9	GEN 1:9	Maʌ̃be Ãcõrẽba jarasia: –Ded̶aa edrebema baidora jũma ãbaa ũmedua ẽjũã põãsada odjamãrẽã.– Ara maʌ̃da ẽjũã põãsada odjasia.
20	GEN 1:20	Maʌ̃be Ãcõrẽba jarasia: –Dojãne ne jũma zocai b̶eada baraa baya. Idjab̶a ʌ̃tʌ wãb̶aribada sid̶a baraa baya.–
21	GEN 1:21	Ara mãwã jarabʌrʌba Ãcõrẽba b̶eda waib̶ʌga b̶eada ocuasia. Dojãne zocai b̶eada quĩrãtanoa ocuasia. Idjab̶a i bara b̶eada quĩrãtanoa ocuasia. Maʌ̃ra idjia bia unusia.
27	GEN 1:27	Ara mãwã jarabʌrʌba Ãcõrẽba ẽberãda osia idji quĩrãca. Wãrãda idji quĩrãca osia. Dji umaquĩrã, dji wẽrã sid̶a osia.
42	GEN 2:11	Do nẽrã b̶ʌra ab̶a Pisoʌ̃ basía. Pisoʌ̃ra Havila druad̶e b̶ʌa. Havila druara oro bara b̶ʌa.
43	GEN 2:12	Dji orora bio bia b̶ʌa. Idjab̶a ónice mõgara sid̶a bara b̶ʌa. Bacuru b̶a tũãpa b̶ʌ bedelio abada sid̶a bara b̶ʌa.
44	GEN 2:13	Dewarabema dora Gihoʌ̃ abadaa. Gihoʌ̃ra Cus druad̶e b̶ʌa.
69	GEN 3:13	Maʌ̃ bẽrã Ãcõrẽba wẽrãa iwid̶isia: –¿Bʌa cãrẽ cãrẽã jãwã osi?– Wẽrãba panusia: –Damaba mʌ̃ra cũrũgasia. Maʌ̃ bẽrã mʌ̃a jõsia.–
97	GEN 4:17	Caiʌ̃ra idji quima ume cãĩsia. Dji wẽrãra b̶iogoa b̶eped̶a Enocoda tosia. Maʌ̃ Enoco tosid̶e Caiʌ̃ba puruda o b̶asia. Dji puru trʌ̃ra dji warra trʌ̃ quĩrãca Enoco trʌ̃ b̶ʌsia.
101	GEN 4:21	Dji djaba trʌ̃ra Jubal basía. Jubald̶eba yõsid̶aa arpa zá cawa b̶eada idjab̶a chiru zá cawa b̶ea sid̶a.
106	GEN 4:26	Maʌ̃be Seba warrada unusia. Dji trʌ̃ra b̶ʌsia Enó. Maʌ̃ ewarid̶eba ʌ̃taa ẽberãrãba Ãcõrẽa ewari iwid̶ibʌdad̶e idji trʌ̃ra “Jehová” a panesid̶aa.
108	GEN 5:2	Dji umaquĩrã, dji wẽrã sid̶a osia. Maʌ̃ne Ãcõrẽba ãdjira yõnamãrẽã bia jara b̶ʌsia. Ãdji osi ewarid̶e ãdjira trʌ̃ b̶ʌsia “ẽberãrã.”
152	GEN 6:14	Maʌ̃ carea bʌa jãba dromada bacuru biad̶ebemada odua. Oped̶a cãdorronaba soadua ed̶aare, dajadaare bid̶a. Maʌ̃ jãbara naʌ̃ waib̶ʌad̶e odua: dji drasoada setenta y cinco braza, dji jed̶eada doce braza, idjab̶a dji ʌ̃tʌada siete braza. Jãba dromara cʌd̶apõ ũbea odua. Cʌd̶apõza zocãrã tʌajucuadua. Maʌ̃be cʌd̶apõ ʌ̃taarebemane dajadaa acʌbadada odua. Dji ʌ̃tʌara bicaca ab̶a b̶aida b̶ʌa dji ãquid̶ad̶eba ed̶aa. Idjab̶a ed̶a wãbadada jãba droma orrod̶e odua.
