23214	MAT 1:1	Pantjipantjini-jaura Jesu Christungundru, Davidani nga-tamuraia, Abrahamani ngatamuraia;
23220	MAT 1:7	Salomojeli kantji patana wonti Rehabeam, Rehabea-mali kantji patana wonti Abia, Abiali kantji patana wonti Asa;
23230	MAT 1:17	Kapara pratjana Abrahamangundru Davidanilu ma-rapratjana ja mandrumandru nganai; Davidandru Babylaia wapalkanantulu kapara marapratjana ja mandrumandru nganai; Babylaia wapalkanandru Christungulu kapara marapratjana ja mandrumandru nganai.
23231	MAT 1:18	Jesus Christus dankana wonti jeruja: Maria, ngan-dri nunkani, matja talpadakaterina Josephangu, windrila pudla jela ngamala, nandru mankamankana wonti, nani man-drantju nganana wonti Jaolali kulikirieli.
23232	MAT 1:19	Ngangau Joseph, noa nankani, talku nganana wonti, ja wata jertapaterina wonti nana nintali ngankala, nulu ngun-drana wonti, nana kurukuru worarala.
23234	MAT 1:21	Nandru kupa kanku kantji patala nganai; nina jun-dru JESUS dikala nganai; ngangau kana wolara nunkani Nulu kulkala nganai tanani madlentjandru.”
23237	MAT 1:24	Joseph mukandru matja jiritjina, nulu jeruja ngan-kana wonti, worderu Kaparaia angelali nunkangu jirijiribana warai, ja nulu noa nunkani patana wonti.
23239	MAT 2:1	Jesus matja kupa dankana warai Bethlehemingu, Ju-daia mitani, Herodini mitaia kaparaia ditjini; mai, jendra-nguta kana kiri wora tiriwandru Jerusalemingu wokarana wonti,
23240	MAT 2:2	Ja jatana wonti: “Woderi nau, Juda-kanaia-kapara matja dankana? Ngangau ngaiani ditji waka nunkani naji-nala tiriwani, ja wokarana warai nunkangu pantjaterkana ngarila.”
23242	MAT 2:4	Ja nulu kana wolaraia Priesta pirna ja jaura jinki-nietja pratjana kampana wonti ja tanana jekijekibana wonti, woderi Christus dankananto.
23244	MAT 2:6	“Ja jidni Bethlehemiai, Judaia mitani, jidniwata ngadanietja nganai Judaia kapara marapuni, a-ai, ngangau jin-kangundru kapara dunkala nganai, Nulu kana wolara nga-kani, Israel, ngamalkala nganai.”
23246	MAT 2:8	Ja nulu tanana Bethlehemia jinpana wonti ja jatana wonti: “Palkanimai ja kupa parparali wontianau, ja jura nina matja mankamankana, ngakangu jaura tikalkanau, ngani ba-kana wokarananto nunkangu pantjaterkana ngarila.”
23247	MAT 2:9	Tanali mitaia kapara matja ngarana, tana palkana wonti. Ja mai, ditji waka nina tanali tiriwa najinala, ta-nangu ngopera wapana wonti, nau wokaranantulu miri ban-bala, woderi kupa nganana wonti.
23249	MAT 2:11	Ja tana pungani matja wirina, tanali kupa waka najina wonti Mariangu, ngandrini nimkanani jela; ja tana pan-tjaterkana ngarina wonti nunkangu, ja tanali poto pirna pil-tana wonti, ja nunkangu poto jinkina wonti: Marda, maralje, kuli ngmmi ja kaldri pilki.
23250	MAT 2:12	Ja Godali tanana ngapitjani daudauana wonti, tana wata morla Herodingu tikananto. Ja palto worku tana na-kaldra tikana wonti mitaia tananaia.
23251	MAT 2:13	Tana matja puntina, mai, Kaparaia angela kulno Josephangu ngapitjani wondraterina wonti ja jatana wonti: “Jiritjiau ja kupa ja ngandri nunkani manina kurau ja kuri-kariau Egypta mitaia, ja naka ngamamai, ngani jinkangu ja-tanantulu; ngangau Herodes jertapateriai kupa wontila nina-para nandrala.”
