23214	MAT 1:1	ሃዌ ዳዊታ ዛሪያኔ ኣብራሃሜ ዛሬ ጊዴዳ ዬሱሲ ኪሪስቶሳ ዬሌታ ኦዲያ ማፃፋ።
23216	MAT 1:3	ዪሁዳይ ቲዒማሪፔ ፓሬሳኔ ዛራሃ ዬሌዳ፤ ፓሬሴ፥ ሄፂሮና ዬሌዳ፤ ሄፂሮኔ፥ ራማ ዬሌዳ።
23218	MAT 1:5	ሴሊሞኔ፥ ራዓቦ ጌቴቲያ ሚሺራቲፔ ቦዔዛ ዬሌዳ፤ ቦዔዚ፥ ኡሩቶ ጌቴቲያ ሚሺራቲፔ ኢዮቤዳ ዬሌዳ፤ ኢዮቤዴ፥ ኢሴይ ዬሌዳ።
23222	MAT 1:9	ኦዚያኔ፥ ኢዮዓታማ ዬሌዳ፤ ኢዮዓታሜ፥ ኣካዛ ዬሌዳ፤ ኣካዜ፥ ሂዝቂያሳ ዬሌዳ።
23228	MAT 1:15	ኤሊዩዴ፥ ኣሊዓዛራ ዬሌዳ፤ ኣሊዓዛሬ፥ ማታና ዬሌዳ፤ ማታኔ፥ ያዪቆባ ዬሌዳ።
23234	MAT 1:21	ኢዛ ኣቱማ ናዓ ዬላናዉኑ፤ ኔኒካ፥ ኢ ኣሳ ናጋራፔ ኣሺያ ዲራው ኣ ሱን ዬሱሳ ጋዴ ፄሳናሳ» ያጌዳ።
23237	MAT 1:24	ዮሴፎ ጌሚዒሹዋፔ ቤጎቲዴ፥ ጎዳ ኪታንቻይ ባሬና ኣዛዞዋዳን፥ ማይራሞ ባሬ ጎሌ ኣፌዳ።
23241	MAT 2:3	ካቲያ ሄሮዲሴ፥ ሄዋ ሲሲዴ ዳጋሜዳ፤ ዬሩሳላሜን ዴዒያ ኣሳይ ኡባይካ ዎዛና ባዬዲኖ።
23243	MAT 2:5	ኡንቱንቱ ዛሪዴ፥ «ዪሁዳ ጋዲያን ቤቴሊሄሜ ካታማን ዬሌታናዋ። ናቢ፥ ‹ዪሁዳ ጋዲያን ዴዒያ ቤቴሊሄሜ፥ ኔኒ ዪሁዳ ጋዲያን ዴዒያ ዎሊቃማ ካታማቱዋፔ ላፋካ። ኢስራዔሊያ ሞዲያዌ ኔፔ ኬሳናዋ› ጊዴ ፃፌዳ» ያጌዲኖ።
23248	MAT 2:10	ኡንቱንቱ ሄ ፆሊንቲያ ቤዔዳ ዎዴ፥ ዛዋይ ባይና ዳሮ ናሼቻ ናሼቴዲኖ።
23270	MAT 3:9	ሂንቴ ሂንቴንቱ ዎዛናን፥ ‹ኣብራሃሜ ኑ ኣባ› ጊዴ ቆፒያዋ ሂንቴው ማላቶፖ። ኣዪሲ ጎፔ፥ ታኒ ሂንቴንቱሲ ኦዳይ፤ ፆሳይ ሃ ሹቻቱዋፔ ኣብራሃሞሲ ናና ኡዲ ዴንናው ዳንዳዬ።
23273	MAT 3:12	ኣ ኩሺያን ካ ሴፂያ ላይዳይ ዴዔ። ኡዱማን ዴዒያ ካ ሎይ ጌሼ፤ ባሬ ዛርጋ ዲዪያን ቆላና፤ ሺን ዳላ ቶዔና ታማን ጉዳና» ያጌዳ።
23276	MAT 3:15	ሺን ዬሱሲ ዛሪዴ ኣ፥ «ኑኒ ፂሎቴ ኦሱዋ ኡባ ሃዋዳን ፖላናው ቤሲያ ዲራው፥ ሃዒ ታው ኤኖ ጋ» ያጌዳ። ዮሃኒሲካ ኣው ኤኖ ጌዳ።
