| 10 | GEN 1:10 | Kɛlɛnɑ Ɩsɔ hɑ-tǝɣɩ hǝtɛ sɩ tɛtʋ, nɑ ɩ́ yɑɑ lʋmnɑɑ mpɛ sɩ teŋkunɑɑ, nɑ ɩ lɑŋlɛ hɛɛ. |
| 14 | GEN 1:14 | Mpʋɣʋlɛ Ɩsɔ tɔmɑ sɩ: Kɔkɔsɩ ɩ́ wɛɛ ɩsɔtɑɑ nɑ sɩ́ fɑɣɑ ilim nɑ ɑhoo, nɑ kʋyɛɛŋ nɑ pɩɩsɩ nɑ lʋŋlɛ nɑ yolumɑ, |
| 16 | GEN 1:16 | Kɔkɔsɩ sɔsɔɔnsɩ nɑɑlɛɣɛ ɩ lɑpɑ, nɑ kʋkǝlɑɣɑ tɔ́kɩ kɑwulɑɣɑ kɛ ilim nɑ nɑɑlɛ nyǝŋkɑ kɛ ɑhoo. Nɑ ɩ́ lɑ ɩsɔtʋlʋŋɑsɩ tɔtɔ. |
| 27 | GEN 1:27 | Kɛlɛnɑ ɩ́ ŋmɑ́ yʋlʋ ɩsɩɩ ɩ mɑɣɑmɑɣɑ ɩ wɛɛ tɔ. Apɑlʋ nɑ ɑlʋ kɛ ɩ ŋmɑ́-wɛ ɩsɩɩ ɩ wɛʋ tɔ |
| 33 | GEN 2:2 | Kʋyɑkʋ nɑɑtoso nyǝŋkʋ wule kɛ Ɩsɔ tɛɛsɑ ɩ tǝmɑ, ɩlɛnɑ ɩ́ hɛɛsɩ nɑɑtosompɔɣɔlɑɣɑ nyǝŋkʋ wule. |
| 42 | GEN 2:11 | Kɑncɑɑlɑɣɑ nyǝŋkɑ hǝtɛ ntɛ́ Pisɔŋ, kɛlɛ kɑ cɔɔnɑ Hɑfilɑ tɛtʋ nti tǝ tɑɑ wʋlɑ kʋpɑŋ nɑ tulɑɑlʋ kʋpɑŋ nɑ liɣitee pǝlɛ kʋkpɛɛtǝlɛ pǝ wɛɛ tɔ. |
| 44 | GEN 2:13 | Pɔɣɔ nɑɑlɛ nyǝŋkɑ hǝtɛ ntɛ́ Kihɔŋ nɑ kɛlɛ kɑ cɔɔnɑ Kusi tɛtʋ tǝnɑ. |
| 47 | GEN 2:16 | Kɛlɛnɑ ɩ́ tɔ́ yʋlʋ sɩ: N pǝsǝɣɩ nɑ ń tɔɣɔ tɑɑlɛ tɩɩŋ tǝnɑ pee. |
| 58 | GEN 3:2 | Kɛlɛnɑ ɑlʋ nɑ́ɑ́ cɔ sɩ: Aɑɩ, tǝ tɔ́kɩ hɑlǝm tɩɩŋ tǝnɑ pee kɛ́. |
| 68 | GEN 3:12 | Kɛlɛnɑ yʋlʋ sɩ: Mɑ tɔɣɑɑ yɑ́ɑ́, ɩlɛ ɑlʋ wei ɩnɩ n hɑ-m tɔ ɩnɩ ɩ cɛlǝnɑ-m nɑ mɑ́ tɔɣɔ. |
| 81 | GEN 4:1 | Ḿpʋ́ɣʋ́ Atɑm nyǝmɑ́ ɩ ɑlʋ Ɩfɑ nɑ ɩ́lɛ́ ɩ́ lɑ́ teu nɑ ɩ́ lʋlɩ Kɑyini. Ɩlɛnɑ ɩ́ tɔ́ sɩ: Mɑ hikɑ ɑpɑlʋpǝyɑɣɑ nɑ Tɑcɑɑ toŋ. |
| 82 | GEN 4:2 | Pǝlɛ pǝ wɑɑlɩ kɛ́ ɩ lʋlɑ ɩ neu Apɛɛlɩ. Apɛɛlɩ kɑ kɛ́ tiikilu nɑ Kɑyini kɛ hɑ́tʋ́. |
| 85 | GEN 4:5 | Amɑ ɩ kisɑ Kɑyini nyǝŋkɑ. Tǝnɑɣɑlɛ pǝ hɑŋɑ-ɩ teu ɩsɩɩ nɔɔhǝlɛ tɑɑ kɔkɔ, nɑ ɩ ɩsɛntɑɑ sɔŋ. |