23254	MAT 2:16	Herodili matja najina, kana kiri worali nina jedibala wiri, nau pirna tiririna wonti, ja nulu jinpana wonti Bethle-hemingu ja wondirani pratjanani nunkanani ja kupa kanku pratjana nandrana wonti, tana kilpawoldra mandril ja morla waka nganana wonti, tanangupini ditjini, tanana nulu kana kiri worangu jekibala wiri.
23256	MAT 2:18	“Ramangu tanali ngaiala ngarana wonti, miritja ja jildri ja juajuangana pirna; Rahel nankani kupandru jindra-na wonti ja wata ngantjana wonti ngankalkananto, ngangau tana panila nganai.”
23264	MAT 3:3	Naupini nau nganai, nunkangundru Jesaiasali Prophetali kaukaubana wonti; “Karkanietjaia ngaiala pitarani parai: Kaparaia palto ngankinganimai, ja tidha-palto nunkani talku ngankanimai.”
23265	MAT 3:4	Johannili kati Kameei njurdu ja dala mantamanta ka-pani nunkanani ngamalkana wonti, ja buka nunkani palaparu ja pitjambu nganana wonti.
23268	MAT 3:7	Nulu Pharisaiala ja Sadduzaiala marapu nunkani mul-tibanilaia wokaranani najina, nau tanangu jatana wonti: “Wiparaia kuparu worajai! warlenulu jurangu wondrana wa-rai japa mindrinanto tirini nunkanani, nau wokarala nganai?”
23270	MAT 3:9	Ja wata munta ngundraterianau: “Ngaiana Abraham ngaperi ngaianani ngamalkai”; ngangau ngani jurangu jatai: “Goda ngurunguru nganai, tanangupini mardandru kupa ji-ritjibala Abrahamangu;”
23272	MAT 3:11	Ngato jurana ngapali multibai madlentjandru karitji-malkala; ngakangu ngadani kulno wokarala nganai, Nau morla ngurunguru nganai ngakangu, nunkangu ngani wata talku nganai, tidnaputa nunkani padakijiribala, Nulu jurana multi-bala nganai Jaolali kulukirieli ja turujeli.
23273	MAT 3:12	Marani nunkanani pirra nunkani parai, ja Nulu ji-raua nunkani darpala nganai, ja buka tandra nunkani kam-pani pungaia mapala nganai, ja ngurdi Nulu japila nganai turujeli, nau wata paliai.
23274	MAT 3:13	Ngadani Jesus Galilaiandru Jordan kaiarani Johan-ningu wokarana wonti, nunkangundru multibanila manila.
23277	MAT 3:16	Jesujeli matja multibanila manina, Nau nurujeli nga-pandru dunkana tarana wonti; ja mai, pariwilpa piririna wonti, ja nulu najina wonti Godaia Jaola ngarinani mulapara jeribaka wokarala nunkangu.
23281	MAT 4:3	Ja wontjanietja nunkangu wokarana wonti ja jatana wonti: “Jidni Godaia Ngatamura ngananani, jatamai, tana-pini mar da bukarinanto.”
23284	MAT 4:6	Ja nunkangu jatana wonti: “Jidni Godaia Ngatamura ngananani, ngarinalu kulkungamai; ngangau dakanala parai: Nulu angelani nunkanani jirijiribala nganai jinkangundru, tanali jidna marali ngamalkala nganai, wata jidni tidna mar-dani dakaterinanto.”
23291	MAT 4:13	Ja Nulu Nazareth worarana wonti ja ngura manina wonti Kapernaum ngamala, nau panto dirkalani parai, Sebu-lon ja Naphthali wondirani;
23292	MAT 4:14	Ngangau morlalu pantjinanto, mina Jesaiasali Prophe-tali kaukanbana wonti, nau jatana wonti:
23305	MAT 5:2	Ja Nau mana wilparina wonti, ja Nulu tanangu ngu-jangujara jinkina wonti ja jatana wonti:
23307	MAT 5:4	Murlali pirna, tana ngaurongauro, ngangau tanali ngan-kalkani manila nganai.
23312	MAT 5:9	Murlali pirna-tana wadlietja, ngangau tanana tanali Godaia kupa dikala nganai.
23315	MAT 5:12	Mankianimai ja murlali ngananau, ngangau kalala jurani pirna nganai pariwilpani; ngangau jeruja tana bakana Propheta worangu, jurangu ngopera ngananala, tirikaripate-rina wonti.
