42	GEN 2:11	Wamwanzo oniitthiwa Pishoni, opo wazukulela nti wooshi wa Havila, ohali wa waattawo thahapu.
50	GEN 2:19	Paata ya Mbwana Nnyizinku wumpa khwa ottophe wa vathi nyama zooshi za ntthuttu na anyannyi apa o'otulu, zooshi khuntiisela Adamu yoori amoone nanna aari weettelaazo otthaja; wakhula yumpe aari otthajaaye, nzina laya laari wiiya nttinttho.
63	GEN 3:7	Paata ya toowo, oowiiri khufunuwa maasho aya khujuwa yoori ari waazu. Khurukela mathapa a muutthi oniitthiwaaye mfikeera khuretta wiiya kuwo zaya.
68	GEN 3:12	Pinaatamu khujipu yoori: “Muukha otu okinkhiyeeyo yoori asala akikhiza, ti ye akinkhiyeeyo nshumo aya opo miiyo khuja.”
71	GEN 3:15	Kinttela otthaavo wuumani weeyo na muukha; peewu yawo na peewu ya muukha. Peewu ya muukha nka yuuvulalisaka eeshwa yawo, na weeyo nka ottovolaka ekwakuno yaya.”
73	GEN 3:17	Ye khumuuza Pinaatamu yoori: “Wiiya wansiileza muukhaawo khuja nshumo wa muutthi opu kookhattaziyeeyo, yalaanikha tuniya yooshi mwaasa wa weeyo, nka okholaka khaazi yoolipa yoori opatthe etthu-yooja ohaayi awo wooshi.
76	GEN 3:20	Pinaatamu khuntthaja muukhaawe nzina la Haawa, mwaasa wa wiiya maama wa anaatamu ooshi.
79	GEN 3:23	Paata ya toowo, Mbwana Nnyizinku khumwiikaramo nwoorotha wa Eeteni, yoori asala alima ottophe otthuupule ompaniweeyo.
89	GEN 4:9	Paata ya toole, Nnyizinku khumuuzela Kayiini araka: “Ttwiiyo Apeele ori vayi?” Khujipu yoori: “Akijuweeni! Namweekesela wa ttwiiyaku ti miyo?”
110	GEN 5:4	Paata yonvokola Seethi, Adamu khwiikhala theenya nyaakha miiya naane khuwaapattha aana a waatta aalume na aakha.
113	GEN 5:7	Paata yonvokola Enooshi, Seethi khwiikhala theenya nyaakha miiya naane na sapa khuwaapattha aana akina aalume na aakha.
116	GEN 5:10	Paata yonvokola Kenaani, Enooshi khwiikhala theenya nyaakha miiya naane na khumi na mithaanu, khuwaapattha aana akina aalume na aakha.
119	GEN 5:13	Paata yonvokola Mahalaleeli, Kenaani khwiikhala theenya nyaakha miiya naane na arupayiini, khuwaapattha aana akina aalume na aakha.
122	GEN 5:16	Paata yonvokola Yareeti, Mahalaleeli khwiikhala nyaakha miiya naane na talaathiini khuwaapattha aana akina aakha na aalume.
125	GEN 5:19	Paata yonvokola Henookhi, Yareeti khwiikhala nyaakha miiya naane, khuwaapattha aana akina aalume na aakha.
128	GEN 5:22	Paata yonvokola Methuseela, Henookhi khulotta mwentto wa Nnyizinku nyaakha miiya ttatthu, khuwaapattha aana akina aalume na aakha.
132	GEN 5:26	Paata yonvokola Lameekhi, Methuseela khwiikhala nyaakha miiya sapa na thamaaniini na miwiri, khuwaapattha aana akina aalume na aakha.
136	GEN 5:30	Paata yonvokola Nuuhi, Lameekhi khwiikhala theenya nyaakha miiya thaanu na tiisiini na mithaanu, khuwaapattha aana akina aalume na aakha.
183	GEN 7:23	Nnyizinku khupwetecha zumpe zooshi z'oohaayi zaari vatuniya. Pinaatamu, nyama za ntthuttu, na epile zinjipurulaaye vathi na anyannyi o'otulu zooshi khupwetheya. Khusala Nuuhi otthwe na ajamaaze na nyama epile zaari vamote na-ye mmwaaraka.
