42	GEN 2:11	Kɑncɑɑlɑɣɑ nyǝŋkɑ hǝtɛ ntɛ́ Pisɔŋ, kɛlɛ kɑ cɔɔnɑ Hɑfilɑ tɛtʋ nti tǝ tɑɑ wʋlɑ kʋpɑŋ nɑ tulɑɑlʋ kʋpɑŋ nɑ liɣitee pǝlɛ kʋkpɛɛtǝlɛ pǝ wɛɛ tɔ.
75	GEN 3:19	Ye hɑŋɑɣɑ tɑ sɔ-ŋ, n kɑɑ hiki ɩcɑʋtɛ nɑ ń mʋlɩ. Hɑlǝnɑ kʋyɑkʋ ŋku pɑɑ pi-ŋ tɛtʋ nti pɑɑ ŋmɑnɑ-ŋ tɔ tǝ tɑɑ tɔ. Mpi tɔ, n kɛ́ tɛtʋ kɛ́, pǝ́cɔ́ n kɑ́ tɑɣɑnɩ kʋlʋmtʋ ntǝɣɩ pǝsʋɣʋ tɔtɔ.
97	GEN 4:17	Ḿpʋ́ɣʋ́ Kɑyini nyǝmɑ́ ɩ ɑlʋ nɑ ɩ́ lɑ́ teu nɑ ɩ́ lʋlɩ Henɔkɩ. Ɩlɛnɑ ɩ́ ŋmɑ́ ɩcɑtɛ nɑ ɩ́ hɑ-tɛɣɛ ɩ pǝyɑlʋ hǝtɛ.
98	GEN 4:18	Ḿpʋ́ɣʋ́ Henɔkɩ lʋlɑ Ɩlɑɑtɩ nɑ Ɩlɑɑtɩ lʋlɩ Mehuyɑyɛɛlɩ nɑ Mehuyɑyɛɛlɩ lʋlɩ Metusɑyɛɛlɩ, ɩlɛnɑ Metusɑyɛɛlɩ lʋlɩ Lemɛkɩ.
124	GEN 5:18	Yɛlɛtɩ pɩɩsɩ lɑpɑ nɩɩnʋwɑ nɑ nɩɩtoso nɑ nɑɑlɛ (162) ɩlɛnɑ ɩ́ lʋlɩ Henɔkɩ.
125	GEN 5:19	Henɔkɩ lʋlʋɣʋ wɑɑlɩ ɩ tɔɣɔ pɩɩsɩ nɑsǝnɑɑsɑ (800), nɑ sɩ tɑɑ kɛ́ ɩ tɑsɑ ɑpɑlʋpiyɑ nɑ ɑlʋpiyɑ kɛ lʋlʋɣʋ.
127	GEN 5:21	Henɔkɩ pɩɩsɩ lɑpɑ nɩɩtoso nɑ kɑkpɑsɩ ɩlɛnɑ ɩ́ lʋlɩ Metusɑlɛm.
130	GEN 5:24	Henɔkɩ kɑ tǝŋɑ Ɩsɔ kɛ́ teu kɛ́ nɑ Ɩsɔ wɛ ɩ wɑɑlɩ. Pǝ kɔmɑ nɑ pǝ kɛɛsɩ ɩlɛnɑ Ɩsɔ kpɑɣɑ-ɩ nɑ ɩ ɩsɛ, nɔɣɔlʋ tɑ tɑsɑ-ɩ nɑʋ.
242	GEN 10:7	Kusi piyɑ ntɛ́ Sepɑ, nɑ Hɑfilɑ, nɑ Sɑpǝtɑ, nɑ Lɑkǝmɑ, nɑ Sɑpǝtekɑ. Lɑkǝmɑ piyɑ ntɛ́, Sɑpɑɑ, nɑ Tetɑŋ.
246	GEN 10:11	Tɛtʋ ntɩ tǝ tɑɑ kɛ́ ɩ lɩɩwɑ nɑ ɩ́ polo Asilii nɑ ɩ́ ŋmɑ́ Ninifi, nɑ Lehopoti-Hiili, nɑ Kelɑ,
250	GEN 10:15	Kɑnɑɑŋ ɩ́lɛ́ ɩ́ kɑncɑɑlɑɣɑ pǝyɑɣɑ ntɛ́ Sitɔŋ nɑ nɑɑlɛ nyǝŋ ntɛ́ Hɛtɩ,
252	GEN 10:17	nɑ Hifi nyǝ́mɑ, nɑ Alǝki nyǝ́mɑ nɑ Sini nyǝ́mɑ,
253	GEN 10:18	nɑ Alǝfɑtɩ nyǝ́mɑ, nɑ Semɑlii nyǝ́mɑ, nɑ Hɑmɑtɩ nyǝ́mɑ. Pǝ wɑɑlɩ kɛ́ Kɑnɑɑŋ lʋlʋŋ nyǝ́mɑ nɑ́ yɑwɑ.
258	GEN 10:23	Alɑm ɩ́lɛ́ ɩ́ piyɑ ntɛ, Usi, nɑ Huuli, nɑ Ketɛɛ, nɑ Mɑcɩ.
261	GEN 10:26	Yɔkǝtɑŋ nɑ́ lʋlǝnɑ Alǝmotɑtɩ, nɑ Selɛfɩ, nɑ Hɑsɑmɑfɛtɩ, nɑ Yelɑ,
262	GEN 10:27	nɑ Hɑtolɑm, nɑ Wusɑɑlɩ, nɑ Tikǝlɑ,
264	GEN 10:29	nɑ Ofii, nɑ Hɑfilɑ, nɑ Yopɑpɩ. Yɔkǝtɑŋ piyɑ ntɛ́ pɑ tǝnɑɣɑ mpʋ.
293	GEN 11:26	Telɑ pɩɩsɩ lɑpɑ nɩɩtoso nɑ nɑɑnʋwɑ kɛ́ ɩlɛnɑ ɩ́ lʋlɩ Apǝlɑm nɑ Nɑhoo nɑ Hɑlɑŋ.
294	GEN 11:27	Telɑ lʋlʋɣʋ nyǝ́mɑ hǝlɑ ntɔ cǝnɛ. Ɩ lʋlɑ Apǝlɑm, nɑ Nɑhoo, nɑ Hɑlɑŋ. Ɩlɛnɑ Hɑlɑŋ nɑ́ɑ́ lʋlɩ Lɔɔtɩ.
295	GEN 11:28	Amɑ Hɑlɑŋ nɑ́ sǝpɑ Uu ɩcɑtɛ tɑɑ timpi pɑ lʋlɑ-ɩ tɔɣɔ Pɑpiloni tɛtʋ tɑɑ nɑ ɩ cɑɑ Telɑ tɑ sǝtɑ.
296	GEN 11:29	Ɩlɛnɑ Apǝlɑm nɑ́ɑ́ kpɑɣɑ Sɑlɑɩ, nɑ Nɑhoo nɑ́ɑ́ kpɑɣɑ Ɩsikɑ cɑɑ Hɑlɑŋ pɛɛlɔ Milikɑ.
298	GEN 11:31	Ḿpʋ́ɣʋ́ Telɑ kpɑɣɑ ɩ pǝyɑlʋ Apǝlɑm nɑ ɩ sɑɑlɩ Lɔɔtɩ nɑ ɩ poolu Sɑlɑɩ nɑ pɑ́ lɩɩ Uu kɛ Pɑpiloni sɩ pɑ puki Kɑnɑɑŋ tɛtʋ tɑɑ. Pɑ tɑlɑ Hɑlɑŋ ɩcɑtɛ tɑɑ ɩlɛnɑ pɑ́ cɑɣɑ tǝnɑ.
