3	GEN 1:3	Aphano Nluku khuri: “Yiiyevo nuuru!” Khwiiyavo.
6	GEN 1:6	Aphano Nluku khulupa theenya yoori: “Wiiyevo mwaawanyo vakatthi wa maati onvalulaaye maati na maati!”
9	GEN 1:9	Nluku khuri: “Akusanyeye maati apa ari vathi wa pinku vahali vamote epuwe tuulu yawuuma!” Khurettikhana etthiipo.
11	GEN 1:11	Nluku khulupa theenya yoori: “Tuniya yootthele tthuttu: waaza nyaani ziniimaaye peewu na miitthi ziniimaaye mishumo, wakhula nshumo na phunje yaya!” Khurettikhana etthiipo.
14	GEN 1:14	Aphano Nluku khuri: “Otulu ziiyewo vimwasikhelo yoori ovaluleye nthana na osikhu! Ziiye alama zinthoonyezaaye elimwe na mwiita, siikhu na nyaakha.
20	GEN 1:20	Aphano Nluku khuri: “Mpahari ziiyemo zumpe za waatta za wiiyana ohaayi, na eeyevo anyannyi anvavaaye otulu!”
22	GEN 1:22	Nluku khuparikhiya araka: “Mwittheerelane mwaattelane, mwiitaale mpahari, na anyannyi aattelane vatuniya!”
24	GEN 1:24	Aphano Nluku khuri: “Ziiyemo ntuniya jaati zooshi za zumpe za wiiyana ohaayi, nyama za ntthuttu, mifuwo za vaje na nyama zoojipurula!” Khurettikhana etthiipo.
26	GEN 1:26	Nluku khulupa theenya yoori: “Nimumpe pinaatamu woonishapihi wa wiiya nkhama Fweeyo! Yoori eeyane owahi wooshintta swi za mpahari na anyannyi o'otulu; mifuwo za vaje na nyama za ntthuttu mpakha nyama zooshi zinjipurulaaye vathi.”
28	GEN 1:28	Nluku khuwaaparikhiya khuwooza yoori: “Mwivokolelane, mwaattelane mwiitaale voolumwenku! Mwiiyane oshintta vatuniya, swi za mpahari, anyannyi o'otulu na nyama zooshi zineettettaaye vathi!”
54	GEN 2:23	Ye khuri: “Ahee! Ntthi likhonkolo la likhonkolo laka na nyama ya nyama yaka. Nka eetthiwaka oriwa muukha, maana alaziwa vamwiili wanlume.”
60	GEN 3:4	Aphano nyookha khumuuza muukha otule yoori: “Hatha khamwimfwa!
89	GEN 4:9	Paata ya toole, Nnyizinku khumuuzela Kayiini araka: “Ttwiiyo Apeele ori vayi?” Khujipu yoori: “Akijuweeni! Namweekesela wa ttwiiyaku ti miyo?”
95	GEN 4:15	Nnyizinku khunjipu yoori: “Wala! Khahiyo toowo! Wakhula otule anttelaaye owuula oniiya woohukhumwiwa swaafu sapa.” Ye khunttha alama vamwiili yoori wakhula aninsikanaaye ahimuule.
103	GEN 4:23	Lameekhi khuwooza aakhaawe yoori: “Aada na Siila! Mwikisiileze aakhaaka: Kamuula ntthu mwaasa wookivulalisa, na shapu mmote mwaasa wookiluwattha.
155	GEN 6:17	Onjuwa! Miiyo kasaleela ozamisa olumwenku wooshi na maati a nnyeri, kiishise zumpe zooshi ziriina phuumu z'oohaayi ziriiye vathi wa pinku. Zooshi ziriiye vatuniya zinttela ofwa.
273	GEN 11:6	Ye khuri: “Moone! Atthu apa amoteru, ooshi anttakhula luuka moote. Eti arettiyeeyo eetta waaza, khaavo anttelaaye owaakarawela etile awaziyeeyo.
