23216	MAT 1:3	Judali kantji patana wonti Phares ja Zara Thamarangun-dru, Pharesali kantji patana wonti Esrom, Esromali kantji patana wonti Aram;
23247	MAT 2:9	Tanali mitaia kapara matja ngarana, tana palkana wonti. Ja mai, ditji waka nina tanali tiriwa najinala, ta-nangu ngopera wapana wonti, nau wokaranantulu miri ban-bala, woderi kupa nganana wonti.
23248	MAT 2:10	Tanali nina ditji waka najina, tana murlali pirna mankina wonti;
23251	MAT 2:13	Tana matja puntina, mai, Kaparaia angela kulno Josephangu ngapitjani wondraterina wonti ja jatana wonti: “Jiritjiau ja kupa ja ngandri nunkani manina kurau ja kuri-kariau Egypta mitaia, ja naka ngamamai, ngani jinkangu ja-tanantulu; ngangau Herodes jertapateriai kupa wontila nina-para nandrala.”
23261	MAT 2:23	Ja nau wokarana wonti ja ngamana wonti ngura kulnuni, tala nunkani Nazareth; ngangau morlalu pantjinanto Prophetaia jaura: “Tanali nina Nazarethala dikala nganai.”
23262	MAT 3:1	Tanangupini ditjini. Johannes multibanietja wokarana wonti ja Judaia pitarani jaura jinkina wonti,
23287	MAT 4:9	Ja nunkangu jatana wonti: “Tananapini warupoto ngato jinkangu jinkila nganai, jidni ngakangu pantjaterkana ngarinani ngatjila.”
23318	MAT 5:15	Tanali wata praitji miribai ja kokuni ngarinalu widmai, a-ai, praitjaia potuni, ja nau pratjanani mintjiai, tana pungani ngamanani.
23323	MAT 5:20	Ngangau ngani jurangu jatai: “Talkula jurani wata morla ngumu ngananani jaura jinkinietjaia ja Pharisaiaia, jura morlalu wata pariwilpaia mililani wirila nganai.”
23347	MAT 5:44	Ja ngani jurangu jatai: “Talpala jurani ngantjanimai; tanali jurangu kalala madlentji kuranani, tanangu kalala ngumu kuranau; tana jurangu kalakalarinani, tanangu ngumu ngankanimai; tanali jurana ngirkibanani ja jurangu tirikari-paterinani, tanangundru ngatjianimai.
23351	MAT 5:48	Talku ngananau worderu Ngaperi jurani pariwilpani talku nganai.
23353	MAT 6:2	Jundru kalumiltjamiltjarinali jinkinani, wata wima-ko-kujeli ngaiala ngankamai, kana jeljujeljujeli jeribaka, tanali jaura pungani ja paltuni jeruja ngankai, jendrania kanali tanana jurakokananto. Morlalu ngani jurangu jatai: “Tanali kalala tanani matja ngamalkai.”
23356	MAT 6:5	Ja jidni ngatjinani, wata kana jeljujelju jeribaka nga-namai, ngangau tanali ngantjai jaura pungani ja palto buruni terkana ngatjila, jendrania kanali tanana najinanto. Morlalu ngani jurangu jatai: “Tanali kalala tanani matja ngamalkai.”
23360	MAT 6:9	Jeruja ngatjianau: “Ngaperi ngaianini, jidni pariwilpani ngamala wapaia; Tala jinkani kulikiri pantjiatimai;
23367	MAT 6:16	Jura milja ngamanani, jura wata kana jeljujelju jeribaka mujarinanto; ngangau tana mudla marki ngankateriai kanani, tana miljangamanietja wondraterinanto. Morlalu ngani jurangu jatai: “Tanali kalala tanani matja ngamalkai.”
23399	MAT 7:14	Ngangau mana wuldru nganai ja palto wuldru, nauja tepini wiriai, ja ngalje nganai, tanali ninapini mankamankai. (Ngantjani-jaura G. D. VIII. Trinitatis)
23401	MAT 7:16	Tanani tandrani jura tanana ngujamananto. Kanali bakana waina tandra kampala nganai dilkandru ja manawa-ra dieltjirundru?
