29	GEN 1:29	Nluku khulupa theenya araka: “Yoori mweeyo mwiiyane etthu-yooja, kiniwinkhani nyaani zooshi za ntuniya ziniimaaye peewu, miitthi zooshi ziniimaaye mishumo na phunje zaya.
30	GEN 1:30	Kininkha mathapa ooshi nkhama vitthu-zooja za nyama zooshi ziriina ohaayi: anyannyi ooshi o'otulu na nyama zooshi mpakha epile zinjipurulaaye vathi.” Khurettikhana etthiipo.
62	GEN 3:6	Muukha khoona yoori muutthi opule waari wooshapweya, mishumo zaya zaari zooshapweyela oja na zaarina fwayita yoojuwisa. Attaapho, khushuma khuja, khumwinkha mannawe na-ye khuja.
64	GEN 3:8	N'oosiila shintto ya Mbwana Nnyizinku eettettaka nwoorotha mphule, wakathi wa pheevo ya matulayi njuwa-looveva, pinaatamu na muukhaawe khujivitha na miitthi nwoorotha nttumphule yoori Mbwana Nnyizinku ahiwoone.
73	GEN 3:17	Ye khumuuza Pinaatamu yoori: “Wiiya wansiileza muukhaawo khuja nshumo wa muutthi opu kookhattaziyeeyo, yalaanikha tuniya yooshi mwaasa wa weeyo, nka okholaka khaazi yoolipa yoori opatthe etthu-yooja ohaayi awo wooshi.
75	GEN 3:19	Okholaka khaazi yoovujuwela yoori opatthe etthu-yooja yawo mansha awo ooshi. Maana weeyo wompaniwa ottophe, n'oofwa mpakha orutele voottophe.”
84	GEN 4:4	Apeele na-ye zwaamu yawe khutiisa pwittipwitthi etile yaari yamwanzo ottheeriwa ya nliphanko mwawe, khushija khuthawula phantte epile zoosamini waya oteela omwinkha zaakha Nnyizinku, Ye khwiiya wootuveliwa ti Apeele na zaakha yawe.
86	GEN 4:6	Nnyizinku khumuuzela araka: “Wakatipukhela-ni khujiinamela?
90	GEN 4:10	Nnyizinku khumuuzela theenya araka: “Warettela-ni etthu nkhama eti? Huula ya taamu ya ttwiiyo entta okikhuwela vathi.
94	GEN 4:14	Leelo wakiikara vatuniya apha yoori kihiiye vamote na-weyo, miiyo kinttela ojeettettela nkhama namatthira vatuniya na wakhula anttelaaye okisikana ontta okuula.”
102	GEN 4:22	Siila khumpattha mwaana khuntthaja nzina la Tupaali-Kayiini, ye aari funti wa waattala zaana za khoopiri na zuuma. Tupaali-Kayiini aarina nlupuwe aari wiitthiwaaye Naama.
106	GEN 4:26	Seethi na-ye khumpattha mwaana khuntthaja nzina la Enooshi. Wakathi aya otthuupo phi laaziyeevo waaputwiwa nzina la Nnyizinku.
142	GEN 6:4	Wakathi aya opo muulumwenku aarimo atthu awulu-awulu na oozivala, aruteliye wiiyavo theenya. Aari aana aalume aavokoliweeyo pi mahaakhimu n'oorapalelana aana aakha a anaatamu. Aana atthaapo, pa yo aari atthu oozivala na ootafikhana.
156	GEN 6:18	Ila wahati aka kinretta na-weyo, onttela weetta mmwaaraka, weeyo, muukhaawo, aanaawo na aakhaaya.
157	GEN 6:19	Othuule nyama wakhula jaati piiri-piiri, yeelume na yeekha opakhire mmwaaraka mwawo yoori ziiye haayi vamote na-weyo.
158	GEN 6:20	Wakhula jaati ya anyannyi, wakhula jaati ya nyama, wakhula jaati ya epile zinjipurulaaye vathi, zooshi piiri-piiri ziiye vamote na-weyo yoori ziiye haayi.
