1	GEN 1:1	Omwanzo, Nluku aphattucha pinku na vathi.
2	GEN 1:2	Olumwenku waari ohineeyane matthentto na khayaarimo hatha etthu, yaarivo yiizaru vatulu wa pahari yawiicha. Rooho ya Nluku yaari ozukulela vatulu wa maati.
14	GEN 1:14	Aphano Nluku khuri: “Otulu ziiyewo vimwasikhelo yoori ovaluleye nthana na osikhu! Ziiye alama zinthoonyezaaye elimwe na mwiita, siikhu na nyaakha.
45	GEN 2:14	Muuttho opo wattaatthu, onviraaye phantte lintthamuwaawo njuwa ya nti wa Shuuru, oniitthiwa Tiikiri. Opu wanne Efwarathi.
56	GEN 2:25	Oowiiri, Adamu na muukhaawe aari wiiya waazu woohiina haaya.
65	GEN 3:9	Mbwana Nnyizinku khunkhuwela pinaatamu khumuuzela yoori: “Ori vayi?”
75	GEN 3:19	Okholaka khaazi yoovujuwela yoori opatthe etthu-yooja yawo mansha awo ooshi. Maana weeyo wompaniwa ottophe, n'oofwa mpakha orutele voottophe.”
99	GEN 4:19	Lameekhi khuwaarala aakha awiri, mmote nzina lawe laari Aada. Otu nkina lawe laari Siila.
149	GEN 6:11	Olumwenku waazukuleliwe pi vitthu zootakhala na zoohusuti omaasho wa Nnyizinku.
153	GEN 6:15	Omwaattale nanna eti: phiima miiya na talaathiini na thaanu olepa waya, phiima eshiriini na piiri na nuusu owula waya, phiima khumi na ttatthu chanka yaya.
154	GEN 6:16	Ontthe tarato enfiyaaye nuusu ya phiima vatulu vaya. Waawanye tarato moote vathi, moote vakatthi, kinoko vatulu, ontthe nlako mpavu mwaya.
155	GEN 6:17	Onjuwa! Miiyo kasaleela ozamisa olumwenku wooshi na maati a nnyeri, kiishise zumpe zooshi ziriina phuumu z'oohaayi ziriiye vathi wa pinku. Zooshi ziriiye vatuniya zinttela ofwa.
157	GEN 6:19	Othuule nyama wakhula jaati piiri-piiri, yeelume na yeekha opakhire mmwaaraka mwawo yoori ziiye haayi vamote na-weyo.
159	GEN 6:21	Othuule vitthu zooshi zinjiwaazo opwehe yoori osala oja weeyo na nyama epo zooshi.”
162	GEN 7:2	Othuule nyama za halaali sapa zeelume na sapa zeekha ila epile zoohiiyi za halaali othuule piiri-piiri yeelume na yeekha.
163	GEN 7:3	Owaathuule theenya anyannyi sapa eelume na sapa eekha yoori jaati yaya ehaashikhe.
201	GEN 8:17	Wiishushe nyama zooshi oriinaazo waaza anyannyi, nyama na epi zinjipurulaaye vathi. Osarule zimwazeyele vatuniya, zittheerelane zaattelane.”
245	GEN 10:10	Ofwalume awe waaza nti wa Babeeli, Ereki na Akati, zooshi epo zaari nti wa Shinaari.
260	GEN 10:25	Heebere khuwaavokola aana awiri: mmote khuntthaja nzina la Peleekhi mwaasa yoori siikhu zawe tuniya yeettiye waawanyiwa. Otu waphiiri khuntthaja nzina la Yokitaani.
263	GEN 10:28	Opaali, Apimayeeli, Sheepa,
264	GEN 10:29	Ofiiri, Havila na Yopaapu, ooshi apa aana a Yokitaani.
267	GEN 10:32	Opu ojama wa aana a Nuuhi, waawanyeyiyeeyo khapila khwa khapila na peewu yaya paata yawiisha nnyeri. Khapila zooshi zimwazeyeliyeeyo voolumwenku zalankha voojama otthuupo.
