6	GEN 1:6	Aphano Nluku khulupa theenya yoori: “Wiiyevo mwaawanyo vakatthi wa maati onvalulaaye maati na maati!”
42	GEN 2:11	Wamwanzo oniitthiwa Pishoni, opo wazukulela nti wooshi wa Havila, ohali wa waattawo thahapu.
67	GEN 3:11	Mbwana Nnyizinku khumuuzela theenya yoori: “Wooziwa paani yoori ori waazu? Nshumo wa muutthi opule kookhattaziyeeyo yoori ohije weetta oja?”
70	GEN 3:14	Aphano Mbwana Nnyizinku khuuza nyookha yoori: “Wiiya waretta vitthu epi, woolaanikha ti weyo vakatthi wa mifuwo za vaje na nyama zooshi za ntthuttu, nka weettettanaka erukulu na ojaka ottophe siikhu zooshi z'oohaayi awo.
72	GEN 3:16	Mbwana Nnyizinku khumuuza muukha yoori: “Kintta ozitisa thwaapu yawo amana wiimittha ompatthaka mwaana. Weeyo onlawa watakhe onlokozela mannawo, ila mannawo onlawa ooshintte.”
73	GEN 3:17	Ye khumuuza Pinaatamu yoori: “Wiiya wansiileza muukhaawo khuja nshumo wa muutthi opu kookhattaziyeeyo, yalaanikha tuniya yooshi mwaasa wa weeyo, nka okholaka khaazi yoolipa yoori opatthe etthu-yooja ohaayi awo wooshi.
86	GEN 4:6	Nnyizinku khumuuzela araka: “Wakatipukhela-ni khujiinamela?
87	GEN 4:7	Amana weeyo weettetta saana akinuukhupalela? Ila amana weeyo oheettetti saana, ojuwe yoori twampi eri vanlako entta wuuwejela yoori ewiirukhele yuushintte. Weeyo enuuhithajiya oshintta twampi yaya eto.”
90	GEN 4:10	Nnyizinku khumuuzela theenya araka: “Warettela-ni etthu nkhama eti? Huula ya taamu ya ttwiiyo entta okikhuwela vathi.
95	GEN 4:15	Nnyizinku khunjipu yoori: “Wala! Khahiyo toowo! Wakhula otule anttelaaye owuula oniiya woohukhumwiwa swaafu sapa.” Ye khunttha alama vamwiili yoori wakhula aninsikanaaye ahimuule.
106	GEN 4:26	Seethi na-ye khumpattha mwaana khuntthaja nzina la Enooshi. Wakathi aya otthuupo phi laaziyeevo waaputwiwa nzina la Nnyizinku.
107	GEN 5:1	Eti warakha yoovokola wa peewu ya Adamu. Wakathi Nluku amumpiyeeyo pinaatamu, aamumpiye wa wiiya nkhama ye;
139	GEN 6:1	Wakathi anaatamu aaziyeevo waattelana muulumwenku na khuwaavokola aana aakha,
142	GEN 6:4	Wakathi aya opo muulumwenku aarimo atthu awulu-awulu na oozivala, aruteliye wiiyavo theenya. Aari aana aalume aavokoliweeyo pi mahaakhimu n'oorapalelana aana aakha a anaatamu. Aana atthaapo, pa yo aari atthu oozivala na ootafikhana.
152	GEN 6:14	Weeyo omwaattale aaraka nwulweene na thaapwa za mpila, onremule ontthe kaatthi, onkokotte ontthe piriniisi oje waya na nkatthi.
154	GEN 6:16	Ontthe tarato enfiyaaye nuusu ya phiima vatulu vaya. Waawanye tarato moote vathi, moote vakatthi, kinoko vatulu, ontthe nlako mpavu mwaya.
158	GEN 6:20	Wakhula jaati ya anyannyi, wakhula jaati ya nyama, wakhula jaati ya epile zinjipurulaaye vathi, zooshi piiri-piiri ziiye vamote na-weyo yoori ziiye haayi.
161	GEN 7:1	Aphano Nnyizinku khumuuza Nuuhi yoori: “Weeyo na ajamaazo ooshi opakhire mmwaaraka. Vakatthi wa atthu apa ooshi ariivo, Miiyo kawoona weeyo paasi wiiya ntthu washariya.