162	GEN 7:2	Othuule nyama za halaali sapa zeelume na sapa zeekha ila epile zoohiiyi za halaali othuule piiri-piiri yeelume na yeekha.
169	GEN 7:9	khupakhira mmwaaraka vamote na Nuuhi piiri-piiri zeelume na zeekha, nkhama etthiipo Nnyizinku aamuuziyeezo.
175	GEN 7:15	Zumpe zooshi ziriina phuumu z'oohaayi khupakhira piiri-piiri mmwaaraka mphule vamote na-ye.
183	GEN 7:23	Nnyizinku khupwetecha zumpe zooshi z'oohaayi zaari vatuniya. Pinaatamu, nyama za ntthuttu, na epile zinjipurulaaye vathi na anyannyi o'otulu zooshi khupwetheya. Khusala Nuuhi otthwe na ajamaaze na nyama epile zaari vamote na-ye mmwaaraka.
187	GEN 8:3	maati khwaaza ovwa vattiitthi-vattiitthi mpakha siikhu miiya na hamusiini.
195	GEN 8:11	Khuruti njuwa-looveva elumiye nthapa liwishi l'ooluveera, aphano Nuuhi nawoona khujuwa yoori maati avwa vatuniya.
205	GEN 8:21	Nnyizinku khusiila arufu yonkhurunusha rooho khulupa mwennyeweru yoori: “Akinteela orutela theenya olaani tuniya mwaasa wa pinaatamu, eeyaru pure wootakhala rooho ovokoliwa-wene. Akinteela orutela opwetecha zumpe zooshi nkhama nanna eti kirettiyeezo.
209	GEN 9:3	Zooshi zinoonaaye na zineettettaaye zinttela wiiya etthu-yooja yenu, nkhama etthiipo kiwinkhiyeenini mathapa, zooshi kawinkhani.
212	GEN 9:6	‘Mwaasa yoori Nluku amumpa pinaatamu ajilattanisaka mwennyewe, otule animuulaaye pinaatamu na-ye ontta wuuliwa ti pinaatamu.’
215	GEN 9:9	“Nasaapi eti Kinretta wahati aka na-weyo na peewu yawo,
216	GEN 9:10	na zooshi ziriinaazo ohaayi opakhuwaniyeeyo mmwaaraka ziriiye vamote na-weyo: anyannyi, mifuwo, nyama za ntthuttu na zumpe zooshi za ntuniya.
217	GEN 9:11	Kinretta wahati aka na-mweyo; akinteela opwetecha theenya zumpe zooshi na maati a nnyeri, wala tuniya khinteela ozama theenya na maati a nnyeri.”
218	GEN 9:12	Nluku khulupa theenya: “Eti alama ya wahati aka miiyo na-weyo na zumpe zooshi ziriiye vamote na-weyo, khwa mileele:
221	GEN 9:15	phi kinttelaaye wuupuwela wahati aka miiyo na-weyo na zumpe zooshi. Khanrutela theenya maati a nnyeri ozamisa zumpe zooshi z'oohaayi.
246	GEN 10:11	Khulankha nti wa Shinaari khulawa mpakha Ashuuru khujeka sitati ya Neniive, ya Rehopoothi-Yiiri na ya Kaala,
256	GEN 10:21	Sheemu nttunkhulu wa Yafeeti, na-ye aawaavokoliye aana; Sheemu aari pwaapu wa aana a Heebere.
259	GEN 10:24	Arifwakisaati khunvokola Sheela, na-ye Sheela khunvokola Heebere.
265	GEN 10:30	Apa aari wiikhala waaza nti wa Meesha mpakha nnyaako phantte ya malawa-juwa nti wa Sefaari.
269	GEN 11:2	Atthu aalankhiye malawa-juwa khusikana nttapo la Shinaari khwiikhala attaapho.
296	GEN 11:29	Eburamu na Nahoori khuloola. Muukha wa Eburamu aari wiitthiwa Suhuriiya, na-ye muukha wa Nahoori nzina lawe aari Miilika, mwaana wa Hara, aarina mwaana nkina theenya aari wiitthiwaaye Ishika.
