| 23347 | MAT 5:44 | ሺን ታኒ ሂንቴው ያጋይ፤ ሳሉዋን ዴዒያ ሂንቴ ኣዉዋሲ ናና ጊዳና ማላ፥ ሂንቴ ሞርኬቱዋ ሲቂቴ፤ ሂንቴና ሼቂያዋንታ ኣንጂቴ፤ ሂንቴና ኢፂያዋንቶ ሎዖባ ኡዲቴ፤ ሂንቴና ዬዴርሲያዋንቶ፥ ፆሳ ዎሲቴ፤ ኣዪሲ ጎፔ፥ ኢታ ኣሳዉካ ሎዖ ኣሳዉካ ፆሳይ ባሬ ኣዋ ኣዋፂሴ፤ ቃሲ ፂላቱዋሲካ ናጋራንቻቱዋሲካ ባሬ ኢራ ቡኪሴ። |
| 23354 | MAT 6:3 | ሺን ኔኒ ሂዬሳው ኢሚያ ዎዴ፥ ጌማን ኢማናዳን፥ ኔ ኡሼቻ ኩሺ ኦያዋ ሃዲርሳ ኩሺ ኤሮፖ። ጌማን ኦዳዋ ቤዒያ ኔ ኣቡ፥ ኔ ሎዖ ኦሱዋ ጋቲያ ዛራናዋ። |
| 23357 | MAT 6:6 | ሺን ኔኒ ፆሳ ዎሲያ ዎዴ፥ ኔ ጎሌ ጌላ፤ ኢፒ ቃቻዴ፥ ቤቴና ኔ ኣዉዋ ዎሳ፤ ጌማን ኦሴቶዋ ቤዒያ ኔ ኣቡ ኔው ኢማናዋ። |
| 23359 | MAT 6:8 | ሄዋ ዲራው፥ ሄ ኣሳዳን ሃኖፒቴ፤ ኣዪሲ ጎፔ፥ ሂንቴ ኣቡ ሂንቴና ኮሺያዋ ሂንቴንቱ ዎሳናፔ ካሴቲዴ ኤሬ። |
| 23367 | MAT 6:16 | «ቃሲ ሂንቴንቱ ፆሚያ ዎዴ፥ ሎዓ ማላቲያ ኢታቱዋዳን፥ ካዮቲያዋ ማላቶፒቴ፤ ኣዪሲ ጎፔ፥ ኡንቱንቱ ፆሚያዋ ኣሳይ ቤዓና ማላ፥ ባሬንቱ ሶምዒያ ቡላሊሲኖ፤ ታኒ ሂንቴንቶ ቱሙዋ ኦዳይ፤ ኡንቱንቱ ባሬንቱ ጋቲያ ኣኬዲኖ። |
| 23368 | MAT 6:17 | «ሺን ሂንቴንቱ ፆሚያ ዎዴ፥ ሂንቴንቱ ኣቡ ሂንቴ ፆሚያዋ ኤሮፔ ኣቲን፥ ኣሳይ ኤሬና ማላ፥ ሂንቴ ሶምዒያ ሜጬቲቴ፤ ሂንቴ ሁጲያካ ኦኬቲቴ፤ ያቶፔ፥ ቤቴና ሂንቴ ኣዉ ሂንቴንቱ ኦያዋ ጌማን ቤዒዴ፥ ሂንቴ ጋቲያ ኢማናዋ። |
| 23379 | MAT 6:28 | «ኣዪሲ ማዩዋሲ ሂርጊቴ? ዴምባን ዴዒያ ጪሻቱ ዎቲ ዲጪኖንቶ፥ ኣኬኪ ፄሊቴ፤ ኡንቱንቱ ዳቡሪኪኖ ዎይ ፑቱዋ ሱቂኪኖ። |
| 23406 | MAT 7:21 | «ሳሉዋን ዴዒያ ታ ኣቡ ጌዳዋ ኦያ ኡራይ ሳሉዋ ካዉቴ ጌላናፔ ኣቲን፥ ‹ጎዳው፥ ጎዳው› ጊያ ኡባይ ጌሌና። |
| 23410 | MAT 7:25 | ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጌዳ። ሺን ጎሊ ሚኖ ዛላ ቦላ ኬፄቴዳ ዲራው፥ ኩንዲቤና። |
| 23412 | MAT 7:27 | ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጊና፥ ጎሊ ኤሌካ ኩንዴዳ። ሄ ጎሊ ዎልቃማ ኩንዴ ኩንዴዳ።» |
