulu waltowalto ngaianani manina wonti, ja muntja ngaianani waltana wonti.”
23459	MAT 9:11	Ja jenia Pharisaiali matja najina, tana milini nunkanani jatana wonti: “Minandru ngujangujara jinkinietjali jura-nali mardatandrakampanietjani ja madlentji ngankamietjani jelali tajiai?”
23462	MAT 9:14	Jendranguta Johannini mili nunkangu wokarana wonti ja jatana wonti: “Minandru ngaiani ja Pharisaia pota marapu milja ngamai, ja mili jinkani wata milja ngamai?”
23472	MAT 9:24	“Piri pinianimai; ngangau mankara wata nari, a-ai, windri mukaturarai.” Ja tana kinkana wonti nunkangu.
23476	MAT 9:28	Nau pungani wirinani, butju wulu nunkangu wokarana wonti, ja Jesus pudlangu jatana wonti: “Judla morlalu ngundrai, ngani ngurunguru nganai, jenia ngankala”? Pudla nunkangu jatana wonti: “Kau, Kaparajai!”
23479	MAT 9:31	Pudla dunkana wonti ja nunkangundru kaukaubana wonti nunkangupini mitani paruparu.
23480	MAT 9:32	Pudla puntinani, mai, tanali nunkangu kana ngapu kutjinto wokaralkana wonti.
23482	MAT 9:34	Pharisaia jatana wonti: “Nulia kutji dunkalkai kutjia kaparali.”
23488	MAT 10:2	Mili marapratjana ja mandruja tala tanapini nganai: “Ngopera Simon, nina tanali dikai “Petrus” ja Andreas, ngatata nunkani; Jakobus, Zebedäuni ngatamura, ja Johamies, ngatata nunkani;
23489	MAT 10:3	Philippus ja Bartholomäus; Thomas ja Matthäus mar-datandrakampanietja; Jakobus Alphäuni ngatamura, ja Leppäus, nina tanali dikai “Thaddäus”;
23493	MAT 10:7	Wapanau ja kaukaubanimai, ja jatanimai: “Pariwilpaia milila karakara nganai.”
23499	MAT 10:13	Punga kara talku ngananani, murla jurani nunkangupini wokarananto, nau wata talku kara ngananani, murla jurani jurangu karitjina tikananto.
23527	MAT 10:41	Warle Propheta kulno patai Prophetaia talani, nulu Prophetaia kalala manila nganai; ja warle kana talku patai kana talkuja talani, nulu kana talkuja kalala manila nganai.
23535	MAT 11:7	Pudla tikanani, Jesujeli wonina wonti kana wolarani jatala Johanningundru: “Mina najila jura pitaraia palkana paraia? Kalanka kulno, watarali wijawijabanani?
23537	MAT 11:9	Mina najila jura palkana paraia? Propheta kulno? Morlalu ngani jurangu jatai: Nau morla pirna nganai Prophetani.
23541	MAT 11:13	Ngangau Propheta worali ja jirijiribani jaurali Jo-hanningulu talpadakana wonti;
23557	MAT 11:29	Pita wokara ngakani manianimai, ja ngakangundru kiririanau, ngangau ngani malti ja ngarali waka ngundrateriai, ja jura mankamankala nganai mungara ngara ngamala.
23560	MAT 12:2	Pharisaiali jenia najina, tana nunkangu jatana wonti: “Mai, milieli jinkanali ngankai, jenia wata talku nganai Sabbat ditjini.”
23562	MAT 12:4	Worderu nau Godaia pungani wirina wonti ja wondra-ni buka tajina wonti, tanana tajila nunkangu ja tanangu nunkangunto wata manuni kuranala, a-ai, windri Priestani?
23563	MAT 12:5	Jura wata warapanala jirijiribani jaurani, worderu Sabbat ditjini Priestali Godaia pungani Sabbat wokaribai, ja madlentji pani nganai?
23572	MAT 12:14	Pharisaia dunkana wonti ja ngankamalina wonti, worderu nina nandrala.
23575	MAT 12:17	Ngangau morlalu pantjinanto, mina Jesaiasali Prophetali kaukaubana wonti, nau jatana wonti:
23582	MAT 12:24	Pharisaiali jenia matja ngarana, tana jatana wonti: “Nulupini kutji windri Beelsebub, kutjia kaparali dunkalkai.”
23591	MAT 12:33	Pita nindri ngumu kuranau, ja tandra nunkani ngumu; pita nindri madlentji kuranau, ja tandra nunkani madlentji; ngangau tandrani jura pita nindri ngujamai.
