28	GEN 1:28	nɑ ɩ́ kooli-wɛɣɛ kʋpɑntʋ. Ɩlɛnɑ ɩ́ heeli-wɛ sɩ: Ɩ́ lʋlɩ nɑ ɩ́ huki nɑ ɩ́ sú tɛtʋ nɑ ɩ́ pǝsɩ-tɩ nɑ ɩ́ tɔɣɔ kɑwulɑɣɑ kɛ tiinɑ nɑ sumɑsɩ nɑ ɑtɛ wontu tǝnɑ tɔɔ nɑ ɩ́ pɑɑsǝnɑ-tɩ.
46	GEN 2:15	Ḿpʋ́ɣʋ́ Tɑcɑɑ Ɩsɔ sɩɩ yʋlʋ kɛ Ɩteni tɑɑlɛ ńtɛ́ tǝ tɑɑ sɩ ɩ́ hɑlɑ nɑ ɩ́ pɑɑsǝɣǝnɑ-tɛ́.
49	GEN 2:18	Tɛtʋ kɛ Tɑcɑɑ Ɩsɔ kɑ lɑpɑ tɑɑlɛ wontu tǝnɑ, nɑ sumɑsɩ tǝnɑ, nɑ ɩ́ lɑ́ nɑ tǝ́ polo yʋlʋ kiŋ sɩ ɩ́ nyɩ hǝlɑ nnɑ ɩ kɑ́ hɑ-tɩ tɔ, nɑ ɑnǝɣɩ pɑ yɑɑkɩ-tɩ. Ḿpʋ́ɣʋ́ yʋlʋ hɑwɑ tɔlɑ tǝnɑɣɑ hǝlɑ, nɑ tɑɑlɛ wontu nɑ sumɑsɩ tǝnɑ. Amɑ ɩ tɑ hiki sǝnlʋ wei ɩ mʋnɑ-ɩ tɔ. Ḿpʋ́ɣʋ́ ɩ tɔmɑ sɩ: Pǝ fɛɩ sɩ yʋlʋ ɩ́ cɑɣɑ ɩ tike kɛ mpʋ.
53	GEN 2:22	Ntɛnɑ ɩ́ mǝŋnɑ sǝntɑɑɣɑ ŋkɑ ɩ kɑ lǝsɑ ɑpɑlʋ tɑɑ tɔ nɑ ɩ́ ŋmɑnɑ ɑlʋ nɑ ɩ́ cɛlɑ-ɩ.
56	GEN 2:25	Yʋlʋ nɑ ɩ ɑlʋ pɑ tɔŋɑɣɑ kpɛlɑ kɛ pɑ nɑɑlɛɣɛ, pǝ́cɔ́ fɛɛlɛ nɑtǝlɩ tǝ fɛɩ-wɛ.
84	GEN 4:4	Ɩlɛnɑ neu nɑ́ɑ́ kpɑ ɩ heeŋ tɑɑ kɛ́ kɑncɑɑlɑɣɑ kʋlʋlǝŋ nim nyǝŋ nɑ ɩ́ lɑ́ kɔtɑɣɑ tɔtɔ. Ɩlɛnɑ Tɑcɑɑ nyǝnɩ Apɛɛlɩ kɔtɑɣɑ nɑ pǝ́ kɛɛsǝnɑ-ɩ.
87	GEN 4:7	Ye kʋpɑntʋ kɛ n lɑkɩ, nyɑ́ ɩsɛntɑɑ ɩ́ hɛtɩ. Amɑ ye ɩsɑɣɑtʋ kɛ n lɑkɩ, kʋlʋmtʋ ntɩ tǝ pɑpǝnɑ ntɛɣɛ nyɑ́ nɔnɔɣɔ tɛɛ ɩsɩɩ tɔɣɔlʋɣʋ nɑ tǝ́ tɑŋɑ-ŋ, nɑ tǝ́ cɑɑ-ŋ kǝlʋɣʋ. Amɑ pǝsɩ-tɩ nɑ ń kǝlɩ-tɩ.
88	GEN 4:8	Tǝnɑɣɑ Kɑyini tɔmɑ ɩ neu sɩ: Tǝ́ kpɑ tɑɑlɛ, ɩlɛnɑ Kɑyini kʋlɩ ɩ tɔɔ kɛ́ tǝnɑ nɑ ɩ́ kʋ-ɩ.
90	GEN 4:10	Ɩlɛnɑ Tɑcɑɑ pɔɔsɩ-ɩ sɩ: Pepe lɑpɑ mpʋ? Mɑ nɑwɑ nyɑ́ neu cɑlǝm kɛ ɑtɛ, nɑ pǝ wɛɛ sɩ mɑ́ lɛɛtɩ-ŋ.
93	GEN 4:13	Mpʋɣʋlɛ Kɑyini cɔwɑ Tɑcɑɑ sɩ: Mɑ sɑlǝkɑ kǝlɑ-m.
94	GEN 4:14	Nyǝnɩ, sɑŋɑ ń tɔɣɔnǝɣɩ-m tɛtʋ kʋpɑntʋ tǝnɛ tǝ tɑɑ kɛlɛ, mɑ kɑɑ tɑsɑ nyɑ́ ɩsǝpǝle tɑɑ kɛ́ loosuɣu. Mɑɑ pǝsɩ yem cɔɔlʋ, mɑ kɑɑ wɛɛnɑ tǝyɑɣɑ, nɑ wei ɩ́ hikɑ-m ɩ kʋ-m.
95	GEN 4:15	Tǝnɑɣɑlɛ Tɑcɑɑ nɔɣɔ tǝkpɑʋ sɩ: Aɑɩ, ye wei ɩ́ kʋwɑ Kɑyini, ɩsɩɩ mɑ fɛlɑ pʋntʋ kɛ pǝ tɔm nɑɑtosompɔɣɔlɑɣɑ. Ɩlɛnɑ Tɑcɑɑ yʋsɩ Kɑyini sɩ ye wei ɩ́ nɑ-ɩ ɩ́ tɑɑ kʋ-ɩ.
103	GEN 4:23	Ḿpʋ́ɣʋ́ Lemɛkɩ tɔmɑ ɩ ɑlɑɑ Atɑ nɑ Silɑ sɩ: Mɑ ɑlɑɑ mɛ, ɩ́ nɩɩ mɑ tɔm yoo. Mǝ tɑɑ lɛlʋ pɑɑlʋ cǝtǝlɑ-m kɛ́ nɑ mɑ́ kʋ-ɩ.
