4	GEN 1:4	Ɩsɔ lɑŋlɛ hɛɛnɑ pǝ nɑɑkʋɣʋ mpʋ tɔ, ɩlɛnɑ ɩ́ fɑɣɑ-wɩ nɑ sǝkpɛtʋɣʋ.
10	GEN 1:10	Kɛlɛnɑ Ɩsɔ hɑ-tǝɣɩ hǝtɛ sɩ tɛtʋ, nɑ ɩ́ yɑɑ lʋmnɑɑ mpɛ sɩ teŋkunɑɑ, nɑ ɩ lɑŋlɛ hɛɛ.
12	GEN 1:12	Ḿpʋ́ɣʋ́ tɛtʋ lʋlǝsɑ-wǝɣɩ wɑɑnɩ wɑɑnɩ, nɑ Ɩsɔ lɑŋlɛ hɛɛ.
22	GEN 1:22	nɑ ɩ́ kooli-tǝɣɩ kʋpɑntʋ nɑ ɩ́ tɔ́ sɩ: Ɩ́ lʋlɩ nɑ ɩ́ huki nɑ ɩ́ sú teŋkunɑɑ, nɑ sumɑsɩ nɑ́ɑ́ huki tɛtʋ tɔɔ.
27	GEN 1:27	Kɛlɛnɑ ɩ́ ŋmɑ́ yʋlʋ ɩsɩɩ ɩ mɑɣɑmɑɣɑ ɩ wɛɛ tɔ. Apɑlʋ nɑ ɑlʋ kɛ ɩ ŋmɑ́-wɛ ɩsɩɩ ɩ wɛʋ tɔ
28	GEN 1:28	nɑ ɩ́ kooli-wɛɣɛ kʋpɑntʋ. Ɩlɛnɑ ɩ́ heeli-wɛ sɩ: Ɩ́ lʋlɩ nɑ ɩ́ huki nɑ ɩ́ sú tɛtʋ nɑ ɩ́ pǝsɩ-tɩ nɑ ɩ́ tɔɣɔ kɑwulɑɣɑ kɛ tiinɑ nɑ sumɑsɩ nɑ ɑtɛ wontu tǝnɑ tɔɔ nɑ ɩ́ pɑɑsǝnɑ-tɩ.
34	GEN 2:3	Pǝ tɔɔ kɛ́ Ɩsɔ koolɑ-kʋɣʋ kʋpɑntʋ nɑ ɩ́ fɑɣɑsɩ-kʋ nɑ kʋ mpɑɑ sɩ kʋ kɛ́ ɩ nyǝŋkʋ.
46	GEN 2:15	Ḿpʋ́ɣʋ́ Tɑcɑɑ Ɩsɔ sɩɩ yʋlʋ kɛ Ɩteni tɑɑlɛ ńtɛ́ tǝ tɑɑ sɩ ɩ́ hɑlɑ nɑ ɩ́ pɑɑsǝɣǝnɑ-tɛ́.
48	GEN 2:17	Amɑ kʋpɑntʋ nɑ ɩsɑɣɑtʋ pǝ cɛkǝnɑʋ tʋɣʋ pee pɑɑsi kɛ́ n kɑɑ tǝŋ. Pɔpɔtʋ fɛɩ leleŋ, kʋyɑŋku ń tɔɣɔ-yɛ ɩsɩɩ n sǝpɑ.
49	GEN 2:18	Tɛtʋ kɛ Tɑcɑɑ Ɩsɔ kɑ lɑpɑ tɑɑlɛ wontu tǝnɑ, nɑ sumɑsɩ tǝnɑ, nɑ ɩ́ lɑ́ nɑ tǝ́ polo yʋlʋ kiŋ sɩ ɩ́ nyɩ hǝlɑ nnɑ ɩ kɑ́ hɑ-tɩ tɔ, nɑ ɑnǝɣɩ pɑ yɑɑkɩ-tɩ. Ḿpʋ́ɣʋ́ yʋlʋ hɑwɑ tɔlɑ tǝnɑɣɑ hǝlɑ, nɑ tɑɑlɛ wontu nɑ sumɑsɩ tǝnɑ. Amɑ ɩ tɑ hiki sǝnlʋ wei ɩ mʋnɑ-ɩ tɔ. Ḿpʋ́ɣʋ́ ɩ tɔmɑ sɩ: Pǝ fɛɩ sɩ yʋlʋ ɩ́ cɑɣɑ ɩ tike kɛ mpʋ.
53	GEN 2:22	Ntɛnɑ ɩ́ mǝŋnɑ sǝntɑɑɣɑ ŋkɑ ɩ kɑ lǝsɑ ɑpɑlʋ tɑɑ tɔ nɑ ɩ́ ŋmɑnɑ ɑlʋ nɑ ɩ́ cɛlɑ-ɩ.
54	GEN 2:23	Tǝnɑɣɑlɛ yʋlʋ tɔmɑ sɩ: Aŋhɑɑ, mɑ́ nɑ ɩnɛ tǝ kɑɑnɑ nɑntʋ nɑ mʋwɑ. Mpi tɔ, mɑ tɑɑ kɛ́ pɑ lǝsɑ-ɩ, ɩ́lɛ́ ɩ hǝtɛ ntɛ́ ɑlʋ.
56	GEN 2:25	Yʋlʋ nɑ ɩ ɑlʋ pɑ tɔŋɑɣɑ kpɛlɑ kɛ pɑ nɑɑlɛɣɛ, pǝ́cɔ́ fɛɛlɛ nɑtǝlɩ tǝ fɛɩ-wɛ.
59	GEN 3:3	Amɑ pǝ kɑɑsʋɣʋ tʋɣʋ ŋku kʋ wɛ hɑlǝm hɛkʋ tɑɑ tɔ kʋ pee tɔ, Ɩsɔ tɔmɑ sɩ: Ɩ́ tɑɑ tǝŋ-yɛ, pǝ́cɔ́ ɩ́ tɑɑ tokinɑ-yɛ́ɣɛ́ tokinɑʋ mɑɣɑmɑɣɑ, pǝ́ tɑɑ kɔɔ nɑ ɩ́ sɩ́.