| 88 | GEN 4:8 | Tǝnɑɣɑ Kɑyini tɔmɑ ɩ neu sɩ: Tǝ́ kpɑ tɑɑlɛ, ɩlɛnɑ Kɑyini kʋlɩ ɩ tɔɔ kɛ́ tǝnɑ nɑ ɩ́ kʋ-ɩ. |
| 89 | GEN 4:9 | Mpʋɣʋlɛ Tɑcɑɑ pɔɔsɑ Kɑyini sɩ: Nyɑ́ neu Apɛɛlɩ wele? Ɩlɛnɑ ɩ́ cɔ sɩ: Mɑ nyǝmɑ́ timpi ɩ wɛɛ tɔ? Mɑ kɛ́ mɑ neu tɑŋlʋ nɑ? |
| 93 | GEN 4:13 | Mpʋɣʋlɛ Kɑyini cɔwɑ Tɑcɑɑ sɩ: Mɑ sɑlǝkɑ kǝlɑ-m. |
| 95 | GEN 4:15 | Tǝnɑɣɑlɛ Tɑcɑɑ nɔɣɔ tǝkpɑʋ sɩ: Aɑɩ, ye wei ɩ́ kʋwɑ Kɑyini, ɩsɩɩ mɑ fɛlɑ pʋntʋ kɛ pǝ tɔm nɑɑtosompɔɣɔlɑɣɑ. Ɩlɛnɑ Tɑcɑɑ yʋsɩ Kɑyini sɩ ye wei ɩ́ nɑ-ɩ ɩ́ tɑɑ kʋ-ɩ. |
| 97 | GEN 4:17 | Ḿpʋ́ɣʋ́ Kɑyini nyǝmɑ́ ɩ ɑlʋ nɑ ɩ́ lɑ́ teu nɑ ɩ́ lʋlɩ Henɔkɩ. Ɩlɛnɑ ɩ́ ŋmɑ́ ɩcɑtɛ nɑ ɩ́ hɑ-tɛɣɛ ɩ pǝyɑlʋ hǝtɛ. |
| 102 | GEN 4:22 | Silɑ ɩ́lɛ́ ɩ lʋlǝnɑ ntɛɣɛ Tupɑɑlɩ-Kɑyini, wei ɩ luki nyǝɣǝlʋɣʋ kʋsɛɛmʋɣʋ nɑ nyǝɣǝlʋɣʋ mɑɣɑmɑɣɑ wontu tɔ. Ɩ neu kɛ pɑ yɑɑkɑɣɑ sɩ Nɑɑmɑ. |
| 104 | GEN 4:24 | Tɔm nɑɑtosompɔɣɔlɑɣɑ kɛ pɑɑ lɛɛtɩ Kɑyini kʋlʋ. Ɩlɛnɑ pɑ́ lɛɛtɩ mɑ kʋlʋ kɛ tɔm nɩɩtoso nɑ nɑɑnʋwɑ nɑ nɑɑtosompɔɣɔlɑɣɑ. |
| 105 | GEN 4:25 | Atɑm pɑ tɑsɑ ɑpɑlʋpǝyɑɣɑ kɛ lʋlʋɣʋ ɩlɛnɑ Ɩfɑ hɑ-kɛɣɛ hǝtɛ sɩ Sɛɛtɩ, sɩ Tɑcɑɑ hɑ ɩnǝɣɩ ɑpɑlʋpǝyɑɣɑ lɛŋkɑ kɛ Apɛɛlɩ wei Kɑyini kʋwɑ tɔ ɩ lonte. |
| 115 | GEN 5:9 | Ɩnɔɔsɩ pɩɩsɩ lɑpɑ nɩɩnɑɑsɑ nɑ nɑɑnʋwɑ ɩlɛnɑ ɩ́ lʋlɩ Kenɑŋ. |
| 116 | GEN 5:10 | Kenɑŋ lʋlʋɣʋ wɑɑlɩ Ɩnɔɔsɩ tɔɣɔ pɩɩsɩ nɑsǝnɑɑsɑ nɑ nɑɑnʋwɑ nɑ kɑkpɑsɩ (815) nɑ sɩ tɑɑ kɛ́ ɩ tɑsɑ ɑpɑlʋpiyɑ nɑ ɑlʋpiyɑ kɛ lʋlʋɣʋ. |
| 118 | GEN 5:12 | Kenɑŋ pɩɩsɩ lɑpɑ nɩɩtoso nɑ nɑɑnʋwɑ ɩlɛnɑ ɩ́ lʋlɩ Mɑlɑlɛlɩ. |
| 120 | GEN 5:14 | Kenɑŋ pɩɩsɩ tǝnɑ yoosɑ nɑsǝnɑɑsɑ nɑ nɩɩnʋwɑ nɑ nɑɑnʋwɑ (910) ɩlɛnɑ ɩ́ sɩ́. |