156	GEN 6:18	Amɑ mɑ́ nɑ nyɑ́ tɩɩ pɛɛlɩ nɔɣɔ sɩ mɑɑ wɑɑsɩ-ŋ. Nɑ nyɑnɑ nyɑ́ ɑlʋ nɑ nyɑ́ pǝyɑlɑɑ nɑ nyɑ́ poolɑɑ ɩ́ kɑ́ sʋʋ kʋ tɑɑ.
1543	EXO 1:10	Mpʋ tɔ, pǝ wɛɛ sɩ tǝ́ pɛɛkɩ yɑɑsi wei tɩɩ pɑsǝnɑ-wɛ tɔ. Pǝ́ tɑɑ kɔɔ nɑ pǝ́ yoosi tɑ́ nɑ tɑ́ kolontunɑɑ nɑ mpɛ pɑ́ sɛɛnɑ pɑ tɔɔ nɑ pɑ́ kǝlɩ-tʋ. Ɩlɛnɑ pɑ́ se nɑ pɑ́ tɛɛ.
1564	EXO 2:9	Ḿpʋ́ɣʋ́ Icipiti wulɑʋ pɛɛlɔ tɔmɑ ɑlʋ ɩnɩ sɩ: Kpɑɣɑ pǝyɑɣɑ kɑnɛ nɑ ń mʋsǝsɩ-m- kɛ, mɑɑ fɛlɩ-ŋ. Ɩlɛnɑ toto kpɑɣɑ-kɛ nɑ ɩ́ tɔɔ-kɛ.
1565	EXO 2:10	Pǝyɑɣɑ kɔmɑ nɑ kɑ́ cɛ́ hǝtɛ ɩlɛnɑ kɑ too ponɑ-kɛ nɑ ɩ́ cɛlɛ-kɛɣɛ Icipiti wulɑʋ pɛɛlɔ nɑ kɑ́ cɑɣɑ ɩ kiŋ ɩsɩɩ kɑ too kʋlʋlʋ. Ntɛnɑ ɩ́lɛ́ ɩ́ hɑ-kɛɣɛ hǝtɛ sɩ, Moisi. Lʋm ɑpɑlʋ kɛ pɑ yɑɑ mpʋ nɑ pɑ tɛ́ tɑɑ. Mpi tɔ, lʋm tɑɑ kɛ́ ɩ lǝsɑ-ɩ.
1569	EXO 2:14	Mpʋɣʋlɛ ɩ́lɛ́ ɩ pǝsǝnɑ-ɩ sɩ: Awe kpɑ-ŋ tɑ́ wulɑʋ yɑɑ tɑ́ tɔm hʋʋlʋ ye? N cɑɑ sɩ n kʋ-m ɩsɩɩ n kʋɣʋ Icipiti tʋ tɔ yɛɛ? Moisi cɛkǝnɑɑ sɩ yǝlɑɑ nyǝmɑ́-tɩ ɩlɛnɑ sɔɣɔntʋ kpɑ-ɩ.
1572	EXO 2:17	Pǝ tɑsɑɑ ɩlɛ, tiikilɑɑ nɑpǝlɩ pɑ kɔmɑɣɑlɛ nɑ pɑ́ tɔɣɔnɩ-wɛ. Moisi nɑ́ mpʋ ɩlɛnɑ ɩ́ sɛɛnɑ pɛɛlɑɑ mpɛ pɑ tɔɔ, nɑ pɑ kɑlǝkʋ nyɔɔ.
1574	EXO 2:19	Ntɛnɑ pɑ́ cɔ-ɩ sɩ: Icipiti tʋ nɔɣɔlʋ ɩ wɑɑsǝnɑ-tʋ. Hɑlǝnɑ ɩ́ lu tɑ́ kɑlǝkʋ kɛ lʋm nɑ kʋ́ nyɔɔ.
1598	EXO 3:18	Ye pɑ nɩɩ mpʋ pɑɑ mʋ-tǝɣɩ. Ɩlɛnɑ ń kpɑɣɑ-wɛ nɑ ɩ́ polo ɩ́ mɑɣɑnɑ Icipiti wulɑʋ nɑ ɩ́ heeli-ɩ sɩ Hepǝlɑ nyǝ́mɑ tɑ́, tɑ́ Ɩsɔ Tɑcɑɑ lɩɩ tɑ́ tɔɔ. Mpʋ tɔ, hɑ-tʋɣʋ mpɑɑʋ nɑ tǝ́ polo wʋlɑɣɑ tɛtʋ tɑɑ nɑ tǝ́ lɑpɩ-ɩ kɔtɑsɩ. Pɩɩ mɑɣɑnɑ ɩsɩɩ kʋyɛɛŋ tooso tɔntɛ.
1610	EXO 4:8	Mpʋɣʋlɛ Tɑcɑɑ tɔmɑ sɩ: Ye Ɩsɛɣɛlɩ nyǝ́mɑ tɑ tʋnɑ-ŋ, nɑ ń kisi nɑ ń lɑ piti tǝmlɛ kɑncɑɑlɑɣɑ nyǝntɛ nɑ pɑ́ tɑ́ mʋ nyɑ́ tɔm. Ń lɑpɑ nɑɑlɛ nyǝntɛ tǝnɛ ɩsɩɩ pɑ mʋ-tɩ.
1633	EXO 4:31	Pɛlɛ pɑ nɑ́ mpʋ, ɩlɛnɑ pɑ́ tisi sɩ Ɩsɔ lɑkǝnɑ. Pɑ cɛkǝnɑɑ sɩ Ɩsɔ nɑwɑ pɑ kʋnyɔntɔɣɔlɛ kɛ́ nɑ ɩ́ kɔɔ sɩ ɩ́ wɑɑsɩ-wɛ. Ɩlɛnɑ pɑ́ hǝntɩ-ɩ ɑtɛ nɑ pɑ́ sɛɛ-ɩ.
