26	GEN 1:26	Nluku khulupa theenya yoori: “Nimumpe pinaatamu woonishapihi wa wiiya nkhama Fweeyo! Yoori eeyane owahi wooshintta swi za mpahari na anyannyi o'otulu; mifuwo za vaje na nyama za ntthuttu mpakha nyama zooshi zinjipurulaaye vathi.”
314	GEN 12:15	Mifwalume za Firawuuna, amooniyeevo muukha otule, khulawa omuuza Firawuuna yoori amoona muukha wooshapweya. Pi apho khunthuula khunlawana wa Firawuuna.
315	GEN 12:16	Eburamu aakholiwe saana ti Firawuuna mwaasa wa muukha otule, khwinkhiwa pwittipwitthi, mompe, amwiitthwaana aalume na aakha, apuuru na khavalo.
316	GEN 12:17	Ila Nnyizinku khunhukhumu Firawuuna, khuntiisela pala ya waatta na ajamaaze, mwaasa wa Suhuriiya muukha wa Eburamu.
317	GEN 12:18	Aphano, Firawuuna khunkhuwelisa Eburamu, khumuuzela yoori: “Mwaasa aya niini okirettelaka toono? Wahaakuuziye yoori otu muukhaawo?
319	GEN 12:20	Aphano Firawuuna khuwaaruma atthu awe omperekha Eburamu yoori aleemo mmuti mphule na muukhaawe na vitthu zawe zooshi.
467	GEN 19:9	Yo khuri: “Oleevo apha! Weeyo o mmalapo mmuti mphu, ontakha ojinkhe ofwalume na mmuti mwetthu? Fweeyo nintta wuurettela vitthu zooziti epi naari otakhaaye owaarettela apo.” Aphano yo khunsukhuma Loothi, khusala asusela nlako awe yoori apwechaze.
536	GEN 21:22	Wakathi aya opo, Apimeleekhi aalokoziwe ti Fikhoole namalokozela wa anajanka, khumuuza Eburahiima yoori: “Nluku ori vamote na-weyo khwa wakhula etile onrettaaye.
546	GEN 21:32	Paata yawiisha oosiilana opule Beeresheba okhule aariiwo, Apimeleekhi na Fikhoole namalokozela wa anajanka, khurutela nti wa Afiliishiti.
719	GEN 26:26	Apimeleekhi aalankhiye nti wa Geraari na shawuriiya awe Ahuzaathi na Fikhoole namalokozela wa anajanka olawa okutthanana Esiyaakha.
800	GEN 29:4	Yaakhumpa khuwoozela amakhampuzi apale araka: “Mweeyo attwiizaku, mwaavayi?” Yo khujipu araka: “Fweeyo nti etthu Harani.”
822	GEN 29:26	Labani khunjipu yoori: “Fweeyo mmuti mwetthu mphu khanizowereeni onlooza otu nttiitthi nttunkhulu ahinaraliwe.
888	GEN 31:14	Rakeele na Liiya khujipu araka: “Fweeyo khanina hatha etthu yoorithi mmakhono wa papeetthu.
996	GEN 34:15	Fweeyo ninkhupali wuuloozani nlupweetthu amana alume ooshi a mmuti mwenu eeya ookhiriya koma nkhama fweeyo.
1011	GEN 34:30	Aphano Yaakhumpa khumuuzela Simiyooni na Leevi yoori: “Mweeyo mwakizinkula! Mwaretta yoori atthu apa aniikhalaaye nti otthuupu, Akanaani na Apirizi asala eephiiriwa ti miyo. Fweeyo khanaatteeni, yo amana akusanyeya ateela okuumanana antta okuula na ajamaazaku.”
1120	GEN 37:36	Wakathi aya opo Amidiyaani aarettiye amuuzanyisiye Yuusufu wa Potifwaari nttunkhulu wa anamweekesela a Firawuuna.
1151	GEN 39:1	Yuusufu aathuuliwe khulawaniwa Misuri pi annya-esumayila. N'oofiya khuuzanyeziwa Potifwaari mmisuri, karumeya nwulu wa Firawuuna, namalokozela wa anamweekesela.