234	GEN 9:28	Paata yawiisha nnyeri, Nuuhi eekhaliye nyaakha miiya ttatthu na hamusiini.
241	GEN 10:6	Aana a Haamu aari apa: Kuushi, Misuri, Puuti na Kanaani.
260	GEN 10:25	Heebere khuwaavokola aana awiri: mmote khuntthaja nzina la Peleekhi mwaasa yoori siikhu zawe tuniya yeettiye waawanyiwa. Otu waphiiri khuntthaja nzina la Yokitaani.
272	GEN 11:5	Paata ya toole, Nnyizinku khwiishukha yoori oone sitati ya korofwa etile aari ojekaaye atthu apale.
280	GEN 11:13	Paata yonvokola Sheela, eekhaliye nyaakha miiya nne na mittatthu, khuwaavokola theenya aana aalume na aakha.
283	GEN 11:16	Heebere afiiyeevo nyaakha miiya nne na talaathiini khunvokola Peleekhi.
284	GEN 11:17	N'onvokola Peleekhi, eekhaliye nyaakha miiya nne na talaathiini, khuwaavokola theenya aana aalume na aakha.
285	GEN 11:18	Peleekhi afiiyeevo nyaakha talaathiini khunvokola Reewu.
314	GEN 12:15	Mifwalume za Firawuuna, amooniyeevo muukha otule, khulawa omuuza Firawuuna yoori amoona muukha wooshapweya. Pi apho khunthuula khunlawana wa Firawuuna.
326	GEN 13:7	Pi apho, khupuwa onyakulisana amakhampuzi a Eburamu na amakhampuzi a Loothi. Wakathi aya opo Akanaani na Aperizi aari oretta eekhalaka nti otthuupule.
333	GEN 13:14	Paata ya Loothi olawa, Nnyizinku khumuuza Eburamu araka: Olanse maasho awo attaapho oriivo, weekese kashikhazini na kusini, na okhu lintthamuwaawo njuwa mpakha lintupweelaawo.
339	GEN 14:2	khulankhaza olawa wuumanana viittha Peera mfwalume wa Sotooma, Piirisha mfwalume wa Komoora, Shinaapu mfwalume wa Aatima, Shemeepere mfwalume wa Zeboyimu, na mfwalume wa sitati ya Peela, yaari wiitthiwaaye Zowaari.
343	GEN 14:6	Theenya khuwaashintta Ahoori omwaako wa Seyiiri, khuwiikarisa mpakha Paraani ohali yaaziyeewo yaara.
345	GEN 14:8	Aphano khulankha mfwalume wa Sotooma, mfwalume wa Komoora, mfwalume wa Atima, mfwalume wa Zeboyimu, na mfwalume wa sitati ya Peela (eti yaari wiitthiwaaye Zowaari), khulankha olawa wuumanisa viittha nttapo la Siitimu.
355	GEN 14:18	Aarivo mfwalume wa nti wa Salemu, aari wiitthiwaaye Melikiseetekhi. Khutiisa phaawu na viinyu. Ye aari haakhimu wa tiini ya Nluku Nwulu wa Pinkuuni,
356	GEN 14:19	khumparikhiya Eburamu araka: “Aparikhiyiwe Eburamu ti Nluku Nwulu wa Pinkuuni, otu ompiye pinku na vathi.
357	GEN 14:20	Woottitthimisiwa eeye Nluku Nwulu wa Pinkuuni, otu awinkhiyeeyo owaashintta maatuwi awo.” Aphano, Eburamu khulaza lifunku lakhuumi khwa zooshi epile aataniyeezo, khumwinkha Melikiseetekhi.
359	GEN 14:22	Eburamu khunjipu mfwalume araka: “Kalansa makhono aka kinlanselaka Nnyizinku, Nluku Nwulu wa Pinkuuni ompiye pinku na vathi,
362	GEN 15:1	Paata ya vitthu epile, Nnyizinku anttakhulaniye Eburamu nkatthi wa ezimu amuuzaka yoori: “Eburamu ohoove! Miiyo ki namwaakisa awo, na tthuvo yawo enteela wiiya yooziti owula.”
