21	GEN 1:21	Nluku khumpa zumpe z'oohaayi khuluzeene za mpahari, na jaati zooshi za zumpe zineettettaaye na ziniitaalaaye mpahari. Khumpa theenya jaati zooshi za anyannyi. Nluku khoona yoori pi zooshapweya.
26	GEN 1:26	Nluku khulupa theenya yoori: “Nimumpe pinaatamu woonishapihi wa wiiya nkhama Fweeyo! Yoori eeyane owahi wooshintta swi za mpahari na anyannyi o'otulu; mifuwo za vaje na nyama za ntthuttu mpakha nyama zooshi zinjipurulaaye vathi.”
28	GEN 1:28	Nluku khuwaaparikhiya khuwooza yoori: “Mwivokolelane, mwaattelane mwiitaale voolumwenku! Mwiiyane oshintta vatuniya, swi za mpahari, anyannyi o'otulu na nyama zooshi zineettettaaye vathi!”
30	GEN 1:30	Kininkha mathapa ooshi nkhama vitthu-zooja za nyama zooshi ziriina ohaayi: anyannyi ooshi o'otulu na nyama zooshi mpakha epile zinjipurulaaye vathi.” Khurettikhana etthiipo.
38	GEN 2:7	Aphano, Nnyizinku khumumpa pinaatamu khwa ottophe wa vathi. Khunvitelela mphula mwawe khumwinkha phuumu y'oohaayi, pinaatamu khwiiya yumpe haayi.
39	GEN 2:8	Mbwana Nnyizinku khuzala woorotha nti wa Eeteni, phantte y'ookhu lintthamuwaawo njuwa, khuntthaamo pinaatamu otule aamumpiyeeyo.
41	GEN 2:10	N'Eeteni nttumpho waarimo muuttho waari okhuwaraaye woorotha opule; muuttho otthuupo khwaawanyeya khupuwavo nyuuttho mine.
50	GEN 2:19	Paata ya Mbwana Nnyizinku wumpa khwa ottophe wa vathi nyama zooshi za ntthuttu na anyannyi apa o'otulu, zooshi khuntiisela Adamu yoori amoone nanna aari weettelaazo otthaja; wakhula yumpe aari otthajaaye, nzina laya laari wiiya nttinttho.
51	GEN 2:20	Adamu khutthaja mazina mifuwo za vaje, anyannyi o'otulu na nyama zooshi za ntthuttu. Ila khuhipuwivo hatha moote ya wiiya nkhama ye yaari weettelaaye onkhiza.
64	GEN 3:8	N'oosiila shintto ya Mbwana Nnyizinku eettettaka nwoorotha mphule, wakathi wa pheevo ya matulayi njuwa-looveva, pinaatamu na muukhaawe khujivitha na miitthi nwoorotha nttumphule yoori Mbwana Nnyizinku ahiwoone.
70	GEN 3:14	Aphano Mbwana Nnyizinku khuuza nyookha yoori: “Wiiya waretta vitthu epi, woolaanikha ti weyo vakatthi wa mifuwo za vaje na nyama zooshi za ntthuttu, nka weettettanaka erukulu na ojaka ottophe siikhu zooshi z'oohaayi awo.
75	GEN 3:19	Okholaka khaazi yoovujuwela yoori opatthe etthu-yooja yawo mansha awo ooshi. Maana weeyo wompaniwa ottophe, n'oofwa mpakha orutele voottophe.”
78	GEN 3:22	Mbwana Nnyizinku khuri: “Mpakha apha pinaatamu wampattha wiiya nkhama fweeyo, ajuwa etthu yooshapweya na yootakhala. Ye ahilikheleliwe oshuma nshumo wa muutthi w'oohaayi aja yoori eeyane ohaayi wa mileele.”
80	GEN 3:24	N'oomwiikaramo pinaatamu nwoorotha phantte lintthamuwaawo njuwa ya Eeteni, khutthaamo kerupiina na phanka ya moottho yaari ozukulelaaye. Ye aarettiye toowo yoori esala yeekesela tarikhi yaari weettaaye okhule oriiwo muutthi w'oohaayi.