1170	GEN 39:20	Khuruma weetteliwa Yuusufu khulawa khutthiiwa nkalapooso, nttumpho mfwalume Firawuuna aawaafukeliyeemo atthu awe.
1175	GEN 40:2	Firawuuna khwiiya wa wiiphiiriwa pi annya-khaazi awe apo awiri; nttunkhulu wa wootela zoonywa na nttunkhulu wa wuupa phaawu.
1180	GEN 40:7	Aphano ye khuwoozela annya-khaazi a Firawuuna apale aafukelaniweeyo araka: “Leelo mwakafilikhela-ni?”
1184	GEN 40:11	Pilawuri ya Firawuuna eri mmakhono mwaka. Miiyo khuthuula mishumo za wuuva khuvinyela mpilawuri mphule kimwinkha mmakhono mwawe.”
1186	GEN 40:13	Nkatthi wa siikhu ttatthu Firawuuna ontta wuulazamo nkalapooso orutele khaazi yawo ya wootela zoonywa za mfwalume na omwinkha pilawuri mmakhono mwawe, nkhama etthiipo waari orettakaazo raku.
1190	GEN 40:17	Khelenke eti ya vatulu zaarimo wakhula nanna ya phaawu epile zontuvela Firawuuna, ila anyannyi khusala ajoropoja ziri veeshwa vaka.”
1192	GEN 40:19	Nkatthi wa siikhu ttatthu etthiipo, Firawuuna onlawa athomeye eeshwa mmutthi, mwiili awo osala ojoropojiwa pi anyannyi.”
1193	GEN 40:20	Siikhu yattaatthu yaari siikhu Firawuuna aari orettaaye mwaakha, ye khujisa njampo na annya-khaazi awe ooshi, khuruma okhuweliwa apale aari nkalapooso namuupa-phaawu na namootela zoonywa.
1194	GEN 40:21	Namootela zoonywa khurutiseliwa khaazi yawe ya wootela na yoomwinkha pilawuri Firawuuna mmakhono mwawe.
1195	GEN 40:22	Ila Firawuuna khunthomeya namuupa-phaawu nkhama etthiipile aalupiyeezo Yuusufu.
1197	GEN 41:1	Eviriyeevo nyaakha miwiri, Firawuuna khulottha ari nshini wa muuttho oniitthiwaaye Niilu.
1200	GEN 41:4	Epile zootakhala za wootta khurafuna epile zooshapweya zooneneva, attaaphale Firawuuna khusisimuwa.
1203	GEN 41:7	Misaasi epile sapa za maveya khumiza epile za wiitaala na zooshapweya. Firawuuna khusisimuwa khujuwa yoori eetta olottha.
1204	GEN 41:8	N'oocha mmeesho mwaya supu, nafusi yawe khwiiya yooshukulikha, khurumisa olawa okhuweliwa anamajintta ooshi na anampiya sako a Misuri. Firawuuna khuwooza jozi alotthiyeeyo, ila khuhiivo hatha ntthu mmote aajuwiiyeeyo otaphulela waya.
1205	GEN 41:9	Aphano namootela zoonywa khumuuza Firawuuna yoori: “Leelo kafikhiri koosa zaka.
1210	GEN 41:14	Firawuuna khuruma olawa okhuweliwa Yuusufu, khulaziwamo nkalapooso nasaapiru. Khunyoola ttevu zawe khuwala kuwo kinoko khulawaniwa wa Firawuuna.
1212	GEN 41:16	Ye khunjipu Firawuuna araka: “Miiyo akina owahi, ila Nnyizinku onwahi wuutaphulelani wooshapweyavo.”
1213	GEN 41:17	Aphano Firawuuna khusala amuuza jozi etile Yuusufu yoori: “Kalottha keemeliye nshini wa Niilu.
1221	GEN 41:25	Aphano Yuusufu khumuuza Firawuuna yoori: “Jozi zenu epo z'oopiri enlupa etthu moote paasi, Nluku eetta wuuthoonyezani eti anttelaaye oretta.