162	GEN 7:2	Dji mʌ̃́a babue diaida b̶ʌ animarãnebemada dji umaquĩrãrãda siete idjab̶a dji wẽrãrãda siete edadua, baribʌrʌ animarã mʌ̃́a babue diacara panʌnebemada ab̶a dji umaquĩrãda, ab̶a dji wẽrãda edadua.
167	GEN 7:7	Dopapa carea Noéra jãba dromane ed̶a wãsia. Dji warrarãda, dji quimada, dji ãĩgurã sid̶a ed̶a wãsid̶aa.
178	GEN 7:18	Dora ewariza ʌ̃taa ũ wãsia. Waib̶ʌa ũ wãsia. Maʌ̃ bẽrã jãba dromara baido ʌ̃rʌ̃ pʌrrʌga ũmesia.
206	GEN 8:22	Naʌ̃ ẽjũã b̶ʌmisa ẽberãrãra ne u panania, ne ewa panania. Ewari jʌ̃wʌ̃rʌ̃ãra, ewari cũrãsa sid̶a b̶aya. Doid̶aada, poa sid̶a b̶aya. Ãsa, diamasi sid̶a b̶aya.–
234	GEN 9:28	Dopapa wãnacarea Noéra 350 poa b̶asia.
236	GEN 10:1	Dopapa wãnacarea Noé warrarã Seʌ̃ba, Caʌ̃ba, Jape bid̶a warrarãda unucuasid̶aa. Nama b̶ʌ́ b̶ʌa ãdjid̶eba yõped̶ad̶ad̶ebemada.
242	GEN 10:7	Caʌ̃ warra Cusd̶eba yõped̶ad̶ara naʌ̃gʌrã basía: Sebá, Havila, Sabtá, Raamá, Sabteca sid̶a. Raamáneba yõped̶ad̶ara Chebá idjab̶a Dedaʌ̃ basía.
262	GEN 10:27	Adoraʌ̃, Uzal, Dicla,
267	GEN 10:32	Jũma maʌ̃gʌrãra Noé warrarãneba yõsid̶aa. Dopapa wãnacarea ãdjirãra ãyã wãbʌrʌd̶aped̶a ãdjiza druada osid̶aa. Mãwã jũma naʌ̃ ẽjũãne duanesid̶aa.
271	GEN 11:4	Maʌ̃be jarasid̶aa: –Jãʌ̃be puruda od̶adrʌ. Idjab̶a de ʌ̃tʌ drasoga b̶ʌda od̶ia. Dji de borora ab̶ed̶a bajãnaa tẽũbid̶ia. Mãwã osid̶ara dadjirãra trʌ̃ b̶ʌga b̶ead̶ia idjab̶a ni ab̶aʌba dadjirãra namabemada ãyã memenebid̶aẽ́a druaza wãnamãrẽã.–
273	GEN 11:6	Maʌ̃ne Ãcõrẽba jarasia: –Ãdjirãra jũma ãbaa duanʌa idjab̶a ab̶ari bed̶ead̶e bed̶eabadaa. Maʌ̃ bẽrã jʌwa b̶ʌsid̶aa jãʌ̃ de drasoga b̶ʌra od̶i carea. Maʌ̃ba bariduada o quĩrĩã panʌbʌrʌ poya od̶ia. Dadjia mãwã iduaribid̶aẽ́a.
277	GEN 11:10	Nama b̶ʌ́ b̶ʌa Seʌ̃neba yõped̶ad̶ad̶ebemada. Dopapa wãnacarea poa umé b̶ʌd̶e, Seʌ̃ 100 poa b̶asid̶e, dji warra Arpaxada unusia.
314	GEN 12:15	Dji dromarã bid̶a unusid̶aa Saraira wãrãda bio quĩrãwãrẽã b̶ʌda. Maʌ̃ bẽrã ãdjia Egiptod̶ebema boroa Saraid̶ebemada bia jarasid̶aa. Ara maʌ̃da ãdji boroba Saraira idji ded̶aa edebisia.
