| 23214 | MAT 1:1 | ሃዌ ዳዊታ ዛሪያኔ ኣብራሃሜ ዛሬ ጊዴዳ ዬሱሲ ኪሪስቶሳ ዬሌታ ኦዲያ ማፃፋ። |
| 23215 | MAT 1:2 | ኣብራሃሜ፥ ዪሳቃ ዬሌዳ፤ ዪሳቂ፥ ያዪቆባ ዬሌዳ፤ ያዪቆቢ፥ ዪሁዳኔ ኣ ኢሻቱዋ ዬሌዳ። |
| 23216 | MAT 1:3 | ዪሁዳይ ቲዒማሪፔ ፓሬሳኔ ዛራሃ ዬሌዳ፤ ፓሬሴ፥ ሄፂሮና ዬሌዳ፤ ሄፂሮኔ፥ ራማ ዬሌዳ። |
| 23217 | MAT 1:4 | ራሜ ኣሚናዳባ ዬሌዳ፤ ኣሚናዳቤ፥ ናዓሶና ዬሌዳ፤ ናዓሶኔ፥ ሴሊሞና ዬሌዳ። |
| 23218 | MAT 1:5 | ሴሊሞኔ፥ ራዓቦ ጌቴቲያ ሚሺራቲፔ ቦዔዛ ዬሌዳ፤ ቦዔዚ፥ ኡሩቶ ጌቴቲያ ሚሺራቲፔ ኢዮቤዳ ዬሌዳ፤ ኢዮቤዴ፥ ኢሴይ ዬሌዳ። |
| 23219 | MAT 1:6 | ኢሴይ ካቲያ ዳዊታ ዬሌዳ። ካቲያ ዳዊቴ፥ ኦሪያ ማቻቲፔ ሶሎሞና ዬሌዳ። |
| 23220 | MAT 1:7 | ሶሎሞኔ፥ ሮቢዓማ ዬሌዳ፤ ሮቢዓሜ፥ ኣቢያ ዬሌዳ፤ ኣቢያይ፥ ኣሳፋ ዬሌዳ። |
| 23221 | MAT 1:8 | ኣሳፌ፥ ዮሳፌፃ ዬሌዳ፤ ዮሳፌፄ፥ ኢዮራማ ዬሌዳ፤ ኢዮራሜ፥ ኦዚያና ዬሌዳ። |
| 23222 | MAT 1:9 | ኦዚያኔ፥ ኢዮዓታማ ዬሌዳ፤ ኢዮዓታሜ፥ ኣካዛ ዬሌዳ፤ ኣካዜ፥ ሂዝቂያሳ ዬሌዳ። |
| 23223 | MAT 1:10 | ሂዝቂያሴ ሚናሳ ዬሌዳ፤ ሚናሴ፥ ኣሞፃ ዬሌዳ፤ ኣሞፄ፥ ኢዮሲያሳ ዬሌዳ። |
| 23224 | MAT 1:11 | ኢስራዔሊያ ኣሳይ ኦሞዴቲዴ፥ ባቢሎኔ ጋዲያ ቤዳ ዎዴ፥ ኢዮሲያሴ ኢኮኒያናኔ ኣ ኢሻቱዋ ዬሌዳ። |
| 23225 | MAT 1:12 | ባቢሎኔ ኦሞዱዋፔ ጉዪያን፥ ኢኮኒያናኔ ሳላቲያላ ዬሌዳ፤ ሳላቲያሌ፥ ዜሩባቤላ ዬሌዳ። |
| 23226 | MAT 1:13 | ዜሩባቤሊ፥ ኣቢዩዳ ዬሌዳ፤ ኣቢዩዴ፥ ኤሊያቄማ ዬሌዳ፤ ኤሊያቄሚ፥ ኣዞራ ዬሌዳ። |
| 23227 | MAT 1:14 | ኣዞሬ ሳዶቃ ዬሌዳ፤ ሳዶቄ፥ ኣኪማ ዬሌዳ፤ ኣኪሜ ኤሊዩዳ ዬሌዳ። |
| 23228 | MAT 1:15 | ኤሊዩዴ፥ ኣሊዓዛራ ዬሌዳ፤ ኣሊዓዛሬ፥ ማታና ዬሌዳ፤ ማታኔ፥ ያዪቆባ ዬሌዳ። |
| 23229 | MAT 1:16 | ያዪቆቤ፥ ኪሪስቶሳ ጌቴቲያ ዬሱሳ ዬሌዳ ማይራሞ ኦቼዳ ዮሴፋ ዬሌዳ። |