| 138 | GEN 5:32 | Nowee pɩɩsɩ lɑpɑ nɑsǝlɛ nɑ nɩɩnʋwɑ (500) ɩlɛnɑ ɩ́ lʋlɩ Sem nɑ Kɑm nɑ Yɛfɛtɛ. |
| 147 | GEN 6:9 | Nowee nɑ ɩ nyǝ́mɑ pɑ tɔm ntɔ. Nowee kɑ wɛnɑ piyɑ tooso kɛ́, Sem, nɑ Kɑm, nɑ Yɛfɛtɛ. Ɩ kɑ kɛ́ kʋpɑŋ kɛ́ nɑ ɩ́ siɣisɑɑ nɑ ɩ́ tǝŋǝɣɩ Ɩsɔ kɛ́ teu kɛ ɩ wɑɑtʋ tɑɑ nɑ Ɩsɔ wɛ ɩ wɑɑlɩ. |
| 159 | GEN 6:21 | Kpɑɣɑ tɔɣɔnɑsɩ nsi nsi mǝ nɑ wontunɑɑ mpɛ ɩ́ kɑ́ tɔkɩ tɔ. |
| 170 | GEN 7:10 | Kʋyɛɛŋ nɑɑtosompɔɣɔlɑɣɑ tɛɛwɑ ɩlɛnɑ lʋm wɑtɩ tɛtʋ tǝnɑ. |
| 173 | GEN 7:13 | Kʋyɑkʋ ŋkʋ kʋ mɑɣɑmɑɣɑ kɛ Nowee nɑ ɩ ɑlʋ nɑ ɩ pǝyɑlɑɑ Sem nɑ Kɑm nɑ Yɛfɛtɛ nɑ ɩ poolɑɑ tooso pɑ sʋʋ ɑtɑkɑɑ pɔɣɔlʋɣʋ. |
| 177 | GEN 7:17 | Kʋyɛɛŋ nɩɩlɛ tǝcu kɛ́ tɛʋ nɩɩwɑ, ɩlɛnɑ lʋm kpɑ nɑ pǝ́ kɛlɩ ɑtɑkɑɑ pɔɣɔlʋɣʋ, nɑ pǝ́ kpɑɑsɩ-kʋɣʋ ɩsɔtɑɑ. |
| 187 | GEN 8:3 | Ɩlɛnɑ lʋm nyɔɔ tɛtʋ tɔɔ. Kʋyɛɛŋ nɩɩnʋwɑ nɑ nɩɩlɛ nɑ nɑɑnʋwɑ (150) tɑɑ kɛ́ lʋm cɑɑlɑ pɑsʋɣʋ. |
| 190 | GEN 8:6 | Kʋyɛɛŋ nɩɩlɛ tɛɛwɑ ɩlɛnɑ Nowee tʋlɩ ɑtɑkɑɑ pɔɣɔlʋɣʋ pǝtote |
| 224 | GEN 9:18 | Nowee nɑ ɩ pǝyɑlɑɑ mpɑ pɑ lɩɩ ɑtɑkɑɑ pɔɣɔlʋɣʋ tɑɑ tɔɣɔlɛ Sem nɑ Kɑm nɑ Yɛfɛtɛ. Kɑm ɩ́lɛ́ ɩ́ lʋlǝnɑ Kɑnɑɑŋ. |
| 228 | GEN 9:22 | Mpʋɣʋlɛ Kɑnɑɑŋ cɑɑ Kɑm nɑwɑ ɩ cɑɑ tɑpɑkpɛtɛ, nɑ ɩ́ nyǝnɩ, ɩlɛnɑ ɩ́ polo nɑ ɩ́ tɑɣɑsɩ ɩ tɑɑlʋnɑɑ kɛ ɑwɑlɩ. |
| 230 | GEN 9:24 | Nowee sʋlʋm kɔmɑ nɑ pǝ́ cɛ́ ɩ ɩsɛntɔɔ nɑ ɩ́ nɩɩ nti ɩ pǝyɑlʋ sǝkpelu nyǝŋ Kɑm lɑpɑ tɔ. |
| 231 | GEN 9:25 | Ɩlɛnɑ ɩ́ tɔ́ sɩ: Mpusi ɩ́ tǝŋ Kɑm pǝyɑlʋ Kɑnɑɑŋ nɑ pǝ́ lɑpɩ-ɩ ɩ tɑɑlʋnɑɑ yom tǝkpɑpɑ. |
| 232 | GEN 9:26 | Mɑ sɑmɑ Sem Ɩsɔ Tɑcɑɑ. Pǝ́ lɑ Kɑnɑɑŋ kɛ Sem-wɛ pɑ yom. |