307	GEN 12:8	Eeshiyeevo, khusala eetta phantte ya kusini onyaako wa malawa-juwa ya Beetele. N'oofiya onyaako okhule, khweemesa heema yawe. Beetele yaari okhu lintupweelaawo njuwa, Aayi yaari okhu lintthamuwaawo njuwa. Ye khunjekela alitaari Nnyizinku khwaaputu nzina la Nnyizinku.
311	GEN 12:12	Amisuri n'oowoona anttela olupa yoori weeyo o muukhaaka, antta okuula yoori weeyo osale na-yo.
322	GEN 13:3	Ye khulaawo Nikeepu, khulawa phantte ya kashikhazini ajeettettelaka wakhula phantte mpakha nti wa Beetele, attaaphale eemesiyeevo heema yawe omwanzo, nakatthi-nakatthi ya Beetele na Aayi.
324	GEN 13:5	Na-ye Loothi otule aari weettettanaaye Eburamu, aarina pwittipwitthi, mompe na heema za waatta.
327	GEN 13:8	Eburamu khumuuza Loothi yoori: “Ohiiyevo ohisiilani miiyo na-weyo, wala amakhampuzi aka na awo, mwaasa yoori ojama etthu mmote.
328	GEN 13:9	Tuniya yooshi khiri mmakhono mwawo? Nlawe nimwazeyane, othawule phantte ontakhaaye olawa. Weeyo weettaru nkhono-nkha, miiyo kintta nkhono-nlume, weettaru nkhono-nlume miiyo kintta nkhono-nkha.”
330	GEN 13:11	Aphano, Loothi khuthawula nttapo la Yorotaani, khumwazeyana na Eburamu, khusala alawa phantte ya malawa-juwa.
332	GEN 13:13	Ila atthu a Sotooma aari ootakhala rooho, aari annya-twampi ooziti mmakhono wa Nnyizinku.
337	GEN 13:18	Aphano Eburamu khuthamisa heema zawe, khulawa khwiikhala aphale zaariivo miitthi miwulu-miwulu nti wa Manre sitati ya Heporooni. Attaaphale ye khunjekela alitaari Nnyizinku.
342	GEN 14:5	Mwaakha wakhuumi na nne Ketorilameeri khuta vamote na afwalume apale aaphakanyeyaniyeeyo, khuwaashintta Arefayi o'Ashiteroothi-Karinayimu, Azuuzimu o'Haamu, na Aheemi o'Shave-Kiriyatayimu.
344	GEN 14:7	Arutaka khuviraza Kateeshi waari wiittheliwakaawo Emishipathi, khuwaattapwattha atthu ooshi a nti wa Amalekiita na theenya Amoori aari wiikhalaaye nti wa Hazaazoni-Tamara.
348	GEN 14:11	Afwalume apale wane aashinttiyeeyo khuthuula maali zooshi za Sotooma na Komoora na vitthu-zooja zaya khulawaza.
350	GEN 14:13	Aarivo mwinyi mmote oosurukhiyeeyo, ye khulawa khumweeleza zooshi Eburamu Mwiibereewu, aari wiikhalaaye kharipu na miitthi miwulu-miwulu za Manre Mmori. Manre na attwiize, Sikhoole na Aneeri, aari atthu oosiilana na Eburamu.
352	GEN 14:15	Ye khuwaawanya alume apale khuntti-khuntti, khuumanisa viittha osikhu mpakha owaashintta maatuwi aya, khuweekarisa mpakha nti wa Hoopa, phantte ya kashikhazini ya Tamaashiku.
