23214	MAT 1:1	ሃዌ ዳዊታ ዛሪያኔ ኣብራሃሜ ዛሬ ጊዴዳ ዬሱሲ ኪሪስቶሳ ዬሌታ ኦዲያ ማፃፋ።
23218	MAT 1:5	ሴሊሞኔ፥ ራዓቦ ጌቴቲያ ሚሺራቲፔ ቦዔዛ ዬሌዳ፤ ቦዔዚ፥ ኡሩቶ ጌቴቲያ ሚሺራቲፔ ኢዮቤዳ ዬሌዳ፤ ኢዮቤዴ፥ ኢሴይ ዬሌዳ።
23229	MAT 1:16	ያዪቆቤ፥ ኪሪስቶሳ ጌቴቲያ ዬሱሳ ዬሌዳ ማይራሞ ኦቼዳ ዮሴፋ ዬሌዳ።
23230	MAT 1:17	ሲሚ ዬሌታይ ኡባይ ኣብራሃሞፔ ዳዊታ ጋካናው ታማኔ ኦይዱ ዬሌታ፤ ዳዊቴፔ ዶሚዴ፥ ኣሳይ ባቢሎኔ ጋዲያ ኦሞዴቲዴ ቤዳ ዎዲያ ጋካናው ታማኔ ኦይዱ ዬሌታ፤ ኣሳይ ባቢሎኔ ጋዲያ ኦሞዴቲዴ ቤዳ ዎዲያፔ ኪሪስቶሲ ዬሌቴዳ ዎዲያ ጋካናው ታማኔ ኦይዱ ዬሌታ።