327	GEN 13:8	Maʌ̃ bẽrã Abraʌ̃ba Loa jarasia: –Dadjira ab̶ari ẽberãrã bẽrã bia b̶ʌẽ́a ijarad̶ida; bia b̶ʌẽ́a bʌ animarã wagabadara mʌ̃ animarã wagabada ume ijara pananida.
347	GEN 14:10	Djõbʌdad̶e Quedorlaómeare panʌba poyasid̶aa. Maʌ̃ carea Sodomanebema boroare b̶eara mĩrũ wãbʌrʌsid̶aa. Maʌ̃ Sidim jewed̶ara egorod̶ebema cãdorrona susuaid̶a b̶asia. Maʌ̃ bẽrã mĩrũ wãbʌdad̶e ʌ̃cʌrʌ maʌ̃ susuad̶e ed̶a b̶aesid̶aa. Waabemarãra eyad̶aa mĩrũ wãsid̶aa.
351	GEN 14:14	Maʌ̃ne Abraʌ̃ba ũrĩsia Quedorlaómeare panʌba idji tẽãbeara jida eropanʌda. Maʌ̃ carea Abraʌ̃ba idji ded̶e tocuad̶a mẽsrã b̶eada 318 jʌresia. Maʌ̃be Quedorlaómeare panʌ caid̶u ẽpẽ wãsid̶aa Daʌ̃ purud̶aa.
352	GEN 14:15	Mama diamasi Abraʌ̃ba dji mẽsrã b̶eara zocãrã awara awara wãbiped̶a djõsid̶aa. Maʌ̃ne Quedorlaómeare panʌra poyad̶aped̶a dji mĩrũ wãbʌda caid̶u wãsid̶aa Hobá purud̶aa, Damasco wagaa.
355	GEN 14:18	Mãwã b̶ʌd̶e Saleʌ̃nebema boro Melquisedéda zesia. Maʌ̃ Melquisedéba paʌ̃da uva b̶a sid̶a enesia. Melquisedéra Ãcõrẽ dji Dromaara b̶ʌ sacerdote basía.
356	GEN 14:19	Maʌ̃ne idjia Abraʌ̃ra nãwã bia jara b̶ʌsia: Abraʌ̃, Ãcõrẽ dji Dromaara b̶ʌba, bajã idjab̶a naʌ̃ ẽjũã od̶aba bʌra carebaya.
357	GEN 14:20	Ãcõrẽ dji Dromaara b̶ʌra bio biya quirua. Idjia bʌ dji quĩrũrãra bʌ́a poyabisia. Maʌ̃ne Abraʌ̃ba ne jũma jãrĩnanebemada die juachabʌrʌza Melquisedéa ab̶a dia wãsia.
359	GEN 14:22	Maʌ̃ne Abraʌ̃ba Sodomanebema boroa jarasia: –Edaẽ́a. Mʌ̃a wãrã arada Ãcõrẽ dji Dromaara b̶ʌ, naʌ̃ ẽjũã idjab̶a bajã od̶a ume nãwã bed̶ea b̶ʌsia: mʌ̃a bʌrera edaẽ́a. Ni maãrĩara quiru sid̶a edaẽ́a. Bʌ jĩrũne jʌ̃bari jʌ̃cara sid̶a edaẽ́a. Mãwã edaẽ́a bʌa jararãmãrẽã mʌ̃ra ne bara b̶ʌsida.