| 233 | GEN 9:27 | Ɩsɔ ɩ́ wɑlǝsɩ Yɛfɛtɛ tǝhikile, nɑ ɩ́ cɑɣɑ Sem tɛ́, nɑ pǝ́ lɑ́ Kɑnɑɑŋ kɛ pɑ yom. |
| 236 | GEN 10:1 | Nowee piyɑ Sem nɑ Kɑm nɑ Yɛfɛtɛ pɑ lʋlɑ piyɑ mpɑɣɑ lʋm wɑɑsʋɣʋ wɑɑlɩ tɔ pɑ hǝlɑ ntɔ. |
| 237 | GEN 10:2 | Yɛfɛtɛ ɩ́lɛ́ ɩ́ piyɑ ntɔ. Komɛɛ, nɑ Mɑkɔkɩ, nɑ Mɑtɑyi, nɑ Yɑfɑŋ, nɑ Tupɑɑlɩ, nɑ Mesɛkɩ, nɑ Tilɑɑ. |
| 238 | GEN 10:3 | Komɛɛ ɩ́lɛ́ ɩ́ piyɑ ntɛ́ Asǝkǝnɑɑsɩ, nɑ Lifɑ, nɑ Tokɑɑmɑ. |
| 239 | GEN 10:4 | Yɑfɑŋ piyɑ ntɛ́, Ɩlisɑ, nɑ Tɑɑsɩ, nɑ Kitim, nɑ Lutɑnim. |
| 241 | GEN 10:6 | Kɑm ɩ́lɛ́ ɩ́ piyɑ ntɛ́ Kusi, nɑ Misilɑyim, nɑ Puti nɑ Kɑnɑɑŋ. |
| 242 | GEN 10:7 | Kusi piyɑ ntɛ́ Sepɑ, nɑ Hɑfilɑ, nɑ Sɑpǝtɑ, nɑ Lɑkǝmɑ, nɑ Sɑpǝtekɑ. Lɑkǝmɑ piyɑ ntɛ́, Sɑpɑɑ, nɑ Tetɑŋ. |
| 243 | GEN 10:8 | Kusi lʋlǝnɑ tɔtɔɣɔ Nimloti, ɩnɩ ɩ cɑɑlǝnɑ tɛtʋnɑɑ kɛ tɔɣɔʋ. |
| 245 | GEN 10:10 | Acɑlɛɛ wenɑ ɑ tɔɔ Nimloti tɔɣɔ kɑwulɑɣɑ tɔɣɔlɛ Pɑpɛɛlɩ, nɑ Ɩlɛkɩ, nɑ Akɑtɩ, nɑ Kɑlǝne kɛ Pɑpiloni tɛtʋ tɑɑ. |
| 246 | GEN 10:11 | Tɛtʋ ntɩ tǝ tɑɑ kɛ́ ɩ lɩɩwɑ nɑ ɩ́ polo Asilii nɑ ɩ́ ŋmɑ́ Ninifi, nɑ Lehopoti-Hiili, nɑ Kelɑ, |
| 247 | GEN 10:12 | nɑ Lɛsɑŋ kɛ Ninifi nɑ Kelɑ ɩcɑtɛ sɔsɔɔlɛ pɑ hɛkʋ. |
| 249 | GEN 10:14 | nɑ Pɑtǝlɔsɩ nyǝ́mɑ, nɑ Kɑsulu nyǝ́mɑ, nɑ Kɑfǝtɔɔ nyǝ́mɑ. Tǝnɑɣɑ Filiisi nyǝ́mɑ nɑ́ lɩɩwɑ. |
| 250 | GEN 10:15 | Kɑnɑɑŋ ɩ́lɛ́ ɩ́ kɑncɑɑlɑɣɑ pǝyɑɣɑ ntɛ́ Sitɔŋ nɑ nɑɑlɛ nyǝŋ ntɛ́ Hɛtɩ, |
| 251 | GEN 10:16 | nɑ ɩ lʋlʋɣʋ nyǝ́mɑ tɔtɔɣɔlɛ Yepusi nyǝ́mɑ, nɑ Amolii nyǝ́mɑ, nɑ Kilikɑsɩ nyǝ́mɑ, |