23282	MAT 4:4	ሺን ዬሱሲ ዛሪዴ፥ «ፆሳ ማፃፋን፥ ‹ኣሳይ ፆሳይ ሃሳዪያ ቃላ ኡባን ዴዓናፔ ኣቲን፥ ኡኪ ፃላላን ዴዔና› ያጌቲ ፃፌቴዳ» ያጌዳ።
23284	MAT 4:6	«ኔኒ ፆሳ ናዓ ጊዶፔ፥ ኣኔ ዱጌ ኩንዳ። ኣዪሲ ጎፔ፥ ፆሳ ማፃፋን፥ ‹ፆሳይ ባሬ ኪታንቻቱዋ ኔው ኣዛዛናዋ› ቃሲ ‹ኡንቱንቱ ኔ ጌዲ ሹቻን ቤቴና ማላ፥ ባሬንቱ ኩሺያን ኔና ዴንናዋንታ› ያጌቲ ፃፌቴዳ» ያጌዳ።
23285	MAT 4:7	ዬሱሲ ዛሪዴ ኣ፥ «ቃሲካ ፆሳ ማፃፋን፥ ‹ጎዳ ኔ ፆሳ ፓጮፓ› ያጌቲ ፃፌቴዳ» ያጌዳ።
23288	MAT 4:10	ሄ ዎዴ ዬሱሲ ዛሪዴ ኣ፥ «ላ ሃ ሴፃናው ሃካ፤ ኣዪሲ ጎፔ፥ ፆሳ ማፃፋን፥ ‹ጎዳው፥ ኔ ፆሳው ጎዪና፤ ኣ ፃላላ ጎሼታ› ጌቴቲ ፃፌቴዳ» ያጌዳ።
23291	MAT 4:13	ናዚሬቴፔ ኬሲዴ፥ ቂፊሪናሆማ ካታማ ቢዴ፥ ያኒ ዴዔዳ፤ ቂፊሪናሆሚ ዛቢሎናኒኔ ኒፍታሌሜ ጋዲያን ዴዒያ ጋሊላ ኣባ ማታን ዴዔ።
23293	MAT 4:15	«ዛቢሎኔ ጋዲያኒኔ ኒፍታሌሜ ጋዲያን፥ ኣባ ኦጊያን ዮርዳኖሳ ሻፋፔ ሄፊን ባጋን፥ ኣዪሁዳ ጊዴና ኣሳይ ዴዒያ ጋሊላን፥
23299	MAT 4:21	ዬሱሲ ሄዋፔ ሲንኮ ቢዴ፥ ሃራ ላዑ ኢሻቱዋ፥ ዛቢዲዮሳ ናና ያዪቆባኔ ኣ ኢሻ ዮሃኒሳ ቤዔዳ፤ ኡንቱንቱ ባሬንቱ ኣዉዋ ዛቢዲዮሳና ሃ ቦላን ቢያ ዎንጊሪያ ጊዶን ባሬንቱ ዳባ ጊጊሲያዋንታ ቤዒዴ፥ ፄሴዳ።
23311	MAT 5:8	ዎዛና ጌሻቱ ኣንጄቴዳዋንታ፤ ኣዪሲ ጎፔ፥ ኡንቱንቱ ፆሳ ቤዓና።
23316	MAT 5:13	«ኣሳ ኡባሲ ሂንቴ ማፂኔ ማላ፤ ሺን ማፂኒ ማልዓና ዮፔ፥ ዛሪዴ ኣ ዎቲ ማልዔኔ? ካሬ ኦሊና፥ ኣሳይ ኣ ዬ ሃሜታናፔ ኣቲን፥ ሲንው ኣይኔ ማዴና።
23322	MAT 5:19	ሄዋ ዲራው፥ ሃ ኣዛዙዋ ኡባፔ ጉፂያ ኢቲ ኣዛዙዋ ሜንያ ኡራይ ኦኒኔ፥ ቃሲ ሃራቱካ ባሬዋዳን ሃናናዳን ታማሪሲያ ኡራይ ኦኒኔ፥ ሳሉዋ ካዉቴን ኡባፔ ጉ ጊዳና፤ ሺን ኣዛዙዋ ኦያዌኔ ሃራንቱካ ኦናዳን ታማሪሲያዌ ኦኒኔ ሳሉዋ ካዉቴን ቃ ጊዳና።