363	GEN 15:2	Maʌ̃ne Abraʌ̃ba jarasia: –Ay, Ãcõrẽ, ¿cãrẽ cãrẽã mʌ̃ra ne bara b̶ʌi? Mʌ̃ra warra sid̶a neẽ́ b̶ʌa. Mʌ̃ beud̶acarea mʌ̃a erob̶ʌra mʌ̃ nezoca Elieze Damasco purud̶ebemaba jũma edaya.–
423	GEN 17:25	Dji warra Ismaelera trece poa b̶asia idji cacua wẽãgosid̶e.
463	GEN 19:5	Maʌ̃be dajadaareba Loa b̶ia iwid̶isid̶aa: –Naʌ̃ diamasi ẽberã bʌmaa zeped̶ad̶ara ¿sãma panʌ? Dajadaa enedua dairãra ãdji ume cãĩni carea.–
471	GEN 19:13	Daiba naʌ̃ purura jũma ãrĩnia. Ãcõrẽba ũrĩ b̶ʌa naʌ̃ purud̶ebemarãba bio cadjirua obadada. Maʌ̃ bẽrã Ãcõrẽba daira diabuesia ãdjirã cawa od̶amãrẽã.–
478	GEN 19:20	Nama caita puru zaqueda b̶ʌa. ¿Mʌ̃ra mamaa mĩrũ wãida b̶ʌca? Dji purura wãrãda caibe quirua. ¿Bãrãba maʌ̃gʌra ãrĩnaẽ́ame? Mʌ̃ra mamaa idu wãbid̶adua beu amaaba.–
489	GEN 19:31	Ewari ab̶a dji cau nabemaba dji tẽãbemaa jarasia: –Dadji zezara drõãda quirua. Maʌ̃ awara nama naʌ̃ ẽjũãne ni ab̶aʌ umaquĩrãda neẽ́a dadji edad̶amãrẽã jũmarãda quima edabada quĩrãca.
495	GEN 19:37	Maʌ̃be dji nabemaba umaquĩrã warrada tosia. Dji trʌ̃ra b̶ʌsia Moab. Moab abadad̶eba moabitarãda yõsid̶aa.
496	GEN 19:38	Dji tẽãbema bid̶a umaquĩrã warrada tosia. Dji trʌ̃ra b̶ʌsia Benamí. Benamíneba amonitarãda yõsid̶aa.
500	GEN 20:4	Baribʌrʌ Abimelera wad̶i Sara ume cãĩẽ́ b̶asia. Maʌ̃ bẽrã idjia Ãcõrẽa jarasia: –Mʌ̃ Boro, Abrahaʌ̃ba mʌ̃́a jarasia jãʌ̃gʌ wẽrãra idji djabawẽrãda. Dji wẽrã bid̶a jarasia Abrahaʌ̃ra idji djabada. Maʌ̃ bẽrã mʌ̃a crĩcha biad̶eba edai carea enebisia. Mʌ̃ra bed̶ead̶e b̶ʌẽ́a. ¿Bʌa nẽbʌra neẽ́ b̶ʌda cawa oica?–
511	GEN 20:15	Diacuaped̶a jarasia: –Acʌdua, mʌ̃ druara b̶ʌa. Bʌdjia ẽjũã awuabʌrʌmaa b̶ad̶e wãdua.–
569	GEN 22:21	Dji nabema warrara Uz abadjid̶aa. Maʌ̃are dji djaba Buzuda b̶asia. Buzuare Quemuelda b̶asia. Quemuelera Araʌ̃ zeza basía.
578	GEN 23:6	–Dai boro, ũrĩdua dai bed̶eara. Ãcõrẽba bʌra dairã tãẽna dji dromada b̶ʌsia. Maʌ̃ bẽrã bʌ quimara tʌb̶aridua daiba coro eropanʌ uria dji biara b̶ʌd̶e. Dairãba wãgad̶aẽ́a.–
585	GEN 23:13	B̸arruped̶a jũmarã quĩrãpita Eproʌ̃a nãwã jĩgua jarasia: –Mʌ̃ quĩrã djuburia waya ũrĩdua. Dji ẽjũãbari bʌa parata iwid̶ibʌrʌ quĩrãca mʌ̃a diaya. Mʌ̃a jara b̶ʌra ĩjãdua. Mãwãbʌrʌ mʌ̃ quimara maʌ̃ ẽjũãne tʌb̶ariya.–
587	GEN 23:15	–Mʌ̃ boro, ũrĩdua. Dji ẽjũãra nẽdobueida b̶ʌa cuatrociento parata torrobari, baribʌrʌ ¿dadjimaarã maʌ̃da parataca? Bʌ quimara tʌb̶aridua.–
600	GEN 24:8	Dji wẽrãda bʌ ume ze quĩrĩãẽ́bʌrʌ, bʌra naʌ̃ wãrãneba jarad̶ad̶ebemada ẽdrʌya. Baribʌrʌ mʌ̃ warrara jãmaa ederãdua.–
610	GEN 24:18	Maʌ̃ne Rebecaba jarasia: –Dodua, mʌ̃ boro.– Ara maʌ̃da idji zocora ed̶a edaped̶a idji jʌwad̶e erob̶ʌd̶e Abrahaʌ̃ nezocaa dobisia.