23596	MAT 12:38	Jendranguta jaura jinkinietja ja Pharisaia palpali nunkangu kalabana wonti ja jatana wonti: “Ngujangujara jinkinietjajai, ngaiani ngantjai malka jinkangundru najila.”
23597	MAT 12:39	Nulu kalabana wonti ja tanangu jatana wonti: “Nguja madlentjali ja palakantjieli malka wontiai, ja tanali wata malka manila nganai, windri Prophetaia Jonani malka.
23625	MAT 13:17	Ngangau morlalu ngani jurangu jatai: “Propheta ja kana talku marapu wolkareli nganana wonti najila, mina jura najila wapaia, ja tanali jenia wata najina wonti, ja ngarala, mina jura ngarala wapaia, ja tanali jenia wata ngarana wonti.”
23632	MAT 13:24	Jeribaka jaura nguru Nulu tanangu kurana wonti ja jatana wonti: “Pariwilpaia milila kana kulno jeribaka nganai, nulu paua ngumu mitani nunkanani jaupana wonti.
23637	MAT 13:29	Nau jatana wonti: “Pani; buka kanta jura bakana dukaraiati, nindri madlentji dukarana.
23638	MAT 13:30	Pudla wolja jela punkananto kampani ditjielu, ja kampani ditjini ngani kampanietjani jatala nganai: Ngopera nindri madlentji kampanau, ja kuma ngankanau, nina turujeli japila; ja buka tandra kampani pungani ngakanani mapani-mai.””
23639	MAT 13:31	Jeribaka jaura nguru Nulu tanangu kurana wonti ja jatana wonti: “Pariwilpaia milila tandra wakawaka jeribaka nganai, ninapini kana kulnujeli manina wonti ja mitani nun-kanani jaupana wonti.
23641	MAT 13:33	Jeribaka jaura nguru Nau tanangu jatana wonti: “Pariwilpaia milila pulkurutjeribani buka jeribaka nganai, nina widla kulnujeli manina wonti ja duldruwana wonti koko pirna parkulu buka turarani, nau pulkurutjeranantulu.”
23643	MAT 13:35	Ngangau morlalu pantjinanto, mina Prophetali kaukaubana wonti, nau jatana wonti: “Ngani mana wilparila nganai jeribaka jaurali, ngato kaukaubala nganai, mina kuru-kuru nganana wonti mita pantjimanandru.”
23665	MAT 13:57	Ja tana nunkangu kuterina wonti. Ja Jesus tanangu jatana wonti: “Propheta wata waka nganai, windri ngura ka-manelini ja pungani nunkanani.”
23669	MAT 14:3	Ngangau Herodili Johannes patana wonti ja dupudupu ngankana wonti ja nina kanjangari pungani widmana wonti, Herodias Philippuni ngatataia nunkanaia noandru.
23671	MAT 14:5	Nulu ngantjana wonti, nina nari ngankala, windri nau japali nganana wonti kana wolarandru; ngangau tanali nina Propheta ngundrana wonti.
23694	MAT 14:28	Petrujeli nunkangu kalabana wonti ja jatana wonii: “Kaparajai! Jidni ngananani, ngana karkamai, ngani jinkangu ngapani wokarananto.”
23695	MAT 14:29	Nau jatana wonti: “Kaparau!” Ja Petrus botandru ngarina wonti ja ngapani wapana wonti, Jesungu wokarala.
23703	MAT 15:1	Ngadani Pharisaia ja jaura jinkinietja Jerusalemingundru Jesungu wokarana wonti ja jatana wonti:
23707	MAT 15:5	Ja jura jatai: “Worana npaperani kara ngandrini kara jatai: Poto ngumu ngato jinkiai, mina jinkangu ngumu nganai, nina jundru ngakangundru maninanto;” ja nulu ngaperi nunkani kara, ngandri nunkani kara, wata pirna ngundrananto.”
23714	MAT 15:12	Jendranguta mili nunkani wokarana wonti ja nunkangu jatana wonti: “Jidni milkila, Pharisaiali ninaia jaura matja ngarana, tana kalakalarina warai?”
23717	MAT 15:15	Petrujeli kalabana wonti ja nunkangu jatana wonti: “Ninapini jeribaka jaura ngaianingu mildiri ngankamai.”
23742	MAT 16:1	Ja Pharisaia ja Sadducaia wokarana wonti nina won-tjala, ja nunkangu ngatjina wonti, Nulu tanangu malka kulno pariwilpandru wondrananto.
23744	MAT 16:3	Ja tankubana palkara: Karari ditjini talara wokarala nganai, ngangau pariwilpani nguramaralje pirna nganai, ja ngalpuru pantjiai. Jura kana jeljujelju! Pariwilpaia mudla jura kiri nganai ngujangujamala, windri miljaraia malka jura wata ngujangujamai.