61	GEN 3:5	Amɑ Ɩsɔ nyǝ́mɑ́ sɩ kʋyɑkʋ ŋku ɩ́ tǝŋɑ-yɛ, mǝ ɩsɛ kuliɣi kɛ́ ɩsɩɩ ɩnɩ ɩ wɛʋ tɔ, nɑ ɩ́ nyǝ́mɑ́ kʋpɑntʋ nɑ ɩsɑɣɑtʋ.
62	GEN 3:6	Alʋ nɑwɑ sɩ tʋɣʋ ŋkʋ kʋ nyǝnʋɣʋ wɛ teu, pǝ́cɔ́ kʋ pee wɛ ɩsɛsɛɛmlɛ nɑ ɑ kuliɣi yǝlɑɑ ɩsɛ. Ntɛnɑ ɩ́ kooli-kʋ́ nɑ ɩ́ tɔɣɔ, nɑ ɩ́ kɑɑsɩ nɑ ɩ́ cɛlɑ ɩ pɑɑlʋ nɑ ɩ́lɛ́ ɩ́ tɔɣɔ tɔtɔ.
66	GEN 3:10	Ḿpʋ́ɣʋ́ ɩ cɔwɑ sɩ: Mɑ nɩɩ nyɑ́ nɔɣɔ kɛ tɑɑlɛ tɑɑ ɩlɛnɑ sɔɣɔntʋ kpɑ-m nɑ mɑ́ sé nɑ mɑ́ ŋmɛlɩ. Mpi tɔ, mɑ wɛ tɑpɑkpɛtɛ.
67	GEN 3:11	Tǝnɑɣɑlɛ Ɩsɔ Tɑcɑɑ nɔɣɔ tǝkpɑʋ sɩ: Awe heelinɑ-ŋ sɩ n wɛ kpɛtɛ? N tɔɣɔ tʋɣʋ ŋku ɩnɩ mɑɑ kisinɑ-ŋ tɔɣɔ?
68	GEN 3:12	Kɛlɛnɑ yʋlʋ sɩ: Mɑ tɔɣɑɑ yɑ́ɑ́, ɩlɛ ɑlʋ wei ɩnɩ n hɑ-m tɔ ɩnɩ ɩ cɛlǝnɑ-m nɑ mɑ́ tɔɣɔ.
69	GEN 3:13	Ntɛnɑ Ɩsɔ Tɑcɑɑ pɔɔsɩ ɑlʋ sɩ: Pepe tɔɔ kɛ́ nyɑ́ lɑpɑ mpʋ? Alʋ nɔɣɔ tǝkpɑʋ sɩ: Tʋm tʋsǝnɑ-m nɑ mɑ́ tɔɣɔ.
72	GEN 3:16	Ɩlɛnɑ Ɩsɔ tɔ́ ɑlʋ sɩ: Mɑɑ sɔɔsɩ-ŋ wʋsɑsɩ kɛ nyɑ́ ɑhontotʋ wɑɑtʋ, nɑ nsǝɣɩ n kɑ́ lʋlǝnɑ, nɑ n kɑ́ nyɩɩlǝɣɩ nyɑ́ pɑɑlʋ kɛ́ teu. Amɑ ɩ́lɛ́ ɩ kɑ́ lɑ nyɑ́ sɔsɔ.
73	GEN 3:17	Ɩlɛnɑ ɩ́ pǝsǝnɑ ɑpɑlʋ tɔɔ sɩ: Timpi n nɩɩnɑ nyɑ́ ɑlʋ nɑ ń tɔɣɔ tʋɣʋ ŋku mɑɑ kisinɑ-ŋ tɔ. Mɑ tǝŋsǝɣɩ tɛtʋ kɛ mpusi kɛ́ nyɑ́ mɑɣɑmɑɣɑ nyɑ́ tɔɔ. Wɑhɑlɑ nɑ wɑhɑlɑ kɛ́ nɑ pǝ́cɔ́ ń hiki nyɑ́ tɔɣɔnɑɣɑ hɑlǝnɑ nyɑ́ sǝm.
75	GEN 3:19	Ye hɑŋɑɣɑ tɑ sɔ-ŋ, n kɑɑ hiki ɩcɑʋtɛ nɑ ń mʋlɩ. Hɑlǝnɑ kʋyɑkʋ ŋku pɑɑ pi-ŋ tɛtʋ nti pɑɑ ŋmɑnɑ-ŋ tɔ tǝ tɑɑ tɔ. Mpi tɔ, n kɛ́ tɛtʋ kɛ́, pǝ́cɔ́ n kɑ́ tɑɣɑnɩ kʋlʋmtʋ ntǝɣɩ pǝsʋɣʋ tɔtɔ.
77	GEN 3:21	Ɩlɛnɑ Ɩsɔ Tɑcɑɑ kʋ wontu nɑtǝlɩ nɑ ɩ́ liti-tɩ nɑ ɩ́ tɔɣɔlɩ Atɑm nɑ ɩ ɑlʋ.
79	GEN 3:23	Ɩlɛnɑ Ɩsɔ tɔɣɔnɩ-ɩ Ɩteni tɑɑlɛ tɑɑ sɩ ɩ́ sʋʋ hɑlǝm kɛ tɛtʋ nti pɑ ŋmɑnɑ-ɩ tɔ.
84	GEN 4:4	Ɩlɛnɑ neu nɑ́ɑ́ kpɑ ɩ heeŋ tɑɑ kɛ́ kɑncɑɑlɑɣɑ kʋlʋlǝŋ nim nyǝŋ nɑ ɩ́ lɑ́ kɔtɑɣɑ tɔtɔ. Ɩlɛnɑ Tɑcɑɑ nyǝnɩ Apɛɛlɩ kɔtɑɣɑ nɑ pǝ́ kɛɛsǝnɑ-ɩ.
