29	GEN 1:29	Maʌ̃ awara Ãcõrẽba ãdjía jarasia: –Acʌd̶adua, mʌ̃a bãrãa diaya jũma naʌ̃ ẽjũãne chirua ta bara b̶eada, jũma bacuru nejõ ta bara b̶ea sid̶a. Maʌ̃nebemada bãrãba jũma cod̶ida panʌa.
200	GEN 8:16	–Bʌra, bʌ quima, bʌ warrarã, bʌ ãĩgurã sid̶a jãba dromaneba ẽdrʌd̶adua.
215	GEN 9:9	–Ũrĩnadua, mʌ̃a bed̶eada b̶ʌya bãrã ume, bãrãneba yõbʌdarã ume bid̶a, jũma animarã bãrã ume jãba dromaneba ẽdrʌped̶ad̶a ume bid̶a. Animarã daupẽbada, mẽãbema, ĩbana, jũma naʌ̃ ẽjũãne b̶ea animarã ume mʌ̃a bed̶eada b̶ʌya.
362	GEN 15:1	Mãwãnacarea Abraʌ̃ba cãĩmocara quĩrãca Ãcõrẽba idjía nãwã bed̶eabʌrʌda unusia: –Abraʌ̃, wayarãdua. Mʌ̃ra bʌ wagabaria. Mʌ̃a bʌra aud̶uara ne bara b̶ʌya.–
363	GEN 15:2	Maʌ̃ne Abraʌ̃ba jarasia: –Ay, Ãcõrẽ, ¿cãrẽ cãrẽã mʌ̃ra ne bara b̶ʌi? Mʌ̃ra warra sid̶a neẽ́ b̶ʌa. Mʌ̃ beud̶acarea mʌ̃a erob̶ʌra mʌ̃ nezoca Elieze Damasco purud̶ebemaba jũma edaya.–
388	GEN 16:6	Maʌ̃ne Abraʌ̃ba Saraia jarasia: –Acʌdua, bʌ nezocawẽrãra bʌ jʌwaed̶a b̶ʌa. Bʌdjia quĩrĩã b̶ʌ quĩrãca odua.– Ara maʌ̃da Saraiba dji nezocawẽrãra biẽ́ o b̶esia. Maʌ̃ carea dji nezocawẽrãra mĩrũ wãsia.
390	GEN 16:8	Maʌ̃ne Ãcõrẽ nezoca bajãnebemaba Agaraa iwid̶isia: –Agara, Sarai nezocawẽrã, ¿bʌra sãmaʌba zebʌrʌ? ¿Sãmaa wã?– Agaraba panusia: –Mʌ̃ra mʌ̃ boro Sarai ume b̶ad̶ada mĩrũ wãa.–
465	GEN 19:7	Maʌ̃be jarasia: –Achirã, mʌ̃a bãrãa bed̶ea djuburiaya maʌ̃ cadjiruara orãnamãrẽã.
476	GEN 19:18	Baribʌrʌ Loba jarasia: –Mãwãẽ́a, mʌ̃ bororã. Mʌ̃ quĩrã djuburia jãʌ̃ eyad̶aa wãbirãdua.
511	GEN 20:15	Diacuaped̶a jarasia: –Acʌdua, mʌ̃ druara b̶ʌa. Bʌdjia ẽjũã awuabʌrʌmaa b̶ad̶e wãdua.–
531	GEN 21:17	Mãwã b̶ʌd̶e Ãcõrẽba dji warrara jĩã b̶ʌda ũrĩsia. Maʌ̃ne bajãneba Ãcõrẽ nezocaba Agarada trʌ̃ jarasia: –Agara, ¿sãwãsi? Wayarãdua. Ãcõrẽba bʌ warra jĩã b̶ʌda ũrĩ b̶ʌa.