23427	MAT 8:13	Ja Jesus jatana wonti juljaia kaparani: “Tikamai; worderu jundru morlalu ngundrana warai, jeruja jinkangu nganaiatimai.” Ja mili nunkani tepirina wonti nunkangupini ditjini.
23444	MAT 8:30	Tanangu worita piki ngami pirna marakana wonti.
23453	MAT 9:5	Mina morla ngaua nganai jatala kara: “Madlentji jinkani matja worana;” jatala kara: “Terkakamai ja wirariau?”
23454	MAT 9:6	Ja jura ngujamananto, Kanaia Ngatamurajeli ngurula ngamalkai, mitani madlentji worala,” — Nau tjundurani jatana wonti: “Terkakamai, turarani piri jinkani patau, ja pun-gaia jinkanaia tikamai.”
23465	MAT 9:17	Ja tanali wata waina marra jungani womalani kura-rai; junga purateriati, ja waina ngakaiati, ja junga tintateri-ati; a-ai, tanali waina marra junga marrani kurarai ja pud-lana jelalu kulkai.” (Ngantjani-jaura G. D. XXIV. Trmitatis)
23489	MAT 10:3	Philippus ja Bartholomäus; Thomas ja Matthäus mar-datandrakampanietja; Jakobus Alphäuni ngatamura, ja Leppäus, nina tanali dikai “Thaddäus”;
23491	MAT 10:5	Tananapini marapratjana ja mandru Jesujeli jinpana wonti, ja Nulu tanangu jirijiribana wonti ja jatana wonti: “Kana koja paltuni jura wata wapananto, ja Samarita ngurani jura wata wirinanto;
23505	MAT 10:19	Tanali jurana ngulkujeli jinkinani, wata manujeli ngundranau, worderu kara, mina kara jura jatananto; ngangau Nulia jurangu nunkangupini ditjini jinkila nganai, mina jura jatananto,
23509	MAT 10:23	Tana jurangu tirikaripaterinani ngura kulnuni ngura nguruja mindrianau. Ngangau morlalu ngani jurangu jatai: “Jura Israelaia ngura pratjana wata mudala nganai Kanaia Ngatamura wokaranantulu.”
23511	MAT 10:25	Milini matja nganai, nau ngujangujara jinkinietjani nunkanani jeribaka pantjinani, ja ngankanietjani kaparani nunkanani jeribaka. Tanali punga ngamalkanietja Beelsebub matja dikana, worderu morla pungaia ngurula nunkani?
23515	MAT 10:29	Tanali wata tiwilitja mandru mardatandra Wakawaka kulnundru jinkimaliai? Ja wata kulno tanangundru mitani purila nganai jurani Ngaperani panini.
23532	MAT 11:4	Jesujeli kalabana wonti ja jatana wonti pudlangu: “Tikalumai, ja Johanningu kaukaubalumai, mina judla najila wapaia ja ngarala wapaia:
23544	MAT 11:16	Worangu ngato ninapini nguja jeribaka kurananto? Tanaia kupa wakani jeribaka nganai, tana jinkimalini pirini ngamai ja kamaneli tanani karkai
23549	MAT 11:21	“Jakajai jinkangu Choraziniai! jakajai jinkangu Bethsaidajai! ngangau Tyrus ja Sidon ngurani jenia pirnala panjinani, judlangu pantjinala, pudla nurujeli kati murumurunto ja turuputani madlentjandru karitjinanto.
23550	MAT 11:22	Ja ngani judlangu jatai: “Tyrus ja Sidon ngurali kalala ditjini kalala morla waka manila nganai judlangu.”
23622	MAT 13:14	Ja tanangu morlalu pantjiai Jesaiasani talpadakani jaura, nau jatana wonti: “Talpali jura ngarala nganai ja bulu ngundrala nganai, ja milkieli jura najila nganai ja bulu najila nganai.
23636	MAT 13:28	Nau tanangu jatana wonti: “Talpalali jenia ngankana paraia.” Mili nunkangu jatana wonti: “Jundru ngantjai, ngaiani wapananto, nina mulkana dukarala?”
23642	MAT 13:34	Tananapini pratjana Jesus kana wolarani jeribaka jaurali jatana wonti, ja jeribaka jaura panini Nau wata tanangu jatana wonti.
