65	GEN 3:9	Amɑ Ɩsɔ Tɑcɑɑ yɑ́ɑ́ yʋlʋ sɩ: Leɣe n wɛnɑ ye?
98	GEN 4:18	Ḿpʋ́ɣʋ́ Henɔkɩ lʋlɑ Ɩlɑɑtɩ nɑ Ɩlɑɑtɩ lʋlɩ Mehuyɑyɛɛlɩ nɑ Mehuyɑyɛɛlɩ lʋlɩ Metusɑyɛɛlɩ, ɩlɛnɑ Metusɑyɛɛlɩ lʋlɩ Lemɛkɩ.
99	GEN 4:19	Alɑɑ nɑɑlɛ kɛ Lemɛkɩ kpɑɣɑɑ, kɑncɑɑlɑɣɑ nyǝŋ hǝtɛ ntɛ́ Atɑ, nɑɑlɛ nyǝŋ sɩ Silɑ.
103	GEN 4:23	Ḿpʋ́ɣʋ́ Lemɛkɩ tɔmɑ ɩ ɑlɑɑ Atɑ nɑ Silɑ sɩ: Mɑ ɑlɑɑ mɛ, ɩ́ nɩɩ mɑ tɔm yoo. Mǝ tɑɑ lɛlʋ pɑɑlʋ cǝtǝlɑ-m kɛ́ nɑ mɑ́ kʋ-ɩ.
131	GEN 5:25	Metusɑlɛm pɩɩsɩ lɑpɑ nɩɩnʋwɑ nɑ nɩɩnɑɑsɑ nɑ nɑɑtosompɔɣɔlɑɣɑ (187) ɩlɛnɑ ɩ́ lʋlɩ Lemɛkɩ.
132	GEN 5:26	Lemɛkɩ lʋlʋɣʋ wɑɑlɩ ɩ tɔɣɔ pɩɩsɩ nɑsǝtoso nɑ nɩɩnʋwɑ nɑ nɩɩnɑɑsɑ nɑ nɑɑlɛ (782), nɑ sɩ tɑɑ kɛ́ ɩ lʋlɑ ɑpɑlʋpiyɑ nɑ ɑlʋpiyɑ.
134	GEN 5:28	Lemɛkɩ pɩɩsɩ lɑpɑ nɩɩnʋwɑ nɑ nɩɩnɑɑsɑ nɑ nɑɑlɛ (182) ɩlɛnɑ ɩ́ lʋlɩ ɑpɑlʋpǝyɑɣɑ
137	GEN 5:31	Lemɛkɩ pɩɩsɩ tǝnɑ yoosɑ nɑsǝtoso nɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑtosompɔɣɔlɑɣɑ (777) ɩlɛnɑ ɩ́ sɩ́.
162	GEN 7:2	Lǝsɩ wontu nti pɑ pǝsǝɣɩ pɑ́ lɑ́ kɔtɑɣɑ tɔɣɔ ɑpɑlʋ nɑ ɑlʋ kɛ́ tɔm nɑɑtosompɔɣɔlɑɣɑ. Ɩlɛnɑ ń lǝsɩ nti tǝ fɛɩ kɔtɑɣɑ lɑpǝnɑʋ tɔɣɔ ɑpɑlʋ nɑ ɑlʋ tike.
178	GEN 7:18	Lʋm tɔɔwɑ sɔsɔm nɑ pǝ́ sú tɛtʋ tɔɔ nɑ ɑtɑkɑɑ pɔɣɔlʋɣʋ nɑ́ɑ́ wɛ pǝ tɔɔ tǝhʋŋlɛɛ.
180	GEN 7:20	Lʋm kpɑwɑ nɑ pǝ́ tɛɛ pɔɔŋ kɛ kʋŋkʋlʋmǝŋ kɛ mɛɛtǝlǝnɑɑ kɑkpɑsɩ.
238	GEN 10:3	Komɛɛ ɩ́lɛ́ ɩ́ piyɑ ntɛ́ Asǝkǝnɑɑsɩ, nɑ Lifɑ, nɑ Tokɑɑmɑ.
239	GEN 10:4	Yɑfɑŋ piyɑ ntɛ́, Ɩlisɑ, nɑ Tɑɑsɩ, nɑ Kitim, nɑ Lutɑnim.
242	GEN 10:7	Kusi piyɑ ntɛ́ Sepɑ, nɑ Hɑfilɑ, nɑ Sɑpǝtɑ, nɑ Lɑkǝmɑ, nɑ Sɑpǝtekɑ. Lɑkǝmɑ piyɑ ntɛ́, Sɑpɑɑ, nɑ Tetɑŋ.
246	GEN 10:11	Tɛtʋ ntɩ tǝ tɑɑ kɛ́ ɩ lɩɩwɑ nɑ ɩ́ polo Asilii nɑ ɩ́ ŋmɑ́ Ninifi, nɑ Lehopoti-Hiili, nɑ Kelɑ,
247	GEN 10:12	nɑ Lɛsɑŋ kɛ Ninifi nɑ Kelɑ ɩcɑtɛ sɔsɔɔlɛ pɑ hɛkʋ.
248	GEN 10:13	Misilɑyim nɑ́ lʋlǝnɑ ntɛɣɛ Lutɩ nyǝ́mɑ, nɑ Anem nyǝ́mɑ, nɑ Lehɑpɩ nyǝ́mɑ, nɑ Nɑfutu nyǝ́mɑ,
254	GEN 10:19	Nɑ pɑ tɛtʋ toosi ntɛ́ pǝ kpɑɣɑʋ Sitɔŋ kɛ Keelɑɑ kɔŋkɔŋ tɑɑ nɑ pǝ́ polo Sɔtɔm nɑ Kɔmɔɔ nɑ Atǝmɑ nɑ Sepoyim hɑlǝnɑ Lesɑ.
257	GEN 10:22	Ɩ piyɑ mpɛɣɛlɛ Ɩlɑm, nɑ Asuu, nɑ Alǝpɑsɑtɩ, nɑ Lutɩ, nɑ Alɑm.
285	GEN 11:18	Pelɛkɩ pɩɩsɩ lɑpɑ hiu nɑ nɑɑnʋwɑ kɛ́ ɩlɛnɑ ɩ́ lʋlɩ Leu.
286	GEN 11:19	Leu lʋlʋɣʋ wɑɑlɩ ɩ tɔɣɔ pɩɩsɩ pɔɣɔlɑɣɑfɛɩ ŋmʋnʋɣʋ nɑ nɑɑnʋwɑ (209) nɑ sɩ tɑɑ kɛ́ ɩ tɑsɑ ɑpɑlʋpiyɑ nɑ ɑlʋpiyɑ kɛ lʋlʋɣʋ.