556	GEN 22:8	Abrahaʌ̃ba panusia: –Warra, Ãcõrẽbʌrʌ oveja zaquera diaya babue diad̶i carea.– Maʌ̃be nocod̶aa wãsid̶aa.
583	GEN 23:11	–Mãwãẽ́a, mʌ̃ boro, ũrĩdua. Mʌ̃ ẽberãrã quĩrãpita mʌ̃a maʌ̃ ẽjũãra dji uria sid̶a bari diaya bʌ quima tʌb̶arimãrẽã.–
610	GEN 24:18	Maʌ̃ne Rebecaba jarasia: –Dodua, mʌ̃ boro.– Ara maʌ̃da idji zocora ed̶a edaped̶a idji jʌwad̶e erob̶ʌd̶e Abrahaʌ̃ nezocaa dobisia.
650	GEN 24:58	Ara maʌ̃da Rebecara trʌ̃naped̶a iwid̶isid̶aa: –¿Bʌra naʌ̃ ẽberã ume nawena wãica?– Maʌ̃ne Rebecaba panusia: –Mãẽ, mʌ̃ra wãya.–
730	GEN 27:2	Maʌ̃ne Isaba jarasia: –Acʌdua, warra, mʌ̃ra drõãda b̶ʌa. Mʌ̃ beui ewarira adua b̶ʌa.
734	GEN 27:6	Esaú wãnacarea Rebecaba idji warra Jacoboa jarasia: –Warra, mʌ̃a ũrĩsia bʌ zezara bʌ djaba Esaú ume bed̶ea b̶ʌda. Bʌ zezaba Esaúa nãwã jarasia:
749	GEN 27:21	Maʌ̃ne Isaba jarasia: –Warra, mʌ̃ caita zedua. Mʌ̃́a idu tãbidua bʌra wãrãda mʌ̃ warra Esaú cawaya.–
751	GEN 27:23	Isaba Jacobora cawaẽ́ basía idji jʌwara Esaú jʌwa quĩrãca caraid̶a b̶ʌ bẽrã. Isaba Jacobo bia jara b̶ʌbʌrʌd̶e wayacusa iwid̶isia: –¿Bʌra wãrãda mʌ̃ warra Esaúca?– Jacoboba panusia: –Mãẽ, zeza. Mʌ̃ra Esaúa.–
753	GEN 27:25	Maʌ̃ne dji zezaba jarasia: –Warra, bʌa ne bead̶ara diadua mʌ̃a coi carea. Maʌ̃be mʌ̃a bʌra bia jara b̶ʌya.– Ara maʌ̃da Jacoboba diasia. Diad̶acarea Isaba cosia. Mãwã b̶ʌd̶e Jacoboba uva b̶a sid̶a diasia. Maʌ̃gʌ sid̶a Isaba dosia.
759	GEN 27:31	Idjia bid̶a djicoda warra osia. Maʌ̃da dji zezamaa edeped̶a jarasia: –Zeza, mʌ̃ra ne beasia. Ʌ̃ta chũmeped̶a codua. Maʌ̃be mʌ̃ra bia jara b̶ʌdua.–
766	GEN 27:38	Maʌ̃ne Esaúba dji zezaa b̶ia iwid̶isia: –Zeza, bʌa ¿ab̶abe idjidrʌ poya bia jara b̶ʌica? ¡Ay, zeza, mʌ̃ sid̶a bia jara b̶ʌdua!– Mãwã jara b̶ʌd̶e Esaúra bio jĩã nũmasia.
770	GEN 27:42	Esaúba oi crĩcha b̶ʌra dji papa Rebecaba cawasia. Maʌ̃ carea idji warra tẽãbema Jacobora trʌ̃ped̶a jarasia: –Ũrĩdua, bʌa od̶a carea bʌ djaba Esaúba bʌra bea quĩrĩã b̶ʌa.