303	GEN 12:4	Mpʋɣʋlɛ Apǝlɑm kpɑɣɑ ɩ ɑlʋ Sɑlɑɩ nɑ ɩ tɑɑlʋ pǝyɑɣɑ Lɔɔtɩ nɑ ɩ wɛnɑʋ tǝnɑ nɑ ɩ tǝmlɛ nyǝ́mɑ mpɑ ɩ hikɑ Hɑlɑŋ tɔ nɑ ɩ́ lɩɩ tǝnɑ ɩsɩɩ Tɑcɑɑ kɑ heeluɣu-ɩ tɔ nɑ ɩ́ tɛɛ Kɑnɑɑŋ tɛtʋ tɑɑ. Wɑɑtʋ ɩnɩ ɩ pɩɩsɩ kɑ wɛ nɩɩtoso nɑ nɑɑnʋwɑ nɑ kɑkpɑsɩ. Ɩ tɑpɑ tɛtʋ ntɩ ɩlɛnɑ
1544	EXO 1:11	Tǝnɑɣɑlɛ Icipiti nyǝ́mɑ tʋwɑ Ɩsɛɣɛlɩ nyǝ́mɑ kɛ yomle tǝmɑ wɑhɑlɑ nyǝnɑ. Nɑ pɑ́ kpɑ ɑ feŋlɑɑ nɑ pɛlɛ pɑ́ tʋɣʋ-wɛɣɛ-yɛ. Hɑlɩ Ɩsɛɣɛlɩ nyǝ́mɑ mpɛ pɑ ŋmɑnɑ ɑcɑlɛɛ wenɑ pɑ yɑɑ sɩ Pitom nɑ Lɑmsɛsɩ tɔ. Tǝnɑɣɑ Icipiti wulɑʋ sɩɩkɩ ɩ wontu.
1548	EXO 1:15	Hepǝlɑ nyǝ́mɑ kɑ wɛnɑ ɑlɑɑ lʋlǝsǝlɑɑ kɛ nɑɑlɛɣɛ. Pɑ yɑɑ lɛlʋ sɩ Sifǝlɑ nɑ lɛlʋ sɩ Puwɑ. Mpʋɣʋlɛ Icipiti wulɑʋ yɑɑ-wɛ nɑ ɩ́ heeli-wɛ sɩ:
1549	EXO 1:16	Ɩ́ feŋiɣi Hepǝlɑ ɑlɑɑ tǝlʋllɛ nɑ ɩ́ kʋɣɩ ɑpɑlʋpiyɑ kɛ sɑɑʋ tɑɑ kɛ́ kpɑkpɑɑ. Amɑ ɩ́ yeki ɑlʋpiyɑ.
1552	EXO 1:19	Ntɛnɑ lʋlǝsǝlɑɑ mpɛ sɩ: Hepǝlɑ ɑlɑɑ fɑɣɑnɑ Icipiti nyǝ́mɑ kɛ yoo. Pɑ ɑpɑlʋtʋ wɛ sɔɣɔntʋ. Pɑ lʋlǝɣɩ pɑ piyɑ kɛ́ nɑ pǝ́cɔ́ tɑ́ɑ́ tɑkɩ.
1555	EXO 1:22	Ḿpʋ́ɣʋ́ Icipiti wulɑʋ tʋwɑ Icipiti nyǝ́mɑ tǝnɑ sɩ: Ye Hepǝlɑ ɑlʋ lʋlɑ ɑpɑlʋpǝyɑɣɑ ɩ́ tǝŋsɩ-kɛɣɛ Nili pɔɣɔ lʋm. Amɑ ɩ́ yeki ɑlʋpiyɑ.
1561	EXO 2:6	Ɩ kulɑɑ ɩlɛ ɩ mɑɣɑnɑ ɑpɑlʋpǝyɑɣɑ ntɛ́ nɑ kɑ́ wiiki. Kɑ tɔm lɑpɑ-ɩ pǝtɔɔtǝlɛ ɩlɛnɑ ɩ́ pǝsǝnɑ sɩ: Cǝnɛ ɩnɩ, Hepǝlɑ nyǝ́mɑ pǝyɑɣɑ kɛ́.
1562	EXO 2:7	Kɑ kɔɣɔ kɑ sǝŋɑ tǝnɑ, tǝnɑɣɑ ɩ nɔɣɔ tǝkpɑʋ sɩ: N cɑɑ sɩ mɑ́ polo mɑ́ pɛɛkɩ-ŋ Hepǝlɑ ɑlʋ wei ɩ kɑ́ mʋsǝsɩ-kɛ́ tɔ?
1566	EXO 2:11	Moisi lɑpɑ sɔsɔ ɩlɛnɑ kʋyɑkʋ nɑkʋlɩ ɩ́ polo sɩ ɩ nɑɑkɩ ɩ nyǝ́mɑ Hepǝlɑ nyǝ́mɑ. Nɑ ɩ nɑwɑ tɔtɔɣɔ wɑhɑlɑ tǝmɑ wenɑ Icipiti nyǝ́mɑ tʋkɑɣɑ-wɛ tɔ. Hɑlǝnɑ ɩ́ nɑ́ tɔtɔɣɔ Icipiti tʋ nɔɣɔlʋ ɩ kʋɣɩ Hepǝlɑ tʋ.
1568	EXO 2:13	Tɛʋ femɑ nɑ ɩ́ mǝlɩ, ɩlɛnɑ ɩ́ mɑɣɑnɑ Hepǝlɑ nyǝ́mɑ nɑ pɑ́ mɑkɩ tǝmɑɣɑ pɑ tɑɑ pɑ tike. Ɩ lolɑ-wɛ ɩlɛnɑ ɩ́ pɔɔsɩ mʋsʋŋtʋ sɩ: Pepe tɔɔ kɛ́ n lɑkɩ nyɑ́ tɛɛtʋ kɛ nyǝmǝŋ kɛ mpʋ?