| 23430 | MAT 8:16 | ሳዓይ ኦማርሴዳ ዎዴ፥ ኣሳይ ኢታ ኣያናቱ ኦይቄዳ ጮራ ኣሳ ዬሱሳኮ ኣሄዳ፤ ናቢያ ኢሲያሲ፥ «ኢ ኑ ዳቡራ ባሬው ኣኬዳ፤ ቃሲ ኑ ሃርጊያካ ቶኬዳ» ያጌዳዌ ፖሌታና ማላ፥ ዬሱሲ ኢታ ኣያናቱዋ ባሬ ቃላን ኬሲዴ፥ ሃርጌዳ ኣሳ ኡባካ ፓዳ። |
| 23463 | MAT 9:15 | ዬሱሲ ኡንቱንታ፥ «ቡላቻ ዬዳ ኣሳይ ማቻቶ ኣኪያዌ ባሬንቱና ዴዒሺን፥ ካዮታናው ዳንዳዪኖ? ዳንዳዪኪኖ፤ ሺን ማቻቶ ኣኪያዋ ኡንቱንቱ ማታፔ ኣፋና ዎዲ ያና፤ ኡንቱንቱ ሄ ዎዴ ፆማናዋንታ» ያጌዳ። |
| 23511 | MAT 10:25 | ታማሪያዌ ባሬና ታማሪሲያዋ ኬና ጊዲያዌ፥ ቆማይካ ባሬ ጎዳ ኬና ጊዲያዌ ኣው ጊዳና፤ ኡንቱንቱ ጎሌ ጎዳ ቢዔል-ዜቡላ ጊዴ ፄሶፔ፥ ኣ ጎሌ ኣሳ ዋጊ ፄሳኔሻ! |
| 23518 | MAT 10:32 | «ሄዋ ዲራው፥ ኣሳ ሲንን ታባ ማርካቲያ ኦሲ ጊዶፔኔ፥ ታኒካ ሳሉዋን ዴዒያ ታ ኣቡ ሲንን ማርካታና፤ |
| 23519 | MAT 10:33 | ሺን ኣሳ ሲንን ታና ካዲያ ኦናኔ ታኒካ ቃሲ ሳሉዋን ዴዒያ ታ ኣቡ ሲንን ኣ ካዳና። |
| 23521 | MAT 10:35 | ኣዪሲ ጎፔ፥ ታኒ ናዓ ኣ ኣቡፔ፥ ናቶ ኢዚ ዳዪፔ፥ ናዓ ማቻቶካ ኢዚ ቦሎታቲፔ ሻካናው ያዲ፤ |
| 23528 | MAT 10:42 | ኦኒኔ ሃ ታና ካሊያዋንቱፔ ጉፂያ ኢቶ፥ ሃራይ ኣቶ ቡሊያ ሃ ፃላላ ኡሻናው ኢሞፔካ፥ ታኒ ሂንቴንቶ ቱሙዋ ጋይ፤ ኢ ባሬ ጋቲያ ኣካና» ያጌዳ። |
| 23555 | MAT 11:27 | «ታ ኣቡ ታው ኡባባ ኢሜዳ፤ ኣዉዋፔ ሃራይ ናዓ ኤሬና፤ ናዓፔኔ ናዓይ ኣዉዋ ቆንጪሳናው ኮዪያ ኣሳፔ ኣቲን፥ ሃራይ ኣዉዋ ኤሬና። |
| 23556 | MAT 11:28 | «ዳቡራንቻቶ፥ ዴፁዋ ቶኮዋንቶ ኡባቶ፥ ታኮ ሃ ዪቴ፤ ታኒ ሂንቴንታ ሼምፒሳና። |
| 23582 | MAT 12:24 | ሺን ፓሪሳዋቱ ሄዋ ሲሲዴ፥ «ሃ ቢታኒ ኢታ ኣያናቱዋ ካፑ ‹ቢዔል-ዜቡሊ› ባሬው ዎልቃ ኢሚና፥ ፃላሃቱዋ ኬሴ» ያጌዲኖ። |
| 23585 | MAT 12:27 | ታው ቢዔል-ዜቡሊ ዎልቃ ኢሚና፥ ታኒ ፃላሃቱዋ ኬሲያዋ ጊዶፔ፥ ሂንቴንቱ ኣሳው ዎልቃ ኦኒ ኢሚና ፃላሃቱዋ ኬሳኔ? ሄዋ ዲራው፥ ኡንቱንቱ ሂንቴ ቦላ ፒርዳና። |
| 23608 | MAT 12:50 | ኣዪሲ ጎፔ፥ ሳሉዋን ዴዒያ ታ ኣቡ ሼኒያ ኦያ ኡባይ፥ ታ ኢሻ፥ ታ ሚቻቶኔ ታ ዳዮ» ያጌዳ። |
| 23651 | MAT 13:43 | ሄ ዎዴ ፂላቱ ባሬንቱ ኣቡ ካዉቴን ኣዋዳን ፖዓና። ሲሲያ ሃይይ ዴዒያ ኡራይ ሲሶ! |