23231	MAT 1:18	ዬሱሲ ኪሪስቶሳ ዬሌታይ ሃዋ ማላ፤ ኣ ዳያ ማይራማ ዮሴፎ ኦሼታ ቃሼታ ኡታዱ። ሄ ዎዴ ዮሴፎና ጋኬቴናን ዴዓዴ፥ ጌሻ ኣያናን ሻሃራዱ።
23242	MAT 2:4	ሄሮዲሴ ቄሳቱዋ ካፓቱዋ ኡባቱዋኔ ሙሴ ሂጊያ ታማሪሲያዋንታ ፄሲዴ፥ «ኪሪስቶሲ ሃቃን ዬሌታንዴሻ?» ያጊዴ ኦቼዳ።
23245	MAT 2:7	ሄዋፔ ካላ፥ ሄሮዲሴ ኣዋይፊ ዶሊያ ባጋፔ ዬዳ ኣሳቱዋ ጌማን ፄሲዴ፥ ፆሊንቲ ኡንቱንቶ ቤቴዳ ዎዲያ ኡንቱንቱፔ ጌሺዴ ኤሬዳ።
23268	MAT 3:7	ሺን ዮሃኒሲ ዳሮ ፓሪሳዋቱኔ ሳዱቃዋናቱ ፃማቄታናው ባሬኮ ዪያዋንታ ቤዒዴ፥ «ሃ ሾሻቶ፥ ፆሳ ሃንቁ ያና ሃኒያዋፔ ኣታና ማላ፥ ሂንቴው ኦኔ ኦዴዳዌ?
23270	MAT 3:9	ሂንቴ ሂንቴንቱ ዎዛናን፥ ‹ኣብራሃሜ ኑ ኣባ› ጊዴ ቆፒያዋ ሂንቴው ማላቶፖ። ኣዪሲ ጎፔ፥ ታኒ ሂንቴንቱሲ ኦዳይ፤ ፆሳይ ሃ ሹቻቱዋፔ ኣብራሃሞሲ ናና ኡዲ ዴንናው ዳንዳዬ።
23272	MAT 3:11	«ሂንቴ ሂንቴንቱ ናጋራፔ ሲሚያዋ ቤሳናው፥ ታኒ ሂንቴና ሃን ፃማቃይ፤ ሺን ታፔ ጉዬና ዪያዌ፥ ሂንቴንታ ጌሻ ኣያናኒኔ ታማን ፃማቃና። ኢ ታፔ ዳሮ ሚኔ፤ ኣ ጫማ ቶካናዉካ ታኒ ቤሲያ ኣሳ ጊዲኬ።
23273	MAT 3:12	ኣ ኩሺያን ካ ሴፂያ ላይዳይ ዴዔ። ኡዱማን ዴዒያ ካ ሎይ ጌሼ፤ ባሬ ዛርጋ ዲዪያን ቆላና፤ ሺን ዳላ ቶዔና ታማን ጉዳና» ያጌዳ።
23277	MAT 3:16	ዬሱሲ ፃማቄቶዋፔ ጉዪያን፥ ኤሌካ ሃፔ ኬሴዳ፤ ሳሉ ዶዬቲና፥ ፆሳ ኣያናይ ሃራጲያዳን ሳሉዋፔ ዎዴ ባሬ ቦላ ዪያ ዎዴ ቤዔዳ፤
23294	MAT 4:16	ማኒ ዴዒያ ኣሳይ ዎልቃማ ፖዑዋ ቤዔዳ። ቃሲ ሃይቁዋ ኩዋይ ዴዒያ ጋዲያን ኡቴዳዋንቶ ፖዑ ኬሴዳ» ያጌዳዌ ፖሌታና ማላሳ።
23320	MAT 5:17	«ታኒ ሙሴ ሂጊያኔ ናባቱ ታማሪሲያዋ ዪሳናው ዬዳዋ ሂንቴው ማላቶፖ፤ ታኒ ፖላናው ዬዳዋፔ ኣቲን፥ ዪሳናው ያቤይኬ።
23326	MAT 5:23	ሄዋ ዲራው፥ ኔኒ ያርሺያሳን ያርሺሺን፥ ኔ ኢሻ ናቄዳባይ ኔው ሄዋን ሃሳዬቶፔ፥
23332	MAT 5:29	ኔ ኡሼቻ ኣይፊ ኔና ናጋራ ኦሲሶፔ፥ ኔፔ ዎጫዴ ኦላ ኣጋ፤ ኣዪሲ ጎፔ፥ ኔ ቦላይ ሙሌካ ጋናሚያ ታማን ኦሌቲያዋፔ፥ ኣፔ ኢቱ ፓጪንቶ ኔው ሎዓ።
23333	MAT 5:30	ቃሲ ኔ ኡሼቻ ኩሺ ኔና ናጋራ ኦሲሶፔ፥ ኔፔ ቃንፃዴ ኦላ ኣጋ፤ ኣዪሲ ጎፔ፥ ኔ ቦላይ ሙሌካ ጋናሚያ ታማን ኦሌቲያዋፔ፥ ኣፔ ኢቱ ፓጪንቶ ኔው ሎዓ።