88	GEN 4:8	Aphano Kayiini khumuuza ttwiiye Apeele yoori: “Nlawe ntthuttu.” N'oofiya khunzukuluwela khumuula.
108	GEN 5:2	nlume na muukha ti ye awompiyeeyo. N'oowompa khuwaaparikhiya. Khuwaatthaja nzina la “anaatamu”.
141	GEN 6:3	Aphano Nnyizinku khuri: “Akinteela onlikhela pinaatamu phuumu z'oohaayi khwa mileele, maana ye nyama ya taamu; siikhu zawe enttela wiiya nyaakha miiya na eshiriini.”
142	GEN 6:4	Wakathi aya opo muulumwenku aarimo atthu awulu-awulu na oozivala, aruteliye wiiyavo theenya. Aari aana aalume aavokoliweeyo pi mahaakhimu n'oorapalelana aana aakha a anaatamu. Aana atthaapo, pa yo aari atthu oozivala na ootafikhana.
145	GEN 6:7	Khuri: “Kintta owaafujavo anaatamu aya apa kiwompiyeeyo voolumwenku apha; waaza anaatamu, nyama, anyanyama, na anyannyi o'otulu, kiwookasirikha mwaasa woowumpa.”
147	GEN 6:9	Eti hatiithi ya Nuuhi. Vakatthi wa atthu ooshi ye otthwe paasi ti ye ari ntthu w'eekhweeli na washariya, aari weettettelaaye mwentto wa Nluku
151	GEN 6:13	Nnyizinku khumuuza Nuuhi yoori: “Kintta wiishisa zumpe zooshi z'oohaayi, vamote na olumwenku aya kipweche.
155	GEN 6:17	Onjuwa! Miiyo kasaleela ozamisa olumwenku wooshi na maati a nnyeri, kiishise zumpe zooshi ziriina phuumu z'oohaayi ziriiye vathi wa pinku. Zooshi ziriiye vatuniya zinttela ofwa.
175	GEN 7:15	Zumpe zooshi ziriina phuumu z'oohaayi khupakhira piiri-piiri mmwaaraka mphule vamote na-ye.
181	GEN 7:21	Zumpe zooshi z'oohaayi zaari vatuniya khufwa; anyannyi, mifuwo za vaje, nyama za ntthuttu, epile zinjipurulaaye vathi na anaatamu ooshi.
182	GEN 7:22	Zumpe zooshi epile zaariina phuumu y'oohaayi, zaari ovumulaaye voolumwenku apha khufwa.
183	GEN 7:23	Nnyizinku khupwetecha zumpe zooshi z'oohaayi zaari vatuniya. Pinaatamu, nyama za ntthuttu, na epile zinjipurulaaye vathi na anyannyi o'otulu zooshi khupwetheya. Khusala Nuuhi otthwe na ajamaaze na nyama epile zaari vamote na-ye mmwaaraka.
190	GEN 8:6	N'oovira siikhu arupayiini Nuuhi khufukula ettakha ya aaraka etile aattaliyeeyo.
195	GEN 8:11	Khuruti njuwa-looveva elumiye nthapa liwishi l'ooluveera, aphano Nuuhi nawoona khujuwa yoori maati avwa vatuniya.
208	GEN 9:2	Nyama zooshi za voolumwenku, epi za ntthuttu, anyannyi o'otulu, epi zinjipurulaaye vathi, na swi za mpahari, zinttela wiiya zoowoovani mweeyo channu. Zooshi epo mwinttela oshintta.
221	GEN 9:15	phi kinttelaaye wuupuwela wahati aka miiyo na-weyo na zumpe zooshi. Khanrutela theenya maati a nnyeri ozamisa zumpe zooshi z'oohaayi.
222	GEN 9:16	Nkhankanyama n'oopuwa mmawiku, nka kifikhiraka wahati opule kirettiyeeyo wa mileele miiyo na zumpe zooshi z'oohaayi ziriiye vatuniya.”
229	GEN 9:23	Aphano khulankha Sheemu na Yafeeti khuthuulaza juupa khuvikela mmafuzi mwaya khusala eettetta na enyokonyoko yoori ahoone owaazu wa papaaya n'oofiya khumfinikha.