1231	GEN 41:35	Yo ana yookusanya epile anttelaazo opattha nyaakha epo zooruwera, theenya ekusanyiwe tiriku yooshi epwehiwe yiiye mmakhono wa Firawuuna, yiiye etthu-yooja ya mmasitati.
1233	GEN 41:37	Firawuuna na mashawuriiya awe khoona yoori akhili epile za Yuusufu pi zooshapweya.
1235	GEN 41:39	Firawuuna khumuuza Yuusufu araka: “Wiiya Nluku oothoonyeza vitthu epi, khaavo nkinoko aya wa akhili na woojuwa nkhama weeyo.
1238	GEN 41:42	Aphano, Firawuuna khuvula peetthe yawe khunwalisa Yuusufu, khuruma yoori awalisiwe kuwo zooshapweya na nkufu wa thahapu mmwisiko mwawe.
1240	GEN 41:44	Khulupa theenya Firawuuna amuuzaka Yuusufu yoori: “Miiyo ki Firawuuna, ila khina mmote antakhaaye oretta etthu tuniya eti ya Misuri ahaazeeni wuusikana weeyo.”
1241	GEN 41:45	Firawuuna khuntthaja Yuusufu nzina la Zafenathi-Paneeya. Khunlooza muukha aari wiitthiwaaye Asenaathi, mwaana wa Potifweera, nttunkhulu wa tiini ya Ooni. Aphano Yuusufu khuzukulelisiwa tuniya yaya etile yooshi ya Misuri.
1242	GEN 41:46	Ye azaka khaazi ya mfwalume Firawuuna aarettiye arina nyaakha talaathiini na sitha, khunleeza Firawuuna khwaaza weettetta miti zooshi za Misuri.
1251	GEN 41:55	Wakathi epariziyeevo jala Misuri, atthu ooshi khunvekela Firawuuna etthu-yoojiwa. Ila ye khuwooza atthu ooshi a Misuri yoori: “Mwilawe mwakutthanane Yuusufu. Wakhula etile anttelaaye owuuzani mwirette ethiito.”
1263	GEN 42:10	Yo khunjipu araka: “Wala mbwaneetthu! Fweeyo akarumeyeenu naateeliye wuuzanya etthu-yoojiwa.
1264	GEN 42:11	Fooshi papeetthu mmote, n'aatthu awaamineya. Khahi n'aahankawaani.”
1266	GEN 42:13	Yo khuri: “Fweeyo ninlankha tuniya ya Kanaani, niri aana khumi na awiri paapa mmote. Otu w'eefutti aya nasaapi eti asala onti na paapa, ila otu nkina aya afwa.”
1268	GEN 42:15	Apho kintakha kiwooneni. Kinlapha khwa ohaayi wa Firawuuna, yoori khamwinlaavo apha mwihintiiseeni ttwiiyenu oto w'eefutti.
1269	GEN 42:16	Mwinrume ntthu mmote amweettele, ila apa akina ansalaaye anttela ofukeliwa. Noone nkhama mattakhuzi apa mwilupiyeeyo pi ookhweele. Ila mmana ehiiyi toowo kinlapha khwa ohaayi wa Firawuuna yoori phi mwinttelaavo ojuweya wiiya ahankawaani.”
1298	GEN 43:7	Yo khujipu araka: “Mwiinyi oto eetta onuuzela yoori anijuwe fweeyo na ajamaazetthu. Khuvira anuuzelaka theenya yoori: ‘Papeenu ori haayi? Mwinaaye ttwiiyenu nkina theenya?’ Fweeyo naarina yoojipu epile aari onuuzelaazo. Fweeyo naajuwiye yoori onttela oniila onlawana ttwiiyetthu?”
1332	GEN 44:7	Yo khujipu araka: “Mwaasa aya niini mbwaneetthu alupaka toowo? Fweeyo akarumeyaawe khaninwahi oretta vitthu zaya epo!
1334	GEN 44:9	Apha niriivo, karumeya otule onttelaaye onsikanana pilawuri eto afwe. Fweeyo ninttela osala niri amwiitthwaana za mbwaneetthu.”