23316	MAT 5:13	Jura mitaia kaldri nganai. Kaldri dunkarinani, mi-nali tanali kaldri ngankala nganai? Nau baku nganai, ja kanali nina teribala nganai-ja tidnali nankanankala nganai.
23317	MAT 5:14	Jura mitaia praitji nganai. Ngura kulno, mardawan-pani miri paranani, wata kurukuru nganai.
23319	MAT 5:16	Jeruja praitji jurani mintjiatimai kanani, ngangau tanali ngankani ngumu jurani najinanto ja Ngapari jurani pa-riwilpani jurakokananto.
23320	MAT 5:17	Wata ngundranau, ngani wokarana warai jirijiribani-jaura kara, Prophetaia jaura kara dukarala, a-ai, ngani wata wokarana warai, ninaia dukarala, windri morlalu kurala.
23321	MAT 5:18	Ngangau morlalu ngani jurangu jatai: “Pariwilpa ja mita maru mudanantulu, wata tiwi kulno kara, malka waka-waka kulno kara jirijiribani jaurandru mudala nganai, jenia pratjana morlalu pantjinantulu.”
23325	MAT 5:22	Ja ngani jurangu jatai: “Worananau ngatatani nun-kanani baku tiririnani, nunkangu kalala parai; ja worananau ngatatani nunkanani jatai: “Raka”, nunkangu kalala parai kaparani; ja worananau nunkangu jatai: “Jidni jirijiri”, nunkangu kalala parai turu ngurali.”
23328	MAT 5:25	Nurujeli murlali nganamai talpalani jinkanani, je-runtjaia ditji jidni nunkangunto paltuni nganai; talpalali jid-na kalala kuranietjani jinkiati, ja kalala kuranietjali jidna jinkiati milini, ja jidna kanjangari pungani widmaiati.
23329	MAT 5:26	Morlalu ngani jinkangu jatai: “Jidni wata morla na-kandru dunkala nganai, jundru ngopera mudani marda jinki-nantulu.”
23345	MAT 5:42	Worananau jinkangu ngatjiai, nunkangu jinkiau; ja warlenulu ngantjai jinkangundru woljaia manila, wata nun-kangundru kulkateriau.”
23349	MAT 5:46	Ngangau jura tanana ngantjanani, tanali jurana ngantjai, mina kalala jura ngamalkai? Wata mardatandra-kampanietja jenildramata?
23350	MAT 5:47	Ja jura jaura murlali jinkinani windri ngatatani ju-ranani, mina pilkildra jura ngankai? Wata mardatandra-kampanietja jeruldramata?
23352	MAT 6:1	Ngamalkaterianau, talkula jurani wata kana mudlani ngankala, tanali jurana najinanto; jura kalala pani Ngape-rani juranani pariwilpani ngamalkaiati.
23354	MAT 6:3	Jundru kalumiltjamiltjarinali jinkinani, mara wora-ngantju wata milkila nganananto, mina ngunarali ngankai.
23357	MAT 6:6	Jidni ngatjinani, punga wapuni wiriau, ja mana ngan-drawalkateriau, ja ngatjiau Ngaperani jinkanani, Nauja kuru-kuruni nganai, ja Ngaperali jinkanali kurukuruni najiai, ja Nulia jinkangu kalala jinkila nganai tinkari.
23364	MAT 6:13	Ja wata ngaianina wontjanilani wirilkamai, a-ai, ngai-anina madlentjani kulkamai; Ngangau jinkangu milila nganai ja ngurula ja pirnala ngurali. Amen.”
23375	MAT 6:24	Kana kulno ngandandariai kapara mandruni mili nga-mala, nau kulnuni kalakalarila nganai, ja kulno nulu ngan-tjala nganai kara; kulnuni nau wodatarana ngamala nganai, ja kulnuni gilbarila nganai kara. Jura ngandandariai Godani ja Mammonani mili ngamala.