611	GEN 24:19	Dobid̶acarea jarasia: –Bʌ cameyo itea bid̶a mʌ̃a baidoda jueya ãdjia do quĩrĩãbʌda quĩrãca dod̶amãrẽã.–
617	GEN 24:25	Dai dera bari b̶ʌa bãrã cãĩnamãrẽã, idjab̶a bʌ cameyoba cod̶amãrẽã baraa.–
631	GEN 24:39	Maʌ̃ne mʌ̃a jarasia: “Dji wẽrãda mʌ̃ ume ze quĩrĩãẽ́bʌrʌ ¿mʌ̃a sãwã oi?”
638	GEN 24:46	Ara maʌ̃da zoco equiad̶e erob̶ad̶ara ed̶aa edaped̶a mʌ̃́a jarasia: “Dodua, idjab̶a bʌ cameyoa bid̶a baidora diaya.” Ara maʌ̃da mʌ̃a dosia. Idjab̶a mʌ̃ cameyoa bid̶a idjia baidora dobigasia.
652	GEN 24:60	Maʌ̃ne Rebeca djabarãba idjira nãwã bia jarasid̶aa: Djabawẽrã, daiba quĩrĩã panʌa bʌa warrarãra zocãrã unuida. Idjab̶a quĩrĩã panʌa bʌ warrarãba ãdji dji quĩrũrãda poyad̶ida.
660	GEN 25:1	Abrahaʌ̃ra waya quima edasia. Dji wẽrã trʌ̃ra Queturá basía.
662	GEN 25:3	Jocsaʌ̃ warrarãra naʌ̃gʌrã basía: Sebá, Dedaʌ̃ sid̶a. Dedaʌ̃neba yõsid̶aa asureorã, letuseorã, leumeorã sid̶a.
668	GEN 25:9	Dji warrarã Isaba, Ismael bid̶a idjira tʌb̶arisid̶aa bẽwãrã joubada uria Macpela abadad̶e Sara tʌb̶ariped̶ad̶ama. Maʌ̃ uriara Mamre ẽjũãneba ʌ̃mãdau odjabariare b̶ʌa. Dji ẽjũãra Abrahaʌ̃ba hitita Zohar warra Eproʌ̃neda nẽdosia.
670	GEN 25:11	Abrahaʌ̃ jaid̶ad̶acarea Ãcõrẽba dji warra Isara bia b̶ʌsia. Isara baido juebada uria caita b̶abadjia. Dji baido juebada uriara Beer-Lajai-Roi abadjid̶aa.
673	GEN 25:14	Maʌ̃are Mismá basía. Maʌ̃are Dumá basía. Maʌ̃are Masá basía.
674	GEN 25:15	Maʌ̃are Hadar basía. Maʌ̃are Temá basía. Maʌ̃are Jetu basía. Maʌ̃are Napi basía. Dji jĩrũarebemara Cedemá basía.
675	GEN 25:16	Maʌ̃gʌrã docera Ismael warrarã basía. Ãdjirãneba puruda doce yõsid̶aa. Ãdjira maʌ̃ puru bororãda b̶easia. Maʌ̃ doce purura ara ãdji trʌ̃da b̶ʌcuasid̶aa. Dji ẽberãrã sid̶a ara maʌ̃ trʌ̃ra eropanesid̶aa.