230	GEN 9:24	Wakathi Nuuhi emwaamuwiyeevo viinyu etile, khujuwa mattakhuzi aaviriseliweeyo ti mwanawe otu w'eefutti.
278	GEN 11:11	N'onvokola Arifwakisaati, eekhaliye nyaakha miiya thaanu, khuwaavokola theenya aana aalume na aakha.
282	GEN 11:15	N'onvokola Heebere, eekhaliye nyaakha miiya nne na mittatthu, khuwaavokola theenya aana aakha na aalume.
284	GEN 11:17	N'onvokola Peleekhi, eekhaliye nyaakha miiya nne na talaathiini, khuwaavokola theenya aana aalume na aakha.
286	GEN 11:19	N'onvokola Reewu, eekhaliye nyaakha miiya piiri na tiisiya, khuwaavokola theenya aana aalume na aakha.
288	GEN 11:21	N'onvokola Serukhi, eekhaliye nyaakha miiya piiri na sapa khuwaavokola theenya aana aakha na aalume.
290	GEN 11:23	N'onvokola Nahoori, eekhaliye nyaakha miiya piiri khuwaavokola theenya aana aalume na aakha.
292	GEN 11:25	N'onvokola Teera, eekhaliye nyaakha miiya na khumi na tiisiya, khuwaavokola theenya aana aalume na aakha.
304	GEN 12:5	Khunthuula muukhaawe Suhuriiya na Loothi mwaana wa ttwiiye, na mali zawe zooshi aariinaazo, vamote na amwiitthwaana awe aawaapatthiyeeyo Harani, khusala alawa tuniya ya Kanaani. N'oofiya tuniya ya Kanaani,
307	GEN 12:8	Eeshiyeevo, khusala eetta phantte ya kusini onyaako wa malawa-juwa ya Beetele. N'oofiya onyaako okhule, khweemesa heema yawe. Beetele yaari okhu lintupweelaawo njuwa, Aayi yaari okhu lintthamuwaawo njuwa. Ye khunjekela alitaari Nnyizinku khwaaputu nzina la Nnyizinku.
311	GEN 12:12	Amisuri n'oowoona anttela olupa yoori weeyo o muukhaaka, antta okuula yoori weeyo osale na-yo.
342	GEN 14:5	Mwaakha wakhuumi na nne Ketorilameeri khuta vamote na afwalume apale aaphakanyeyaniyeeyo, khuwaashintta Arefayi o'Ashiteroothi-Karinayimu, Azuuzimu o'Haamu, na Aheemi o'Shave-Kiriyatayimu.
371	GEN 15:10	Ye khutiisa nyama epile zooshi, khusala ashija vakatthi wakhula nyama n'oothata wakhula erikitthili omaasho wa erikitthili kiina yaya. Ila likhoko na jiwa khuhishiji vakatthi.
387	GEN 16:5	Suhuriiya khumuuza Eburamu yoori: “Miiyo kanthuula njaazi aka khuwinkha, ye n'oojuwa yoori eemittha aaza okitwayifu. Okitwayifusha opu anikirettelaaye Hajira, khahi etthu ya shariya, ti weyo onintakhelaaye. Nnyizinku ti aniphuke miiyo na-weyo.”
389	GEN 16:7	Nlayikha la Nnyizinku khunsikana Hajira n'yaara eemeliye kharipu na naattuuttu wa maati aattameliyeeyo tarikhi ya Shuuri.
410	GEN 17:12	Wakhula mwaana anvokoliwaaye wanlume vakatthi wa peewu yawo, n'oofiya siikhu yanaane ona yookhiriyisiwa, hatha nkhama karumeya woovokoliwa vaje vawo, mpakha amwiitthwaana apale amalapo a wuuzanyiwa na apale oohiiyi a peewu yawo.
431	GEN 18:6	Aphano Eburahiima khutthira eettaka nheema mwawe khumuuza Suhura yoori: “Othuule miphimo miwulu mittatthu z'oofu wa tiriku yooshapweya, okhatte wooche phaawu wa waakuvavo.”
