23216	MAT 1:3	ዪሁዳይ ቲዒማሪፔ ፓሬሳኔ ዛራሃ ዬሌዳ፤ ፓሬሴ፥ ሄፂሮና ዬሌዳ፤ ሄፂሮኔ፥ ራማ ዬሌዳ።
23237	MAT 1:24	ዮሴፎ ጌሚዒሹዋፔ ቤጎቲዴ፥ ጎዳ ኪታንቻይ ባሬና ኣዛዞዋዳን፥ ማይራሞ ባሬ ጎሌ ኣፌዳ።
23239	MAT 2:1	ዬሱሲ ዪሁዳ ጋዲያን ቤቴሊሄሜ ጌቴቲያ ካታማን ሄሮዲሴ ካዉቲዴ ዴዒያ ዎዴ ዬሌቴዳ፤ ሄዋፔ ጉዪያን፥ ፆሊንቲያ ፓይዲያ ኣሳይ ኣዋይፊ ዶሊያ ባጋፔ ዬሩሳላሜ ዪዴ፥
23240	MAT 2:2	«ኣዪሁዳ ካቲያ ጊዳናው ዬሌቴዳ ናዓይ ሃቃን ዴዒ? ኑኒ ኣዋይፊ ዶሊያ ባጋና ኬሴዳ ኣ ፆሊንቲያ ቤዒዴ፥ ኣው ጎዪናናው ዬዶ» ያጊዴ ኦቼዲኖ።
23241	MAT 2:3	ካቲያ ሄሮዲሴ፥ ሄዋ ሲሲዴ ዳጋሜዳ፤ ዬሩሳላሜን ዴዒያ ኣሳይ ኡባይካ ዎዛና ባዬዲኖ።
23243	MAT 2:5	ኡንቱንቱ ዛሪዴ፥ «ዪሁዳ ጋዲያን ቤቴሊሄሜ ካታማን ዬሌታናዋ። ናቢ፥ ‹ዪሁዳ ጋዲያን ዴዒያ ቤቴሊሄሜ፥ ኔኒ ዪሁዳ ጋዲያን ዴዒያ ዎሊቃማ ካታማቱዋፔ ላፋካ። ኢስራዔሊያ ሞዲያዌ ኔፔ ኬሳናዋ› ጊዴ ፃፌዳ» ያጌዲኖ።
23247	MAT 2:9	ኡንቱንቱ ካቲ ጌዳዋ ሲሲ ቢዴ ኦጊያን ኣዋይፊ ዶሊያ ባጋና ኡንቱንቱ ካሴ ቤዔዳ ፆሊንቲያ ቤዔዲኖ፤ ናዓይ ዴዒያሳ ጋኪዴ ኤቃና ጋካናው፥ ፆሊንቲ ኡንቱንታ ካሌዳ።
23249	MAT 2:11	ጎሌ ጌሊዴ፥ ናዓይ ባሬ ዳዪ ማይራሚና ዴዒያዋ ቤዔዲኖ፤ ጉልባቲዴ ኣው ጎዪኔዲኖ፤ ሄዋፔ ካላ፥ ባሬንቱ ሳፂኒያ ዶዪዴ፥ ዎርቃ፥ ኢፃናኔ ካዋራ ኣው ኢሞታ ሺሼዲኖ።
23254	MAT 2:16	ሄዋፔ ጉዪያን፥ ሄሮዲሴ ኣዋይፊ ዶሊያ ባጋፔ ዬዳዋንቱ ባሬና ጪሜዳዋ ኤሬዳ ዎዴ፥ ዳሮ ሃንቄቲዴ፥ ፆሊንቲ ካሴ ቤቴዳ ዎዲያ ኡንቱንቱፔ ሲሴዳዋዳን፥ ዎታዳራቱዋ ዬዲዴ፥ ቤቴሊሄሜኒኔ ዩሹዋን ዴዒያ ላዑ ላይ ኣቱማ ናናኔ ላዑ ላይፔ ጋርሳና ዴዒያ ኣቱማ ናና ኡባ ዎሴዳ።