23334	MAT 5:31	« ‹ቃሲ ባሬ ማቻቶ ዬዲያ ኦኒኔ ኢዞ ዬዲያ ፓራማ ኢሞ› ጌቴቴዳ።
23335	MAT 5:32	ሺን ታኒ ሂንቴው ያጋይ፤ ‹ባሬ ማቻታ ዎሹሜናን ዴዒሺን ዬዲያ ኦኒኔ ኢዞ ዎሹማ ኬሴ፤ ቃሲ ኣሲናይ ዬዴዳ ሚሺራቶ ኣኪያዌ ኦኒኔ ዎሹሜ።›
23343	MAT 5:40	ኔ ሻሚጪያ ኣካናው ኢቲ ኡራይ ኔና ሞቶፔ፥ ሄ ኡራው ኔ ኮቲያካ ጉጃ ኢማ።
23347	MAT 5:44	ሺን ታኒ ሂንቴው ያጋይ፤ ሳሉዋን ዴዒያ ሂንቴ ኣዉዋሲ ናና ጊዳና ማላ፥ ሂንቴ ሞርኬቱዋ ሲቂቴ፤ ሂንቴና ሼቂያዋንታ ኣንጂቴ፤ ሂንቴና ኢፂያዋንቶ ሎዖባ ኡዲቴ፤ ሂንቴና ዬዴርሲያዋንቶ፥ ፆሳ ዎሲቴ፤ ኣዪሲ ጎፔ፥ ኢታ ኣሳዉካ ሎዖ ኣሳዉካ ፆሳይ ባሬ ኣዋ ኣዋፂሴ፤ ቃሲ ፂላቱዋሲካ ናጋራንቻቱዋሲካ ባሬ ኢራ ቡኪሴ።
23349	MAT 5:46	ሂንቴ ሂንቴና ሲቂያዋንቱ ፃላላ ሲቆፔ፥ ሂንቴው ኣይ ዎይታይ ዴዒ? ሃራይ ኣቶ፥ ናጋራንቻቱካ ሄዋዳን ኡዲኖ።
23350	MAT 5:47	ሂንቴ ሂንቴንቱ ኢሻቱዋ ፃላላ ሳሮቶፔ፥ ሃራቱ ኡዲያዋፔ ኣያባ ኣያ ኡዴዲቴ? ሃራይ ኣቶ፥ ኣዪሁዴ ጊዴና ኣሳይካ ሄዋዳን ኡዴ።
23357	MAT 6:6	ሺን ኔኒ ፆሳ ዎሲያ ዎዴ፥ ኔ ጎሌ ጌላ፤ ኢፒ ቃቻዴ፥ ቤቴና ኔ ኣዉዋ ዎሳ፤ ጌማን ኦሴቶዋ ቤዒያ ኔ ኣቡ ኔው ኢማናዋ።
23360	MAT 6:9	ሲሚ ሂንቴንቱ ሃዋ ማላ ዎሳ ዎሲቴ፤ ‹ሳሉዋን ዴዒያ ኑ ኣቦ፥ ኔ ጌሻ ሱንይ ኣንጄቶ።
23363	MAT 6:12	ኑኒ ኑና ናቆዋንቱሲ ኣቶ ያጊያዋዳን፥ ኔኒካ ኑ ናቁዋ ኣቶ ጋ።
23365	MAT 6:14	«ሂንቴንቱ ሂንቴና ናቄዳ ሃራ ኣሳ ናቁዋ ኣቶ ጎፔ፥ ሳሉዋን ዴዒያ ሂንቴንቱ ኣዉካ ሂንቴው ኣቶ ጋና።
23366	MAT 6:15	«ሺን ሂንቴንቱ ሂንቴና ናቄዳ ሃራ ኣሳ ናቁዋ ኣቶ ጋና ዮፔ፥ ሂንቴንቱ ኣዉካ ሂንቴ ናቁዋ ኣቶ ጌና።
23367	MAT 6:16	«ቃሲ ሂንቴንቱ ፆሚያ ዎዴ፥ ሎዓ ማላቲያ ኢታቱዋዳን፥ ካዮቲያዋ ማላቶፒቴ፤ ኣዪሲ ጎፔ፥ ኡንቱንቱ ፆሚያዋ ኣሳይ ቤዓና ማላ፥ ባሬንቱ ሶምዒያ ቡላሊሲኖ፤ ታኒ ሂንቴንቶ ቱሙዋ ኦዳይ፤ ኡንቱንቱ ባሬንቱ ጋቲያ ኣኬዲኖ።
23368	MAT 6:17	«ሺን ሂንቴንቱ ፆሚያ ዎዴ፥ ሂንቴንቱ ኣቡ ሂንቴ ፆሚያዋ ኤሮፔ ኣቲን፥ ኣሳይ ኤሬና ማላ፥ ሂንቴ ሶምዒያ ሜጬቲቴ፤ ሂንቴ ሁጲያካ ኦኬቲቴ፤ ያቶፔ፥ ቤቴና ሂንቴ ኣዉ ሂንቴንቱ ኦያዋ ጌማን ቤዒዴ፥ ሂንቴ ጋቲያ ኢማናዋ።
