| 249 | GEN 10:14 | nɑ Pɑtǝlɔsɩ nyǝ́mɑ, nɑ Kɑsulu nyǝ́mɑ, nɑ Kɑfǝtɔɔ nyǝ́mɑ. Tǝnɑɣɑ Filiisi nyǝ́mɑ nɑ́ lɩɩwɑ. |
| 1588 | EXO 3:8 | Pǝ tɔɔ kɛ́ mɑ tiiwɑ sɩ mɑ cɛkɩ-wɛɣɛ Icipiti nyǝ́mɑ niŋ tɑɑ, nɑ mɑ́ ponɑ-wɛɣɛ tɛtʋ kʋpɑntʋ nti tǝ wɑlɑɑ nɑ tɔɣɔnɑɣɑ nɑ kʋpɑntʋ tǝnɑ tɔlɑ yem tǝhɔ tɔ tǝ tɑɑ. Kɑnɑɑŋ nyǝ́mɑ, nɑ Hiti nyǝ́mɑ, nɑ Amolii nyǝ́mɑ, nɑ Filiisi nyǝ́mɑ, nɑ Hifi nyǝ́mɑ, nɑ Yepusi nyǝ́mɑ, pɑ cɑɣɑnɑ tǝ tɑɑ. |
| 1597 | EXO 3:17 | Nɑ ɩ tʋ́ ɩ tɑɑ sɩ ɩ lǝsǝɣɩ-mɛɣɛ wɑhɑlɑ tɛtʋ tɑɑ cǝnɛ nɑ ɩ́ ponɑ-mɛɣɛ Kɑnɑɑŋ nyǝ́mɑ, nɑ Hiti nyǝ́mɑ, nɑ Amolii nyǝ́mɑ, nɑ Filiisi nyǝ́mɑ, nɑ Hifi nyǝ́mɑ, nɑ Yepusi nyǝ́mɑ pɑ tɛtʋ tɑɑ, timpi tɔɣɔnɑɣɑ nɑ kʋpɑntʋ tǝnɑ tɔlɑ yem tǝhɔ tɔ. |
| 1641 | EXO 5:8 | Pǝ́cɔ́ pǝ fɛɩ sɩ pɑ pikilinɑɑ ɩ́ sɛkɩ ɩsɩɩ pɑ tɩɩ ŋmɑɑkɩ tɔ. Felentunɑɑ kɛ-wɛɣɛ. Pǝ tɔɔ kɛ́ pɑ kɔmɑ mɑ kiŋ sɩ mɑ́ hɑ-wɛɣɛ mpɑɑʋ nɑ pɑ́ polo pɑ́ lɑ́ pɑ Ɩsɔ kɛ́ kɔtɑsɩ. |
| 1885 | EXO 13:17 | Wɑɑtʋ wei Icipiti wulɑʋ yelɑ Ɩsɛɣɛlɩ nyǝ́mɑ nɑ pɑ́ tʋ mpɑɑʋ tɔ, Ɩsɔ tɑ́ tisi sɩ pɑ́ tǝŋ Metitelɑnee teŋku mpɑɑʋ, nɑ pɑ́ fɑɣɑnɑ Filiisi nyǝ́mɑ tɛtʋ tɑɑ. Pɑɑ nɑ kɩɩ topilɑɑ tɔ. Ɩ lɑpɑ ḿpʋ́ɣʋ́ sɩ pǝ́ tɑɑ kɔɔ nɑ Filiisi nyǝ́mɑ lɩɩ pɑ tɔɔ nɑ sɔɣɔntʋ kpɑ-wɛ nɑ pɑ́ cʋkɩ pɑ tɑɑ nɑ pɑ́ mǝlɩ Icipiti. |
| 3946 | NUM 8:6 | Fɑɣɑ Lefii nyǝ́mɑ nɑ pɑ mpɑɑ. Lɑ-wɛɣɛ nyɔɔŋ tɔɔ ɑsilimɑ kɛɛlʋɣʋ kɔtɑɣɑ. |
| 4080 | NUM 13:4 | Feŋlɑɑ mpɛ pɑ kpekɑ nɑ pɑ hǝlɑ ntɔ: Lupɛŋ kpekǝle tɑɑ nyǝŋ ntɛ́ Sɑkuu pǝyɑlʋ Sɑmuwɑ. |
| 4090 | NUM 13:14 | Nɛfǝtɑli nyǝntɛ tɑɑ nyǝŋ ntɛ́ Fofǝsi pǝyɑlʋ Nɑpi. |
| 4355 | NUM 21:14 | Pǝ tɔɔ kɛ́ pɑ yɔɣɔtɑ Tɑcɑɑ yoou tɑkǝlɑɣɑ tɑɑ sɩ: Fɑhɛpɩ kɛ Sufɑ tɛtʋ tɑɑ, nɑ Alǝnɔŋ lɔɔŋ |
| 4449 | NUM 24:2 | Ɩ kʋsɑ ɩsɛ nɑ ɩ́ nɑ́ Ɩsɛɣɛlɩ nyǝ́mɑ kɛ pɑ tǝsikile, ɩlɛnɑ Ɩsɔ Feesuɣu tii ɩ tɔɔ. |
| 4574 | NUM 27:18 | Mpʋɣʋlɛ Tɑcɑɑ tɔmɑ Moisi sɩ: Nuŋ pǝyɑlʋ Yosuwee kɛ́ yʋlʋ wei ɩ tɑɑ mɑ Feesuɣu hɑɣɑɑ tɔɣɔ. Yɑɑ-ɩ nɑ ń tʋ-ɩ tǝmlɛ ntɛ́. |
| 4963 | DEU 2:23 | Ḿpʋ́ɣʋ́ Kɑfǝtɔɔ Filiisi nyǝ́mɑ nɑ́ lɩɩwɑ nɑ pɑ́ tɔɣɔnɩ Afi nyǝ́mɑ mpɑ pɑɑ cɑɣɑ ɑcɑlisi tɑɑ hɑlǝnɑ Kɑsɑ kɛ Metitelɑnee teŋku nɔɣɔ tɔ, nɑ pɑ́ lɛɛtɩ pɑ lonɑ tɑɑ. |
| 6533 | JDG 1:22 | Ḿpʋ́ɣʋ́ Ɩfǝlɑyim kpekǝle nɑ Mɑnɑsee nyǝntɛ pɑ polɑɑ nɑ pɑ́ yoonɑ Petɛɛlɩ timpi pɑ yɑɑkɑɣɑ Lusi tɔ, nɑ Tɑcɑɑ sǝnɑ-wɛ. Feŋlɑɑ kɛ pɑɑ cɑɑlǝnɑ tiluɣu kɛ Petɛɛlɩ tɑɑ. |