23647	MAT 13:39	Talpalali, nulu jenia jaupana, nau kutji madlentji nganai; kampani ditji mita mudani nganai; kampanietja angela wora nganai.
23659	MAT 13:51	Jesus tanangu jatana wonti: “Jura tananapini pratjana ngundrana warai?” Tana nunkangu jatana wonti: “Kau, Kaparajai!”
23667	MAT 14:1	Tanangupini ditjini Herodes, mitaia kapakaparali, piriti Jesungundru ngarana wonti,
23682	MAT 14:16	Jesus tanangu jatana wonti: “Tanaia wata wapananto; jura tanangu buka jinkianau.”
23683	MAT 14:17	Tana nunkangu jatana wonti: “Ngaiani ninkida windri buka ngunku mara wora ja paru mandru ngamalkai.”
23699	MAT 14:33	Tana kana botani wokarana wonti nunkangu pantjaterkana ngarila, ja jatana wonti: “Morlalu, Jidni Godaia Ngatamura nganai.”
23710	MAT 15:8	“Tanapini kana wolara manali ngakangu wokarai ja manamimieli ngana pirna ngundrai, ja tanani ngara ngakangu worita nganai.
23716	MAT 15:14	Tana worani; ngangau tana butjuja palto wondra-nietja ja munta butju nganai; butjujeli butjuni palto wondra-nani, pudla kutuni purila nganai.”
23722	MAT 15:20	Tanalipini kana murumuru ngankai; mara murumurujeli tajina wata kana murumuru ngankai.”
23723	MAT 15:21	Ja Jesus nakandru wapana wonti ja kutingana wonti Tyrus ja Sidon mitaia.
23736	MAT 15:34	Ja Jesus tanangu jatana wonti: “Worderuntja buka ngunku jura ngamalkai?” Tana jatana wonti: “Mara wora ja mandrumata ja paru wakawaka ngalje.”
23748	MAT 16:7	Tana ngankamalina wonti ja jatana wonti: “Jenia Nauja jatai, ngangau ngaiana wata buka padakana warai.”
23755	MAT 16:14	Tana jatana wonti: “Palpa jatai: Jidni Johannes multibanietja, palpa Elias, palpa Jeremias kara Propheta kulno kara.”
23769	MAT 16:28	Morlalu ngani jurangu jatai: Tanangundru palpa ninkida terkala wapaia, tanalipini nari wata wontjala nganai, tanalia Kanaia Ngatamura mililani nunkanani wokaranani najinantulu.”
23791	MAT 17:22	Tana Galilaiani wirarina, Jesus tanangu jatana wonti: “Tanali Kanaia Ngatamura kana marani ngulkujeli jinkila nganai.
23793	MAT 17:24	Tana Kapernaum ngurani wokarana, kalala kampa-nietja Petrungu wokarana wonti ja jatana wonti: “Jurani Ngujangujana jinkinietjali wata kalala jinkiai?”
23795	MAT 17:26	Petrus nunkangu jatana wonti: “Tulandru.” Jesus nunkangu jatana wonti: “Jeruja kupa baku nganai.
23806	MAT 18:10	Ngamalkaterianau, jura kulno tanangundru wakawaka waka ngundraiati; ngangau ngani jurangu jatai: Tanani angelali pariwilpani milingera ngakani Ngaperi mudla pariwilpani najila wapaia.
23838	MAT 19:7	Tana nunkangu jatana wonti: “Minandru Mosili jirijiribana wonti, puntibani dakani jaura jinkila ja nana worarala?”
23851	MAT 19:20	Teri nunkangu jatana wonti: “Jenia pratjana ngato ngamalkai kupandru; mina ngato morla ngankananto?”
23853	MAT 19:22	Terieli nina jaura matja ngarana, nau ngaurongauro tikana wonti, ngangau nau poto pirna nganana wonti.
23868	MAT 20:7	Tana nunkangu jatana wonti: “Wata kana kulnujeli ngaianina karkana warai.” Nau tanangu jatana wonti: “Bakana jura wapanau wain maruja, ja mina talku nganala nganai, jura manila nganai.”