| 253 | GEN 10:18 | nɑ Alǝfɑtɩ nyǝ́mɑ, nɑ Semɑlii nyǝ́mɑ, nɑ Hɑmɑtɩ nyǝ́mɑ. Pǝ wɑɑlɩ kɛ́ Kɑnɑɑŋ lʋlʋŋ nyǝ́mɑ nɑ́ yɑwɑ. |
| 254 | GEN 10:19 | Nɑ pɑ tɛtʋ toosi ntɛ́ pǝ kpɑɣɑʋ Sitɔŋ kɛ Keelɑɑ kɔŋkɔŋ tɑɑ nɑ pǝ́ polo Sɔtɔm nɑ Kɔmɔɔ nɑ Atǝmɑ nɑ Sepoyim hɑlǝnɑ Lesɑ. |
| 255 | GEN 10:20 | Kɑm ɩnɩ ɩ piyɑ ntɛ́, nɑ pǝ́ kɛɛsǝnɑ ɩsɩɩ pɑ lʋlʋŋ nɑ pɑ nsǝmɑ nɑ pɑ tɛtʋ nɑ pɑ piitimnɑɑ. |
| 258 | GEN 10:23 | Alɑm ɩ́lɛ́ ɩ́ piyɑ ntɛ, Usi, nɑ Huuli, nɑ Ketɛɛ, nɑ Mɑcɩ. |
| 298 | GEN 11:31 | Ḿpʋ́ɣʋ́ Telɑ kpɑɣɑ ɩ pǝyɑlʋ Apǝlɑm nɑ ɩ sɑɑlɩ Lɔɔtɩ nɑ ɩ poolu Sɑlɑɩ nɑ pɑ́ lɩɩ Uu kɛ Pɑpiloni sɩ pɑ puki Kɑnɑɑŋ tɛtʋ tɑɑ. Pɑ tɑlɑ Hɑlɑŋ ɩcɑtɛ tɑɑ ɩlɛnɑ pɑ́ cɑɣɑ tǝnɑ. |
| 303 | GEN 12:4 | Mpʋɣʋlɛ Apǝlɑm kpɑɣɑ ɩ ɑlʋ Sɑlɑɩ nɑ ɩ tɑɑlʋ pǝyɑɣɑ Lɔɔtɩ nɑ ɩ wɛnɑʋ tǝnɑ nɑ ɩ tǝmlɛ nyǝ́mɑ mpɑ ɩ hikɑ Hɑlɑŋ tɔ nɑ ɩ́ lɩɩ tǝnɑ ɩsɩɩ Tɑcɑɑ kɑ heeluɣu-ɩ tɔ nɑ ɩ́ tɛɛ Kɑnɑɑŋ tɛtʋ tɑɑ. Wɑɑtʋ ɩnɩ ɩ pɩɩsɩ kɑ wɛ nɩɩtoso nɑ nɑɑnʋwɑ nɑ kɑkpɑsɩ. Ɩ tɑpɑ tɛtʋ ntɩ ɩlɛnɑ |
| 305 | GEN 12:6 | ɩ́ fɑɣɑ tǝ tɑɑ nɑ ɩ́ polo Molee tɩɩŋ sɔsɔɔŋ tɛɛ kɛ́ timpi pɑ yɑɑ sɩ Sikɛm tɔ. Wɑɑtʋ ɩnɩ Kɑnɑɑŋ nyǝ́mɑ kɑ́ wɛnnɑ hɔɣɔlʋɣʋ ŋkʋ kʋ tɑɑ. |
| 1537 | EXO 1:4 | nɑ Tɑŋ, nɑ Nɛfǝtɑli, nɑ Kɑtɩ, nɑ Asɛɛ. |
| 1557 | EXO 2:2 | Ɩlɛnɑ ɑlʋ ɩnɩ ɩ́ lɑ́ teu nɑ ɩ́ lʋlɩ ɑpɑlʋpǝyɑɣɑ. Kɑ lɑpɑ-ɩ teu kɛ sɔsɔm. Ɩlɛnɑ ɩ́ mɑɣɑsɩ-kɛɣɛ ŋmɛsʋɣʋ kɛ ɩsɔtʋnɑɑ tooso. |
| 1561 | EXO 2:6 | Ɩ kulɑɑ ɩlɛ ɩ mɑɣɑnɑ ɑpɑlʋpǝyɑɣɑ ntɛ́ nɑ kɑ́ wiiki. Kɑ tɔm lɑpɑ-ɩ pǝtɔɔtǝlɛ ɩlɛnɑ ɩ́ pǝsǝnɑ sɩ: Cǝnɛ ɩnɩ, Hepǝlɑ nyǝ́mɑ pǝyɑɣɑ kɛ́. |
| 1562 | EXO 2:7 | Kɑ kɔɣɔ kɑ sǝŋɑ tǝnɑ, tǝnɑɣɑ ɩ nɔɣɔ tǝkpɑʋ sɩ: N cɑɑ sɩ mɑ́ polo mɑ́ pɛɛkɩ-ŋ Hepǝlɑ ɑlʋ wei ɩ kɑ́ mʋsǝsɩ-kɛ́ tɔ? |