287	GEN 11:20	Leu pɩɩsɩ lɑpɑ hiu nɑ nɑɑnʋwɑ nɑ nɑɑlɛ kɛ́ ɩlɛnɑ ɩ́ lʋlɩ Selu.
288	GEN 11:21	Selu lʋlʋɣʋ wɑɑlɩ Leu tɔɣɔ pɩɩsɩ ŋmʋnʋɣʋ nɑ nɑɑtosompɔɣɔlɑɣɑ (207) nɑ sɩ tɑɑ kɛ́ ɩ tɑsɑ ɑpɑlʋpiyɑ nɑ ɑlʋpiyɑ kɛ lʋlʋɣʋ.
294	GEN 11:27	Telɑ lʋlʋɣʋ nyǝ́mɑ hǝlɑ ntɔ cǝnɛ. Ɩ lʋlɑ Apǝlɑm, nɑ Nɑhoo, nɑ Hɑlɑŋ. Ɩlɛnɑ Hɑlɑŋ nɑ́ɑ́ lʋlɩ Lɔɔtɩ.
298	GEN 11:31	Ḿpʋ́ɣʋ́ Telɑ kpɑɣɑ ɩ pǝyɑlʋ Apǝlɑm nɑ ɩ sɑɑlɩ Lɔɔtɩ nɑ ɩ poolu Sɑlɑɩ nɑ pɑ́ lɩɩ Uu kɛ Pɑpiloni sɩ pɑ puki Kɑnɑɑŋ tɛtʋ tɑɑ. Pɑ tɑlɑ Hɑlɑŋ ɩcɑtɛ tɑɑ ɩlɛnɑ pɑ́ cɑɣɑ tǝnɑ.
300	GEN 12:1	Ḿpʋ́ɣʋ́ kʋyɑkʋ nɑkʋlɩ Tɑcɑɑ heelɑ Apǝlɑm sɩ: Lɩɩ nyɑ́ tɛtʋ tɑɑ kɛ́ nyɑ́ nyǝ́mɑ hɛkʋ kɛ nyɑ́ cɑɑ tǝyɑɣɑ tɑɑ, nɑ ń polo tɛtʋ nti mɑɑ hʋlɩ-ŋ tɔ tǝ tɑɑ.
303	GEN 12:4	Mpʋɣʋlɛ Apǝlɑm kpɑɣɑ ɩ ɑlʋ Sɑlɑɩ nɑ ɩ tɑɑlʋ pǝyɑɣɑ Lɔɔtɩ nɑ ɩ wɛnɑʋ tǝnɑ nɑ ɩ tǝmlɛ nyǝ́mɑ mpɑ ɩ hikɑ Hɑlɑŋ tɔ nɑ ɩ́ lɩɩ tǝnɑ ɩsɩɩ Tɑcɑɑ kɑ heeluɣu-ɩ tɔ nɑ ɩ́ tɛɛ Kɑnɑɑŋ tɛtʋ tɑɑ. Wɑɑtʋ ɩnɩ ɩ pɩɩsɩ kɑ wɛ nɩɩtoso nɑ nɑɑnʋwɑ nɑ kɑkpɑsɩ. Ɩ tɑpɑ tɛtʋ ntɩ ɩlɛnɑ
1535	EXO 1:2	Lupɛŋ, nɑ Simiyɔŋ, nɑ Lefii, nɑ Yutɑ, nɑ
1544	EXO 1:11	Tǝnɑɣɑlɛ Icipiti nyǝ́mɑ tʋwɑ Ɩsɛɣɛlɩ nyǝ́mɑ kɛ yomle tǝmɑ wɑhɑlɑ nyǝnɑ. Nɑ pɑ́ kpɑ ɑ feŋlɑɑ nɑ pɛlɛ pɑ́ tʋɣʋ-wɛɣɛ-yɛ. Hɑlɩ Ɩsɛɣɛlɩ nyǝ́mɑ mpɛ pɑ ŋmɑnɑ ɑcɑlɛɛ wenɑ pɑ yɑɑ sɩ Pitom nɑ Lɑmsɛsɩ tɔ. Tǝnɑɣɑ Icipiti wulɑʋ sɩɩkɩ ɩ wontu.
1550	EXO 1:17	Lʋlǝsǝlɑɑ mpɛ pɛlɛ pɑ nyɑŋɑɣɑnɑ Ɩsɔ. Ɩlɛnɑ pɑ́ kisi wulɑʋ tɔm ntɩ. Ɩlɛ pɑ tɑ kʋ ɑpɑlʋpiyɑ.
1556	EXO 2:1	Ḿpʋ́ɣʋ́ Lefii tʋ nɔɣɔlʋ ɩ kpɑɣɑ Lefii ɑlʋ nɔɣɔlʋ.
1565	EXO 2:10	Pǝyɑɣɑ kɔmɑ nɑ kɑ́ cɛ́ hǝtɛ ɩlɛnɑ kɑ too ponɑ-kɛ nɑ ɩ́ cɛlɛ-kɛɣɛ Icipiti wulɑʋ pɛɛlɔ nɑ kɑ́ cɑɣɑ ɩ kiŋ ɩsɩɩ kɑ too kʋlʋlʋ. Ntɛnɑ ɩ́lɛ́ ɩ́ hɑ-kɛɣɛ hǝtɛ sɩ, Moisi. Lʋm ɑpɑlʋ kɛ pɑ yɑɑ mpʋ nɑ pɑ tɛ́ tɑɑ. Mpi tɔ, lʋm tɑɑ kɛ́ ɩ lǝsɑ-ɩ.
1616	EXO 4:14	Tǝnɑɣɑlɛ Moisi tɔm lɑpɑ Tɑcɑɑ kɛ pɑ́ɑ́nɑ́ nɑ ɩ́ tɔmɩ-ɩ sɩ: Nyɑ́ tɑɑlʋ Lefii tʋ Alɔŋ wɛɛ. Hɑlɩ ɩ́lɛ́ ɩ tɩɩ lɩɩnɑ ntɛɣɛ nyɑ́ sǝŋʋɣʋ, nɑ ɩ́ loosɑ-ŋ ɩ lɑŋhʋlʋmlɛ kɑ́ wɛɛ sɔɣɔntʋ.
1670	EXO 6:14	Ɩsɛɣɛlɩ nyǝ́mɑ lʋlʋŋ loosi nyǝ́mɑ cɔsɔnɑɑ hǝlɑ ntɔ. Yɑkɔpʋ pǝyɑlʋ kɑncɑɑlɑɣɑ nyǝŋ Lupɛŋ pǝyɑlɑɑ ntɛ́ Hɑnɔkɩ nɑ Pɑlu nɑ Hɛsǝlɔŋ nɑ Kɑɑmi, pɛlɛɣɛlɛ Lupɛŋ lʋlʋɣʋ loosi nyǝ́mɑ cɔsɔnɑɑ.