300	GEN 12:1	Siikhu moote, Nnyizinku khumuuza Eburamu araka: “Olikhe tuniya yawo, na ajamaazo, na vaje wa apapazo olawe tuniya kinttelaaye wuuthoonyeza.
310	GEN 12:11	Asaleelaka ofiya, khumuuza muukhaawe Suhuriiya yoori: “Osiileze, miiyo kajuwacha yoori weeyo o muukha wooshapweya.
327	GEN 13:8	Eburamu khumuuza Loothi yoori: “Ohiiyevo ohisiilani miiyo na-weyo, wala amakhampuzi aka na awo, mwaasa yoori ojama etthu mmote.
333	GEN 13:14	Paata ya Loothi olawa, Nnyizinku khumuuza Eburamu araka: Olanse maasho awo attaapho oriivo, weekese kashikhazini na kusini, na okhu lintthamuwaawo njuwa mpakha lintupweelaawo.
336	GEN 13:17	Olankhe ozukulele tuniya eti woone olepa waya na owula waya, mwaasa yoori kinttela owinkha weeyo.
369	GEN 15:8	Eburamu khumuuzela yoori: “Oo Mbwanaaka Nnyizinku, kihakikhi toovi yoori kinteela orithi tuniya eti?”
370	GEN 15:9	Nnyizinku khujipu: “Okitiisele mwaana wa mompe, wa puuzi, na wa pwittipwitthi, zooshi za wiiyana nyaakha mittatthu, na theenya likhoko na jiwa moote”.
374	GEN 15:13	Aphano Nnyizinku khumuuza yoori: “Ojuwache yoori peewu yawo enteela omaka nti woohiiyi waaya, enteela orettiwa omwiitthwaana na ohoochiwa nyaakha miiya nne.
386	GEN 16:4	Eburamu khurapalela na Hajira, ye khwiiya wa wiimittha. Ooniyeevo yoori eemittha khwaaza ontwayifu nhano awe.
387	GEN 16:5	Suhuriiya khumuuza Eburamu yoori: “Miiyo kanthuula njaazi aka khuwinkha, ye n'oojuwa yoori eemittha aaza okitwayifu. Okitwayifusha opu anikirettelaaye Hajira, khahi etthu ya shariya, ti weyo onintakhelaaye. Nnyizinku ti aniphuke miiyo na-weyo.”
390	GEN 16:8	Nlayikha ntthile khumuuzela liraka: “Weeyo Hajira njaazi wa Suhuriiya! Onlankha vayi wala ontta vayi?” Ye khujipu: “Keetta otthira vaje wa nhano aka Suhuriiya othuuto.”
391	GEN 16:9	Nlayikha khumuuza yoori: “Orutele wa nhano awo, wanshututele.”
409	GEN 17:11	Okhiriya waya opo, alama ya wahati aka miiyo na-mweyo.
412	GEN 17:14	Otule ahinttelaaye okhiriya eekariwemo muumathi mwenu, mwaasa yoori akattha wahati aka.”
416	GEN 17:18	Eburahiima khumuuza Nluku: “Omparikhiye Esumayila, eeye namarithi aka.”
431	GEN 18:6	Aphano Eburahiima khutthira eettaka nheema mwawe khumuuza Suhura yoori: “Othuule miphimo miwulu mittatthu z'oofu wa tiriku yooshapweya, okhatte wooche phaawu wa waakuvavo.”
434	GEN 18:9	Yo khumuuzela: “Khi muukhaawo Suhura ori vayi?” Eburahiima khujipu: “Ori nheema mpho.”
448	GEN 18:23	Eburahiima khunsusela Nnyizinku khumuuzela yoori: “Onttela owooleela vamote anashariya na anapaathuli?
450	GEN 18:25	Ohiiye weeyo wooretta etthu nkhama eto, yoowuuleela vamote anashariya na anapaathuli. Khawaari oteela owaahukhumu anashariya mwaasa wa vitthu zoorettiwa pi anapaathuli. Weeyo o namaphuka w'oolumwenku wooshi, khunteela ophuka na shariya?”
452	GEN 18:27	Eburahiima khurutela ottakhula araka: “Okiswaamihi na ruhusa kiriina yoottakhulana weeyo Mbwanaaka, keeyaru ottophe na fuutha.