23745	MAT 16:4	Nguja madlentjali ja pinta wokaribanietjali ngantjai malka kulno; ja tanalia wata malka manila nganai, windri Prophetaia Jonani malka.” Ja Nulu tanana worarana kurana wonti ja wapana wonti.
23747	MAT 16:6	Jesus tanangu jatana wonti: “Najianau ja ngamalka-terianau Pharisaiaia ja Sadducaiaia pulkurutjeribani bukan-dru.”
23752	MAT 16:11	Worderu jura bulu ngujamai, ngani wata bukandru jatana warai, jurangu jatana: Jura ngamalkaterinanto Pharisaiaia ja Sadducaiaia pulkurutjeribani bukandru?”
23753	MAT 16:12	Jendranguta tanali ngujamana wonti, Nau wata jatana warai, tana ngamalkaterinanto bukaia pulkurutjeribani bukandru, a-ai, Pharisaiaia ja Sadducaiaia ngujangujarandru. (Ngantjani-jaura Petruni ja Pauluni ditjini)
23754	MAT 16:13	Jesus Cäsaraia Philippi mitani wokarana wonti, ja Nulu mili nunkani jekibana wonti ja jatana wonti: “Mina kana jatai, worana Kanaia Ngatamura nganai?”
23755	MAT 16:14	Tana jatana wonti: “Palpa jatai: Jidni Johannes multibanietja, palpa Elias, palpa Jeremias kara Propheta kulno kara.”
23757	MAT 16:16	Simon Petrujeli kalabana wonti ja jatana wonti: “Jidni Christus nganai, Godaia tepia Ngatamura,”
23759	MAT 16:18	Ja ngani bakana jinkangu jatai: Jidni Petrus nganai, ja nunkangupini marda tulurani ngato milila ngakani wotila nganai, ja turu manali nina wata kalalu ngankala nganai.
23762	MAT 16:21	Jendranguta Jesujeli wonina wonti, milini nunkanani wondraterila, Nau Jerusalemia wapananto ja pinaru wora-ugundru ja Priesta pirnandru ja jaura jinkinietjandru pirna ketjaketjananto, ja tanali nina nari ngankananto, ja Nau ditjini parkulani nakaldra jiritjinanto.
23763	MAT 16:22	Ja Petrujeli nina tjirimalkana wonti, ja wonina wonti nina daudauala ja jatana wonti: “Ngamalkateriamai, Kaparajai, wata jenia jinkangu pantjinanto.”
23764	MAT 16:23	Nau karitjina wonti ja Petrungu jatana wonti: “Nga-kangu ngadaia nganamai, Satanajai! jundru ngana ngandrawalkai; ngangau jundru wata ngundrai, mina Godaia nganai, a-ai, windri mina kanaia.”
23770	MAT 17:1	Ditji mara wora ja kulnuni Jesujeli Petrus ja Jakobus ja Johannes ngatata nunkani patana wonti, ja tanana pilki taralkana wonti mardawonpa pirnaia miri.
23773	MAT 17:4	Petrujeli kalabana wonti ja Jesungu jatana wonti: “Kaparajai, ninkida ngaianangu ngumu nganai; Jundru jenia ngantjai, ngaiani punga parkulu ninkida wotila nganai, jinkani kulno, Mosini kulno ja Eliani kulno.”
23793	MAT 17:24	Tana Kapernaum ngurani wokarana, kalala kampa-nietja Petrungu wokarana wonti ja jatana wonti: “Jurani Ngujangujana jinkinietjali wata kalala jinkiai?”
23795	MAT 17:26	Petrus nunkangu jatana wonti: “Tulandru.” Jesus nunkangu jatana wonti: “Jeruja kupa baku nganai.
23817	MAT 18:21	Ngadani Petrus nunkangu wokarana wonti ja jatana wonti: “Kaparajai, worderuntja pota ngatatajeli ngakanali ngakangu madlentji ngankala nganai; ja worderuntja pota ngato madlentji nunkani worananto? Pota mara wora ja mandrumata?”
23834	MAT 19:3	Ja Pharisaia nunkangu wokarana wonti nina wontjala, ja nunkangu jatana wonti: “Jenia talku nganai kana kulnuni, noa nunkani worarala ngankana pilki ja pilkindru?”
23835	MAT 19:4	Nulu tanangu kalabana wonti ja jatana wonti: “Jura wata warapana warai, Pantjimanipirnali tanana ngopera materi ja widla pantjimana wonti,