1672	EXO 6:16	Lefii pǝyɑlɑɑ mpɑ pɑ kɛ́ ɩ lʋlʋɣʋ loosi nyǝ́mɑ cɔsɔnɑɑ tɔ pɑ wɛ yǝlɑɑ tooso kɛ́. Pɑ hǝlɑ ntɛ́ Kɛɛsɔŋ, nɑ Kehɑtɩ, nɑ Melɑli. Lefii ɩnɩ ɩ lʋlʋɣʋ pɩɩsɩ ntɛ́ nɩɩnʋwɑ nɑ hiu nɑ nɑɑnʋwɑ nɑ nɑɑtosompɔɣɔlɑɣɑ (137).
1673	EXO 6:17	Kɛɛsɔŋ pǝyɑlɑɑ ntɛ́ Lipini nɑ Simeyi, pɛlɛɣɛlɛ Kɛɛsɔŋ lʋlʋɣʋ loosi nyǝ́mɑ cɔsɔnɑɑ.
1675	EXO 6:19	Melɑli ɩ́lɛ́ ɩ pǝyɑlɑɑ ntɛ́ Mɑlii nɑ Musi. Pɛlɛɣɛlɛ Lefii nyǝ́mɑ lʋlʋŋ loosi nyǝ́mɑ cɔsɔnɑɑ.
1681	EXO 6:25	Putiyɛlɩ pɛɛlɔ nɔɣɔlʋ kɛ Alɔŋ pǝyɑlʋ Ɩlɑsɑɑ nɑ́ kpɑɣɑɑ nɑ ɩ́lɛ́ ɩ́ lʋlɩ Pɛŋhɑsɩ. Lefii lʋlʋɣʋ nyǝ́mɑ loosi nyǝ́mɑ cɔsɔnɑɑ hǝlɑ ntɛ́.
1806	EXO 10:28	Hɑlǝnɑ ɩ́ tɔɣɔnɩ Moisi kɛ kʋtɔɣɔnʋ sɩ ɩ́ lɩɩ ɩnɩ ɩ tɛ. Nɑ ɩ́ tɔmɩ-ɩ sɩ: Lɑ lɑɑkɑlɩ, ye pǝ cǝpɑ-ŋ nɑ ń tɑsɑ cǝnɛɣɛ mǝlʋɣʋ mɑɑ kʋ-ŋ.
1854	EXO 12:37	Ɩsɛɣɛlɩ nyǝ́mɑ kʋlɑ Lɑmsɛsɩ, ɩlɛnɑ pɑ́ tɛɛ Sukɔtɩ, nɑ pɑ tɑɑ ɑpɑlɑɑ kɑ wɛ ɩsɩɩ yǝlɑɑ iyisi nɑsǝtoso (600000) kɛ mpʋ. Alɑɑ nɑ kʋkpɑtǝlɑɑ nɑ piyɑ pɑɑsi.
2806	LEV 4:10	Lonɑ kʋlʋmɛɛ ɑnǝɣɩ pɑ sɛtǝɣɩ nɔɣɔ kʋlʋmɑɣɑ kpɛntʋɣʋ kɔtɑɣɑ kpǝntɛ tɔɔ. Ɩlɛnɑ kɔtʋlʋ sɔsɔ nyɑɣɑsɩ nɑntʋ ntǝɣɩ kɔtɑɣɑ tǝlɑtɛ tɔɔ.
2833	LEV 5:2	Lɛntɩ ɩlɛ, ye ɩsɩɩ pǝ yʋkǝnɑ yʋlʋ, nɑ ɩ́ tokinɑ ɑsilimɑ pʋlʋpʋ. Pɑɑ kpǝntɛ kʋsǝpǝlɛ. Tǝyɑɣɑ nyǝntɛ, yɑɑ tɑɑlɛ nyǝntɛ, yɑɑ nyɑmɑnyɑmɑ nɔɣɔlʋ, ɩ tɔm sǝpɑɣɑ, nɑ ɩ́ pǝsɩ ɑsilimɑ tʋ.
2861	LEV 6:4	Ɩlɛnɑ ɩ́ lɑɣɑsɩ wontu nɑ ɩ́ lɩɩnɑ tɔlʋmɑ ɑnǝɣɩ tǝsikile wɑɑlɩ. Lonte ntɛɣɛ pɑ lǝsǝnɑ tǝ mpɑɑ nɑ pɑ́ lɔɔkɩ tɔlʋmɑ nim nyǝnɑ.
2875	LEV 6:18	Tɛlǝsɩ Alɔŋ nɑ ɩ pǝyɑlɑɑ kɛ ɩsɑɣɑtʋ hɩɩsʋɣʋ kɔtɑsɩ kʋsǝsɩɩtʋ. Lonte nte tǝ tɑɑ pɑ lɛntǝɣɩ kɔtɑsɩ nsi kɔkɔ lusɑɑ tɔ, sɩ tɔlɑ tɔɣɔ pɑɑ lɛntɩ ɩsɑɣɑtʋ hɩɩsʋɣʋ nyǝntɛ tɔtɔ. Pǝ nɑntʋ kɛ kɑtɛ tɑɑ kɑtɛ pʋlʋpʋɣʋ.
2882	LEV 7:2	Lonte nte tǝ tɑɑ pɑ lɛntǝɣɩ kɔtɑsɩ nsi kɔkɔ lusɑɑ tɔ, sɩ tɔlɑ tɔɣɔ pɑɑ lɛntɩ ɩsɑɣɑtʋ hɩɩsʋɣʋ sɔɔsɩ nyǝntɛ tɔtɔ. Ɩlɛnɑ kɔtʋlʋ ŋmɩɩsɩ tǝ cɑlǝm kɛ́ kɔtɑɣɑ tǝlɑtɛ kɔŋkɔmǝŋ tɔɔ.
2929	LEV 8:11	Ɩlɛnɑ ɩ́ ŋmɩɩsɩ kɔtɑɣɑ nim kɛ tɔm nɑɑtosompɔɣɔlɑɣɑ kɛ kɔtɑɣɑ tǝlɑtɛ nɑ tǝ wontunɑɑ tɔɔ. Lʋm kʋsɑŋǝm cɛmsɛ sɔsɔ nɑ pǝ kpete tɔɔ kɛ́ ɩ ŋmɩɩsɑ nim mpɩ sɩ wontu ntɩ tǝ́ pǝsɩ Ɩsɔ nyǝm.