435	GEN 18:10	Mmote wa yo khuri: “N'oovira mwaakha, kinrutela vaje vawo attaapha, na muukhaawo onretta ampatthiye mwaana.” Suhura aari oretta ari vanlako wa heema onyoko wa Eburahiima, eettaka osiila mattakhuzi apale aari ottakhuliwaaye.
439	GEN 18:14	Ewaapho etthu yoolipa mmakhono wa Nnyizinku? Nkhama etthiipo kilupiyeeyo yoori n'oovira mwaakha kinta wuuthotola, wakathi aya otthuupo Suhura onteela ompattha mwaana wanlume.”
443	GEN 18:18	Khweele-khweele Eburahiima onteela wiiya paapa w'oomathi nwulweene woowahi; khwa ye, kinteela oparikhiya khapila zooshi za voolumwenku.
450	GEN 18:25	Ohiiye weeyo wooretta etthu nkhama eto, yoowuuleela vamote anashariya na anapaathuli. Khawaari oteela owaahukhumu anashariya mwaasa wa vitthu zoorettiwa pi anapaathuli. Weeyo o namaphuka w'oolumwenku wooshi, khunteela ophuka na shariya?”
459	GEN 19:1	Malayikha apale mawiri khufiya Sotooma makaaripi, Loothi aarettiye eekhaliye vanlako wa sitati ethiitile, ye nawoona malayikha apale khusala athepeeza atthirelaka. N'oofiyela khukokhora khusijiti.
468	GEN 19:10	N'ooretta toole, aletto apale khunkhola Loothi khumfutthela nnyupa khufuka nlako,
473	GEN 19:15	Lifwajiri, malayikha apale khusala amuuza Loothi antumereraka yoori: “Olankhe nasaapi ethiiti, onthuule muukhaawo na aanaawo oowiiri mwileemo mphu. N'oohiretti toowo, amana etaka hukhumu nsitati mphu mweeyo mwintta ofwa.”
501	GEN 20:5	Ti Eburahiima aakuuziye yoori Suhura nlupuwe! Na Suhura khukuuza etthiipo yoori nlupuwe. Miiyo karetta eti na rooho y'ookemaani woohijuwivo etthu.”
502	GEN 20:6	Nluku khunjipu njozi nttumphule yoori: “Miiyo kajuwa yoori vitthu epi waretta na rooho y'ookemaani. Ti eto miiyo kiwiinaneliyeeyo yoori ohikikose, pi apho kihuutakheleeni onsapa muukha oto.
504	GEN 20:8	N'oolankha mmeesho mwaya supu, Apimeleekhi khuwaakhuwela mawaziiri awe khusala awooza epile aalotthiyeezo, yo khwiiya awoova channu.
528	GEN 21:14	Mmeesho mwaya, Eburahiima khuthuula phaawu na ttompwiyo ya maati, khunvikelisa Hajira khunleeza vamote na mwanawe. Yo khusala alawa ajeettettelaka n'yaara ya Beeresheba ahijuwaka ohali anttaawo.
534	GEN 21:20	Esumayila khusala awula mmakhono wa Nluku. Ye aari wiikhala n'yaara na aari njuwi wa weesa mattetthe.
535	GEN 21:21	Aari wiikhala n'yaara ya Paraani, mamaawe khumweekesela muukha wa Misuri khunlooza.
547	GEN 21:33	Eburahiima n'oosala Beeresheba okhule khuzala muutthi wa nkolokope, khumwaaputu Nnyizinku, Nluku wa Mileele.
557	GEN 22:9	N'oofiya ohali okhule aathoonyeziweewo ti Nluku, khunjeka alitaari vatulu vaya khuthatelavo khuuni. Khumfuka mwanawe Esiyaakha khunttha vatulu wa khuuni.
565	GEN 22:17	khweele, kinteela wuuparikhiya na kiwinkhe peewu ya waatta nkhama matthottowa o'otulu na mishaka za mmattima, yo anteela othuula nti wa maatuwi aya.