1641	EXO 5:8	Pǝ́cɔ́ pǝ fɛɩ sɩ pɑ pikilinɑɑ ɩ́ sɛkɩ ɩsɩɩ pɑ tɩɩ ŋmɑɑkɩ tɔ. Felentunɑɑ kɛ-wɛɣɛ. Pǝ tɔɔ kɛ́ pɑ kɔmɑ mɑ kiŋ sɩ mɑ́ hɑ-wɛɣɛ mpɑɑʋ nɑ pɑ́ polo pɑ́ lɑ́ pɑ Ɩsɔ kɛ́ kɔtɑsɩ.
1653	EXO 5:20	Mpɛ pɑ lɩɩkɑɣɑ ɩlɛ pɑ mɑɣɑnɑ Moisi nɑ Alɔŋ pɑ tɑŋɑ-wɛɣɛlɛ.
1654	EXO 5:21	Ɩlɛnɑ pɑ́ tʋʋ pɛlɛ sɩ: Ɩsɔ kɑ́ kpɑtɩ mǝ yule tɔɔ kɛ́ kpɑɑkpɑɑlɛ. Mpi tɔ, mǝ lɑpǝnɑ nɑ Icipiti wulɑʋ nɑ ɩ wɑɑlɩ nyǝ́mɑ pɑ luɣu lɩɩ-tʋ. Mǝ tekinɑ tɑ́ luɣu sɩ pɑ́ lɛntɩ.
1656	EXO 5:23	Hɑtoo kʋyɑŋku mɑ heelɑ Icipiti wulɑʋ kɛ nyɑ́ tɔm tɔ, ɩ sɔɔsɑ Ɩsɛɣɛlɩ nyǝ́mɑ kɛ wɑhɑlɑ kɛ́. Pǝyele nyɑ́ sumɑ, nn lʋkɩ sɩ ń wɑɑsɩ-wɛ.
1657	EXO 6:1	Ḿpʋ́ɣʋ́ Tɑcɑɑ cɔwɑ Moisi sɩ: N kɑ́ nɑ́ ɩsǝnɑ mɑɑ lɑ Icipiti wulɑʋ tɔ. Toŋ kɛ mɑɑ lɑnɑ-ɩ nɑ ɩ́ yele-mɛ nɑ ɩ́ tɛɛ. Hɑlɩ ɩ mɑɣɑmɑɣɑ ɩ kɑ́ tɩɩ tɔɣɔnnɑ-mɛɣɛ ɩ tɛtʋ tɑɑ sɩ ɩ́ tɛɛ lɔŋ nɑ ɩ́ wɛsɩ-ɩ.
1662	EXO 6:6	Pǝ tɔɔ kɛ́ mɑ tʋ Moisi sɩ ɩ́ heeli-mɛ sɩ mɑɣɑlɛ Tɑcɑɑ. Mɑɑ cɛ-mɛɣɛ mǝ yomle nɑ mǝ wɑhɑlɑ tǝmɑ tɑɑ nɑ mɑ́ wɑɑsɩ-mɛ. Nɑ mɑ hɔ́ Icipiti nyǝ́mɑ ŋkpɑŋʋɣʋ nɑ mɑ toŋ sɔsɔɔŋ.
1686	EXO 6:30	Mpʋɣʋlɛ Moisi cɔ-ɩ sɩ: Icipiti wulɑʋ kɑɑ nɩɩnɑ-m. Mpi tɔ, mɑ tɑ nyɩ yɔɣɔtɑɣɑ kɛ pɑɑ pǝcɔ pǝcɔ.
1690	EXO 7:4	ɩ kɑɑ nɩɩnɑ-mɛ. Hɑlɩ wɑɑtʋ ɩnǝɣɩ mɑɑ nyǝŋsɩ Icipiti nyǝ́mɑ ɩsɛ kɛ teu kɛ ɩsǝnɑ pǝ wɛɛ tɔ. Ɩlɛnɑ mɑ́ lǝsɩ mɑ yǝlɑɑ Ɩsɛɣɛlɩ nyǝ́mɑ kɛ nɔɣɔ kʋlʋmɑɣɑ kɛ tɛtʋ tǝnɛ tǝ tɑɑ.
1703	EXO 7:17	Pǝ tɔɔ kɛ́ Tɑcɑɑ sɩ mɑ́ tɛlǝsɩ-ŋ sɩ n tɔmɑ sɩ n tɑ nyǝmɩ-ɩ tɔ pǝnɛntɑɑ kɛ́ n kɑ́ nyǝmɩ-ɩ. Kpɑ́tʋ́ɣʋ́ kʋnɛɣɛ mɑɑ mɑ Nili pɔɣɔ lʋm tɔɔ, ɩlɛnɑ Ɩsɔ yele nɑ pǝ tǝnɑ pǝ́ pǝsɩ cɑlǝm,
1736	EXO 8:21	Tǝnɑɣɑlɛ Icipiti wulɑʋ yɑɑ Moisi nɑ Alɔŋ nɑ ɩ́ tɔ-wɛ sɩ: Ɩ́ polo ɩ́ lɑ́ mǝ Ɩsɔ kɛ́ kɔtɑsɩ. Ɩlɛ Icipiti tɛtʋ tɑɑ kɛ́ pǝ wɛɛ sɩ ɩ́ lɑ-sɩ.
1739	EXO 8:24	Ntɛnɑ Icipiti wulɑʋ sɩ: Mɑɑ yele-mɛ nɑ ɩ́ polo. Ɩlɛ ɩ́ tɑɑ hɑtǝlɩ pooluŋ kɛ́. Aɑɩyee sɩ, ɩ́ sǝlǝmǝnɑ-m.
1747	EXO 9:4	Amɑ Tɑcɑɑ kɑ́ fɑɣɑsɩ Ɩsɛɣɛlɩ nyǝ́mɑ nyǝnɑ nɑ ɑ tɑɑ nɑtǝlɩ nyʋɣʋ kɑɑ holi-tɛ.
1749	EXO 9:6	Tɛʋ femɑ ɩlɛnɑ Tɑcɑɑ yele nɑ kʋsǝkʋ nɑŋ Icipiti nyǝ́mɑ tɔlɑ tǝnɑɣɑ kʋpɑmpǝlɛ ɩsɩɩ ɩ kɑ yɔɣɔtʋɣʋ tɔ. Amɑ Ɩsɛɣɛlɩ nyǝ́mɑ nyǝnɑ tɑɑ nɑtǝlɩ tǝ nyʋɣʋ tɑ holi-tɛ.