| 1563 | EXO 2:8 | Ntɛnɑ pɛɛlɔ ɩnɩ ɩ́ cɔ sɩ: Polo. Kɔɣɔ tɛɛwɑ ɩlɛnɑ ɩ́ kɔnɑ ɑhʋlʋm ɩnɩ ɩ too kʋlʋlʋ. |
| 1564 | EXO 2:9 | Ḿpʋ́ɣʋ́ Icipiti wulɑʋ pɛɛlɔ tɔmɑ ɑlʋ ɩnɩ sɩ: Kpɑɣɑ pǝyɑɣɑ kɑnɛ nɑ ń mʋsǝsɩ-m- kɛ, mɑɑ fɛlɩ-ŋ. Ɩlɛnɑ toto kpɑɣɑ-kɛ nɑ ɩ́ tɔɔ-kɛ. |
| 1571 | EXO 2:16 | Kɔtʋlʋ nɔɣɔlʋ ɩ kɑ wɛ tǝnɑ nɑ pɑ́ yɑɑkɩ-ɩ sɩ, Yetulo. Ɩ wɛnɑ pɛɛlɑɑ nɑɑtosompɔɣɔlɑɣɑ. Ḿpʋ́ɣʋ́ pɛɛlɑɑ mpɛ pɑ polɑ lʋm luɣu sɩ pɑ suuliɣi pǝlonɑ nɑ pɑ cɑɑ tɔlɑ nyɔɔ. |
| 1575 | EXO 2:20 | Kɛlɛnɑ pɑ cɑɑ nɔɣɔ tǝkpɑʋ sɩ: Nɑ ɑpɑlʋ ɩnɩ ɩ wɛ le? Ɩ́ tɑ́ sʋʋnɑ-ɩ tǝyɑɣɑ suwe? Tɔʋ, ɩ́ polo nɑ ɩ́ yɑɑ-ɩ nɑ ɩ́ kɔɔ nɑ tɑ́ nɑ-ɩ tǝ tɔɣɔ. |
| 1577 | EXO 2:22 | Alʋ ɩnɩ ɩ lɑpɑ teu, ɩlɛnɑ ɩ́ lʋlɩ ɑpɑlʋpǝyɑɣɑ nɑ kɑ cɑɑ hɑ-kɛɣɛ hǝtɛ sɩ Kɛɛsɔm. Mɑcɔɔsɑɑ kɛ́ pɛlɛ pɑ yɑɑ mpʋ nɑ pɑ tɛ́ tɑɑ. |
| 1588 | EXO 3:8 | Pǝ tɔɔ kɛ́ mɑ tiiwɑ sɩ mɑ cɛkɩ-wɛɣɛ Icipiti nyǝ́mɑ niŋ tɑɑ, nɑ mɑ́ ponɑ-wɛɣɛ tɛtʋ kʋpɑntʋ nti tǝ wɑlɑɑ nɑ tɔɣɔnɑɣɑ nɑ kʋpɑntʋ tǝnɑ tɔlɑ yem tǝhɔ tɔ tǝ tɑɑ. Kɑnɑɑŋ nyǝ́mɑ, nɑ Hiti nyǝ́mɑ, nɑ Amolii nyǝ́mɑ, nɑ Filiisi nyǝ́mɑ, nɑ Hifi nyǝ́mɑ, nɑ Yepusi nyǝ́mɑ, pɑ cɑɣɑnɑ tǝ tɑɑ. |
| 1592 | EXO 3:12 | Kɛlɛnɑ Ɩsɔ sɩ: Mɑɑ wɛɛ nyɑ́ wɑɑlɩ. Nɑ mpi n kɑ́ nyǝnɑ sɩ mɑ́ tiliɣinɑ-ŋ tɔɣɔlɛ sɩ, n kɑ́ lǝsɩ Ɩsɛɣɛlɩ nyǝ́mɑ kɛ Icipiti nɑ nyɑnɑ-wɛ ɩ́ kɔɔ nɑ ɩ́ sɛɛ-m pʋɣʋ kʋnɛ kʋ tɔɔ cǝnɛ. |
| 1597 | EXO 3:17 | Nɑ ɩ tʋ́ ɩ tɑɑ sɩ ɩ lǝsǝɣɩ-mɛɣɛ wɑhɑlɑ tɛtʋ tɑɑ cǝnɛ nɑ ɩ́ ponɑ-mɛɣɛ Kɑnɑɑŋ nyǝ́mɑ, nɑ Hiti nyǝ́mɑ, nɑ Amolii nyǝ́mɑ, nɑ Filiisi nyǝ́mɑ, nɑ Hifi nyǝ́mɑ, nɑ Yepusi nyǝ́mɑ pɑ tɛtʋ tɑɑ, timpi tɔɣɔnɑɣɑ nɑ kʋpɑntʋ tǝnɑ tɔlɑ yem tǝhɔ tɔ. |