318	GEN 12:19	Khi apho waari olupaaye yoori ti nlupuwo? Mwaasa wa weeyo ori nlupuwo, ti eto yaakipatthisiyeeyo onrala. Apho muukhaawo otu, onthuule olawe!”
362	GEN 15:1	Paata ya vitthu epile, Nnyizinku anttakhulaniye Eburamu nkatthi wa ezimu amuuzaka yoori: “Eburamu ohoove! Miiyo ki namwaakisa awo, na tthuvo yawo enteela wiiya yooziti owula.”
390	GEN 16:8	Nlayikha ntthile khumuuzela liraka: “Weeyo Hajira njaazi wa Suhuriiya! Onlankha vayi wala ontta vayi?” Ye khujipu: “Keetta otthira vaje wa nhano aka Suhuriiya othuuto.”
430	GEN 18:5	wiiya mwavira vaje wa karumeyeenu, kintta weettela etthu ttiitthiiru mwisapeye, yoori mwipatthe kuvu yoorutela safwari yenu.” Yo khujipu yoori: “Kemaani! Erettikhane khwa nanna onlupaazo.”
466	GEN 19:8	Mweyo! Miiyo kinaaye aanaaka awiri ahiniwaajuwaaye alume. Kintta owinkhani atthaapo, mwiwaarettele wakhula etile mwintakhaaye. Ila mwihiwaarettele etthu yootakhala aletto apa ata nnyupa mwaka, na miiyo kina yoowiinanela.”
467	GEN 19:9	Yo khuri: “Oleevo apha! Weeyo o mmalapo mmuti mphu, ontakha ojinkhe ofwalume na mmuti mwetthu? Fweeyo nintta wuurettela vitthu zooziti epi naari otakhaaye owaarettela apo.” Aphano yo khunsukhuma Loothi, khusala asusela nlako awe yoori apwechaze.
476	GEN 19:18	Loothi khujipu; “Toowo wala safwatali ambwana zaka!
501	GEN 20:5	Ti Eburahiima aakuuziye yoori Suhura nlupuwe! Na Suhura khukuuza etthiipo yoori nlupuwe. Miiyo karetta eti na rooho y'ookemaani woohijuwivo etthu.”
521	GEN 21:7	Paani aari waakanyeraaye yoori Eburahiima aari oteela ompatthela mwaana Suhura? Na wuuluvala wawe, miiyo kampatthela mwaana!”
549	GEN 22:1	Paata yoovira nyaakha, Nluku aamweeziye Eburahiima, khunkhuwela araka: “Eburahiima!” Ye khujipu: “Lapeekha!”
555	GEN 22:7	Esiyaakha khunkhuwela papaawe yoori: “Mweyo paapa!” Ye khujipu: “Lape mwanaka!” Aphano Esiyaakha khumuuzela papaawe: “Nathuula moottho na khuuni, khi pwittipwitthi yoolawa otwahi eri vayi?”
559	GEN 22:11	Ila nlayikha la Nnyizinku khukhuwa pinkuuni liraka: “Eburahiima! Eburahiima!” Ye khujipu: “Lapeekha!”
583	GEN 23:11	“Wala mbwanaaka! Okisiileze, miiyo kiniwinkha nshapa na likurakuza liriiye nttumpho, kiniwinkha atthu ooshi apa ariiye apha eettaka woona. Olawe wanzikhe muufwi awo.”
587	GEN 23:15	“Okisiileze mbwanaaka! Nti aya opo pu wa mizurukhu za feeta miiya nne. Eto yaya niini miiyo na weeyo? Wanzikhemo muufwi awo.”
598	GEN 24:6	Eburahiima khunjipu: “Phoole! Hatha vattitthiiru ohirette onlawana mwanaka.
604	GEN 24:12	Attaaphale khusala alompa araka: “Oh! Nnyizinku, Nluku wa mbwanaaka Eburahiima, kinuuvekela yoori siikhu eti ya leelo okiparikhiye, na onthoonyeze pheta ya waamineya mbwanaaka Eburahiima.