1762	EXO 9:19	Mpʋ tɔ, kpeɣeli nyɑ́ tɔlɑ nɑ ń cɔɔsɩ-yɛɣɛ tiili. Ye yǝlɑɑ nɑ tɔlɑ pɑ cɑɣɑ tɑɑlɛ kɛ yem nɑ pɑ tɑ cɔɔsɩ, tɔmpɛɛ kɑ́ kʋ-wɛ.
1774	EXO 9:31	Wɑɑtʋ wei tɔmpɛɛ kɔmɑ mpʋ tɔ ɑ sulinɑ pɑ tɛ́ kpoŋkpontu toŋ nyǝntʋ nti pɑ yɑɑ sɩ lɛŋ tɔ tǝ hɛtʋ tʋɣʋ, nɑ pɑ tɔɣɔnɑɣɑ pee nyǝŋkɑ tʋlʋɣʋ ntɛ́, nɑ ɑ́ wɑkǝlɩ-yɛ.
1799	EXO 10:21	Ḿpʋ́ɣʋ́ Tɑcɑɑ heelɑ Moisi sɩ: Kʋsɩ nyɑ́ kpɑ́tʋ́ɣʋ́ nɑ ɩsɔtɑɑ nɑ sǝkpɛtʋɣʋ tɑɑ sǝkpɛtʋɣʋ nyɑlɑ Icipiti tɛtʋ tǝnɑ tɑɑ. Hɑlǝnɑ yǝlɑɑ tokiɣinɑ-kʋ.
1806	EXO 10:28	Hɑlǝnɑ ɩ́ tɔɣɔnɩ Moisi kɛ kʋtɔɣɔnʋ sɩ ɩ́ lɩɩ ɩnɩ ɩ tɛ. Nɑ ɩ́ tɔmɩ-ɩ sɩ: Lɑ lɑɑkɑlɩ, ye pǝ cǝpɑ-ŋ nɑ ń tɑsɑ cǝnɛɣɛ mǝlʋɣʋ mɑɑ kʋ-ŋ.
1810	EXO 11:3	Ḿpʋ́ɣʋ́ Tɑcɑɑ lɑpɑ nɑ Ɩsɛɣɛlɩ nyǝ́mɑ kpɑɣɑ Icipiti nyǝ́mɑ nɑ nyʋɣʋ. Pǝ́cɔ́ pǝlɛ pǝ pɑɑsi, Moisi mɑɣɑmɑɣɑ nyʋɣʋ kɑ kʋlɑɑ kɛ́, nɑ Icipiti wulɑʋ tǝmlɛ nyǝ́mɑ nɑ Icipiti yǝlɑɑ tǝnɑ tʋkɑɣɑnɑ-ɩ.
1825	EXO 12:8	Pɑ wʋsǝɣɩ kpǝntɛ tǝnɑɣɑ. Pǝ kpɑɣɑʋ nyʋɣʋ nɑ nɔŋkpɑɑsɩ nɑ lotu tɔ. Pɑ́ tɑɑ tɔɣɔ-tɩ nɑ tǝ lɛŋ yɑɑ pɑ́ tǝsɩ-tɩ. Pɑ́ tɔɣɔ-tɩ nɑ potopotonɑɑ mpɑ pɑ tɑɑ kʋkʋsʋm fɛɩ tɔ, nɑ tuusi hɑtʋ nyɑŋ nyǝntʋ.
1833	EXO 12:16	Ɩ́ kɑ́ koti kʋyɑkʋ kɑncɑɑlɑɣɑ nyǝŋkʋ nɑ nɑɑtosompɔɣɔlɑɣɑ nyǝŋkʋ wule kɛ́ nɑ ɩ́ sɛɛ-m. Kʋyɑŋku tɔ, pǝ fɛɩ sɩ ɩ́ lɑ tǝmlɛ nɑtǝlɩ. Ye pǝ tɑɣɑ mǝ tɔɣɔnɑsɩ sɑɑʋ pɑɑsi.
1844	EXO 12:27	ɩ́ kɑ́ cɔ-wɛ sɩ: Tɑcɑɑ Tɛɛʋ ɑcimɑ kɔtɑɣɑ ntɛ́. Ɩsɛɣɛlɩ nyǝ́mɑ tɑ́, tɩɩ wɛʋ Icipiti tɑɑ tɔɣɔ kʋyɑkʋ nɑkʋlɩ Ɩsɔ cɔɔ pɑ tɛtʋ tɑɑ nɑ ɩ́ wɑkǝlɩ-wɛ. Amɑ ɩ tɛɛ tɑ́ tɔɔ nɑ ɩ́ wɑɑsɩ-tʋ. Ɩsɛɣɛlɩ nyǝ́mɑ nɩɩ mpʋ, ɩlɛnɑ pɑ́ luŋ nɑ pɑ́ sɛɛ Tɑcɑɑ.
1849	EXO 12:32	Pɑɑ mǝ tɔlɑ ɩ́ kpɑɣɑ pǝ tǝnɑ ɩsɩɩ ɩ́ kɑ yɔɣɔtʋɣʋ tɔ nɑ ɩ́ tɛɛ ɩ́ fɛɛ-m. Amɑ ɩ́ sǝlǝmɩ mǝ Ɩsɔ kɛ́ sɩ ɩ́ koolu-m kʋpɑntʋ.
1855	EXO 12:38	Pɑ lɩɩʋ mpʋ tɔ pǝ kpɛŋnɑ yǝlɑɑ mpɑ pɑ tɑ kɛ Ɩsɛɣɛlɩ nyǝ́mɑ tɔɣɔ tuutuumɑ kɛ́ nɑ pɑ́ tǝŋ-wɛ. Pǝ kɑɑsɩ heeŋ nɑ pǝ́ŋ nɑ nɑɑŋ kɑlǝkǝŋ tɑɑ fɛɩ nyǝnʋɣʋ.
1865	EXO 12:48	Ye ɩsɩɩ cɑɣɑlʋ nyɩɩlǝnɑ sɩ ɩ kɑ tɔɣɔ Tɑcɑɑ Tɛɛʋ ɑcimɑ ɑnɩ, pǝ wɛɛ kɛ́ sɩ pɑ́ pɛlɩ ɩ́ nɑ ɩ tǝyɑɣɑ tɑɑ ɑpɑlʋpiyɑ tǝnɑ nɑ pǝ́cɔ́. Ɩlɛ ɩ pǝsɑ ɩsɩɩ Ɩsɛɣɛlɩ tʋ ntɛ́, ɩ pǝsǝɣɩ nɑ ɩ́ tɔɣɔ-ɩ. Tɔfɔ ye pɑ tɑ pɛlɩ wei, pǝ fɛɩ sɩ ɩ́ kpǝtǝnɑ.