23266	MAT 3:5	ኣሳይ ሄ ዎዴ ዬሩሳላሜፔ፥ ዪሁዳ ጋዲያ ኡባ ሳፔኔ ዮርዳኖሳ ሻፋ ሄራን ዴዒያ ጋዲያ ኡባፔ ኣኮ ዪኖ።
23268	MAT 3:7	ሺን ዮሃኒሲ ዳሮ ፓሪሳዋቱኔ ሳዱቃዋናቱ ፃማቄታናው ባሬኮ ዪያዋንታ ቤዒዴ፥ «ሃ ሾሻቶ፥ ፆሳ ሃንቁ ያና ሃኒያዋፔ ኣታና ማላ፥ ሂንቴው ኦኔ ኦዴዳዌ?
23273	MAT 3:12	ኣ ኩሺያን ካ ሴፂያ ላይዳይ ዴዔ። ኡዱማን ዴዒያ ካ ሎይ ጌሼ፤ ባሬ ዛርጋ ዲዪያን ቆላና፤ ሺን ዳላ ቶዔና ታማን ጉዳና» ያጌዳ።
23276	MAT 3:15	ሺን ዬሱሲ ዛሪዴ ኣ፥ «ኑኒ ፂሎቴ ኦሱዋ ኡባ ሃዋዳን ፖላናው ቤሲያ ዲራው፥ ሃዒ ታው ኤኖ ጋ» ያጌዳ። ዮሃኒሲካ ኣው ኤኖ ጌዳ።
23286	MAT 4:8	ቃሲ ፃላሂ ዬሱሳ ኢቲ ዳሮ ዎልቃማ ዴሪያ ፄራ ኬሲዴ፥ ሃ ኣላሚያን ዴዒያ ካዉቴ ኡባኔ ኡንቱንቱ ቦንቹዋ
23291	MAT 4:13	ናዚሬቴፔ ኬሲዴ፥ ቂፊሪናሆማ ካታማ ቢዴ፥ ያኒ ዴዔዳ፤ ቂፊሪናሆሚ ዛቢሎናኒኔ ኒፍታሌሜ ጋዲያን ዴዒያ ጋሊላ ኣባ ማታን ዴዔ።
23293	MAT 4:15	«ዛቢሎኔ ጋዲያኒኔ ኒፍታሌሜ ጋዲያን፥ ኣባ ኦጊያን ዮርዳኖሳ ሻፋፔ ሄፊን ባጋን፥ ኣዪሁዳ ጊዴና ኣሳይ ዴዒያ ጋሊላን፥
23294	MAT 4:16	ማኒ ዴዒያ ኣሳይ ዎልቃማ ፖዑዋ ቤዔዳ። ቃሲ ሃይቁዋ ኩዋይ ዴዒያ ጋዲያን ኡቴዳዋንቶ ፖዑ ኬሴዳ» ያጌዳዌ ፖሌታና ማላሳ።
23299	MAT 4:21	ዬሱሲ ሄዋፔ ሲንኮ ቢዴ፥ ሃራ ላዑ ኢሻቱዋ፥ ዛቢዲዮሳ ናና ያዪቆባኔ ኣ ኢሻ ዮሃኒሳ ቤዔዳ፤ ኡንቱንቱ ባሬንቱ ኣዉዋ ዛቢዲዮሳና ሃ ቦላን ቢያ ዎንጊሪያ ጊዶን ባሬንቱ ዳባ ጊጊሲያዋንታ ቤዒዴ፥ ፄሴዳ።