623	GEN 24:31	Labani khuri: “Ote okhuno, weeyo wooparikhiyiwa ti Nnyizinku! Weekhalela-ni veetakale apho? Kawaattalelela puuro onti na vahali woopwehavo enkamiiya zawo.”
634	GEN 24:42	Phi kiriyeevo n'oofiya onlipu leelo, khusala kimuuza Nnyizinku kiraka: ‘Oo Nnyizinku! Nluku wa mbwanaaka Eburahiima, nkhama safwari eti kineettaaye otakha wawo, okijaaliwe.
689	GEN 25:30	Ye khumuuza Yaakhumpa yoori: “Okinkhe vitthu epo oniipikhaazo zookhuttuwela kije. Kintakha ofwa jala!” Ti eto Ezawu enkhiweeyo nzina la Edomu.
691	GEN 25:32	Ye khumuuza yoori: “Lina fwayita-ni lifunku laya nttho la wiiya mwaana wa mwanzo, miiyo kitakhaka ofwa jala!”
702	GEN 26:9	Aphano Apimeleekhi khunkhuwela Esiyaakha khumuuza yoori: “Otu, khweele muukhaawo! Khi apho waari oraaye nlupuwo?” Ye khujipu yoori: “Kaari woova wuuliwa mwaasa wa ye.”
729	GEN 27:1	Esiyaakha ooluvaliye, maasho awe aashokheriye khuhisala oona. Khunkhuwela Ezawu mwanawe otu nwulu araka “Mwanaka!” Ye khujipu: “Lape!”
734	GEN 27:6	ye khumuuza mwanawe Yaakhumpa araka: “Weyo! Kansiila papaawo amuuzaka ttwiiyo Ezawu yoori:
746	GEN 27:18	Ye khulawana aphale aariivo papaawe khunkhuwela: “Paapa!” Ye khujipu: “Lape! Weeyo o mwanaka-ni?”
761	GEN 27:33	Esiyaakha khusuthuwa channu khusala athukumela khulupa yoori: “Khi otule apatthiyeeyo nyama khukitiisela ti paani? Miiyo kaja keesha weeyo ohinate. Kamparikhiya, ti wooparikhiyiwa!”
762	GEN 27:34	Ezawu n'oosiila mattakhuzi apale a papaawe khwiiphiiriwa khulila venkivene, khunvekela papaawe yoori: “Na-miyo paapa mwikiparikhiye!”
766	GEN 27:38	Ezawu khumuuzela papaawe: “Mweeyo paapa khamwisalaneeni hatha parakha? Na miiyo mwikiparikhiye!” Khusala alila anyakulaka.
773	GEN 27:45	Amana omwiishela okatipukha wawe na asahawu eti onretteliyeeyo miiyo kintta wuuperekheza nhupi yoori ote. Akintakha okipwetheya aanaaka oowiiri siikhu moote!”
789	GEN 28:15	Woone! Miiyo kiri vamote na-weyo, kinteela owiinanela wakhula vahali oneettaavo, na kinteela wuurutisela tuniya ethiiti, akiniwanswi khihiretteeni epile zooshi kiwaahitiyeezo.”
791	GEN 28:17	Ye khwiiya wa woova channu, khulupa yoori: “Puuro eti ti yawoopisa! Nyuupa ya Nluku, na nlako wa pinkuuni.”
801	GEN 29:5	Ye khuri: “Mwininjuwa Labani ntuulu wa Nahoori?” Yo khujipu araka: “Aa, nininjuwa!”
802	GEN 29:6	Khuwoozela theenya yoori: “Nkumi?” Yo khujipu yoori: “Aa, nkumi! Mwanawe Rakeele ti oto antaaye apho na pwittipwitthi za papaawe.”
815	GEN 29:19	Labani khujipu yoori: “Kemaani! Ti yooshapweya wuulooza weeyo zayita onlooza ntthu nkinoko. Osala wiikhala attaapha na-miyo.”