456	GEN 18:31	Eburahiima khurutela olupa yoori: “Okiswaamihi na nthiti kiriinaayo la wuuttakhulana Mbwanaaka, khi amana owaasikana anashariya eshiriini?” Ye khuri: “Akimpwechawo mwaasa wa anashariya apale eshiriini.”
463	GEN 19:5	Khusala anyakula ankhuwelaka Loothi araka; “Alume apa atiiyeeyo nnyupa mwawo mphu osikhu otthuupu ari vayi? Owaasarulele vaje apha, fweeyo nintakha niwaalalane”.
467	GEN 19:9	Yo khuri: “Oleevo apha! Weeyo o mmalapo mmuti mphu, ontakha ojinkhe ofwalume na mmuti mwetthu? Fweeyo nintta wuurettela vitthu zooziti epi naari otakhaaye owaarettela apo.” Aphano yo khunsukhuma Loothi, khusala asusela nlako awe yoori apwechaze.
470	GEN 19:12	Alume apale khumuuzela Loothi: “Onaaye ajaama akina nsitati mphu? Oleemo, owaathuule aanaawo, akhwewo, muukhaawo na ooshi apale eeyiye aawo,
473	GEN 19:15	Lifwajiri, malayikha apale khusala amuuza Loothi antumereraka yoori: “Olankhe nasaapi ethiiti, onthuule muukhaawo na aanaawo oowiiri mwileemo mphu. N'oohiretti toowo, amana etaka hukhumu nsitati mphu mweeyo mwintta ofwa.”
488	GEN 19:30	Loothi eetta woova wiikhala Zowaari, khuthama na aanaawe oowiiri khusala eekhala omwaako. Oottaatthu khusala eekhala nlikurakuza.
491	GEN 19:33	Osikhu otthuupule khuthuula viinyu khunnywisa papaaya, mwaana otu nwulu aya khulawa khulalana papaawe. Papantthu woohijuwi wakathi arapaleliyeevo wala alankhiyeevo.
493	GEN 19:35	Osikhu otthuupule khumwinkha papaaya viinyu swaafu yaphiiri, na-ye otu nttiitthi aya khulawa khulalana, theenya papantthu khuhijuwi wakathi arapaleliyeevo wala alankhiyeevo.
495	GEN 19:37	Otu nwulu aya khumpattha mwaana wanlume khuntthaja nzina la Mowaabu, ye paapa wa Amowaabu apa ariiwo mpakha leelo.
498	GEN 20:2	Ottuukhule, Eburahiima aalupiye yoori Suhura nlupuwe, khupe ari muukhaawe. Aphano Apimeleekhi mfwalume wa nti aya opule, khuruma weetteliwa Suhura, ye khunthuula.
499	GEN 20:3	Osikhu aya, Nluku khunteela Apimeleekhi khusala amuuza nkatthi wa jozi yoori: “Ontta ofwa mwaasa wa muukha otu onthuuliyeeyo, ye onaaye mannawe.”
524	GEN 21:10	Suhura khulawa omuuza Eburahiima yoori: “Omwiikare njaazi otule na mwanawe. Ye khanteela orithi vamote na mwanaka Esiyaakha.”
526	GEN 21:12	Aphano Nluku khumuuza Eburahiima yoori: “Ohizinkireye mwaasa wa mwanawo na njaazi awo, osiileze etile aniwuuzaaye Suhura, mwaasa yoori peewu yawo enttela olankha vakatthi wa Esiyaakha.
531	GEN 21:17	Nluku khusiila theenya huula ya mwaana otule eettaka olila. Nlayikha la Nluku khukhuwa pinkuuni linkhuwelaka Hajira, khumuuza yoori: “Wakafilikhela-ni Hajira? Ohoove, Nluku asiila huula yawe mwaana oto alilaka vahali ariivo.
532	GEN 21:18	Olankhe onlanse mwanawo onkholele nkhono, phantte yawe kinteela waattisa omathaawe.”
541	GEN 21:27	Aphano Eburahiima khuthuula pwittipwitthi na mompe khumwinkha Apimeleekhi. Oowiiri aya khusiilana.
544	GEN 21:30	Eburahiima khujipu: “Okhupalele pwittipwitthi epi sapa kiniwinkhaaye khwa lifunku looshaahiti yoori nlipu opu ti miyo kithipiyeeyo.”