682	GEN 25:23	Maʌ̃ne Ãcõrẽba panusia: Bʌ b̶ited̶a warrada umé djõ panʌ bẽrã bʌra jãwã b̶ʌa. Ãdjid̶eba puruda umé odjad̶ia. Ab̶aʌda dewarabema cãyãbara mẽsrãara b̶aya. Dji nabemada dji tẽãbema jʌwaed̶a b̶aya.
683	GEN 25:24	Dji toi ewari jũẽsid̶e Rebecaba umé tosia.
684	GEN 25:25	Dji nabemara bio caraid̶a b̶asia. Idjira cara purea b̶asia. Maʌ̃ carea dji trʌ̃ra b̶ʌsid̶aa Esaú.
709	GEN 26:16	Maʌ̃be dji boro Abimeleba Isaa jarasia: –Dai tãẽnabemada ãyã wãdua, bʌra dairã cãyãbara dji dromaara b̶ebʌrʌ bẽrã.–
721	GEN 26:28	Maʌ̃ne ãdjia panusid̶aa: –Daiba unu panʌa Ãcõrẽra bʌ ume b̶ʌda. Maʌ̃ carea daiba crĩcha panʌa bʌ ume necai panani carea bed̶eada b̶ʌd̶ida. Daiba bʌra necai wãbisid̶aa idjab̶a bʌ ume ab̶abe biada osid̶aa. Maʌ̃ bẽrã wãrãneba nãwã bed̶ea b̶ʌd̶ia: daiba bʌ mĩã sẽnaẽ́ panʌ quĩrãca bʌa bid̶a daira mĩã sẽẽ́da. Wãrãda Ãcõrẽba bʌra bio careba b̶ʌa.–
737	GEN 27:9	Dadji animarã b̶eamaa wãped̶a chiwatu zaque boreguea panʌda umé enedua. Maʌ̃be mʌ̃ra bʌ zeza itea ne djuya idjia awua cobari quĩrãca.
753	GEN 27:25	Maʌ̃ne dji zezaba jarasia: –Warra, bʌa ne bead̶ara diadua mʌ̃a coi carea. Maʌ̃be mʌ̃a bʌra bia jara b̶ʌya.– Ara maʌ̃da Jacoboba diasia. Diad̶acarea Isaba cosia. Mãwã b̶ʌd̶e Jacoboba uva b̶a sid̶a diasia. Maʌ̃gʌ sid̶a Isaba dosia.
798	GEN 29:2	Mama baido juebada uria corod̶ada unusia. Maʌ̃ caita ovejada zocãrã panasid̶aa. Maʌ̃ ovejara ãdji djibarirã ũbea panʌ caita awara awara ʌ̃nãũ duanasid̶aa. Djibarirãba maʌ̃ baidora ãdji ovejaa jue diabadjid̶aa. Dji baido juebada uria ʌ̃rʌ̃ mõgara waib̶ʌada cob̶asia.
800	GEN 29:4	Maʌ̃ne Jacoboba dji oveja wagabadaa iwid̶isia: –Djabarã, ¿bãrãra sãmabema?– Ãdjia panusid̶aa: –Daira Haraʌ̃ purud̶ebemaa.–
804	GEN 29:8	Ãdjirãba panusid̶aa: –Wad̶ibid̶a poya baido dobid̶aẽ́a. Daiba jʌ̃ãbadaa jũmarãba ãdji ovejara enenamãrẽã. Maʌ̃bebʌrʌ mõgara baido juebada uria ʌ̃rʌ̃ cob̶ʌra ãyã b̶ʌbadaa ovejara baido dobigad̶i carea.–
809	GEN 29:13	Labaʌ̃ba maʌ̃ ũrĩped̶a pira wãsia idji djabawẽrã warra Jacobo audiab̶arid̶e. Jacobo b̶ʌmaa wãped̶a ojũẽ edaped̶a uridarrad̶e isõsia. Maʌ̃be diguid̶aa edesia. Diguid̶a jũẽnaped̶a Jacoboba Labaʌ̃a idji sãwãnanebemada jũma nẽbʌrʌsia.