| 23230 | MAT 1:17 | ሲሚ ዬሌታይ ኡባይ ኣብራሃሞፔ ዳዊታ ጋካናው ታማኔ ኦይዱ ዬሌታ፤ ዳዊቴፔ ዶሚዴ፥ ኣሳይ ባቢሎኔ ጋዲያ ኦሞዴቲዴ ቤዳ ዎዲያ ጋካናው ታማኔ ኦይዱ ዬሌታ፤ ኣሳይ ባቢሎኔ ጋዲያ ኦሞዴቲዴ ቤዳ ዎዲያፔ ኪሪስቶሲ ዬሌቴዳ ዎዲያ ጋካናው ታማኔ ኦይዱ ዬሌታ። |
| 23231 | MAT 1:18 | ዬሱሲ ኪሪስቶሳ ዬሌታይ ሃዋ ማላ፤ ኣ ዳያ ማይራማ ዮሴፎ ኦሼታ ቃሼታ ኡታዱ። ሄ ዎዴ ዮሴፎና ጋኬቴናን ዴዓዴ፥ ጌሻ ኣያናን ሻሃራዱ። |
| 23232 | MAT 1:19 | ኢዞ ጊጊሲ ዎዳ ዮሴፎ ፂሎ ኣሳ ጊዴዳ ዲራው፥ ኢዞ ካዉሻናው ኮዪቤና፤ ኢባ ቆንጪሴናን ኢዞ ኣጋናው ቆፔዳ። |
| 23233 | MAT 1:20 | ሺን ኢ ሄዋ ቆፒሺን፥ ጎዳ ኪታንቻይ ኣኩሙዋን ኣናና ጋኬቲዴ፥ «ዳዊቴ ናዓ ዮሴፎ፥ ማይራማ ጌሻ ኣያናን ሻሃሬዳ ዲራው ኢዞ ኣካናው ያዮፓ። |
| 23234 | MAT 1:21 | ኢዛ ኣቱማ ናዓ ዬላናዉኑ፤ ኔኒካ፥ ኢ ኣሳ ናጋራፔ ኣሺያ ዲራው ኣ ሱን ዬሱሳ ጋዴ ፄሳናሳ» ያጌዳ። |
| 23235 | MAT 1:22 | ቃሲ ጎዳይ ናቢያ ባጋና፥ «ዎዶራታ ሻሃራናዉኑ፤ ናዓካ ዬላናዉኑ፤ ኣ ሱንይካ ኣማኔላ ጌቴታናዋ» ያጌዳዌ ፖሌታና ማላ፥ ሃዌ ኡባይ ሃኔዳ፤ «ኣማኔላ» ያጊያዌ፥ «ፆሳይ ኑናና ዴዔ» ያጊያዋ። |
| 23237 | MAT 1:24 | ዮሴፎ ጌሚዒሹዋፔ ቤጎቲዴ፥ ጎዳ ኪታንቻይ ባሬና ኣዛዞዋዳን፥ ማይራሞ ባሬ ጎሌ ኣፌዳ። |
| 23238 | MAT 1:25 | ሺን ናዓይ ዬሌታና ጋካናው ዮሴፎ ኢዚኮ ሺቂቤና፤ ቃሲ ናዓካ ዬሱሳ ጊዴ ሱንዳ። |
| 23239 | MAT 2:1 | ዬሱሲ ዪሁዳ ጋዲያን ቤቴሊሄሜ ጌቴቲያ ካታማን ሄሮዲሴ ካዉቲዴ ዴዒያ ዎዴ ዬሌቴዳ፤ ሄዋፔ ጉዪያን፥ ፆሊንቲያ ፓይዲያ ኣሳይ ኣዋይፊ ዶሊያ ባጋፔ ዬሩሳላሜ ዪዴ፥ |
| 23240 | MAT 2:2 | «ኣዪሁዳ ካቲያ ጊዳናው ዬሌቴዳ ናዓይ ሃቃን ዴዒ? ኑኒ ኣዋይፊ ዶሊያ ባጋና ኬሴዳ ኣ ፆሊንቲያ ቤዒዴ፥ ኣው ጎዪናናው ዬዶ» ያጊዴ ኦቼዲኖ። |
| 23241 | MAT 2:3 | ካቲያ ሄሮዲሴ፥ ሄዋ ሲሲዴ ዳጋሜዳ፤ ዬሩሳላሜን ዴዒያ ኣሳይ ኡባይካ ዎዛና ባዬዲኖ። |