85	GEN 4:5	Amɑ ɩ kisɑ Kɑyini nyǝŋkɑ. Tǝnɑɣɑlɛ pǝ hɑŋɑ-ɩ teu ɩsɩɩ nɔɔhǝlɛ tɑɑ kɔkɔ, nɑ ɩ ɩsɛntɑɑ sɔŋ.
86	GEN 4:6	Ɩlɛnɑ Tɑcɑɑ pɔɔsɩ-ɩ sɩ: Pepe tɔɔ kɛ́ nyɑ́ ɩsɛntɑɑ sɔŋɑɑ?
87	GEN 4:7	Ye kʋpɑntʋ kɛ n lɑkɩ, nyɑ́ ɩsɛntɑɑ ɩ́ hɛtɩ. Amɑ ye ɩsɑɣɑtʋ kɛ n lɑkɩ, kʋlʋmtʋ ntɩ tǝ pɑpǝnɑ ntɛɣɛ nyɑ́ nɔnɔɣɔ tɛɛ ɩsɩɩ tɔɣɔlʋɣʋ nɑ tǝ́ tɑŋɑ-ŋ, nɑ tǝ́ cɑɑ-ŋ kǝlʋɣʋ. Amɑ pǝsɩ-tɩ nɑ ń kǝlɩ-tɩ.
88	GEN 4:8	Tǝnɑɣɑ Kɑyini tɔmɑ ɩ neu sɩ: Tǝ́ kpɑ tɑɑlɛ, ɩlɛnɑ Kɑyini kʋlɩ ɩ tɔɔ kɛ́ tǝnɑ nɑ ɩ́ kʋ-ɩ.
90	GEN 4:10	Ɩlɛnɑ Tɑcɑɑ pɔɔsɩ-ɩ sɩ: Pepe lɑpɑ mpʋ? Mɑ nɑwɑ nyɑ́ neu cɑlǝm kɛ ɑtɛ, nɑ pǝ wɛɛ sɩ mɑ́ lɛɛtɩ-ŋ.
91	GEN 4:11	Nɔɔnɔɔ tɛtʋ kɑ́ tǝŋsɩ-ŋ mpusi kɛ́ timpi n yelɑɑ nɑ tǝ́ hɑɑ nɔɣɔ nɑ tǝ́ li nyɑ́ neu cɑlǝm kɛ nyɑ́ niŋ tɑɑ tɔ.
92	GEN 4:12	Pɑɑ n kɑ́ hɑlɑ-tǝɣɩ ɩsǝnɑ, n kɑɑ wɑɑ pʋlʋ. N kɑ́ lɑ yem cɔɔlʋ, n kɑɑ wɛɛnɑ tǝyɑɣɑ.
93	GEN 4:13	Mpʋɣʋlɛ Kɑyini cɔwɑ Tɑcɑɑ sɩ: Mɑ sɑlǝkɑ kǝlɑ-m.
94	GEN 4:14	Nyǝnɩ, sɑŋɑ ń tɔɣɔnǝɣɩ-m tɛtʋ kʋpɑntʋ tǝnɛ tǝ tɑɑ kɛlɛ, mɑ kɑɑ tɑsɑ nyɑ́ ɩsǝpǝle tɑɑ kɛ́ loosuɣu. Mɑɑ pǝsɩ yem cɔɔlʋ, mɑ kɑɑ wɛɛnɑ tǝyɑɣɑ, nɑ wei ɩ́ hikɑ-m ɩ kʋ-m.
95	GEN 4:15	Tǝnɑɣɑlɛ Tɑcɑɑ nɔɣɔ tǝkpɑʋ sɩ: Aɑɩ, ye wei ɩ́ kʋwɑ Kɑyini, ɩsɩɩ mɑ fɛlɑ pʋntʋ kɛ pǝ tɔm nɑɑtosompɔɣɔlɑɣɑ. Ɩlɛnɑ Tɑcɑɑ yʋsɩ Kɑyini sɩ ye wei ɩ́ nɑ-ɩ ɩ́ tɑɑ kʋ-ɩ.
97	GEN 4:17	Ḿpʋ́ɣʋ́ Kɑyini nyǝmɑ́ ɩ ɑlʋ nɑ ɩ́ lɑ́ teu nɑ ɩ́ lʋlɩ Henɔkɩ. Ɩlɛnɑ ɩ́ ŋmɑ́ ɩcɑtɛ nɑ ɩ́ hɑ-tɛɣɛ ɩ pǝyɑlʋ hǝtɛ.
102	GEN 4:22	Silɑ ɩ́lɛ́ ɩ lʋlǝnɑ ntɛɣɛ Tupɑɑlɩ-Kɑyini, wei ɩ luki nyǝɣǝlʋɣʋ kʋsɛɛmʋɣʋ nɑ nyǝɣǝlʋɣʋ mɑɣɑmɑɣɑ wontu tɔ. Ɩ neu kɛ pɑ yɑɑkɑɣɑ sɩ Nɑɑmɑ.
103	GEN 4:23	Ḿpʋ́ɣʋ́ Lemɛkɩ tɔmɑ ɩ ɑlɑɑ Atɑ nɑ Silɑ sɩ: Mɑ ɑlɑɑ mɛ, ɩ́ nɩɩ mɑ tɔm yoo. Mǝ tɑɑ lɛlʋ pɑɑlʋ cǝtǝlɑ-m kɛ́ nɑ mɑ́ kʋ-ɩ.
105	GEN 4:25	Atɑm pɑ tɑsɑ ɑpɑlʋpǝyɑɣɑ kɛ lʋlʋɣʋ ɩlɛnɑ Ɩfɑ hɑ-kɛɣɛ hǝtɛ sɩ Sɛɛtɩ, sɩ Tɑcɑɑ hɑ ɩnǝɣɩ ɑpɑlʋpǝyɑɣɑ lɛŋkɑ kɛ Apɛɛlɩ wei Kɑyini kʋwɑ tɔ ɩ lonte.