800	GEN 29:4	Maʌ̃ne Jacoboba dji oveja wagabadaa iwid̶isia: –Djabarã, ¿bãrãra sãmabema?– Ãdjia panusid̶aa: –Daira Haraʌ̃ purud̶ebemaa.–
801	GEN 29:5	Jacoboba iwid̶isia: –¿Bãrãba Naco warra Labaʌ̃ra unubadaca?– Ãdjia panusid̶aa: –Mãẽ, daiba unubadaa.–
803	GEN 29:7	Maʌ̃ne Jacoboba jarasia: –Acʌd̶adua, wad̶i ãsa nũmʌ bẽrã animarãra cãĩne eded̶iẽ́ panʌa. Ovejara baido dobigad̶aped̶a waya põãjãrã cobid̶e eded̶adua.–
909	GEN 31:35	Maʌ̃ne Raquelba jarasia: –Zeza, quĩrũrãdua mʌ̃ra bʌ quĩrãpita poya piradrʌẽ́ bẽrã. Mʌ̃ra jed̶eco unu b̶ʌa.– Labaʌ̃ba idji jʌwaba od̶a ãcõrẽra unuẽ́ bad̶amĩna wad̶i jʌrʌ b̶asia.
970	GEN 33:9	Esaúba jarasia: –Crĩcharãdua, djaba, mʌ̃a ad̶uba erob̶ʌa. Bʌdjid̶era wagadua.–
974	GEN 33:13	Jacoboba jarasia: –Mãwãẽ́a, mʌ̃ boro. Bʌa unu b̶ʌa mʌ̃ warrarãra wad̶i caibe qued̶eada, idjab̶a mʌ̃ ovejaba, mʌ̃ paca bid̶a warra djiwid̶i tod̶ada erob̶eada. Isabe wãnibʌrʌ jũmawãyã sẽnia. Maʌ̃ba ab̶ari ewarid̶e mʌ̃ animarãra jũma quininia.
976	GEN 33:15	Maʌ̃ne Esaúba jarasia: –Mʌ̃a ẽberãrã mʌ̃ ume zeped̶ad̶ada ameya bãrã wagad̶amãrẽã.– Jacoboba jarasia: –Mãwãẽ́a, mʌ̃ boro. Bʌra mʌ̃ ume bia b̶ed̶a bẽrã ¿cãrẽda waa iwid̶i?–
985	GEN 34:4	Maʌ̃ ewarid̶e Siqueʌ̃ba idji zeza Hamoa jarasia: –Zeza, jãʌ̃ wẽrãra mʌ̃ itea iwid̶id̶e wãdua.–
1002	GEN 34:21	–Jacobora, idji warrarã sid̶a ẽberã biarãa. Ẽjũãra baraa ãdjirã pananamãrẽã. Maʌ̃ bẽrã ãdjirãra dadjirã druad̶e idu b̶ebid̶ia. Idu ne nẽdobid̶ia idjab̶a nẽdobuebid̶ia. Dadjirãra ãdjirã caurã ume poya dji edad̶ia. Ãdjirã sid̶a dadjirã caurã ume poya dji edad̶ia.
1029	GEN 35:17	Wetara pua nũmebʌrʌd̶e dji warra careba tobibari wẽrãba Raquelea jarasia: –Wayarãdua, bʌa umaquĩrã warrada tobʌrʌa.–
1090	GEN 37:6	Idjia nãwã jarasia: –Ũrĩnadua, mʌ̃a cãĩmocarad̶ada nẽbʌrʌya.
1093	GEN 37:9	Mãwãnacarea Josera wayacusa cãĩmocarasia. Maʌ̃ cãĩmocarad̶a sid̶a idji djabarãa nẽbʌrʌsia. Nãwã jarasia: –Ũrĩnadua, mʌ̃a waya cãĩmocarasia. Unusia ʌ̃mãdauda, jed̶ecoda, idjab̶a once chĩdauda. Maʌ̃gʌrãra ẽberã quĩrãca mʌ̃ quĩrãpita chĩrãborod̶e b̶arru copanesid̶aa.–
1097	GEN 37:13	Maʌ̃ne Israelba Josea nãwã jarasia: –Warra, bʌ djabarãba Siqueʌ̃ caita mʌ̃ ovejara waga panʌa. Mʌ̃a quĩrĩã b̶ʌa bʌa ãdjira acʌd̶e wãida.– Joseba panusia: –Bia b̶ʌa, mʌ̃a ãdjira acʌd̶e wãya.–
1101	GEN 37:17	Ẽberãba panusia: –Mãẽ, ãdjirãra nama duananaped̶a wãbʌrʌsid̶aa. Mʌ̃a ũrĩsia Dotaʌ̃ ẽjũãnaa wãniana abʌdada.– Ara maʌ̃da Josera idji djabarã caid̶u wãsia. Wãbʌrʌd̶e ãdjirãra Dotaʌ̃ ẽjũãne unune wãsia.