366	GEN 15:5	Khunsarulamo nheema mwawe khumuuza yoori: “Weekese otulu, waalake matthottowa nkhama anaalakeya. Peewu yawo enteela wiiya etthiipo.”
377	GEN 15:16	Paata yoovira nyaakha epo miiya nne, peewu yawo enteela orutela tuniya eti, amana Amoori apa aniikhalaaye nttumphu atepa oretta vitthu zootakhala, miiyo kinteela owaahukhumu na kiweekare.”
396	GEN 16:14	Pi apho nlipu aya opule oniittheliwa “Peeri-Lahayi-Rooyi”. Nlipu aya opu ori enakatthi-nakatthi ya Kateeshi na Peereti.
407	GEN 17:9	Nluku khurutela omuuza yoori: “Phantte yawo ona yooshututela wahati aka, weeyo na peewu yawo khwa mileele.
475	GEN 19:17	Paata yoolaziwamo nsitati mphule, nlayikha limote khumuuza yoori: “Tthira wuusuru ohaayi awo, na oheekese nyuma wala oheemele hatha vahali ohifiyeeni omwaako yoori ohipwetheye.”
489	GEN 19:31	Siikhu moote, mwanawe otu nwulu khumuuza otu nttiitthi yoori: “Papeetthu ooluvala na nti opu niriiyo khaamo alume oonirala yoori niwaapatthe aana, nkhama enrettikhanaazo olumwenku wooshi.
491	GEN 19:33	Osikhu otthuupule khuthuula viinyu khunnywisa papaaya, mwaana otu nwulu aya khulawa khulalana papaawe. Papantthu woohijuwi wakathi arapaleliyeevo wala alankhiyeevo.
515	GEN 21:1	Paata ya toole, Nnyizinku khumparikhiya Suhura, khunrettela etile aamwaahitiyeeyo.
521	GEN 21:7	Paani aari waakanyeraaye yoori Eburahiima aari oteela ompatthela mwaana Suhura? Na wuuluvala wawe, miiyo kampatthela mwaana!”
535	GEN 21:21	Aari wiikhala n'yaara ya Paraani, mamaawe khumweekesela muukha wa Misuri khunlooza.
543	GEN 21:29	Apimeleekhi khumuuzela yoori: “Pwittipwitthi epo sapa omphakulaaye maana aya niini?”
545	GEN 21:31	Pi apho puuro yaya eto eniitthiwaaye Beeresheba, mwaasa yoori oowiiri aya aalaphisaniye attaapho.
546	GEN 21:32	Paata yawiisha oosiilana opule Beeresheba okhule aariiwo, Apimeleekhi na Fikhoole namalokozela wa anajanka, khurutela nti wa Afiliishiti.
549	GEN 22:1	Paata yoovira nyaakha, Nluku aamweeziye Eburahiima, khunkhuwela araka: “Eburahiima!” Ye khujipu: “Lapeekha!”
570	GEN 22:22	Keseeti, Haazo, Pilitashi, Yitalafu, na Betuweeli.”
598	GEN 24:6	Eburahiima khunjipu: “Phoole! Hatha vattitthiiru ohirette onlawana mwanaka.
634	GEN 24:42	Phi kiriyeevo n'oofiya onlipu leelo, khusala kimuuza Nnyizinku kiraka: ‘Oo Nnyizinku! Nluku wa mbwanaaka Eburahiima, nkhama safwari eti kineettaaye otakha wawo, okijaaliwe.
652	GEN 24:60	Khuparikhiyiwa Rapekha na mattakhuzi apa: “Weeyo nlupweetthu wiiye maama wa peewu alufu alufu zene; Peewu yawo eto eshintte sitati ya maatuwi aya.”
670	GEN 25:11	Paata ya Eburahiima ofwa, Esiyaakha aari wiikhala nti wa Peeri-Lahayi-Rooyi, Nnyizinku khusala amparikhiya.
677	GEN 25:18	Peewu yawe yeekhaliye waaza Hawila mpakha Shuuri kharipu na Misuri tarikhi yaweetta Ashuuru. Yo aari woohisiilani na ojama nkina wa Eburahiima.