166	GEN 7:6	Wakathi maati aazamisiyeevo tuniya, Nuuhi aari oretta arina nyaakha miiya sitha.
200	GEN 8:16	“Wiishukhemo mmwaaraka mpho weeyo, muukhaawo, aanaawo na aakhaaya.
201	GEN 8:17	Wiishushe nyama zooshi oriinaazo waaza anyannyi, nyama na epi zinjipurulaaye vathi. Osarule zimwazeyele vatuniya, zittheerelane zaattelane.”
211	GEN 9:5	Wakhula nyama enimuulaaye ntthu, na pinaatamu animuulaaye nzaawe, anttela ojipu mmakhono Mwaka.
230	GEN 9:24	Wakathi Nuuhi emwaamuwiyeevo viinyu etile, khujuwa mattakhuzi aaviriseliweeyo ti mwanawe otu w'eefutti.
231	GEN 9:25	Aphano ye khuri: “Woolaanikha ti Kanaani, onttela wiiya mwiitthwaana wa amwiitthwaana a attwiize.”
258	GEN 10:23	Aana a Aramu aari apa: Wuuzi, Huuli, Keteeri na Maashi.
268	GEN 11:1	Wakathi aya opo olumwenku wooshi waarina luuka moote na nanna moote yoottakhula.
295	GEN 11:28	Hara khufwa sitati ya Wuuri, nti wa Babilooniya tuniya aavokoliweewo, ila papaawe khusala ari haayi.
298	GEN 11:31	Teera khulankha sitati ya Wuuri, nti wa Babilooniya, eettaka Kanaani. Alawaka khunthuula mwanawe Eburamu na ntuuluwe Loothi, mwaana wa Hara, vamote na nkhwewe Suhuriiya, muukha wa Eburamu. Ila afiiyeevo sitati ya Harani khuhivikani, khwiikhala ottuukho.
305	GEN 12:6	ye khuvira eettettaka tuniya aya etile, khulawa mpakha Shekemu, phantte ya Moore ohali waariiwo muutthi nwulweene. Wakathi aya opule Akanaani aari oretta eekhalaka tuniya ethiitile.
313	GEN 12:14	Wakathi Eburamu afiiyeevo, Amisuri khumoona Suhuriiya yoori aari muukha wooshapweya channu.
317	GEN 12:18	Aphano, Firawuuna khunkhuwelisa Eburamu, khumuuzela yoori: “Mwaasa aya niini okirettelaka toono? Wahaakuuziye yoori otu muukhaawo?
326	GEN 13:7	Pi apho, khupuwa onyakulisana amakhampuzi a Eburamu na amakhampuzi a Loothi. Wakathi aya opo Akanaani na Aperizi aari oretta eekhalaka nti otthuupule.
328	GEN 13:9	Tuniya yooshi khiri mmakhono mwawo? Nlawe nimwazeyane, othawule phantte ontakhaaye olawa. Weeyo weettaru nkhono-nkha, miiyo kintta nkhono-nlume, weettaru nkhono-nlume miiyo kintta nkhono-nkha.”
329	GEN 13:10	Loothi khulansa maasho awe khoona nttapo la muuttho Yorotaani lihiniishaaye maati liri looripelela mpakha nti wa Zowaari. Nttapo ntthile laari nkhama woorotha wa Eeteni, na loolattanana tuniya ya Misuri. Wakathi aya opo Nnyizinku aarettiye ahinapweche nti wa Sotooma na Komoora.
338	GEN 14:1	Wakathi aya opo Amirafeele aari mfwalume wa Shinaari, Ariyookho mfwalume wa Elazaari, Ketorilameeri mfwalume wa Elamu, na Titaali mfwalume wa Koyiimu,
347	GEN 14:10	Nttapo la Siitimu laarina milipu za waatta za piriniisi. Wakathi aari otthiraavo afwalume a Sotooma na Komoora, anajanka aya eetta okwela mmilipu, apale akinoko aya khutthirela nnyaako.
354	GEN 14:17	Wakathi Eburamu anshinttiyeevo mfwalume Ketorilameeri na afwalume aaphakanyeyaniyeeyo, mfwalume wa Sotooma khusala alawa ompokherela nttapo la muuttho Shaawe liniittheliwaaye “Nttapo la Mfwalume”.
357	GEN 14:20	Woottitthimisiwa eeye Nluku Nwulu wa Pinkuuni, otu awinkhiyeeyo owaashintta maatuwi awo.” Aphano, Eburamu khulaza lifunku lakhuumi khwa zooshi epile aataniyeezo, khumwinkha Melikiseetekhi.
366	GEN 15:5	Khunsarulamo nheema mwawe khumuuza yoori: “Weekese otulu, waalake matthottowa nkhama anaalakeya. Peewu yawo enteela wiiya etthiipo.”
