23240	MAT 2:2	Ja jatana wonti: “Woderi nau, Juda-kanaia-kapara matja dankana? Ngangau ngaiani ditji waka nunkani naji-nala tiriwani, ja wokarana warai nunkangu pantjaterkana ngarila.”
23316	MAT 5:13	Jura mitaia kaldri nganai. Kaldri dunkarinani, mi-nali tanali kaldri ngankala nganai? Nau baku nganai, ja kanali nina teribala nganai-ja tidnali nankanankala nganai.
23349	MAT 5:46	Ngangau jura tanana ngantjanani, tanali jurana ngantjai, mina kalala jura ngamalkai? Wata mardatandra-kampanietja jenildramata?
23350	MAT 5:47	Ja jura jaura murlali jinkinani windri ngatatani ju-ranani, mina pilkildra jura ngankai? Wata mardatandra-kampanietja jeruldramata?
23374	MAT 6:23	Jidni milki madlentji ngananani, jidni palku buru pratjana ngalpuru ngananani. Praitji jinkangu ngalpuru ngananani, worderu pirna ngalpuru munta?
23377	MAT 6:26	Paia najianau ngaranani, tanalia wata jaupai ja kam-pai ja wata mapai kampani pungani, ja Ngaperali juranali pariwilpani tanangu buka jinkiai. Wata jura morla pirna nganai tanangu?
23378	MAT 6:27	Worana jurangundru ngurunguru nganai, tepini nunkanani tintipidi kulno juri ngankala manujeli ngundraterinali?
23379	MAT 6:28	Ja minandru jura manujeli ngundrai katini? Ngu-nandula najianau maruni, worderu tanaia punkai; tanalia wata ngankai ja wata turpai.
23382	MAT 6:31	Ngangau wata manujeli ngundraterianau ja jatanau: “Mina ngaiani tajila nganai kara? Mina ngaiani tapala nganai kara? Mina ngaiani widmaterila nganai kara?”
23389	MAT 7:4	Worderu jidni ngatatani jinkanani jatananto kara: “Dabiau, ngato pita tiwitiwi milkindru jinkanani giltarananto; ja mai, pita wondra milkini jinkanani parai?
23394	MAT 7:9	Worana kana jurangundru nganai, nunkangu ngatamura nunkani ngatjiai bukaia, nulu nunkangu marda jinkila nganai?
23395	MAT 7:10	Ja nau nunkangu ngatjiai paruja, nulu nunkangu tjutju jinkila nganai?
23396	MAT 7:11	Ja jura, madlentji ngananani, ngujamai kupani jura-nani poto ngumu jinkila; worderu morla Ngaperali juranali pariwilpani poto ngumu jinkila nganai tanangu, tana nunkangu ngatjinani?
23401	MAT 7:16	Tanani tandrani jura tanana ngujamananto. Kanali bakana waina tandra kampala nganai dilkandru ja manawa-ra dieltjirundru?
23407	MAT 7:22	Marapu ngakangu jatala nganai nunkanguka ditjini: “Kaparajai! Kaparajai! wata ngaiani talani jinkanani talpa-dakana wonti? Wata ngaiani talani jinkanani kutji dunkal-kana wonti? Wata ngaiani talani jinkanani pirnala marapu ngankana wonti?”
23443	MAT 8:29	Ja mai, pudla maritjina wonti ja jatana wonti: “Mina ngaianingu ja jinkangu, Jesujai, Godaia Ngatamurajai? Jidni ninkida wokarana warai, ngaianingu jupala ditji talkuja woljaia?”
23452	MAT 9:4	Jesujeli ngundrana tanani matja, ngujamana, Nau jatana wonti: “Minandru jura jenia madlentji ngundrai ngarali juranali?
23463	MAT 9:15	Ja Jesus tanangu jatana wonti: “Worderu noangan-tjanipirnaia kamaneli ngaurongauro ngamananto, noangantja-nipirna tanangu jela ngananani? Ditji wokarala nganai, tanali noangantjanipirna tanangundru manila nganai; ngadani tanaia milja ngamala ng-anai.
23511	MAT 10:25	Milini matja nganai, nau ngujangujara jinkinietjani nunkanani jeribaka pantjinani, ja ngankanietjani kaparani nunkanani jeribaka. Tanali punga ngamalkanietja Beelsebub matja dikana, worderu morla pungaia ngurula nunkani?
23515	MAT 10:29	Tanali wata tiwilitja mandru mardatandra Wakawaka kulnundru jinkimaliai? Ja wata kulno tanangundru mitani purila nganai jurani Ngaperani panini.