832	GEN 30:1	Rakeele ooniyeevo yoori Yaakhumpa khaari ompatthela mwaana, khusala anlilela wiivu ttwiiye. Khumuuza Yaakhumpa yoori: “Okipatthele mwaana, n'oohiiyi etthiipo kintta ofwa!”
842	GEN 30:11	Liiya khulupa yoori: “Kashapweyiwa mwaani!” Khuntthaja nzina la Gaati.
844	GEN 30:13	Liiya khuri: “Kafurahi mwaani! Mpakha aakha akina anteela okuuza yoori kenkhiwa furaha!” Mwaana otule khuntthaja nzina la Asheeri.
846	GEN 30:15	Ye khujipu araka: “Wanthuula mannaka, khootosheeni? Theenya ontakha othuule mathunkuja apa atiisiyeeyo mwanaka?” Rakeele khunjipu araka: “Kemaani! Nlaweni nipatili, mwikinkhe mathunkuja apo, osikhu opu Yaakhumpa mwilawe mwarapalelane mweeyo.”
885	GEN 31:11	Nlayikha la Nluku khukikhuwela muulottha liraka: ‘Yaakhumpa!’ Miiyo khujipu: ‘Lape!’
889	GEN 31:15	Oninoona nkhama amalapo! Anuuzanyisa, nzurukhu etthu wa mahari wooshi aja.
898	GEN 31:24	Aphano Nnyizinku khunlotthisa Labani osikhu eettaka olala yoori: “Phoole! Ohimuuze etthu yooshapweya Yaakhumpa ama yootakhala.”
902	GEN 31:28	Weeyo khuhikiweji khapula kileezanana aanaaka na atuulwaka! Epi orettiyeezo vitthu zoololo.
903	GEN 31:29	Miiyo kinaaye owahi wa wuuhoowisa, ila osikhu wa taana Nluku wa papaawo khukuuza yoori: ‘Phoole! Ohimuuze etthu yootakhala ama yooshapweya.’
971	GEN 33:10	Yaakhumpa khusala ankhanyarela araka: “Mwihikatthale! Nkhama kinsuhi mmakhono mwenu safwatali pokherani vitthu epi, maana n'oowoonani mweeyo koona nkhama kimooniye Nnyizinku khwa nanna mwituveliweezo ti miyo.
1011	GEN 34:30	Aphano Yaakhumpa khumuuzela Simiyooni na Leevi yoori: “Mweeyo mwakizinkula! Mwaretta yoori atthu apa aniikhalaaye nti otthuupu, Akanaani na Apirizi asala eephiiriwa ti miyo. Fweeyo khanaatteeni, yo amana akusanyeya ateela okuumanana antta okuula na ajamaazaku.”
1029	GEN 35:17	Oonaka olwaaza channu, mwaatani khumuuza yoori: “Ohoove! Weeyo wampattha mwaana nkina theenya wanlume.”
1090	GEN 37:6	Ye khuwooza yoori: “Mwisiileze jozi kilotthiyeeyo!
1093	GEN 37:9	Khurutela olottha khuwooza attwiize yoori: “Kalottha theenya! Njuwa, mweezi na matthottowa khumi na limote zikiinameliye.”
1099	GEN 37:15	Asaleelaka ofiya Shekemu khuthowelela. Khusikaniwa ti mwinyi mmote eettaka ojeettettela ntthuttu khumuuzela yoori: “Weyo! Oneekesa-ni?”
1103	GEN 37:19	Yo khuuzana yoori: “Ahee! Namalottha nwulu oto ontta ota!
1105	GEN 37:21	Ruubeni n'oosiila khumwaakisela khulupa yoori: “Nihimwankameze!”
1114	GEN 37:30	Khurutela aphale aariivo attwiize khuwooza yoori: “Mweyo! Shaapu otule khaavo vanlipu aphale! Kiri toovi?”
1117	GEN 37:33	Ezirayeele khufwahamu khuri: “Ajapi ya mwanaka! Khweele-khweele nyama yoohusuti yeetta omuula khunrafuna.”
