25048	LUK 2:6	Ngana Bédiliyem Joseph (Djodjib) karrabba Mary (Meri) barriyanélanja wiba yárra-yarra njána kóma karnmáwa babardarra-bínanja. Kóma njána barrabénanja barrakóyanja ngána wíba karanjdjína bulíkkang, djárrang, djib, nanígud, ngána yalába barrabalíba. Nganéyabba yaláwa, barréyabba kakóna kabéna yángaya Meri karaméra karókkadja. Ngáyabba yaláwa nganéyabba karaméra karókkadja njabarrábbarraba keyakabéra marnbúrr-ba nayéna, karrabba kayéngka barranáwarrakala barra-barrábarraba bánd-birrikobo. Nayéna kayóra ngána bulíkkang, djarrang, djib yalába barrabáliba.
25050	LUK 2:8	Kóma karrakárriba keyanarína kánja wékkana kakóna barrakarrówa yídja barraranjdjína narrúrriba ngánga makúkkiba. Banbirrinána barrúkkana yibérra (sheep) djib.
25051	LUK 2:9	Yálawa bálbal yana Kod kalamíwara nakkébba barraranjdjína badjórlbba nganéyabba nakkébba karárramanga karanjdjina nakkébba Babba Kod kanáyana kandabilinjdjíyina yiberra barréba. Yalawa barréba barrarawayémanga.
25052	LUK 2:10	Njana balbal yana kangadjína yibérra, “Kóma narrawarayémaya. Ngayábba ngá-rama bamúmawa rdórdbalk ngúdja yínurra. Kárrabba rdórdbalk ngúdja yibbérra barra-nawarla wíba barranora.
25053	LUK 2:11	Yéna njadjákka ngarráma karaméra karókkaddja ngana-yórlorr ngána Bédiliyem, nganéyabba wíba ngána David (Daybid) keyarrárl-manga. Néyarra nganéyabba yalawa neyúkkana nakkéba. Ngana nakkebba yana njabbarrábarraba keyakabéra marnbúrrba nayena kayóra barrbarr ngána bulíkkang, djarrang, djib yalába barra-báliba. Yaláwa nakálawa djíya ngúddja bamúmawa. Karókaddja yaláwa kaworlabéna núrrabba yinúrra nandama-yámaya yána nárralakarra. Kánja Kod ndjánama karaméra kawalamíwara yinúrra. Nakkébba yaláwa kawarlobéna yingúrra waláya-karenjdjeya mándjad kangóddjbanana keyakóya bárr-barr.”