| 23695 | MAT 14:29 | ዬሱሲ ጴፂሮሳ፥ «ሃያ!» ያጌዳ። ጴፂሮሲ ዎንጊሪያፔ ዎዴ፥ ሃ ቦላና ሃሜቲዴ፥ ዬሱሳኮ ቡሳ ዶሜዳ። |
| 23715 | MAT 15:13 | ሺን ዬሱሲ ዛሪዴ፥ «ሳሉዋን ዴዒያ ታ ኣቡ ቶኪቤና ሚ ኡባይ ሾዴታናዋ። |
| 23734 | MAT 15:32 | ዬሱሲ ባሬና ካሊያዋንታ ባሬኮ ፄሲዴ፥ «ሃ ጮራ ኣሳይ ታናና ሄዙ ጋላሳይ ጋካናው ጋሚዔዳ ዲራው፥ ታኒ ሃ ኣሳው ቃሬታይ፤ ኡንቱንቶ ሃዒ ሚያዌ ባዋ። ቃሲ ኡንቱንቱ ኦጊያን ዳቡሪዴ ኩንዴና ማላ፥ ቁማ ሚዜናን ኡንቱንታ ሜላ ዬዳናዉካ ኮዪኬ» ያጌዳ። |
| 23744 | MAT 16:3 | ዎንቱማን ቃሲ፥ ‹ሳሉ ዞዒዴ ጉባኔዳ ዲራው፥ ሃቼ ኢራይ ቡካናዋ› ያጊታ፤ ሳሉዋ ፄሊዴ፥ ሳዓይ ሃናናዋ ኤራናው ዳንዳዪታ፤ ሺን ታ ዩሳ ዎዲያ ማላታ ሻኪ ኤራናው ዳንዳይኪቴ? |
| 23758 | MAT 16:17 | ዬሱሲ ዛሪዴ፥ ሃዋዳን ያጌዳ፤ «ዮና ናዓ ሲሞና፥ ሃዋ ኔው ሳሉዋን ዴዒያ ታ ኣቡ ኤሪሴዳዋፔ ኣቲን፥ ኣሳይ ኦኒኔ ኔና ኤሪሲቤና ዲራው፥ ኔኒ ኣንጄቴዳዋ። |
| 23768 | MAT 16:27 | ኣዪሲ ጎፔ፥ ታኒ፥ ኣሳ ናዓይ፥ ታ ኣቡ ቦንቹዋን ታ ኪታንቻቱዋና ያና ሃናይ፤ ኣሳ ኡባው ሄ ዎዴ ኣ ኦሱዋ ጋቲያ ኢማና። |
| 23803 | MAT 18:7 | «ኣላሚ ኣሳ ቢያ ዲራው፥ ሳዓው ኣዬሮ፤ ኣዪሲ ጎፔ፥ ቢያባይ ዩሳ ኣጌና፤ ሺን ቡ ኣ ጋሶታን ዪያ ኡራው ኣዬሮ። |
| 23806 | MAT 18:10 | «ሂንቴንቱ ሃ ጉቱዋፔ ኢቱዋኔ ካና ማላ፥ ሂንቴንታ ናጊቴ፤ ኣዪሲ ጎፔ፥ ታኒ ሂንቴንቶ ኦዳይ፤ ሳሉዋን ኡንቱንቱ ኪታንቻቱ ኡባ ዎዴ፥ ሳሉዋን ዴዒያ ታ ኣቡ ሲንን ዴዒኖ። |
| 23810 | MAT 18:14 | ሄዋዳንካ፥ ሳሉዋን ዴዒያ ሂንቴንቱ ኣቡ ሃ ጉቱዋፔ ኢቱ ባያናዋካ ኮዬና። |
| 23815 | MAT 18:19 | «ቃሲካ ታኒ ሂንቴንቶ ኦዳይ፤ ሂንቴፔ ላዑ ኡራይ ሳዓን ፆሳ ዎሲያዋን ኣይ ዬዉዋኒኔ ኢቲ ዎዛና ጊዶፔ፥ ሳሉዋን ዴዒያ ታ ኣቡ ሄዋ ሂንቴንቶ ኢማና። |
| 23831 | MAT 18:35 | «ሂንቴንቱ ሁጲያን ሁጲያን ሂንቴንቱ ኢሻው ዎዛናፔ ኣቶ ጋና ዮፔ፥ ሄ ጎዳይ ባሬ ቆማ ኦዳዋዳን፥ ሳሉዋን ዴዒያ ታ ኣቡካ ሂንቴንታ ሄዋዳን ኦና» ያጌዳ። |