368	GEN 15:7	Nnyizinku khumuuza Eburamu theenya: “Miiyo ki Nnyizinku kuulaziyeeyo Wuuri nti wa Babilooniya yoori kiwinkhe tuniya eti orithi.”
376	GEN 15:15	Weeyo onttela wuuluvala ori wooparikhiyiwa na onteela ofwa na heeri.
383	GEN 16:1	Wakathi aya opo, Suhuriiya muukha wa Eburamu khaari ovokola. Ye aarina njaazi mmote wa Misuri aari wiitthiwaaye Hajira.
390	GEN 16:8	Nlayikha ntthile khumuuzela liraka: “Weeyo Hajira njaazi wa Suhuriiya! Onlankha vayi wala ontta vayi?” Ye khujipu: “Keetta otthira vaje wa nhano aka Suhuriiya othuuto.”
398	GEN 16:16	Wakathi Hajira ampatthiyeevo mwaana otule, Eburamu aarettiye arina nyaakha thamaaniini na sitha.
399	GEN 17:1	Wakathi Eburamu afiiyeevo nyaakha tiisiini na tiisiya, Nnyizinku anteeliye khusala amuuza araka: “Miiyo ki Nluku Woowahi Zooshi: weettettele mwentto kintakhaaye miiyo, wiiye ntthu nkemaani,
402	GEN 17:4	“Wahati opu kinrettanaaye weeyo, phantte yaka kiniwaahiti yoori onteela wiiya paapa wa khapila za waatta.
403	GEN 17:5	Waaza leelo nzina lawo khahiyo Eburamu, ila Eburahiima ti linttelaaye wiiya nzina lawo, mwaasa yoori kinttela wuuretta opaapa wa khapila za waatta.
405	GEN 17:7	Wahati opu kinrettaaye na-weyo na peewu yawo, onttela wiiya wa mileele; Miiyo ki Nluku awo na wa peewu yawo.
408	GEN 17:10	Wahati onttelaaye oshuka, waaka Miiyo na-weyo na peewu yawo pi opu: wakhula mwaana wanlume ona yookhiriyisiwa.
410	GEN 17:12	Wakhula mwaana anvokoliwaaye wanlume vakatthi wa peewu yawo, n'oofiya siikhu yanaane ona yookhiriyisiwa, hatha nkhama karumeya woovokoliwa vaje vawo, mpakha amwiitthwaana apale amalapo a wuuzanyiwa na apale oohiiyi a peewu yawo.
422	GEN 17:24	Wakathi aakhiriyaziyeevo, Eburahiima aarettiye arina nyaakha tiisiini na tiisiya
438	GEN 18:13	Aphano Nnyizinku khumuuzela Eburahiima yoori: “Muukhaawo ontheya-ni? Wala alupisiwa-ni yoori ‘kinteela ompattha toovi mwaana kuuluvaliye?’
441	GEN 18:16	Wakathi alume apale attatthu alankhiyeevo eeshukhelaka nti wa Sotooma, Eburahiima alankhiye khusala awaaperekha alawaka oleezanana.
450	GEN 18:25	Ohiiye weeyo wooretta etthu nkhama eto, yoowuuleela vamote anashariya na anapaathuli. Khawaari oteela owaahukhumu anashariya mwaasa wa vitthu zoorettiwa pi anapaathuli. Weeyo o namaphuka w'oolumwenku wooshi, khunteela ophuka na shariya?”
454	GEN 18:29	Khumuuzela theenya; “Khi amana owaasikana arupayiini?” Mbwana khujipu: “Wala, akimpwechawo mwaasa wa apale arupayiini.”
467	GEN 19:9	Yo khuri: “Oleevo apha! Weeyo o mmalapo mmuti mphu, ontakha ojinkhe ofwalume na mmuti mwetthu? Fweeyo nintta wuurettela vitthu zooziti epi naari otakhaaye owaarettela apo.” Aphano yo khunsukhuma Loothi, khusala asusela nlako awe yoori apwechaze.
469	GEN 19:11	na khuwoola maasho alume apale a Sotooma aari vanlako wa Loothi. Waaza attunkhulu mpakha mashaapu khusala apapasela nlako khuhisala asikana.
477	GEN 19:19	Wakirettela saana, khukoonela huruma venkivene, khuusuru ohaayi aka. Ila onyaako khu woolepawo, opwechiwa wa sitati eti ontta okisikana kihinafiye.