23535	MAT 11:7	Pudla tikanani, Jesujeli wonina wonti kana wolarani jatala Johanningundru: “Mina najila jura pitaraia palkana paraia? Kalanka kulno, watarali wijawijabanani?
23536	MAT 11:8	Mina najila jura palkana paraia? Kana kulno kati tjankanto? Mai, mitaia kaparaia pungani tanali ngamalkai kati tjanka.
23537	MAT 11:9	Mina najila jura palkana paraia? Propheta kulno? Morlalu ngani jurangu jatai: Nau morla pirna nganai Prophetani.
23544	MAT 11:16	Worangu ngato ninapini nguja jeribaka kurananto? Tanaia kupa wakani jeribaka nganai, tana jinkimalini pirini ngamai ja kamaneli tanani karkai
23561	MAT 12:3	Nau tanangu jatana wonti; “Jura wata warapanala, mina Davidali ngankana wonti jendranguta, nau mauali nganana wonti ja tana nunkangunto?
23562	MAT 12:4	Worderu nau Godaia pungani wirina wonti ja wondra-ni buka tajina wonti, tanana tajila nunkangu ja tanangu nunkangunto wata manuni kuranala, a-ai, windri Priestani?
23563	MAT 12:5	Jura wata warapanala jirijiribani jaurani, worderu Sabbat ditjini Priestali Godaia pungani Sabbat wokaribai, ja madlentji pani nganai?
23570	MAT 12:12	Worderu morla pirna kana nganai tjipini? Jeruja bakana talku nganai Sabbat ditjini ngumu ngankala.”
23584	MAT 12:26	Ja kutjieli kutji dunkalkanani, nau munta piltjaru ngankateriai; worderu milila nunkani terkananto?
23585	MAT 12:27	Ja ngato Beelsebubieli kutji dunkalkanani, waninali ngatamurajeli juranali tanana dunkalkai? Jendrania tana kalala kuranietja jurani nganala nganai.
23587	MAT 12:29	Worderu kara kana kulno kana ngurunguruja pungani wirinanto poto nunkani watawatali manila, nulu wata ngopera kana ngurunguru dupudupu ngankanani? Ja ngadani nulu pungani pratjana watawatali manila nganai.
23592	MAT 12:34	Wiparu kupa worajai! Worderu jura ngumu jatananto jura madlentji ngananani? Ngangau ngara manamirindru mana jatai.
23635	MAT 13:27	Ja pungaia kaparaia mili wora wokarana wonti ja jatana wonti nunkangu: “Kaparajai! wata jundru paua ngumu mitani jinkanani jaupana paraia? Woderindru nindri madlentji?”
23662	MAT 13:54	Ja Nau ngura kamanelini wokarana wonti, ja Nulu tanangu ngujangujara jinkina wonti jaura pungani tananani, ja tana pirna ngaruparana wonti ja jatana wonti: “Wodajerindru Nulia ninapini kiri ja ngurula manina?
23663	MAT 13:55	Naupini wata pita ngankanietjaia ngatamura nganai? Ja ngandri nunkani Maria? Ja ngatata nunkani Jakobus ja Joses ja Simon ja Judas?
23664	MAT 13:56	Ja wata kaku nunkani pratjana ngaianangu jela nganai? Wodajerindru Nulia jenia pratjana manina?”
23704	MAT 15:2	“Minandru milieli jinkanali pinaraia jirijiribani jaura dankarai? Ngangau tanali mara wata kulirkateriai buka tajila.”
23718	MAT 15:16	Jesus jatana wonti: “Bakana jura patipati nganai?
23719	MAT 15:17	Jura wata ngujamai, jenipara pratjana, mina manani wiriai, mandrani ngariai, ja ngadani palkingai?
23749	MAT 16:8	Jesujeli jenia matja ngujamana, Nau tanangu jatana wonti: “Minandru jura ngankamaliai, jura wuldrungundranietja, ngangau jura wata buka padakana warai?
23750	MAT 16:9	Jura wata ngundrai ja wata mangatandra wilpariai buka ngunku mara wora materani 5,000, ja worderuntja billi jura kampana paraia?
23751	MAT 16:10	Ja bakana Wata buka ngunku mara wora ja mandru materani 4,000, ja worderuntja billi jura kampala wiri?
23767	MAT 16:26	Jenia kanani ngumu nganai kara, nulu mita maru maninani, ja mungara tintaterinani? Mina kalala kanali jinkinanto kara mungarani nunkanani?