23376	MAT 6:25	Ngangau ngani jurangu jatai: “Wata manujeli ngun-dranau tepini juranani, mina jura tajilaj a tapala nganai; bakana wata palkuni juranani, mina jura widmaterila nganai. Wata tepi morla pirna nganai bukani ja palku katini?”
23377	MAT 6:26	Paia najianau ngaranani, tanalia wata jaupai ja kam-pai ja wata mapai kampani pungani, ja Ngaperali juranali pariwilpani tanangu buka jinkiai. Wata jura morla pirna nganai tanangu?
23379	MAT 6:28	Ja minandru jura manujeli ngundrai katini? Ngu-nandula najianau maruni, worderu tanaia punkai; tanalia wata ngankai ja wata turpai.
23393	MAT 7:8	Ngangau worana ngatjiai, nulu manila nganai; ja war-le wontiai, nulu mankamankala nganai; ja warle nandranan-drai, nunkangu mana wilpa pantjila nganai.
23396	MAT 7:11	Ja jura, madlentji ngananani, ngujamai kupani jura-nani poto ngumu jinkila; worderu morla Ngaperali juranali pariwilpani poto ngumu jinkila nganai tanangu, tana nunkangu ngatjinani?
23398	MAT 7:13	Manani wuldruni wirianau; ngangau mana maru nganai ja palto maru, nauja turuja wapai, ja marapu nunkangu-pini palkai.
23400	MAT 7:15	Jedikantji Prophetandru ngamalkaterianau; tjipi kati-eli tana jurangu wokarai, ja mandrani tana pandipandi pu-ranietja nganai.
23401	MAT 7:16	Tanani tandrani jura tanana ngujamananto. Kanali bakana waina tandra kampala nganai dilkandru ja manawa-ra dieltjirundru?
23406	MAT 7:21	Wata tana pratjana, tana ngakangu jatai: “Kapara-jai! Kaparajai!” pariwilpaia mililani wirila nganai, a-ai, windri naupini, nulu Ngaperaia ngakanaia pariwilpalaia jer-tapaterina ngankai.
23407	MAT 7:22	Marapu ngakangu jatala nganai nunkanguka ditjini: “Kaparajai! Kaparajai! wata ngaiani talani jinkanani talpa-dakana wonti? Wata ngaiani talani jinkanani kutji dunkal-kana wonti? Wata ngaiani talani jinkanani pirnala marapu ngankana wonti?”
23417	MAT 8:3	Ja Jesus mara warpina wonti, ja Nulu nina karaka-rana wonti ja jatana wonti: “Ngani jertapateriai, kulikiri nga-namai.” Ja nurujeli nau kulikiri pantjina wonti nunkani gambandru.
23423	MAT 8:9	Ngangau ngani kana nganai ja kaparani wodatarana ngamai; ja ngato mili wolara ngamalkai; ja ngani nunkangu-pini jatanani: “Jerra wapau!” ja nau wapai; ja kulnuni: “Kaparau!” ja nau wokarai; ja milini ngakanani: “Ninapini ngankau!” ja nulu jenia ngankai.”
23424	MAT 8:10	Jesujeli jenia matja ngarana, Nau ngaruparana wonti ja jatana wonti tanangu nunkangu karipaterinani: “Morlalu ngani jurangu jatai: Jenipara morlalu ngundrana ngato Isra-elani wata mankamankana warai.”
23425	MAT 8:11	Ja ngani jurangu jatai: “Marapu wokarala nganai ti-riwandru ja jendakarandru ja Abrahamangu ja Isaakangu ja Jakobangu jela pariwipaia mililani ngamala nganai,
23426	MAT 8:12	Ja Nulu mililaia kupa teribala nganai ngalpuru pir-naia, naka tana pirna ngirikidala nganai ja mana katakata-ngala nganai.
23428	MAT 8:14	Ja Jesus Petruni pungani wirina wonti, ja Nulu pai-ara nunkani najina wonti, nani paranani muntja turuturu.
23439	MAT 8:25	Ja mili nunkangu wokarana wonti, ja tanali nina ji-ritjibana wonti ja jatana wonti: “Kaparajai, ngaianina kul-kau, ngaiani palipaliati!”