23302	MAT 4:24	ኣ ዋሪ ሶሪያ ጋዲያ ኡባ ጋኬዳ፤ ዱማ ዱማ ሃርጊያን ኦይቄቲዴ ሃርጌዳ ኣሳ ኡባ፥ ፃላሃቱዋን ኦይቄቴዳዋንታ፥ ዪጩዋ ሳኩ ዴዒያዋንታ፥ ቃሲ ጉንዴድዳዋንታ ኣሳይ ዬሱሳኮ ኣሄዳ፤ ኢ ኡንቱንታ ፓዳ።
23303	MAT 4:25	ጮራ ኣሳይ ጋሊላፔ፥ ታሙ ካታማቱዋፔ፥ ዬሩሳላሜፔ፥ ዪሁዳፔኔ ዮርዳኖሳፔ ሄፊንን ዴዒያ ጋዲያፔ ዬሱሳ ካሌዲኖ።
23304	MAT 5:1	ዬሱሲ ጮራ ኣሳ ቤዒዴ፥ ፑዴ ዴሪያ ኬሲዴ ኡቴዳ። ኣ ካሊያዋንቱ ኣኮ ሺቄዲኖ።
23315	MAT 5:12	ሂንቴው ሳሉዋን ዎልቃማ ዎይታይ ዴዒያ ዲራው፥ ናሼቲቴ፤ ሃሹ ጊቴ፤ ኣዪሲ ጎፔ፥ ኣሳይ ሂንቴፔ ካሴ ዴዔዳ ናባቱዋ ሄዋዳን ዬዴርሴዲኖ።
23318	MAT 5:15	ፆምፒያ ፆምፒዴ፥ ሶዪን ዴዒያ ኣሳ ኡባው ፖዓና ማላ፥ ቂያ ሳን ዎፔ ኣቲን፥ ካሚያ ሚሻ ጊዶን ቁምዒ ዎያ ኣሳይ ኦኒኔ ባዋ።
23319	MAT 5:16	ሄዋዳንካ፥ ኣሳይ ሂንቴ ኦያ ሎዖ ኦሱዋ ቤዒዴ፥ ሳሉዋን ዴዒያ ሂንቴ ኣዉዋ ቦንቻና ማላ፥ ሂንቴ ፖዑ ኣሳ ሲንን ፖዖ።
23328	MAT 5:25	«ኔና ሞቲያዋና ዎዲ ዴዒሺን ኤሌ ኣናና ሲጌታ ዲጋ፤ ሄዌ ዮፔ፥ ኢ ኔና ዳና ሲን ኣና፤ ቃሲ ዳናይ ኔና ፖሊሴው ኣ ኢሚና፥ ፖሊሲ ኔና ቃሾ ጎሌን ዬጋና።
23335	MAT 5:32	ሺን ታኒ ሂንቴው ያጋይ፤ ‹ባሬ ማቻታ ዎሹሜናን ዴዒሺን ዬዲያ ኦኒኔ ኢዞ ዎሹማ ኬሴ፤ ቃሲ ኣሲናይ ዬዴዳ ሚሺራቶ ኣኪያዌ ኦኒኔ ዎሹሜ።›
23347	MAT 5:44	ሺን ታኒ ሂንቴው ያጋይ፤ ሳሉዋን ዴዒያ ሂንቴ ኣዉዋሲ ናና ጊዳና ማላ፥ ሂንቴ ሞርኬቱዋ ሲቂቴ፤ ሂንቴና ሼቂያዋንታ ኣንጂቴ፤ ሂንቴና ኢፂያዋንቶ ሎዖባ ኡዲቴ፤ ሂንቴና ዬዴርሲያዋንቶ፥ ፆሳ ዎሲቴ፤ ኣዪሲ ጎፔ፥ ኢታ ኣሳዉካ ሎዖ ኣሳዉካ ፆሳይ ባሬ ኣዋ ኣዋፂሴ፤ ቃሲ ፂላቱዋሲካ ናጋራንቻቱዋሲካ ባሬ ኢራ ቡኪሴ።