23786	MAT 17:17	Jesujeli kalabana wonti ja jatana wonti: “Jura nguja gilbarinietja ja tjautjauetja! Wintaranaia ngani jurangu jela nganananto? Wintaranaia ngato jurana ngamalkananto? Ninawa ngakangu padakanau ninkida.”
23794	MAT 17:25	Nau jatana wonti: “Kau.” Ja nau pungani wirina Jesujeli nina ngaringana wonti ja jatana wonti: “Mina jun-dru ngundrai, Simoniai? Worangundru mitaia kaparali kalala pilki ja pilki maniai, tanani kupandru kara, tulandru kara?”
23808	MAT 18:12	Mina jura ngundrai? Kana kulnujeli 100 tjipi ngamalkanani ja kulno tanangundru tintaterinani, nulu wata 99 mardawonpani worarala nganai ja wapaia nganai, nina manila, nau tintaterina warai?
23817	MAT 18:21	Ngadani Petrus nunkangu wokarana wonti ja jatana wonti: “Kaparajai, worderuntja pota ngatatajeli ngakanali ngakangu madlentji ngankala nganai; ja worderuntja pota ngato madlentji nunkani worananto? Pota mara wora ja mandrumata?”
23836	MAT 19:5	Ja jatana wonti: Jendrania kana kulnujeli ngaperi ja ngandri worarala nganai ja noani nunkanani jela ngamala nganai, ja pudla palku kulno nganala nganai?
23848	MAT 19:17	Nau nunkangu jatana wonti: “Minandru jundru ngana ngumu dikai? Wata kulno ngumu nganai, windri Goda kulnulu. Jundru ngantjanani tepini wirila, jirijiribani jaura ngamalkamai.”
23874	MAT 20:13	Nulu kalabana wonti ja tanangundru kulnuni jatana wonti: “Kamaneliai, ngato jinkangu wata tjikatjika ngankai; wata ngaldra talpadakijiribamalina warai mardatandra kulnuja?
23876	MAT 20:15	Wata ngakangu talku nganai, potuni ngakanani ngankala worderu ngato ngantjai? Jidni milki madlentji, ngangau ngani ngumu nganai?
23920	MAT 21:25	Johannini multibanila, wodajerindru nau nganana wonti: Pariwilpandru kara kanandru kara?” Tanali tjurujeli ugundrana wonti, ja jatana wonti: “Ngaiani jatanani, “pariwilpandru,” Nauja ngaianingu jatala nganai: Minandru jura nunkangu wata morlalu ngundrana wonti?
23923	MAT 21:28	Mina jura ngundrai? Kana kulnujeli ngatamura mandru ngamalkana wonti, ja nau ngoperalani wokarana wonti ja jatana wonti: “Ngatamurajai, wapau, ja karari ngankau ngakani wain maruni.”
23937	MAT 21:42	Jesus tanangu jatana wonti: “Jura wata warapanala jaurani: Naupini marda, nina wotinietjali worana wonti, nau marda buru pantjina wonti. Kaparandru nau jenia pantjina wonti, ja ngaianangu milkini ngaruparana pirna nganai?
23959	MAT 22:18	Jesujeli madlentji tanani matja ngujamana, Nau jatana wonti: “Minandru jura ngana wontjai, jura kana jeljujelju?
24004	MAT 23:17	Jura kana patipati ja butju! mina morla pirna nganai, marda maralje kara, Godaia punga kara, nulu nina marda maralje kulikiri ngankai?
24006	MAT 23:19	Jura kana patipati ja butju! mina morla pirna nganai, poto kara, Altara kara, nulu poto klikiri ngankai?
24020	MAT 23:33	Jura tjutju ja wiparaia kuparu worajai! worderu jura turuja kalalandru puntila nganai?
24028	MAT 24:2	Jesus tanangu jatana wonti: “Jura najiai jenia pratjana? Morlalu ngani jurangu jatai: Wata marda kulno marda kulnuni parala nganai ninaia tanali wata wokarihala nganai?”
24029	MAT 24:3	Nau maninindri mardawonpani ngamana ngarina, mili nunkani nunkangu pilki wokarana wonti ja jatana wonti: “Ngaianingu jatau, winta jenia pantjila nganai? Ja mina jinkani tikani ja mita maruja mudani malka nganai?”
24071	MAT 24:45	Worana mili talku ja kiri nganai, nina kaparali najinajibanietja milini nunkanani kuranala, nulu tanangu buka ditji talkuni jinkinanto?