1870	EXO 13:2	Ɩsɛɣɛlɩ tɑɑ kɑncɑɑlɑɣɑ ɑpɑlʋpiyɑ tǝnɑ kɛ́ mɑ nyǝnsɩ kɛ́. Pǝ kpɑɣɑʋ yǝlɑɑ piyɑ nɑ pǝ́ polo tɔlɑ nyǝnsɩ tɔ, mɑ́ tǝnnɑ-sɩ. Ɩ́ nyǝnǝɣɩ-sǝɣɩ mɑ nyǝm.
1876	EXO 13:8	Ye ɩ́ kɔmɑ nɑ ɩ́ tɔkɩ ɑcimɑ ɑnɩ, ɩ́ kɛɛsɩ mǝ piyɑ sɩ mpi Tɑcɑɑ lɑpɑ-mɛɣɛ kʋyɑŋku ɩ́ lɩɩ Icipiti tɔ, pǝ tɔɔ kɛ́ ɩ́ tɔkɩ-yɛ.
1880	EXO 13:12	Ɩlɛ tɩɩ hɑ-ɩ ɑpɑlʋpiyɑ kɑncɑɑlɑɣɑ nyǝnsɩ tǝnɑ. Pɑɑ tɔlɑ kɑncɑɑlɑɣɑ piyɑ ɑpɑlʋ nyǝnsɩ tǝnɑ, ɩnɩ ɩ tǝnnɑ-sɩ.
2834	LEV 5:3	Ye ɩsɩɩ pǝ yʋkǝnɑ nɔɣɔlʋ, nɑ ɩ́ tokinɑ yʋlʋ ɑsilimɑ nɑɑlɩ, nɑ pǝ́ pilisi-ɩ. Ɩlɛnɑ ɩ́ kɔɔ ɩ́ cɛkǝnɑ, ɩ tɔm sǝpɑɣɑ.
2841	LEV 5:10	Pǝ wɑɑlɩ kɛ́ kɔtʋlʋ lɑkɩ kɔtɑɣɑ ŋkɑ kɔkɔ lusɑ kɑ tǝnɑ tɔɣɔ ɑlukuku nɑɑlɛ nyǝŋ, ɩsɩɩ pɑ sɩɩʋ tɔ. Ɩlɛnɑ ɩ́ lɑ́ pǝntʋlʋ kɛ ɩsɑɣɑtʋ hɩɩsʋɣʋ kɔtɑɣɑ, nɑ Ɩsɔ hɩɩsɩ-tɩ.
2854	LEV 5:23	Ye kʋyɑkʋ ŋku pǝ kulɑ ɩ wɑɑlɩ, pǝ wɛɛ sɩ ɩ́ mǝŋnɑ, yɑɑ ɩ́ fɛlɩ kpǝntɛ tʋ kɛ́. Hɑlǝnɑ ɩ́ sɔɔsɩ pɑɑ kɑkpɑsɩ wei ɩ tɔɔ kɛ́ kʋlʋm, nɑ ɩ́ kpɛntɩ nɑ ɩ́ cɛlɛ-ɩ.
2877	LEV 6:20	Ye yʋlʋ kɛ yem ɩ́ tokinɑɑ, ɩ lepɑ. Tǝ cɑlǝm ɩ yɑwɑ pʋʋɣʋ tɔɔ, lonte kʋlʋmtǝlɛ ńtɛ́ tǝ tɑɑ kɛ́ pɑɑ nyɑɑlɩ-wɩ.
2878	LEV 6:21	Ye cʋɣʋ tiipile tɑɑ kɛ́ pɑ tǝsɑ pǝ nɑntʋ, ye pɑ tɛmɑ pǝ wɛɛ sɩ pɑ́ yɔkɩ-tɛɣɛ. Amɑ ye nyǝɣǝlʋɣʋ kʋsɛɛmʋɣʋ nyǝntɛ tɑɑ, ɩlɛ pɑ́ nyɑɑlɩ-tɛɣɛ teu, nɑ pɑ́ kilisinɑ lʋm kɛ sɔsɔm.
2899	LEV 7:19	Ye pǝ nɑntʋ ɩ́ tokinɑ ɑsilimɑ pʋlʋpʋ, tǝ fɛɩ tɔɣɔʋ tɔtɔ. Kɔkɔ kɛ pɑɑ nyɑɣɑsɩ-tɩ. Pǝ wɛɛ sɩ mpɑ pɑ fɛɩnɑ ɑsilimɑ tɔ, pɑ tike pɑɑ tɔɣɔnɑ pǝ nɑntʋ.
2909	LEV 7:29	Tɛlǝsɩ Ɩsɛɣɛlɩ nyǝ́mɑ kɛ kʋsǝsɩɩtʋnɑɑ pɑnɛ sɩ: Ye yʋlʋ lɑpɑ nɔɣɔ kʋlʋmɑɣɑ kpɛntʋɣʋ kɔtɑɣɑ, pǝ wɛɛ sɩ, ɩ́ lǝsɩ Tɑcɑɑ pɑɑ tete kɛ́, nɑ ɩ́ cɛlɛ-ɩ.
2933	LEV 8:15	Ḿpʋ́ɣʋ́ Moisi lɛntɑ-ɩ, nɑ ɩ́ lii mpǝle kɛ ɩ cɑlǝm tɑɑ, nɑ ɩ́ nyɔtɔ Ɩsɔ kɔtɑɣɑ tǝlɑtɛ ŋkuluŋɑsɩ tɑɑ hǝlǝŋɑsɩ tɔɔ, nɑ pǝ́ tɑɣɑnɩ-tɛ. Ɩlɛnɑ ɩ́ pǝlɩ cɑlǝm kʋkɑɑsǝm kɛ kɔtɑɣɑ tǝlɑtɛ tɛɛ. Ɩsǝnɑ ɩ lɑpɑ nɑ kɔtɑɣɑ tǝlɑtɛ pǝsɩ Ɩsɔ nyǝntɛ nɑ pɑ́ lɑkǝnɑ-tɛɣɛ ɩsɑɣɑtʋ hɩɩsʋɣʋ kɔtɑsɩ tɔɣɔlɛ.