506	GEN 20:10	Woopuweliye niini okirettelaka vitthu nkhama epi?”
509	GEN 20:13	Wakathi Nluku akilaziyeemo mmuti wa apapazaku, kaamuuziye muukhaaka yoori: ‘Safwatali kintta wuuvekela, wakhula vahali nimfiyaavo osala olupa yoori nlupwaaka’.”
519	GEN 21:5	Wakathi Eburahiima ampatthiyeevo mwanawe Esiyaakha, aarettiye arina nyaakha miiya.
529	GEN 21:15	Wakathi amwiisheliyeevo maati nttompwiyo, ye khunlikha mwanawe nshini wa muutthi.
531	GEN 21:17	Nluku khusiila theenya huula ya mwaana otule eettaka olila. Nlayikha la Nluku khukhuwa pinkuuni linkhuwelaka Hajira, khumuuza yoori: “Wakafilikhela-ni Hajira? Ohoove, Nluku asiila huula yawe mwaana oto alilaka vahali ariivo.
536	GEN 21:22	Wakathi aya opo, Apimeleekhi aalokoziwe ti Fikhoole namalokozela wa anajanka, khumuuza Eburahiima yoori: “Nluku ori vamote na-weyo khwa wakhula etile onrettaaye.
569	GEN 22:21	w'oomwanzo aya nzina lawe ti Wuuzi, na ttwiiye Buuzi, khulotteliwa ti Kemuweeli, papaawe Aramu,
583	GEN 23:11	“Wala mbwanaaka! Okisiileze, miiyo kiniwinkha nshapa na likurakuza liriiye nttumpho, kiniwinkha atthu ooshi apa ariiye apha eettaka woona. Olawe wanzikhe muufwi awo.”
587	GEN 23:15	“Okisiileze mbwanaaka! Nti aya opo pu wa mizurukhu za feeta miiya nne. Eto yaya niini miiyo na weeyo? Wanzikhemo muufwi awo.”
589	GEN 23:17	Waaza attaapho nshapa la Eforoni laariiye Makhipeela kharipu na Manre, na likurakuza laariimo na miitthi zooshi khwinkhiwa Eburahiima. Ahiiti ooshi apale aari vanlako wa sitati etile eettaka woona.
591	GEN 23:19	Wakathi enkhiweevo nti aya opule, khunthuula muukhaawe Suhura khulawa khunzikha nlikurakuza la Makhipeela kharipu na Manre eriiye Heporooni, tuniya ya Kanaani.
606	GEN 24:14	Mwaari othuuto kinttelaaye omuuza yoori: ‘Wiinamise yuuku yawo okimeele maati kinywe,’ ye khulupa yoori: ‘Apa nywa, na kintta onywisa enkamiiya zawo,’ eeye othuuto onthawuleliyeeyo Esiyaakha. Ti etthu enttelaaye okijuwisa yoori wanthoonyeza pheta ya waamineya mbwanaaka Eburahiima.”
615	GEN 24:23	Khumuuzela yoori: “Weeyo o mwaana waani? Safwatali nkakuuze nkhama wa papaawo ewaakho puuro y'oolalawo miiyo na ashirikhaaka apa.”
623	GEN 24:31	Labani khuri: “Ote okhuno, weeyo wooparikhiyiwa ti Nnyizinku! Weekhalela-ni veetakale apho? Kawaattalelela puuro onti na vahali woopwehavo enkamiiya zawo.”
652	GEN 24:60	Khuparikhiyiwa Rapekha na mattakhuzi apa: “Weeyo nlupweetthu wiiye maama wa peewu alufu alufu zene; Peewu yawo eto eshintte sitati ya maatuwi aya.”
662	GEN 25:3	Yokshaani khunvokola Sheeba na Dedaani, aana a Dedaani aari Waashuuru, Waletushi na Walewumi.
682	GEN 25:23	Nnyizinku khunjipu: “Mahimo mawiri pi ariiye mwiirukulu mwawo. Weeyo onttela ovokola khapila piiri zoohisiilani: moote enttela wiiya ya kuvu zayita eti kiina. Nttunkhulu onteela onrumeyela nsimaana.”
690	GEN 25:31	Yaakhumpa khumuuza yoori: “Waaze okuuzanyeza lifunku lawo l'oomwaana w'oomwanzo khapula.”
693	GEN 25:34	Aphano ye khumwinkha Ezawu phaawu na sekuseku y'eepwiri. Khuja khunywela, khusala alawa safwari zawe. Woohooneli fwayita lifunku l'oomwaana wa mwanzo.