| 6573 | JDG 3:3 | Piitimnɑɑ mpɑ pɩɩ kɑɑsɑ tɔɣɔnʋɣʋ tɔɣɔlɛ Filiisi nyǝ́mɑ ɑcɑlɛɛ kɑkpɑsɩ, nɑ Kɑnɑɑŋ nyǝ́mɑ tǝnɑ, nɑ Sitɔŋ nyǝ́mɑ, nɑ Hifi nyǝ́mɑ mpɑ pɑ wɛ Lipɑŋ pʋɣʋ tɑɑ kɛ́ pǝ kpɑɣɑʋ Pɑɑlɩ-Hɛɛmɔŋ pʋɣʋ nɑ pǝ́ polo Lepo-Hɑmɑtɩ tɔ. |
| 6580 | JDG 3:10 | Ḿpʋ́ɣʋ́ Tɑcɑɑ Feesuɣu tii ɩ tɔɔ, nɑ ɩ́ polo ɩ́ yoonɑ wulɑʋ Kusɑŋ-Lisɑtɑyim nɑ ɩ́ kǝlɩ-ɩ. |
| 6601 | JDG 3:31 | Anɑtɩ pǝyɑlʋ Sɑmkɑɑ lɛɛtǝnɑ Ɩhuti lonte tɑɑ. Ɩnɩ ɩ kʋnɑ Filiisi nyǝ́mɑ kɛ yǝlɑɑ nɑsǝtoso (600) nɑ nɑʋ kpɑ́tʋ́ɣʋ́. Ɩ́lɛ́ ɩ wɑɑsɑ Ɩsɛɣɛlɩ nyǝ́mɑ tɔtɔɣɔ. |
| 6690 | JDG 6:34 | Ɩlɛnɑ Ɩsɔ Feesuɣu tii Ketiyɔŋ tɔɔ nɑ ɩ́ yɑɣɑ ɑpɑlʋ tutuɣu sɩ Apiyesɛɛ lʋlʋɣʋ nyǝ́mɑ ɩ́ tʋ ɩ wɑɑlɩ. |
| 6701 | JDG 7:5 | Yoolɑɑ tii tǝnɑ, ɩlɛnɑ Tɑcɑɑ heeli-ɩ sɩ: Fɑɣɑ mpɑ pɑɑ tí lʋm nɑ niŋ ɩsɩɩ hɑsɩ tɔ, nɑ pɑ mpɑɑ. Nɑ mpɑ pɑɑ luŋ ɑkulɑ nɑ pɑ́ nyɔɔ tɔ nɑ pɑ mpɑɑ. |
| 6819 | JDG 10:6 | Ḿpʋ́ɣʋ́ Ɩsɛɣɛlɩ nyǝ́mɑ tɑsɑ lɑpʋ kɛ mpi pǝ tɑ mɑɣɑ Tɑcɑɑ tɔ. Pɑ sʋʋ Pɑɑlǝnɑɑ nɑ Asǝtɑtǝnɑɑ kɛ lɑɑʋ. Pɑ lɑɑ tɔtɔɣɔ Silii nyǝ́mɑ, nɑ Sitɔŋ nyǝ́mɑ, nɑ Mowɑpʋ nyǝ́mɑ, nɑ Amoni nyǝ́mɑ, nɑ Filiisi nyǝ́mɑ pɑ tɩɩŋ. Pɑ lɔwɑ Tɑcɑɑ kɛ́ tǝkpɑtɑɑ, pɑɑ tɑsǝɣɩ-ɩ seu. |
| 6820 | JDG 10:7 | Ntɛnɑ Tɑcɑɑ mʋ-wɛ nɑ pɑ́ɑ́nɑ́ nɑ ɩ́ tʋ-wɛɣɛ Filiisi nyǝ́mɑ nɑ Amoni nyǝ́mɑ niŋ tɑɑ. |
| 6824 | JDG 10:11 | Ɩlɛnɑ Tɑcɑɑ nɑ́ɑ́ pɔɔsɩ-wɛ sɩ: Wɑɑtʋ wei Icipiti nyǝ́mɑ, nɑ Amolii nyǝ́mɑ, nɑ Amoni nyǝ́mɑ, nɑ Filiisi nyǝ́mɑ, |
| 6860 | JDG 11:29 | Ḿpʋ́ɣʋ́ Tɑcɑɑ Feesuɣu tii Yɛfɛtɛ tɔɔ, nɑ ɩ́ cɔɔ Kɑlɑɑtɩ nɑ Mɑnɑsee tɛtʋ. Pǝ wɑɑlɩ kɛ́ ɩ polɑ Misipɑ kɛ Ɩsɔ kiŋ kɛ Kɑlɑɑtɩ tɛtʋ tɑɑ, nɑ ɩ́ tɛɛ Amoni nyǝ́mɑ kɛ yoonɑʋ. |
| 6887 | JDG 13:1 | Ḿpʋ́ɣʋ́ Ɩsɛɣɛlɩ nyǝ́mɑ tɑsɑ lɑpʋ kɛ mpi pǝ tɑ mɑɣɑ Tɑcɑɑ tɔ. Pǝ tɔɔ kɛ́ ɩ́lɛ́ ɩ tʋ-wɛɣɛ Filiisi nyǝ́mɑ niŋ tɑɑ kɛ́ pɩɩsɩ nɩɩlɛ tǝcu. |
| 6891 | JDG 13:5 | Mpi tɔ, n kɑ lɑ teu nɑ ń lʋlɩ ɑpɑlʋpǝyɑɣɑ. Hʋnʋɣʋ kɑɑ kpɑ kɑ nyʋɣʋ tɑɑ. Pǝ tɑɣɑ pʋlʋ, hɑtoo kɑ too lotu tɑɑ kɛ́ kɑ kɛ́ Ɩsɔ nyǝŋkɑ, nɑ ŋkɛ kɑɑ cɑɑlǝnɑ Ɩsɛɣɛlɩ nyǝ́mɑ hɛtʋɣʋ kɛ Filiisi nyǝ́mɑ niŋ tɑɑ. |
| 6911 | JDG 13:25 | Ḿpʋ́ɣʋ́ Tɑcɑɑ Feesuɣu tiiwɑ ɩ tɔɔ kɛ́ tɔm kɑncɑɑlɑɣɑ nyǝm kɛ wɑɑtʋ wei ɩ kɑ wɛ Tɑŋ tǝsikile kɛ Solɑ nɑ Ɩsǝtɑwɔlɩ pɑ hɛkʋ tɔ. |
| 6912 | JDG 14:1 | Ḿpʋ́ɣʋ́ kʋyɑkʋ nɑkʋlɩ Sɑmsɔŋ polɑ Timnɑ, nɑ ɩ́ nɑ́ Filiisi pɛɛlɔ nɔɣɔlʋ nɑ ɩ luɣu sʋʋ-ɩ. |