1574	EXO 2:19	Ntɛnɑ pɑ́ cɔ-ɩ sɩ: Icipiti tʋ nɔɣɔlʋ ɩ wɑɑsǝnɑ-tʋ. Hɑlǝnɑ ɩ́ lu tɑ́ kɑlǝkʋ kɛ lʋm nɑ kʋ́ nyɔɔ.
1576	EXO 2:21	Ḿpʋ́ɣʋ́ Moisi tisɑɑ nɑ ɩ́ cɑɣɑ ɑpɑlʋ ɩnɩ ɩ tɛ. Hɑlǝnɑ ɩ́lɛ́ ɩ hɑ-ɩ ɩ pɛɛlɔ Sefolɑ nɑ ɩ́ lɑ́ ɑlʋ.
1581	EXO 3:1	Wɑɑtʋ ɩnɩ tɔ nɑ Moisi nɑ́ɑ́ tɔŋnɑ ɩ yǝtɩ Mɑtiyɑŋ kɔtʋlʋ Yetulo tɔlɑ tiikuɣu. Ḿpʋ́ɣʋ́ kʋyɑkʋ nɑkʋlɩ ɩ tiikɑɑ nɑ ɩ́ tɑlɑ Ɩsɔ pʋɣʋ ŋku pɑ yɑɑ sɩ Holɛpʋ tɔɣɔ wʋlɑɣɑ tɛtʋ wɑɑlɩ.
1588	EXO 3:8	Pǝ tɔɔ kɛ́ mɑ tiiwɑ sɩ mɑ cɛkɩ-wɛɣɛ Icipiti nyǝ́mɑ niŋ tɑɑ, nɑ mɑ́ ponɑ-wɛɣɛ tɛtʋ kʋpɑntʋ nti tǝ wɑlɑɑ nɑ tɔɣɔnɑɣɑ nɑ kʋpɑntʋ tǝnɑ tɔlɑ yem tǝhɔ tɔ tǝ tɑɑ. Kɑnɑɑŋ nyǝ́mɑ, nɑ Hiti nyǝ́mɑ, nɑ Amolii nyǝ́mɑ, nɑ Filiisi nyǝ́mɑ, nɑ Hifi nyǝ́mɑ, nɑ Yepusi nyǝ́mɑ, pɑ cɑɣɑnɑ tǝ tɑɑ.
1595	EXO 3:15	Nɑ ń cuɣusi sɩ: Mǝ cɑɑnɑɑ cɑɑnɑɑ Apǝlɑhɑm nɑ Ɩsɑɑkɑ nɑ Yɑkɔpʋ pɑ Ɩsɔ Tɑcɑɑ tilinɑ-m mǝ wɑɑlɩ. Mɑ hǝtɛ ntɛ́, hɑlǝnɑ ɑntulinyɑ polo nɑ ɩ́ kʋlɩ. Hǝtɛ ntɛɣɛ yǝlɑɑ kɑ́ yɑɑkɩ-m pɑɑ wɑɑtʋ wei.
1597	EXO 3:17	Nɑ ɩ tʋ́ ɩ tɑɑ sɩ ɩ lǝsǝɣɩ-mɛɣɛ wɑhɑlɑ tɛtʋ tɑɑ cǝnɛ nɑ ɩ́ ponɑ-mɛɣɛ Kɑnɑɑŋ nyǝ́mɑ, nɑ Hiti nyǝ́mɑ, nɑ Amolii nyǝ́mɑ, nɑ Filiisi nyǝ́mɑ, nɑ Hifi nyǝ́mɑ, nɑ Yepusi nyǝ́mɑ pɑ tɛtʋ tɑɑ, timpi tɔɣɔnɑɣɑ nɑ kʋpɑntʋ tǝnɑ tɔlɑ yem tǝhɔ tɔ.
1598	EXO 3:18	Ye pɑ nɩɩ mpʋ pɑɑ mʋ-tǝɣɩ. Ɩlɛnɑ ń kpɑɣɑ-wɛ nɑ ɩ́ polo ɩ́ mɑɣɑnɑ Icipiti wulɑʋ nɑ ɩ́ heeli-ɩ sɩ Hepǝlɑ nyǝ́mɑ tɑ́, tɑ́ Ɩsɔ Tɑcɑɑ lɩɩ tɑ́ tɔɔ. Mpʋ tɔ, hɑ-tʋɣʋ mpɑɑʋ nɑ tǝ́ polo wʋlɑɣɑ tɛtʋ tɑɑ nɑ tǝ́ lɑpɩ-ɩ kɔtɑsɩ. Pɩɩ mɑɣɑnɑ ɩsɩɩ kʋyɛɛŋ tooso tɔntɛ.
1601	EXO 3:21	Hɑlɩ mɑ́ yele nɑ Icipiti nyǝ́mɑ lɑ-mɛɣɛ kʋpɑntʋ nɑ ɩ́ tɑɑ lɩɩ niŋ kɑkpɑsɩ.
1615	EXO 4:13	Mpʋɣʋlɛ Moisi sɩ: Hɑɩ, Tɑcɑɑ, mɑ kpɑ nyɑ́ yule, tili wei n cɑɑ tɔ, yele mɑ tɔm.
1616	EXO 4:14	Tǝnɑɣɑlɛ Moisi tɔm lɑpɑ Tɑcɑɑ kɛ pɑ́ɑ́nɑ́ nɑ ɩ́ tɔmɩ-ɩ sɩ: Nyɑ́ tɑɑlʋ Lefii tʋ Alɔŋ wɛɛ. Hɑlɩ ɩ́lɛ́ ɩ tɩɩ lɩɩnɑ ntɛɣɛ nyɑ́ sǝŋʋɣʋ, nɑ ɩ́ loosɑ-ŋ ɩ lɑŋhʋlʋmlɛ kɑ́ wɛɛ sɔɣɔntʋ.
1636	EXO 5:3	Mpʋɣʋlɛ Moisi nɑ Alɔŋ pɑ cɔwɑ sɩ: Hepǝlɑ nyǝ́mɑ tɑ́, tɑ́ Ɩsɔ Tɑcɑɑ lɩɩnɑ tɑ́ tɔɔ nɑ ɩ́ heeli-tʋɣʋ mpʋ. Pǝ tɔɔ tɔ yele-tʋ nɑ tǝ́ tɔ́ kʋyɛɛŋ tooso nɑ tǝ́ polo pooluŋ nɑ tǝ́ lɑ́ kɔtɑsɩ. Ye pǝ tɑɣɑ mpʋ ɩ kɑ́ kʋ-tʋ nɑ kʋtɔŋ yɑɑ yoou.