3210	LEV 16:8	Ɩlɛnɑ Alɔŋ tɔ tɛtɛ kɛ́ pǝŋtʋlʋŋ ɩnɩ ɩ nɑɑlɛ ɩ tɔɔ nɑ pǝ́ hʋlɩ-ɩ Tɑcɑɑ nyǝŋkʋ nɑ ɩlɔɣɔʋ Asɑsɛɛlɩ nyǝŋkʋ. lɛlɑɑ sɩ lonte wʋlɑɣɑ nyǝntɛ tǝlǝɣɩ pɑ yɑɑ mpʋ. Lɛlɑɑ sɩ ɩlɔɣɔʋ ɩsɑɣɑʋ nɔɣɔlʋ wei ɩ cɑkɩ timpi pǝ wɛ sɔɣɔntʋ tɔɣɔ.
3610	NUM 1:5	Mpɛ ɩnɩ pɑ hǝlɑ ntɔ: Lupɛŋ kpekǝle tɑɑ nyǝŋ ntɛ́ Setewu pǝyɑlʋ Ilisuu.
3625	NUM 1:20	Ḿpʋ́ɣʋ́ pɑ kɑlɑ pɑɑ Ɩsɛɣɛlɩ kpekǝle nte tǝ lʋlʋɣʋ, nɑ tǝ tɛɛsɩ nyǝ́mɑ. Nɑ pɑ́ tʋ́ ɑpɑlɑɑ mpɑ pɑ tɑlɑ pɩɩsɩ hiu nɑ wɑɑlɩ, nɑ pɑ́ mʋnɑ yoou pote tɔ pɑ hǝlɑ kɛ tɑkǝlɑɣɑ tɑɑ. Yɑkɔpʋ pǝyɑlʋ sɔsɔ Lupɛŋ kpekǝle kɛ pɑ cɑɑlǝnɑɑ. Pɑ nyʋɣʋ ntɔ: Lupɛŋ kpekǝle nyǝ́mɑ wɛ iyisi nɩɩlɛ nɑ nɑɑtoso nɑ nɑsǝlɛ nɑ nɩɩnʋwɑ (46500). Simiyɔŋ nyǝ́mɑ nyǝntɛ kɛ iyisi pɔɣɔlɑɣɑfɛɩ nɩɩtoso nɑ ŋmʋnʋɣʋ nɑ nɩɩnʋwɑ (59300). Kɑtɩ nyǝ́mɑ nyǝntɛ kɛ iyisi nɩɩlɛ nɑ kɑkpɑsɩ nɑ nɑsǝtoso nɑ nɩɩlɛ nɑ nɑɑnʋwɑ (45650). Yutɑ nyǝ́mɑ nyǝntɛ kɛ iyisi nɩɩtoso nɑ nɑɑnʋwɑ nɑ liɣiti nɑ nɑsǝtoso (74600). Ɩsɑkɑɑ nyǝ́mɑ nyǝntɛ kɛ iyisi nɩɩlɛ nɑ nɑɑnʋwɑ nɑ liɣiti nɑ nɑsǝlɛ (54400). Sɑpulɔŋ nyǝ́mɑ nyǝntɛ kɛ iyisi nɩɩlɛ nɑ nɑɑnʋwɑ nɑ nɑɑtosompɔɣɔlɑɣɑ nɑ nɑsǝlɛ (57400). Yosɛɛfʋ pǝyɑlʋ Ɩfǝlɑyim nyǝ́mɑ nyǝntɛ kɛ iyisi nɩɩlɛ nɑ nɑsǝlɛ nɑ nɩɩnʋwɑ (40500). Yosɛɛfʋ pǝyɑlʋ lɛlʋ Mɑnɑsee nyǝ́mɑ nyǝntɛ kɛ iyisi hiu nɑ nɑɑnʋwɑ nɑ nɑɑlɛ nɑ ŋmʋnʋɣʋ (32200). Pɛncɑmɛɛ nyǝ́mɑ nyǝntɛ kɛ iyisi hiu nɑ nɑɑnʋwɑ nɑ kɑkpɑsɩ nɑ nɑsǝlɛ (35400). Tɑŋ nyǝ́mɑ nyǝntɛ kɛ iyisi nɩɩtoso nɑ nɑɑlɛ nɑ nɑsǝtoso nɑ nɩɩnʋwɑ (62700). Asɛɛ nyǝ́mɑ nyǝntɛ kɛ iyisi nɩɩlɛ nɑ kʋlʋm nɑ nɑsǝlɛ nɑ nɩɩnʋwɑ (41500). Nɛfǝtɑli nyǝ́mɑ nyǝntɛ kɛ iyisi nɩɩlɛ nɑ nɑɑnʋwɑ nɑ tooso nɑ nɑsǝlɛ (53400).
3652	NUM 1:47	Pɑ tɑɑ kpɛnnɑ Lefii kpekǝle nyǝ́mɑ nɑ pɑ́ kɑlɑ.
3656	NUM 1:51	Ye Ɩsɛɣɛlɩ nyǝ́mɑ lɑɣɑsǝɣɩ lonte, Lefii nyǝ́mɑ mpɛ pɑɑ hɛtǝnɑ-tɛ, nɑ pɑ́ ponɑ timpi pɑɑ siki tɔ. Kpɑɩ tʋ ɩ́ kpǝtǝnɑɑ ɩsɩɩ pɑ kʋ-ɩ.
3658	NUM 1:53	Amɑ Lefii nyǝ́mɑ tike kɑ́ sikinɑ nɑ pɑ́ cɔɔ cokǝle. Nɑ pɑ́ feŋiɣi tǝ tɔɔ, Ɩsɛɣɛlɩ nyǝ́mɑ ɩ́ tɑɑ kpǝtǝnɑ-tɛɣɛ sɔsɔm, nɑ mɑ́ mʋnɑ-wɛ nɑ pɑ́ɑ́nɑ́.
3669	NUM 2:10	Lupɛŋ nyǝ́mɑ yoolɑɑ tintiɣile kɑ́ wɛɛnɑ ilim mpǝtǝŋ tɔɔ kɛ́ pɑ tuutɑ kite. Mpɑ pɑ mʋnɑ yoou pote tɔ, pɑ sɔsɔ ntɛ́ pɑ kpekǝle nyʋɣʋ tʋ Setewu pǝyɑlʋ Ɩlisuu. Ɩ yoolɑɑ wɛ iyisi nɩɩlɛ nɑ nɑɑtoso nɑ nɑsǝlɛ nɑ nɩɩnʋwɑ (46500). Simiyɔŋ nyǝ́mɑ yoolɑɑ tintiɣile nyʋɣʋ tʋ ntɛ́ Sulisɑtɑɩ pǝyɑlʋ Selumǝyɛlɩ. Ɩ yoolɑɑ wɛ iyisi pɔɣɔlɑɣɑfɛɩ nɩɩtoso nɑ ŋmʋnʋɣʋ nɑ nɩɩnʋwɑ (59300). Kɑtɩ nyǝ́mɑ yoolɑɑ tintiɣile nyʋɣʋ tʋ ntɛ́ Teuwɛlɩ pǝyɑlʋ Ɩliyɑsɑfɩ. Ɩ yoolɑɑ wɛ iyisi nɩɩlɛ nɑ kɑkpɑsɩ nɑ nɑsǝtoso nɑ nɩɩlɛ nɑ nɑɑnʋwɑ (45650).