679	GEN 25:20	Esiyaakha n'oopattha hirimo ya nyaakha arupayiini khunrala Rapekha mwaana wa Betuweeli, nlupuwe Labani. Yo aari Araamu aari wiikhalaaye Paata-Araamu, tuniya ya Mesopotamiya.
740	GEN 27:12	Paapa amana akipapasela ahikisikanani ovuzi kinttela wiiya ntthu woohata, toowo khankiparikhiya ontta okilaani.”
746	GEN 27:18	Ye khulawana aphale aariivo papaawe khunkhuwela: “Paapa!” Ye khujipu: “Lape! Weeyo o mwanaka-ni?”
758	GEN 27:30	Paata Yaakhumpa oparikhiyiwa ti Esiyaakha papaawe, ye alaakavo aphale, nasaapiru ttwiiye Ezawu khufiya alankhaka wuusaya.
760	GEN 27:32	Papaawe khumuuzela: “Weeyo o paani?” Ye khuri: “Ti miyo Ezawu, mwanenu otu wa mwanzo.”
764	GEN 27:36	Ezawu khulupa yoori: “Eto swaafu yaphiiri akishinttaka. Ti maana ootthajiwa nzina la Yaakhumpa. Yamwanzo akinyakanya lifunku laka l'oomwaana wa mwanzo. Apho theenya akinyakanya parakha yaka. Paapa khamwinkiparikhiya na miiyo?”
776	GEN 28:2	Olankhe olawe nti wa Paata-Araamu owawe Betuweeli pwapwiyo. Olawe wanrale mwaana wa Labani nlupu wa mamaawo.
779	GEN 28:5	Paata ya toole, Esiyaakha khumuuza Yaakhumpa yoori aphano etta. Ye khulawa Paata-Araamu owawe Labani mwaana wa Betuweeli Mwaaramu, nlupuwe Rapekha maama wa Yaakhumpa na Ezawu.
780	GEN 28:6	Ezawu aajuwiye yoori Esiyaakha amparikhiyiye Yaakhumpa, khumuuza yoori alawe nti wa Paata-Araamu, amweekese muukha w'oottuukho anrale. Na khusiila yoori papaawe amuuza Yaakhumpa yoori ahinrale muukha wa Kanaani.
781	GEN 28:7	Khujuwa theenya yoori Yaakhumpa anshututela papaawe na mamaawe alawa Paata-Araamu.
788	GEN 28:14	Peewu yawo enteela wiiya ya waatta nkhama mishaka za voolumwenku, enteela omwazeyela malawa-juwa, makaaripi, kashikhazini na kusini. Khwa weyo na peewu yawo khapila zooshi za voolumwenku enteela oparikhiyiwa.
791	GEN 28:17	Ye khwiiya wa woova channu, khulupa yoori: “Puuro eti ti yawoopisa! Nyuupa ya Nluku, na nlako wa pinkuuni.”
856	GEN 30:25	Paata ya Rakeele ompattha Yuusufu, Yaakhumpa khumuuza Labani yoori: “Kilikheni kirutele nti kivokoliweeyo.
881	GEN 31:7	Papeenu khukittettekha na khuzukulisa phakari yaka swaafu khumi, ila Nluku khuhintakheli yoori akirettele zootakhala.
892	GEN 31:18	Khuthuula nyama zawe na mali zawe zooshi aapatthiyeeyo Paata-Araamu, khusala alawa wa papaawe Esiyaakha tuniya ya Kanaani.
898	GEN 31:24	Aphano Nnyizinku khunlotthisa Labani osikhu eettaka olala yoori: “Phoole! Ohimuuze etthu yooshapweya Yaakhumpa ama yootakhala.”
903	GEN 31:29	Miiyo kinaaye owahi wa wuuhoowisa, ila osikhu wa taana Nluku wa papaawo khukuuza yoori: ‘Phoole! Ohimuuze etthu yootakhala ama yooshapweya.’
947	GEN 32:19	Weeyo onjipu yoori, ‘Pi za karumeyeenu Yaakhumpa, vitthu animperekhezaaye mbwanaawe Ezawu, ye aya ontta ota nyuma wetthu.’”