23331	MAT 5:28	ሺን ታኒ ሂንቴው ያጋይ፤ ‹ማጫዉኖ ፄሊዴ ኣሞቲያ ኡባይ፥ ባሬ ዎዛና ጊዶን ሄ ዎዴ ኢናና ዎሹሜዳ።›
23342	MAT 5:39	ሺን ታኒ ሂንቴው ያጋይ፤ ‹ሂንቴው ኢታባ ኦያ ኡራው ኢታን ዛሮፒቴ፤ ኦኒኔ ኔ ኡሼቻ ባጋ ሻዪያ ባቆፔ፥ ኔ ሃዲርሳ ባጋ ሻዪያካ ኣ ቤሳ፤
23354	MAT 6:3	ሺን ኔኒ ሂዬሳው ኢሚያ ዎዴ፥ ጌማን ኢማናዳን፥ ኔ ኡሼቻ ኩሺ ኦያዋ ሃዲርሳ ኩሺ ኤሮፖ። ጌማን ኦዳዋ ቤዒያ ኔ ኣቡ፥ ኔ ሎዖ ኦሱዋ ጋቲያ ዛራናዋ።
23358	MAT 6:7	«ፆሳ ሂንቴ ዎሲያ ዎዴ፥ ፆሳ ኣማኔና ኣሳዳን፥ ጮ ሜላ ዛሬዋ ዳሪሶፒቴ፤ ኡንቱንቱ ሃሳያ ዳሩዋን ሲሴቴ ጊዴ ቆፒኖ።
23372	MAT 6:21	ኣዪሲ ጎፔ፥ ኔ ዎዛናይ ኔ ሚሻይ ዴዒያሳን ዴዓና።
23409	MAT 7:24	«ሄዋ ዲራው፥ ሃዋ ታ ቃላ ሲሲዴ ኦያ ኡባይ ሚኖ ዛላ ቦላ ባሬ ጎሊያ ኬፄዳ ዎዛናማ ኣሳ ማላ።
23410	MAT 7:25	ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጌዳ። ሺን ጎሊ ሚኖ ዛላ ቦላ ኬፄቴዳ ዲራው፥ ኩንዲቤና።
23411	MAT 7:26	«ሃዋ ታ ቃላ ሲሲዴ ኦና ኣሳይ ኡባይ፥ ባሬ ጎሊያ ሻፊያ ቦላ ኬፄዳ ቦዛ ኣሳ ማላ።
23418	MAT 8:4	ዬሱሲ ኣ፥ «ሲሚ ሃዋ ኦሲኔ ኦዶፓ፤ ሺን ቄሳኮ ባዴ ኔ ፓፃዴ ጌዬዳዋ ኣ ቤሳ፤ ኔ ፓፃዴ ጌዬዳዋ ኣሳ ኤሪሳናው ሙሴ ኣዛዜዳ ያርሹዋ ፆሳው ያርሻ» ያጌዳ።
23422	MAT 8:8	ሺን ፄቱዋ ካፑ ዛሪዴ፥ «ታ ጎዳው፥ ኔና ታ ሶይ ጌሊሳናው ታው ቤሴና፤ ሺን ኔኒ ቃላ ፃላላ ሃሳያ፤ ታ ቆማይ ፓፃናዋ።
23429	MAT 8:15	ኢዚ ኩሺያ ዬሱሲ ቦቺና፥ ቆፁ ኢዞ ባሺ ኣጌዳ፤ ኢዛካ ዴንዳዴ ኣው ሚያባ ጊጊሳዱ።
23432	MAT 8:18	ዬሱሲ ጮራ ኣሳይ ባሬ ዩሹዋን ዴዒያዋንታ ቤዒዴ፥ ኣባፔ ሄፊን ፒናና ማላ፥ ባሬና ካሊያዋንታ ኣዛዜዳ።
23441	MAT 8:27	ኣሳይ ማላሌቲዴ፥ «ሃዌ ላ ሃራይ ኣቶ፥ ጎቱኔ ቤታይ ኣዛዜቲያዌ ኣይባ ኣሴ?» ያጌዲኖ።