1103	GEN 37:19	Nãwã jarasid̶aa: –Acʌd̶adua, cãĩmocarabarira jari bueábʌrʌa.
1164	GEN 39:14	Maʌ̃ bẽrã idji ded̶ebema nezocarãda trʌ̃ped̶a nãwã jarasia: –Acʌd̶adua, mʌ̃ quimaba jãʌ̃ hebreora dadjirãmaa enesia. Baribʌrʌ jãʌ̃ ẽberãba dadjirãra biẽ́ oya b̶ʌa. Idjira nama zeped̶a mʌ̃ ume cãĩ quĩrĩã nũmasia. Maʌ̃ carea mʌ̃ra jĩgua b̶iasia.
1290	GEN 42:37	Maʌ̃ne Rubeʌ̃ba jarasia: –Zeza, mʌ̃a Benjamiʌ̃ra waya bʌmaa eneya. Eneẽ́bʌrʌ, mʌ̃ warrarãda umé beaida b̶ʌa. Mʌ̃́a idu Benjamiʌ̃ra edebidua. Wãrãda waya jẽda eneya.–
1389	GEN 46:2	Maʌ̃ diamasi Israelba cãĩmocara quĩrãca ũrĩsia Ãcõrẽra idji ume bed̶ea b̶ʌda. Ãcõrẽba trʌ̃ jarasia: –Jacobo, Jacobo.– Jacoboba panusia: –Mʌ̃ra nama b̶ʌa.–
1469	GEN 48:17	Joseba unusia idji zeza jʌwa arara dji tẽãbema Epraiʌ̃ boro ʌ̃rʌ̃ b̶ʌda. Maʌ̃ra Joseba biẽ́ unusia. Maʌ̃ carea idji zezaa jarasia: –Zeza, jãwãẽ́a. Za b̶ʌdrʌ mʌ̃ warra iwinaa. Idji boro ʌ̃rʌ̃bʌrʌ bʌ jʌwa arara b̶ʌdua.– Mãwã jarabʌrʌd̶e idji zeza jʌwara Epraiʌ̃ borod̶e b̶ʌda jidaped̶a Manase boro ʌ̃rʌ̃ b̶ʌ quĩrĩã b̶asia.
1471	GEN 48:19	Baribʌrʌ idji zezaba mãwã o quĩrĩãẽ́ basía. Ãtebʌrʌ jarasia: –Warra, mʌ̃a cawa b̶ʌa mʌ̃ jʌwara cai ʌ̃rʌ̃ b̶ʌsida. Bʌ warra iwinaneba ẽberãrãda zocãrã yõnia. Idjira dji dromada b̶aya. Baribʌrʌ dji djaba tẽãbemara idji cãyãbara dji dromaara b̶aya. Dji tẽãbema warrarãneba puruda zocãrã yõnia.–
1584	EXO 3:4	Ãcõrẽba Moise caitaara zebʌrʌda unusid̶e maʌ̃ bacuru zaque uruga nũmʌneba trʌ̃ jarasia: –Moise, Moise.– Moiseba panusia: –Mʌ̃ra nama b̶ʌa.–
2179	EXO 24:1	Maʌ̃be Ãcõrẽba Moisea jarasia: –Aaroʌ̃da, Nadáda, Abiuda, idjab̶a setenta israelerã bororã sid̶a bʌ ume naʌ̃ eyad̶e ʌ̃taa enedua. Ãdjirãra tʌmʌ chĩrãborod̶e b̶arru copanenaped̶a mʌ̃́a bia bed̶ead̶ida panʌa.
2450	EXO 32:11	Mãwãmĩna Moiseba idji Ãcõrẽa bed̶ea djuburiasia. Nãwã jarasia: –Ay, Ãcõrẽ, bʌ quĩrũbid̶eba bʌ puru Egiptod̶eba enenara mãwã orãdua. ¿Bʌ ʌb̶ʌa waib̶ʌa b̶ʌd̶eba maʌ̃ purura Egiptod̶eba ẽdrʌ enesiẽ́ca?