2991	LEV 10:13	Ɩsɔ lonte kɑtɛ nyǝntɛ tɑɑ kɛ́ ɩ́ kɑ́ tɔɣɔ-kɛ́. Tɑcɑɑ tɔɣɔnɑɣɑ kʋhɑʋ ŋku ɩ hɑ Alɔŋ nɑ ɩ piyɑ kɛ pɑ pɑɑ tete ɩsɩɩ ɩ kɑ heeluɣu-m tɔɣɔlɛ.
2998	LEV 10:20	Moisi nɩɩwɑ tɔm ntɩ, ɩlɛnɑ ɩ mʋ-tɩ.
3006	LEV 11:8	Pǝ wɛɛ sɩ ɩ́ nyǝnɩ tɔlɑ ɑnǝɣɩ ɑsilimɑ nyǝnɑ kɛ́. Ɩ́ tɑɑ tɔɣɔ-yɛ. Pǝ́cɔ́ ɩ́ tɑɑ tokinɑ ɑ kʋsǝpɛɛ kɛ tokinɑʋ mɑɣɑmɑɣɑ.
3031	LEV 11:33	Ye cʋɣʋ tiyɑɣɑ tɑɑ kɛ́ tǝ tɑɑ nɑkʋlɩ hotɑɑ. Tiyɑɣɑ nɑ kɑ tɑɑ nyǝm tǝnɑ, pǝsǝɣɩ ɑsilimɑ kɛ́. Pǝ wɛɛ sɩ pɑ yɔkɩ-kɛ.
3033	LEV 11:35	Pɑɑ mpi pǝ tɔɔ kɛ́ wontu tǝnɛ tǝ tɑɑ kʋsǝpʋɣʋ hotɑɑ, pɩɩ pǝsɩ ɑsilimɑ kɛ́. Ye pǝ kɛ́ potopotonɑɑ mǝsɑɣɑ, yɑɑ mǝsɑɣɑ kʋtǝsɑɣɑ tɑɑ kɛ kʋ hotɑɑ, pǝ wɛɛ sɩ pɑ́ yɔkɩ-kɛɣɛ. Mpi tɔ, pǝ kɛ-mɛɣɛ ɑsilimɑ kɛ́, nɑ ɩ́ kɑ́ nyǝnɩ-wǝɣɩ ɑsilimɑ.
3041	LEV 11:43	Ɩ́ tɑɑ pilisi mǝ tɩ nɑ nyɑmɑnyɑmɑnɑɑ mpɛ pɑ tǝnɑ. Ɩ́ tɑɑ tɛlǝsɩ mǝ tǝɣɩ pɑ ɑsilimɑ. Pǝyele ɩ́ tɑɑ yele nɑ pɑ ɑsilimɑ tɛɛ-mɛ.
3061	LEV 13:8	Ye ɩ́lɛ́ ɩ tɑsɑ-ɩ wiiluɣu nɑ ɩ́ nɑ́ sɩ tǝwɩɩlɛ wɑlɑɑ ɩlɛ ɩ hʋlɩ sɩ ɑsilimɑ kʋtɔŋ wɛnnɑ-ɩ. Ɩlɛ ɩ kɛ́ ɑsilimɑ tʋ ntɛ́.
3102	LEV 13:49	Ɩlɛnɑ tʋlʋŋɑsɩ nsɩ sɩ wɛ ɑtɔntɔɔtɛ tɑkɑ yɑɑ ɩsɛɛʋ, ɩlɛ pǝ wɛɛ sɩ kɔtʋlʋ ɩ́ wiili-sɩ.
3181	LEV 15:12	Ye cʋɣʋ wontuɣu kɛ kʋtɔntʋ ɩnɩ ɩ tokinɑɑ pǝ wɛɛ sɩ pɑ́ yɔkɩ-kʋɣʋ. Amɑ ye tʋɣʋ nyǝŋkʋ ɩlɛ pɑ nyɑɑlɩ-kʋɣʋ lʋm kɛ teu.
3609	NUM 1:4	Pɑɑ kpekǝle nte tǝ lʋlʋŋ nyʋɣʋ tʋ ɩ́ sɔɔsɩ mǝ tɔɔ nɑ pɑ́ sǝnɑ-mɛ.
3622	NUM 1:17	Ḿpʋ́ɣʋ́ Moisi nɑ Alɔŋ pɑ sɔɔsɑ ɑpɑlɑɑ nɑɑnʋwɑ nɑ nɑɑlɛ ɩnǝɣɩ pɑ tɔɔ sɩ pɑ́ sǝnɑ-wɛ.
3655	NUM 1:50	Amɑ ɩ́ yelinɑ-wɛɣɛ Ɩsɔ cokǝle nɑ tǝ tɑɑ wontu tǝnɑ nɑ pɑ́ pɑɑsǝɣǝnɑ. Mpɛ pɑɑ kpɑkǝɣǝnɑ cokǝle nɑ tǝ tɑɑ wontu nɑ pɑ́ lɑɣɑsǝɣɩ lonɑ, nɑ pɑ́ sikiɣi nɑ pɑ́ cɔɔkǝnɑ-tɛ.
3656	NUM 1:51	Ye Ɩsɛɣɛlɩ nyǝ́mɑ lɑɣɑsǝɣɩ lonte, Lefii nyǝ́mɑ mpɛ pɑɑ hɛtǝnɑ-tɛ, nɑ pɑ́ ponɑ timpi pɑɑ siki tɔ. Kpɑɩ tʋ ɩ́ kpǝtǝnɑɑ ɩsɩɩ pɑ kʋ-ɩ.
3699	NUM 3:6	Yɑɑ Lefii nyǝ́mɑ nɑ ń sɔɔsɩ-wɛɣɛ kɔtʋlʋ Alɔŋ tɔɔ, nɑ pɑ́ sǝnɑ-ɩ.
3703	NUM 3:10	Nɑ ń feŋ nɑ Alɔŋ nɑ ɩ pǝyɑlɑɑ pɑ tike pɑ́ lɑkɩ kɔtʋɣʋ tǝmlɛ. Ye wei ɩ́ sʋʋ pǝ tɑɑ, nɑ ɩ́ tɑ́ kɛ́ kɔtʋlʋ ɩsɩɩ pɑ kʋ-ɩ.