| 6913 | JDG 14:2 | Ɩ kpemɑ, ɩlɛnɑ ɩ́ heeli ɩ nyǝ́mɑ kɛ ɩ tɔm sɩ: Mɑ nɑwɑ Filiisi pɛɛlɔ nɔɣɔlʋɣʋ Timnɑ, mɑ cɑɑ sɩ ɩ́ cɑɑmɩ-ɩ. |
| 6914 | JDG 14:3 | Mpʋɣʋlɛ ɩ nyǝ́mɑ cɔ-ɩ sɩ: Ɩsɩɩ n tɑ nɑ pɛɛlɔ ntɛ́ nyɑ́ piitim nyǝ́mɑ tɑɑ nɑ nyɑ́ yǝlɑɑ tɑɑ, nɑ ń puki sɩ n cɑɑkɩ Filiisi nyǝ́mɑ mpɑ pɑ tɑ nyɩ Ɩsɔ tɔ? Tǝnɑɣɑlɛ Sɑmsɔŋ sɩ: Ɩnɩ ɩ wɛnnɑ-m teu. Mɩɩ cɑɑmɩ-ɩ te. |
| 6915 | JDG 14:4 | Amɑ ɩ nyǝ́mɑ nɑ́ tɑ́ nyɩ sɩ Tɑcɑɑ niŋ wɛ pǝ tɑɑ sɩ pɑ pǝyɑɣɑ ɩ́ hikinɑ Filiisi nyǝ́mɑ nɑ tǝnɑ. Mpi tɔ, pɛlɛ pɑɑ ŋmɑkǝlɑ Ɩsɛɣɛlɩ nyǝ́mɑ kɛ wɑɑtʋ ɩnǝɣɩ. |
| 6917 | JDG 14:6 | Ḿpʋ́ɣʋ́ Tɑcɑɑ Feesuɣu tii Sɑmsɔŋ tɔɔ nɑ ɩ́ kpɑ-kɛ, nɑ ɩ́ cǝlɩ tǝkpɩɩ ɩsɩɩ pinɑɣɑ. Pǝ́cɔ́ ɩ tɔŋɑɣɑ niŋ kpɛtɛ kɛ́. Ɩ tɑ heeli ɩ nyǝ́mɑ kɛ mpi ɩ lɑpɑ tɔ. |
| 6922 | JDG 14:11 | Filiisi nyǝ́mɑ nɑ-ɩ, ɩlɛnɑ pɑ́ yɑɑ ɩfepiyɑ kɛ hiu nɑ nɑɑnʋwɑ sɩ pɑ́ nɑ-ɩ pɑ cɑkɩ. |
| 6930 | JDG 14:19 | Tǝnɑɣɑlɛ Tɑcɑɑ Feesuɣu tii Sɑmsɔŋ tɔɔ nɑ ɩ́ tɛɛ Asǝkɑlɔŋ nɑ ɩ́ kʋ ɑpɑlɑɑ hiu nɑ nɑɑnʋwɑ nɑ ɩ́ wɔɣɔsɩ pɑ tokonɑɑ, nɑ pɑ ɑcimɑ wontu, nɑ ɩ́ cɛlɑ mpɑ pɑ kpeɣɑ ɩsǝsɩɩlɛ tɔ. Ɩlɛnɑ ɩ́ mǝlɩ ɩ cɑɑ tɛ nɑ pɑ́ɑ́nɑ́. |
| 6934 | JDG 15:3 | Tǝnɑɣɑlɛ Sɑmsɔŋ pǝsǝnɑɑ sɩ: Ye mɑ lɛɛtɑ Filiisi nyǝ́mɑ kɛ ɩsɑɣɑtʋ kɛ pǝnɛntɑɑ pɑ́ tɑɑ tɔ sɩ mɑ cɑɑlɑ-wɛ yoo. |
| 7300 | 1SA 4:1 | Nɑ ɩ́ tɛlǝsǝɣɩ-tǝɣɩ Ɩsɛɣɛlɩ nyǝ́mɑ nɑ pɑ́ nɩɩkǝnɑ-ɩ. Wɑɑtʋ ɩnɩ ɩ tɑɑ kɛ́ Filiisi nyǝ́mɑ kotɑɑ sɩ, pɑ yookinɑ Ɩsɛɣɛlɩ nyǝ́mɑ, ɩlɛnɑ pɑ́ pɩɩlɩ Afekɑ. Ḿpʋ́ɣʋ́ Ɩsɛɣɛlɩ nyǝ́mɑ nɑ́ lɩɩwɑ nɑ pɑ́ pɩɩlɩ Ɩpene-Ɩsɛɛ. |
| 7301 | 1SA 4:2 | Tǝnɑɣɑ Filiisi nyǝ́mɑ kʋlɑ pɑ tɔɔ nɑ pɑ́ yoo nɑ pɑ́ kǝlɩ Ɩsɛɣɛlɩ nyǝ́mɑ, nɑ pɑ́ kʋ-wɛ ɩsɩɩ yǝlɑɑ iyisi liɣiti (4000). |
| 7302 | 1SA 4:3 | Ɩlɛnɑ Ɩsɛɣɛlɩ nyǝ́mɑ mǝlɩ pɑ tǝsikile nɑ nyʋɣʋ nyǝ́mɑ tɔ sɩ: Pepe tɔɔ kɛ́ Tɑcɑɑ yelɑɑ nɑ Filiisi nyǝ́mɑ kʋ-tʋɣʋ sɑŋɑ? Tǝ́ polo tǝ́ kɔnɑ Ɩsɔ ɑtɑkɑɑ nɑ Tɑcɑɑ wɛɛ tɑ wɑɑlɩ, nɑ ɩ́ wɑɑsɩ-tʋɣʋ tɑ kolontunɑɑ niŋ tɑɑ. |
| 7305 | 1SA 4:6 | Filiisi nyǝ́mɑ nɩɩ pɑ kɑkiisɑsɩ nsɩ sɩ tɑŋ, ɩlɛnɑ pɑ́ tɔ sɩ: Hepǝlɑ nyǝ́mɑ tǝsikile tɑɑ kɑkiisɑsɩ nsɩ sɩ hʋwɛɛ suwe? Filiisi nyǝ́mɑ nɩɩwɑ sɩ Tɑcɑɑ ɑtɑkɑɑ kɛ́ pɑ kɔnɑ Ɩsɛɣɛlɩ nyǝ́mɑ tǝsikile. |
| 7308 | 1SA 4:9 | Filiisi nyǝ́mɑ mɛ, ɩ́ nyɔɔ toŋ nɑ ɩ́ lɑ ɑpɑlɑɑ. Pǝ́ tɑɑ kɔɔ nɑ Hepǝlɑ nyǝ́mɑ ŋmɑkǝlɩ-mɛ ɩsɩɩ tɩɩ lɑpʋ-wɛ tɔ. Ɩ́ lɑ ɑpɑlɑɑ nɑ ɩ́ yoo. |