1647	EXO 5:14	Hɑlǝnɑ feŋlɑɑ sɔsɑɑ mpɛ pɑ́ mɑkɩ sǝkpemɑ mpɑ pɑɑ kpɑwɑ Ɩsɛɣɛlɩ nyǝ́mɑ tɑɑ tɔ. Sɩ pepe tɔɔ kɛ́ nɔɔnɔɔ sɑmɑɑ ɩɩ lɑkɩ pilikinɑɑ, nɑ pǝ́ tɑkɩ ɩsɩɩ too pɑɑ sɩɩʋ tɔ.
1648	EXO 5:15	Ḿpʋ́ɣʋ́ feŋlɑɑ sǝkpemɑ mpɛ pɑ polɑ Icipiti wulɑʋ kiŋ sɩ pɑ hʋ́lǝ́ɣɩ́-ɩ pɑ wɑhɑlɑ nɑ pɑ́ wiinɑ-ɩ sɩ: Hɑɩ, tɑ́ cɑɑ, pepe tɔɔ kɛ́ n nɑɑsǝɣɩ-tʋɣʋ mpʋ?
1655	EXO 5:22	Ḿpʋ́ɣʋ́ Moisi tɑsɑ Tɑcɑɑ kɛ sǝlǝmʋɣʋ tɔtɔ sɩ: Hɑɩ, Tɑcɑɑ, pepe tɔɔ kɛ́ n lɑkɩ nyɑ́ yǝlɑɑ tɑɣɑ ɩsɑɣɑtʋ? Nɑ pepe tɔɔ kɛ́ n tɩɩ tilɑ-m pɑ wɑɑlɩ?
1656	EXO 5:23	Hɑtoo kʋyɑŋku mɑ heelɑ Icipiti wulɑʋ kɛ nyɑ́ tɔm tɔ, ɩ sɔɔsɑ Ɩsɛɣɛlɩ nyǝ́mɑ kɛ wɑhɑlɑ kɛ́. Pǝyele nyɑ́ sumɑ, nn lʋkɩ sɩ ń wɑɑsɩ-wɛ.
1657	EXO 6:1	Ḿpʋ́ɣʋ́ Tɑcɑɑ cɔwɑ Moisi sɩ: N kɑ́ nɑ́ ɩsǝnɑ mɑɑ lɑ Icipiti wulɑʋ tɔ. Toŋ kɛ mɑɑ lɑnɑ-ɩ nɑ ɩ́ yele-mɛ nɑ ɩ́ tɛɛ. Hɑlɩ ɩ mɑɣɑmɑɣɑ ɩ kɑ́ tɩɩ tɔɣɔnnɑ-mɛɣɛ ɩ tɛtʋ tɑɑ sɩ ɩ́ tɛɛ lɔŋ nɑ ɩ́ wɛsɩ-ɩ.
1659	EXO 6:3	Hɑlɩ mɑ hʋlɑ́ mɑ tǝɣɩ Apǝlɑhɑm nɑ Ɩsɑɑkɑ nɑ Yɑkɔpʋ sɩ mɑɣɑlɛ Ɩsɔ Tomɑ tǝnɑ tʋ. Amɑ pɑ tɑ nyɩ sɩ mɑ hǝtɛ tɔtɔɣɔlɛ Mɑwɛtɑm.
1661	EXO 6:5	Pǝnɛntɛ mɑ nɩɩ yomle nte Icipiti nyǝ́mɑ tʋɣɩ-wɛ nɑ pɑ́ wiiki tɔ. Hɑlǝnɑ pǝ́ tɔɔsɩ-m nɔɣɔ ŋkɑ mɑ nɑ-wɛ tɩɩ pɛɛlɑɑ tɔ.
1668	EXO 6:12	Ntɛnɑ Moisi nɔɣɔ tǝkpɑʋ sɩ: Ɩsɛɣɛlɩ nyǝ́mɑ mɑɣɑmɑɣɑ nɑ́ tɑ́ nɩɩnɑ-m kɑcɑŋfɑnɑ Icipiti wulɑʋ? Hɑlɩ mɑɑ tɩɩ pǝsǝɣɩ yɔɣɔtɑɣɑ kɛ ɩsǝntɔ tɔ, pǝ tɩɩ tɛɛsɑɑ kɛlɛ.
1670	EXO 6:14	Ɩsɛɣɛlɩ nyǝ́mɑ lʋlʋŋ loosi nyǝ́mɑ cɔsɔnɑɑ hǝlɑ ntɔ. Yɑkɔpʋ pǝyɑlʋ kɑncɑɑlɑɣɑ nyǝŋ Lupɛŋ pǝyɑlɑɑ ntɛ́ Hɑnɔkɩ nɑ Pɑlu nɑ Hɛsǝlɔŋ nɑ Kɑɑmi, pɛlɛɣɛlɛ Lupɛŋ lʋlʋɣʋ loosi nyǝ́mɑ cɔsɔnɑɑ.
1674	EXO 6:18	Kehɑtɩ ɩ́lɛ́ ɩ pǝyɑlɑɑ ntɛ́, Amǝlɑm, nɑ Ɩsɑɑ, nɑ Hepǝlɔŋ, nɑ Usiyɛlɩ. Kehɑtɩ lʋlʋɣʋ pɩɩsɩ ntɛ́ nɩɩnʋwɑ nɑ hiu nɑ nɑɑnʋwɑ nɑ tooso (133).
1690	EXO 7:4	ɩ kɑɑ nɩɩnɑ-mɛ. Hɑlɩ wɑɑtʋ ɩnǝɣɩ mɑɑ nyǝŋsɩ Icipiti nyǝ́mɑ ɩsɛ kɛ teu kɛ ɩsǝnɑ pǝ wɛɛ tɔ. Ɩlɛnɑ mɑ́ lǝsɩ mɑ yǝlɑɑ Ɩsɛɣɛlɩ nyǝ́mɑ kɛ nɔɣɔ kʋlʋmɑɣɑ kɛ tɛtʋ tǝnɛ tǝ tɑɑ.
1702	EXO 7:16	Ɩlɛnɑ ń heeli-ɩ sɩ: Hepǝlɑ nyǝ́mɑ tɑ́, tɑ́ Ɩsɔ Tɑcɑɑ tilinɑ-m sɩ mɑ́ heeli-ŋ sɩ ń yele ɩ yǝlɑɑ nɑ pɑ́ polo pooluŋ nɑ pɑ́ sɛɛ-ɩ, nɑ hɑlǝnɑ sɑŋɑ nyɑɑ sɑŋ.