24114	MAT 25:37	Ngadani kana talkujeli nunkangu kalabala nganai ja jatala nganai: “Kaparajai, winta ngaiani jidna inaua najina warai, ja jidna jerto ngankana warai? terti kara, ja jidna kaljura ngankana warai?
24115	MAT 25:38	Winta ngaiani jidna tula najina warai ja jidna patana warai? balu kara, ja jinkangu kati widmana warai?
24131	MAT 26:8	Milieli nunkanali jenia najina, tana junkarina wonti ja jatana wonti: “Minani jenia tintana?
24133	MAT 26:10	Jesujeli jenia ngujamana, Nau tanangu jatana wonti: “Minandru jura nanaia widla jupai? nandruja ngankana ngumu ngakangu ngankana warai.
24163	MAT 26:40	Ja Nau mili worangu tikana wonti, ja tanana muka mankamankana wonti ja Petrungu jatana wonti: “Mina, jura ngandandariai ngalje ngakangunto tepi ngamala?
24176	MAT 26:53	Jundru ngundrai, ngani karari ngandandariai Ngaperani ngakanani ngatjila, ja Nulia ngakangu angela morla marapu jinpananto legiona marapratjana ja mandruni?
24188	MAT 26:65	Ngadani Priesta pirnali kati nunkani purana wonti ja jatana wonti: “Nulia Goda ngirkibana warai; minani ngaiani jaura morlalu morla ngamalkananto? Mai, karari jura ninaia Goda ngirkibanani ngarana warai.
24202	MAT 27:4	Ja jatana wonti: “Ngato madlentji ngankana warai, ngangau ngato kumari kulikiri wontawontana warai.” Tana jatana wonti: “Mina jenia ngaianingu? Muntali najiau!”
24308	MRK 1:24	Ja jatana wonti: “Burru, mina ngaianingu ja jinkangu, Jesujai Nazarenalajai, jidni wokarana warai ngianina teribala? Ngato jidna ngujamai, worana jidni nganai: Godaia kulikiri!”
24311	MRK 1:27	Ja pratjana pirna ngaruparana wonti, jeruja tana jakalkijiribamalina wonti ja jatana wonti: “Mina jenia nganai? Mina naupini ngujangujara marra nganai? Ngangau Nulu ngurungurujeli bakana kutji murumuruni jirijiribai, ja tana nunkangu pankiai.”
24336	MRK 2:7	“Minandru Nulupini jeruja Goda ngirkibai? Worana ngurunguru nganai madlentji kalingala, kalitakali Goda kulnulu?”
24337	MRK 2:8	Ja nurujeli Jesujeli Jaolali nunkanali ngujamana wonti, tanali jeruja ngundrai, Nau tanangu jatana wonti: “Minandru jura ngarali juranali jenia ngundrai?
24338	MRK 2:9	Mina morla ngaua nganai, kana tjundurani jatala kara: Madlentji jinkani matja worana, jatala kara: Terkakau, turarani piri jinkani maniau ja wapau?
24348	MRK 2:19	Ja Jesus tanangu jatana wonti: “Noangantjanipirnaia kamaneli ngandandariai milja ngamala noangantjanipirna tanangu jela ngananani? Jeruntjaia tanali noangantjanipirna ngamalkai, tana ngandandariai milja ngamala.
24354	MRK 2:25	Ja Nau tanangu jatana wonti: “Jura wata warapanala, mina Davidali ngankana wonti, jendranguta nau buka pani nganana wonti, ja nau, ja tana nunkangimto, mauali nganana wonti?
24355	MRK 2:26	Worderu nau Godaia pungani wirina wonti Abjathar Priesta pirnaia ditjini, ja wondrani buka tajina wonti, tanana tajila wata kuluni manuni kuranala, a-ai, windri Priestani, ja nulu bakana tanangu nunkangimto, jinkina wonti?
24380	MRK 3:23	Ja Nulu tanana karkana wonti, ja tanangu jeribaka jaurali jatana wonti: “Worderu Satanali Satan dunkalkananto?
24405	MRK 4:13	Ja Nau tanangu jatana wonti: “Ninapini jeribaka jaura jura wata ngujamanani, ja worderu jura jeribaka jaura pratjana ngujamala nganai?
24413	MRK 4:21	Ja Nau tanangu jatana wonti: “Praitji wokarai, nina kokuni ngarinalu kara, turarani pirini ngarinalu kara kurala? Nau wata parai, nina praitjaia potuni kurala?
24422	MRK 4:30	Ja Nau jatana wonti: “Worangu jeribaka ngaiani Godaia milila kurananto? Mina jeribaka jaurali ngaiani nina jeribaka kurananto kara?