23451	MAT 9:3	ሂጊያ ታማሪሲያዋንቱፔ ኢቱ ኢቱ ባሬንቱ ዎዛናን፥ «ላ ሃ ቢታኒ ፆሳ ቦላ ኢታባ ሃሳዬቴ!» ያጊ ቆፔዲኖ።
23452	MAT 9:4	ዬሱሲ ኡንቱንቱ ቆፋ ኤሪዴ፥ ኡንቱንታ ሃዋዳን ያጌዳ፤ «ሂንቴንቱ ሂንቴ ዎዛናን ሃዋ ማላ ኢታባ ኣዪሲ ቆፒቴ?
23466	MAT 9:18	ዬሱሲ ኡንቱንቶ ሄዋ ኦዲሺን፥ ኣዪሁዴ ዎሳ ጎሌ ካፓቱዋፔ ኢቱ ኣኮ ዪ ኣ ሲንን ጉልባቲዴ፥ «ታ ናታ ሃዒ ሃይቃዱ፤ ሺን ኔኒ ያዴ ኔ ኩሺያ ኢዚ ቦላ ዎሪኪ፤ ኢዛ ዴዑዋን ዴዓናዉኑ» ያጌዳ።
23469	MAT 9:21	ሃዋ ኢዛ ኡዶዌ፥ ኢዛ ባሬ ዎዛናን፥ «ታኒ ኣ ማዩዋ ፃላላ ቦቻንቶ ፓፃና» ያጋዴ ቆፓዱ።
23476	MAT 9:28	ዬሱሲ ጎሌ ጌሌዳ ዎዴ፥ ቆቃቱ ኣኮ ዬዲኖ፤ ዬሱሲ ኡንቱንታ፥ «ታኒ ሃዋ ኦናው ዳንዳዪያዋ ኣማኒቴ?» ያጌዳ። ኡንቱንቱ፥ «ኤ ጎዳው» ያጊ ዛሬዲኖ።
23488	MAT 10:2	ዬሱሲ ኪቴዳ ታማኔ ላዓቱዋ ሱንይ፥ ኮይሮዌ ጴፂሮሳ ጌቴቲያ ሲሞናኔ ኣ ኢሻ ኢንዲራሳ፥ ዛቢዲዮሳ ናና፥ ያዪቆባኔ ዮሃኒሳ፥
23515	MAT 10:29	ላዑ ሱኒያ ካፋቱ ሳንቲሚያን ዛሊዔቲኪኖ? ሂንቴንቱ ኣዉዋ ሼኒያ ጊዳና ዮፔ፥ ሄ ሱኒያ ካፋቱዋፔ ኢቲናካ ሳዓን ዎዴ ባዩኩ።
23525	MAT 10:39	ባሬ ሼምፑዋ ኣሺያዌ ባዪዛናዋ፤ ሺን ታ ዲራው ባሬ ሼምፑዋ ባዪዚያዌ ኣሻናዋ።
23529	MAT 11:1	ዬሱሲ ባሬ ታማኔ ላዑ ካሊያዋንታ ኣዛዚያዋ ፖሌዳ ዎዴ፥ ሄዋፔ ዴንዲዴ፥ ካታማቱዋን ታማሪሳናዉኔ ኦዳናው ቤዳ።
23532	MAT 11:4	ዬሱሲ ዛሪዴ፥ ኡንቱንቶ ሃዋዳን ያጌዳ፤ «ቢዴ ሂንቴንቱ ቤዒያዋኔ ሲሲያዋ ዮሃኒሳው ኦዲቴ፤
23553	MAT 11:25	ዬሱሲ ሄ ዎዴ ዛሪዴ፥ ሃዋዳን ያጌዳ፤ «ታ ኣቦ፥ ሳሉዋ ሳዓ ጎዳው፥ ኔኒ ሃዋ ኣዳ ኤራንቻቱዋፔኔ ኣኬካንቻቱዋፔ ጌንዴ፥ ኤሬና ናናቱዋሲ ቆንጪሴዳ ዲራው፥ ኔና ጋላታይ፤
23557	MAT 11:29	ታኒ ጋራኔ ታ ዎዛናን ኣሺኬ ጊዶ ዲራው፥ ታ ሞርጌ ሚን ዋፄቲቴ፤ ታፔ ታማሪቴ፤ ሂንቴንቱ ሼምፑዋሲካ ሂንቴ ሼምፑዋ ዴማና።