1705	EXO 7:19	Ḿpʋ́ɣʋ́ Tɑcɑɑ tɑsɑ Moisi kɛ heeluɣu sɩ: Heeli Alɔŋ sɩ kpɑɣɑ nyɑ́ kpɑ́tʋ́ɣʋ́ nɑ ń hʋ́lɩ́-kʋɣʋ Icipiti nyǝ́mɑ lʋm tǝkpentenɑɑ nɑ pusi nɑ lɔɔŋ pǝ tɔɔ nɑ pǝ́ kpɛŋnɑ lʋcɑɣɑmnɑɑ nɑ tɩɩŋ nɑ kʋkpɑmǝŋ pǝ pɔɔŋ tɑɑ lʋmnɑɑ, nɑ pǝ́ pǝsɩ cɑlǝm. Wɑɑtʋ ɩnɩ cɑlǝm kɑ́ wɑɑsɩ tɛtʋ tǝnɑ tǝpɑɩ.
1715	EXO 7:29	Hɑlɩ ɑ kɑ́ kpɑ Icipiti wulɑʋ nyɑ́ nyɑ́ mɑɣɑmɑɣɑ nyɑ́ tɔɔ, nɑ sɑmɑɑ tǝnɑ tɔɔ, nɑ pǝ kpɛŋnɑ tǝmlɛ nyǝ́mɑ tɔɔ tɔtɔ.
1716	EXO 8:1	Ḿpʋ́ɣʋ́ Tɑcɑɑ tɑsɑ Moisi kɛ heeluɣu tɔtɔ sɩ heeli Alɔŋ sɩ: Hʋ́lɩ́ nyɑ́ kpɑ́tʋ́ɣʋ́ nɑ pusi nɑ lɔɔŋ nɑ lʋcɑɣɑmnɑɑ tɔɔ nɑ sɑlɛɛ lɩɩ Icipiti.
1744	EXO 9:1	Ḿpʋ́ɣʋ́ Tɑcɑɑ tɔmɑ Moisi sɩ: Polo Icipiti wulɑʋ kiŋ nɑ ń heeli-ɩ sɩ Hepǝlɑ nyǝ́mɑ Ɩsɔ Tɑcɑɑ mɑ́, mɑ tɔmɑ sɩ yele mɑ yǝlɑɑ nɑ pɑ́ polo pɑ́ lɑ-m tǝmlɛ.
1754	EXO 9:11	Mʋlɑ ɑnɩ ɑ kpɛnnɑ Icipiti tʋwɑɑ tɔtɔɣɔ nɑ ɑ́ kpɑ-wɛɣɛ teitei ɩsɩɩ yǝlɑɑ tǝnɑ. Hɑlǝnɑ pɑ kpisi Moisi-wɛɣɛ kpǝtǝnɑʋ.
1756	EXO 9:13	Ḿpʋ́ɣʋ́ Tɑcɑɑ heelɑ Moisi sɩ: Cele kʋlɩ lɔŋ kɛ tɑnɑŋ kʋpɑŋkʋ tɛɛ nɑ ń mɑɣɑnɑ Icipiti wulɑʋ nɑ ń heeli-ɩ sɩ Hepǝlɑ nyǝ́mɑ Ɩsɔ Tɑcɑɑ mɑ́, mɑ tɔmɑ sɩ: Yele mɑ yǝlɑɑ nɑ pɑ́ polo pɑ lɑ-m tǝmlɛ.
1765	EXO 9:22	Pǝ wɑɑlɩ kɛ́ Tɑcɑɑ heelɑ Moisi sɩ: Hʋ́lɩ́ nyɑ́ kpɑ́tʋ́ɣʋ́ nɑ ɩsɔtɑɑ nɑ tɔmpɩɩŋ hoti Icipiti tɛtʋ yǝlɑɑ nɑ tɔlɑ tɔɔ nɑ pɑ tɑwɑ tɑɑ kʋhɑlǝm tǝnɑ tɑɑ.
1767	EXO 9:24	Hɑtoo pǝ cɑɑlʋɣʋ Icipiti tɛtʋ kɛ sɩɩʋ tɔ nɔɣɔlʋ tɑ nɑtɑ tɔmpɩɩŋ ɩnɩ ɩ tɑkɑ nɑ pǝ tɛʋ nyǝɣǝsʋɣʋ kɛ mpʋ.
1771	EXO 9:28	Hɑɩ, ɩ́ wiinɑ Ɩsɔ nɑ tɔmpɛɛ hɛɛsɩ mpʋ. Mɑɑ yele-mɛ nɑ ɩ́ tɛɛ, mɑɑ tɑsǝɣɩ-mɛɣɛ tɑŋʋɣʋ.
1781	EXO 10:3	Ḿpʋ́ɣʋ́ Moisi nɑ Alɔŋ pɑ polɑ Icipiti wulɑʋ tɛ́ nɑ pɑ́ heeli-ɩ sɩ: Hepǝlɑ nyǝ́mɑ tɑ́, tɑ́ Ɩsɔ Tɑcɑɑ tɔmɑ-tʋ sɩ tǝ́ kɔɔ tǝ́ pɔɔsɩ-ŋ sɩ pǝlee kɛ́ n kɑ́ lɔ́ nyɑ́ lɑŋkpɩɩsǝŋ nɑ ń yele ɩ yǝlɑɑ nɑ pɑ́ polo pɑ́ lɑpɩ-ɩ tǝmlɛ?
1790	EXO 10:12	Tǝnɑɣɑ Tɑcɑɑ tɔmɑ Moisi sɩ: Hʋ́lɩ́ nyɑ́ kpɑ́tʋ́ɣʋ́ kɛ Icipiti tɛtʋ tɔɔ nɑ kʋtoloŋ lɩɩ nɑ kʋ wɑ́ɑ́sɩ-tɩ nɑ kʋ́ tɔɣɔ kʋnyɔnyɔm tǝnɑ mpi tɔmpɛɛ kɑ fɛɛwɑ tɔ.
1795	EXO 10:17	Hɑɩ, mɑ wiikinɑ-mɛ sɩ ɩ́ tɑsɑ-m suulu hʋlʋɣʋ kɛ tɔm kʋlʋm. Ɩ́ sǝlǝmɩ mǝ Ɩsɔ sɩ ɩ́ hɑtǝlǝnɑ-m sǝm pǝnɛ.
1799	EXO 10:21	Ḿpʋ́ɣʋ́ Tɑcɑɑ heelɑ Moisi sɩ: Kʋsɩ nyɑ́ kpɑ́tʋ́ɣʋ́ nɑ ɩsɔtɑɑ nɑ sǝkpɛtʋɣʋ tɑɑ sǝkpɛtʋɣʋ nyɑlɑ Icipiti tɛtʋ tǝnɑ tɑɑ. Hɑlǝnɑ yǝlɑɑ tokiɣinɑ-kʋ.