1343	GEN 44:18	Yuuda khunsusela Yuusufu khumuuza yoori: “Safwatali mbwanaaka! Mwinlikhe karumeyeenu awuuzeni nttakhuzi na mwihinkatipukhele, mwaasa yoori mweeyo mwiri nkhama Firawuuna mwennyeweene.
1345	GEN 44:20	Fweeyo khujipu yoori: ‘Ninaaye paapa ila ooluvala na ninaaye ttwiiyetthu w'eefutti apattikhaniyeeyo paapa ooluvaliye. Aarina ttwiiye afwa, ye asala otthwe wuumamani wawe, ti woophetiwa na kuvu ti papaawe.’
1351	GEN 44:26	Fweeyo khumuuza yoori: ‘Khaninwahi orutelawo nihilawaneeni ttwiiyetthu otu wa w'eefutti, amana nihilawani khaninlawa okutthanana mwiinyi oto.’
1361	GEN 45:2	Ye khusala alila anyakulaka mpakha khufiyelela osiila Amisuri, hapari epile khufiya wamfwalume Firawuuna.
1367	GEN 45:8	Khahiyo mweeyo mwikiperekhiye okhuno, ila Nluku ti ye akiperekhiye, khukiretta wiiya nkhama paapa wa Firawuuna, na nttunkhulu wa vaje vawe na tuniya ya Misuri.
1375	GEN 45:16	Hapari epile khumfiyela Firawuuna, yoori attwiize Yuusufu ata. Firawuuna n'oosiila khwiiya wootuveliwa vamote na akarumeyaawe.
1376	GEN 45:17	Aphano Firawuuna khumuuza Yuusufu yoori: “Owooze attwiizo: Athuule nyama zaya arutele tuniya ya Kanaani.
1380	GEN 45:21	Aana a Yaakhumpa khuretta etthiipile. Yuusufu khuwenkha mikukutta nkhama etthiipile aalupiyeezo Firawuuna, khuwenkha vitthu-zooja ntarikhi alawaka.
1392	GEN 46:5	Aphano, Yaakhumpa khulankha nti wa Beresheba na aanaawe na aakhaaya na aanaaya khupakhira mmikukutta epile zaaperekhiweeyo ti Firawuuna.
1418	GEN 46:31	Yuusufu khuwooza attwiize na ajaama a papaawe yoori: “Kintta wa Firawuuna kamuuze yoori attwiizaku na ajamaaze paapa apa aari wiikhalaaye tuniya ya Kanaani, ata mmuti mphu.
1420	GEN 46:33	Amana Firawuuna arumisa oteela okhuweliwa mweeyo, na awuuzelani yoori ‘Mwinkhola khaazi-ni?’
1421	GEN 46:34	Mwinjipu yoori: ‘Fweeyo akarumeyaawo khaazi yetthu oshukisa nyama, waaza osimaana etthu mpakha apha, nkhama etthiipo aari orettaazo apapazetthu.’ Toowo, mwintta okhupaleliwa wiikhala nti wa Gosheeni, mwaasa yoori amakhampuzi ooshi pi ootarawiwa pi a Misuri.”
1422	GEN 47:1	Yuusufu khulankha olawa omuuza Firawuuna yoori: “Paapa na attwiizaku ata ari nti wa Gosheeni, atana maphanko a nyama, mompe, pwittipwitthi na vitthu zaya zooshi ariinaazo.”
1423	GEN 47:2	Khuwaathuula attwiize athaanu olawa owaajuwisa Firawuuna.
1424	GEN 47:3	Aphano Firawuuna khuwoozela attwiize Yuusufu araka: “Mwinkhola khaazi-ni?” Yo khunjipu yoori: “Mbwaneetthu, fweeyo khaazi yetthu oshukisa nyama nkhama apapazetthu apa aviriyeeyo.
1425	GEN 47:4	Fweeyo nateela wiikhala mmuti mphu siikhu vattitthiiru, mwaasa yoori tuniya ya Kanaani yeetta opuwawo jala ya waatta nyama zetthu khuhisala ziiyana etthu-yooja. Safwatali wa safwatali, mwinilikhe niikhale nti opu wa Gosheeni.”