23592	MAT 12:34	ሾሻቶ፥ ሂንቴንቱ ኢታ ጊዲዴ፥ ዎቲ ሎዖባ ሃሳያናው ዳንዳዪቴ? ኣዪሲ ጎፔ፥ ዶናይ ዎዛና ጊዶን ኩሜዳዋ ሃሳዬ።
23594	MAT 12:36	ታኒ ሂንቴንቶ ኦዳይ፤ ኣሳይ ባሬ ሃሳዬዳ ማዴና ሃሳያ ኡባው ፒርዳ ጋላሲ ዛሩዋ ኢማናዋ።
23596	MAT 12:38	ሄዋፔ ጉዪያን፥ ሂጊያ ታማሪሲያ ኢቲ ኢቲ ኣሳይኔ ፓሪሳዋቱ ዛሪዴ ዬሱሳ፥ «ታማሪሲያዎ፥ ኔኒ ማላታ ኦሺን፥ ኑኒ ቤዓናው ኮዬቶ» ያጌዲኖ።
23597	MAT 12:39	ሺን ኢ ዛሪዴ፥ ኡንቱንቶ ሃዋዳን ያጌዳ፤ «ሃ ዎዲያ ኣሳይ ኢታኔ ፆሳ ኣማኔና ዲራው፥ ማላታ ኮዬ፤ ናቢያ ዮናሳ ማላታፔ ኣቲን፥ ሃራ ማላታይ ኢሜቴና።
23606	MAT 12:48	ሺን ዬሱሲ ዛሪዴ፥ «ታ ዳያ ኦኔ? ታ ኢሻቱ ኦኔ?» ያጌዳ።
23619	MAT 13:11	ዬሱሲ ዛሪዴ፥ ኡንቱንቱሲ ሃዋዳን ያጌዳ፤ «ሂንቴንቱሲ ሳሉዋ ካዉቴ ፁራ ኤሩሳይ ኢሜቴዳ፤ ሺን ኡንቱንቱሲ ኢሜቲቤና።
23623	MAT 13:15	ኣዪሲ ጎፔ፥ ሃ ኣሳ ዎዛናይ ጉዙሜዳ፤ ባሬንቱ ሃይ ቱሊሴዲኖ፤ ባሬንቱ ኣዪፊያካ ጪሉሜዲኖ። ሃዌ ባዌንቶ፥ ኡንቱንቱ ባሬንቱ ኣይፊያን ቤዓና፤ ባሬንቱ ሃይን ሲሳና፤ ባሬንቱ ዎዛናንካ ኣኬካና፤ ኡንቱንቱ ታኮ፥ ፆሳኮ ሲማና፤ ታኒካ ኡንቱንታ ፓና› ያጌ።
23627	MAT 13:19	ካዉቴ ቃላ ሲሲዴ፥ ኣኬኬና ኦኒኔ ኦጊያ ዶናን ዎዳ ዜሬ ማላ፤ ፃላሂያ ካፑ ዪዴ፥ ኡንቱንቱ ዎዛናን ዜሬቴዳዋ ማፂ ዲጌ።
23633	MAT 13:25	ሺን ቃማ ኣሳይ ጌሚዒሺዲጊና፥ ኣ ሞርኪ ዪዴ፥ ዛርጋ ዜሬዳዋ ቦላ ዛሪንጊያ ዜሪዴ ቤዳ።
23634	MAT 13:26	ሺን ዛርጋይ ዶሊ ኣይፌዳ ዎዴ፥ ዛሪንጊ ሄ ዎዴ ቤቴዳ።
23635	MAT 13:27	«ኣ ቆማቱ ኣኮ ዪዴ፥ ‹ጎዳው፥ ኔኒ ኔ ጎሻን ሎዖ ዜሬ ዜራቤይኪ? ያቲና፥ ዛሪንጊ ሃቃፔ ዬዴ?› ያጌዲኖ።
23637	MAT 13:29	«ሺን ኢ፥ ‹ኣጊቴ፥ ዛሪንጊያ ሂንቴንቱ ሾዲዴ፥ ዛርጋና ሾዳኒታ።