3675	NUM 2:16	Lupɛŋ nyǝ́mɑ yoolɑɑ tintiɣile tǝnɑ kpɛntɑ iyisi nɩɩnʋwɑ nɑ nɩɩlɛ nɑ nɑɑnʋwɑ nɑ kʋlʋm nɑ nɑsǝlɛ nɑ nɩɩlɛ nɑ nɑɑnʋwɑ (151450). Ɩsɛɣɛlɩ yoolɑɑ looŋɑ nɑɑlɛ nyǝŋkɑ ntɛ́.
3676	NUM 2:17	Pǝlɛ pǝ wɑɑlɩ kɛ́ Lefii nyǝ́mɑ nɑ́ tǝŋǝɣǝnɑ Ɩsɔ cokǝle kɛ lɔlɔ loosi nɑɑlɛ, nɑ wɑɑlɩ nyǝnsɩ nɑɑlɛ hɛkʋ tɑɑ. Mpɛ pɑ mɑɣɑmɑɣɑ pɑɑ tɔ nɔɣɔ kʋlʋmɑɣɑ kɛ́. Pɑɑ wei kɛ́ ɩ lonte tɑɑ. Nɑ ɩ́ tǝŋǝɣɩ ɩ lʋlʋɣʋ nyǝ́mɑ tuutɑ.
3683	NUM 2:24	Ɩfǝlɑyim nyǝ́mɑ yoolɑɑ tintiɣile tǝnɑ kpɛntɑ iyisi pǝlefɛɩ nɩɩnʋwɑ nɑ nɑɑnʋwɑ nɑ yʋlʋpee nɩɩnʋwɑ (108100). Looŋɑ tooso nyǝŋkɑ kɑnɛ kɑɑ tǝŋnɑ ntɛɣɛ Lefii kpekǝle.
3692	NUM 2:33	Pɑ tɑ kpɛŋnɑ Lefii nyǝ́mɑ nɑ pɑ́ kɑlɑ. Teitei ɩsɩɩ Tɑcɑɑ kɑ heeluɣu Moisi tɔ.
3699	NUM 3:6	Yɑɑ Lefii nyǝ́mɑ nɑ ń sɔɔsɩ-wɛɣɛ kɔtʋlʋ Alɔŋ tɔɔ, nɑ pɑ́ sǝnɑ-ɩ.
3702	NUM 3:9	N kɑ́ cɛlɑ Lefii nyǝ́mɑ kɛ Alɔŋ nɑ ɩ pǝyɑlɑɑ kɛ́. Nɑ pɑ́ pǝsɩ ɩsɩɩ Ɩsɛɣɛlɩ nyǝ́mɑ tillɑɑ.
3705	NUM 3:12	Mɑ mɑɣɑmɑɣɑ mɑ lǝsǝnɑ Lefii nyǝ́mɑ kɛ Ɩsɛɣɛlɩ yǝlɑɑ lɛlɑɑ tǝnɑ tɑɑ sɩ, pɑ́ pǝsɩ mɑ tǝmlɛ nyǝ́mɑ. Nɑ pɑ́ lɛɛtɩ Ɩsɛɣɛlɩ kɑncɑɑlɑɣɑ ɑpɑlʋpiyɑ lonte.
3708	NUM 3:15	Kɑlɑ Lefii nyǝ́mɑ nɑ ń kɛɛsǝnɑ pɑ lʋlʋŋ nɑ pɑ tɛɛsɩ. Pǝ kpɑɣɑʋ ɑpɑlʋpiyɑ nsi sɩ wɛnɑ ɩsɔtʋ kʋlʋm nɑ wɑɑlɩ tɔ.
3710	NUM 3:17	Lefii pǝyɑlɑɑ hǝlɑ ntɛ́ Kɛɛsɔŋ, nɑ Kehɑtɩ, nɑ Melɑli.
3711	NUM 3:18	Kɛɛsɔŋ nyǝ́mɑ ntɛ́ Lipini nɑ Simeyi. Mpɛ ɩnɩ pɑ pǝsǝnɑ pɑ lʋlʋŋ nyɔɔŋ nyǝ́mɑ nɑ pɑ́ yɑɑkɩ-wɛɣɛ pɑ hǝlɑ.
3713	NUM 3:20	Melɑli nyǝ́mɑ ntɛ́ Mɑlii nɑ Musi. Mpɛ ɩnǝɣǝlɛ pɑ lʋlʋŋ nyɔɔŋ nyǝ́mɑ. Mpɛ pɑ kɛnɑ Lefii kpekɑ nyǝ́mɑ nɑ pǝ́ kɛɛsǝnɑ pɑ lʋlʋŋ.
3714	NUM 3:21	Kɛɛsɔŋ lʋlʋŋ nyǝ́mɑ fɑɣɑ tɔm nɑɑlɛɣɛ. Lipini nyǝŋkʋ nɑ Simeyi nyǝŋkʋ.
3717	NUM 3:24	Lɑyɛlɩ pǝyɑlʋ Ɩliyɑsɑfɩ kɛlɛ pɑ nyʋɣʋ tʋ.
3725	NUM 3:32	Lefii nyʋɣʋ nyǝ́mɑ tɑɑ sɔsɔ ntɛ́ kɔtʋlʋ Alɔŋ pǝyɑlʋ Ɩlɑsɑɑ. Ɩnɩ ɩ feŋiɣinɑ cokǝle pɑɑsǝnlɑɑ tɔɔ.
3732	NUM 3:39	Lefii nyǝ́mɑ tǝnɑ, pǝ kpɑɣɑʋ ɑpɑlɑɑ nɑ ɑpɑlʋpiyɑ mpɑ pɑ wɛnɑ ɩsɔtʋ kʋlʋm nɑ wɑɑlɩ tɔ. Pɑ kpɛntɑ ɩsɩɩ iyisi hiu nɑ nɑɑlɛ (22000). Ɩsɩɩ Tɑcɑɑ kɑ kɛɛsʋɣʋ Moisi nɑ Alɔŋ tɔ. Ḿpʋ́ɣʋ́ pɑ kɑlɑ-wɛ nɑ pǝ́ kɛɛsǝnɑ pɑ lʋlʋŋ.