568	GEN 22:20	N'oovira vitthu epile khuuziwa Eburahiima oriwa: “Miilika avokoleliwa aana ti ttwiiyo Nahoori;
569	GEN 22:21	w'oomwanzo aya nzina lawe ti Wuuzi, na ttwiiye Buuzi, khulotteliwa ti Kemuweeli, papaawe Aramu,
596	GEN 24:4	Ila olankhe olawe nti w'oowaka wamweekese muukha vakatthi wa ajamaazaku, ate eeye muukha wa Esiyaakha.”
609	GEN 24:17	Karumeya otule khulankha khusala antthirela, khumuuza yoori: “Safwatali kimeele maati apo ari n'yuku mwawo kinywe.”
612	GEN 24:20	Nasaapiru khwiitthela maati apale n'yopo zaari onywaamo nyama, khwaakuva khulawa vanlipu ottekha swaafu za waatta yoori zinywe enkamiiya zooshi.
615	GEN 24:23	Khumuuzela yoori: “Weeyo o mwaana waani? Safwatali nkakuuze nkhama wa papaawo ewaakho puuro y'oolalawo miiyo na ashirikhaaka apa.”
634	GEN 24:42	Phi kiriyeevo n'oofiya onlipu leelo, khusala kimuuza Nnyizinku kiraka: ‘Oo Nnyizinku! Nluku wa mbwanaaka Eburahiima, nkhama safwari eti kineettaaye otakha wawo, okijaaliwe.
635	GEN 24:43	Nasaapi eti miiyo kiri apha nshini wa nlipu opu wa maati; mwaari othuuto antelaaye ottekha maati amana kinvekela yoori: “Kimeele maati ariiye n'yuku mwawo,”
644	GEN 24:52	N'oosiila mattakhuzi apale karumeya wa Eburahiima khukokhora khwiinama khufiyisa ajihi vathi omaasho wa Nnyizinku.
646	GEN 24:54	Nawiisha, yo khuja na khunywela khulala mpakha supu. N'oocha karumeya otule khulupa yoori: “Mwikilikhe kirutele wa mbwanaaka.”
657	GEN 24:65	Khumuuzela karumeya: “Khi mwinyi otule anlankhaaye mmashapa mphule ataka okhuno niriiwo ti paani?” Ye khujipu araka: “Ti mbwanaaka.” N'oosiila toole ye khuthuula nshukwi lawe khujifinikha.
679	GEN 25:20	Esiyaakha n'oopattha hirimo ya nyaakha arupayiini khunrala Rapekha mwaana wa Betuweeli, nlupuwe Labani. Yo aari Araamu aari wiikhalaaye Paata-Araamu, tuniya ya Mesopotamiya.
690	GEN 25:31	Yaakhumpa khumuuza yoori: “Waaze okuuzanyeza lifunku lawo l'oomwaana w'oomwanzo khapula.”
692	GEN 25:33	Yaakhumpa khusala ankhanyarela yoori: “Olaphe.” Ye khulapha, khumuuzanyeza Yaakhumpa lifunku lawe l'oomwaana wa mwanzo.
693	GEN 25:34	Aphano ye khumwinkha Ezawu phaawu na sekuseku y'eepwiri. Khuja khunywela, khusala alawa safwari zawe. Woohooneli fwayita lifunku l'oomwaana wa mwanzo.
697	GEN 26:4	Kinttela waattisa peewu yawo nkhama matthottowa o'otulu, na kinttela winkha tuniya yooshi eti. Mwaasa wa peewu yawo, khapila zooshi za tuniya zinttela wiiya zooparikhiyiwa;
700	GEN 26:7	Atthu a nti opule n'oomuuzela monkoni wa muukhaawe, ye khuri: “Nlupwaaka.” Mwaasa yoori Rapekha aari wooshapweya, Esiyaakha eetta woova olupa yoori muukhaawe. Ye aari wuupuwela yoori alume a mmuti mphule eetta omuula asale na Rapekha.
720	GEN 26:27	Esiyaakha n'oowoona khuwooza yoori: “Mweeyo khamwintuveliwa ti miyo mweettiye okiikara mmuti mwenu. Khi mwatela-ni?”
762	GEN 27:34	Ezawu n'oosiila mattakhuzi apale a papaawe khwiiphiiriwa khulila venkivene, khunvekela papaawe yoori: “Na-miyo paapa mwikiparikhiye!”