696	GEN 26:3	Ottuukho miiyo kinttela wiiya vamote na-weyo na kinttela wuuparikhiya. Weeyo na peewu yawo kinttela owinkhani nti opo wooshi, kilipiselaka wahati opule kaalaphiyeeyo kimwaahitaka papaawo Eburahiima.
704	GEN 26:11	Apimeleekhi khuwooza atthu ooshi yoori: “Wakhula otule antakhaaye onsapa mwinyi otu ama muukhaawe ontta ofwa.”
722	GEN 26:29	Osiilana waya pi opu: Olaphe yoori khunnirettela zootakhala nkhama etthiipo na-fweyo nihuuretteleeni, noorettela zooshapweya na khuulikha olawa na heeri. Weeyo o wooparikhiyiwa ti Nnyizinku.”
727	GEN 26:34	Wakathi Ezawu apatthiyeevo nyaakha arupayiini khunrala Yudiithi mwaana wa nhiiti aniitthiwaaye Beeri, na Basemaathi mwaana wa nhiiti nkinoko aniitthiwaaye Elooni.
732	GEN 27:4	Wiipikhe saana wookituvelavo okitiisele kije, kuuparikhiye kihinafwe.”
734	GEN 27:6	ye khumuuza mwanawe Yaakhumpa araka: “Weyo! Kansiila papaawo amuuzaka ttwiiyo Ezawu yoori:
746	GEN 27:18	Ye khulawana aphale aariivo papaawe khunkhuwela: “Paapa!” Ye khujipu: “Lape! Weeyo o mwanaka-ni?”
748	GEN 27:20	Esiyaakha khumuuzela mwanawe yoori: “Wapattha toovi nasaapiru mwanaka?” Ye khujipu: “Nnyizinku Nluku eenu eetta okiperekheza.”
757	GEN 27:29	Khapila za waatta zuurumeele weeyo, na mahimo a waatta ookokhorele. Wiiye mbwana wa attwiizo, na aana a mamaawo ookokhorele weeyo. Oolaanikha pi apale anttelaaye wuulaani, na ooparikhiyiwa pi apale anttelaaye wuuparikhiya.”
760	GEN 27:32	Papaawe khumuuzela: “Weeyo o paani?” Ye khuri: “Ti miyo Ezawu, mwanenu otu wa mwanzo.”
767	GEN 27:39	Aphano Esiyaakha khunjipu: “Weeyo onttela wiikhala ohali woolepelana na miti zooruweriwa, ohali woothowawo mmatte wa pinkuuni.
770	GEN 27:42	Wakathi asiiliyeevo Rapekha mattakhuzi apale aari ottakhulaaye mwanawe otu wa mwanzo Ezawu, ye khunkhuwela mwanawe Yaakhumpa otu nttiitthi aya khumuuza yoori: “shawuri ariinaazo Ezawu pi zootakha owuula.
772	GEN 27:44	Weekhale ottuukho mpakha ttwiiyo omwiishe okatipukha wawe.
777	GEN 28:3	Nluku Woowahi Zooshi ooparikhiye, awinkhe mavokozi na peewu ya waatta, yoori khwa weyo epuwe khapila za waatta.
789	GEN 28:15	Woone! Miiyo kiri vamote na-weyo, kinteela owiinanela wakhula vahali oneettaavo, na kinteela wuurutisela tuniya ethiiti, akiniwanswi khihiretteeni epile zooshi kiwaahitiyeezo.”
798	GEN 29:2	Siikhu moote, khweekesa nkerekhere wa nttapo khoona nlipu mmote ozukuleliwe ti maphanko mattatthu a pwittipwitthi zirapaleliye. Waari nlipu zaari onywisiwaavo maati, liwe laari ofinikhaniwakaaye nlipu opule laari liwululene.
810	GEN 29:14	Aphano Labani khulupa yoori: “Weeyo khweele ojamaayaku, taamu yetthu moote.” Yaakhumpa khwiikhala mpakha wiisha mweezi ari ottuukho.
833	GEN 30:2	Yaakhumpa khumwiiphiira, khumuuza yoori: “Weeyo onikoona nkhama Nluku? Ye ti ahiniwinkhaaye mavokozi.”
845	GEN 30:14	Wakathi wa wuurula tiriku Ruubeni aalankhiye khusala alawa omashapa, khusikana mishumo eniitthiwaaye mathunkuja, khuthuula khulawa khumwinkha Liiya mamaawe. Rakeele khunvekela araka: “Safwatali, kimeeleni mathunkuja vattitthiiru apo atiisiyeeyo mwanenu.”