3734	NUM 3:41	Sɩɩ Lefii nyǝ́mɑ nɑ pɑ mpɑɑ kɛ Ɩsɛɣɛlɩ ɑpɑlʋpiyɑ kɑncɑɑlɑɣɑ nyǝnsɩ lonte tɑɑ. Nɑ ń sɩɩ Lefii nyǝ́mɑ tɔlɑ nɑ ɑ mpɑɑ kɛ Ɩsɛɣɛlɩ nyǝ́mɑ tɔlɑ kɑncɑɑlɑɣɑ ɑpɑlʋ nyǝnɑ lonɑ tɑɑ. Tɑcɑɑ mɑ́ mɑ nyǝm ntɛ́.
3738	NUM 3:45	Sɩɩ Lefii nyǝ́mɑ nɑ pɑ mpɑɑ, nɑ pɑ́ pǝsɩ mɑ nyǝ́mɑ kɛ Ɩsɛɣɛlɩ kɑncɑɑlɑɣɑ ɑpɑlʋpiyɑ lonte tɑɑ. Nɑ ń lɑ mpʋ tɔtɔɣɔ Lefii nyǝ́mɑ tɔlɑ, kɛ Ɩsɛɣɛlɩ nyǝ́mɑ tɔlɑ kɑncɑɑlɑɣɑ ɑpɑlʋpiyɑ lonte tɑɑ. Mɑɣɑlɛ Tɑcɑɑ.
3739	NUM 3:46	Ɩsɛɣɛlɩ ɑpɑlʋpiyɑ ŋmʋnʋɣʋ nɑ nɩɩtoso nɑ nɑɑnʋwɑ nɑ tooso (273) pɑɣɑtǝnɑ ntɛɣɛ Lefii nyǝ́mɑ. Nɑ mpɛ ɩnǝɣɩ pǝ wɛɛ sɩ pɑ́ yɑ pɑ nyɔɔŋ.
3746	NUM 4:2	Ɩ́ ŋmɑɑ Lefii kpekǝle tʋ Kehɑtɩ lʋlʋɣʋ nyǝ́mɑ mpɑ pɑ pɩɩsɩ tɑlɑ hiu nɑ nɑɑnʋwɑ, nɑ pǝ́ polo nɩɩlɛ nɑ nɑɑnʋwɑ tɔ pɑ hǝlɑ. Pɑ́ kpɑ mpɑ pɑ pǝsǝɣɩ nɑ pɑ́ lɑ tǝmlɛ kɛ Ɩsɔ cokǝle tɑɑ tɔ.
3762	NUM 4:18	Ɩ́ feŋ Kehɑtɩ nyǝ́mɑ kɛ teu, kɛ wɑɑtʋ wei pɑ pɑɑsǝɣǝnɑ Ɩsɔ wontu tɔ. Pǝ tɑɑ kɔɔ nɑ pǝ́ kpiisi-wɛɣɛ Lefii nyǝ́mɑ hɛkʋ. Mpi tɔ, pǝ wɛɛ sɩ Alɔŋ nɑ ɩ pǝyɑlɑɑ pɑ́ sʋʋnɑ-wɛɣɛ cokǝle tɑɑ, nɑ pɑ́ hʋlǝɣɩ pɑɑ wei kɛ wontu nti ɩ kɑ́ kpɑɣɑ tɔ.
3778	NUM 4:34	Ḿpʋ́ɣʋ́ Moisi nɑ Alɔŋ nɑ Ɩsɛɣɛlɩ kpekǝle nyʋɣʋ nyǝ́mɑ kɑlɑ Lefii kpekǝle nyǝ́mɑ Kehɑtɩ, nɑ Kɛɛsɔŋ, nɑ Melɑli, pɑ lʋlʋŋ, nɑ pɑ tɛɛsɩ ɑpɑlɑɑ mpɑ pɑ tɑlɑ pɩɩsɩ hiu nɑ nɑɑnʋwɑ, nɑ pǝ́ polo nɩɩlɛ nɑ nɑɑnʋwɑ tɔ pɑ hǝlɑ. Nɑ pɑ́ tʋ pɑɑ wei kɛ tǝmlɛ kɛ Ɩsɔ cokǝle tɑɑ. Ḿpʋ́ɣʋ́ Moisi kɑlɑ-wɛ ɩsɩɩ Tɑcɑɑ tʋɣɩ-ɩ tɔ. Ɩlɛnɑ Kehɑtɩ nyǝ́mɑ kpɛntɩ iyisi nɑɑlɛ nɑ nɑsǝtoso nɑ nɩɩnʋwɑ nɑ nɩɩlɛ nɑ nɑɑnʋwɑ (2750). Kɛɛsɔŋ nyǝ́mɑ kɛ iyisi nɑɑlɛ nɑ nɑsǝtoso nɑ hiu nɑ nɑɑnʋwɑ (2630). Melɑli nyǝ́mɑ kɛ iyisi tooso nɑ ŋmʋnʋɣʋ (3200). Ɩlɛnɑ pɑ tǝnɑ pɑ kpɛntɩ iyisi pǝlefɛɩ nɑɑnʋwɑ nɑ nɑsǝlɛ nɑ nɩɩnʋwɑ nɑ nɩɩnɑɑsɑ (8580). Ḿpʋ́ɣʋ́ pɑ hʋlɑ pɑɑ Lefii tʋ wei kɛ́ ɩ tǝmɑ kʋlɑpɛɛ, nɑ ɩ kʋsǝɣǝlǝm kɛ teitei, ɩsɩɩ nti Tɑcɑɑ kɑ tʋ Moisi tɔ.