23638	MAT 13:30	ቦቾፒቴ፤ ቆይጪያ ዎዲ ጋካናው፥ ኢቲፔ ዲጪኖ። ቆይጪያ ዎዲ ጋኮዴ፥ ታኒ ቆይጪያዋንታ፥ ካሴቲዴ ዛሪንጊያ ማፂቴ፤ ታማን ጉዳናው ፖቺያን ፖቺያን ቃቺቴ፤ ሺን ዛርጋ ሺሺዴ ዲዪያን ቆሊቴ› ጋና» ያጌዳ።
23644	MAT 13:36	ሄዋፔ ጉዪያን፥ ዬሱሲ ኣሳ ኣጊዴ፥ ሶይ ጌሌዳ፤ ኣ ካሊያዋንቱ ኣኮ ቢዴ፥ «ጎሻን ዴዒያ ዛሪንጊያ ሌሚሱዋ ቢሌ ኑሲ ኦዳ» ያጌዲኖ።
23645	MAT 13:37	ዬሱሲ ዛሪዴ፥ ሃዋዳን ያጌዳ፤ «ሎዖ ዜሬ ዜሪያዌ ኣሳ ናዓ፤
23646	MAT 13:38	ጎሻይ ሃ ኣላሚያ፤ ሎዖ ዜሬይ ፆሳ ካዉቴ ኣሳ፤ ዛሪንጊ ፃላሂያ ካፑዋ ናና።
23647	MAT 13:39	ዛሪንጊያ ዜሬዳዌ ሞርኪያ ፃላሂያ፤ ቆይቻ ዎዲ፥ ዎዲያ ዉርሴ፤ ቃሲ ቆይጪያዋንቱ ኪታንቻቱዋ።
23648	MAT 13:40	«ሄዋ ዲራው፥ ዛሪንጊያ ማፂዴ፥ ታማን ጉዲያዋዳን፥ ዎዲያ ዉርሴን ሄዋ ማላ ጊዳናዋ።
23652	MAT 13:44	«ሳሉዋ ካዉቴይ ጎሻን ሞጌቴዳ ሚሻ ቤሴ፤ ኢቲ ቢታኒ ሄ ሚሻ ዴሚዴ፥ ዛሪዴ ሞጊ ኣጌዳ፤ ዳሮ ናሼቲዴ ቢዴ፥ ባሬው ዴዒያዋ ኡባ ዛሊዒዴ፥ ሄ ጎሻ ሻሜዳ።
23653	MAT 13:45	«ቃሲ ሳሉዋ ካዉቴይ ኢንቁዋ ጌቴቲያ ዳሮ ኣልዖ ሹቻ ሻማናው ኮዪያ ዛሊዓንቻ ማላቴ።
23654	MAT 13:46	ሄ ዛሊዓንቻይ ዳሮ ኣልዖ ኢንቁዋ ዴሚዴ፥ ቢዴ ባሬው ዴዒያዋ ኡባ ዛሊዒዴ፥ ኣ ሻሜዳ።
23660	MAT 13:52	ኢ፥ «ሄዋ ዲራው፥ ሳሉዋ ካዉቴ ፁራ ሎይ ኤሪያ፥ ሂጊያ ታማሪሲያ ኡባይ፥ ባሬ ሚሻ ሺሺ ዎዳ ጎሊያፔ ኦራ ሚሻኔ ኤጫ ሚሻ ሻኪ ኬሲያ ኢዛዋ ማላቴ» ያጊ ዛሬዳ።
23675	MAT 14:9	ካቲ ኣው ቃሬቴዳ፤ ሺን ባሬ ጫቁዋ ዲራዉኔ ባሬናና ማዳን ኡቴዳ ኢማ ዲራው፥ ኢዚው ዮሃኒሳ ሁጲ ኢሜታና ማላ ኣዛዜዳ።
23681	MAT 14:15	ሳዓይ ኦማርሲያ ዎዴ፥ ዬሱሳ ካሊያዋንቱ ኣኮ ዪዴ፥ «ሃዌ ሳዓይ ኣሳይ ባይናሳ፤ ሃዒ ሳዓይ ቃሚዲጌዳ፤ ኣሳይ ኡባይ ቄሪ ካታማቱዋ ቢዴ፥ ባሬንቶ ቁማ ሻማና ማላ፥ ኣሳ ሞዪዛ» ያጌዲኖ።