764	GEN 27:36	Ezawu khulupa yoori: “Eto swaafu yaphiiri akishinttaka. Ti maana ootthajiwa nzina la Yaakhumpa. Yamwanzo akinyakanya lifunku laka l'oomwaana wa mwanzo. Apho theenya akinyakanya parakha yaka. Paapa khamwinkiparikhiya na miiyo?”
780	GEN 28:6	Ezawu aajuwiye yoori Esiyaakha amparikhiyiye Yaakhumpa, khumuuza yoori alawe nti wa Paata-Araamu, amweekese muukha w'oottuukho anrale. Na khusiila yoori papaawe amuuza Yaakhumpa yoori ahinrale muukha wa Kanaani.
785	GEN 28:11	Eettaka olawa etthiipile, n'ootupweela njuwa ye khufiya puuro yaya eto yoori alale attaapho. Khuthuula liwe laari attaaphale khuretta nsaawu khurapalela.
806	GEN 29:10	Yaakhumpa n'oomoona Rakeele mwaana wa halwiye Labani eettaka ota na pwittipwitthi, khulawa khufunula nlipu khwinkha maati pwittipwitthi za halwiye.
809	GEN 29:13	Labani n'oosiila hapari za Yaakhumpa mwaana wa nlupuwe, khusala atthira alawaka okutthanana. N'onsikana khumpatikha khumpejari, khunthuula khusala alawana owawe. Ye khumuuza Labani zooshi epile zanvireliyeezo.
819	GEN 29:23	Ila n'ooripa khunthuula mwanawe Liiya khumwinkha Yaakhumpa khurapalelana.
832	GEN 30:1	Rakeele ooniyeevo yoori Yaakhumpa khaari ompatthela mwaana, khusala anlilela wiivu ttwiiye. Khumuuza Yaakhumpa yoori: “Okipatthele mwaana, n'oohiiyi etthiipo kintta ofwa!”
847	GEN 30:16	Njuwa-looveva Yaakhumpa arutaka omashapa, Liiya khunthepeeza khusala amuuza yoori: “Leelo onttela orapalelana miiyo, maana keetta wuurentteri na mathunkuja atiisiyeeyo mwanaka.” N'ooripa Yaakhumpa khulala vamote na Liiya.
879	GEN 31:5	N'oofiya khuwooza yoori: “Kinoona yoori papeenu khanikeettettisa saana nkhama raku. Ila Nluku wa paapa ori vamote na-miyo siikhu zooshi.
882	GEN 31:8	N'oolupa yoori nyama epile zooshi za wiiyana malepa phakari yaka, nyama epile khusala ziwaapattha aana awiiyana malepa paasi. N'oolupa yoori nyama zoottweleela pi zaawo, nyama epile khusala ziwaapattha aana oottweleela.
884	GEN 31:10	N'oofiya wakathi zaari wiimitthaavo nyama epile, kooniye muulottha mirurumpi zaari opepheraaye ziri za malepa, zoottweleela na zooriipa.
899	GEN 31:25	Labani khunsikana Yaakhumpa eemesiye heema zawe onyaako wa Gileyaadi ye na ajamaaze, n'oofiya khumaka kharipu na attaaphale aamakiyeevo Yaakhumpa.
906	GEN 31:32	Amana mwinsikanana ntthu miluku zenu epo, ahiiye haayi. Mashaahiti ajamaazetthu apa; n'oosikana etthu ya wiiya yeenu kirina miiyo mwithuule.” Yaakhumpa khaajuwiye yoori Rakeele ti ye eeyiyeeyo miluku epile.
909	GEN 31:35	Rakeele khumuuza papaawe yoori: “Mwihikatipukhe mbwanaaka mwaasa woohilankhi n'oowoonani, keetta wiiya mmweezi.” Ye khweekesa miluku zawe epile ila khuhipatthi.
928	GEN 31:54	Yaakhumpa khuretta twaha vamwaako khuwaakhuwela ajamaaze ooshi aariinaaye yoori aje vamote, n'ooja nawiisha khulala vamwaako attaapho.
954	GEN 32:26	Nlume otule ooniyeevo yoori khaari onkhitiri khumpiya n'yuunu mwawe khukurukunyuwa liphaja lawe eettaka wuumana.