23442	MAT 8:28	Ja Nau jerankari matja pararana Gergesena mitani, nunkangu kana mandru kutjinto dankamalina wonti” pudla narikutundru matja dunkana, tiri pirna, jeruja kana ngandan-darina wonti nunkangupini pal tuni palkingala.
23446	MAT 8:32	Ja Nau tanangu jatana wonti: “Wapanau!” tana matja dunkana, tana pikini wirina wonti; ja mai, piki ngami mardawonpa kalikalini kalikalibakana wonti pantuni, ja nga-pani palipalina wonti.
23449	MAT 9:1	Ja Nau botani wirina wonti ja pararana wonti; ja ngu-rani nunkanani wokarana wonti.
23450	MAT 9:2	Ja mai, tanali tjunduru kulno nunkangu wokaralkana wonti, nau turarani pirini paranani. Ja Jesujeli morlalu ngun-drana tanani matja najina, Nulu tjundurani jatana wonti: “Murlali nganamai, ngatamurajai, madlentji jinkani matja wo-rana warai!”
23454	MAT 9:6	Ja jura ngujamananto, Kanaia Ngatamurajeli ngurula ngamalkai, mitani madlentji worala,” — Nau tjundurani jatana wonti: “Terkakamai, turarani piri jinkani patau, ja pun-gaia jinkanaia tikamai.”
23459	MAT 9:11	Ja jenia Pharisaiali matja najina, tana milini nunkanani jatana wonti: “Minandru ngujangujara jinkinietjali jura-nali mardatandrakampanietjani ja madlentji ngankamietjani jelali tajiai?”
23463	MAT 9:15	Ja Jesus tanangu jatana wonti: “Worderu noangan-tjanipirnaia kamaneli ngaurongauro ngamananto, noangantja-nipirna tanangu jela ngananani? Ditji wokarala nganai, tanali noangantjanipirna tanangundru manila nganai; ngadani tanaia milja ngamala ng-anai.
23465	MAT 9:17	Ja tanali wata waina marra jungani womalani kura-rai; junga purateriati, ja waina ngakaiati, ja junga tintateri-ati; a-ai, tanali waina marra junga marrani kurarai ja pud-lana jelalu kulkai.” (Ngantjani-jaura G. D. XXIV. Trmitatis)
23466	MAT 9:18	Nulu jenia tanangu kaukaubanani, mai, kapara kulno wokarana wonti ja nunkangu pantjaterkana ngarina wonti ja jatana wonti: “Ngatamura mankara ngakani karari matja pa-lina, kaparau, jidni mara nankangu kurateriamai, ja nani te-pirila nganai.”
23471	MAT 9:23	Ja Jesus kaparaia pungani matja wokarana, Nulu wi-makoko wilpinietja najina wonti, ja kanali miritja ngankana-ni, ja Nau tanangu jatana wonti:
23477	MAT 9:29	Ngadani Nulu pudlana milki karakarana wonti ja jatana wonti: “Worderu judla morlalu ngundrana warai, jeruja jud-langu pantjiatimai.”
23508	MAT 10:22	Ja kana warupoto jurangu kalakalarila nganai nga-kani talandru. Worana wonki nganai ngadajelu, nulu tepi ngurali manila nganai.
23521	MAT 10:35	Ngangau ngani wokarana warai, puntibala materi ja ngaperi nunkani, mankara ja ngandri nankani, kalari ja pai-ara nankani;
23529	MAT 11:1	Ja Jesujeli jendranguta matja mudana, milini nunka-nani ngujangujara jinkila, Nau nakandru puntina wonti, ngujangujara jinkila ja jaura kaukaubala ngurani tananani.
23531	MAT 11:3	Ja nunkangu jatana wnnti: “Naumata jidni, Nau wo-karananto kara, kulnuni ngaiani kalkananto kara?”
23533	MAT 11:5	Butjulali najiai, ja tjundurula wapai; gambala kulikiri pantjiai, ja talpakurulali ngarai; narila tepi terkakai, ja wan-giwangieli ngantjani jaura ngarai;
23539	MAT 11:11	Morlalu ngani jurangu jatai: “Wata kulno tanangundru, widlandru dankanala, terkakana wonti morla pirna Jo-hanningu multibanietjani. Worananau morla waka nganai pariwilpaia mililani, nau morla pirna nganai nunkangu.”