23376	MAT 6:25	«ሄዋ ዲራው፥ ታኒ ሂንቴንቶ ኦዳይ፤ ሂንቴ ዴዖ ማናባዉኔ ኡሻናባው፥ ዎይ ሂንቴ ቦላው ማያናባው ሂርጎፒቴ፤ ሼምፑ ቁማፔ ኣኔ? ቃሲ ቦላይ ማዩዋፔ ኣኔ?
23379	MAT 6:28	«ኣዪሲ ማዩዋሲ ሂርጊቴ? ዴምባን ዴዒያ ጪሻቱ ዎቲ ዲጪኖንቶ፥ ኣኬኪ ፄሊቴ፤ ኡንቱንቱ ዳቡሪኪኖ ዎይ ፑቱዋ ሱቂኪኖ።
23380	MAT 6:29	ሺን ታኒ ሂንቴንቶ ኦዳይ፤ ሃራይ ኣቶ፥ ሶሎሞኔ ሄዋ ኬና ቦንቼቴዳዋ ጊዲዴ፥ ሄ ጪሻቱዋፔ ኢቱዋ ማላካ ማዪቤና።
23381	MAT 6:30	ሺን ላፋ ኣማኑ ዴዒያዋንቶ፥ ፆሳይ፥ ሃቼ ዴዒዴ፥ ዎንቲ ታማን ኤፂያ ዴምባ ማታ ማዪዚያዌ፥ ሂንቴና ኡንቱዋፔ ኣዴ ዎቲ ማዪዜኔ?
23384	MAT 6:33	ሺን ካሴቲዴ፥ ፆሳ ካዉቴኔ ኣ ፂሎቴ ኮዪቴ፤ ኢ ሂንቴንቶ ሄ ኡባባ ኢማና።
23407	MAT 7:22	ፒርዳ ጋላሲ ዳሮ ኣሳይ ታና፥ ‹ጎዳው፥ ጎዳው፥ ኑኒ ኔ ሱንን ፆሳይ ኪቶዋ ኦዲቤይኮ? ኔ ሱንን ፃላሃቱዋ ኬሲቤይኮ? ቃሲ ኑኒ ፆሳይ ኦያ ማላሊሲያባ ኔ ሱንን ኦቤይኮ?› ያጋናዋንታ።
23423	MAT 8:9	ኣዪሲ ጎፔ፥ ታኒ ታፔ ቦላና ዴዒያዋንቶ ኤኖ ጊያ ኣሳ፤ ቃሲ ታፔ ጋርሳና ዎታዳራቱ ዴዒኖ። ታኒ ኢቱዋ፥ ‹ባ!› ጎፔ ቤ፤ ቃሲ ዮኩዋ፥ ‹ሃያ!› ጎፔ ዬ፤ ታ ቆማ፥ ‹ሃዋ ኦ!› ጎፔ ኦ» ያጌዳ።
23424	MAT 8:10	ዬሱሲ ሄዋ ሲሴዳ ዎዴ ማላሌቲዴ፥ ባሬና ካሊያ ኣሳ፥ «ታኒ ሂንቴው ቱሙዋ ኦዳይ፤ ታኒ ሃዋ ማላ ኣማኑዋ ሃራይ ኣቶ፥ ኢስራዔሊያ ጋዲያንካ ቤዓቤይኬ።
23430	MAT 8:16	ሳዓይ ኦማርሴዳ ዎዴ፥ ኣሳይ ኢታ ኣያናቱ ኦይቄዳ ጮራ ኣሳ ዬሱሳኮ ኣሄዳ፤ ናቢያ ኢሲያሲ፥ «ኢ ኑ ዳቡራ ባሬው ኣኬዳ፤ ቃሲ ኑ ሃርጊያካ ቶኬዳ» ያጌዳዌ ፖሌታና ማላ፥ ዬሱሲ ኢታ ኣያናቱዋ ባሬ ቃላን ኬሲዴ፥ ሃርጌዳ ኣሳ ኡባካ ፓዳ።
23439	MAT 8:25	ኣ ካሊያዋንቱ ኣኮ ቢዴ፥ ጌሚዒሹዋፔ ዴንዲኖ፤ ሄዋፔ ሲሚዴ ኣ፥ «ጎዳው፥ ኑኒ ዬቶ፤ ኑና ኣሻሪኪ» ያጌዲኖ።