106	GEN 4:26	Sɛɛtɩ nɑ́ lɑpɑ yʋlʋ nɑ ɩ́ lʋlɩ ɑpɑlʋpǝyɑɣɑ nɑ ɩ́ hɑ-kɛ sɩ Ɩnɔɔsɩ. Wɑɑtʋ ɩnǝɣɩ yǝlɑɑ cɑɑlɑ Ɩsɔ kɛ́ sɛɛʋ sɩ Tɑcɑɑ.
107	GEN 5:1	Atɑm lʋlʋɣʋ nyǝ́mɑ hǝlɑ ntɔ cǝnɛ. Wɑɑtʋ wei Ɩsɔ ŋmɑ́ yʋlʋ tɔ, ɩ ŋmɑ-ɩ kɛ́ ɩsɩɩ ɩ wɛɛ tɔ.
108	GEN 5:2	Apɑlʋ nɑ ɑlʋ kɛ ɩ ŋmɑwɑ nɑ ɩ́ hɑ-wɛ sɩ yǝlɑɑ nɑ ɩ́ kooli-wɛɣɛ kʋpɑntʋ.
109	GEN 5:3	Atɑm pɩɩsɩ lɑpɑ nɩɩnʋwɑ nɑ hiu nɑ nɑɑnʋwɑ (130) kɛ́ ɩlɛnɑ ɩ́ lʋlɩ pǝyɑɣɑ nɑ kɑ́ kpɑɣɑ-ɩ tǝtɛŋɛlɛŋ nɑ ɩ́ hɑ-kɛɣɛ hǝtɛ sɩ Sɛɛtɩ.
130	GEN 5:24	Henɔkɩ kɑ tǝŋɑ Ɩsɔ kɛ́ teu kɛ́ nɑ Ɩsɔ wɛ ɩ wɑɑlɩ. Pǝ kɔmɑ nɑ pǝ kɛɛsɩ ɩlɛnɑ Ɩsɔ kpɑɣɑ-ɩ nɑ ɩ ɩsɛ, nɔɣɔlʋ tɑ tɑsɑ-ɩ nɑʋ.
135	GEN 5:29	nɑ ɩ́ hɑ-kɛ sɩ Nowee. Mpi tɔ, ɩ tɔmɑɣɑ sɩ ɩnɛ ɩnɩ ɩ kɑ́ hɛɛsǝnɑ tɑ́ lɑŋɑ kɛ tɑ ɩkɑɑlɛnɑɑ nɑ tɑ́ wɑhɑlɑ tǝmɑ tɑɑ kɛ́ tɛtʋ nti ɩnɩ Tɑcɑɑ tǝŋsɑ mpusi kɛ́ tɑ́ tɔɔ tɔ tǝ tɑɑ cǝnɛ.
144	GEN 6:6	Ḿpʋ́ɣʋ́ Tɑcɑɑ lɑŋlɛ wɑkǝlɑɑ nɑ pǝ́ wɩɩ-ɩ sɔsɔm kɛ mpi pǝ tɔɔ ɩ ŋmɑ́ yʋlʋ tɔ.
152	GEN 6:14	Cɑɑ tʋɣʋ kʋpɑŋkʋ nɑkʋlɩ nɑ ń sɑɑkɩ nyɑ́ tǝɣɩ ɑtɑkɑɑ pɔɣɔlʋɣʋ sɔsɔɔʋ nɑ ń tɑlɑ kʋ tɑɑ kɛ́ nɑŋsi nɑŋsi, nɑ ń tɑɑ-kʋɣʋ tʋɣʋ cǝlǝm kɛ kʋ tɑɑ nɑ kʋ wɑɑlɩ.
153	GEN 6:15	Ɩsǝnɑ n kɑ́ lɑ-kʋ tɔɣɔlɔ, kʋ tɑɣɑlǝŋ kɑ́ wɛɛ mɛɛtǝlǝnɑɑ nɩɩnʋwɑ nɑ nɩɩlɛ nɑ nɑɑnʋwɑ (150) nɑ kʋ wɑŋ kɛ mɛɛtǝlǝnɑɑ hiu nɑ kɑkpɑsɩ nɑ kʋ kʋŋkʋlʋmǝŋ kɛ mɛɛtǝlǝnɑɑ nɑɑnʋwɑ nɑ kɑkpɑsɩ.
154	GEN 6:16	Nɑ ń tʋlɩ-kʋɣʋ pǝtote kɛ mpiiŋ nɑɑlɛ kɛ lɔpʋtʋ luɣu tɛɛ nɑ nɔnɔɣɔ kɛ kʋ kɔŋkɔŋ tɑɑ. Nɑ ń lɑ-kʋɣʋ ɑtɛ nɑ ɩsɔ kutuluŋ kɛ tooso.
156	GEN 6:18	Amɑ mɑ́ nɑ nyɑ́ tɩɩ pɛɛlɩ nɔɣɔ sɩ mɑɑ wɑɑsɩ-ŋ. Nɑ nyɑnɑ nyɑ́ ɑlʋ nɑ nyɑ́ pǝyɑlɑɑ nɑ nyɑ́ poolɑɑ ɩ́ kɑ́ sʋʋ kʋ tɑɑ.
160	GEN 6:22	Mpʋ ɩnǝɣɩ Nowee tǝŋɑɑ nɑ ɩ́ lɑ́ pǝ tǝnɑ mpi Ɩsɔ tʋ́-ɩ tɔ.
161	GEN 7:1	Ḿpʋ́ɣʋ́ Tɑcɑɑ tɔmɑ Nowee sɩ: Nyɑnɑ nyɑ́ tǝyɑɣɑ tǝnɑ ɩ́ sʋʋ ɑtɑkɑɑ pɔɣɔlʋɣʋ tɑɑ. Mpi tɔ, nyɑ́ tike kɛ mɑ nɑwɑ wei ɩ nɩɩkǝnɑ-m tɔɣɔ yǝlɑɑ pɑnɛ pɑ hɛkʋ.