23541	MAT 11:13	Ngangau Propheta worali ja jirijiribani jaurali Jo-hanningulu talpadakana wonti;
23545	MAT 11:17	Ja jatai: “Ngaiani jurangu wilpina warai, ja jura wata kilina warai; ngaiani jindrana warai, ja jura wata ngauro-ngaurojeli nandraterina warai.”
23548	MAT 11:20	Jendranguta Nulu wonina wonti, jaura kalkri jatala tanangupini ngurani, tanangu pirnala nunkani marapu pan-tjina wonti, ngangau tana wata madlentjandru karitjina wonti:
23551	MAT 11:23	Ja jidni Kapernaum, jidni miririna pariwilpaia, turu-jelu jidni ngarila nganai; ngangau Sodom ngurani jenia pirnala pantjinani, jinkangu pantjinala, naupini nunkangupini ditjini kararielu terkananto.
23553	MAT 11:25	Jendranguta Jesujeli kalabana wonti ja jatana wonti: “Ngato jidnana Ngaperiai, Kapara pariwilpaia ja mitaia, jurakokala wapaia; ngangau jundru jenia kana kirini ja nguja-manietjani kutibana warai ja kupani tinkari ngankana warai;
23559	MAT 12:1	Jendranguta Jesus Sabbat ditjini buka maruni palki-ngana wonti, ja mili nunkani mauali nganana wonti ja woni-na wonti, buka tandra wokaribala ja tajila.
23562	MAT 12:4	Worderu nau Godaia pungani wirina wonti ja wondra-ni buka tajina wonti, tanana tajila nunkangu ja tanangu nunkangunto wata manuni kuranala, a-ai, windri Priestani?
23569	MAT 12:11	Nau tanangu jatana wonti: “Worana kana jurangun-dru nganai, nulia tjipi kulno ngamalkai, nau Sabbat ditjini kutuni purinani, nulia nina wata patala nganai ja dukarala nganai?”
23604	MAT 12:46	Nulu kana wolarani kaukaubanani, mai, ngandri nunkani ja ngatata nunkani palarani terkana wonti ja jertapate-rina wonti nunkangu ngankamahla.
23616	MAT 13:8	Ja palpa mita ngumuni purina wonti ja tandra punki-bana wonti, kulnujeli tandra 100, kulnujeli tandra 60, kulnujeli tandra 30.
23623	MAT 13:15	Ngangau tananipini kana wolaraia ngara pariai, ja tanaia talpa talpakuru, ja tanaia milki butju; ngankateriai, ngangau tanalia milkieli bulu najinanto ja talpali bulu nga-rananto ja ngarali bulu ngujamananto, ja wata madlentjandru karitjinanto, ngato tananaia tepi ngankananto.”
23639	MAT 13:31	Jeribaka jaura nguru Nulu tanangu kurana wonti ja jatana wonti: “Pariwilpaia milila tandra wakawaka jeribaka nganai, ninapini kana kulnujeli manina wonti ja mitani nun-kanani jaupana wonti.
23643	MAT 13:35	Ngangau morlalu pantjinanto, mina Prophetali kaukaubana wonti, nau jatana wonti: “Ngani mana wilparila nganai jeribaka jaurali, ngato kaukaubala nganai, mina kuru-kuru nganana wonti mita pantjimanandru.”
23652	MAT 13:44	Nakaldra pariwilpaia milila poto pirna jeribaka nganai, nau mitani kurukuru parai; nina kana kulnujeli manka-mankana wonti ja kutibana wonti, ja nunkangundru pirna mankina nau wapana wonti, ja warupoto, mina nulu ngamalkana, jinkina wonti, ja ninapini mita burungankana wonti.
23658	MAT 13:50	Ja tanana turu pirini worala nganai; naka tana ngi-rikidala nganai ja mana katakatangala nganai.
23660	MAT 13:52	Nau tanangu jatana wonti: “Jendrania jaura jinki-nietja pratjana, tana mili pantjinala pariwilpaia mililaia, punga ngamalkanietja jeribaka nganai, tanali tanani poto pir-nandru marra ja womala dunkalkai.”