23349	MAT 5:46	ሂንቴ ሂንቴና ሲቂያዋንቱ ፃላላ ሲቆፔ፥ ሂንቴው ኣይ ዎይታይ ዴዒ? ሃራይ ኣቶ፥ ናጋራንቻቱካ ሄዋዳን ኡዲኖ።
23351	MAT 5:48	ሄዋ ዲራው፥ ሳሉዋን ዴዒያ ሂንቴ ኣዉ ፖሎ ጊዶዋዳን፥ ሂንቴካ ፖሎ ጊዲቴ።
23352	MAT 6:1	«ሂንቴ ሎዖ ኦሱዋ ኣሳ ቤሳናው ኣሳ ሲንን ኦና ማላ ናጌቲቴ፤ ሄዌ ዮፔ፥ ሳሉዋን ዴዒያ ሂንቴ ኣዉ ሂንቴው ጋቲያ ኢሜና።
23354	MAT 6:3	ሺን ኔኒ ሂዬሳው ኢሚያ ዎዴ፥ ጌማን ኢማናዳን፥ ኔ ኡሼቻ ኩሺ ኦያዋ ሃዲርሳ ኩሺ ኤሮፖ። ጌማን ኦዳዋ ቤዒያ ኔ ኣቡ፥ ኔ ሎዖ ኦሱዋ ጋቲያ ዛራናዋ።
23357	MAT 6:6	ሺን ኔኒ ፆሳ ዎሲያ ዎዴ፥ ኔ ጎሌ ጌላ፤ ኢፒ ቃቻዴ፥ ቤቴና ኔ ኣዉዋ ዎሳ፤ ጌማን ኦሴቶዋ ቤዒያ ኔ ኣቡ ኔው ኢማናዋ።
23360	MAT 6:9	ሲሚ ሂንቴንቱ ሃዋ ማላ ዎሳ ዎሲቴ፤ ‹ሳሉዋን ዴዒያ ኑ ኣቦ፥ ኔ ጌሻ ሱንይ ኣንጄቶ።
23364	MAT 6:13	ኑና ኢታባፔ ኣሻፔ ኣቲን፥ ፓጪያን ጌሊሶፓ። ካዉቴይ፥ ዎልቃይኔ ቦንቹ ሜናዉካ ኔሳ። ኣሜንዒ›
23365	MAT 6:14	«ሂንቴንቱ ሂንቴና ናቄዳ ሃራ ኣሳ ናቁዋ ኣቶ ጎፔ፥ ሳሉዋን ዴዒያ ሂንቴንቱ ኣዉካ ሂንቴው ኣቶ ጋና።
23367	MAT 6:16	«ቃሲ ሂንቴንቱ ፆሚያ ዎዴ፥ ሎዓ ማላቲያ ኢታቱዋዳን፥ ካዮቲያዋ ማላቶፒቴ፤ ኣዪሲ ጎፔ፥ ኡንቱንቱ ፆሚያዋ ኣሳይ ቤዓና ማላ፥ ባሬንቱ ሶምዒያ ቡላሊሲኖ፤ ታኒ ሂንቴንቶ ቱሙዋ ኦዳይ፤ ኡንቱንቱ ባሬንቱ ጋቲያ ኣኬዲኖ።
23368	MAT 6:17	«ሺን ሂንቴንቱ ፆሚያ ዎዴ፥ ሂንቴንቱ ኣቡ ሂንቴ ፆሚያዋ ኤሮፔ ኣቲን፥ ኣሳይ ኤሬና ማላ፥ ሂንቴ ሶምዒያ ሜጬቲቴ፤ ሂንቴ ሁጲያካ ኦኬቲቴ፤ ያቶፔ፥ ቤቴና ሂንቴ ኣዉ ሂንቴንቱ ኦያዋ ጌማን ቤዒዴ፥ ሂንቴ ጋቲያ ኢማናዋ።
