3	GEN 1:3	Aphano Nluku khuri: “Yiiyevo nuuru!” Khwiiyavo.
26	GEN 1:26	Nluku khulupa theenya yoori: “Nimumpe pinaatamu woonishapihi wa wiiya nkhama Fweeyo! Yoori eeyane owahi wooshintta swi za mpahari na anyannyi o'otulu; mifuwo za vaje na nyama za ntthuttu mpakha nyama zooshi zinjipurulaaye vathi.”
27	GEN 1:27	Aphano Nluku khumumpa pinaatamu wa wiiya nkhama Ye; nlume na muukha ompiwa ti Ye.
29	GEN 1:29	Nluku khulupa theenya araka: “Yoori mweeyo mwiiyane etthu-yooja, kiniwinkhani nyaani zooshi za ntuniya ziniimaaye peewu, miitthi zooshi ziniimaaye mishumo na phunje zaya.
54	GEN 2:23	Ye khuri: “Ahee! Ntthi likhonkolo la likhonkolo laka na nyama ya nyama yaka. Nka eetthiwaka oriwa muukha, maana alaziwa vamwiili wanlume.”
61	GEN 3:5	Maana Nluku ajuwa yoori siikhu mwinttelaavo oja nshumo opo antta ofunuwa maasho enu, mweeyo mwinttela wiiya nkhama Ye, ojuwa yooshapweya na yootakhala.”
66	GEN 3:10	Ye khujipu araka: “Keetta osiila shintto yawo nwoorotha mphu, miiyo khoova na khujivitha mwaasa wa wiiya waazu.”
73	GEN 3:17	Ye khumuuza Pinaatamu yoori: “Wiiya wansiileza muukhaawo khuja nshumo wa muutthi opu kookhattaziyeeyo, yalaanikha tuniya yooshi mwaasa wa weeyo, nka okholaka khaazi yoolipa yoori opatthe etthu-yooja ohaayi awo wooshi.
78	GEN 3:22	Mbwana Nnyizinku khuri: “Mpakha apha pinaatamu wampattha wiiya nkhama fweeyo, ajuwa etthu yooshapweya na yootakhala. Ye ahilikheleliwe oshuma nshumo wa muutthi w'oohaayi aja yoori eeyane ohaayi wa mileele.”
80	GEN 3:24	N'oomwiikaramo pinaatamu nwoorotha phantte lintthamuwaawo njuwa ya Eeteni, khutthaamo kerupiina na phanka ya moottho yaari ozukulelaaye. Ye aarettiye toowo yoori esala yeekesela tarikhi yaari weettaaye okhule oriiwo muutthi w'oohaayi.
81	GEN 4:1	Adamu khurapalelana muukhaawe Haawa, khwiimittha khumpattha mwaana khuntthaja nzina la Kayiini. Ye khulupa yoori: “Khwa otakha wa Nnyizinku kampattha mwaana wanlume.”
84	GEN 4:4	Apeele na-ye zwaamu yawe khutiisa pwittipwitthi etile yaari yamwanzo ottheeriwa ya nliphanko mwawe, khushija khuthawula phantte epile zoosamini waya oteela omwinkha zaakha Nnyizinku, Ye khwiiya wootuveliwa ti Apeele na zaakha yawe.
95	GEN 4:15	Nnyizinku khunjipu yoori: “Wala! Khahiyo toowo! Wakhula otule anttelaaye owuula oniiya woohukhumwiwa swaafu sapa.” Ye khunttha alama vamwiili yoori wakhula aninsikanaaye ahimuule.
97	GEN 4:17	Ye khurapalelana muukhaawe, khwiimittha khumpattha mwanawe Enookhi. Kayiini khujeka sitati khutthaja nzina nttintthile la mwanawe Enookhi.
100	GEN 4:20	Aada khumpattha mwanawe khuntthaja nzina la Yapaali, paapa wa atthu apale aari wiikhalaaye mmaheema aari ofuwaaye nyama.
101	GEN 4:21	Ttwiiye nzina lawe laari Yupaali, oto aari paapa wa atthu apale ooshi animpiyaaye tthakare na apale ampiyaaye phivi.
121	GEN 5:15	Mahalaleeli afiiyeevo nyaakha siithiini na mithaanu, khumpattha mwaana khuntthaja nzina la Yareeti.
122	GEN 5:16	Paata yonvokola Yareeti, Mahalaleeli khwiikhala nyaakha miiya naane na talaathiini khuwaapattha aana akina aakha na aalume.