3731	NUM 3:38	Cokǝle ilim tǝlɩɩlɛ tɔɔ kɛ́ Moisi nɑ Alɔŋ nɑ ɩ pǝyɑlɑɑ pɑɑ sikɑɑ. Mpɛ pɑ pɑɑsɑɣɑnɑ cokǝle nɑ Ɩsɛɣɛlɩ nyǝ́mɑ tǝnɑ nɔɣɔ. Ye kpɑɩ tʋ ɩ kpǝtǝnɑɑ ɩsɩɩ pɑ kʋ-ɩ.
3771	NUM 4:27	Alɔŋ nɑ ɩ pǝyɑlɑɑ pɑ hʋlǝɣǝnɑ Kɛɛsɔŋ nyǝ́mɑ kɛ pɑ kʋlɑpǝm nɑ pɑ kʋkpɑɣɑm tǝnɑ nɑ pɑ pɑɑsǝɣǝnɑ-wɩ.
3795	NUM 5:2	Heeli Ɩsɛɣɛlɩ nyǝ́mɑ sɩ ye kʋtɔŋ ŋku kʋ pilisiɣi yʋlʋ tɔ kʋ kpɑ nɔɣɔlʋ yɑɑ pǝ wɩɩkɩ yʋlʋ ɑpɑlʋtʋ yɑɑ ɩ ɑlʋtʋ nɑ lʋm kpeŋnɑ-ɩ. Yɑɑ pʋntʋ tokinɑ sǝtʋ, pǝ wɛɛ sɩ pɑ́ lǝsɩ-ɩ tǝsikile kɛ́.
3806	NUM 5:13	Ɩsɩɩ ɩ́ nɑ ɑpɑlʋ nɔɣɔlʋ pɑ ŋmɛlǝɣɩ nɑ pɑ́ hǝntǝɣɩ. Ɩlɛ nɔɣɔlʋ tɑ kpǝlɩ-wɛ.
3850	NUM 6:26	Nɑ ɩ́ wɛɛ mǝ wɑɑlɩ nɑ pǝ́ cɑɣɑnɑ-mɛ.
3859	NUM 7:8	nɑ Melɑli nyǝ́mɑ kɛ kɛɛkɛnɑɑ liɣiti nɑ nɑɑŋ pǝlefɛɩ nɑɑnʋwɑ. Ɩ cɛlɑ-wɛɣɛ, nɑ ɩ́ kɛɛsǝnɑ pɑ tǝmɑ. Alɔŋ pǝyɑlʋ Ɩtɑmɑɑ pɑɑsǝɣǝnɑnɑ-wɛ.
3860	NUM 7:9	Kehɑtɩ nyǝ́mɑ nɑ́ pɑɑsɑɣɑnɑ kɔtɑɣɑ wontunɑɑ kɛ́. Ɩlɛ ɩ tɑ cɛlɑ-wɛɣɛ kɛɛkɛ, yɑɑ nɑʋ. Mpi tɔ, pɩɩ wɛɛ sɩ pɑ́ hɔɣɔlǝɣɩ-tǝɣɩ.
3861	NUM 7:10	Kʋyɑŋku pɑ fɛɛnɑɣɑ kɔtɑɣɑ tǝlɑtɛ, ɩlɛnɑ lʋlʋŋ nyɔɔŋ nyǝ́mɑ kɔnɑ tɔtɔɣɔ pɑ kʋcɔɔŋ sɩ pɑ tʋlǝɣǝnɑ-tɛ.
3940	NUM 7:89	Wɑɑtʋ wei Moisi sʋʋ cokǝle tɑɑ kɛ́ Ɩsɔ yɔɣɔtǝnɑʋ tɔ, ɩ nɩɩkɑɣɑ Ɩsɔ nɔɣɔ kɛ ɩsɔtɑɑ tɑŋlɑɑ mpɑ pɑ wɛ Ɩsɔ ɑtɑkɑɑ pile tɔɔ tɔ pɑ hɛkʋ kɛ́. Nɑ ɩ́ yɔɣɔtǝɣǝnɑ-ɩ.
3959	NUM 8:19	Nɑ sɑmɑɑ tilinɑ-wɛɣɛ Alɔŋ nɑ ɩ pǝyɑlɑɑ pɑ kiŋ nɑ pɑ́ lɑkɩ tǝmɑ nɑ pɑ nɔɣɔ kɛ cokǝle tɑɑ, nɑ Tɑcɑɑ hɩɩsɩ sɑmɑɑ ɩsɑɣɑtʋ. Pǝ́ tɑɑ kɔɔ nɑ pɑ́ kpǝtǝnɑ Ɩsɔ cokǝle nɑ ɩ́ wɑkǝlɩ-wɛ.
3962	NUM 8:22	Pǝ wɑɑlɩ kɛ́ Lefii nyǝ́mɑ cɑɑlɑ pɑ tǝmlɛ kɛ Ɩsɔ cokǝle tɑɑ. Nɑ Alɔŋ nɑ ɩ pǝyɑlɑɑ pɑ́ feŋiɣi-wɛ. Ɩsǝnɑ pɑ lɑpɑ nti Tɑcɑɑ kɑ heelɑ Moisi tɔɣɔlɛ.
3998	NUM 10:9	Ye ɩ polɑ mǝ kolontunɑɑ kɛ yoonɑʋ nɑ pɑ kʋlǝɣɩ mǝ tɔɔ, ɩlɛ ɩ́ hʋlɩ ɑkɑntɛɛ nɑ kɑkiisɑsɩ ɩlɛnɑ Tɑcɑɑ mǝ Ɩsɔ mɑ́, mɑ tɔɔsɩ mǝ tɔɔ nɑ mɑ́ wɑɑsɩ-mɛ.
4006	NUM 10:17	Ḿpʋ́ɣʋ́ pɑ hɛtɑ cokǝle, nɑ Kɛɛsɔŋ nɑ Melɑli pɑ pǝyɑlɑɑ kpɑɣɑ-tɛ.
4010	NUM 10:21	Ɩlɛnɑ Lefii tʋ Kehɑtɩ lʋlʋɣʋ nyǝ́mɑ mpɑ pɑ sǝɣǝlɑ ɩsɔ sɛɛʋ wontu tɔ pɑ́ tǝŋ. Nɑ Lefii nyǝ́mɑ lɛlɑɑ nɑ́ɑ́ tɔŋɑ cokǝle sikuɣu nɑ pɑ́ tɑŋɑ-wɛ.