| 7316 | 1SA 4:17 | Ntɛnɑ ɑpɑlʋ ɩnɩ sɩ: Filiisi nyǝ́mɑ hɛɛlɑ Ɩsɛɣɛlɩ nyǝ́mɑ kɛ sɔsɔm nɑ Ɩsɛɣɛlɩ nyǝ́mɑ se. Hɑlɩ nyɑ́ pǝyɑlɑɑ nɑɑlɛ Hofini nɑ Pɛnhɑsɩ pɑ sǝpɑ. Pǝyele pɑ lɛɛkɑ Ɩsɔ ɑtɑkɑɑ. |
| 7322 | 1SA 5:1 | Ḿpʋ́ɣʋ́ Filiisi nyǝ́mɑ kpɑɣɑ Ɩsɔ ɑtɑkɑɑ kɛ Ɩpene-Ɩsɛɛ, nɑ pɑ́ ponɑ-ɩ Asǝtɔtɩ. |
| 7329 | 1SA 5:8 | Ḿpʋ́ɣʋ́ Asǝtɔtɩ nyǝ́mɑ tilɑɑ nɑ pɑ́ yɑɑ Filiisi nyǝ́mɑ ɑwulɑɑ kɑkpɑsɩ nɑ pɑ́ pɔɔsɩ-wɛ sɩ: Ɩsǝnɑɣɑ tɩɩ lɑnɑ Ɩsɛɣɛlɩ Ɩsɔ ɑtɑkɑɑ? Ntɛnɑ pɛlɛ sɩ: Ɩ́ ponɑ-ɩ Kɑtɩ. Ɩlɛnɑ Asǝtɔtɩ nyǝ́mɑ ponɑ Ɩsɔ ɑtɑkɑɑ kɛ Kɑtɩ. |
| 7332 | 1SA 5:11 | Ḿpʋ́ɣʋ́ Ɩkoloŋ nyǝ́mɑ nɑ tɑsɑ tiluɣu nɑ pɑ́ koti Filiisi ɑwulɑɑ tǝnɑ nɑ pɑ́ tɔ-wɛ sɩ: Ɩ́ mǝŋnɑ Ɩsɛɣɛlɩ Ɩsɔ ɑtɑkɑɑ kɛ ɩ tǝcɑɣɑlɛ. Ɩ́ tɑɑ kʋ tɑ́ nɑ tɑ yǝlɑɑ. Mpi tɔ, Tɑcɑɑ kɑ tʋwɑ Ɩkoloŋ nyǝ́mɑ kɛ niŋ nɑ toŋ kɛ́, nɑ sǝm sɔɣɔntʋ pɩɩ ɩcɑtɛ tǝnɑ yǝlɑɑ. |
| 7334 | 1SA 6:1 | Ɩsɔtʋnɑɑ nɑɑtosompɔɣɔlɑɣɑ kɛ Ɩsɔ ɑtɑkɑɑ cɑɣɑ Filiisi nyǝ́mɑ tɛtʋ tɑɑ. |
| 7337 | 1SA 6:4 | Ḿpʋ́ɣʋ́ Filiisi nyǝ́mɑ pɔɔsɑɑ sɩ: Pepenɑɑ kɛ tɩɩ hɑ-ɩ? Ɩlɛnɑ pɑ kɔtǝlɑɑ nɑ nɑlɑɑ sɩ: Wʋlɑ pɑɣɑ kɑkpɑsɩ, nɑ wʋlɑ mpiyɑɑ kɑkpɑsɩ nɑ pǝ́ kɛɛsǝnɑ Filiisi ɑwulɑɑ kɑkpɑsɩ. Mpi tɔ, kʋtɔŋ kʋlʋmʋɣʋ kpɑnɑ mǝ nɑ mǝ ɑwulɑɑ. |
| 7345 | 1SA 6:12 | Tǝnɑɣɑlɛ nɑɑŋ kpɑɣɑ Pɛtɩ-Sɛmɛsɩ mpɑɑʋ kɛ kpɑkpɑɑ, nɑ ɩ́ tɔŋ nɑ ɩ́ wiiki ɩ tɑ hɛlǝnɑ ntɔɣɔŋ yɑɑ mpǝtǝŋ. Ɩlɛnɑ Filiisi ɑwulɑɑ tǝŋ ɩ wɑɑlɩ hɑlǝnɑ Pɛtɩ-Sɛmɛsɩ toŋɑ. |
| 7349 | 1SA 6:16 | Filiisi ɑwulɑɑ kɑkpɑsɩ nɑ́ mpʋ, ɩlɛnɑ pɑ́ mǝlɩ Ɩkoloŋ kɛ kʋyɑkʋ ŋkʋ kʋ mɑɣɑmɑɣɑ. |
| 7354 | 1SA 6:21 | Ḿpʋ́ɣʋ́ pɑ tilɑɑ nɑ pɑ́ heeli Kiliyɑtɩ-Yeyɑlim nyǝ́mɑ sɩ: Filiisi nyǝ́mɑ kɔnɑ Tɑcɑɑ ɑtɑkɑɑ. Ɩ́ kɔɔ nɑ ɩ́ kpɑɣɑ-ɩ nɑ ɩ́ ponɑ mǝ tɛ. |
| 7357 | 1SA 7:3 | Mpʋɣʋlɛ Sɑmiyɛɛlɩ tɔmɑ Ɩsɛɣɛlɩ nyǝ́mɑ tǝnɑ sɩ: Ye lotu kʋlʋmtʋ kɛ ɩ́ mǝlǝnɑ Tɑcɑɑ kiŋ, ɩlɛ ɩ yele tʋɣʋ Asǝtɑtɩ lɑɑʋ nɑ ɩ́ lɔ tɩɩŋ wei ɩnɩ ɩ́ ceelɑ mpʋ tɔ. Ɩlɛnɑ ɩ́ ponɑ mǝ lǝmɑɣɑsɛɛ kɛ Tɑcɑɑ tɔɔ nɑ lotu kʋlʋmtʋ, nɑ ɩ́ lɑ ɩ tike kɛ tǝmlɛ. Ɩlɛ ɩ kɑ́ hɛtɩ-mɛɣɛ Filiisi nyǝ́mɑ niŋ tɑɑ. |
| 7361 | 1SA 7:7 | Ḿpʋ́ɣʋ́ Filiisi nyǝ́mɑ nɩɩwɑ sɩ Ɩsɛɣɛlɩ nyǝ́mɑ kotɑ Misipɑ, ɩlɛnɑ pɑ ɑwulɑɑ kɑkpɑsɩ kpeɣeli pɑ yoolɑɑ nɑ pɑ́ polo-wɛɣɛ yoonɑʋ. Ɩsɛɣɛlɩ nyǝ́mɑ nɩɩ mpʋ, ɩlɛnɑ sɔɣɔntʋ kpɑ-wɛ nɑ pɑ́ tɔ Sɑmiyɛɛlɩ sɩ: |
| 7362 | 1SA 7:8 | Tɑɑ hɛɛsɩ Tɑcɑɑ sǝlǝmʋɣʋ kɛ tɑ tɔɔ, hɑlǝnɑ ɩ́ yɑ-tʋɣʋ Filiisi nyǝ́mɑ niŋ tɑɑ. |