361	GEN 14:24	Miiyo khina etthu moote kintakhaaye, yoohiiyi etile ajiiye atthu aka. Ila apale aaphakanyeyiyeeyo na-miyo, Aneeri, Sikhoole na Manre, apa ana ya wiiyana lifunku laya”.
363	GEN 15:2	Eburamu khujipu: “Mbwanaaka Nnyizinku ontakha okinkha-ni na miiyo akina hatha mwaana wa waarithi aka? Antakhaaye orithi vaje vaka ti Elizeeri wa Tamaashiku.
367	GEN 15:6	Ye khumwaamini Nnyizinku, na-ye khukhupaliwa ti Nnyizinku wiiya ntthu wa shariya.
387	GEN 16:5	Suhuriiya khumuuza Eburamu yoori: “Miiyo kanthuula njaazi aka khuwinkha, ye n'oojuwa yoori eemittha aaza okitwayifu. Okitwayifusha opu anikirettelaaye Hajira, khahi etthu ya shariya, ti weyo onintakhelaaye. Nnyizinku ti aniphuke miiyo na-weyo.”
394	GEN 16:12	Ye onteela wiiya woohisiilaneyi nkhama nyama ya ntthuttu; onteela wiiya muumani wa atthu ooshi, na-yo anteela wuumana na ye, na onteela wiiya wa waattuwana na attwiize.”
396	GEN 16:14	Pi apho nlipu aya opule oniittheliwa “Peeri-Lahayi-Rooyi”. Nlipu aya opu ori enakatthi-nakatthi ya Kateeshi na Peereti.
400	GEN 17:2	yoori kirette wahati miiyo na-weyo, na kinteela owinkha peewu ya waatta.”
405	GEN 17:7	Wahati opu kinrettaaye na-weyo na peewu yawo, onttela wiiya wa mileele; Miiyo ki Nluku awo na wa peewu yawo.
406	GEN 17:8	Kinteela owinkha tuniya eti oniikhalaaye, weeyaru pure mmalapo. Tuniya yooshi ya Kanaani kinteela winkha peewu yawo khwa mileele, na-miyo kinteela wiiya Nluku aya.”
408	GEN 17:10	Wahati onttelaaye oshuka, waaka Miiyo na-weyo na peewu yawo pi opu: wakhula mwaana wanlume ona yookhiriyisiwa.
409	GEN 17:11	Okhiriya waya opo, alama ya wahati aka miiyo na-mweyo.
411	GEN 17:13	Hatha nkhama pi apa oovokoliwa vaje vawo mpakha apa a wuuzanyiwa ana yookhiriyisiwa. Alama eti yookhiriya vamwiili venu, enthoonyeza wahati aka na-mweyo khwa mileele.
417	GEN 17:19	Ila Nluku khunjipu: “Miiyo kiniwuuza khweele yoori, muukhaawo Suhura onteela ompattha mwaana, ontthaje nzina la Esiyaakha. Kinteela oshuka wahati aka na-ye, na peewu yawe entaaye khwa mileele.
426	GEN 18:1	Siikhu moote, Nnyizinku aatiiye ottakhula na Eburahiima vahali zaariivo miitthi miwulu-miwulu za Manre. Yaari elukuluku na yaarivo haari ya waatta, Eburahiima aarettiye eekhaliye vanlako wa heema yawe.
438	GEN 18:13	Aphano Nnyizinku khumuuzela Eburahiima yoori: “Muukhaawo ontheya-ni? Wala alupisiwa-ni yoori ‘kinteela ompattha toovi mwaana kuuluvaliye?’
443	GEN 18:18	Khweele-khweele Eburahiima onteela wiiya paapa w'oomathi nwulweene woowahi; khwa ye, kinteela oparikhiya khapila zooshi za voolumwenku.
458	GEN 18:33	Nawiisha Nnyizinku ottakhula na Eburahiima, khulankha khusala alawa. Na-ye Eburahiima khurutela owawe.
461	GEN 19:3	Loothi khuwaakhanyerela na kuvu mpakha yo okhupali olawa omaka owawe. Ye khurumisa wiipikhiwa etthu-yooja ya nnofu na khoochiwa phaawu yoohiina fwaramento, aletto apale khuja.