1806	EXO 10:28	Hɑlǝnɑ ɩ́ tɔɣɔnɩ Moisi kɛ kʋtɔɣɔnʋ sɩ ɩ́ lɩɩ ɩnɩ ɩ tɛ. Nɑ ɩ́ tɔmɩ-ɩ sɩ: Lɑ lɑɑkɑlɩ, ye pǝ cǝpɑ-ŋ nɑ ń tɑsɑ cǝnɛɣɛ mǝlʋɣʋ mɑɑ kʋ-ŋ.
1808	EXO 11:1	Mpʋɣʋlɛ Tɑcɑɑ heelɑ Moisi sɩ: Pǝ kɑɑsɑ-m wɑhɑlɑ kɑntǝkɑɣɑ nyǝŋ. Pǝ wɑɑlɩ kɛ́ pɑɑ yele-mɛ nɑ ɩ́ tɛɛ. Hɑlɩ pɑɑ tɩɩ tɔɣɔnɩ-mɛɣɛ kʋtɔɣɔnʋ kɛ́ nɑ ɩ́ lɩɩ cǝnɛ.
1846	EXO 12:29	Pǝ kɔmɑ ɩsɩɩ ɑhoo hɛkɑ ɩlɛnɑ Ɩsɔ Tɑcɑɑ kʋ Icipiti tɑɑ ɑpɑlʋpiyɑ kɑncɑɑlɑɣɑ nyǝnsɩ tǝnɑ. Hɑlǝnɑ pǝ́ kpɛŋnɑ Icipiti wulɑʋ sɔsɔ ɑpɑlʋpǝyɑɣɑ kɑncɑɑlɑɣɑ nyǝŋkɑ ŋkɑ kɑɑ lɛɛtɩ ɩ kɑwulɑɣɑ kumte tɔɔ tɔ. Nɑ pǝ́ polo sɑlǝkɑ nyǝ́mɑ ɑpɑlʋpiyɑ kɑncɑɑlɑɣɑ nyǝnsɩ, nɑ tɔlɑ kɑncɑɑlɑɣɑ piyɑ ɑpɑlʋ nyǝnsɩ tɔtɔ.
1873	EXO 13:5	Wɑɑtʋ wei ɩ́ kɑ́ sʋʋ Kɑnɑɑŋ, nɑ Hiti, nɑ Amolii, nɑ Hifi, nɑ Yepusi pǝ nyǝ́mɑ tɛtʋ nti tǝ tɑɑ tɔɣɔnɑɣɑ tɔlɑ tǝhɔ tɔ. Tɛtʋ ntǝɣɩ Tɑcɑɑ kɑ yɔɣɔtǝnɑ tuunɑʋ sɩ ɩ kɑ́ hɑ mǝnɑ mǝ cɑɑnɑɑ. Ɩlɛ pɑɑ pǝnɑɣɑ ŋkɑɣɑ ɩ́ kɑ́ tɔkɩ Tɛɛʋ ɑcimɑ kɛ ɩsɔtʋ ɩnɛ ɩ tɑɑ.
1875	EXO 13:7	Pǝ fɛɩ sɩ pɑ́ tɩɩ keesi kʋkʋsʋm kɛ mǝ tɑɑ nɔɣɔlʋ ɩ tɛɣɛ kʋyɛɛŋ ɩnɩ ɩ tɑɑ kɛ́ mǝ tɛtʋ tǝnɑ tɑɑ. Hɑlɩ ḿpʋ́ɣʋ́ pɩɩ lɑ pǝ potopoto.
1883	EXO 13:15	Hɑlɩ pǝ tɔm tɑɑ, Icipiti wulɑʋ kisɑɑ kɛ́ tǝsɑɣɑsɑɣɑ sɩ tǝ́ tɑɑ nyǝɣǝlǝnɑ tiili. Ɩlɛnɑ Ɩsɔ nɑ́ɑ́ kʋ́ Icipiti nyǝ́mɑ ɑpɑlʋpiyɑ kɑncɑɑlɑɣɑ nyǝnsɩ tǝnɑ, nɑ pǝ́ kpɛnnɑ tɔlɑ nyǝnsɩ tǝnɑ. Pǝ tɔɔ mɑɣɑmɑɣɑ kɛ pǝ wɛɛ sɩ tǝ́ lɑkɩ kɔtɑsɩ kɛ kɑncɑɑlɑɣɑ piyɑ ɑpɑlʋ nyǝnsɩ tǝnɑ. Amɑ ye yǝlɑɑ nyǝnsɩ ɩlɛ, tɔlɑ kɛ tǝ lɑɣɑsǝɣǝnɑ.
2854	LEV 5:23	Ye kʋyɑkʋ ŋku pǝ kulɑ ɩ wɑɑlɩ, pǝ wɛɛ sɩ ɩ́ mǝŋnɑ, yɑɑ ɩ́ fɛlɩ kpǝntɛ tʋ kɛ́. Hɑlǝnɑ ɩ́ sɔɔsɩ pɑɑ kɑkpɑsɩ wei ɩ tɔɔ kɛ́ kʋlʋm, nɑ ɩ́ kpɛntɩ nɑ ɩ́ cɛlɛ-ɩ.
2870	LEV 6:13	Ye pɑ kpɑwɑ Alɔŋ nɑ ɩ pǝyɑlɑɑ kɛ kɔtǝlɑɑ, nɑ pɑ́ pǝlɩ-wɛɣɛ nim, pǝ wɛɛ sɩ pɑ́ kɔŋnɑ-m kʋhɑʋ kɛ mʋlʋm kiloonɑɑ toosoɣo pɑɑ kʋyɑkʋ ŋku. Hɔɣɔlʋɣʋ kɛ tɑnɑŋ nɑ lɛŋkʋ kɛ tɑɑnɑɣɑ.
2918	LEV 7:38	Tɑcɑɑ sɩɩnɑ kiiŋ ɩnǝɣɩ Moisi kɛ pʋɣʋ ŋku pɑ yɑɑ sɩ Holɛpʋ tɔ kʋ tɑɑ. Kʋyɑkʋ ŋkʋ tɔtɔɣɔ ɩ tʋwɑ Ɩsɛɣɛlɩ nyǝ́mɑ kɛ wʋlɑɣɑ tɛtʋ tɑɑ sɩ, pɑ́ lɑkɩ-ɩ kɔtɑsɩ nsɩ.
2951	LEV 8:33	Ɩ́ kɑ́ cɑɣɑ tǝsulle cokǝle nɔnɔɣɔ kɛ kʋyɛɛŋ nɑɑtosompɔɣɔlɑɣɑ. Pǝ fɛɩ sɩ ɩ́ lɩɩ tǝnɑ. Hɑlǝnɑ mǝ tǝmlɛ tɑɑ sʋʋʋ kɔtɑɣɑ kʋyɑkʋ kɑncɑɑlɑɣɑ nɑ kɑntǝkɑɣɑ nyǝŋkʋ wule.