1136	GEN 38:16	Ye khunkhuwela araka: “Nkatu! Kinuutakha, kuulalane.” Ye ahijuwaka yoori ti nkhwewe muukha wa mwanawe. Tamaara khumuuzela yoori: “Amana kilalana weeyo onikinkha-ni?”
1137	GEN 38:17	Yuuda khunjipu yoori: “Kintta wuuperekheza puuzi moote ya nliphanko mwaka.” Tamaara khuri: “Aayo! Kasiila. Ila okilikhele etthu kinwahaaye waamini yoori onlawa wakiperekheze puuzi yaya eto.”
1144	GEN 38:24	N'oovira nyeezi mittatthu, khuuziwa Yuuda yoori: “Nkhwewo Tamaara araruwa, apha eemittha.” Ye khuri: “Athuuliwe alawe alukuziwe!”
1149	GEN 38:29	Otule aasaruliyeeyo nkhono awe khurutiselamo, khusaruwa otule ahaasaruliyeeyo, mwaatani khuri: “Huu! Wapattha toovi tarikhi yoosaruwa?” Khuntthaja nzina la Pereezi.
1158	GEN 39:8	Ye khukatthala, khumuuza muukha wa mbwanaawe yoori: “Moone! Mbwanaaka khanjali vitthu za vaje apha; zooshi ariinaazo, ziri mmakhono mwaka.
1159	GEN 39:9	Khaavo mmote akizitiyeeyo miiyo vaje apha, khayiivo hatha etthu moote akikhattaziyeeyo ila mweeyo wala, mwaasa yoori mwa muukhaawe. Etthu yootakhala nkhama eto, kirette mwaasa wa niini? Toowo kintta onkosa Nnyizinku!”
1162	GEN 39:12	Muukha wa Potifwaari khukhola orempo awe khumuuza yoori: “Haya okilalane!” Yuusufu khunlikhela orempo awe mmakhono mwawe khutthirela vaje.
1164	GEN 39:14	khuwaakhuwela akarumeya khuwooza yoori: “Mmoone! Mwiibereewu otu atiisiweeyo ti mannaka aaza onitarawu. Aaviriye okatthi waka khusala atakha okilalana, ila miiyo khusala kikhuwa kinyakulaka.
1239	GEN 41:43	Khupakhiriwa mmwikukutta opule waphiiri, khulokoza anamalaleya alupaka yoori: “Mwinkokhorele!” Yuusufu enkhiweeyo ottunkhulu wa Misuri yooshi.
1260	GEN 42:7	Wakathi awooniyeevo khuwaajuwa, ila khumpuwa nkhama ahiwaajuweeni. Khusala awoozela awaatuturuchaka araka: “Mweeyo! Mwinlankha vayi?” Yo khunjipu “Ninlankha tuniya ya Kanaani, naateeliye wuuzanya etthu-yoojiwa.”
1262	GEN 42:9	Ye khupayini jozi epile aawooziyeeyo khuri: “Mweeyo mw'aahankawaani! Mwaateeliye ojuwa siiri za mmuti mwetthu mphu.”
1263	GEN 42:10	Yo khunjipu araka: “Wala mbwaneetthu! Fweeyo akarumeyeenu naateeliye wuuzanya etthu-yoojiwa.
1267	GEN 42:14	Khurutela owooza araka: “Pi etthiipo kilupiyeezo! Mweeyo mw'aahankawaani!
1275	GEN 42:22	Ruubeni khujipu araka: “Miiyo akaalupiye yoori shapu oto mwihinrettele vitthu zootakhala? Ila mweeyo khuhitakhi okisiileza! Apho nina yoojipu mwaasa w'oofwa wawe.”
1281	GEN 42:28	Khuwooza attwiize yoori: “Moone! Nzurukhu aka karutiseliwa, opu ori mphu!” Aphano yo khusuthuwa khusala athukumela na woova oozelanaka yoori: “Niini epi Nluku aniretteliyeezo?”