23370	MAT 6:19	«ሚሻ ቢልዓይ ሚያሳኒኔ ቢራታይ ሺዒዴ ባዪዚያሳን፥ ካዪሱካ ቦኪዴ ዉዒያሳን፥ ሃ ሳዓን ሂንቴንቱ ሁጲያሲ ዳጋዮፒቴ።
23372	MAT 6:21	ኣዪሲ ጎፔ፥ ኔ ዎዛናይ ኔ ሚሻይ ዴዒያሳን ዴዓና።
23374	MAT 6:23	ሺን ኔ ኣይፊ ፓፃ ጊዳና ዮፔ፥ ኔ ቦላ ኡባይ ማና፤ ሲሚ ኔናን ዴዒያ ፖዑ ሞፔ፥ ማይ ኣይ ኬና ዳራኔ!
23377	MAT 6:26	ፓሊያ ካፋቱዋ ፄሊቴ፤ ኡንቱንቱ ዜሪኪኖ፤ ጫኪኪኖ፤ ዲዪያንካ ቆሊኪኖ፤ ሺን ሳሉዋን ዴዒያ ሂንቴንቱ ኣዉ ኡንቱንታ ሚዜ፤ ሂንቴንቱ ኡንቱንቱፔ ሎይ ዳርኪቴ?
23379	MAT 6:28	«ኣዪሲ ማዩዋሲ ሂርጊቴ? ዴምባን ዴዒያ ጪሻቱ ዎቲ ዲጪኖንቶ፥ ኣኬኪ ፄሊቴ፤ ኡንቱንቱ ዳቡሪኪኖ ዎይ ፑቱዋ ሱቂኪኖ።
23381	MAT 6:30	ሺን ላፋ ኣማኑ ዴዒያዋንቶ፥ ፆሳይ፥ ሃቼ ዴዒዴ፥ ዎንቲ ታማን ኤፂያ ዴምባ ማታ ማዪዚያዌ፥ ሂንቴና ኡንቱዋፔ ኣዴ ዎቲ ማዪዜኔ?
23383	MAT 6:32	ኣዪሲ ጎፔ፥ ሄ ኡባባ ፆሳ ኣማኔናዋንቱ ዳሪሲዴ ኮዪኖ፤ ሄ ኡባይ ሂንቴና ኮሺያዋ ሳሉዋን ዴዒያ ሂንቴንቱ ኣዉ ኤሬ።
23388	MAT 7:3	ኔ ኣይፊያን ዴዒያ ቱሳ ቤዓካ፤ ሺን ኔ ኢሻ ኣይፊያን ዴዒያ ሱላ ኣዪሲ ፄላይ?
23389	MAT 7:4	ዎይ ኔ ኣይፊያን ቱሳይ ዴዒሺን፥ ኔኒ ኔ ኢሻ፥ ‹ታኒ ኔ ኣይፊያፔ ሱላ ኬሶ› ዋናዴ ጋናው ዳንዳያይ?
23394	MAT 7:9	ዎይ ሂንቴንቱ ጊዶን ባሬ ናዓይ፥ ‹ኡኪ ኢማ› ጎፔ፥ ሹቻ ኢሚያ ኣዉ ዴዒ?
23396	MAT 7:11	ሂንቴንቱ ኢታ ጊዲዴ፥ ሂንቴንቱ ናናቱዋሲ ሎዖባ ኢሚያዋ ኤሮፔ፥ ያቲና፥ ሳሉዋን ዴዒያ ሂንቴንቱ ኣዉ ባሬና ዎሲያዋንቱሲ ሎዖባ ዎቲ ዳሪሲ ኢሜኔ!
23406	MAT 7:21	«ሳሉዋን ዴዒያ ታ ኣቡ ጌዳዋ ኦያ ኡራይ ሳሉዋ ካዉቴ ጌላናፔ ኣቲን፥ ‹ጎዳው፥ ጎዳው› ጊያ ኡባይ ጌሌና።
23414	MAT 7:29	ኣዪሲ ጎፔ፥ ኢ ኡንቱንታ ታማሪሲዴ፥ ሙሴ ሂጊያ ታማሪሲያዋንቱዳን ጊዴናን፥ ማታይ ዴዒያ ኣሳዳን ታማሪሶ ዲራሳ።
23423	MAT 8:9	ኣዪሲ ጎፔ፥ ታኒ ታፔ ቦላና ዴዒያዋንቶ ኤኖ ጊያ ኣሳ፤ ቃሲ ታፔ ጋርሳና ዎታዳራቱ ዴዒኖ። ታኒ ኢቱዋ፥ ‹ባ!› ጎፔ ቤ፤ ቃሲ ዮኩዋ፥ ‹ሃያ!› ጎፔ ዬ፤ ታ ቆማ፥ ‹ሃዋ ኦ!› ጎፔ ኦ» ያጌዳ።
23432	MAT 8:18	ዬሱሲ ጮራ ኣሳይ ባሬ ዩሹዋን ዴዒያዋንታ ቤዒዴ፥ ኣባፔ ሄፊን ፒናና ማላ፥ ባሬና ካሊያዋንታ ኣዛዜዳ።
23438	MAT 8:24	ቤታይ ዎንጊሪያ ሚታና ጋካናው፥ ኣባን ዎልቃማ ሆቢ ዴንዴዳ፤ ሺን ዬሱሲ ጌሚዒሼዳ።