124	GEN 5:18	Yareeti afiiyeevo nyaakha miiya na siithiini na miwiri, khumpattha mwaana khuntthaja nzina la Henookhi.
125	GEN 5:19	Paata yonvokola Henookhi, Yareeti khwiikhala nyaakha miiya naane, khuwaapattha aana akina aalume na aakha.
126	GEN 5:20	Yareeti afwa arina nyaakha miiya tiisiya na siithiini na miwiri.
129	GEN 5:23	Ye eekhaliye nyaakha miiya ttatthu na siithiini na mithaanu.
130	GEN 5:24	Henookhi aarina osiilana nwulweene na Nluku. Ye eettiye woophaziwa ti Nluku.
138	GEN 5:32	Nuuhi eekhaliye nyaakha miiya thaanu khuwaapattha aana aalume khuwaatthaja mazina: Sheemu, Haamu na Yafeeti.
148	GEN 6:10	Nuuhi awaavokoliye aanaawe aalume attatthu; Sheemu, Haamu na Yafeeti.
167	GEN 7:7	Ye khupakhira mmwaaraka vamote na muukhaawe, aanaawe na aakhaaya mwaasa wa maati a nnyeri aari oteelaaye ozamisa olumwenku.
173	GEN 7:13	Siikhu ethiito Nuuhi, muukhaawe, aanaawe Sheemu, Haamu, Yafeeti, na aakha attatthu a aanaawe aarettiye ari mmwaaraka.
204	GEN 8:20	Nawiisha, Nuuhi khunjeka alitaari woorettavo twaha yoomwinkha kafwara Nnyizinku. Ye khuthawula nyama epile kinoko zaya za halaali, na anyannyi a halaali akinoko aya, khushija, khulawa khuretta twaha yoolukuziwa vaalitaari.
224	GEN 9:18	Aana a Nuuhi aapakhuwaniyeeyo mmwaaraka mphule pi apa: Sheemu, Haamu na Yafeeti. Haamu aari paapa wa Kanaani.
229	GEN 9:23	Aphano khulankha Sheemu na Yafeeti khuthuulaza juupa khuvikela mmafuzi mwaya khusala eettetta na enyokonyoko yoori ahoone owaazu wa papaaya n'oofiya khumfinikha.
233	GEN 9:27	Nnyizinku anwulise Yafeeti; khapila yawe yiiye vamote na ya Sheemu, Kanaani eeye mwiitthwaana aya.”
236	GEN 10:1	Eti warakha ya peewu ya Sheemu, Haamu na Yafeeti, aana a Nuuhi. Yo aawaapatthiye aana wakathi opule wiishiyeevo nnyeri.
237	GEN 10:2	Aana a Yafeeti aari apa: Komeeri, Makooku, Matayi, Yavani, Tupaali, Mesheki na Tirasi.
239	GEN 10:4	Aana a Yavani aari apa: Elisha, Tarishishi, Kitimu na Rotanimu.
240	GEN 10:5	Khwa aana atthaapo, atthu khumwazeyela nkerekhere wa nttima na mvisura. Eti peewu ya Yafeeti wakhula khapila na lihimo laya na nti aya na luuka yaya.
244	GEN 10:9	Ye aari namasaya wookhomaala omaasho wa Nnyizinku. Ti eto enlupiwaaye yoori “Ntthu nkhama Ninrooti, namasaya wookhomaala omaasho wa Nnyizinku”.
246	GEN 10:11	Khulankha nti wa Shinaari khulawa mpakha Ashuuru khujeka sitati ya Neniive, ya Rehopoothi-Yiiri na ya Kaala,
256	GEN 10:21	Sheemu nttunkhulu wa Yafeeti, na-ye aawaavokoliye aana; Sheemu aari pwaapu wa aana a Heebere.
260	GEN 10:25	Heebere khuwaavokola aana awiri: mmote khuntthaja nzina la Peleekhi mwaasa yoori siikhu zawe tuniya yeettiye waawanyiwa. Otu waphiiri khuntthaja nzina la Yokitaani.
261	GEN 10:26	Yokitaani khunvokola Alimotathi, Shelefu, Hazarimawethi, Yeera,
262	GEN 10:27	Hatoramu, Yuzaali, Tiikala,
264	GEN 10:29	Ofiiri, Havila na Yopaapu, ooshi apa aana a Yokitaani.
273	GEN 11:6	Ye khuri: “Moone! Atthu apa amoteru, ooshi anttakhula luuka moote. Eti arettiyeeyo eetta waaza, khaavo anttelaaye owaakarawela etile awaziyeeyo.