| 23872 | MAT 20:11 | ሄዋፔ ጉዪያን፥ ‹ሃ ጉዬፔ ዬዳዋንቱ ኢቲ ሳቲያ ፃላላ ኦዲኖ፤ ኩሜን ጋላሳ ዳቡሪዴ ጫዎቴዳ ኑዋና ኡንቱንቱ ኦሱዋ ዲርጉዋ ቃራ ኦዳ› ያጊዴ ባሬንታ ኦሱዋን ጌሊሴዳዋ ቦላ ዙዙሜዲኖ። |
| 23884 | MAT 20:23 | ዬሱሲ፥ «ታና ጋኪያ ዎሊቃማ ሜቱዋ ቱማካ ሂንቴንቱ ሜቶታኒታ፤ ሺን ታፔ ኡሼቻ ባጋናኔ ሃዲርሳ ባጋና ኡታናዋንታ ዶራናው ታው ማታይ ባዋ፤ ሺን ሄ ሳዓይ ታ ኣቡ ኢማናው ጊጊሲ ዎዳዋንቱሳ» ያጌዳ። |
| 23944 | MAT 22:3 | ሄ ካቲ ቡላቻው ኦዲ ዎዳ ኣሳቱዋ ፄሳናው ባሬ ቆማቱዋ ኪቴዳ፤ ሺን ኣሳቱ ያናው ኮዪቤይኪኖ። |
| 23945 | MAT 22:4 | «ቃሲ ሃራ ቆማቱዋ፥ ‹ፄሴቴዳዋንታ፥ «ታኒ ቁማ ጊጊሳዲ፤ ታ ሳንጋቱኔ ታ ሞ ሚያቱ ሹኬቴዲኖ፤ ኡባባይካ ማኬቴዳ። ቡላቻ ሃ ዪቴ» ያጊቴ› ያጊዴ ኪቴዳ። |
| 23949 | MAT 22:8 | ሄዋፔ ጉዪያን፥ ባሬ ቆማቱዋ፥ ‹ቡላቻይ ማኬቴዳ፤ ሺን ፄሴቴዳዋንቱ ቡላቻው ቤሲያ ኣሳ ጊዲኪኖ። |
| 23950 | MAT 22:9 | ሄዋ ዲራው፥ ዎጋ ቃ ቢዴ፥ ሂንቴንቱ ዴሜዳ ኣሳ ኡባ ቡላቻው ፄሲቴ› ያጌዳ። |
| 23951 | MAT 22:10 | ሄ ቆማቱ ቃ ቢዴ፥ ባሬንቱ ዴሜዳ ኣሳ ኡባ ሎዑዋ ኢታ ሺሺዴ፥ ቡላቻ ዳሲያ ኩንዲኖ። |
| 23952 | MAT 22:11 | «ሺን ካቲ ቁማ ማናው ኡቴዳ ኣሳ ቤዓናው ጌሌዳ ዎዴ፥ ቡላቻ ማዩዋ ማዪቤና ኢቲ ቢታኒያ ሄዋን ቤዒዴ፥ |
| 23953 | MAT 22:12 | ‹ታ ላጌው፥ ቡላቻ ማዩዋ ማዬናን ዋናዴ ሃዋ ጌላዲ?› ያጊና ቢታኒ ጮዑ ጌዳ። |
| 24083 | MAT 25:6 | «ቢላሄ ጊዴዳ ዎዴ፥ ‹ቤዒቴ፥ ማቻቶ ኣኪያዌ ጋኬዳ፤ ኣ ሞካናው ካሬ ኬሲቴ› ያጊያ ዎልቃማ ጫቡ ዴንዴዳ። |
| 24087 | MAT 25:10 | ሄዋፔ ጉዬ ቦዛ ዎዶራቱ ላምባ ሻማናው ቢዲጊና፥ ማቻቶ ኣኪያዌ ፑቱ ጊና፥ ጊጊ ኡቴዳ ኢቼሹ ዎዶራቱ ኣናና ኢቲፔ ቡላቻ ጎሊያ ጌሌዲኖ፤ ኢፒይካ ጎርዴቲ ኣጌዳ። |
| 24111 | MAT 25:34 | «ሄዋፔ ጉዪያን፥ ታኒ ካቲ ታፔ ኡሼቻ ባጋና ዴዒያዋንታ ሃዋዳን ያጋና፤ ‹ታ ኣቡ ኣንጄዳዋንቶ፥ ሃ ዪዴ ሳዓይ ሜቶዴፔ ሃቼ ጋካናው፥ ሂንቴንቶ ጊጌዳ ካዉቴ ላቲቴ። |
| 24140 | MAT 26:17 | ባላ ዳቡዋ ሚያ ጋላሳ ቦንቺያ ኮይሮ ጋላሲ፥ ዬሱሳ ካሊያዋንቱ ኣኮ ዪዴ፥ «ፓሲጋ ቦንቺያ ጋላሲ ኔኒ ማና ቁማ ሃቃን ጊጊሳኔ?» ያጌዲኖ። |