474	GEN 19:16	Khusala arupaza, malayikha apale khuwaakhola makhono, ye na muukhaawe na aanaawe oowiiri khuwaalawana othetekele, mwaasa wa Nnyizinku wiiyana huruma na-ye.
481	GEN 19:23	Njuwa litthamuwaka na-ye Loothi afiyaka nti wa Zowaari.
493	GEN 19:35	Osikhu otthuupule khumwinkha papaaya viinyu swaafu yaphiiri, na-ye otu nttiitthi aya khulawa khulalana, theenya papantthu khuhijuwi wakathi arapaleliyeevo wala alankhiyeevo.
496	GEN 19:38	Elottelanaka otule nttiitthi aya khumpattha mwaana wanlume khuntthaja nzina la Ben-Ami, ye paapa wa Amooni, apa ariiwo mpakha leelo.
497	GEN 20:1	Eburahiima aalankhiye Manre khulawa nti wa Nikeepu, khwiikhala enakatthi-nakatthi ya Kateeshi na Shuuri. Khuthamela theenya nti wa Kerari.
505	GEN 20:9	Nawiisha, khuruma okhuweliwa Eburahiima khusala amuuzela yoori: “Niini eti oniretteliyeeyo? Kookosela-ni okikwiselaka paathuli ya twampi khuluyeene nkhama eti, miiyo na atthu aka? Etthu okiretteliyeeyo khinrettelaniwaka.
520	GEN 21:6	Suhura khuri: “Nluku akinkha otheya, na atthu ooshi apale anttelaaye osiila anttela otheya vamote na-miyo.
527	GEN 21:13	Mwaana wa njaazi otule onteela wiiyana omathi wa waatta mwaasa yoori na-ye peewu yawo.”
531	GEN 21:17	Nluku khusiila theenya huula ya mwaana otule eettaka olila. Nlayikha la Nluku khukhuwa pinkuuni linkhuwelaka Hajira, khumuuza yoori: “Wakafilikhela-ni Hajira? Ohoove, Nluku asiila huula yawe mwaana oto alilaka vahali ariivo.
536	GEN 21:22	Wakathi aya opo, Apimeleekhi aalokoziwe ti Fikhoole namalokozela wa anajanka, khumuuza Eburahiima yoori: “Nluku ori vamote na-weyo khwa wakhula etile onrettaaye.
537	GEN 21:23	Nasaapi ethiiti olaphe khwa nzina la Nluku yoori khunteela okihata miiyo wala aanaaka ama otuulwaka, nkhama etthiipile kuuretteliyeezo zooshapweya, na-miyo okirettele etthiipo na mmuti mphu oniikhalaamo.”
553	GEN 22:5	Ye khuwooza akarumeyaawe apale yoori: “Mwisale attaapha na puuru otu, miiyo na shapu otu nintta aphale, ninttela omwaaputu Nluku. Amana niisha nintta oruti nite niiye vamote na-mweyo.”
572	GEN 22:24	Nahoori aarina muukha nkinoko aari wiitthiwaaye Rewuma, na-ye anvokoleliye aana; Teepa, Kahaamu, Tahaashi na Maaka.
574	GEN 23:2	Khufwa Kiriyati-Aarapa (oniittheliwaawo Heporooni) tuniya ya Kanaani. Eburahiima khusala alila na ojikhupanyera ofwa wa Suhura.
597	GEN 24:5	Karumeya otule khumuuzela yoori: “Khi amana muukha aya oto ahitakhi ota na-miyo mmuti mphu, kinthuule mwanawo kinlawane nti otthuupo olankhiyeeyo?”
600	GEN 24:8	Amana muukha aya oto ahitakhi ota na-weyo, olapha wawo oniiya woofujeya. Ila ohiiye wonthuula mwanaka onlawana.”