1289	GEN 42:36	Aphano papaaya khulupa yoori: “Mweeyo! Mwintakha okiishisela aanaaka. Yuusufu ti otule aashikhiyeeyo, Simiyooni khaavo apha na Bejami mwintakha onthuula theenya! Zooshi epo othunku aya ti miyo kinoonaaye.”
1311	GEN 43:20	Khulupaza yoori: “Safwatali mbwaneetthu! Swaafu etile naatiiyeeyo apha yamwanzo naateeliye wuuzanya etthu-yoojiwa.
1320	GEN 43:29	Ye khulansa maasho awe khumoona ttwiiye Bejami mwaana wa mamaawe. Khuwoozela yoori: “Ttwiiyenu otu mwaari onlupaaye w'eefutti ti othuutu?” Ye khumuuza Bejami yoori: “Nluku awinkhe rehema mwanaka!”
1332	GEN 44:7	Yo khujipu araka: “Mwaasa aya niini mbwaneetthu alupaka toowo? Fweeyo akarumeyaawe khaninwahi oretta vitthu zaya epo!
1341	GEN 44:16	Yuuda khujipu araka: “Niwuuze niini mbwanaaka! Apho nijihakikhi toovi? Nluku avithula twampi zetthu. Aphano n'aamwiitthwaana za mbwaneetthu nkhama otule asikananiweeyo pilawuri.”
1342	GEN 44:17	Yuusufu khulupa yoori: “Miiyo akinwahi oretta etthu aya eto! Othuuto asikananiweeyo pilawuri yaka ti ye anttelaaye wiiya mwiitthwaana aka, mweeyo mwirutele wapapeenu na heeri.”
1343	GEN 44:18	Yuuda khunsusela Yuusufu khumuuza yoori: “Safwatali mbwanaaka! Mwinlikhe karumeyeenu awuuzeni nttakhuzi na mwihinkatipukhele, mwaasa yoori mweeyo mwiri nkhama Firawuuna mwennyeweene.
1362	GEN 45:3	Ye khuwooza attwiize yoori: “Miiyo ki Yuusufu! Nkahayani, paapa ori haayi?” Attwiize khuhisala awahi onjipu mwaasa yoori aari ooshanka channu.
1368	GEN 45:9	Mwaakuve mwirutele wapaapa mwamuuze yoori: Mwanenu Yuusufu alupa yoori: Nluku akinkha ottunkhulu wa Misuri yooshi. Ate okhuno, ahirupaze!
1385	GEN 45:26	N'oofiya khumuuza papaaya yoori: “Yuusufu nalelo ori haayi, nttunkhulu wa Misuri yooshi!” Yaakhumpa n'oosiila khuzileya mwaasa woohaamini.
1387	GEN 45:28	Yaakhumpa khulupa yoori: “Mwanaka ori haayi! Kintta olawa kamoone kihinafwe.”
1389	GEN 46:2	Nluku anteeliye Ezirayeele osikhu nkatthi wa jozi khusala ankhuwela araka: “Yaakhumpa! Yaakhumpa!” Ye khujipu yoori: “Lapeekha!”
1444	GEN 47:23	Aphano Yuusufu khuwooza atthu yoori: “Mwikisiileze! Kawuuzanyani mweeyo na miti zenu zooshi. Waaza leelo mweeyo na mashapa enu anttela wiiya a Firawuuna. Peewu eti mwilawe mwazale.
1463	GEN 48:11	Ezirayeele khumuuza Yuusufu yoori: “Wala akaari wuupuwela yoori kaari oteela woonanana weeyo theenya, ila Nluku akinoza mpakha aanaawo!”
1492	GEN 49:18	Oo Mbwanaaka! Miiyo kinweja nusura yawo!
1569	EXO 2:14	Ye khumuuzela yoori: “Paani awinkhiyeeyo onamalokozela weetthu ama onamaphuka? Ontakha okuule nkhama omuuliyeezo mmisuri otule?” Munsa khoova khuri: “Ee, ajuwa etthu kirettiyeeyo!”