| 24149 | MAT 26:26 | ኡንቱንቱ ሚሺን፥ ዬሱሲ ዳቡዋ ኣኪዴ፥ ፆሳ ጋላቴዳ፤ ሄ ዳቡዋ ሜንሬዴ፥ ባሬና ካሊያዋንቱሲ ኢሚዴ፥ «ሄይቴ፤ ሚቴ፤ ሃዌ ታ ኣሹዋ» ያጌዳ። |
| 24152 | MAT 26:29 | ሺን ታኒ ሂንቴንቶ ኦዳይ፤ ታኒ ታ ኣቡ ካዉቴን ኦራ ዎዪኒያ ኤሳ ሂንቴንቱና ኡሻና ጋላሳይ ጋካናው፥ ላዔዋ ሃ ዎዪኒያ ኤሳ ኡባካ ኡሺኬ» ያጌዳ። |
| 24164 | MAT 26:41 | ፓጪያን ሂንቴንቱ ጌሌና ማላ፥ ሚኒቴኔ ፆሳ ዎሲቴ፤ ኣያናይ ጊጊ ኡቴዳ፤ ሺን ኣሳቴ ኤሻይ ዳቡራንቻ» ያጌዳ። |
| 24176 | MAT 26:53 | ታ ኣቡ ዳሮ ሻዓ ኪታንቻቱዋ ኢቲ ኩን ዬዲዴ፥ ታና ማዳና ማላ፥ ታኒ ኣ ዎሳናው ዳንዳዪያዋ ኤሪኪ? |
| 24310 | MRK 1:26 | ኢታ ኣያናይ ቢታኒያ ቡጬሬ፥ ዳሪ ዋሲሲዴ፥ ኣፔ ኬሲ ኣጌዳ። |
| 24348 | MRK 2:19 | ዬሱሲ ኡንቱንታ «ቡላቻ ዬዳ ኣሳቱ ማቻቶ ኣኪያዌ ባሬንቱና ዴዒሺን፥ ፆማናው ዳንዳዪኖ? ማቻቶ ኣኪያዌ ኡንቱንቱና ዴዒሺን፥ ፆማናው ዳንዳይኪኖ። |
| 24379 | MRK 3:22 | ሂጊያ ታማሪሲያ ኢቲ ኢቲ ኣሳቱ ዬሩሳላሜፔ ዪዴ፥ «ዬሱሳ ቦላ ቢዔል-ዜቡል ዴዔ» ያጌዲኖ፤ ቃሲ፥ «ፃላሃቱዋ ካፑ ባሬው ዎልቃ ኢሚና፥ ኢታ ኣያናቱዋ ኬሴ» ያጊዴ ሃሴዬዲኖ። |
| 24468 | MRK 5:35 | ዬሱሲ ቢሮ ሄዋ ጊሺን፥ ኣዪሁዳ ዎሳ ጎሊያ ካፑዋ ሶዪፔ ኪቴቴዳ ኣሳቱ ዪዴ፥ «ኔ ናታ ሃይቃዲጋዱ፤ ሲሚ ታማርሲያዋ ኣዪሲ ዳቡርሳይ?» ያጌዲኖ። |
| 24514 | MRK 6:38 | ዬሱሲ ኡንቱንታ፥ «ሂንቴንቶ ኣፑን ዳቡ ዴዒ? ቢዴ ቤዒቴ» ያጌዳ። ኡንቱንቱ ቤዒዴ፥ «ኢቼሹ ዳቡዋኔ ላዑ ሞሊያ» ያጌዲኖ። |
| 24517 | MRK 6:41 | ዬሱሲ ኢቼሹ ዳቡዋኔ ላዑ ሞሊያ ኦይቂዴ፥ ፑዴ ሳሉዋ ፄሊዴ፥ ፆሳ ጋላቴዳ፤ ዳቦቱዋ ሜንዴ ኣሳው ጊሻና ማላ፥ ባሬና ካሊያዋንቱሲ ኢሜዳ፤ ቃሲ ላዑ ሞሊያካ ኡንቱንቱ ኡባው ሻኬዳ። |
| 24520 | MRK 6:44 | ዳቡዋ ሜዳ ኣቱማ ኣሳይ ኢቼሹ ሻዓ። |
| 24572 | MRK 8:3 | ታኒ ኡንቱንታ ኮሻና ሶይ ዬዶፔ፥ ቢዴ ኦጊያን ዳቡሪዴ ኩንዳና፤ ኣዪሲ ጎፔ፥ ኢቱ ኢቱ ሃኮሳፔ ዬዳ» ያጌዳ። |
| 24574 | MRK 8:5 | ዬሱሲ ኡንቱንታ፥ «ሂንቴንቶ ኣፑን ዳቡ ዴዒ?» ያጊዴ ኦቼዳ። ኡንቱንቱ፥ «ላፑ ዳቡ ዴዔ» ያጌዲኖ። |