23440	MAT 8:26	ዬሱሲ ኡንቱንታ፥ «ሃ ኣማኑ ፓጬዳዋንቶ፥ ኣዪሲ ያዪቴ?» ያጌዳ። ሄዋፔ ጉዪያን ዴንዲዴ፥ ጎቱዋኔ ቤታ ኣጊቴ ጊና፥ ጎቱኔ ቤታይ ጮዑ ጌዳ።
23441	MAT 8:27	ኣሳይ ማላሌቲዴ፥ «ሃዌ ላ ሃራይ ኣቶ፥ ጎቱኔ ቤታይ ኣዛዜቲያዌ ኣይባ ኣሴ?» ያጌዲኖ።
23450	MAT 9:2	ኣማሬዳ ኣሳይ ቦላይ ጉንዴድዳ ኢቲ ቢታኒያ ሻንቻማን ቶኪዴ፥ ዬሱሳኮ ኣሄዲኖ፤ ዬሱሲ ኡንቱንቱ ኣማኑዋ ቤዒዴ፥ ቦላይ ጉንዴድዳ ቢታኒያ፥ «ታ ናዓው፥ ያዮፓ፤ ኔ ናጋራይ ኣቶ ጌቴቴዳ» ያጌዳ።
23453	MAT 9:5	‹ኔ ናጋራይ ኣቶ ጌቴቴዳ› ያጊያዌ ማቴዬ? ዎይ፥ ‹ዴንዳ ኤቃዴ ሃሜታ› ያጊያዌ ማቴ?
23454	MAT 9:6	ሺን ሳዓ ቦላን ናጋራ ኣቶ ጋናው ታው፥ ኣሳ ናዓው፥ ማታይ ዴዒያዋ ታኒ ሂንቴና ኤሪሳና» ያጊዴ፥ ሄዋፔ ጉዬ ኢ ሄ ቦላይ ጉንዴዳ ቢታኒያ፥ «ዴንዳ ኤቃ፤ ያታዴ ኔ ሻንቻማ ቶካዴ፥ ኔ ጎሌ ባ» ያጌዳ።
23457	MAT 9:9	ዬሱሲ ሄዋና ኣዴ፥ ማቶሳ ያጊያዌ ቃራፃ ቃንፂያ ሳን ኡቴዳዋ ዴሚዴ ኣ፥ «ታና ካላ» ያጌዳ። ማቶሲካ ዴንዲ ኤቂዴ፥ ኣ ካሌዳ።
23458	MAT 9:10	ዬሱሲ ማቶሳ ጎሌን ቁማ ማናው ኡቲ ዴዒሺን፥ ቃራፃ ኣኪያ ጮራ ኣሳይኔ ናጋራንቻቱ ዪዴ፥ ኣናናኔ ኣ ካሊያዋንቱና ኢቲፔ ጋዪታን ኡቴዲኖ።
23461	MAT 9:13	ሺን ሂንቴንቱ ቢዴ፥ ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ኤሪቴ፤ ኣዪሲ ጎፔ፥ ታኒ ናጋራንቻቱዋ ፄሳናው ዬዳዋፔ ኣቲን፥ ፂላቱዋ ፄሳናው ያቤይኬ» ያጌዳ።
23462	MAT 9:14	ሄ ዎዴ ዮሃኒሳ ካሊያዋንቱ ዬሱሳኮ ዪዴ፥ «ኑኒኔ ፓሪሳዋቱ ኡባ ዎዴ ፆሜቶ፤ ሺን ኔና ካሊያዋንቱ ኣዪሲ ፆሚኪኖ?» ያጊዴ ኣ ኦቼዲኖ።