3856	NUM 7:5	Mʋ pɑ kʋhɑɑŋ ɩnɩ, nɑ ń cɛlɑ Lefii nyǝ́mɑ, nɑ pǝ́ kɛɛsǝnɑ pɑɑ mpɑ pɑ tǝmlɛ, nɑ pɑ́ kpɑkǝɣǝnɑ cokǝle wontu.
3857	NUM 7:6	Ɩlɛnɑ Moisi mʋ nɑɑŋ nɑ kɛɛkɛnɑɑ mpɛ nɑ ɩ́ cɛlɑ Lefii kpekǝle nyǝ́mɑ
3863	NUM 7:12	Ɩsǝnɑ pɑ tǝŋɑ tǝmɑ nɑ pɑ́ kɔɔ tɔɣɔlɔ: Yutɑ kpekǝle tʋ Aminɑtɑpɩ pǝyɑlʋ Nɑsɔŋ kɛlɛ kʋyɑkʋ kɑncɑɑlɑɣɑ nyǝŋkʋ. Ɩsɑkɑɑ nyǝntɛ tʋ Suwɑɑ pǝyɑlʋ Netɑneyɛlɩ kɛ kʋyɑkʋ nɑɑlɛ nyǝŋkʋ. Sɑpulɔŋ nyǝntɛ tʋ Helɔŋ pǝyɑlʋ Ɩliyɑpɩ kɛ kʋyɑkʋ tooso nyǝŋkʋ. Lupɛŋ nyǝntɛ tʋ Setewu pǝyɑlʋ Ɩlisuu kɛ kʋyɑkʋ liɣiti nyǝŋkʋ. Simiyɔŋ nyǝntɛ tʋ Sulisɑtɑɩ pǝyɑlʋ Selumǝyɛlɩ kɛ kʋyɑkʋ kɑkpɑsɩ nyǝŋkʋ. Kɑtɩ nyǝntɛ tʋ Teuwɛlɩ pǝyɑlʋ Ɩliyɑsɑfɩ kɛ kʋyɑkʋ nɑɑtoso nyǝŋkʋ. Ɩfǝlɑyim nyǝntɛ tʋ Amihuti pǝyɑlʋ Ɩlisɑmɑ kɛ kʋyɑkʋ nɑɑtosomopɔɣɔlɑɣɑ nyǝŋkʋ. Mɑnɑsee nyǝntɛ tʋ Petɑsuu pǝyɑlʋ Kɑmliyɛlɩ kɛ kʋyɑkʋ pǝlefɛɩ nɑɑnʋwɑ nyǝŋkʋ. Pɛncɑmɛɛ nyǝntɛ tʋ Kitoni pǝyɑlʋ Apitɑŋ kɛ pɔɣɔlɑɣɑfɛɩ nɑɑnʋwɑ nyǝŋkʋ. Tɑŋ nyǝntɛ tʋ Amisɑtɑɩ pǝyɑlʋ Ahiyesɛɛ kɛ nɑɑnʋwɑ nyǝŋkʋ. Asɛɛ nyǝntɛ tʋ Okǝlɑŋ pǝyɑlʋ Pɑkiyɛlɩ kɛ nɑɑnʋwɑ nɑ kʋlʋmʋɣʋ nyǝŋkʋ. Nɛfǝtɑli nyǝntɛ tʋ Ɩnɑŋ pǝyɑlʋ Ahilɑ kɛ nɑɑnʋwɑ nɑ nɑɑlɛ nyǝŋkʋ. Mpi mpi pɑ kɔnɑɑ tɔɣɔlɔ: Liɣitee nyǝɣǝlʋɣʋ nyǝnɑɣɑ ŋkɑ kɑ yuŋ wɛ kiloo kʋlʋm nɑ cɑcɑɑsɩ ŋmʋnʋɣʋ nɑ nɩɩnʋwɑ tɔ (1300). Nɑ pǝ poosiyɑ wei pɑ ŋmɩɩsǝɣǝnɑ cɑlǝm tɔ. Ɩ́lɛ́ ɩ cɑcɑɑsɩ wɛ nɑsǝtoso nɑ nɩɩnʋwɑ (700). Ɩsǝnɑ pɑ mɑɣɑsɑɣɑ Ɩsɔ cokǝle tɑɑ kɛ́ liɣitee tɔɣɔ pɑ kɛɛsǝnɑɑ. Nɑ pɑ́ suuli nyǝnɑsɩ nsɩ sɩ nɑɑlɛɣɛ tɔɣɔnɑɣɑ kɔtɑɣɑ mʋlʋm mpi pɑ nuɣutinɑ nim tɔ. Wʋlɑ kɔpʋ, kɛ cɑcɑɑsɩ nɩɩnʋwɑ (100). Nɑ tulɑɑlʋ kʋwɔpʋ kɛ kɔpʋ ɩnɩ ɩ lǝpɑm. Nɑ lɑtǝcɛ, nɑ ɩwɑɑʋ, nɑ pǝnɑɣɑ kʋlʋmɑɣɑ ɩwǝyɑɣɑ sɩ, pɑ lɑkǝnɑ kɔtɑɣɑ ŋkɑ kɔkɔ lusɑ kɑ tǝnɑ tɔ. Nɑ pǝŋtʋlʋɣʋ sɩ pɑ lɑkɩ ɩsɑɣɑtʋ hɩɩsʋɣʋ nyǝŋkɑ. Nɑɑŋ nɑɑlɛ nɑ ɩwɑɑŋ kɛ kɑkpɑsɩ, nɑ pǝnɑɣɑ kʋlʋmɑɣɑ ɩwɛɛsɩ kɛ kɑkpɑsɩ sɩ pɑ lɑkǝnɑ ciikuɣu kɔtɑɣɑ.
3935	NUM 7:84	Ɩsɛɣɛlɩ kpekɑ nyɔɔŋ nyǝ́mɑ hɑwɑ kʋcɔɔŋ wei kɛ kɔtɑɣɑ tǝlɑtɛ tʋlʋɣʋ wule tɔɣɔlɛ. Liɣitee nyǝɣǝtʋ nyǝnɑsɩ kɛ nɑɑnʋwɑ nɑ nɑɑlɛ. Nɑ poosiyɑnɑɑ mpɑ pɑ ŋmɩɩsǝɣǝnɑ cɑlǝm tɔɣɔ nɑɑnʋwɑ nɑ nɑɑlɛ. Nɑ wʋlɑ kɔpʋnɑɑ kɛ nɑɑnʋwɑ nɑ nɑɑlɛ.
3946	NUM 8:6	Fɑɣɑ Lefii nyǝ́mɑ nɑ pɑ mpɑɑ. Lɑ-wɛɣɛ nyɔɔŋ tɔɔ ɑsilimɑ kɛɛlʋɣʋ kɔtɑɣɑ.
3949	NUM 8:9	Nɑ ɩ́ koti Ɩsɛɣɛlɩ nyǝ́mɑ tǝnɑ nɑ Lefii nyǝ́mɑ kpǝtǝnɑ Ɩsɔ cokǝle nɔnɔɣɔ. Nɑ Ɩsɛɣɛlɩ nyǝ́mɑ tǝnɩ pɑ tɔɔ kɛ́ niŋ.
3951	NUM 8:11	Ɩlɛnɑ Alɔŋ hʋlɩ Lefii nyǝ́mɑ kɛ Ɩsɔ nɑ hɔɣɔlǝŋ tǝnɑ, ɩsɩɩ Ɩsɛɣɛlɩ nyǝ́mɑ lɑkʋɣʋ Ɩsɔ nyǝm tɔ. Ɩlɛnɑ pɛlɛ pɑ lɑkɩ Ɩsɔ kɛ tǝmlɛ.