| 23242 | MAT 2:4 | ሄሮዲሴ ቄሳቱዋ ካፓቱዋ ኡባቱዋኔ ሙሴ ሂጊያ ታማሪሲያዋንታ ፄሲዴ፥ «ኪሪስቶሲ ሃቃን ዬሌታንዴሻ?» ያጊዴ ኦቼዳ። |
| 23243 | MAT 2:5 | ኡንቱንቱ ዛሪዴ፥ «ዪሁዳ ጋዲያን ቤቴሊሄሜ ካታማን ዬሌታናዋ። ናቢ፥ ‹ዪሁዳ ጋዲያን ዴዒያ ቤቴሊሄሜ፥ ኔኒ ዪሁዳ ጋዲያን ዴዒያ ዎሊቃማ ካታማቱዋፔ ላፋካ። ኢስራዔሊያ ሞዲያዌ ኔፔ ኬሳናዋ› ጊዴ ፃፌዳ» ያጌዲኖ። |
| 23245 | MAT 2:7 | ሄዋፔ ካላ፥ ሄሮዲሴ ኣዋይፊ ዶሊያ ባጋፔ ዬዳ ኣሳቱዋ ጌማን ፄሲዴ፥ ፆሊንቲ ኡንቱንቶ ቤቴዳ ዎዲያ ኡንቱንቱፔ ጌሺዴ ኤሬዳ። |
| 23246 | MAT 2:8 | ያቲዴ ቤቴሊሄሜ ኡንቱንታ ዬዲዴ፥ «ቢዴ ናዓ ሎይ ኮዪቴ፤ ኣ ዴሜዳ ዎዴ ታኒካ ባዴ ኣው ጎዪናናዳን፥ ታናካ ኤሪሲቴ» ያጌዳ። |
| 23247 | MAT 2:9 | ኡንቱንቱ ካቲ ጌዳዋ ሲሲ ቢዴ ኦጊያን ኣዋይፊ ዶሊያ ባጋና ኡንቱንቱ ካሴ ቤዔዳ ፆሊንቲያ ቤዔዲኖ፤ ናዓይ ዴዒያሳ ጋኪዴ ኤቃና ጋካናው፥ ፆሊንቲ ኡንቱንታ ካሌዳ። |
| 23248 | MAT 2:10 | ኡንቱንቱ ሄ ፆሊንቲያ ቤዔዳ ዎዴ፥ ዛዋይ ባይና ዳሮ ናሼቻ ናሼቴዲኖ። |
| 23249 | MAT 2:11 | ጎሌ ጌሊዴ፥ ናዓይ ባሬ ዳዪ ማይራሚና ዴዒያዋ ቤዔዲኖ፤ ጉልባቲዴ ኣው ጎዪኔዲኖ፤ ሄዋፔ ካላ፥ ባሬንቱ ሳፂኒያ ዶዪዴ፥ ዎርቃ፥ ኢፃናኔ ካዋራ ኣው ኢሞታ ሺሼዲኖ። |
| 23250 | MAT 2:12 | ኡንቱንቱ ሄሮዲሳኮ ሲሜና ማላ፥ ፆሳይ ኣኩሙዋን ኡንቱንታ፥ «ሂንቴና ኤሪቴ» ጊና ሃራ ኦጊያና ባሬንቱ ጋዴ ሲሜዲኖ። |
| 23251 | MAT 2:13 | ኡንቱንቱ ቤዳዋፔ ጉዪያን፥ ጎዳ ኪታንቻይ ኣኩሙዋን ዮሴፎ ቤቲዴ፥ «ሄሮዲሴ ናዓ ዎናው ኮዪያ ዲራው፥ ዴንዳዴ ናዓኔ ኣ ዳዮ ኣካዴ ጊብፄ ጋዲያ ቤታ፤ ታኒ ኔው ኦዳና ጋካናው፥ ያኒ ዴዓሻ» ያጌዳ። |
| 23252 | MAT 2:14 | ዮሴፎ ቃማ ዴንዲዴ፥ ናዓኔ ኣ ዳዮ ኣኪዴ፥ ጊብፄ ጋዲያ ቤዳ፤ ጎዳይ ናቢያ ባጋና፥ «ታኒ ታ ናዓ ጊብፄ ጋዲያፔ ፄሳዲ» ያጌዳዌ ፖሌታና ማላ፥ ሄሮዲሴ ሃይቃና ጋካናው ኢ ያኒ ዴዔዳ። |