| 7364 | 1SA 7:10 | Sɑɑ wei Sɑmiyɛɛlɩ lɑkɑɣɑ Tɑcɑɑ kɛ kɔtɑɣɑ ŋkɑ kɔkɔ lusɑ kɑ tǝnɑ tɔ ɩlɛnɑ Filiisi nyǝ́mɑ polo nɑ pɑ́ niki-wɛɣɛ yoonɑʋ. Tǝnɑɣɑ Tɑcɑɑ yelɑɑ nɑ tɛʋ nɑsɩ-wɛ nɑ pɑ́ se yem yem. Ḿpʋ́ɣʋ́ Ɩsɛɣɛlɩ nyǝ́mɑ kǝlɑ-wɛ. |
| 7365 | 1SA 7:11 | Ḿpʋ́ɣʋ́ pɑ lɩɩ Misipɑ nɑ pɑ́ tɔɣɔnɩ Filiisi nyǝ́mɑ nɑ pɑ́ kʋ-wɛ. Hɑlǝnɑ Pɛtɩ-Kɑɑ pǝ tɛɛ. |
| 7367 | 1SA 7:13 | Tǝnɑɣɑ Ɩsɔ tisinɑ Filiisi nyǝ́mɑ tǝfɛ. Tɑcɑɑ kɑɣɑtɑɣɑ-wɛɣɛ, pɑ tɑ tɑsɑ Ɩsɛɣɛlɩ nyǝ́mɑ tɔɔ kɛ́ kpɑʋ hɑlǝnɑ Sɑmiyɛɛlɩ sǝm. |
| 7368 | 1SA 7:14 | Ḿpʋ́ɣʋ́ Ɩsɛɣɛlɩ nyǝ́mɑ lɛɛkɑ pɑ ɑcɑlɛɛ nnɑ Filiisi nyǝ́mɑ kɑ tɔɣɑɑ tɔ. Pǝ kpɑɣɑʋ Ɩkoloŋ nɑ pǝ́ sɩɩnɑ Kɑtɩ tɔ, nɑ pǝ tɛtʋnɑɑ tǝnɑ. Ɩlɛnɑ hɛɛsʋɣʋ sʋʋ Ɩsɛɣɛlɩ nyǝ́mɑ nɑ Amolii nyǝ́mɑ pɑ hɛkʋ. |
| 7409 | 1SA 9:16 | Cele wɑɑtʋ ɩnɛɣɛ mɑɑ yele nɑ Pɛncɑmɛɛ tʋ nɔɣɔlʋ ɩ́ kɔɔ, nɑ ń kpɑ-ɩ mɑ yǝlɑɑ Ɩsɛɣɛlɩ nyǝ́mɑ wulɑʋ nɑ ń pǝlɩ-ɩ nim, nɑ ɩ́ wɑɑsɩ-wɛɣɛ Filiisi nyǝ́mɑ niŋ tɑɑ. Mpi tɔ, mɑ nɩɩ pɑ kɑpusi, ɩlɛnɑ mɑ́ nyǝnnɑ pɑ tɔɔ. |
| 7425 | 1SA 10:5 | N lɩɩkɩ tǝnɑ nɑ n tɑlɑ Ɩsɔ pulɑɣɑ, kɛ timpi Filiisi nyǝ́mɑ yoolɑɑ tǝsikile wɛɛ tɔ, ɩsɩɩ n sʋʋkɩ ɩcɑtɛ tɔ, n kɑ́ sulinɑ Ɩsɔ kʋyɔɣɔtʋtʋ tɛlǝsǝlɑɑ kpekǝle nɑ pɑ́ lɩɩnɑ tǝkɔtǝlɛ kɛ tontoŋle tɔɔ, nɑ pɑ́ mɑkɩ cǝmǝŋ nɑ ɑkilimɑ nɑ pɑ́ hʋlǝɣɩ hǝsɩ nɑ pɑ́ pɑɑkɩ nɑ pɑ́ sɑŋ Ɩsɔ. |
| 7426 | 1SA 10:6 | Tɑcɑɑ Feesuɣu kɑ tii nyɑ́ tɔɔ, nɑ nyɑ́ nɑ-wɛ ɩ́ kpɛntɩ nɑ ɩ́ pɑɑ nɑ ɩ́ sɑ Ɩsɔ, nɑ pǝ́ lɑɣɑsɩ-ŋ nɑ ń wɛɛ ɩsɩɩ yʋlʋ kʋfɑlʋ. |
| 7429 | 1SA 10:9 | Too ɩsɩɩ Sɑyuli hɑʋ siɣile sɩ ɩ tɛɛkɩ tɔ, Ɩsɔ Feesuɣu lɑɣɑsɑ-ɩ kɛlɛ, nɑ ɩ́ nɑ́ pǝ tǝnɑɣɑ kʋyɑkʋ ŋkʋ, ɩsɩɩ Sɑmiyɛɛlɩ kɑ kɛɛsʋɣʋ-ɩ tɔ. |
| 7430 | 1SA 10:10 | Pɑ tɑlɑ Kipeyɑ, ɩlɛ Ɩsɔ kʋyɔɣɔtʋtʋ tɛlǝsǝlɑɑ cɑŋɑ lɩɩ ɩ sǝŋʋɣʋ ntɛ́, nɑ Ɩsɔ Feesuɣu tii ɩ́ tɔɔ nɑ ɩ́ sʋʋ pɑɑlɛ kɛ pɑ hɛkʋ tǝnɑ nɑ ɩ́ sɑŋ Ɩsɔ. |
| 7453 | 1SA 11:6 | Ɩ nɩɩwɑ mpʋ, ɩlɛnɑ Ɩsɔ Feesuɣu tii ɩ tɔɔ nɑ ɩ pɑ́ɑ́nɑ́ huu sɔsɔm. |
| 7471 | 1SA 12:9 | Pǝlɛ pǝ wɑɑlɩ kɛ́ mǝ cɑɑnɑɑ mpɛ pɑ sɔɔ Tɑcɑɑ tɔɔ, nɑ ɩ́lɛ́ ɩ tʋ-wɛɣɛ Filiisi nyǝ́mɑ nɑ Hɑsɔɔ yoolɑɑ wulɑʋ Siselɑ, nɑ Mowɑpʋ wulɑʋ pɑ niŋ tɑɑ nɑ pɑ́ yoonɑ-wɛ. |
| 7490 | 1SA 13:3 | Ḿpʋ́ɣʋ́ Sonɑtɑŋ yɔkɑ Filiisi yoolɑɑ tǝsikile kɛ Kipeyɑ, ɩlɛnɑ pɛlɛ pɑ́ nɩɩ. Ntɛnɑ Sɑyuli tili nɑ pɑ́ hʋlɩ tutuuŋ kɛ Ɩsɛɣɛlɩ tǝnɑ tɑɑ sɩ Hepǝlɑ nyǝ́mɑ ɩ́ lɩɩ yoou. |