812	GEN 29:16	Labaʌ̃ba cauda umé erob̶asia. Dji nabema trʌ̃da Lea basía. Raquelera dji tẽãbema basía.
817	GEN 29:21	Siete poa bad̶acarea Jacoboba Labaʌ̃a jarasia: –Dadjia b̶ʌped̶ad̶a ewarira jũẽna bẽrã bʌ caura diadua mʌ̃ quima bamãrẽã.–
837	GEN 30:6	Maʌ̃ne Raquelba jarasia: “Mʌ̃a iwid̶id̶ara Ãcõrẽba ũrĩsia. Idjia mʌ̃́a warra diad̶aba cawabi b̶ʌa mʌ̃a jipa osida.” Mãwã dji warrara trʌ̃ b̶ʌsia Daʌ̃.
852	GEN 30:21	Mãwãnacarea wẽrãcauda tosia. Idjira trʌ̃ b̶ʌsia Dina.
884	GEN 31:10	Maʌ̃ ewarid̶e animarã dji wẽrãrã põnõ b̶easid̶e mʌ̃a cãĩmocarasia. Maʌ̃ cãĩmocarad̶e mʌ̃a unusia animarãra warra o b̶eada. Dji umaquĩrãra ʌ̃cʌrʌ gorogoroa b̶easia, ʌ̃cʌrʌ patrupatrua b̶easia, idjab̶a ʌ̃cʌrʌ bagabaga b̶easia.
886	GEN 31:12	Maʌ̃ne idjia jarasia: “Mʌ̃ra bʌa Beteld̶e ununa Ãcõrẽa. Maʌ̃ Beteld̶e bʌa mõgara ʌ̃rʌ̃ nedraga wead̶ama bʌa wãrãneba jarasia mʌ̃a bʌda wagaibʌrʌ, bʌa mʌ̃drʌ ĩjã b̶aida. Bio acʌdua animarãra warra o b̶eada. Dji umaquĩrãra jũma gorogoroa b̶eaa, patrupatrua b̶eaa, idjab̶a bagabaga b̶eaa. Mãwã mʌ̃a bʌra careba b̶ʌa Labaʌ̃ba bʌra biẽ́ o b̶ʌ bẽrã. Jãʌ̃be piradrʌped̶a namaʌba bʌ tod̶a druad̶aa wãdua.”–
888	GEN 31:14	Maʌ̃ne Raquelba Lea bid̶a jarasid̶aa: –Dai zezaba erob̶ʌd̶ebemada daia ni cãrẽ sid̶a diaẽ́a.
891	GEN 31:17	Maʌ̃ ewarid̶e Labaʌ̃ra idji oveja cara tʌ b̶ʌda tʌmʌ b̶asia. Maʌ̃misa Raquelera chupea idji zeza ded̶e ed̶a wãped̶a dji zeza jʌwaba od̶a ãcõrẽda drʌasia. Maʌ̃be Jacoboba idji warrarãra, idji quimarã sid̶a cameyo ʌ̃rʌ̃ chũmʌsia. Ara maʌ̃da Canaaʌ̃ druad̶aa wãsia idji zeza Isamaa. Jũma idjia Padan-Araʌ̃ druad̶e edad̶ara edesia. Dji animarã sid̶a jʌre edesia.
911	GEN 31:37	Bʌa mʌ̃ netatara ab̶ed̶a jũma ware acʌsia. Dai ded̶e ¿bʌreda unusica? Mʌ̃a drʌad̶ada unusibʌrʌ, jũmarãa ebud̶a acʌbidua. Mãwã ãdjirãba poya cawa jarad̶ia dadji umébemarã caida jipa b̶ʌda.