| 23254 | MAT 2:16 | ሄዋፔ ጉዪያን፥ ሄሮዲሴ ኣዋይፊ ዶሊያ ባጋፔ ዬዳዋንቱ ባሬና ጪሜዳዋ ኤሬዳ ዎዴ፥ ዳሮ ሃንቄቲዴ፥ ፆሊንቲ ካሴ ቤቴዳ ዎዲያ ኡንቱንቱፔ ሲሴዳዋዳን፥ ዎታዳራቱዋ ዬዲዴ፥ ቤቴሊሄሜኒኔ ዩሹዋን ዴዒያ ላዑ ላይ ኣቱማ ናናኔ ላዑ ላይፔ ጋርሳና ዴዒያ ኣቱማ ናና ኡባ ዎሴዳ። |
| 23255 | MAT 2:17 | ናቢያ ኤርሚያሲ፥ «ዬኩኔ ዚላሳይ ራማ ጌቴቲያ ካታማን ሲሴቴዳ፤ ራሄላ ባሬ ናናው ዬካው። ኡንቱንቱ ሃይቂዲጎ ዲራው፥ ኣጋ ጊና፥ ኣጌናን ኢፃዱ» ጊዴ ኦዴዳዌ ፖሌቴዳ። |
| 23257 | MAT 2:19 | ሄሮዲሴ ሃይቄዳዋፔ ጉዪያን፥ ጎዳ ኪታንቻይ ጊብፄን ዮሴፎ ኣኩሙዋን ቤቲዴ |
| 23258 | MAT 2:20 | ኣ፥ «ዴንዳ፤ ናዓኔ ኣ ዳዮ ኣካዴ፥ ኢስራዔሊያ ጋዲያ ሲማ። ናዓ ዎናው ኮዪያዋንቱ ሃይቂዲጌዲኖ» ያጌዳ። |
| 23259 | MAT 2:21 | ዮሴፎ ዴንዲዴ፥ ናዓኔ ኣ ዳዮ ኣኪዴ፥ ኢስራዔሊያ ሲሜዳ። |
| 23260 | MAT 2:22 | ሺን ዮሴፎ ኣርኬላዎሲ ባሬ ኣዉዋ ሄሮዲሳ ኦይዲያን ዪሁዳ ጋዲያን ካዉቴዳዋ ሲሴዳ ዎዴ፥ ያ ባናው ያዬዳ፤ ፆሳይ ኣው ኣኩሙዋን ሂንቴና ኤሪቴ ጊና፥ ጋሊላ ጋዲያ ቤዳ። |
| 23261 | MAT 2:23 | ናባቱ፥ «ኣሳይ ኣ፥ ‹ናዚሬቲያ ኣሳ› ጊዴ ፄሳና» ያጌዳዌ ፖሌታና ማላ፥ ናዚሬቴ ጌቴቲያ ካታማ ቢዴ ዴዔዳ። |
| 23262 | MAT 3:1 | ሄ ዎዴ ፃማቂያ ዮሃኒሲ ኣሳ፥ «ሳሉዋ ካዉቴይ ማታቴዳ ዲራው፥ ሂንቴ ናጋራፔ ሲሚቴ» ያጊዴ፥ ዪሁዳ ሜላ ቢታን ኦዲዴ ዬዳ። |
| 23264 | MAT 3:3 | ኣዪሲ ጎፔ፥ ናቢያ ኢሲያሴ፥ ዮሃኒሳባ ኦዲዴ፥ «ኢቱ ሜላ ቢታን ባሬ ቃላ ቁ ኡዲዴ፥ ‹ጎዳ ኦጊያ ጊጊሲቴ። ኢ ሄሜታና ሎሱዋካ ኣው ሲቲ ኡዲቴ› ጌዳ» ያጌዳ። |
| 23265 | MAT 3:4 | ዮሃኒሳው ጋሉዋ ኢስኪያን ዳዴቴዳ ማዩ ዴዔ፤ ቃሲ ባሬ ፄሳን ዳፉዋ ዳንጬዳ፤ ኢ ሚያ ቁማይካ ቦሊያኔ ባዙዋ ኤሳ። |
| 23266 | MAT 3:5 | ኣሳይ ሄ ዎዴ ዬሩሳላሜፔ፥ ዪሁዳ ጋዲያ ኡባ ሳፔኔ ዮርዳኖሳ ሻፋ ሄራን ዴዒያ ጋዲያ ኡባፔ ኣኮ ዪኖ። |