23439	MAT 8:25	ኣ ካሊያዋንቱ ኣኮ ቢዴ፥ ጌሚዒሹዋፔ ዴንዲኖ፤ ሄዋፔ ሲሚዴ ኣ፥ «ጎዳው፥ ኑኒ ዬቶ፤ ኑና ኣሻሪኪ» ያጌዲኖ።
23442	MAT 8:28	ዬሱሲ ጋሊላ ኣባፔ ሄፊንን ዴዒያ ጌርጌሴኖና ጌቴቲያ ጋዲያ ፒኔዳ፤ ኢታ ኣያናቱ ኦይቄዳ ላዑ ኣሳቱ ሄ ጋዲያን ዴዒያዋንቱ ዱፉዋፔ ኬሲዴ፥ ኣናና ጋኬቴዲኖ። ኡንቱንቱ ዳሮ ኢታ ጊዲያ ዲራው፥ ኦኒኔ ሄ ኦጊያና ኣናው ዳንዳዪቤና።
23443	MAT 8:29	ኡንቱንቱ ባሬንቱ ቃላ ቁ ኦዴ፥ «ፆሳ ናዓው፥ ኑናና ኔው ኣዪ ኣላሊ ዴዒ? ዎዲ ጋኬናን ኑና ሙራናው ያዲ?» ያጌዲኖ።
23448	MAT 8:34	ሄዋ ሲሴዳ ካታማን ዴዒያ ኣሳይ ኡባይ ዬሱሳና ጋኬታናው ኬሴዲኖ፤ ኣ ቤዔዳ ዎዴ፥ ባሬንቱ ጋዲያፔ ባና ማላ ዎሴዲኖ።
23450	MAT 9:2	ኣማሬዳ ኣሳይ ቦላይ ጉንዴድዳ ኢቲ ቢታኒያ ሻንቻማን ቶኪዴ፥ ዬሱሳኮ ኣሄዲኖ፤ ዬሱሲ ኡንቱንቱ ኣማኑዋ ቤዒዴ፥ ቦላይ ጉንዴድዳ ቢታኒያ፥ «ታ ናዓው፥ ያዮፓ፤ ኔ ናጋራይ ኣቶ ጌቴቴዳ» ያጌዳ።
23454	MAT 9:6	ሺን ሳዓ ቦላን ናጋራ ኣቶ ጋናው ታው፥ ኣሳ ናዓው፥ ማታይ ዴዒያዋ ታኒ ሂንቴና ኤሪሳና» ያጊዴ፥ ሄዋፔ ጉዬ ኢ ሄ ቦላይ ጉንዴዳ ቢታኒያ፥ «ዴንዳ ኤቃ፤ ያታዴ ኔ ሻንቻማ ቶካዴ፥ ኔ ጎሌ ባ» ያጌዳ።
23456	MAT 9:8	ሺን ዳሮ ኣሳይ ሄዋ ቤዒዴ ያዬዲኖ፤ ኣሳው ሃዋ ማላ ማታ ኢሜዳ ፆሳ ጋላቴዲኖ።
23458	MAT 9:10	ዬሱሲ ማቶሳ ጎሌን ቁማ ማናው ኡቲ ዴዒሺን፥ ቃራፃ ኣኪያ ጮራ ኣሳይኔ ናጋራንቻቱ ዪዴ፥ ኣናናኔ ኣ ካሊያዋንቱና ኢቲፔ ጋዪታን ኡቴዲኖ።
23459	MAT 9:11	ኢቲ ኢቲ ፓሪሳዋቱ ሄዋ ቤዒዴ፥ ዬሱሳ ካሊያዋንታ፥ «ሂንቴና ታማሪሲያዌ ቃራፃ ቃንፂያዋንቱናኔ ናጋራንቻቱዋና ቁማ ኣዪሲ ኢቲፔ ሚ?» ያጌዲኖ።
23463	MAT 9:15	ዬሱሲ ኡንቱንታ፥ «ቡላቻ ዬዳ ኣሳይ ማቻቶ ኣኪያዌ ባሬንቱና ዴዒሺን፥ ካዮታናው ዳንዳዪኖ? ዳንዳዪኪኖ፤ ሺን ማቻቶ ኣኪያዋ ኡንቱንቱ ማታፔ ኣፋና ዎዲ ያና፤ ኡንቱንቱ ሄ ዎዴ ፆማናዋንታ» ያጌዳ።
23465	MAT 9:17	ሆዖ ዎዪኒያ ኤሳ ኤጫ ኦጎሩዋን ናዒያ ኣሳይ ባዋ። ሺን ናዖፔ፥ ሄ ዎዪኒያ ኤሳይ ኦጎሩዋ ዳካና፤ ባሬዉካ ዎፌታና፤ ኦጎሩካ ባያናዋ። ሺን፥ ሆዖ ዎዪኒያ ኤሳ ኦራ ኦጎሩዋን ናዓናው ቤሴ፤ ላዑካ ባይኪኖ» ያጌዳ።
23466	MAT 9:18	ዬሱሲ ኡንቱንቶ ሄዋ ኦዲሺን፥ ኣዪሁዴ ዎሳ ጎሌ ካፓቱዋፔ ኢቱ ኣኮ ዪ ኣ ሲንን ጉልባቲዴ፥ «ታ ናታ ሃዒ ሃይቃዱ፤ ሺን ኔኒ ያዴ ኔ ኩሺያ ኢዚ ቦላ ዎሪኪ፤ ኢዛ ዴዑዋን ዴዓናዉኑ» ያጌዳ።