| 1604 | EXO 4:2 | Ntɛnɑ Tɑcɑɑ tɔmɩ-ɩ sɩ: Pepeɣe n tɔkɑ nyɑ́ niŋ tɑɑ? Mpʋɣʋlɛ sɩ: Kpɑ́tʋ́ɣʋ́. |
| 1605 | EXO 4:3 | Kɛlɛnɑ Ɩsɔ sɩ: Pɛtɩ-kʋɣʋ ɑtɛ. Moisi pɛtɑ-kʋ, ɩlɛnɑ kʋ́ pǝsɩ tʋm. Tǝnɑɣɑ ɩ ŋmɑɑwɑ tǝyɑɣɑʋ. |
| 1609 | EXO 4:7 | Kɛlɛnɑ Ɩsɔ sɩ: Mǝlǝnɑ nyɑ́ niŋ kɛ nyɑ́ lɑŋlɛ tɑɑ. Moisi kɔmɑ nɑ ɩ́ kʋsɩ ɩ niŋ ɩlɛ ɩ mǝlɑɑ kɛlɛ tǝmɑmmɑm ɩsɩɩ ɩ kɑ wɛʋ tɔ. |
| 1613 | EXO 4:11 | Kɛlɛnɑ Ɩsɔ nɔɣɔ tǝkpɑʋ sɩ: Pǝ tɑɣɑ mɑ tʋnɑ yʋlʋ kɛ nɔɣɔ tɑɑ? Nɑ ye mɑ nɔkɑɑ mɑ lɑpɩ-ɩ kɑmumukɑ yɑɑ ntɑm. Pǝyele mɑ́ nɔkɑɑ mɑ yele nɑ ɩ́ nɑɑkɩ yɑɑ ɩ́ yʋlʋmɩ. |
| 1639 | EXO 5:6 | Kʋyɑkʋ ŋkʋɣʋ Icipiti wulɑʋ heelɑ Icipiti nyǝ́mɑ mpɑ pɑ kɛ́ wɑhɑlɑ tǝmɑ feŋlɑɑ sɔsɑɑ tɔ, nɑ mpɑ pɑ kɛ́ feŋlɑɑ sǝkpemɑ kɛ Ɩsɛɣɛlɩ nyǝ́mɑ tɑɑ tɔ |
| 1660 | EXO 6:4 | Mɑ nɑ-wɛ tǝ pɛɛlɑ nɔɣɔ nɑ mɑ́ sɩɩ-wɛ sɩ mɑɑ hɑ-wɛɣɛ Kɑnɑɑŋ tɛtʋ nti tǝ tɑɑ pɑ cɑɣɑ cɑɣɑlʋtʋ kɛ ɩsǝntɔ tɔ. |
| 1669 | EXO 6:13 | Kɛlɛnɑ Tɑcɑɑ tʋ Moisi nɑ Alɔŋ sɩ: Ɩ́ polo mǝ nɑɑlɛ nɑ ɩ́ mɑɣɑnɑ Ɩsɛɣɛlɩ nyǝ́mɑ nɑ Icipiti wulɑʋ nɑ ɩ́ heeli-wɛ sɩ, pǝ wɛɛ sɩ Ɩsɛɣɛlɩ nyǝ́mɑ ɩ́ lɩɩ Icipiti tɑɑ. |
| 1670 | EXO 6:14 | Ɩsɛɣɛlɩ nyǝ́mɑ lʋlʋŋ loosi nyǝ́mɑ cɔsɔnɑɑ hǝlɑ ntɔ. Yɑkɔpʋ pǝyɑlʋ kɑncɑɑlɑɣɑ nyǝŋ Lupɛŋ pǝyɑlɑɑ ntɛ́ Hɑnɔkɩ nɑ Pɑlu nɑ Hɛsǝlɔŋ nɑ Kɑɑmi, pɛlɛɣɛlɛ Lupɛŋ lʋlʋɣʋ loosi nyǝ́mɑ cɔsɔnɑɑ. |
| 1671 | EXO 6:15 | Simiyɔŋ ɩ́lɛ́ ɩ pǝyɑlɑɑ ntɛ́, Yemuwɛlɩ, nɑ Yɑmɛŋ, nɑ Ohɑtɩ, nɑ Yɑkɛŋ, nɑ Sohɑɑ, nɑ Sɑwuli. Ɩ ɑlʋ Kɑnɑɑŋ nyǝŋ lʋlǝnɑ-ɩ ɩ pǝyɑlʋ kɑntǝkɑɣɑ nyǝŋ ɩnɛ. Simiyɔŋ lʋlʋɣʋ loosi nyǝ́mɑ cɔsɔnɑɑ ntɛ́. |