23463	MAT 9:15	ዬሱሲ ኡንቱንታ፥ «ቡላቻ ዬዳ ኣሳይ ማቻቶ ኣኪያዌ ባሬንቱና ዴዒሺን፥ ካዮታናው ዳንዳዪኖ? ዳንዳዪኪኖ፤ ሺን ማቻቶ ኣኪያዋ ኡንቱንቱ ማታፔ ኣፋና ዎዲ ያና፤ ኡንቱንቱ ሄ ዎዴ ፆማናዋንታ» ያጌዳ።
23466	MAT 9:18	ዬሱሲ ኡንቱንቶ ሄዋ ኦዲሺን፥ ኣዪሁዴ ዎሳ ጎሌ ካፓቱዋፔ ኢቱ ኣኮ ዪ ኣ ሲንን ጉልባቲዴ፥ «ታ ናታ ሃዒ ሃይቃዱ፤ ሺን ኔኒ ያዴ ኔ ኩሺያ ኢዚ ቦላ ዎሪኪ፤ ኢዛ ዴዑዋን ዴዓናዉኑ» ያጌዳ።
23469	MAT 9:21	ሃዋ ኢዛ ኡዶዌ፥ ኢዛ ባሬ ዎዛናን፥ «ታኒ ኣ ማዩዋ ፃላላ ቦቻንቶ ፓፃና» ያጋዴ ቆፓዱ።
23478	MAT 9:30	ኡንቱንቱ ኣይፊ ዶዬቲ ኣጌዳ፤ ዬሱሲ ኡንቱንቶ፥ «ሃዋ ኦሲኔ ኦዶፒቴ» ያጊዴ ሚኒሲዴ ኦዴዳ።
23487	MAT 10:1	ዬሱሲ ባሬ ታማኔ ላዑ ካሊያዋንታ ፄሲዴ፥ ኡንቱንቱ ኢታ ኣያና ኬሳና ማላ፥ ቃሲ ሃርጊያ ኡባኔ ሳኩዋ ኡባ ፓና ማላ፥ ኡንቱንቶ ማታ ኢሜዳ።
23489	MAT 10:3	ፒሊጶሳ፥ ባርታላሞሳ፥ ቶማሳ፥ ቃራፃ ኣኪያ ማቶሳ፥ ኢልፒዮሳ ናዓ ያዪቆባኔ ታዶሳ፤
23497	MAT 10:11	«ሂንቴንቱ ጌሊያ ካታማን ዎይ ቄሪ ካታማ ኡባን ሂንቴና ሞካናው ናሼቲያዌ ኦኔንቶ ኣኬካን ፆሞሲቴ፤ ሂንቴንቱ ሄዋፔ ኬሳና ጋካናው፥ ሄዋን ኡቲቴ።
23505	MAT 10:19	ሺን ኡንቱንቱ ሂንቴና ፒርዳው ኣያ ዎዴ፥ ሂንቴንቱ ሃሳያናባ ሄ ሳቲያን ፆሳይ ሂንቴው ኢሚያ ዲራው፥ ሂንቴንቱ ጋናባዉኔ ዎይ ዋጊዴ ሃሳያኔንቶኔ ሂርጎፒቴ።
23513	MAT 10:27	ታኒ ሂንቴንቶ ማኒ ኦዲያባ ፖዑዋን ሃሳዪቴ፤ ሂንቴው ሃይን ሳሱኪዴ ኦዴዳዋ፥ ቃ ሳን ኣዋዪቴ።
23514	MAT 10:28	ኣሹዋ ዎያዋንቶ ያዮፒቴ፤ ኡንቱንቱ፥ ሼምፑዋ ዎናው ዳንዳይኪኖ። ሺን ሼምፑዋኔ ኣሹዋ ጋናሚያን ዪሳናው ዳንዳዪያ ፆሳሲ ያዪቴ።
23516	MAT 10:30	ሺን ሃራይ ኣቶ፥ ሂንቴንቱ ሁጲያን ዴዒያ ቢናናይ ኡባይካ ፓይዱዋን ዴዔ።
23520	MAT 10:34	«ታኒ ሳዓሲ ሳሮቴ ኣሃናው ዬዳዋ ሂንቴሲ ማላቶፖ፤ ታኒ ቶራ ኣሃናው ዬዳዋፔ ኣቲን፥ ሳሮቴ ኣሃናው ያቤይኬ።