165	GEN 7:5	Ɩlɛnɑ Nowee lɑ pǝ tǝnɑ ɩsɩɩ Tɑcɑɑ heelɑ-ɩ tɔ.
177	GEN 7:17	Kʋyɛɛŋ nɩɩlɛ tǝcu kɛ́ tɛʋ nɩɩwɑ, ɩlɛnɑ lʋm kpɑ nɑ pǝ́ kɛlɩ ɑtɑkɑɑ pɔɣɔlʋɣʋ, nɑ pǝ́ kpɑɑsɩ-kʋɣʋ ɩsɔtɑɑ.
193	GEN 8:9	Amɑ ɑlukuku lɑŋɑ timpi ɩ́ tɩɩ sopi sopuɣu mɑɣɑmɑɣɑ tɔ, ɩlɛnɑ ɩ́ mǝlǝnɑ Nowee tɔɔ. Mpi tɔ, lʋm kɑ́ wɑɑsɑ tɛtʋ tǝnɑ tɔɔ kɛ́. Nɑ Nowee siisi nɑ ɩ́ kpɑ ɑlukuku nɑ ɩ́ mǝlǝnɑ-ɩ ɩ kiŋ.
202	GEN 8:18	Ɩlɛnɑ Nowee-wɛ nɑ wontu tǝnɑ pɑ́ lɩɩ ɑtɑkɑɑ pɔɣɔlʋɣʋ tɑɑ.
215	GEN 9:9	Mɑ́ nɑ-mɛ tɩɩ pɛɛlɩ nɔɣɔ nɑ kɑ́ wɛɛ mpʋ hɑlǝnɑ mǝ lʋlʋɣʋ nyǝ́mɑ kɛ mǝ wɑɑlɩ.
218	GEN 9:12	Ɩlɛnɑ Ɩsɔ tɑsɑ sɩ: Mɑ tʋɣɩ kɑɣɑlʋ nɑ ɩ́ hʋ́lǝ́ɣɩ́ tɑm tɔɔ kɛ́ nɔɣɔ ŋkɑ mɑ́ nɑ-mɛ nɑ weesuɣu nyǝm tǝnɑ nɑ mǝ wɑɑlɩ lʋlʋɣʋ nyǝ́mɑ tǝ pɛɛlɑɑ tɔ.
221	GEN 9:15	ɩlɛnɑ pǝ́ tɔɔsɩ-m nɔɣɔ ŋkɑ mɑ sɩɩ mǝ nɑ weesuɣu nyǝm tǝnɑ sɩ lʋm kʋ́wɑ́ɑ́sǝm mpɩ pǝ kɑɑ tɑsɑ kɔntɛ nɑ pǝ́ kpiisi weesuɣu nyǝm.
222	GEN 9:16	Ɩsɔtɔnʋɣʋ tɑɑ kɛ́ kɑɣɑlʋ kɑ́ kɑɣɑ, nɑ mɑ́ nyǝnɑ-ɩ ɩlɛ pǝ tɔɔsɩ-m nɔɣɔ ŋkɑ mɑ sɩɩ weesuɣu nyǝm tǝnɑ tɔ.
223	GEN 9:17	Mpi pǝ hʋlǝɣɩ nɔɣɔ ŋkɑ mɑ sɩɩ-wɩ tɔɣɔlɛ.
227	GEN 9:21	Ɩlɛnɑ ɩ́ nyɔɔ pǝ sʋlʋm nɑ pǝ́ kʋ́-ɩ nɑ ɩ́ wɔɣɔsɩ ɩ wontu nɑ pǝ́ yele-ɩ tɑpɑkpɛtɛ kɛ cokǝle tɑɑ.
229	GEN 9:23	Ntɛnɑ Sem nɑ Yɛfɛtɛ pɑ́ kpɑɣɑ kpɑɩ nɑ pɑ́ hɔɣɔlɩ-ɩ nɑ pɑ́ tɔnɑ wɑɑlɩ wɑɑlɩ nɑ pɑ́ tɑkɩ pɑ cɑɑ. Ɩlɛ pɑ tɑ nɑ ɩ tɑpɑkpɛtɛ. Mpi tɔ, wɑɑlɩ wɑɑlɩ kɛ́ pɑ tɔmnɑɑ.
231	GEN 9:25	Ɩlɛnɑ ɩ́ tɔ́ sɩ: Mpusi ɩ́ tǝŋ Kɑm pǝyɑlʋ Kɑnɑɑŋ nɑ pǝ́ lɑpɩ-ɩ ɩ tɑɑlʋnɑɑ yom tǝkpɑpɑ.
232	GEN 9:26	Mɑ sɑmɑ Sem Ɩsɔ Tɑcɑɑ. Pǝ́ lɑ Kɑnɑɑŋ kɛ Sem-wɛ pɑ yom.
240	GEN 10:5	Mpɛ ɩnɩ pɑ hukinɑ tɛtʋ nti lʋm cɔɔnɑɑ tɔ tǝ tɑɑ ɩsɩɩ tǝ nɑɑkʋɣʋ-wɛ nɑ pɑɑ wei nɑ ɩ nsǝmlɛ nɑ ɩ lʋlʋɣʋ tɔ.
244	GEN 10:9	Tɑcɑɑ sǝnɑ-ɩ kɛ́ nɑ ɩ́ pǝsɩ yɛllɑɑ tɑɑ yɛllʋ. Pǝ tɔɔ kɛ́ pɑ tukɑɣɑ ɩtuule kɛ wɑɑtʋ ɩnɩ sɩ: Tɑcɑɑ ɩ́ yele nɑ ń pǝsɩ yɛllɑɑ tɑɑ yɛllʋ ɩsɩɩ Nimloti.