1426	GEN 47:5	Aphano Firawuuna khulupa yoori: “Papaawo na attwiizo ata wiiya vamote na-weyo.
1428	GEN 47:7	Yuusufu khunthuula papaawe Yaakhumpa khulawa onjuwisa Firawuuna, Yaakhumpa khumparikhiya.
1429	GEN 47:8	Firawuuna khumuuzela Yaakhumpa araka: “Mwina nyaakha mikavi?”
1431	GEN 47:10	Aphano Yaakhumpa khumparikhiya Firawuuna, nawiisha khuruti.
1432	GEN 47:11	Yuusufu khumwinkha meekhazi papaawe na attwiize phantte yooshapweya ya tuniya ya Misuri waattamana na nti wa Ramesesi, nkhama etthiipile Firawuuna aalupiyeezo.
1435	GEN 47:14	Aphano Yuusufu khukusanya nzurukhu wooshi, opule waari orumeeliwaaye Misuri na wa Kanaani opule waari wuuzanyeliwaaye tiriku, khulawa khupweha owawe Firawuuna.
1440	GEN 47:19	Ohinilikhe nifwaka na mashapa etthu apwecheyaka weettaka woona. Wuuzanye mashapa etthu na-fweyo aya, oninkhe etthu-yooja. Toowo niniiya amwiitthwaana za Firawuuna na mashapa eetthu anttela wiiya awe. Oninkhe peewu yoozala yoori nipatthe wiiyana meekhazi, nihifwe jala na nti etthu ohiiye yaara.”
1441	GEN 47:20	Khwa nanna ethiito Yuusufu khuuzanya mashapa ooshi a Misuri khwiiya a Firawuuna. Amisuri ooshi aarina yawuuzanyisa mashapa aya mwaasa wa jala yeetta otepa yaattaka, nti wooshi khwiiya wa Firawuuna.
1443	GEN 47:22	Ila mashapa a attunkhulu a tiini khoozanyiye mwaasa yoori yo aari winkhiwa etthu-yooja ti Firawuuna, ti etthu ahoozanyiseliyeeyo mashapa aya.
1444	GEN 47:23	Aphano Yuusufu khuwooza atthu yoori: “Mwikisiileze! Kawuuzanyani mweeyo na miti zenu zooshi. Waaza leelo mweeyo na mashapa enu anttela wiiya a Firawuuna. Peewu eti mwilawe mwazale.
1445	GEN 47:24	Wakhula etile mwinttelaaye oruwera mwisala mwithuula lifunku la thaanu mwimwinkha Firawuuna. Mafunku apa mane mwinsalanaaye mwisala mwija mweeyo na aaneenu na atthu apale mwiniikhalanaaye. Kinoko khupweha yoori mwirette peewu.”
1446	GEN 47:25	Yo khujipu araka: “Weeyo mbwaneetthu wanuusuru, wanirettela vitthu zooshapweya, fweeyo nakhupali na rooho zetthu zooshi wiiya amwiitthwaana za Firawuuna.”
1447	GEN 47:26	Yuusufu khulaleya kano moote eriivo mpakha leelo eti, yoori lifunku la thaanu la vitthu zooshi zinruweriwaazo tthi la Firawuuna. Mashapa apale paasi a attunkhulu a tiini khuhinkhiwi wiiya awe.
1511	GEN 50:4	Nawiisha matthaka apale, Yuusufu khuwooza attunkhulu apale aari wiikhalanaaye Firawuuna araka: “Kookholani moolu mwilawe mwamuuze Firawuuna yoori;
1513	GEN 50:6	Firawuuna khunjipu araka: “Wiiya oolaphisiye etta wanzikhe papaawo.”
1514	GEN 50:7	Aphano Yuusufu khulankha khusala alawa onzikha papaawe vamote na attunkhulu, akarumeya ooshi a Firawuuna na mamunu-munu ooshi a tuniya ya Misuri.