550	GEN 22:2	Nluku khumuuza araka: “Onthuule mwanawo Esiyaakha, othuuto mmote oriinaaye onimphetachaaye, olawe mpakha nti wa Moriya, vamwaako oriiye ottuukho kinttelaaye wuuthoonyeza, onrette twaha yoolukuziwa”.
560	GEN 22:12	Khumuuza yoori: “Ohimwaavulele eesu shapu oto, na ohinrettele hatha etthu. Aphano kinjuwa yoori onimoova Nluku, mwaasa woohikikhattazi mwanawo mmote othuuto oriina.”
567	GEN 22:19	Eburahiima na Esiyaakha khurutela aphale aawaalikhiyeevo akarumeyaawe. Ooshi khurutela Beeresheba ohali Eburahiima aari wiikhalaawo.
578	GEN 23:6	“Osiileze mbwaneetthu, fweeyo niniwinkha hishima nkhama mfwalume wa Nluku. Apho olawe wanzikhe muukhaawo wakhula vilalo etile enuufwayaaye. Khaavo mmote wa fweyo antakhaaye wuukhattaza khapuri yonzikhavo muukhaawo.”
583	GEN 23:11	“Wala mbwanaaka! Okisiileze, miiyo kiniwinkha nshapa na likurakuza liriiye nttumpho, kiniwinkha atthu ooshi apa ariiye apha eettaka woona. Olawe wanzikhe muufwi awo.”
585	GEN 23:13	Ye khumuuza Eforoni atthu ooshi eettaka osiila yoori: “Safwatali mwikisiileze, kintta oripha hisapu la nshapa ntthile. Okhupalele yoori kiwahi onzikhamo muukhaaka.”
587	GEN 23:15	“Okisiileze mbwanaaka! Nti aya opo pu wa mizurukhu za feeta miiya nne. Eto yaya niini miiyo na weeyo? Wanzikhemo muufwi awo.”
594	GEN 24:2	Siikhu moote, khumuuza karumeya nwulu wa vaje vawe aari weettettisaaye mali zawe zooshi aariinaazo, araka: “Othuule nkhono awo otthe vathi wa liphaja laka yoori
604	GEN 24:12	Attaaphale khusala alompa araka: “Oh! Nnyizinku, Nluku wa mbwanaaka Eburahiima, kinuuvekela yoori siikhu eti ya leelo okiparikhiye, na onthoonyeze pheta ya waamineya mbwanaaka Eburahiima.
605	GEN 24:13	Onikoonelaavo apha kiri wa weemela kharipu na nlipu, aanaakha a atthu a sitati eti antakaavo ottekha maati.
617	GEN 24:25	Onti ewaakho puuro yoolalawo mweeyo, na nyaani za waatta zooja enkamiiya zenu.”
623	GEN 24:31	Labani khuri: “Ote okhuno, weeyo wooparikhiyiwa ti Nnyizinku! Weekhalela-ni veetakale apho? Kawaattalelela puuro onti na vahali woopwehavo enkamiiya zawo.”
634	GEN 24:42	Phi kiriyeevo n'oofiya onlipu leelo, khusala kimuuza Nnyizinku kiraka: ‘Oo Nnyizinku! Nluku wa mbwanaaka Eburahiima, nkhama safwari eti kineettaaye otakha wawo, okijaaliwe.
639	GEN 24:47	Aphano miiyo khumuuzela yoori: ‘O mwaana waani?’ Ye khujipu yoori: ‘Miiyo ki mwaana wa Betuweeli mwaana wa Nahoori na Miilika.’ Ethiito miiyo khunwalisa kharawu vaphula vawe khunwalisa kakhana makhono awe.