3952	NUM 8:12	Pǝ wɑɑlɩ ɩlɛnɑ Lefii nyǝ́mɑ tǝnɩ pɑ niŋ kɛ lɑtǝcɛnɑɑ nɑɑlɛ tɔɔ nɑ Alɔŋ lɑ-m lɛlʋ kɛ ɩsɑɣɑtʋ hɩɩsʋɣʋ kɔtɑɣɑ, nɑ lɛlʋ kɛ kɔtɑɣɑ ŋkɑ kɔkɔ lusɑ kɑ tǝnɑ tɔ. Ɩlɛ Lefii nyǝ́mɑ ɩsɑɣɑtʋ hɩɩsɑɑ kɛlɛ.
3953	NUM 8:13	Ɩlɛnɑ ń sɩɩ Lefii nyǝ́mɑ kɛ Alɔŋ nɑ ɩ pǝyɑlɑɑ pɑ ɩsɛntɑɑ. Nɑ ń hʋlɩ-wɛ nɑ hɔɣɔlǝŋ tǝnɑ ɩsɩɩ Ɩsɛɣɛlɩ nyǝ́mɑ lɑkɩ tɔ.
3954	NUM 8:14	Nɑ Lefii nyǝ́mɑ pǝsɩ Ɩsɔ nyǝ́mɑ nɑ pǝ́ fɑɣɑ pɑ nɑ pɑ tɛɛtʋnɑɑ.
3955	NUM 8:15	Pǝlɛ pǝ wɑɑlɩ kɛ́ pɑɑ cɑɑlɩ pɑ tǝmlɛ kɛ cokǝle tɑɑ. Ɩsǝnɑ ɩ́ kɑ́ lɑ Lefii nyǝ́mɑ kɛ nyɔɔŋ tɔɔ ɑsilimɑ kɛɛlʋɣʋ kɔtɑɣɑ, nɑ ɩ́ hʋlɩ-wɛ nɑ hɔɣɔlǝŋ tǝnɑ ɩsɩɩ Ɩsɛɣɛlɩ nyǝ́mɑ lɑkɩ tɔɣɔlɛ.
3958	NUM 8:18	Lefii nyǝ́mɑ kɛ mɑ lɛɛtɑ Ɩsɛɣɛlɩ kɑncɑɑlɑɣɑ ɑpɑlʋnyǝnsɩ lonte.
3960	NUM 8:20	Ḿpʋ́ɣʋ́ Moisi nɑ Alɔŋ nɑ Ɩsɛɣɛlɩ nyǝ́mɑ tǝnɑ, pɑ lɑpɑ teitei ɩsɩɩ Tɑcɑɑ kɑ kɛɛsʋɣʋ-wɛɣɛ Lefii nyǝ́mɑ tɔm tɔ.
3962	NUM 8:22	Pǝ wɑɑlɩ kɛ́ Lefii nyǝ́mɑ cɑɑlɑ pɑ tǝmlɛ kɛ Ɩsɔ cokǝle tɑɑ. Nɑ Alɔŋ nɑ ɩ pǝyɑlɑɑ pɑ́ feŋiɣi-wɛ. Ɩsǝnɑ pɑ lɑpɑ nti Tɑcɑɑ kɑ heelɑ Moisi tɔɣɔlɛ.
3964	NUM 8:24	Mpi pǝ kɛ́ Lefii nyǝ́mɑ nyǝntʋ tɔɣɔlɔ. Pɑɑ Lefii tʋ wei, ye ɩ wɛnɑ pɩɩsɩ hiu nɑ kɑkpɑsɩ nɑ wɑɑlɩ kɛ mpʋ, wɑɑtʋ ɩnǝɣɩ ɩ kɑ cɑɑlɩ Ɩsɔ cokǝle tɑɑ tǝmlɛ.
3966	NUM 8:26	Ye pɑ cɛpɑ wei, ɩ pǝsǝɣɩ nɑ ɩ́ sǝnɑ ɩ tɛɛtʋnɑɑ kɛ Ɩsɔ cokǝle tǝmlɛ yɑɑ. Amɑ pɑ kɑɑ tʋ-ɩ ɩ mɑɣɑmɑɣɑ ɩ nyǝntɛ kɛ́. Ɩsǝnɑ Moisi kɑ́ lɑkɩ Lefii nyǝ́mɑ tǝmlɛ tɔm tɑɑ tɔɣɔlɛ.
3991	NUM 10:2	Lu liɣitee nyǝɣǝtʋ kɛ ɑkɑntɛɛ nɑɑlɛ. Anǝɣɩ pɑɑ hʋlɩ nɑ sɑmɑɑ kpeɣeli, yɑɑ kpekɑ tʋ mpɑɑʋ.
4007	NUM 10:18	Ɩlɛnɑ Lupɛŋ yoolɑɑ tintiɣile, nɑ pɑ tuutɑ pɑ́ tʋ́ pɑ wɑɑlɩ. Pɛlɛ pɑ nyʋɣʋ tʋ ntɛ́ Setewu pǝyɑlʋ Ɩlisuu.
4010	NUM 10:21	Ɩlɛnɑ Lefii tʋ Kehɑtɩ lʋlʋɣʋ nyǝ́mɑ mpɑ pɑ sǝɣǝlɑ ɩsɔ sɛɛʋ wontu tɔ pɑ́ tǝŋ. Nɑ Lefii nyǝ́mɑ lɛlɑɑ nɑ́ɑ́ tɔŋɑ cokǝle sikuɣu nɑ pɑ́ tɑŋɑ-wɛ.
4018	NUM 10:29	Ḿpʋ́ɣʋ́ Moisi tɔmɑ ɩ yǝtɩ Mɑtiyɑŋ tʋ Lewɛlɩ pǝyɑlʋ Hopɑpɩ sɩ: Tɛtʋ nti Tɑcɑɑ sɩɩ nɔɣɔ sɩ ɩ hɑɑkɩ-tʋ tɔ, tǝ tɑɑ kɛ́ tǝ puki. Ɩlɛ tǝŋ-tʋ nɑ tɩɩ tɑlǝnɑ-ŋ kʋpɑntʋ nti ɩ lɑkɩ-tʋ tɔ.
4078	NUM 13:2	Lǝsɩ Ɩsɛɣɛlɩ kpekɑ nyʋɣʋ nyǝ́mɑ tɑɑ kɛ́ yʋlʋ yʋlʋ. Nɑ n tili-wɛ nɑ pɑ́ feŋ Kɑnɑɑŋ tɛtʋ nti mɑ hɑɑkɩ-mɛ tɔ.