23872	MAT 20:11	Tanali nina manina, tana pungaia kaparani kalaka-larina wonti,
23873	MAT 20:12	Ja jatana wonti: “Tanalipini ngadaetjali windri ditji kulno ngankana warai, ja jundru tanana ngaianingu jeribaka ngankana warai, ngaiani ditjiwirdi pirna ngankana warai ja woldrali ketjaketjana warai.”
23913	MAT 21:18	Tankubana palkara, Nau nguraia tikana, Nau mauali nganana wonti.
23920	MAT 21:25	Johannini multibanila, wodajerindru nau nganana wonti: Pariwilpandru kara kanandru kara?” Tanali tjurujeli ugundrana wonti, ja jatana wonti: “Ngaiani jatanani, “pariwilpandru,” Nauja ngaianingu jatala nganai: Minandru jura nunkangu wata morlalu ngundrana wonti?
23926	MAT 21:31	Warle pudlangundru ngaperaia jertapaterina ngankana wonti?” Tana jatana wonti: “Ngoperalali.” Jesus tanangu jatana wonti: “Morlalu ngani jurangu jatai: Marda-tandrakampanietja ja palakantji jurangu ngopera Godaia mililani wirila nganai.
23929	MAT 21:34	Tandraia miljaru matja karakara nganana, nulu mili nunkani wain maru najinajibanietja worangu jinpana wonti, tanali tandra nunkani manijiribananto.
23932	MAT 21:37	Ngadani nulu ngatamura kunakulno jinpana wonti ja jatana wonti: Tana ngakani ngatamurani warawararila nganai.
23936	MAT 21:41	Tana nunkangu jatana wonti: “Nulu tanana madlentjietja madlentji taribala nganai, ja nulu wain maru wain maru najinajibanietja nguruni jinkila nganai, tanali nunkangu tandra jinkinanto miljaru tananani.”
23960	MAT 22:19	Kalalaia mardatandra ngakangu wondralkanau.” Tanali nunkangu mardatandra kulno wondralkana wonti.
23962	MAT 22:21	Tana nunkangu jatana wonti: “Mitaia kaparaia.” Nau tanangu jatana wonti: “Jinkianau kaparaia poto kaparani ja Godaia poto Godani!”
23963	MAT 22:22	Tanali jenia matja ngarana, tana pirna ngaruparana wonti, ja nina worarana wonti ja wapana wonti.
23969	MAT 22:28	Terkakani ditjini, waninunkani noa mara wora ja mandrundru nani nganala nganai, ngangau tanali marapujeli nana ngamalkana wonti?”
23983	MAT 22:42	Ja jatana wonti: “Mina jura ngundrai Christungundru wani Ngatamura Nauja?” Tana jatana wonti nunkangu: “Davidani.”
23991	MAT 23:4	Tanali bururu mati ja morla wondra workaworkamandrai ja kanani pilpirani kurai; windri tanali muntali wata ngantjai tanana mara ngalkieli patala,
23992	MAT 23:5	Tanani ngankana pratjana tanali ngankaij kanali tanana najinanto; tanali tjerapu maru ngankai ja katijelbi wirdi ngankai;
23993	MAT 23:6	Tanali ngantjai piri ngopera buka pirnani ja piri ngopera jaura pungani;
23995	MAT 23:8	Tanali jurana wata “Rabbi” dikananto, ngangau Kulno jurani ngujangujara jinkinietja nganai, ja jura pratjana ngatata mara nganai.
23997	MAT 23:10	Tanali jurana wata ngujangujara jinkinietja dikananto, ngangau Kulno ngujangujara jinkinietja jurani nganai, Christus.
24010	MAT 23:23	Jakajai jurangu, jura jaura jinkinietja ja Pharisaia, jura kana jeljujelju! ngangau jura manjura ja kalumba ja pau puntibai ja buru kulno marapratjanandru Godani jinkiai, ja jirijiribani jaura mati: Kalala ja kalumiltjamiltjarina ja morlalu ngundrana jura worarai. Tananapini jura ngankananto ja jenia wata worarananto.
24052	MAT 24:26	Tana jurangu jatanani: Mai, pitarani nau, wata wapanau; mai, nau pnnga mandrani, wata morlalu ngundranau.