| 23267 | MAT 3:6 | ባሬንቱ ናጋራ ፓፂና፥ ዮርዳኖሳ ሻፋን ኣሳ ፃማቄዳ። |
| 23268 | MAT 3:7 | ሺን ዮሃኒሲ ዳሮ ፓሪሳዋቱኔ ሳዱቃዋናቱ ፃማቄታናው ባሬኮ ዪያዋንታ ቤዒዴ፥ «ሃ ሾሻቶ፥ ፆሳ ሃንቁ ያና ሃኒያዋፔ ኣታና ማላ፥ ሂንቴው ኦኔ ኦዴዳዌ? |
| 23269 | MAT 3:8 | ሲሚ ሂንቴ፥ ሂንቴንቱ ናጋራፔ ሲሜዳዋ ኤሪሲያ ኦሱዋ፥ ኦቴ። |
| 23270 | MAT 3:9 | ሂንቴ ሂንቴንቱ ዎዛናን፥ ‹ኣብራሃሜ ኑ ኣባ› ጊዴ ቆፒያዋ ሂንቴው ማላቶፖ። ኣዪሲ ጎፔ፥ ታኒ ሂንቴንቱሲ ኦዳይ፤ ፆሳይ ሃ ሹቻቱዋፔ ኣብራሃሞሲ ናና ኡዲ ዴንናው ዳንዳዬ። |
| 23271 | MAT 3:10 | ቤፂ ሚ ፃጱዋን ቃንፃናው ጊጊ ኡቴዳ፤ ሎዖ ኣይፊያ ኣይፌና ሚ ኡባይ ቃንፄቲዴ፥ ታማን ዬጌታና። |
| 23272 | MAT 3:11 | «ሂንቴ ሂንቴንቱ ናጋራፔ ሲሚያዋ ቤሳናው፥ ታኒ ሂንቴና ሃን ፃማቃይ፤ ሺን ታፔ ጉዬና ዪያዌ፥ ሂንቴንታ ጌሻ ኣያናኒኔ ታማን ፃማቃና። ኢ ታፔ ዳሮ ሚኔ፤ ኣ ጫማ ቶካናዉካ ታኒ ቤሲያ ኣሳ ጊዲኬ። |
| 23273 | MAT 3:12 | ኣ ኩሺያን ካ ሴፂያ ላይዳይ ዴዔ። ኡዱማን ዴዒያ ካ ሎይ ጌሼ፤ ባሬ ዛርጋ ዲዪያን ቆላና፤ ሺን ዳላ ቶዔና ታማን ጉዳና» ያጌዳ። |
| 23274 | MAT 3:13 | ዬሱሲ ሄ ዎዴ ዮሃኒሳን ፃማቄታናው፥ ጋሊላፔ ዮርዳኖሳ ጌቴቲያ ሻፋ ኣኮ ቤዳ። |
| 23275 | MAT 3:14 | ሺን ዮሃኒሲ፥ «ታኒ ኔናን ፃማቄታናው ቤሲያ ዎዴ፥ ኔኒ ታኮ ያይ?» ያጊዴ፥ ኣ ዲጋናው ኮዬዳ። |
| 23276 | MAT 3:15 | ሺን ዬሱሲ ዛሪዴ ኣ፥ «ኑኒ ፂሎቴ ኦሱዋ ኡባ ሃዋዳን ፖላናው ቤሲያ ዲራው፥ ሃዒ ታው ኤኖ ጋ» ያጌዳ። ዮሃኒሲካ ኣው ኤኖ ጌዳ። |
| 23277 | MAT 3:16 | ዬሱሲ ፃማቄቶዋፔ ጉዪያን፥ ኤሌካ ሃፔ ኬሴዳ፤ ሳሉ ዶዬቲና፥ ፆሳ ኣያናይ ሃራጲያዳን ሳሉዋፔ ዎዴ ባሬ ቦላ ዪያ ዎዴ ቤዔዳ፤ |
| 23278 | MAT 3:17 | ቃሲ ሳሉዋፔ፥ «ታኒ ሲቂያ፥ ታና ናሼቺያ፥ ታ ናዓይ ሃዋ» ያጊያ ቃላይ ዬዳ። |