246	GEN 10:11	Tɛtʋ ntɩ tǝ tɑɑ kɛ́ ɩ lɩɩwɑ nɑ ɩ́ polo Asilii nɑ ɩ́ ŋmɑ́ Ninifi, nɑ Lehopoti-Hiili, nɑ Kelɑ,
270	GEN 11:3	Mpʋɣʋlɛ pɑ heelɑ tǝmɑ sɩ: Ɩ́ kɔɔ nɑ tǝ́ loo pilikinɑɑ nɑ tǝ́ wɔ-wɛɣɛ kɔkɔ. Ɩlɛnɑ pɑ́ lɑnɑ pilikinɑɑ kɛ pɛɛ lonte nɑ pɑ́ lɑnɑ kɑɑloo kɛ́ somtu lonte.
273	GEN 11:6	Ɩlɛnɑ Tɑcɑɑ tɔ́ sɩ: Ɩ́ nɑwɑ, pɑ tǝnɑ ɩsǝntɔ pɑ kɛ́ yǝlɑɑ kʋlʋmɑɑ kɛ́, nɑ pɑ kɑɑ nsǝmlɛ kʋlʋmtǝlɛ. Pɑ cɑɑlʋɣʋ ɩsǝntɔ tɔ pʋlʋpʋ kɑɑ kɑɣɑtɩ-wɛɣɛ mpi pɑɑ hɔkɔ sɩ pɑ lɑkɩ tɔ pǝ tɑɑ.
275	GEN 11:8	Ntɛnɑ Tɑcɑɑ yɑsɩ-wɛɣɛ ɑntulinyɑ tǝnɑ tɑɑ nɑ pɑ́ yele pɑ ɩcɑtɛ ŋmɑʋ.
276	GEN 11:9	Mpʋ pǝ yelinɑ nɑ pɑ́ hɑ ɩcɑtɛ ntɛɣɛ hǝtɛ sɩ Pɑpɛɛlɩ. Mpi tɔ, tǝnɑɣɑ Tɑcɑɑ liɣitɑ yǝlɑɑ nsǝmlɛ, nɑ ɩ́ yɑsɩ-wɛɣɛ ɑntulinyɑ tǝnɑ tɑɑ.
295	GEN 11:28	Amɑ Hɑlɑŋ nɑ́ sǝpɑ Uu ɩcɑtɛ tɑɑ timpi pɑ lʋlɑ-ɩ tɔɣɔ Pɑpiloni tɛtʋ tɑɑ nɑ ɩ cɑɑ Telɑ tɑ sǝtɑ.
300	GEN 12:1	Ḿpʋ́ɣʋ́ kʋyɑkʋ nɑkʋlɩ Tɑcɑɑ heelɑ Apǝlɑm sɩ: Lɩɩ nyɑ́ tɛtʋ tɑɑ kɛ́ nyɑ́ nyǝ́mɑ hɛkʋ kɛ nyɑ́ cɑɑ tǝyɑɣɑ tɑɑ, nɑ ń polo tɛtʋ nti mɑɑ hʋlɩ-ŋ tɔ tǝ tɑɑ.
301	GEN 12:2	Mɑɑ yele nɑ nyɑ́ piitim lɑ sɔsɔɔm nɑ mɑ́ kooli-ŋ kʋpɑntʋ, nɑ nyɑ́ hǝtɛ yɑɑ, nɑ ń pǝsɩ kʋpɑntʋ tiipiiu.
302	GEN 12:3	Mɑɑ kooli kʋpɑntʋ kɛ nyɑ́ kʋpɑntʋ koollɑɑ nɑ mɑ sʋkɩ mpusi kɛ́ mpɑ pɛlɛ pɑɑ sʋkɩ-ŋ mpusi tɔ. Nyɑ́ tɔɔ kɛ́ ɑtɛ piitimnɑɑ kɑ́ hiki nyʋleleŋ nɑ pǝ́ kooli-wɛɣɛ koolee kʋpɑnɑ.
303	GEN 12:4	Mpʋɣʋlɛ Apǝlɑm kpɑɣɑ ɩ ɑlʋ Sɑlɑɩ nɑ ɩ tɑɑlʋ pǝyɑɣɑ Lɔɔtɩ nɑ ɩ wɛnɑʋ tǝnɑ nɑ ɩ tǝmlɛ nyǝ́mɑ mpɑ ɩ hikɑ Hɑlɑŋ tɔ nɑ ɩ́ lɩɩ tǝnɑ ɩsɩɩ Tɑcɑɑ kɑ heeluɣu-ɩ tɔ nɑ ɩ́ tɛɛ Kɑnɑɑŋ tɛtʋ tɑɑ. Wɑɑtʋ ɩnɩ ɩ pɩɩsɩ kɑ wɛ nɩɩtoso nɑ nɑɑnʋwɑ nɑ kɑkpɑsɩ. Ɩ tɑpɑ tɛtʋ ntɩ ɩlɛnɑ
1538	EXO 1:5	Yɑkɔpʋ pǝyɑlɑɑ nɑ ɩ sɑɑlǝnɑɑ mpɛ pɑ tǝnɑ pɑɑ wɛ yʋlʋnyɔɔŋ nɩɩtoso nɑ nɑɑnʋwɑ (70) kɛ́. Ɩlɛ ɩ pǝyɑlʋ lɛlʋ Yosɛɛfʋ nɑ́ lɑɑlɑ-wɛɣɛ Icipiti kɛ pote.
1542	EXO 1:9	Ntɛnɑ ɩ́ koti ɩ yǝlɑɑ nɑ ɩ́ tɔ-wɛ sɩ: Ɩ́ nyǝnɩ, Ɩsɛɣɛlɩ nyǝ́mɑ kǝlɑ-tʋɣʋ sɑmɑɑ nɑ toŋ, pɑ wɛ-tʋɣʋ ɑsolɑ kɛ́.