| 24575 | MRK 8:6 | ዬሱሲ ኣሳ፥ «ሳዓን ኡቲቴ» ያጊዴ ኣዛዜዳ፤ ቃሲ ላፑ ዳቡዋ ኣኪዴ፥ ፆሳ ጋላቴዳ፤ ሄ ዳቡዋ ሜንዴ፥ ኣሳው ጊሻና ማላ፥ ባሬና ካሊያዋንቶ ኢሜዳ። ዬሱሳ ካሊያዋንቱ ሄ ጮራ ኣሳሲ ጊሼዲኖ። |
| 24586 | MRK 8:17 | ዬሱሲ ኡንቱንቱ ጊያዋ ኤሪዴ፥ «ሂንቴንቶ ዳቡ ባዪናዋ ኣዪሲ ሃሳዪቴ? ሃዒ ጋካናው ሂንቴው ጌሌኔ? ዎይ ኣኬኪኪቴ? ሂንቴ ዎዛናይ ጆሌዴ? |
| 24588 | MRK 8:19 | ታኒ ኢቼሹ ዳቡዋ ኢቼሹ ሻዓ ኣሳው ሜን ኢሜዳ ዎዴ፥ ኣፑን ዛምቤሊያ ኩሜዳ ዶካ ዴንዲቴ?» ያጌዳ። ኡንቱንቱ፥ «ታማኔ ላዑ ዛምቤሊያ ኩሜዳ ዶካ ዴንዶ» ያጌዲኖ። |
| 24589 | MRK 8:20 | «ታኒ ቃሲካ ላፑ ዳቡዋ ኦይዱ ሻዓ ኣሳው ሜንዴ ኢሜዳ ዎዴ፥ ኣፑን ዛምቤሊያ ኩሜዳ ዶካ ዴንዲቴ?» ያጌዳ። ኡንቱንቱ፥ «ላፑ ዛምቤሊያ ኩሜዳ ዶካ ዴንዶ» ያጌዲኖ። |
| 24628 | MRK 9:21 | ዬሱሲ ሄ ናዓ ኣዉዋ፥ «ሃዌ ኔ ናዓ ኦይቆዴፔ ዎይሳ ዎዴ ጊዳኔ?» ያጊዴ ኦቼዳ። ናዓ ኣቡ፥ «ኢ ናዓቴን ዴዒያ ዎዲያፔ ዶሜዳ። |
| 24631 | MRK 9:24 | ኤሌካ ናዓ ኣቡ ባሬ ኮሻ ቁ ኦዴ፥ «ታኒ ኣማናይ፤ ሺን ጉጃ ኣማናናዳን፥ ታና ማዳሪኪ» ያጌዳ። |
| 24648 | MRK 9:41 | ታኒ ሂንቴንቶ ቱሙዋ ኦዳይ፤ ሂንቴ ታዋንታ ኪሪስቶሳዋንታ ጊዲያ ዲራው፥ ኦኒኔ ሂንቴንቶ ታ ሱንን ቡሊያ ሃ ኡሻናው ኢሞፔካ፥ ባሬ ጋቲያ ኣካናዋ። |
| 24768 | MRK 12:26 | ሺን ሃይቄዳዋንቱ ዴንዱዋባ ጊዶፔ፥ ሙሴ ማፃፋን ፃፌቴዳ ፃራጋይ ሚያ ቡራባ ኦዲያ ሳዓን፥ ፆሳይ ሙሳ፥ ‹ታኒ ኣብራሃሜ ፆሳ፥ ዪሳቃ ፆሳ፥ ያዪቆባ ፆሳ› ጊዲያዋ ኡባካ ናባቢቤይኪቴ? |
| 24843 | MRK 14:20 | ዬሱሲ ዛሪዴ፥ «ኢ ሃ ሂንቴንቱ ታማኔ ላዓቱዋፔ ኢቱዋ፤ ኢ ታናና ኢቲፔ ቱሻናው ባሬ ዳቡዋ ሻታን ዬዲያዋ። |
| 24845 | MRK 14:22 | ኡንቱንቱ ሚሺን፥ ዬሱሲ ዳቡዋ ኣኪዴ፥ ፆሳ ጋላቴዳ፤ ሄ ዳቡዋ ሜንዴ፥ ባሬና ካሊያዋንቶ ኢሚዴ፥ «ሄይቴ፤ ሃዌ ታ ኣሹዋ» ያጌዳ። |
| 24861 | MRK 14:38 | ፓጪያን ሂንቴ ጌሌና ማላ፥ ናጌቲቴኔ ፆሳ ዎሲቴ፤ ኣያናይ ጊጊ ኡቴዳ፤ ሺን ኣሹ ዳቡራንቻ» ያጌዳ። |
| 24994 | LUK 1:32 | ኢካ ዳራ ጊዳናዋ፤ ኡባፔ ቃ ፆሳ ናዓ ጌቴታና፤ ጎዳ ፆሳይ ኣ ኣቡ ዳዊታ ካዉቴ ኦይዲያ ኣው ኢማናዋ። |