23470	MAT 9:22	ሺን ዬሱሲ ዩዪ ኢዞ ፄሊዴ፥ «ታ ናቴ፥ ያዮፓ፤ ኔና ኔ ኣማኑ ፓዳ» ያጌዳ። ሄ ማንዒያንካ ሚሺራታ ፓፃ ኣጋዱ።
23471	MAT 9:23	ዬሱሲ ኣዪሁዳ ዎሳ ጎሌ ካፑዋ ሶይ ጋኬዳ ዎዴ፥ ዬኩዋን ዲንካ ፑኒያ ኣሳኔ ዬኪያ ኣሳ ቤዒዴ፥
23472	MAT 9:24	«ካሬ ኬሲቴ፤ ጉ ናታ ጌሚዒሻዱፔ ኣቲን፥ ሃይቃቤይኩ» ያጌዳ። ሄዋፔ ጉዪያን ኣሳይ ኣ ቦላ ዳሪ ሚጬዳ።
23474	MAT 9:26	ሄ ዋሪ፥ ሄ ማንዒያንካ ሄ ጋዲያን ኡባን ሲሴቴዳ።
23484	MAT 9:36	ጮራ ኣሳ ቤዒዴ፥ ሄሚያ ኣሳይ ባይና ዶርሳዳን ኣሳይ ሂርጌቲያ ዲራዉኔ ኣሳ ማዲያባይ ባይና ዲራው፥ ኣሳው ቃሬቴዳ።
23499	MAT 10:13	ሄ ጎሌን ዴዒያ ኣሳይ ሂንቴና ሞኮፔ፥ ሂንቴንቱ ሳሮቴዳ ሳሮታይ ኡንቱንታ ጋኮ። ሺን ኡንቱንቱ ሂንቴና ሞኬናን ኢፆፔ፥ ሂንቴንቱ ሳሮቴዳ ሳሮታይ ሂንቴው ጉዬ ሲሞ።
23502	MAT 10:16	«ቤዒቴ! ታኒ ሂንቴና ዶርሳ ዋላቱዋ ጊዶ ዬዲያዋዳን ዬዳይ። ሄዋ ዲራው፥ ሾሻዳን ጪንጫ ጊዲቴ፤ ቃሲ ሃራጲያዳን፥ ኣሺኬ ጊዲቴ።
23516	MAT 10:30	ሺን ሃራይ ኣቶ፥ ሂንቴንቱ ሁጲያን ዴዒያ ቢናናይ ኡባይካ ፓይዱዋን ዴዔ።
23518	MAT 10:32	«ሄዋ ዲራው፥ ኣሳ ሲንን ታባ ማርካቲያ ኦሲ ጊዶፔኔ፥ ታኒካ ሳሉዋን ዴዒያ ታ ኣቡ ሲንን ማርካታና፤
23519	MAT 10:33	ሺን ኣሳ ሲንን ታና ካዲያ ኦናኔ ታኒካ ቃሲ ሳሉዋን ዴዒያ ታ ኣቡ ሲንን ኣ ካዳና።
23530	MAT 11:2	ፃማቂያ ዮሃኒሲ ቃሾ ጎሌን ዴዒዴ፥ ዬሱሲ ኦዳዋ ሲሲዴ፥ ባሬና ካሊያዋንታ ኣኮ ኪቲዴ፥
23532	MAT 11:4	ዬሱሲ ዛሪዴ፥ ኡንቱንቶ ሃዋዳን ያጌዳ፤ «ቢዴ ሂንቴንቱ ቤዒያዋኔ ሲሲያዋ ዮሃኒሳው ኦዲቴ፤
23536	MAT 11:8	ያቲና፥ ኣያ ቤዓናው ኬሴዲቴ? ሎዒያ ማዩዋ ማዬዳ ቢታኒያ ቤዓናው ኬሴዲቴ? ሎዒያ ማዩዋ ማዬዳዋንቱ ካታቱዋ ጎሌን ዴዒኖ።
23543	MAT 11:15	ሲሲያ ሃይይ ዴዒያዌ ሲሶ!