2461	EXO 32:22	Aaroʌ̃ba idji djabaa nãwã panusia: –Ay, mʌ̃ boro, mʌ̃ ume quĩrũrãdua. Bʌa bio cawa b̶ʌa naʌ̃ ẽberãrãba cadjiruadrʌ o quĩrĩãbadada.
3847	NUM 6:23	–Aaroʌ̃a, idji warrarãa bid̶a jaradua nãwã israelerã bia jara b̶ʌd̶amãrẽã:
4073	NUM 12:13	Ara maʌ̃da Moiseba Maria carea Ãcõrẽa quĩrã djuburiada nãwã iwid̶isia: –Ãcõrẽ, mʌ̃ quĩrã djuburia mʌ̃ djabawẽrã Mariara biabidua.–
4217	NUM 16:22	Baribʌrʌ Moisera Aaroʌ̃ sid̶a chĩrãborod̶e b̶arru copanenaped̶a Ãcõrẽa nãwã bed̶ea djuburiasid̶aa: –Ãcõrẽ, bʌd̶eba ẽberãrãra jũma zocai b̶eaa. ¿Ab̶aʌba cadjirua od̶a carea bʌra jũma naʌ̃ puru ume quĩrũ b̶aica?–
5997	JOS 7:19	Maʌ̃ne Josueba jarasia: –Acaʌ̃, dadji israelerã Ãcõrẽ quĩrãpita jũma bʌa od̶ada wãrãda jaradua. Ni maãrĩ bid̶a mẽrãrãdua.–
6500	JOS 24:22	Josueba wayacusa jarasia: –Bãrãne b̶ʌa. Bãrãba wãrãneba jarabʌdaa Ãcõrẽdrʌ ẽpẽnida.– Ãdjirãba jarasid̶aa: –Mãẽ, mãwã wãrãneba jarabʌdaa.–
6623	JDG 4:22	Baracoba Sisará jʌrʌ b̶ʌd̶e Jael purud̶e jũẽsia. Maʌ̃ne Jaelba idji audiab̶arid̶e wãped̶a nãwã jarasia: –Zedua, bʌa jʌrʌ b̶ʌra mʌ̃a acʌbiya.– Ara maʌ̃da Baracora Jael wua ded̶e ed̶a wãped̶a Sisarára beu tab̶ʌda unusia. Jaelba cachid̶a bacurura wad̶i Sisará borod̶e su nũmasia.
6824	JDG 10:11	Ãcõrẽba panusia: –Egiptorãba, amorreorãba, amonitarãba, pilisteorãba, Sidoʌ̃nebemarãba, amalecitarãba, madianitarã bid̶a bãrã biẽ́ obʌdaza bãrãba quĩrã djuburia iwid̶ibʌdad̶e mʌ̃a bãrãra ẽdrʌ b̶ʌbadjia.
6839	JDG 11:8	Maʌ̃ne dji bororãba nãwã jarasid̶aa: –Mãẽ, maʌ̃ carea dairãba bʌra jʌrʌd̶e ze panʌa. Quĩrĩã panʌa bʌra dairãare amonitarã ume djõne wãida. Wãsira bʌra dai Galad̶ebema israelerã boro baya.–
6841	JDG 11:10	Dji bororãba panusid̶aa: –Mãẽ, dairãba Ãcõrẽ quĩrãpita jarabʌdaa bʌa jara b̶ʌra wãrãda od̶ida.–
6867	JDG 11:36	Dji cauba nãwã jarasia: –Zeza, bʌa Ãcõrẽa iwid̶id̶a quĩrãca idjia amonitarã bʌ dji quĩrũra poyabisia. Maʌ̃ bẽrã bʌa idjía wãrãneba jarad̶ara odua. Mʌ̃ra Ãcõrẽa babue diadua.