| 7491 | 1SA 13:4 | Ɩsɛɣɛlɩ nyǝ́mɑ tǝnɑ nɩɩwɑ sɩ Sɑyuli yɔkɑ Filiisi yoolɑɑ tǝsikile. Ɩlɛnɑ Filiisi nyǝ́mɑ tɑɑ kpɑɑkǝnɑ-wɛ. Ɩlɛnɑ yǝlɑɑ lɩɩ yoou nɑ pɑ́ koti Sɑyuli kiŋ kɛ Kilikɑɑ. |
| 7492 | 1SA 13:5 | Ḿpʋ́ɣʋ́ Filiisi nyǝ́mɑ kotɑɑ sɩ pɑ yookinɑ Ɩsɛɣɛlɩ nyǝ́mɑ, nɑ pɑ yoou kɛɛkɛnɑɑ kɛ iyisi hiu nɑ nɑɑnʋwɑ (30000) nɑ pɑ kpɑɣɑnǝŋ cɑɣɑlɑɑ kɛ iyisi nɑɑtoso (6000). Pɑ yoolɑɑ kɑ wɛ pɑɣɑlɛ kɛ́ ɩsɩɩ lʋm nɔɣɔ kɑnyǝŋɑ, pɑ fɛɩ kɑlʋɣʋ. Ḿpʋ́ɣʋ́ pɑ polɑɑ nɑ pɑ́ pɩɩlɩ Mikimɑsɩ kɛ Pɛtɩ-Afɛŋ ilim tǝlɩɩlɛ tɔɔ. |
| 7498 | 1SA 13:11 | Mpʋɣʋlɛ Sɑmiyɛɛlɩ pɔɔsɑ-ɩ sɩ: Pepeɣe n lɑpɑ ye? Ɩlɛnɑ Sɑyuli cɔ sɩ: Mɑ nɑwɑ sɩ sɑmɑɑ tɔŋɑ yɑʋ. Pǝ́cɔ́ n tɑ kɔɔ ɩsɩɩ n kɑ sɩɩwɑ tɔ. Pǝyele Filiisi nyǝ́mɑ nɑ́ sikɑ Mikimɑsɩ. |
| 7499 | 1SA 13:12 | Kɛlɛnɑ mɑ́ mɑɣɑsɩ mɑ tɑɑ sɩ, Filiisi nyǝ́mɑ kɑ tii mɑ tɔɔ kɛ Kilikɑɑ cǝnɛ, nɑ mɑ́ tɑ sǝlǝmǝtɑ Tɑcɑɑ. Pǝ tɔɔ kɛ́ pǝ cɑɑlɑ-m sɩ mɑ́ lɑ kɔtɑɣɑ ŋkɑ kɔkɔ nyɑɣɑ kɑ tǝnɑ tɔ. |
| 7503 | 1SA 13:16 | Ɩ nɑ ɩ pǝyɑlʋ Sonɑtɑŋ nɑ pɑ cɔlɔ yǝlɑɑ pɑɑ sikɑ Kepɑ kɛ Pɛncɑmɛɛ tɛtʋ tɑɑ kɛ́. Ɩlɛnɑ Filiisi nyǝ́mɑ nɑ́ɑ́ siki Mikimɑsɩ. |
| 7504 | 1SA 13:17 | Ḿpʋ́ɣʋ́ Filiisi yoolɑɑ mpɑ pɑ wɑkǝlǝɣɩ lɛlɑɑ wontu tɔ, pɑ lɩɩ tintikɑ tooso. Ḿpʋ́ɣʋ́ kɑncɑɑlɑɣɑ nyǝntɛ mǝlǝnɑ Ofǝlɑ tɔɔ kɛ́ Suwɑɑlɩ tɛtʋ tɑɑ. |
| 7506 | 1SA 13:19 | Wɑɑtʋ ɩnɩ tɔ, koolu fɛɩ Ɩsɛɣɛlɩ nyǝ́mɑ tɛ. Mpi tɔ, Filiisi nyǝ́mɑ tɑɑ tisiɣi sɩ Hepǝlɑ nyǝ́mɑ ɩ́ lu lɑɣɑlɛɛ nɑ ŋmɑntɑɑsɩ. |
| 7507 | 1SA 13:20 | Filiisi nyǝ́mɑ tɛɣɛ pɑ pukɑɣɑ nɑ pɑ́ kpɑlǝɣɩ ɑkuŋ, nɑ pɑ cikɑnɑɑ, nɑ pɑ lɑwɑ, nɑ pɑ tɛtʋ kʋcɑsǝŋ |
| 7510 | 1SA 13:23 | Ḿpʋ́ɣʋ́ Filiisi yoolɑɑ polɑɑ sɩ pɑ tɑŋǝɣɩ Mikimɑsɩ mpɑɑʋ. |
| 7511 | 1SA 14:1 | Ḿpʋ́ɣʋ́ kʋyɑkʋ nɑkʋlɩ Sonɑtɑŋ tɔmɑ ɩfepu wei ɩ tɔkǝɣɩ ɩ yoou wontu tɔ sɩ: Kɔɔ nɑ tǝ́ tɛsɩ Filiisi yoolɑɑ tǝsikile nte tǝ wɛnnɑ too cǝnɛ tɔɔ tɔ. Amɑ Sonɑtɑŋ tɑ yele nɑ ɩ cɑɑ nɩɩ-tɩ. |
| 7514 | 1SA 14:4 | Mpɑɑʋ ŋku Sonɑtɑŋ tǝŋɑɣɑ sɩ ɩ́ puki Filiisi nyǝ́mɑ yoolɑɑ tǝsikile tɔ, kʋ wɛ kʋkpɑmǝŋ nɑɑlɛ hɛkʋ kɛ́. Lɛŋkʋ nɔɣɔ kɛɛsǝnɑ ilim ntɔɣɔŋ tɔɔ kɛ́ Mikimɑsɩ ɩsɛntɑɑ. Pɑ yɑɑkɩ-kʋ sɩ Posee. Lɛŋkʋ nɔɣɔ nɑ́ɑ́ kɛɛsǝnɑ ilim mpǝtǝŋ tɔɔ kɛ́ Kepɑ ɩsɛntɑɑ, nɑ pɑ́ yɑɑkɩ kʋlɛ sɩ Sene. |
| 7516 | 1SA 14:6 | Ḿpʋ́ɣʋ́ Sonɑtɑŋ tɔmɑ ɩ yoou wontu tɔkʋlʋ sɩ: Kɔɔ nɑ tǝ́ tɛsɩ Filiisi nyǝ́mɑ mɑ tɑ nyɩ ɩsɔnɑɑ mpɛ pɑ tǝsikile. Ntɑnyɩ Tɑcɑɑ kɑ́ yoonɑ tɑ́ nɔɣɔ. Mpi tɔ, pǝ fɛɩ Tɑcɑɑ kɛ kɑtɛ sɩ ɩ́ yoonɑ sɑmɑɑ tuutuumɑ nɔɣɔ, yɑɑ yǝlɑɑ pǝcɔ nɔɣɔ. |