24432	MRK 4:40	Ja Nau tanangu jatana wonti: “Minandru jura jeruja japali nganai? Minandru jura wata morlalu ngundrai?”
24440	MRK 5:7	Ja maritjina wonti ngaiala pirnali ja jatana wonti: “Mina ngakangu ja jinkangu Jesujai, Goda Kapara pirnaia Ngatamurajai? Ngani jinkangu Godani jaura morlalu jatai, wata ngana jupau!”
24472	MRK 5:39	Ja Nau matja wokarana wirina, Nau tanangu jatana wonti: “Minandru jura juajuangai ja jindrai? Kupa wata nari, a-ai, nania windri mukaturarai.”
24478	MRK 6:2	Ja matja Sabbatarina, Nulu wonina wonti jaura pungani ngujangujara jinkila; marapujeli jenia ngarana, pirna ngaruparana wonti ja jatana wonti: “Wodajerindrn Nulu jenia ngamalkai? Ja mina kiri jenia nganai nunkangu matja jinkina, ja jenia ngurula pirna, Nulia marali ngankai?
24479	MRK 6:3	Naupini wata pita ngankanietja nganai, Mariani ngatani, ja Jakobuni ja Joseni ja Judani ja Simonani neji? Ja kaku nunkani wata ngaianangunto nganai?” Ja tana nunkangu kalakalarina wonti.
24514	MRK 6:38	Nau tanangu jatana wonti: Worderuntja buka ngunku jura ngamalkai? Wapanau ja najianau!” Ja tanali matja ngujamana, tana jatana wonti: “Mara wora, ja paru mandru.”
24550	MRK 7:18	Ja Nau tanangu jatana wonti: “Jeruja bakana jura patipati nganai? Jura wata ngujamai, jenipara pratjana, mina palarandru kanani wiriai, ngandandariai nina murumuru ngankala?
24581	MRK 8:12	Ja Nau Jaolali nunkanali ngaurongauro plrna pantjina wonti ja jatana wonti: “Minandru nulupini ngujali malka kulno ngundrai? Morlalu ngani jurangu jatai: Nulupini ngujali wata malka kulno manila nganai.”
24586	MRK 8:17	Ja Jesujeli jenia ngujamana, Nau tanangu jatana wonti: “Minandru jura ngankamaliai ngangau jura buka pani ngamalkai? Jura wata ngundrai ja bakana wata ngujamai? Jura kararilu ngara ngurunguru nganai?
24587	MRK 8:18	Jura milki ngamalkai ja wata najiai? Jura talpa ngamalkai ja wata ngarai? Ja jura wata mangatandra wilpariai?
24589	MRK 8:20	Ngato buka ngunku mara wora ja mandru 4,000 materani matja wokaribana, worderuntja billi buka worduwordujeli manamiri jura kampala wiri? Ja tana jatana wonti: “Mara wora ja mandrumata.”
24605	MRK 8:36	Jenia kanani ngumu nganai kara, nulu mita maru maninani, ja mungara nunkani tintaterinani?
24606	MRK 8:37	Mina kalala kanali jinkinanto kara mungarani nunkanani?
24626	MRK 9:19	Nulu tanangu kalabana wonti ja jatana wonti: “Jura nguja gilbarinietja, wintaranaia ngani jurangu jela nganananto, wintaranaaia ngato jurana ngamalkananto? Ninaia ngakangu padakanimai!”
24657	MRK 9:50	Kaldri ngumu nganai; kaldri wata morla kaldri ngananani, minali jura ninaia ngankingala nganai? Kaldri jurangunto ngamalkanimai, ja murlali ngamalkijiribamalianimai!”
24675	MRK 10:18	Jesus nunkangu jatana wonti: “Minandru jundru ngana ngumu dikai? Wata kulno ngumu nganai, windri Goda kulnulu.
24726	MRK 11:17	Ja Nulu ngujangujara jinkina wonti ja tanangu jatana wonti: “Wata dakanala parai: Tanali punga ngakani ngatjini punga dikananto kanani warupotuni? Ja jura ninaia watawatali maninietjaia minka ngankala wapaia.”
24739	MRK 11:30	Johanini multibanila pariwilpandru kara, kanandru kara nganana wonti? Ngakangu kalabanau!”
24740	MRK 11:31	Ja tana tjurujeli ngundrana wonti ja jatana wonti: “Ngaiani jatanani, pariwilpandru, Nauja ngaianingu jatala nganai: Minandru jura nunkangu wata morlalu ngundrana wonti?