650	GEN 24:58	Khukhuweliwa Rapekha khuuzeliwa: “Ontakha olawa na mwinyi otu?” Ye khujipu yoori: “Kakhupali.”
663	GEN 25:4	Aana a Midiyaani aari Eefa, Eferi, Hanooki, Abiida na Eelida. Ooshi apa aari aana na atuulu a Khetuura.
684	GEN 25:25	Otu woovokoliwa mwanzo aari wookhuttuwa na wa waatta ovuzi, ti maana yootthajiwa nzina la Ezawu.
689	GEN 25:30	Ye khumuuza Yaakhumpa yoori: “Okinkhe vitthu epo oniipikhaazo zookhuttuwela kije. Kintakha ofwa jala!” Ti eto Ezawu enkhiweeyo nzina la Edomu.
692	GEN 25:33	Yaakhumpa khusala ankhanyarela yoori: “Olaphe.” Ye khulapha, khumuuzanyeza Yaakhumpa lifunku lawe l'oomwaana wa mwanzo.
695	GEN 26:2	Nnyizinku khunteela, khumuuza yoori: “Ohilawe tuniya ya Misuri; weekhale nti kintakhaaye owuuza.
696	GEN 26:3	Ottuukho miiyo kinttela wiiya vamote na-weyo na kinttela wuuparikhiya. Weeyo na peewu yawo kinttela owinkhani nti opo wooshi, kilipiselaka wahati opule kaalaphiyeeyo kimwaahitaka papaawo Eburahiima.
702	GEN 26:9	Aphano Apimeleekhi khunkhuwela Esiyaakha khumuuza yoori: “Otu, khweele muukhaawo! Khi apho waari oraaye nlupuwo?” Ye khujipu yoori: “Kaari woova wuuliwa mwaasa wa ye.”
709	GEN 26:16	Siikhu moote Apimeleekhi khumuuza Esiyaakha yoori: “Oleemo mmuti mphu, maana wareela na kuvu waniziti fweeyo.”
717	GEN 26:24	Osikhu Nnyizinku khunteela khumuuza yoori: “Miiyo ki Nluku wa papaawo Eburahiima. Ohoove, kiri vamote na-weyo. Kintta wuuparikhiya kaattise peewu yawo mwaasa wa papaawo karumeyaaka.”
722	GEN 26:29	Osiilana waya pi opu: Olaphe yoori khunnirettela zootakhala nkhama etthiipo na-fweyo nihuuretteleeni, noorettela zooshapweya na khuulikha olawa na heeri. Weeyo o wooparikhiyiwa ti Nnyizinku.”
731	GEN 27:3	Othuule nttetthe lawo olawe ntthuttu wasaye nyama.
735	GEN 27:7	‘Okitiisele nyama ya wiipikhiwa wookituvelavo kije, kuuparikheye mmakhono wa Nnyizinku kihinafwe.’
738	GEN 27:10	Onlawanele aje, ooparikhiye ahinafwe.”
753	GEN 27:25	Aphano khuri: “Okitiisele apha nyama yaya eto osayiyeeyo kije, yoori kuuparikhiye.” Yaakhumpa khumweettisela khuja na khumwinkha viinyu khunywela.
754	GEN 27:26	Esiyaakha khumuuza yoori: “Okaattame mwanaka okipatikhe.”
757	GEN 27:29	Khapila za waatta zuurumeele weeyo, na mahimo a waatta ookokhorele. Wiiye mbwana wa attwiizo, na aana a mamaawo ookokhorele weeyo. Oolaanikha pi apale anttelaaye wuulaani, na ooparikhiyiwa pi apale anttelaaye wuuparikhiya.”
765	GEN 27:37	Esiyaakha khujipu: “Miiyo kanthawaza Yaakhumpa yoori eeye mbwanaawo weeyo na ajamaazo ooshi anttela onrumeela ye. Onteela wiiyana tiriku ya waatta na viinyu. Kuurettele niini miiyo mwanaka?”
771	GEN 27:43	Apho weeyo mwanaka osiile eti kiniwuuzaaye. Otthire nasaapi ethiiti, weette wa nlupwaaka Labani aniikhalaaye nti wa Harani.
775	GEN 28:1	Esiyaakha khunkhuwela Yaakhumpa khumparikhiya, khumuuza yoori: “Ohinrale hatha muukha mmote wa Kanaani.
776	GEN 28:2	Olankhe olawe nti wa Paata-Araamu owawe Betuweeli pwapwiyo. Olawe wanrale mwaana wa Labani nlupu wa mamaawo.