303	GEN 12:4	Eburamu khulankha khusala alawa nkhama etthiipo Nnyizinku anrumiyeezo. Ye aalawiye vamote na Loothi, wakathi aaliiyeewo Harani aari oretta arina nyaakha sapiini na mithaanu.
307	GEN 12:8	Eeshiyeevo, khusala eetta phantte ya kusini onyaako wa malawa-juwa ya Beetele. N'oofiya onyaako okhule, khweemesa heema yawe. Beetele yaari okhu lintupweelaawo njuwa, Aayi yaari okhu lintthamuwaawo njuwa. Ye khunjekela alitaari Nnyizinku khwaaputu nzina la Nnyizinku.
322	GEN 13:3	Ye khulaawo Nikeepu, khulawa phantte ya kashikhazini ajeettettelaka wakhula phantte mpakha nti wa Beetele, attaaphale eemesiyeevo heema yawe omwanzo, nakatthi-nakatthi ya Beetele na Aayi.
329	GEN 13:10	Loothi khulansa maasho awe khoona nttapo la muuttho Yorotaani lihiniishaaye maati liri looripelela mpakha nti wa Zowaari. Nttapo ntthile laari nkhama woorotha wa Eeteni, na loolattanana tuniya ya Misuri. Wakathi aya opo Nnyizinku aarettiye ahinapweche nti wa Sotooma na Komoora.
330	GEN 13:11	Aphano, Loothi khuthawula nttapo la Yorotaani, khumwazeyana na Eburamu, khusala alawa phantte ya malawa-juwa.
331	GEN 13:12	Eburamu khusala eekhala tuniya ya Kanaani, Loothi khweemesa heema zawe waattamana na Sotooma, kharipu na sitati za nkerekhere wa nttapo la Yorotaani.
352	GEN 14:15	Ye khuwaawanya alume apale khuntti-khuntti, khuumanisa viittha osikhu mpakha owaashintta maatuwi aya, khuweekarisa mpakha nti wa Hoopa, phantte ya kashikhazini ya Tamaashiku.
355	GEN 14:18	Aarivo mfwalume wa nti wa Salemu, aari wiitthiwaaye Melikiseetekhi. Khutiisa phaawu na viinyu. Ye aari haakhimu wa tiini ya Nluku Nwulu wa Pinkuuni,
367	GEN 15:6	Ye khumwaamini Nnyizinku, na-ye khukhupaliwa ti Nnyizinku wiiya ntthu wa shariya.
371	GEN 15:10	Ye khutiisa nyama epile zooshi, khusala ashija vakatthi wakhula nyama n'oothata wakhula erikitthili omaasho wa erikitthili kiina yaya. Ila likhoko na jiwa khuhishiji vakatthi.
383	GEN 16:1	Wakathi aya opo, Suhuriiya muukha wa Eburamu khaari ovokola. Ye aarina njaazi mmote wa Misuri aari wiitthiwaaye Hajira.
388	GEN 16:6	Eburamu khunjipu Suhuriiya yoori: “Ye nalelo njaazi awo, onrettele khwa nanna ontakhaazo.” Aphano Suhuriiya khwaaza ontarawu Hajira mpakha khufiyelela otthira.
390	GEN 16:8	Nlayikha ntthile khumuuzela liraka: “Weeyo Hajira njaazi wa Suhuriiya! Onlankha vayi wala ontta vayi?” Ye khujipu: “Keetta otthira vaje wa nhano aka Suhuriiya othuuto.”
394	GEN 16:12	Ye onteela wiiya woohisiilaneyi nkhama nyama ya ntthuttu; onteela wiiya muumani wa atthu ooshi, na-yo anteela wuumana na ye, na onteela wiiya wa waattuwana na attwiize.”
418	GEN 17:20	Kasiila oveka wawo khwa Esumayila. Kinteela omparikhiya na kinteela omwinkha peewu ya waatta. Ye onteela wiiya paapa wa mifwalume khumi na awiri, khwa ye enteela opuwa theenya khapila ya waatta.
426	GEN 18:1	Siikhu moote, Nnyizinku aatiiye ottakhula na Eburahiima vahali zaariivo miitthi miwulu-miwulu za Manre. Yaari elukuluku na yaarivo haari ya waatta, Eburahiima aarettiye eekhaliye vanlako wa heema yawe.