1543	EXO 1:10	Mpʋ tɔ, pǝ wɛɛ sɩ tǝ́ pɛɛkɩ yɑɑsi wei tɩɩ pɑsǝnɑ-wɛ tɔ. Pǝ́ tɑɑ kɔɔ nɑ pǝ́ yoosi tɑ́ nɑ tɑ́ kolontunɑɑ nɑ mpɛ pɑ́ sɛɛnɑ pɑ tɔɔ nɑ pɑ́ kǝlɩ-tʋ. Ɩlɛnɑ pɑ́ se nɑ pɑ́ tɛɛ.
1544	EXO 1:11	Tǝnɑɣɑlɛ Icipiti nyǝ́mɑ tʋwɑ Ɩsɛɣɛlɩ nyǝ́mɑ kɛ yomle tǝmɑ wɑhɑlɑ nyǝnɑ. Nɑ pɑ́ kpɑ ɑ feŋlɑɑ nɑ pɛlɛ pɑ́ tʋɣʋ-wɛɣɛ-yɛ. Hɑlɩ Ɩsɛɣɛlɩ nyǝ́mɑ mpɛ pɑ ŋmɑnɑ ɑcɑlɛɛ wenɑ pɑ yɑɑ sɩ Pitom nɑ Lɑmsɛsɩ tɔ. Tǝnɑɣɑ Icipiti wulɑʋ sɩɩkɩ ɩ wontu.
1545	EXO 1:12	Pɑɑ nɑ pɑ tǝmɑ ɑnǝɣɩ mpʋ tɔ, pɑ tɔŋnɑ hukuɣu kɛ́ nɑ pɑ́ suɣi tɛtʋ. Ɩlɛnɑ Icipiti nyǝ́mɑ tɛɛ nɑ́ɑ́ sʋʋkǝnɑ-wɛɣɛ sɔsɔm.
1546	EXO 1:13	Ḿpʋ́ɣʋ́ pɑ tʋ-wɛɣɛ yomle tǝmɑ. Ɩlɛnɑ pɛlɛ pɑ́ lɩɩ pɑ tǝɣɩ luɣu. Mpi tɔ, cʋɣʋ kɛ pɑ cɑsɑɣɑ nɑ pɑ́ ŋmɑɑkɩ pilikinɑɑ, nɑ pɑ́ lɑkɩ tɑwɑ tǝmɑ tǝnɑ. Pɑ tʋkɑɣɑ-wɛɣɛ-yɛɣɛ ḿpʋ́ɣʋ́ nɑ mʋsʋŋ.
1548	EXO 1:15	Hepǝlɑ nyǝ́mɑ kɑ wɛnɑ ɑlɑɑ lʋlǝsǝlɑɑ kɛ nɑɑlɛɣɛ. Pɑ yɑɑ lɛlʋ sɩ Sifǝlɑ nɑ lɛlʋ sɩ Puwɑ. Mpʋɣʋlɛ Icipiti wulɑʋ yɑɑ-wɛ nɑ ɩ́ heeli-wɛ sɩ:
1551	EXO 1:18	Tǝnɑɣɑlɛ wulɑʋ yɑɑ-wɛ nɑ ɩ́ pɔɔsɩ-wɛ sɩ: Pepe tɔɔ kɛ́ ɩɩ kʋɣɩ ɑpɑlʋpiyɑ mpɛ?
1553	EXO 1:20	Ḿpʋ́ɣʋ́ Ɩsɔ koolɑ lʋlǝsǝlɑɑ mpɛɣɛ kʋpɑntʋ, nɑ ɩ́ lɑ́ nɑ pɑ piitim tɑɣɑlɩ. Mpi tɔ, pɑ nyɑŋɑɣɑnɑ-ɩ tɔ pǝ tɔɔ. Ɩlɛnɑ Ɩsɛɣɛlɩ nyǝ́mɑ nɑ́ɑ́ hukiɣi nɑ pɑ́ nyɔɔkɩ toŋ.
1555	EXO 1:22	Ḿpʋ́ɣʋ́ Icipiti wulɑʋ tʋwɑ Icipiti nyǝ́mɑ tǝnɑ sɩ: Ye Hepǝlɑ ɑlʋ lʋlɑ ɑpɑlʋpǝyɑɣɑ ɩ́ tǝŋsɩ-kɛɣɛ Nili pɔɣɔ lʋm. Amɑ ɩ́ yeki ɑlʋpiyɑ.
1557	EXO 2:2	Ɩlɛnɑ ɑlʋ ɩnɩ ɩ́ lɑ́ teu nɑ ɩ́ lʋlɩ ɑpɑlʋpǝyɑɣɑ. Kɑ lɑpɑ-ɩ teu kɛ sɔsɔm. Ɩlɛnɑ ɩ́ mɑɣɑsɩ-kɛɣɛ ŋmɛsʋɣʋ kɛ ɩsɔtʋnɑɑ tooso.
1558	EXO 2:3	Ɩ nɑwɑ sɩ ɩ kɑɑ pǝsɩ nɑ ɩ́ ŋmɛsɩ-kɛ, ɩlɛnɑ ɩ́ cɑɑ kowusɑɣɑ nɑ ɩ́ tɑɑ-kɛɣɛ kɑɑloo, nɑ tʋɣʋ nɑkʋlɩ kʋ cǝlǝm sɩ lʋm ɩ́ tɑɑ sʋʋ. Ḿpʋ́ɣʋ́ ɩ hɩɩsɑ pǝyɑɣɑ kɛ pǝ tɑɑ nɑ ɩ́ ponɑ kowusɑɣɑ ŋkɛ nɑ ɩ́ sɩɩ pɔɣɔ tɑɑ, kɛ́ kuteŋ luɣu tɛɛ, kɛ́ sǝsǝncɑɑsɩ tɑɑ.