| 1672 | EXO 6:16 | Lefii pǝyɑlɑɑ mpɑ pɑ kɛ́ ɩ lʋlʋɣʋ loosi nyǝ́mɑ cɔsɔnɑɑ tɔ pɑ wɛ yǝlɑɑ tooso kɛ́. Pɑ hǝlɑ ntɛ́ Kɛɛsɔŋ, nɑ Kehɑtɩ, nɑ Melɑli. Lefii ɩnɩ ɩ lʋlʋɣʋ pɩɩsɩ ntɛ́ nɩɩnʋwɑ nɑ hiu nɑ nɑɑnʋwɑ nɑ nɑɑtosompɔɣɔlɑɣɑ (137). |
| 1673 | EXO 6:17 | Kɛɛsɔŋ pǝyɑlɑɑ ntɛ́ Lipini nɑ Simeyi, pɛlɛɣɛlɛ Kɛɛsɔŋ lʋlʋɣʋ loosi nyǝ́mɑ cɔsɔnɑɑ. |
| 1674 | EXO 6:18 | Kehɑtɩ ɩ́lɛ́ ɩ pǝyɑlɑɑ ntɛ́, Amǝlɑm, nɑ Ɩsɑɑ, nɑ Hepǝlɔŋ, nɑ Usiyɛlɩ. Kehɑtɩ lʋlʋɣʋ pɩɩsɩ ntɛ́ nɩɩnʋwɑ nɑ hiu nɑ nɑɑnʋwɑ nɑ tooso (133). |
| 1677 | EXO 6:21 | Ɩsɑkɑɑ ɩ́lɛ́ ɩ pǝyɑlɑɑ ntɛ́ Kolee, nɑ Nekɛfɩ, nɑ Sikǝli. |
| 1680 | EXO 6:24 | Kolee ɩ́lɛ́ ɩ pǝyɑlɑɑ ntɛ́ Asii, nɑ Ɩlikɑnɑ, nɑ Apiyɑsɑfɩ. Pɛlɛɣɛlɛ Kolee lʋlʋɣʋ loosi nyǝ́mɑ cɔsɔnɑɑ. |
| 1703 | EXO 7:17 | Pǝ tɔɔ kɛ́ Tɑcɑɑ sɩ mɑ́ tɛlǝsɩ-ŋ sɩ n tɔmɑ sɩ n tɑ nyǝmɩ-ɩ tɔ pǝnɛntɑɑ kɛ́ n kɑ́ nyǝmɩ-ɩ. Kpɑ́tʋ́ɣʋ́ kʋnɛɣɛ mɑɑ mɑ Nili pɔɣɔ lʋm tɔɔ, ɩlɛnɑ Ɩsɔ yele nɑ pǝ tǝnɑ pǝ́ pǝsɩ cɑlǝm, |
| 1711 | EXO 7:25 | Kʋyɛɛŋ nɑɑtosompɔɣɔlɑɣɑ tǝcu kɛ́ lʋm pǝsɑ cɑlǝm. |
| 1721 | EXO 8:6 | Kɛlɛnɑ wulɑʋ sɩ: Cele kɛ mɑ cɑɑkɩ sɩ ń sǝlǝmɩ Ɩsɔ. Ntɛnɑ Moisi sɩ: Tɔʋ, pǝ wɛ teu. Mɑɑ lɑ mpʋ, ɩlɛnɑ pǝ́cɔ́ ń cɛkǝnɑ sɩ tɑ́ Ɩsɔ Tɑcɑɑ fɛɩnɑ sɑɑlɑ. |
| 1733 | EXO 8:18 | Amɑ kɑcɔsɩ nsɩ sɩ kɑɑ wiili Kosɛŋ tɛtʋ tɑɑ timpi mɑ yǝlɑɑ wɛɛ tɔ. Tǝnɑɣɑ Icipiti wulɑʋ kɑ nyǝnɑ sɩ Tɑcɑɑ mɑ́, mɑ wɛ Icipiti tɑɑ cǝnɛ. |
| 1737 | EXO 8:22 | Kɛlɛnɑ Moisi nɑ Alɔŋ pɑ cɔ sɩ: Tǝ kɑɑ lɑ-sǝɣɩ cǝnɛ. Mpi tɔ, Icipiti nyǝ́mɑ kɑ́ nyǝnɩ-sǝɣɩ ɑcɑɑlǝtʋ nɑ pɑ́ yɑɣɑ-tʋɣʋ pɛɛ. |