| 7521 | 1SA 14:11 | Ɩlɛnɑ pɑ́ yele nɑ Filiisi nyǝ́mɑ nɑ-wɛ nɑ pɑ́ tɔ sɩ: Ɩ nyǝnɩ, Hepǝlɑ nyǝ́mɑ lɩɩnɑ ntɛɣɛ pʋ́ʋ́ɣʋ́ ŋku kʋ tɑɑ pɑɑ ŋmɛlɑɑ tɔ. |
| 7525 | 1SA 14:15 | Ḿpʋ́ɣʋ́ sɔɣɔntʋ kpɑ Filiisi nyǝ́mɑ mpɑ pɑɑ wɛ tɑwɑ tɑɑ tɔ. Ɩlɛnɑ tǝsikile tɑɑ yoolɑɑ nɑ mpɑ pɑ wɑkǝlǝɣɩ lɛlɑɑ wontu tɔ, pɑ́ sʋʋ seluɣu. Ḿpʋ́ɣʋ́ tɛtʋ selɑɑ, nɑ kɑniŋɑ kpɑ yǝlɑɑ. |
| 7526 | 1SA 14:16 | Ḿpʋ́ɣʋ́ Sɑyuli feŋlɑɑ mpɑ pɑɑ wɛ Kipeyɑ kɛ Pɛncɑmɛɛ tɛtʋ tɑɑ tɔ, pɑ nɑ ɑcufu tiiwɑ Filiisi nyǝ́mɑ tɑɑ, nɑ pɑ́ seeki yem yem. |
| 7530 | 1SA 14:20 | Ḿpʋ́ɣʋ́ Sɑyuli nɑ yoolɑɑ pɑ kpeɣelɑɑ nɑ pɑ́ polo tǝyoole. Ɩlɛnɑ pɑ́ mɑɣɑnɑ ɑcufu tiiwɑ Filiisi nyǝ́mɑ tɑɑ, nɑ pɑ́ loŋ tǝmɑɣɑ lɑɣɑlɛɛ. |
| 7531 | 1SA 14:21 | Tǝnɑɣɑ Hepǝlɑ nyǝ́mɑ mpɑ pɑɑ wɛ Filiisi yoolɑɑ tɑɑ nɑ pɑ sǝŋnɑ-wɛ tɔ, pɑ sewɑ nɑ pɑ́ mǝlɩ Sɑyuli nɑ Sonɑtɑŋ pɑ kiŋ. |
| 7532 | 1SA 14:22 | Ḿpʋ́ɣʋ́ Ɩsɛɣɛlɩ nyǝ́mɑ mpɑ pɑ ŋmɛlɑ Ɩfǝlɑyim pʋɣʋ tɑɑ tɔ, pɛlɛ pɑ nɩɩwɑ Filiisi nyǝ́mɑ sewɑ tɔm. Ɩlɛnɑ pɑ tʋ pɑ wɑɑlɩ kɛ́ tǝyoole tɑɑ. |
| 7540 | 1SA 14:30 | Ye ɩsɩɩ sɑŋɑ yǝlɑɑ kɑ tɔɣɔ mpi pɑ lɛɛkɑ pɑ kolontunɑɑ niŋ tɑɑ tɔ, pɑ tɑ́ɑ́ kʋ Filiisi nyǝ́mɑ nɑ pǝ́ kǝlɩ ɩsǝntɔ? |
| 7546 | 1SA 14:36 | Mpʋɣʋlɛ ɩ tɔmɑ yǝlɑɑ sɩ: Tǝ́ polo Filiisi nyǝ́mɑ wɑɑlɩ nɑ ɑhoo nɑ tǝ́ kʋ́ pɑ tǝnɑ nɑ tǝ́ kuu pɑ wontu hɑlǝnɑ pǝ nyɑɑlɩ. Tǝ́ tɑɑ sɔɔ pɑɑ kʋlʋm. Ɩlɛnɑ pɛlɛ pɑ cɔ sɩ: Lɑ ɩsǝnɑ pǝ mɑɣɑ-ŋ tɔ. Ntɛnɑ kɔtʋlʋ sɩ: Tǝ́ sǝlǝmɩ Ɩsɔ kɛ́ cǝnɛ nɑ pǝ́cɔ́. |
| 7547 | 1SA 14:37 | Ḿpʋ́ɣʋ́ Sɑyuli pɔɔsɑ Ɩsɔ sɩ: Ye tǝ tǝŋɑ Filiisi nyǝ́mɑ wɑɑlɩ n kɑ́ tʋ-wɛɣɛ tɑ́ niŋ tɑɑ? Amɑ Tɑcɑɑ tɑ cɔ wɑɑtʋ ɩnɩ. |
| 7556 | 1SA 14:46 | Ɩlɛnɑ Sɑyuli yele Filiisi nyǝ́mɑ kɛ tɔɣɔnʋɣʋ, nɑ pɛlɛ pɑ́ mǝlɩ pɑ tɛ. |
| 7557 | 1SA 14:47 | Sɑyuli tɔɣɔ kɑwulɑɣɑ kɛ Ɩsɛɣɛlɩ tɑɑ. Ɩlɛnɑ ɩ́ yoonɑ ɩ kolontunɑɑ tǝnɑɣɑ hɔɣɔlǝŋ tǝnɑ tɑɑ. Pɑɑ Mowɑpʋ nyǝ́mɑ, pɑɑ Amoni nyǝ́mɑ, pɑɑ Ɩtɔm nyǝ́mɑ, nɑ Sopɑ ɑwulɑɑ, nɑ Filiisi nyǝ́mɑ. Pɑɑ timpiɣi ɩ tɑlɑɑ te, ɩnɩ ɩ tɔkǝnɑ ɑkɑɩtʋ. |
| 7562 | 1SA 14:52 | Sɑyuli yoonɑ Filiisi nyǝ́mɑ kɛ ḿpʋ́ɣʋ́ nɑ toŋ nɑ toŋ, hɑlǝnɑ ɩ sǝm. Ye ɩ loosɑ yʋlʋ toŋ tʋ yɑɑ kpelikpekɑ tʋ, ɩ tʋɣʋ-ɩ ɩ yoolɑɑ tɑɑ kɛ́. |
| 7610 | 1SA 16:13 | Ḿpʋ́ɣʋ́ Sɑmiyɛɛlɩ kpɑɣɑ nim nɑ hǝlʋɣʋ nɑ ɩ́ pǝlɩ-ɩ ɩ tɑɑlʋnɑɑ ɩsɛntɑɑ. Tǝnɑɣɑ Tɑcɑɑ Feesuɣu tii Tɑfiiti tɔɔ kɛ́ pǝ kpɑɣɑʋ kʋyɑŋku tɔ nɑ pǝ́ puki. Ɩlɛnɑ Sɑmiyɛɛlɩ nɑ́ɑ́ kʋlɩ nɑ ɩ́ mǝlɩ ɩ tɛ Lɑmɑ. |