23547	MAT 11:19	ታኒ፥ ኣሳ ናዓይ፥ ማዴኔ ኡሻዴ ዪና፥ ኡንቱንቱ ታና፥ ‹ሃ ናፊሳማኔ ዎዪኒያ ኤሳ ኡሺያዋ ቤዒቴ፤ ቃራፃ ቃንፂያዋንቱናኔ ናጋራንቻቱዋና ሲቄቴ› ያጊኖ፤ ሺን ፆሳ ኣዳ ኤራቴይ ባሬ ኦሱዋን ቱማ ጊዲዴ ቤቴ» ያጌዳ።
23548	MAT 11:20	ሄዋፔ ጉዪያን፥ ዬሱሲ ባሬ ማላታፔ ዳሪያ ባጋ ኦዳ ካታማቱዋን ዴዒያ ኣሳይ ባሬንቱ ናጋራፔ ሲሚቤና ዲራው፥ ኡንቱንታ ሃዋዳን ያጊዴ፥ ቶሺያ ዶሜዳ፤
23560	MAT 12:2	ሺን ፓሪሳዋቱ ሄዋ ቤዒዴ ዬሱሳ፥ «ቤዓ፥ ኔና ካሊያዋንቱ ሳምባታ ጋላሲ ኦናው ዎጋ ጊዴናባ ኦኖ» ያጌዲኖ።
23561	MAT 12:3	ሺን ዬሱሲ ኡንቱንቱሲ ሃዋዳን ያጌዳ፤ «ዳዊቴኔ ኣናና ዴዒያዋንቱ ኮሻቴዳ ዎዴ፥ ዳዊቴ ኦዳዋ ናባቢቤይኪቴ?
23562	MAT 12:4	ዳዊቴ ፆሳ ጎሌ ጌሊዴ፥ ቄሳቱዋ ፃላላይ ማናፔ ኣቲን፥ ኢኔ ኣናና ዴዒያዋንቱ ማናው ዎጋ ጊዴና ፆሳሲ ያርሼዳ ቁማ ሜዳ።
23563	MAT 12:5	ዎይ ሳምባታ ኡባን ጌሻ ጎሊያን ዴዒያ ቄሳቱ ሳምባታ ዎጋ ሜንያዋ፥ ቃሲ ኡንቱንቱሲ ሄዌ ባዪዞ ጊዴናዋ ሙሴ ሂጊያን ናባቢቤይኪቴ?
23569	MAT 12:11	ዬሱሲ ኡንቱንታ፥ «ሂንቴንቱ ጊዶን ኢቲ ዶርሳይ ዴዒያ ኡራይ፥ ሄ ዶርሳይ ሳምባታ ጋላሲ ኦላን ኩንዶፔ፥ ኦይቂዴ ኬሴናዌ ኦኔ?
23583	MAT 12:25	ሺን ዬሱሲ ኡንቱንቱ ቆፋ ኤሪዴ፥ ኡንቱንታ ሃዋዳን ያጌዳ፤ «ባሬ ጊዶን ሻኬቲያ ካዉቴይ ኡባይ ያና፤ ቃሲ ባሬ ጊዶን ሻኬቲያ ካታማይ ዎይ ጎሌን ዴዒያ ኣሳይካ ሚኔና።
23587	MAT 12:29	«ዎይ ኣሳይ ካሴቲዴ፥ ዎልቃማ ኣሳ ቃቼናን ዴዒዴ፥ ኣ ጎሌ ጌሊዴ፥ ኣ ሚሻ ቦንቃናው ዋኒዴ ዳንዳዪ? ቃቼዳዋፔ ጉዪያን፥ ኣ ሚሻ ቦንቃናው ዳንዳዬ።
23600	MAT 12:42	ዱጌ ባጋ ጋዲያ ካታታ ሶሎሞኔው ዴዒያ ኣ ኤራቴ ሲሳናው ሳዓ ጋፃፔ ዬዳ ዲራው፥ ፒርዳ ጋላሲ ዴንዳዴ፥ ሂንቴንታ ሞታናዉኑ፤ ቤይቴ፥ ሶሎሞኔፔካ ኣያዌ ሃዋን ዴዔ።
23602	MAT 12:44	ሄ ዎዴ፥ ‹ታኒ ኣጋዴ ዬዳ ታ ጎሌ ሲማና› ያጌ፤ ሲሚዴ ዪያ ዎዴ፥ ጎሊ ሜላ ዴዒያዋኔ ፒቴቲ ጌዪዴ፥ ጊጊ ኡቴዳዋ ዴሜ።