23521	MAT 10:35	ኣዪሲ ጎፔ፥ ታኒ ናዓ ኣ ኣቡፔ፥ ናቶ ኢዚ ዳዪፔ፥ ናዓ ማቻቶካ ኢዚ ቦሎታቲፔ ሻካናው ያዲ፤
23523	MAT 10:37	«ባሬ ኣባ ዎይ ባሬ ዳዮ ታፔ ኣዴ ሲቂያዌ ታዋ ጊዳናው ቤሴና፤ ባሬ ኣቱማ ናዓ ዎይ ባሬ ማጫ ናቶ ታፔ ኣዴ ሲቂያዌ ታዋ ጊዳናው ቤሴና።
23524	MAT 10:38	ባሬ ማስቃሊያ ቶኪዴ፥ ታ ጌዱዋ ካሌናዌ ታዋ ጊዳናው ቤሴና።
23528	MAT 10:42	ኦኒኔ ሃ ታና ካሊያዋንቱፔ ጉፂያ ኢቶ፥ ሃራይ ኣቶ ቡሊያ ሃ ፃላላ ኡሻናው ኢሞፔካ፥ ታኒ ሂንቴንቶ ቱሙዋ ጋይ፤ ኢ ባሬ ጋቲያ ኣካና» ያጌዳ።
23532	MAT 11:4	ዬሱሲ ዛሪዴ፥ ኡንቱንቶ ሃዋዳን ያጌዳ፤ «ቢዴ ሂንቴንቱ ቤዒያዋኔ ሲሲያዋ ዮሃኒሳው ኦዲቴ፤
23539	MAT 11:11	ታኒ ሂንቴንቶ ቱሙዋ ኦዳይ፤ ኣቲ ኡሉዋፔ ዬሌቴዳ ኣሳ ኡባን ፃማቂያ ዮሃኒሳፔ ኣያዌ ኦኒኔ ዴንዲቤና፤ ሺን ሳሉዋ ካዉቴን ኡባፔ ላፊያዌ ኣፔ ኣና።
23545	MAT 11:17	‹ኑኒ ሂንቴንቶ ሂፂፂያ ፑኔዶ፤ ሺን ዱሪቤይኪታ፤ ዬኩዋ ዬካ ኬሴዶ፤ ሺን ዬኪቤይኪታ› ያጊኖ።
23548	MAT 11:20	ሄዋፔ ጉዪያን፥ ዬሱሲ ባሬ ማላታፔ ዳሪያ ባጋ ኦዳ ካታማቱዋን ዴዒያ ኣሳይ ባሬንቱ ናጋራፔ ሲሚቤና ዲራው፥ ኡንቱንታ ሃዋዳን ያጊዴ፥ ቶሺያ ዶሜዳ፤
23549	MAT 11:21	«ኮራዚኔ ካታማው፥ ኔው ኣዬሮ፤ ቤቴሳይዳ ካታማው፥ ኔዉካ ኣዬሮ፤ ኣዪሲ ጎፔ፥ ሂንቴንቱ ቦላ ፆሳይ ኦዳ ማላታይ ፂሮሳ ካታማኒኔ ሲዶና ካታማን ኦሴቶዋ ጊዲንቶ፥ ኡንቱንቱ ማቂያ ማዪዴ፥ ቢዲን ኦኬቲዴ፥ ቤኒ ባሬንቱ ናጋራፔ ሲማናዋንታሺን።
23551	MAT 11:23	ቃሲ ቂፊሪናሆማ ካታማው፥ ኔኒ ሳሉዋ ፑዴ ቁ ጋናው ኮያዲ? ኔኒ ሲዖሊያ ዱጌ ዬጌታና፤ ኣዪሲ ጎፔ፥ ኔ ቦላ ፆሳይ ኦዳ ማላታይ ሶዶማ ካታማን ኦሴቶዋ ጊዲንቶ፥ ሶዶማ ካታማይ ሃቼ ጋካናሲካ ዴዓናዋሺን።