| 25025 | LUK 1:63 | ኣ ኣቡካ ፃፊያባ ኦቺ ኣኪዴ፥ «ናዓ ሱንይ ዮሃኒሳ» ጊዴ ፃፊና፥ ኡባቱካ ዬዉዋን ማላሌቴዲኖ። |
| 25029 | LUK 1:67 | ዮሃኒሳ ኣቡ ዛካራሲ ኣያና ጌሻን ኩሚዴ ቲምቢቲያ ያጊ ኦዴዳ፡ |
| 25090 | LUK 2:48 | ዮሴፎኔ ኣ ዳያ ኣ ቤዖ ዎዴ ማላሌቴዲኖ። ኣ ዳያካ፥ «ታ ናዓው፥ ኣያው ኑና ሃዋዳን ኦይ? ኔ ኣቡኔ ታኔ ኔና ኮዪዴ፥ ዳሮ ሜቶቴዶ» ያጋዱ። |
| 25091 | LUK 2:49 | ዬሱሲካ ኡንቱንቶ፥ «ኣያው ታና ኮዪቴ? ታ ኣቡ ጎሌን ዴዓናው ታው ኮሺያዋ ኤሪቤይኪቴ?» ያጊ ዛሬዳ። |
| 25102 | LUK 3:8 | ሲሚ ሂንቴንቱ ናጋራፔ ሲሜዳዋንቶ ቤሲያ ኣይፊያ ኣይፊቴ። ሂንቴንቱ ዎዛናን ኣብራሃሞ ኑ ኣቡ ዴዔ ጎፒቴ። ፆሳይ ኣብራሃሞሲ ናና ሃ ሹቻቱዋፔ ዴንናው ዳንዳዬ ያጋዴ ታኒ ሂንቴንቶ ኦዳይ። |
| 25111 | LUK 3:17 | ኣ ኩሺያን ካ ዳላፔ ሻኪ ጌሺያ ላይዳይ ዴዔ። ካ ኡዱማን ቡኮዋ ጌሺ ፑኒዴ ኣይፊያ ዲዪያን ቆሌ፤ ሺን ዳላ ቶዔና ታማን ጉዴ።» |
| 25157 | LUK 4:25 | «ዬዉዋን ቃሲ ቱሙዋ ኦዳይ፡ ኤላሳ ዎዲያን ሄዙ ላይኔ ኡሱፑን ኣጌና ኢራይ ቡኬናን ኢፂና ሳዓ ኡባን ዎልቃማ ኮሻይ ጌሌዳ ዎዴ፥ ኢስራዔሌን ጮራ ኣምዓቱ ዴዒኖ። |
| 25181 | LUK 5:5 | ሲሞኒካ፥ «ጎዳው፥ ቃማ ኩሜን ዳቡሪ ኣቂዴ ኣዪኔካ ኦዪቂቤይኮ፤ ሺን ሃዒ ኔኒ ጎዋዳን ዳባ ኦሌቶ» ያጊ ዛሬዳ። |
| 25251 | LUK 6:36 | ሂንቴንቱ ኣቡ ማሪያዋ ጊዶዋዳን ሂንቴንቱካ ማሪያዋንታ ጊዲቴ። |
| 25270 | LUK 7:6 | ዬሱሲካ ኡንቱንቱና ኢቲፔ ቤዳ። ኢካ ሂኒ ጎሊያ ሄራ ጋኬዳ ዎዴ ፄቱዋ ካፑ ባሬ ላጌቱዋ ባሬኮ ፄሲዴ፥ «ታ ጎዳው፥ ዳቡሮፓ፤ ኣዪሲ ጎፔ፥ ኔና ታ ጎሊያ ካራፔ ጋርሳ ባጋና ጌልሳናው ታው ቤሴና። |
| 25298 | LUK 7:34 | ታኒ ኣሳ ናዓይ ማዴኔ ኡሻዴ ዪና፥ ‹ሃዌ ናፊሳማ፤ ዎዪኒያ ኤሳካ ኡሺያዋ፤ ቃራፂያዋንቶኔ ናጋራንቻቶ ዳቡዋ› ያጊታ። |
| 25365 | LUK 8:51 | ሶይ ጌሊዴ፡ ጴፂሮሳፔ፥ ያዪቆባፔ፥ ዮሃኒሳፔ፥ ናቲ ኣቡፔኔ ናቲ ዳዪፔ ኣቲን፥ ኦኒኔ ጌላናዳን ኤኖ ጊቤና። |
| 25370 | LUK 8:56 | ኢዚ ኣቡኔ ኢዚ ዳያ ማላሌቴዲኖ፤ ሺን ዬሱሲ ኡንቱንታ፥ ሃኖ ዬዉዋ ኦሲኔ ኦዴና ማላ ኣዛዜዳ። |