3047	LEV 12:2	Heeli Ɩsɛɣɛlɩ nyǝ́mɑ sɩ, ye ɑlʋ lɑpɑ teu, nɑ ɩ́ lʋlɩ ɑpɑlʋpǝyɑɣɑ. Ɩ ɑsilimɑ kʋyɛɛŋ ntɛ́ nɑɑtosompɔɣɔlɑɣɑ, kɛ teitei ɩsɩɩ ɩ ɩsɔtʋ nɑʋ kʋyɛɛŋ.
3049	LEV 12:4	Pǝ wɑɑlɩ, ɩlɛnɑ ɑlʋ cɑɣɑ kʋyɛɛŋ hiu nɑ nɑɑnʋwɑ nɑ tooso, nɑ ɩ́ tɑɣɑnǝɣɩ ɩ cɑlǝm ɑsilimɑ. Pǝ fɛɩ sɩ ɩ́ wiili tǝsulle tɑɑ, yɑɑ ɩ́ tokinɑ Ɩsɔ pʋlʋpʋ. Hɑlǝnɑ ɩ ɑsilimɑ kʋyɛɛŋ tɛm.
3204	LEV 16:2	Heeli nyɑ́ tɑɑlʋ Alɔŋ sɩ ɩ́ tɑɑ sʋʋkɩ yem yem kɛ́ pʋʋɣʋ kʋkɑkɑɣɑʋ wɑɑlɩ kɛ́ kɑtɛ tɑɑ kɑtɛ tǝcɑɣɑlɛ tɑɑ kɛ́ timpi Ɩsɔ ɑtɑkɑɑ wɛɛ tɔ. Pǝ́ tɑɑ kɔɔ nɑ ɩ́ sɩ́ sɑɑ wei Ɩsɔ tiiki ɑtɑkɑɑ pǝle tɔɔ kɛ́ ɩsɔŋmʋntʋ tɑɑ tɔ.
3614	NUM 1:9	Sɑpulɔŋ nyǝntɛ tɑɑ kɛ́ Helɔŋ pǝyɑlʋ Ɩliyɑpɩ.
3624	NUM 1:19	Holɛpʋ wʋlɑɣɑ tɛtʋ tɑɑ kɛ́ Moisi kɑlɑ kʋkɑlʋɣʋ ŋkʋ, ɩsɩɩ Tɑcɑɑ kɑ kɛɛsʋɣʋ-ɩ tɔ.
3662	NUM 2:3	Yutɑ yoolɑɑ tintiɣile kɑ́ wɛɛnɑ ilim tǝlɩɩlɛ tɔɔ kɛ́ pɑ tuutɑ kite. Mpɑ pɑ mʋnɑ yoou pote tɔ, pɑ sɔsɔ ntɛ́ pɑ kpekǝle nyʋɣʋ tʋ Aminɑtɑpɩ pǝyɑlʋ Nɑsɔŋ. Nɑ ɩ yoolɑɑ kɛ iyisi nɩɩtoso nɑ nɑɑnʋwɑ nɑ liɣiti nɑ nɑsǝtoso (74600). Ɩsɑkɑɑ nyǝ́mɑ yoolɑɑ nyʋɣʋ tʋ ntɛ́ Suwɑɑ pǝyɑlʋ Netɑneyɛlɩ. Ɩ yoolɑɑ wɛ iyisi nɩɩlɛ nɑ nɑɑnʋwɑ nɑ liɣiti nɑ nɑsǝlɛ (54400). Sɑpulɔŋ nyǝ́mɑ yoolɑɑ tintiɣile nyʋɣʋ tʋ ntɛ́ Helɔŋ pǝyɑlʋ Ɩliyɑpɩ. Ɩ yoolɑɑ wɛ iyisi nɩɩlɛ nɑ nɑɑnʋwɑ nɑ nɑɑtosomopɔɣɔlɑɣɑ nɑ nɑsǝlɛ (57400).
3694	NUM 3:1	Wɑɑtʋ wei Tɑcɑɑ yɔɣɔtǝnɑ Moisi kɛ Holɛpʋ pʋɣʋ tɑɑ tɔ, ɩ nɑ ɩ tɑɑlʋ Alɔŋ pɑɑ wɛnɑ piyɑ mpɑ tɔɣɔlɔ.
3696	NUM 3:3	Pɑɑ tɛmɑ-wɛɣɛ kɔtǝlɑɑ kpɑʋ kɛ́. Hɑlǝnɑ pɑ́ pǝlɩ-wɛɣɛ kɔtɑɣɑ nim kɛ pɑ nyɔɔŋ tɑɑ.
3697	NUM 3:4	Amɑ Nɑtɑpɩ nɑ Apihu pɑ sǝpɑ cokǝle kiŋ kɛ Holɛpʋ wʋlɑɣɑ tɛtʋ tɑɑ. Wɑɑtʋ ɩnǝɣɩ pɑ kɔnɑ kɔkɔ kpɑɩ nyǝŋkɑ kɛ kɔtɑɣɑ tǝlɑtɛ tɔɔ. Ɩlɛ pɑ tɑɑ wɛɛnɑ ɑpɑlʋpiyɑ. Ɩlɑsɑɑ nɑ Ɩtɑmɑɑ pɑɑ wɛnnɑ pɑ cɑɑ Alɔŋ kiŋ nɑ pɑ́ lɑkɩ kɔtʋɣʋ tǝmlɛ.
3707	NUM 3:14	Ḿpʋ́ɣʋ́ Tɑcɑɑ tɔmɑ Moisi kɛ Holɛpʋ wʋlɑɣɑ tɛtʋ tɑɑ sɩ:
3712	NUM 3:19	Kehɑtɩ nyǝ́mɑ ntɛ́ Amǝlɑm nɑ Ɩsɑɑ nɑ Hepǝlɔŋ nɑ Wusiyɛlɩ. Mpɛ ɩnɩ pɑ pǝsǝnɑ pɑ lʋlʋŋ nyɔɔŋ nyǝ́mɑ.
3720	NUM 3:27	Kehɑtɩ lʋlʋŋ nyǝ́mɑ fɑɣɑ tɔm liɣiti kɛ́. Amǝlɑm nyǝ́mɑ, nɑ Ɩsɑɑ nyǝ́mɑ, nɑ Hepǝlɔŋ nyǝ́mɑ, nɑ Wusiyɛlɩ nyǝ́mɑ.