23556	MAT 11:28	«ዳቡራንቻቶ፥ ዴፁዋ ቶኮዋንቶ ኡባቶ፥ ታኮ ሃ ዪቴ፤ ታኒ ሂንቴንታ ሼምፒሳና።
23558	MAT 11:30	ኣዪሲ ጎፔ፥ ታ ሞርጌ ሚይ ጊጋ፤ ቃሲ ታኒ ሂንቴንታ ቶሴዳዌካ ካዉሻ» ያጌዳ።
23565	MAT 12:7	ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ሂንቴንቱ ኤሪቴንቶ፥ ባዪዙ ባይና ኣሳ ቦላ ፒርዲኪታ።
23572	MAT 12:14	ሺን ፓሪሳዋቱ ካሬ ኬሲዴ፥ ዬሱሳ ዎቲ ዎኔንቶ ማቄቴዲኖ።
23578	MAT 12:20	ሱሬ ፒርዳይ ፆኒ ኬሳና ጋካናው፥ ቲንጬቴዳ ማቃ ሜንና ቃሲ ጩዋቲያ ሙቃዳ ቁንጩቲያካ ኢ ቶዪሴና።
23589	MAT 12:31	ሄዋ ዲራው፥ ታኒ ሂንቴው ኦዳይ፤ ፆሳይ ኣሳው ኣይ ናጋራ ጊዲናካ፥ ቃሲ ኣይ ቦሬ ጊዲናካ ኣቶ ጋና፤ ሺን ጌሻ ኣያና ቦሪያዋ ኣቶ ጌና።
23590	MAT 12:32	ታ ቦላ፥ ኣሳ ናዓ ቦላ፥ ኢታባ ሃሳዪያ ኦ ናጋራኔ ፆሳይ ኣቶ ጋና፤ ሺን ጌሻ ኣያና ቦላ ኢታባ ሃሳዪያ ኦ ናጋራኔ ሳዓን ጊዲና፥ ሳሉዋንካ ፆሳይ ኣቶ ጌና።
23592	MAT 12:34	ሾሻቶ፥ ሂንቴንቱ ኢታ ጊዲዴ፥ ዎቲ ሎዖባ ሃሳያናው ዳንዳዪቴ? ኣዪሲ ጎፔ፥ ዶናይ ዎዛና ጊዶን ኩሜዳዋ ሃሳዬ።
23594	MAT 12:36	ታኒ ሂንቴንቶ ኦዳይ፤ ኣሳይ ባሬ ሃሳዬዳ ማዴና ሃሳያ ኡባው ፒርዳ ጋላሲ ዛሩዋ ኢማናዋ።
23596	MAT 12:38	ሄዋፔ ጉዪያን፥ ሂጊያ ታማሪሲያ ኢቲ ኢቲ ኣሳይኔ ፓሪሳዋቱ ዛሪዴ ዬሱሳ፥ «ታማሪሲያዎ፥ ኔኒ ማላታ ኦሺን፥ ኑኒ ቤዓናው ኮዬቶ» ያጌዲኖ።
23597	MAT 12:39	ሺን ኢ ዛሪዴ፥ ኡንቱንቶ ሃዋዳን ያጌዳ፤ «ሃ ዎዲያ ኣሳይ ኢታኔ ፆሳ ኣማኔና ዲራው፥ ማላታ ኮዬ፤ ናቢያ ዮናሳ ማላታፔ ኣቲን፥ ሃራ ማላታይ ኢሜቴና።
23608	MAT 12:50	ኣዪሲ ጎፔ፥ ሳሉዋን ዴዒያ ታ ኣቡ ሼኒያ ኦያ ኡባይ፥ ታ ኢሻ፥ ታ ሚቻቶኔ ታ ዳዮ» ያጌዳ።