914	GEN 31:40	Ãsa mʌ̃ra beseaba bia mĩga b̶abadjia. Diamasi jĩsuaba mĩga b̶ʌ bẽrã poya cãĩca basía.
918	GEN 31:44	Jãʌ̃be djõna amaaba dadjia bed̶eada b̶ʌd̶ia. Dadji umérãba mõgarada boromea bued̶ia dadjia bed̶ea b̶ʌped̶ad̶ara quĩrãneba panani carea.– Jacoboba maʌ̃ra bia b̶ʌad̶a asia.
923	GEN 31:49	Labaʌ̃ba idjab̶a jarasia: –Dadjira awara wãbʌdamĩna Ãcõrẽba dadji umena acʌ b̶aya. Bʌa mʌ̃ caurãda biẽ́ oibʌrʌ wa mʌ̃ caurã awara dewara wẽrãda edaibʌrʌ, ẽberã naʌ̃ bed̶ea b̶ʌped̶ad̶a ũrĩnada arima b̶ʌẽ́mĩna Ãcõrẽba acʌ b̶aya.– Mãwã mõgara boromea bue nũmʌra idjab̶a trʌ̃ b̶ʌsia Mizpa.
927	GEN 31:53	Dadjid̶ebema ab̶aʌda naʌ̃ mõgara aud̶u djõne wãibʌrʌ, Ãcõrẽ bʌ zezadrõã Abrahaʌ̃ ume b̶ad̶a idjab̶a mʌ̃ zezadrõã Naco ume b̶ad̶aba cawa oya. ¿Bia b̶ʌca?– Maʌ̃ne Jacoboba idji zeza Isaba waya b̶ʌ Ãcõrẽ quĩrãpita Labaʌ̃a wãrãneba jarasia “bia b̶ʌa.”
933	GEN 32:5	Idji nezocarã diabuei naẽna Jacoboba jarasia: –Mʌ̃ djaba Esaúa nãwã jarad̶e wãnadua: “Dai boro, bʌ nezoca Jacoboba nãwã jarabisia: mʌ̃ wãna ewarid̶eba ʌ̃taa mʌ̃ra dadji djabadrõã Labaʌ̃ma b̶asia.
935	GEN 32:7	Dji nezocarã Jacobomaa jẽda zed̶aped̶a nãwã jarasid̶aa: –Dairãra bʌ djaba Esaúmaa wãnaped̶a bʌ bed̶eara jarasid̶aa. Ara nawena idjira bʌmaa zebʌrʌa. Maʌ̃ awara idji ume ẽberãrãda cuatrociento zebʌdaa.–
954	GEN 32:26	Djõ panʌne maʌ̃ ẽberãba cawasia Jacobora poyaẽ́da. Maʌ̃ bẽrã Jacobo chĩded̶e chĩsia. Maʌ̃ba Jacobo chĩdera ãĩ dogosia.
958	GEN 32:30	Maʌ̃be Jacoboba jarasia: –Jãʌ̃be mʌ̃ djuburia bʌ trʌ̃ra jaradua.– Dji ẽberãba panusia: –¿Cãrẽ cãrẽã mʌ̃ trʌ̃ra iwid̶i b̶ʌ? Mʌ̃ trʌ̃ra mʌ̃a bʌ́a jaraẽ́a.– Mama dji ẽberãba Jacobora bia jara b̶ʌsia.
963	GEN 33:2	Dji nezocawẽrãrã umé panʌda ãdji warrarã ume nocoare b̶ʌsia. Ãdjirãare Leada idji warrarã ume b̶ʌsia. Jĩrũare Raquelda idji warra Jose ume b̶ʌsia.
980	GEN 33:19	Dji ẽjũãda Hamo warrarãne basía. Hamora Siqueʌ̃ zeza basía. Jacoboba maʌ̃ ẽjũãra nẽdosia cien parata torrobari. Nẽdoped̶a idji wua ded̶e mama b̶esia.
982	GEN 34:1	Jacoboba Lea ume cauda ab̶a eropanasid̶aa Dina abadada. Ewari ab̶a Dinara maʌ̃ druad̶ebema awẽrãrãmaa pʌrrʌad̶e wãsia.