| 23279 | MAT 4:1 | ሄዋፔ ጉዪያን፥ ፃላሂያን ፓጬታና ማላ፥ ጌሻ ኣያናይ ኣሳይ ዴዔና ሳዓ ዬሱሳ ኣፌዳ። |
| 23280 | MAT 4:2 | ዬሱሲ ኦይታሙ ጋላሳኔ ኦይታሙ ቃማ ፆሞዋፔ ጉዪያን ኮሻቴዳ። |
| 23281 | MAT 4:3 | ፃላሂ ዪዴ ኣ፥ «ኔኒ ፆሳ ናዓ ጊዶፔ፥ ኣኔ ሃ ሹቻቱዋ ኡኪ ጊዳና ማላ ጋ» ያጌዳ። |
| 23282 | MAT 4:4 | ሺን ዬሱሲ ዛሪዴ፥ «ፆሳ ማፃፋን፥ ‹ኣሳይ ፆሳይ ሃሳዪያ ቃላ ኡባን ዴዓናፔ ኣቲን፥ ኡኪ ፃላላን ዴዔና› ያጌቲ ፃፌቴዳ» ያጌዳ። |
| 23283 | MAT 4:5 | ሄዋፔ ጉዪያን፥ ፃላሂ ዬሱሳ ጌሻ ካታማ ኣፊ ጌሻ ጎሊያ ፄራን ኤሲዴ፥ |
| 23284 | MAT 4:6 | «ኔኒ ፆሳ ናዓ ጊዶፔ፥ ኣኔ ዱጌ ኩንዳ። ኣዪሲ ጎፔ፥ ፆሳ ማፃፋን፥ ‹ፆሳይ ባሬ ኪታንቻቱዋ ኔው ኣዛዛናዋ› ቃሲ ‹ኡንቱንቱ ኔ ጌዲ ሹቻን ቤቴና ማላ፥ ባሬንቱ ኩሺያን ኔና ዴንናዋንታ› ያጌቲ ፃፌቴዳ» ያጌዳ። |
| 23285 | MAT 4:7 | ዬሱሲ ዛሪዴ ኣ፥ «ቃሲካ ፆሳ ማፃፋን፥ ‹ጎዳ ኔ ፆሳ ፓጮፓ› ያጌቲ ፃፌቴዳ» ያጌዳ። |
| 23286 | MAT 4:8 | ቃሲ ፃላሂ ዬሱሳ ኢቲ ዳሮ ዎልቃማ ዴሪያ ፄራ ኬሲዴ፥ ሃ ኣላሚያን ዴዒያ ካዉቴ ኡባኔ ኡንቱንቱ ቦንቹዋ |
| 23287 | MAT 4:9 | ቤሲዴ ኣ፥ «ኔኒ ታው ጉልባታዴ ጎዪኖፔ፥ ታኒ ሃዋ ኡባ ኔው ኢማና» ያጌዳ። |
| 23288 | MAT 4:10 | ሄ ዎዴ ዬሱሲ ዛሪዴ ኣ፥ «ላ ሃ ሴፃናው ሃካ፤ ኣዪሲ ጎፔ፥ ፆሳ ማፃፋን፥ ‹ጎዳው፥ ኔ ፆሳው ጎዪና፤ ኣ ፃላላ ጎሼታ› ጌቴቲ ፃፌቴዳ» ያጌዳ። |
| 23289 | MAT 4:11 | ሄዋፔ ጉዪያን፥ ፃላሂ ዬሱሳ ኣጊና፥ ኪታንቻቱ ዪዴ፥ ኣው ኦዲኖ። |
| 23290 | MAT 4:12 | ዮሃኒሲ ቃሼቴዳዋ ዬሱሲ ሲሴዳ ዎዴ፥ ጋሊላ ጌቴቲያ ጋዲያ ቤዳ። |
| 23291 | MAT 4:13 | ናዚሬቴፔ ኬሲዴ፥ ቂፊሪናሆማ ካታማ ቢዴ፥ ያኒ ዴዔዳ፤ ቂፊሪናሆሚ ዛቢሎናኒኔ ኒፍታሌሜ ጋዲያን ዴዒያ ጋሊላ ኣባ ማታን ዴዔ። |
| 23292 | MAT 4:14 | ሃዌ ሃኔዳዌ ናቢያ ኢሲያሲ፥ |