3795	NUM 5:2	Heeli Ɩsɛɣɛlɩ nyǝ́mɑ sɩ ye kʋtɔŋ ŋku kʋ pilisiɣi yʋlʋ tɔ kʋ kpɑ nɔɣɔlʋ yɑɑ pǝ wɩɩkɩ yʋlʋ ɑpɑlʋtʋ yɑɑ ɩ ɑlʋtʋ nɑ lʋm kpeŋnɑ-ɩ. Yɑɑ pʋntʋ tokinɑ sǝtʋ, pǝ wɛɛ sɩ pɑ́ lǝsɩ-ɩ tǝsikile kɛ́.
3863	NUM 7:12	Ɩsǝnɑ pɑ tǝŋɑ tǝmɑ nɑ pɑ́ kɔɔ tɔɣɔlɔ: Yutɑ kpekǝle tʋ Aminɑtɑpɩ pǝyɑlʋ Nɑsɔŋ kɛlɛ kʋyɑkʋ kɑncɑɑlɑɣɑ nyǝŋkʋ. Ɩsɑkɑɑ nyǝntɛ tʋ Suwɑɑ pǝyɑlʋ Netɑneyɛlɩ kɛ kʋyɑkʋ nɑɑlɛ nyǝŋkʋ. Sɑpulɔŋ nyǝntɛ tʋ Helɔŋ pǝyɑlʋ Ɩliyɑpɩ kɛ kʋyɑkʋ tooso nyǝŋkʋ. Lupɛŋ nyǝntɛ tʋ Setewu pǝyɑlʋ Ɩlisuu kɛ kʋyɑkʋ liɣiti nyǝŋkʋ. Simiyɔŋ nyǝntɛ tʋ Sulisɑtɑɩ pǝyɑlʋ Selumǝyɛlɩ kɛ kʋyɑkʋ kɑkpɑsɩ nyǝŋkʋ. Kɑtɩ nyǝntɛ tʋ Teuwɛlɩ pǝyɑlʋ Ɩliyɑsɑfɩ kɛ kʋyɑkʋ nɑɑtoso nyǝŋkʋ. Ɩfǝlɑyim nyǝntɛ tʋ Amihuti pǝyɑlʋ Ɩlisɑmɑ kɛ kʋyɑkʋ nɑɑtosomopɔɣɔlɑɣɑ nyǝŋkʋ. Mɑnɑsee nyǝntɛ tʋ Petɑsuu pǝyɑlʋ Kɑmliyɛlɩ kɛ kʋyɑkʋ pǝlefɛɩ nɑɑnʋwɑ nyǝŋkʋ. Pɛncɑmɛɛ nyǝntɛ tʋ Kitoni pǝyɑlʋ Apitɑŋ kɛ pɔɣɔlɑɣɑfɛɩ nɑɑnʋwɑ nyǝŋkʋ. Tɑŋ nyǝntɛ tʋ Amisɑtɑɩ pǝyɑlʋ Ahiyesɛɛ kɛ nɑɑnʋwɑ nyǝŋkʋ. Asɛɛ nyǝntɛ tʋ Okǝlɑŋ pǝyɑlʋ Pɑkiyɛlɩ kɛ nɑɑnʋwɑ nɑ kʋlʋmʋɣʋ nyǝŋkʋ. Nɛfǝtɑli nyǝntɛ tʋ Ɩnɑŋ pǝyɑlʋ Ahilɑ kɛ nɑɑnʋwɑ nɑ nɑɑlɛ nyǝŋkʋ. Mpi mpi pɑ kɔnɑɑ tɔɣɔlɔ: Liɣitee nyǝɣǝlʋɣʋ nyǝnɑɣɑ ŋkɑ kɑ yuŋ wɛ kiloo kʋlʋm nɑ cɑcɑɑsɩ ŋmʋnʋɣʋ nɑ nɩɩnʋwɑ tɔ (1300). Nɑ pǝ poosiyɑ wei pɑ ŋmɩɩsǝɣǝnɑ cɑlǝm tɔ. Ɩ́lɛ́ ɩ cɑcɑɑsɩ wɛ nɑsǝtoso nɑ nɩɩnʋwɑ (700). Ɩsǝnɑ pɑ mɑɣɑsɑɣɑ Ɩsɔ cokǝle tɑɑ kɛ́ liɣitee tɔɣɔ pɑ kɛɛsǝnɑɑ. Nɑ pɑ́ suuli nyǝnɑsɩ nsɩ sɩ nɑɑlɛɣɛ tɔɣɔnɑɣɑ kɔtɑɣɑ mʋlʋm mpi pɑ nuɣutinɑ nim tɔ. Wʋlɑ kɔpʋ, kɛ cɑcɑɑsɩ nɩɩnʋwɑ (100). Nɑ tulɑɑlʋ kʋwɔpʋ kɛ kɔpʋ ɩnɩ ɩ lǝpɑm. Nɑ lɑtǝcɛ, nɑ ɩwɑɑʋ, nɑ pǝnɑɣɑ kʋlʋmɑɣɑ ɩwǝyɑɣɑ sɩ, pɑ lɑkǝnɑ kɔtɑɣɑ ŋkɑ kɔkɔ lusɑ kɑ tǝnɑ tɔ. Nɑ pǝŋtʋlʋɣʋ sɩ pɑ lɑkɩ ɩsɑɣɑtʋ hɩɩsʋɣʋ nyǝŋkɑ. Nɑɑŋ nɑɑlɛ nɑ ɩwɑɑŋ kɛ kɑkpɑsɩ, nɑ pǝnɑɣɑ kʋlʋmɑɣɑ ɩwɛɛsɩ kɛ kɑkpɑsɩ sɩ pɑ lɑkǝnɑ ciikuɣu kɔtɑɣɑ.
3967	NUM 9:1	Ɩsɛɣɛlɩ nyǝ́mɑ Icipiti tɑɑ lɩɩʋ pǝnɑɣɑ nɑɑlɛ nyǝŋkɑ ɩsɔtʋ kɑncɑɑlɑɣɑ nyǝŋ tɑɑ, Tɑcɑɑ tɔmɑ Moisi kɛ Holɛpʋ wʋlɑɣɑ tɛtʋ tɑɑ sɩ:
3971	NUM 9:5	Ḿpʋ́ɣʋ́ pɑ tɔɣɔ Tɛɛʋ ɑcimɑ kɛ kʋyɑkʋ ŋkʋɣʋ Holɛpʋ wʋlɑɣɑ tɛtʋ tɑɑ kɛ teitei ɩsɩɩ Tɑcɑɑ kɑ kɛɛsʋɣʋ Moisi tɔ.
4001	NUM 10:12	Ḿpʋ́ɣʋ́ Ɩsɛɣɛlɩ nyǝ́mɑ kʋlɑ Holɛpʋ wʋlɑɣɑ tɛtʋ tɑɑ. Ɩlɛnɑ ɩsɔŋmʋntʋ tii Pɑlɑŋ wʋlɑɣɑ tɛtʋ tɑɑ.