1544	EXO 1:11	Aphano amisuri khuwaaretta yo wiiya anamalokozela a khaazi za nkuumu yoori apatthe owaahukhumu na khaazi zoolipa. Khwa etthiipo meezirayiilu khunjekela Firawuuna sitati piiri za sakafu zaari wiitthiwaaye Pito na Rameesi.
1555	EXO 1:22	Tiito Firawuuna khuwaaruma atthu awe ooshi yoori: “Wakhula mwaana wa meepereewu anvokoliwaaye eeyaru wanlume amweeselele mmuttho oniitthiwaaye Niilu, ila eeyaru wankha asala anlikha.”
1560	EXO 2:5	Mwaana wankha wa Firawuuna khwiishukhela mmuttho olawa woowa, ajaazi awe aarina khusala avira nkhome wa muuttho, ye khoona khelenke etile eri ntteketthe khunruma njaazi awe khweettela.
1562	EXO 2:7	Aphano, nlupuwe mwaana otule khumwaattama mwaana wa Firawuuna khumuuzela yoori: “Onuupuwela toovi? Ontakha miiyo kilawe kankhuwele nunu mmote mwiizirayiilu ate asala amwaamwisa?”
1563	EXO 2:8	Mwaana wa Firawuuna khunjipu yoori: “Haya etta.” Aphano mwanankha khulawa onkhuwela maama wa mwaana othuutule.
1564	EXO 2:9	Aphano, mwaana wa Firawuuna khumuuza yoori: “Onthuule mwaana otu omwaamwise zwaamu yaka, kintta wuuripha phakari yawo.” Nunu otule khunthuula mwaana khusala amwaamwisa.
1565	EXO 2:10	Paata ya mwaana otule owula khuntiisela mwaana wa Firawuuna khunretta wiiya mwanawe. Khuntthaja nzina la Munsa, araka: “Maana koolaza mmaati.”
1570	EXO 2:15	Firawuuna nawuuziwa vitthu epile khujilakelela omuula Munsa; ye khutthira khulawa mpakha nti wa Miitiya khwiikhala nshini wa nlipu.
1587	EXO 3:7	Nnyizinku khulupa yoori: “Khweele khweele kinoona nanna anhukhumwiwaazo atthu aka Misuri na kasiila nkhuwo aya mwaasa wa khaazi ankholisiwaazo pi anamalokozela a Firawuuna na kinjuwa yoori antta ohoowa;
1590	EXO 3:10	Kinuuruma nasaapi ethiiti Misuri wa Firawuuna, wawaalazewo atthu aka meezirayiilu.”
1591	EXO 3:11	Aphano Munsa khulupa amuuzaka Nluku yoori: “Ki paani miiyo woolawa wa Firawuuna olawa owaalazawo meezirayiilu?”
1598	EXO 3:18	“Attunkhulu anteela wuusiileza. Olankhe na attunkhulu a atthu aya atthaapo mwilawe wa Firawuuna wamuuze yoori: ‘Nnyizinku, Nluku wa meepereewu eettiye oniteela. Apho onilikhe nilawe neettette mwentto wa siikhu ttatthu neette n'yaara namwinkhe twaha Nnyizinku, Nluku etthu.’
1624	EXO 4:22	Omuuze Firawuuna oraka: ‘Nnyizinku alupa toono: Ezirayiilu mwanaka wamwanzo.
1634	EXO 5:1	Paata ya toole Munsa na Arawu khulawa ottakhulana Firawuuna amuuzaka yoori: “Nnyizinku, Nluku wa meezirayiilu alupa toono: ‘Owaalikhe atthu aka alawe akirettele njampo n'yaara.”
1635	EXO 5:2	Firawuuna khujipu araka: “Nnyizinku paani wonshututela miiyo khuwaalikha olawa meezirayiilu? Akininjuwa Nnyizinku aya na akiniwaalikha meezirayiilu olaamo mphu.”
1638	EXO 5:5	Theenya Firawuuna khulupa yoori: “Atthu apa pi awaatta ila mwintta owaalikhisa okhola khaazi zaya.”