| 23293 | MAT 4:15 | «ዛቢሎኔ ጋዲያኒኔ ኒፍታሌሜ ጋዲያን፥ ኣባ ኦጊያን ዮርዳኖሳ ሻፋፔ ሄፊን ባጋን፥ ኣዪሁዳ ጊዴና ኣሳይ ዴዒያ ጋሊላን፥ |
| 23294 | MAT 4:16 | ማኒ ዴዒያ ኣሳይ ዎልቃማ ፖዑዋ ቤዔዳ። ቃሲ ሃይቁዋ ኩዋይ ዴዒያ ጋዲያን ኡቴዳዋንቶ ፖዑ ኬሴዳ» ያጌዳዌ ፖሌታና ማላሳ። |
| 23295 | MAT 4:17 | ሄ ዎዲያፔ ዶሚዴ ዬሱሲ፥ «ሂንቴ ናጋራ ፓፂቴ፤ ኣዪሲ ጎፔ፥ ሳሉዋ ካዉቴይ ማታቴዳ ዲራሳ» ጊዴ ቃላ ኦዱዋ ዶሜዳ። |
| 23296 | MAT 4:18 | ዬሱሲ ጋሊላ ኣባ ማታና ኣዴ፥ ላዑ ኢሻቱ ጴፂሮሳ ጌቴቲያ ሲሞኒኔ ኣ ኢሻ ኢንዲራሲ፥ ሞሊያ ኦይቂያዋንታ ጊዶ ዲራው፥ ዳባ ኣባን ዬጊያዋንታ ቤዔዳ። |
| 23297 | MAT 4:19 | ኡንቱንታ፥ «ታና ካሊቴ፤ ታኒ ሂንቴና ሞሊያ ኦይቂያዋዳን ኣሳ ታኮ ኣሂያ ኦጊያ ታማሪሳና» ያጌዳ። |
| 23298 | MAT 4:20 | ኡንቱንቱ ኤሌካ ባሬንቱ ዳባ ኣጊዴ፥ ዬሱሳ ካሌዲኖ። |
| 23299 | MAT 4:21 | ዬሱሲ ሄዋፔ ሲንኮ ቢዴ፥ ሃራ ላዑ ኢሻቱዋ፥ ዛቢዲዮሳ ናና ያዪቆባኔ ኣ ኢሻ ዮሃኒሳ ቤዔዳ፤ ኡንቱንቱ ባሬንቱ ኣዉዋ ዛቢዲዮሳና ሃ ቦላን ቢያ ዎንጊሪያ ጊዶን ባሬንቱ ዳባ ጊጊሲያዋንታ ቤዒዴ፥ ፄሴዳ። |
| 23300 | MAT 4:22 | ኡንቱንቱ ኤሌካ ሃን ቢያ ዎንጊሪያኔ ባሬንቱ ኣዉዋ ኣጊዴ፥ ዬሱሳ ካሌዲኖ። |
| 23301 | MAT 4:23 | ዬሱሲ ኣዪሁዳ ዎሳ ጎሌቱዋን ታማሪሲዴ፥ ካዉቴ ሚሺራቹዋ ቃላ ኦዲዲኔ ቃሲ ሃርጊያ ኡባፔኔ ሳኩዋ ኡባፔ ኣሳ ፓዴ፥ ጋሊላ ጋዲያ ኡባን ዩዬዳ። |
| 23302 | MAT 4:24 | ኣ ዋሪ ሶሪያ ጋዲያ ኡባ ጋኬዳ፤ ዱማ ዱማ ሃርጊያን ኦይቄቲዴ ሃርጌዳ ኣሳ ኡባ፥ ፃላሃቱዋን ኦይቄቴዳዋንታ፥ ዪጩዋ ሳኩ ዴዒያዋንታ፥ ቃሲ ጉንዴድዳዋንታ ኣሳይ ዬሱሳኮ ኣሄዳ፤ ኢ ኡንቱንታ ፓዳ። |
| 23303 | MAT 4:25 | ጮራ ኣሳይ ጋሊላፔ፥ ታሙ ካታማቱዋፔ፥ ዬሩሳላሜፔ፥ ዪሁዳፔኔ ዮርዳኖሳፔ ሄፊንን ዴዒያ ጋዲያፔ ዬሱሳ ካሌዲኖ። |
| 23304 | MAT 5:1 | ዬሱሲ ጮራ ኣሳ ቤዒዴ፥ ፑዴ ዴሪያ ኬሲዴ ኡቴዳ። ኣ ካሊያዋንቱ ኣኮ ሺቄዲኖ። |