1560	EXO 2:5	Pǝ pɑmnɑ Icipiti wulɑʋ pɛɛlɔ tii lʋm sɔʋ, nɑ ɩ tɑɑpɑlɑɑ sɩɩ-ɩ nɑ pɛlɛ pɑ́ mɑ́lǝ́ɣɩ́ kuteŋ. Ɩlɛ Icipiti wulɑʋ pɛɛlɔ loosɑ kowusɑɣɑ ntɛ́ sǝsǝncɑɑsɩ tɛɛ kɛ́ lʋm tɑɑ. Ɩlɛnɑ ɩ́ tili ɩ yomɑɑ tɑɑ lɛlʋ sɩ ɩ́ polo ɩ́ kpɑɣɑ.
1561	EXO 2:6	Ɩ kulɑɑ ɩlɛ ɩ mɑɣɑnɑ ɑpɑlʋpǝyɑɣɑ ntɛ́ nɑ kɑ́ wiiki. Kɑ tɔm lɑpɑ-ɩ pǝtɔɔtǝlɛ ɩlɛnɑ ɩ́ pǝsǝnɑ sɩ: Cǝnɛ ɩnɩ, Hepǝlɑ nyǝ́mɑ pǝyɑɣɑ kɛ́.
1562	EXO 2:7	Kɑ kɔɣɔ kɑ sǝŋɑ tǝnɑ, tǝnɑɣɑ ɩ nɔɣɔ tǝkpɑʋ sɩ: N cɑɑ sɩ mɑ́ polo mɑ́ pɛɛkɩ-ŋ Hepǝlɑ ɑlʋ wei ɩ kɑ́ mʋsǝsɩ-kɛ́ tɔ?
1564	EXO 2:9	Ḿpʋ́ɣʋ́ Icipiti wulɑʋ pɛɛlɔ tɔmɑ ɑlʋ ɩnɩ sɩ: Kpɑɣɑ pǝyɑɣɑ kɑnɛ nɑ ń mʋsǝsɩ-m- kɛ, mɑɑ fɛlɩ-ŋ. Ɩlɛnɑ toto kpɑɣɑ-kɛ nɑ ɩ́ tɔɔ-kɛ.
1565	EXO 2:10	Pǝyɑɣɑ kɔmɑ nɑ kɑ́ cɛ́ hǝtɛ ɩlɛnɑ kɑ too ponɑ-kɛ nɑ ɩ́ cɛlɛ-kɛɣɛ Icipiti wulɑʋ pɛɛlɔ nɑ kɑ́ cɑɣɑ ɩ kiŋ ɩsɩɩ kɑ too kʋlʋlʋ. Ntɛnɑ ɩ́lɛ́ ɩ́ hɑ-kɛɣɛ hǝtɛ sɩ, Moisi. Lʋm ɑpɑlʋ kɛ pɑ yɑɑ mpʋ nɑ pɑ tɛ́ tɑɑ. Mpi tɔ, lʋm tɑɑ kɛ́ ɩ lǝsɑ-ɩ.
1566	EXO 2:11	Moisi lɑpɑ sɔsɔ ɩlɛnɑ kʋyɑkʋ nɑkʋlɩ ɩ́ polo sɩ ɩ nɑɑkɩ ɩ nyǝ́mɑ Hepǝlɑ nyǝ́mɑ. Nɑ ɩ nɑwɑ tɔtɔɣɔ wɑhɑlɑ tǝmɑ wenɑ Icipiti nyǝ́mɑ tʋkɑɣɑ-wɛ tɔ. Hɑlǝnɑ ɩ́ nɑ́ tɔtɔɣɔ Icipiti tʋ nɔɣɔlʋ ɩ kʋɣɩ Hepǝlɑ tʋ.
1567	EXO 2:12	Ɩ cɑɑ ɩsɛ kɛ ɩ tɑɑ nɑ ɩ wɑɑlɩ ɩ tɑ nɑ nɔɣɔlʋ, ɩlɛnɑ ɩ́ kʋ́ Icipiti tʋ nɑ ɩ́ ŋmɛsɩ-ɩ kɑnyǝŋɑ tɛɛ.
1568	EXO 2:13	Tɛʋ femɑ nɑ ɩ́ mǝlɩ, ɩlɛnɑ ɩ́ mɑɣɑnɑ Hepǝlɑ nyǝ́mɑ nɑ pɑ́ mɑkɩ tǝmɑɣɑ pɑ tɑɑ pɑ tike. Ɩ lolɑ-wɛ ɩlɛnɑ ɩ́ pɔɔsɩ mʋsʋŋtʋ sɩ: Pepe tɔɔ kɛ́ n lɑkɩ nyɑ́ tɛɛtʋ kɛ nyǝmǝŋ kɛ mpʋ?
1569	EXO 2:14	Mpʋɣʋlɛ ɩ́lɛ́ ɩ pǝsǝnɑ-ɩ sɩ: Awe kpɑ-ŋ tɑ́ wulɑʋ yɑɑ tɑ́ tɔm hʋʋlʋ ye? N cɑɑ sɩ n kʋ-m ɩsɩɩ n kʋɣʋ Icipiti tʋ tɔ yɛɛ? Moisi cɛkǝnɑɑ sɩ yǝlɑɑ nyǝmɑ́-tɩ ɩlɛnɑ sɔɣɔntʋ kpɑ-ɩ.
1571	EXO 2:16	Kɔtʋlʋ nɔɣɔlʋ ɩ kɑ wɛ tǝnɑ nɑ pɑ́ yɑɑkɩ-ɩ sɩ, Yetulo. Ɩ wɛnɑ pɛɛlɑɑ nɑɑtosompɔɣɔlɑɣɑ. Ḿpʋ́ɣʋ́ pɛɛlɑɑ mpɛ pɑ polɑ lʋm luɣu sɩ pɑ suuliɣi pǝlonɑ nɑ pɑ cɑɑ tɔlɑ nyɔɔ.