427	GEN 18:2	Ye khulansa maasho awe khuwoona alume attatthu eemeliye kharipu. Aphano awooniyeevo khulankhavo aphale vaya, khusala awaatthirela. Awaafiyeliyeevo khukokhora khulawa sijita.
430	GEN 18:5	wiiya mwavira vaje wa karumeyeenu, kintta weettela etthu ttiitthiiru mwisapeye, yoori mwipatthe kuvu yoorutela safwari yenu.” Yo khujipu yoori: “Kemaani! Erettikhane khwa nanna onlupaazo.”
434	GEN 18:9	Yo khumuuzela: “Khi muukhaawo Suhura ori vayi?” Eburahiima khujipu: “Ori nheema mpho.”
437	GEN 18:12	Ye khusala ajitheyela nroho mwawe otthwe ajuuzelaka yoori: “Khwa nanna eti nuuluvaliyeezo miiyo na mbwanaaka, kinteela wiiyana furaha yaya eto?”
440	GEN 18:15	Mwaasa wa woova Suhura khusala akhana yoori: “Akitheyeeni.” Ye khuri: “Khahiye toowo, khweele weeyo watheya.”
456	GEN 18:31	Eburahiima khurutela olupa yoori: “Okiswaamihi na nthiti kiriinaayo la wuuttakhulana Mbwanaaka, khi amana owaasikana anashariya eshiriini?” Ye khuri: “Akimpwechawo mwaasa wa anashariya apale eshiriini.”
457	GEN 18:32	Khulupa theenya Eburahiima: “Mbwanaaka, ohikatipukhe, kiniwuuzela swaafu moote ethiiti paasi; khi amana owaasikanawo anashariya khumi?” Ye khunjipu: “Akimpwechawo mwaasa wa anashariya apale khumi.”
460	GEN 19:2	Khuwooza yoori: “Ambwana zaka kookholani moolu, kintakha mwisapuwe owaka miiyo karumeyeenu; moose moolweenu na mwilale, mwilawe meesho supuyeene.” Yo khujipu yoori: “Khinhithajiya, fweeyo ninwahi olala vaparasa veetakale.”
461	GEN 19:3	Loothi khuwaakhanyerela na kuvu mpakha yo okhupali olawa omaka owawe. Ye khurumisa wiipikhiwa etthu-yooja ya nnofu na khoochiwa phaawu yoohiina fwaramento, aletto apale khuja.
467	GEN 19:9	Yo khuri: “Oleevo apha! Weeyo o mmalapo mmuti mphu, ontakha ojinkhe ofwalume na mmuti mwetthu? Fweeyo nintta wuurettela vitthu zooziti epi naari otakhaaye owaarettela apo.” Aphano yo khunsukhuma Loothi, khusala asusela nlako awe yoori apwechaze.
503	GEN 20:7	Apho, onrutisele mannawe muukha oto. Ye napiyu, ontta wuulompela yoori ohifwe, ila amana ohinrutiseli kiniwuuza khweele yoori ontta ofwa weeyo na zooshi epi ziiyiye zaawo.”
524	GEN 21:10	Suhura khulawa omuuza Eburahiima yoori: “Omwiikare njaazi otule na mwanawe. Ye khanteela orithi vamote na mwanaka Esiyaakha.”
528	GEN 21:14	Mmeesho mwaya, Eburahiima khuthuula phaawu na ttompwiyo ya maati, khunvikelisa Hajira khunleeza vamote na mwanawe. Yo khusala alawa ajeettettelaka n'yaara ya Beeresheba ahijuwaka ohali anttaawo.
534	GEN 21:20	Esumayila khusala awula mmakhono wa Nluku. Ye aari wiikhala n'yaara na aari njuwi wa weesa mattetthe.
548	GEN 21:34	Ye khwiikhala nti wa Afiliishiti khwa nyaakha za waatta.
549	GEN 22:1	Paata yoovira nyaakha, Nluku aamweeziye Eburahiima, khunkhuwela araka: “Eburahiima!” Ye khujipu: “Lapeekha!”
551	GEN 22:3	Ye khulankha mmeesho mwaya lifwajiri khunthuula puuru awe khufukavo zaana zawe, khuwaathuula akarumeyaawe awiri na mwanawe Esiyaakha. Khurema khuuni zoolawa orettela twaha yoolukuziwa, khusala alawa ottuukhule Nluku aamuuziyeewo.