23683	MAT 14:17	ኡንቱንቱ ዛሪዴ ኣ፥ «ኑሲ ሃዋን ኢቼሹ ኡኪፔኔ ላዑ ሞሊያፔ ኣቲን፥ ሃራይ ባዋ» ያጌዲኖ።
23685	MAT 14:19	ኣሳይ ማታኒ ኡታና ማላ፥ ዬሱሲ ኣዛዜዳ፤ ኢቼሹ ኡኪኔ ላዑ ሞሊያ ኦይቂዴ፥ ሳሉዋ ፑዴ ፄሊዴ፥ ፆሳ ጋላቴዳ፤ ሄ ኡኪ ሜንዴ፥ ባሬና ካሊያዋንቱሲ ኢሚና፥ ኡንቱንቱ ጮራ ኣሳው ጊሼዲኖ።
23686	MAT 14:20	ኣሳይ ኡባይ ሚዴ ካሌዳ፤ ኣቴዳ ሱፓ ዶካ ታማኔ ላዑ ዛምቤሊያ ኩሜዳዋ ዴንዲኖ።
23688	MAT 14:22	ዬሱሲ ጮራ ኣሳ ሞዪዚዴ፥ ባሬና ካሊያዋንታ ዎንጊሪያን ጌሊዴ፥ ባሬፔ ሲንቲዴ፥ ኣባፔ ሄፊን ፒናና ማላ ኣዛዜዳ።
23694	MAT 14:28	ጴፂሮሲ ዛሪዴ ኣ፥ «ታ ጎዳው፥ ሃዌ ኔና ጊዶፔ፥ ታኒ ሃ ቦላና ኔኮ ባና ማላ፥ ታና ኣዛዛሪኪ» ያጌዳ።
23705	MAT 15:3	ዬሱሲ ዛሪዴ፥ ኡንቱንታ ሃዋዳን ያጌዳ፤ «ሂንቴንቱ ሂንቴ ዎጋ ዲራው፥ ፆሳ ኣዛዙዋ ፖሊያዋ ኣዪሲ ኢፂቴ?
23707	MAT 15:5	ሺን ሂንቴንቱ፥ ‹ኢቲ ኣሳይ ባሬ ኣባ ዎይ ባሬ ዳዮ ማዲያባይ ባሬው ዴዒና፥ «ሄዌ ፆሳዋ» ጎፔ፥ ባሬ ኣባ ዎይ ባሬ ዳዮ ቦንቻናው ቤሴና› ያጊታ፤ ያቲዴ ሂንቴንቱ ሂንቴንቱ ዎጋ ፖላናው ፆሳ ቃላው ኣዛዜቲኪታ።
23710	MAT 15:8	‹ፆሳይ ሃዋዳን ያጌዳ፤ «ሃዌ ኣሳይ ታና ባሬ ቦላ ዶናን ቦንቼ፤ ሺን ኡንቱንቱ ዎዛናይ ታፔ ሃኩዋን ዴዔ።
23711	MAT 15:9	ኣሳይ ታው ሜላ ጎዪኔ፤ ኣዪሲ ጎፔ፥ ኣሳይ ኦዳ ኣዛዙዋ ፆሳ ሂጊያ ማላቲሲዴ ታማሪሴዲኖ» ጌዳ› » ያጌዳ።
23715	MAT 15:13	ሺን ዬሱሲ ዛሪዴ፥ «ሳሉዋን ዴዒያ ታ ኣቡ ቶኪቤና ሚ ኡባይ ሾዴታናዋ።
23717	MAT 15:15	ጴፂሮሲ ዛሪዴ፥ «ሃ ሌሚሱዋ ቢሌ ኑሲ ኦዳሪኪ» ያጌዳ።
23720	MAT 15:18	ሺን ዶናፔ ኬሲያዌ ዎዛናፔ ኬሴ፤ ኣሳ ቱኒሲያዌ ሄዋ ማላ።
23721	MAT 15:19	ኣዪሲ ጎፔ፥ ዎዛና ጊዶፔ ኢታ ቆፋይ፥ ዎያዌ፥ ዎሹሚያዌ፥ ቃሲ ዎሹማናው ካጄሊያዌ ኡባይ፥ ዉዒያዌ፥ ዎርዱዋን ማርካቲያዌ፥ ቦሪ ኬሴ።