623	GEN 24:31	Labani khuri: “Ote okhuno, weeyo wooparikhiyiwa ti Nnyizinku! Weekhalela-ni veetakale apho? Kawaattalelela puuro onti na vahali woopwehavo enkamiiya zawo.”
625	GEN 24:33	Nawiisha khutiisiwa etthu-yooja khwinkhiwa, ila karumeya otule khuri: “Akinja kihaazeeni olupa eti kaateeliyeeyo.” Labani khumuuza yoori: “Haya lupa.”
631	GEN 24:39	Aphano miiyo khunjipu mbwanaaka: ‘Khi muukha aya oto amana ahitakhi ota na-miyo?’
647	GEN 24:55	Ila nlupuwe Rapekha na mamaawe khumuuza yoori: “Mwaari otu eekhale attaapha na-fweyo nenkawu siikhu khumi, nawiisha osala olawa saana.”
654	GEN 24:62	Esiyaakha aarettiye arutaka onlipu oniitthiwaaye Layi-Rooyi, aari wiikhala Nikeepu, phantte ya kusini ya Kanaani.
655	GEN 24:63	Siikhu moote, njuwa-looveva wakathi Esiyaakha aari othepelaavo mmashapa, khulansa maasho khoona enkamiiya zeettaka ota.
665	GEN 25:6	Ila aanaawe apale aawaavokoleliyeeyo na aakha akina, ari haayi nalelo, khuwenkha vitthu zaya na-yo, khuweekarela phantte ya malawa-juwa yoori ahiikhale vamote na mwanawe Esiyaakha.
670	GEN 25:11	Paata ya Eburahiima ofwa, Esiyaakha aari wiikhala nti wa Peeri-Lahayi-Rooyi, Nnyizinku khusala amparikhiya.
679	GEN 25:20	Esiyaakha n'oopattha hirimo ya nyaakha arupayiini khunrala Rapekha mwaana wa Betuweeli, nlupuwe Labani. Yo aari Araamu aari wiikhalaaye Paata-Araamu, tuniya ya Mesopotamiya.
681	GEN 25:22	Aana awiri khusala oomana mwiirukulu mwawe. Ye khushanka khusala ajuuzela yoori: “Niini enrettikhanaaye mwiirukulu mwaka, nkhama pi toono keemitthela-ni?” Aphano ye khumuuzela Nnyizinku.
691	GEN 25:32	Ye khumuuza yoori: “Lina fwayita-ni lifunku laya nttho la wiiya mwaana wa mwanzo, miiyo kitakhaka ofwa jala!”
696	GEN 26:3	Ottuukho miiyo kinttela wiiya vamote na-weyo na kinttela wuuparikhiya. Weeyo na peewu yawo kinttela owinkhani nti opo wooshi, kilipiselaka wahati opule kaalaphiyeeyo kimwaahitaka papaawo Eburahiima.
717	GEN 26:24	Osikhu Nnyizinku khunteela khumuuza yoori: “Miiyo ki Nluku wa papaawo Eburahiima. Ohoove, kiri vamote na-weyo. Kintta wuuparikhiya kaattise peewu yawo mwaasa wa papaawo karumeyaaka.”
720	GEN 26:27	Esiyaakha n'oowoona khuwooza yoori: “Mweeyo khamwintuveliwa ti miyo mweettiye okiikara mmuti mwenu. Khi mwatela-ni?”
721	GEN 26:28	Yo khunjipu araka: “Neetta woona yoori Nnyizinku ori vamote na-weyo. Khuupuwela yoori enshapweya olapha na winkhana wahati weeyo na-fweyo.
722	GEN 26:29	Osiilana waya pi opu: Olaphe yoori khunnirettela zootakhala nkhama etthiipo na-fweyo nihuuretteleeni, noorettela zooshapweya na khuulikha olawa na heeri. Weeyo o wooparikhiyiwa ti Nnyizinku.”