959	GEN 32:31	Yaakhumpa khulupa yoori: “Miiyo kamoona Nnyizinku wuuso khwa wuuso ila nalelo kiri haayi.” Ti eto khutthaja nzina puuro etile la Peniyeele.
960	GEN 32:32	Yaakhumpa lantthamuweliye njuwa alankhaka Peniyeele eettaka okokoja muulu mmote.
979	GEN 33:18	Yaakhumpa arutiyeevo Paata-Araamu khufiya Shekemu tuniya ya Kanaani ari nkumi, khweemesa heema zawe kharipu ya sitati ethiitile.
1020	GEN 35:8	Deebora, yaaya wa Rapekha khufwa, khuzikhiwa kharipu ya Beetele nshini wa muutthi nwulweene oniittheliwaaye Alooni-Pakuuti.
1021	GEN 35:9	Yaakhumpa n'ooruti Paata-Araamu, ari Beetele, Nluku ampuweleliye swaafu yaphiiri khumparikhiya.
1038	GEN 35:26	Aana a Ziilipa karumeya wa Liiya pi apa: Gaati na Asheeri. Aari atthaapo aana a Yaakhumpa awaapatthiyeeyo nti wa Paata-Araamu.
1080	GEN 36:39	Afwiiyeevo Baali-Hanani mwaana wa Akiboori khuthawala Hadaari, sitati yawe yaari wiitthiwa Paawu, muukhaawe aari Mehetabeeli mwaana wa Matereeti ntuulu wa Mezahaabu.
1082	GEN 36:41	Oholipama, Elaahi, Pinoni,
1098	GEN 37:14	Papaawe khumuuza: “Wawoone nkhama akumi na nyama zaya, ote okuuze.” Yaakhumpa oninrumaru aarettiye ari mmujokowa wa Heporooni, Yuusufu khulankha khusala alawa Shekemu.
1120	GEN 37:36	Wakathi aya opo Amidiyaani aarettiye amuuzanyisiye Yuusufu wa Potifwaari nttunkhulu wa anamweekesela a Firawuuna.
1149	GEN 38:29	Otule aasaruliyeeyo nkhono awe khurutiselamo, khusaruwa otule ahaasaruliyeeyo, mwaatani khuri: “Huu! Wapattha toovi tarikhi yoosaruwa?” Khuntthaja nzina la Pereezi.
1151	GEN 39:1	Yuusufu aathuuliwe khulawaniwa Misuri pi annya-esumayila. N'oofiya khuuzanyeziwa Potifwaari mmisuri, karumeya nwulu wa Firawuuna, namalokozela wa anamweekesela.
1154	GEN 39:4	Yuusufu khwiiya woofwayi mmakhono wa Potifwaari khumwinkha ottunkhulu wa weettettisela vaje vawe na mali zawe zooshi.
1155	GEN 39:5	Paata yoomwinkha ottunkhulu wa vaje vawe na wa mali zawe zooshi, Nnyizinku khuparikhiya vaje aphale mwaasa wa Yuusufu. Parakha ya Nnyizinku yeeshukheliye khwa zooshi epile aariinaazo, waaza vaje mpakha mmashapa mwawe.
1156	GEN 39:6	Zooshi aariinaazo nttunkhulu aya khwiiya Yuusufu, Potifwaari khaari ojali hatha etthu yoohiiyi etthu-yooja etile ari ojakaaye. Yuusufu aari wooshapweya wumpo na wa weeziwa.
1157	GEN 39:7	N'oorettikhana vitthu epile, muukha wa Potifwaari khwaaza ontakha Yuusufu. Siikhu moote khumuuza yoori: “Weeyo nlawe wakilalane.”
1162	GEN 39:12	Muukha wa Potifwaari khukhola orempo awe khumuuza yoori: “Haya okilalane!” Yuusufu khunlikhela orempo awe mmakhono mwawe khutthirela vaje.
1169	GEN 39:19	Paata yoosiila mattakhuzi apale aari wuuziwaaye ti muukhaawe, araka: “Mwiitthwaana awo vitthu akiretteliyeezo pi epo,” ye khukasirikha venkivene.