553	GEN 22:5	Ye khuwooza akarumeyaawe apale yoori: “Mwisale attaapha na puuru otu, miiyo na shapu otu nintta aphale, ninttela omwaaputu Nluku. Amana niisha nintta oruti nite niiye vamote na-mweyo.”
554	GEN 22:6	Eburahiima khuthuula khuuni epile aari weettelaaye orettela twaha yoolukuziwa, khunttikha Esiyaakha mmafuzi mwawe. Ye khuthuula eesu na moottho khusala alawa.
555	GEN 22:7	Esiyaakha khunkhuwela papaawe yoori: “Mweyo paapa!” Ye khujipu: “Lape mwanaka!” Aphano Esiyaakha khumuuzela papaawe: “Nathuula moottho na khuuni, khi pwittipwitthi yoolawa otwahi eri vayi?”
556	GEN 22:8	Ye khujipu araka: “Nluku ti ye anjuwaaye pwittipwitthi ninttelaaye orettela twaha yoolukuziwa mwanaka.” Yo khusala alawa vamote.
559	GEN 22:11	Ila nlayikha la Nnyizinku khukhuwa pinkuuni liraka: “Eburahiima! Eburahiima!” Ye khujipu: “Lapeekha!”
561	GEN 22:13	Eburahiima khuzukuluwa khoona pwittipwitthi ewayiye manyaka aya valikukhu. Ye khulawa khuthuula khurettela twaha yoolukuziwa khwa zwaamu ya mwanawe.
570	GEN 22:22	Keseeti, Haazo, Pilitashi, Yitalafu, na Betuweeli.”
575	GEN 23:3	Ye khunlikha muukhaawe ari woofwa, khulawa ottakhulana Ahiiti yoori:
585	GEN 23:13	Ye khumuuza Eforoni atthu ooshi eettaka osiila yoori: “Safwatali mwikisiileze, kintta oripha hisapu la nshapa ntthile. Okhupalele yoori kiwahi onzikhamo muukhaaka.”
599	GEN 24:7	Nnyizinku, Nluku wa pinkuuni akilaza vaje wa apapazaku nti wa ajamaazaku khukaahiti na olapha araka: ‘Nti opu kinttela winkha peewu yawo.’ Ye ontta operekha nlayikha lawe yoori luulokoze, omweettele muukha yoori ate araliwe ti mwanaka Esiyaakha.
610	GEN 24:18	Ye khujipu araka: “Mwiinyi apa mwinywe.” Khurula yuuku khukholelela mmakhono khumwinkha khunywa.
616	GEN 24:24	Ye khujipu: “Miiyo ki mwaana wa Betuweeli, mwaana wa Miilika na Nahoori.
621	GEN 24:29	Rapekha aarina nlupuwe aari wiitthiwaaye Labani. Ye khutthira eettaka onlipu yoori amoone ntthu aya otule.
632	GEN 24:40	Ye khukijipu yoori: ‘Nnyizinku otu kininrumeelaaye ontta operekha nlayikha luulokoze, na ontta oparikhiya safwari yawo yoolawa omweekesa muukha wa wiiya jamaayaku na wa vaje wa apapazaku yoori ate araliwe ti mwanaka.
638	GEN 24:46	Ye khwiishusha yuuku yawe nasaapiru khukuuza yoori: ‘Apa onywe, na kintta winkha enkamiiya zawo zinywe.’ Khukinkha miiyo khunywa na khwiinkha enkamiiya zaka khunywa.
639	GEN 24:47	Aphano miiyo khumuuzela yoori: ‘O mwaana waani?’ Ye khujipu yoori: ‘Miiyo ki mwaana wa Betuweeli mwaana wa Nahoori na Miilika.’ Ethiito miiyo khunwalisa kharawu vaphula vawe khunwalisa kakhana makhono awe.
648	GEN 24:56	Ye khuri: “Mwihikirupazise maana Nnyizinku ashapweyisa safwari yaka. Mwikilikhe kirutele wa mbwanaaka.”
650	GEN 24:58	Khukhuweliwa Rapekha khuuzeliwa: “Ontakha olawa na mwinyi otu?” Ye khujipu yoori: “Kakhupali.”
657	GEN 24:65	Khumuuzela karumeya: “Khi mwinyi otule anlankhaaye mmashapa mphule ataka okhuno niriiwo ti paani?” Ye khujipu araka: “Ti mbwanaaka.” N'oosiila toole ye khuthuula nshukwi lawe khujifinikha.