| 7611 | 1SA 16:14 | Ḿpʋ́ɣʋ́ Tɑcɑɑ lǝsɑ ɩ Feesuɣu kɛ Sɑyuli tɑɑ, nɑ ɩ́ tʋ-ɩ lǝmɑɣɑsǝlɛ ɩsɑɣɑlɛ nɑ tǝ́ cɔɔsǝɣɩ-ɩ. |
| 7621 | 1SA 17:1 | Ḿpʋ́ɣʋ́ Filiisi yoolɑɑ kotɑɑ, nɑ pɑ́ pɩɩlɩ Soko kɛ Yutɑ tɛtʋ tɑɑ, nɑ Asekɑ pɑ hɛkʋ tɑɑ kɛ́ Ɩfɛsɩ-Tɑmim sɩ, pɑ yookinɑ Ɩsɛɣɛlɩ nyǝ́mɑ. |
| 7623 | 1SA 17:3 | Pʋɣʋ luɣu kɛ Filiisi nyǝ́mɑ kɑ pɩɩlɑɑ, nɑ Ɩsɛɣɛlɩ nyǝ́mɑ kɛ pʋɣʋ lɛŋkʋ luɣu nɑ tɛtɛkǝlɛ kɛ pɑ hɛkʋ tɑɑ. |
| 7624 | 1SA 17:4 | Ḿpʋ́ɣʋ́ Filiisi yoolɑɑ tɑɑ yoolu nɔɣɔlʋ ɩ lɩɩwɑ nɑ ɩ́ sǝŋ hɛkʋ tɑɑ. Ɩ tɛɣɛlɛ Kɑtɩ nɑ pɑ́ yɑɑkɩ-ɩ sɩ Koliyɑtɩ. Ɩ tɑɣɑlǝŋ wɛ ɩsɩɩ mɛɛtǝlǝnɑɑ tooso kɛ mpʋ. |
| 7628 | 1SA 17:8 | Mpʋɣʋlɛ ɩ sǝŋɑɑ nɑ ɩ́ holiɣinɑ Ɩsɛɣɛlɩ yoolɑɑ tintikɑ sɩ: Pepe tɔɔ kɛ́ ɩ́ lɩɩwɑ nɑ ɩ́ pɩɩlɩ yoou? Ɩ tɑ nyɩ tɑɑ sɩ, mɑɣɑ Filiisi tʋ, nɑ mɛɣɛ Sɑyuli yomɑɑ? Ɩ́ lǝsɩ ɑpɑlʋ nɑ mɑ́ nɑ-ɩ tǝ́ suli. |
| 7639 | 1SA 17:19 | Pɑ nɑ Ɩsɛɣɛlɩ nyǝ́mɑ lɛlɑɑ nɑ Sɑyuli pɑ wɛnnɑ Ɩlɑ tɛtɛkǝlɛ tɑɑ, sɩ pɑ yookinɑ Filiisi nyǝ́mɑ. |
| 7641 | 1SA 17:21 | Mpʋɣʋlɛ Filiisi nyǝ́mɑ nɑ Ɩsɛɣɛlɩ nyǝ́mɑ pɑ pɩɩlɑɑ nɑ pɑ́ nyǝnǝɣɩ tǝmɑ. |
| 7646 | 1SA 17:26 | Ḿpʋ́ɣʋ́ Tɑfiiti pɔɔsɑ ɩ cɔlɔ nyǝ́mɑ sɩ: Ye wei ɩ kʋwɑ Filiisi tʋ ɩnɩ nɑ ɩ́ kɛɛlɩ Ɩsɛɣɛlɩ nyǝ́mɑ fɛɛlɛ pepeɣe pɑɑ lɑpɩ-ɩ yee? Ɩlɛ Filiisi mɑ tɑ nyɩ ɩsɔ ɩnɩ ɩ kɛ we nɑ ɩ́ tʋʋkɩ Ɩsɔ weesuɣu tʋ yoolɑɑ tintikɑ kɛ mpʋ? |
| 7652 | 1SA 17:32 | Ntɛnɑ Tɑfiiti tɔ sɩ: Tɑ cɑɑ, nɔɣɔlʋ lɑŋlɛ ɩ́ tɑɑ tɔnɑ Filiisi tʋ ɩnɩ. Mɑɑ polo nɑ mɑ́ nɑ-ɩ tǝ́ yoo. |
| 7653 | 1SA 17:33 | Kɛlɛnɑ Sɑyuli tɔ sɩ: Aɑɩ, n kɔɔsɑ pǝyɑɣɑ, n kɑɑ pǝsɩ nɑ ń yoonɑ Filiisi tʋ ɩnɩ. Mpi tɔ, ɩ́lɛ́ ɩ tǝmlɛ ntɛ́ yoou kɛ too ɩ kʋlʋɣʋ tɔ. |
| 7656 | 1SA 17:36 | Ḿpʋ́ɣʋ́ mɑ kʋkɑɣɑ tɔɣɔlɑsɩ nɑ wontunɑɑ lɛntɩ. Mpʋ ɩnɩ tɔtɔɣɔ mɑɑ lɑ Filiisi mɑ tɑ nyɩ ɩsɔ ɩnɛɣɛ timpi ɩ tʋʋ Ɩsɔ weesuɣu tʋ yoolɑɑ tintiɣile tɔ. |
| 7657 | 1SA 17:37 | Ɩlɛnɑ Tɑfiiti tɑsɑ sɩ: Tɑcɑɑ wei ɩ yɑpɑ-m tɑɑlɛ wontu sǝkpɑŋ tɑɑ tɔ, ɩ kɑ yɑ-m tɔtɔɣɔ Filiisi tʋ ɩnɛ ɩ niŋ tɑɑ. Kɛlɛnɑ Sɑyuli tɔ sɩ: Tɔʋ, polo, Tɑcɑɑ ɩ́ wɛɛ nyɑ́ wɑɑlɩ. |
| 7666 | 1SA 17:46 | Sɑŋɑ, ɩ kɑ́ tʋ-ŋ mɑ niŋ tɑɑ, nɑ mɑ́ kʋ-ŋ, nɑ mɑ sɛtɩ nyɑ́ nyʋɣʋ. Nɑ mɑ́ tʋ Filiisi yoolɑɑ nɑntʋ kɛ kpeliŋ nɑ tɑɑlɛ wontu. Ɩlɛnɑ tɛtʋ tǝnɑ nyɩ sɩ Ɩsɛɣɛlɩ nyǝ́mɑ wɛnɑ Ɩsɔ nɑ ɩ́ wɑɑsǝɣɩ-wɛ. |