| 23305 | MAT 5:2 | ኡንቱንታ ሃዋዳን ያጊ ታማሪሱዋ ዶሜዳ። |
| 23306 | MAT 5:3 | «ባሬንቱ ኣያና ዴዑዋን ሂዬሳ ጊዴዳዋ ኤሪያዋንቱ ኣንጄቴዳዋንታ፤ ኣዪሲ ጎፔ፥ ሳሉዋ ካዉቴይ ኡንቱንቱሳ። |
| 23307 | MAT 5:4 | ካዮቲያዋንቱ ኣንጄቴዳዋንታ፤ ኣዪሲ ጎፔ፥ ፆሳይ ኡንቱንታ ሚኒሳና። |
| 23308 | MAT 5:5 | ኣሺኬ ጊዴዳዋንቱ ኣንጄቴዳዋንታ፤ ኣዪሲ ጎፔ፥ ኡንቱንቱ ሳዓ ላታና። |
| 23309 | MAT 5:6 | ፂሎቴ ኮሻቲያዋንቱኔ ሳሜቲያዋንቱ ኣንጄቴዳዋንታ፤ ኣዪሲ ጎፔ፥ ፆሳይ ኡንቱንታ ካሊሳና። |
| 23310 | MAT 5:7 | ማሪያዋንቱ ኣንጄቴዳዋንታ፤ ኣዪሲ ጎፔ፥ ፆሳይ ኡንቱንታ ማራና። |
| 23311 | MAT 5:8 | ዎዛና ጌሻቱ ኣንጄቴዳዋንታ፤ ኣዪሲ ጎፔ፥ ኡንቱንቱ ፆሳ ቤዓና። |
| 23312 | MAT 5:9 | ኣሳ ሲጌያዋንቱ ኣንጄቴዳዋንታ፤ ኣዪሲ ጎፔ፥ ፆሳይ ኡንቱንታ፥ ባሬ ናና ጊዴ ፄሳና። |
| 23313 | MAT 5:10 | ፂሎቴ ዲራው ዬዴርሴቲያዋንቱ ኣንጄቴዳዋንታ፤ ኣዪሲ ጎፔ፥ ሳሉዋ ካዉቴይ ኡንቱንቱሳ። |
| 23314 | MAT 5:11 | «ሂንቴ ታና ካሊያ ዲራው፥ ኣሳይ ሂንቴና ቦሪያ ዎዴኔ ዋዪሲያ ዎዴ፥ ቃሲ ሂንቴ ቦላ ኢታባ ኡባ ዎርዱዋን ሃሳዪያ ዎዴ፥ ሂንቴ ኣንጄቴዳዋንታ። |
| 23315 | MAT 5:12 | ሂንቴው ሳሉዋን ዎልቃማ ዎይታይ ዴዒያ ዲራው፥ ናሼቲቴ፤ ሃሹ ጊቴ፤ ኣዪሲ ጎፔ፥ ኣሳይ ሂንቴፔ ካሴ ዴዔዳ ናባቱዋ ሄዋዳን ዬዴርሴዲኖ። |
| 23316 | MAT 5:13 | «ኣሳ ኡባሲ ሂንቴ ማፂኔ ማላ፤ ሺን ማፂኒ ማልዓና ዮፔ፥ ዛሪዴ ኣ ዎቲ ማልዔኔ? ካሬ ኦሊና፥ ኣሳይ ኣ ዬ ሃሜታናፔ ኣቲን፥ ሲንው ኣይኔ ማዴና። |
| 23317 | MAT 5:14 | «ሃ ኣላሜው ሂንቴ ፖዖ፤ ዴሪያ ሁጲያን ኬፄቴዳ ካታማይ ጌማና ዳንዳዬና። |
| 23318 | MAT 5:15 | ፆምፒያ ፆምፒዴ፥ ሶዪን ዴዒያ ኣሳ ኡባው ፖዓና ማላ፥ ቂያ ሳን ዎፔ ኣቲን፥ ካሚያ ሚሻ ጊዶን ቁምዒ ዎያ ኣሳይ ኦኒኔ ባዋ። |