4020	NUM 10:31	Mpʋɣʋlɛ Moisi sɩ: Tɑɑ lɔ-tʋ. Mpi tɔ, nyɑ́ nyǝmnɑ wʋlɑɣɑ tɛtʋ tɑɑ timpi timpi tɩɩ siki tɔ, tǝŋ-tʋ nɑ ń hʋlɩ-tʋ.
4026	NUM 11:1	Ḿpʋ́ɣʋ́ kʋyɑkʋ nɑkʋlɩ Ɩsɛɣɛlɩ nyǝ́mɑ kʋntǝnɑ Tɑcɑɑ, nɑ pɑ́ɑ́nɑ́ kpɑ-ɩ. Nɑ ɩ́ tisi kɔkɔ nɑ kɑ́ nyɑɣɑ tisikile kɛ pǝcɔ.
4037	NUM 11:12	Anɩ pǝ tɑɣɑ mɑ lʋlǝnɑ-wɛ. Nɑ ń tɔŋ sɩ mɑ́ nʋkɩ-wɛ ɩsɩɩ ɑsɔnʋɣʋ nɑ mɑ́ ponɑ-wɛɣɛ tɛtʋ nti n kɑ sɩɩ pɑ cɑɑnɑɑ kɛ nɔɣɔ nɑ tuunɑʋ sɩ, n kɑ́ hɑ-wɛ tɔ.
4039	NUM 11:14	Mɑ tike mɑ kɑɑ pǝsɩ pɑ sǝɣǝlɑ, ɑ tɛɛ-m.
4044	NUM 11:19	Pǝ tɑɣɑ kʋyɑkʋ kʋlʋmʋɣʋ yɑɑ nɑɑlɛ yɑɑ kɑkpɑsɩ yɑɑ nɑɑnʋwɑ tike kɛ ɩ́ kɑ́ tɔɣɔ-tɩ.
4047	NUM 11:22	Pɑɑ tǝ kʋwɑ tɑ nɑɑŋ, nɑ tɑ heeŋ, nɑ tɑ pǝ́ŋ tǝnɑ. Yɑɑ tǝ kpɑwɑ teŋku tɑɑ tiinɑ tǝnɑ pɩɩ hɑŋǝɣǝnɑ-wɛ.
4059	NUM 11:34	Ntɛnɑ pɑ́ hɑ lonte ntɛɣɛ hǝtɛ sɩ Kipǝloti-Tɑɑfɑ. Pǝ hʋwɛɛ ntɛ́ sɩ luluɣu pǝlɑɑʋ nɑ pɑ tɛ tɑɑ. Mpi tɔ, tǝnɑɣɑ pɑ pimɑ yǝlɑɑ mpɑ luluɣu kʋwɑ tɔ.
4062	NUM 12:2	Hɑlǝnɑ pɑ́ tɔ́ sɩ: Tɑcɑɑ yɔɣɔtǝɣǝnɑ tɑ́ tɔtɔɣɔ. Pǝ tɑɣɑ Moisi tike kɛ ɩ yɔɣɔtǝɣǝnɑ. Ɩlɛnɑ Ɩsɔ nɑ́ɑ́ nɩɩ-tɩ.
4097	NUM 13:21	Ḿpʋ́ɣʋ́ ɑpɑlɑɑ mpɛ pɑ tɛɛwɑ nɑ pɑ́ feŋ tɛtʋ kɛ pǝ kpɑɣɑʋ Siŋ wʋlɑɣɑ tɛtʋ, hɑlǝnɑ Lehopɩ, kɛ Lepo-Hɑmɑtɩ.
4118	NUM 14:9	Pǝ tɔɔ tɔ, ɩ́ tɑɑ kpɑ Tɑcɑɑ tɔɔ. Yɑɑ ɩ́ wɛɛnɑ tɛtʋ ntɩ tǝ yǝlɑɑ sɔɣɔntʋ. Pɑ tɩɩŋ kɑ́ lɔ-wɛɣɛ, nɑ tɑ́ɑ́ tǝlǝkɩ-wɛɣɛ tɔm kʋlʋm tɔɔ. Mpi tɔ, tɑ Ɩsɔ wɛ tɑ́ wɑɑlɩ kɛ́. Mpʋ tɔ, tǝ tɑɑ nyɑnɑ-wɛ.
4131	NUM 14:22	mǝ tɑɑ nɔɣɔlʋ kɑɑ sʋʋ tɛtʋ ntɩ tǝ tɑɑ. Pǝ tɑɣɑ pʋlʋ, ɩ́ nɑwɑ mɑ teeli nɑ mɑ tǝmɑ sɔsɔɔnɑ nnɑ mɑ lɑpɑ Icipiti nɑ wʋlɑɣɑ tɛtʋ tɑɑ cǝnɛ tɔ. Pɑɑ nɑ mpʋ ɩ́ tɔŋɑ-m mɑɣɑsʋɣʋ sɩ, ɩ́ nɑɑkɩ mɑ wɑɑlɩ. Pǝyele ɩ́ɩ́ nɩɩkǝnɑ-m. Pǝ tɔɔ kɛ́ mǝ tɑɑ nɔɣɔlʋ kɑɑ keesi tɛtʋ nti mɑɑ sɩɩwɑ sɩ mɑɑ hɑ mǝ cɑɑnɑɑ tɔ. Mpi tɔ, mǝ tǝnɑ ɩ́ lɔnɑ-m.
4136	NUM 14:27	Mɑ nɩɩwɑ Ɩsɛɣɛlɩ nyǝ́mɑ kʋntǝɣǝnɑ-m. Yǝlɑɑ kɑtɛ nyǝ́mɑ mɛ ɩ́ kɑɑ hɛɛsɩ pǝ lɑpʋ.
4152	NUM 14:43	Amɑleke nɑ Kɑnɑɑŋ yoolɑɑ ntɛ́ mǝ nɔɣɔ tɔɔ tǝnɑ. Pɛlɛ pɑɑ kpiisi-mɛɣɛ. Timpi ɩ kisɑ Tɑcɑɑ tɔ, ɩ́lɛ́ ɩ kɑɑ wɛɛ mǝ wɑɑlɩ.