| 25454 | LUK 10:22 | «ኡባ ዬዉ ታው ታ ኣቡፔ ኢሜቴዳ። ናዓይ ኦኔንቶ ኣዉዋፔ ኣቲሺን ኦኒኔ ኤሪያዌ ባዋ፤ ሄዋዳንካ ኣዉ ኦኔንቶ ናዓፔኔ ኢ ቆንጪሳናው ኮዮ ኡራፔ ኣቲን፥ ሃራይ ኦኒኔ ኤሪያዌ ባዋ» ያጌዳ። |
| 25472 | LUK 10:40 | ማርታ ቃይ ሶይባ ጊጊሳዴ ዳቡራ ዴዓው፤ ሄዋ ዲራው ዬሱሳኮ ሺቃዴ፥ «ሃና ታ ሚቻታ፥ ኪታ ኡባ ታ ቦላ ኦሊና፥ ታኒ ታሬካ ላባኖዴ ፄላዴ ጮዑ ጋይ? ሃያና ታና ማዳናዳን ኢዚው ኦዳ» ያጋዱ። |
| 25489 | LUK 11:15 | ሺን ኡንቱንቱፔ ኢቱ ኢቱ፥ «ጋሌናቱዋ ካፑዋ ቢዔል-ዜቡሊ ኣው ዎልቃ ኢሚና ጋሌናቱዋ ኬሴ» ያጌዲኖ። |
| 25492 | LUK 11:18 | ያቲና ሴፃና ካዉቴይ ባሬ ጊዶን ሻኬቶፔ ኣ ካዉቴይ ዎቲ ኤቃናዌ? ሂንቴንቱ ታና፥ ‹ፃላሂያ ካፑዋ ቢዔል-ዜቡሊ ኔው ዎልቃ ኢሚና ኬሳ› ያጊ ሃሳዪታ። |
| 25493 | LUK 11:19 | ሲሚ ታኒ ቢዔል-ዜቡላ ዎልቃን ጋሌናቱዋ ኬሲያዋ ጊዶፔ ሂንቴንቱ ናናይ ኦ ዎልቃን ኬሳናዋንቴ? ሃዋ ጊዲያ ዲራው፥ ኡንቱንቱ ሂንቴንቱ ቦላን ፒርዲያዋንታ ጊዳናዋንታ። |
| 25541 | LUK 12:13 | ኣሳ ጋርሳፔ ኢቲ ቢታኒ ዬሱሳ፥ «ታማሪሲያዎ፥ ኑ ኣቡ ሃይቂና ኑኒ ላታና ማላ ኣቴዳባ፥ ታው ጊሻና ማላ ሃያጎዶ ታ ኢሻው ኦዳ» ያጌዳ። |
| 25555 | LUK 12:27 | ጪሻቱ ዎቲ ዲጪኖንቶ ኣኔ ፄሊቴ፤ ኡንቱንቱ ኪታን ዳቡሪኪኖ፤ ፑቱዋ ሱቂኪኖ፤ ጊዶሺን ታኒ ሂንቴው ኦዲያዌ፥ ሶሎሞኔ ሄዋ ኬና ቦንቼቴዳዋ ጊዲዴ፥ ሄ ጪሻቱዋፔ ኢቱዋ ማላኔ ማዪቤና። |
| 25564 | LUK 12:36 | ሂንቴንቱካ፥ ባሬንቱ ጎዳይ ዪዴ ፔንጊያ ቆፂያ ዎዴ፥ ኤሌካ ዶያናው ቡላቻፔ ሲማና ጋካናው ናጊያ ኦሳንቻቱዋ ማላቲቴ። |
| 25582 | LUK 12:54 | ቃይካ ዬሱሲ ኣሳሲ፥ «ኣዋይ ዉሊያ ባጋና ሂንቴ ሻሪያ ቤዖፔ፥ ‹ሃዒ ሃ ሳቲያን ሄኮ ዎልቃማ ኢራይ ቡካና ሃኔ› ያጊታ፤ ቱሙካ ቃይ ቡኬ። |
| 25630 | LUK 14:8 | «ኦኒኔ ቡላቻ ፄሶፔ፥ ቦንቼቴዳሳን ኡቶፓ፤ ኦኒ ኤሪ ኔፔ ኣዴ ቦንቼቶዌ ፄሴቴዳዋ ጊዳናዋ። |
| 25675 | LUK 15:18 | ዴንዳዴ ታ ኣቡኮ ባኔ› ሃዋዳን ያጋና፤ ‹ታ ኣቦ፥ ፆሳካ ኔናካ ናቃዲ፤ |
| 25677 | LUK 15:20 | ሄ ማንዒያንካ ዴንዲዴ ባሬ ኣቡኮ ዬዳ። «ኢ ቢሮ ሃኩዋን ዴዒሺን፥ ኣዉ ቤዒዴ፥ ኣው ቃሬቴዳ፤ ኣኮ ዎፂ ቢዴ፥ ኣ ኢዲሚ ዬሬዳ። |