24055	MAT 24:29	Tanangupini ketjaketjani ditjini ngadani nurujeli ditji pirna ngalpuru pantjila nganai, ja pirali praitji nunkani wata jinkila nganai, ja ditji waka wora pariwilpaia purila nganai, ja pariwilpaia ngurula wiltjiwiltjila nganai.
24058	MAT 24:32	Tandra nindrindru jeribaka malka kiririanimai; ngu-nanguna nunkani matja kuljakuljarina ja talpa matja punkana, jura ngujamai woldrakanja karakara nganai.
24068	MAT 24:42	Tepi ngamanau, ngangau jura wata milkila, mina ditjini Kapara jurani wokarala nganai.
24083	MAT 25:6	Tinka tertini miritja pirna nganana wonti: “Mai noangantjanipirna wokarai, wapanau nunkangu mandurila!”
24085	MAT 25:8	Tana patipati kirini jatana wonti: “Ngaianingu jinkianau jurani gildindru, ngangau praitji ngaianani palila wapaia.”
24087	MAT 25:10	Tana matja wapana burungankala, noangantjanipirna wokarana wonti; ja tana matja ngankingaterina, nunkangunto noapatamalini bukaia wirina wonti, ja tanali mana nguru ngankana wonti.
24128	MAT 26:5	Tana jatana wonti: “Wata ditji pirnani, ngangau kana wolara juajuangaiati.”
24138	MAT 26:15	Ja jatana wonti: “Mina kalala jura jertapateriai ngakangu jinkila, ngato nina jurangu wontawontala nganai?” Tanali nunkangu mardatandra 30 jinkina wonti,
24149	MAT 26:26	Tanali tajinani, Jesujeli buka patana wonti ja ngurungutana wonti ja ninapini wokaribana wonti ja milini nunkanani jinkina wonti ja jatana wonti: “Patanimai ja tajianimai; naupini ngani palku nganai!”
24151	MAT 26:28	Ngangau naupina ngani kumari nganai Testamenta marraia, ninapini ngani marapuja nangateriai madlentji kalingala
24164	MAT 26:41	Tepi ngamanau ja ngatjianau, jura wontjanilani wiriati; mungara manju nganai ja palku waltowalto.”
24169	MAT 26:46	Terkakanau ngaiana wapananto! mai, nauwa wo-karaila, nuluwa ngana wontawontai.”
24189	MAT 26:66	Mina jura ngundrai?” Tanali kalabana wonti ja ja-tana wonti: “Nauja palinanto nari.”
24202	MAT 27:4	Ja jatana wonti: “Ngato madlentji ngankana warai, ngangau ngato kumari kulikiri wontawontana warai.” Tana jatana wonti: “Mina jenia ngaianingu? Muntali najiau!”
24205	MAT 27:7	Tana matja ngankamalina, tanali tanangundru bulurukoko ngankanietjaia mita burungankana wonti tula todila.
24214	MAT 27:16	Tanali jendranguta madlentji ngankanietja pirna kanjangari pungani ngamalkana wonti, tala nunkani Barabbas.
24215	MAT 27:17	Tana matja jurborina, Pilatus tanangu jatana wonti: “Worana jura ngantjai, nina ngato jurangu kurakananto, Barabbas kara, Jesus kara, nina tanali dikai Christus?”
24219	MAT 27:21	Kapakaparali kalabana wonti ja tanangu jatana wonti: “Worana pudlangundru jura ngantjai, wodanina ngato pudlangundru kurakananto?” Tana jatana wonti: “Barabbas.”
24221	MAT 27:23	Kapakaparali jatana wonti: “Mina madlentji Nulia ngankana warai?” Tana morla maritjina wonti ja jatana wonti: “Ninaia kunarkuni katibamai!”
24230	MAT 27:32	Tana dunkana, tanali kana kulno Kyrenala mankamankana wonti, tala nunkani Simon; nina tanali watawatali patana wonti nulu kunarku nunkani waltananto.
24233	MAT 27:35	Tanali nina matja kunarkuni katibana, tanali kati nunkani puntibana wonti wontjani malkali: Ngangau Prophetaia jaura morlalu pantjinanto: “Tanali kati ngakani puntibana wonti, ja ngakani kati pirnani tanali wontjani malka worana wonti.”