6873	JDG 12:2	Maʌ̃ne Jepteba ãdjirãa nãwã panusia: –Mʌ̃ra, mʌ̃ ẽberãrã sid̶a amonitarã ume djõ panasid̶aa. Maʌ̃ne bãrãra trʌ̃bisia baribʌrʌ bãrãba carebad̶e zed̶aẽ́ basía.
6925	JDG 14:14	Maʌ̃ne Sansoʌ̃ba nãwã jarasia: –Mĩãdjiru, mĩãdjiru, mĩãdjiru. Dadji cobarid̶eba cod̶ida edasia. Dji mẽsrãara b̶ʌd̶eba cũãda edasia. Maʌ̃gʌra ¿cãrẽ?– Ewari ũbead̶e pilisteorã treinta panʌba mĩãdjirura cawa jarad̶aẽ́ basía.
7222	1SA 1:8	Baribʌrʌ dji quima Elcanaba jarabadjia: –Ana, ¿cãrẽ cãrẽã jĩã b̶ʌ? ¿Cãrẽã bʌra jãwã ne coẽ́ b̶abari? ¿Cãrẽã sopua b̶ʌ? ¿Bʌmaarã mʌ̃ quĩrĩãra biara b̶ʌẽ́ca die warrarã erob̶ai cãyãbara?–
7262	1SA 2:20	Maʌ̃ne Eliba Elcanara dji quima sid̶a nãwã bia jara b̶ʌbadjia: –Elcana, Ãcõrẽba bʌ́a dewara warrarãda bʌ quima Ana ume unubiya idjia warra naãrã iwid̶id̶ada Ãcõrẽa diad̶a bẽrã.– Mãwãnacarea Elcanara idji quima ume jẽda diguid̶aa wãbadjid̶aa.
7284	1SA 3:6	Maʌ̃ne Ãcõrẽba idjira waya trʌ̃ jarasia: –¡Samuel!– Ara maʌ̃da Samuelera piradrʌped̶a Eli b̶ʌmaa wãsia. Maʌ̃ne jarasia: –Nama b̶ʌa. ¿Cãrẽ cãrẽã trʌ̃ b̶ʌ?– Eliba panusia: –Warra, bʌra trʌ̃ẽ́ b̶ʌa. Cãĩne wãdua.–
7405	1SA 9:12	Awẽrãrãba nãwã panusid̶aa: –Mãẽ, nocoare b̶ʌa. Isabe wãnadua. Id̶i puruba eya borod̶e animarãda Ãcõrẽa babue diad̶i bẽrã idjira zesia.
7419	1SA 9:26	Mama Saulora cãĩsia. Nurẽma Samuelba Saul maʌ̃ ʌ̃taarebema dejãne b̶ʌda trʌ̃ped̶a jarasia: –Pirab̶aridua, wãida b̶ʌa.– Ara maʌ̃da Saulora piradrʌped̶a Samuel ume dajadaa wãsid̶aa.
7467	1SA 12:5	Samuelba jarasia: –Ãcõrẽba, dadjirã boro idjia edad̶a bid̶a ũrĩsid̶aa bãrãba mʌ̃ra bed̶ead̶e b̶ʌẽ́ana a panʌda.– Puruba panusia: –Mãẽ, mãwã b̶ʌa.–
7481	1SA 12:19	Maʌ̃ carea jũmarãba Samuelea jarasid̶aa: –Dairã, bʌ nezocarã beurãnamãrẽã Ãcõrẽa iwid̶idua. Dairãba naẽna cadjirua oped̶ad̶a awara wayacusa cadjiruada osid̶aa Ãcõrẽ awara ab̶a dairã boroda b̶amãrẽã iwid̶isid̶ad̶e.–
7602	1SA 16:5	Samuelba panusia: –Mãẽ, mʌ̃a naʌ̃ paca zaqueda Ãcõrẽa babue diad̶e ze b̶ʌa. Maʌ̃ carea Ãcõrẽ quĩrãpita bia duanani carea od̶adua. Mãwãnacarea animarãda babue diad̶e wãnia.– Maʌ̃be Samuelba Jeséra idji warrarã sid̶a Ãcõrẽ quĩrãpita bia b̶ʌped̶a ed̶osia idji ume animarã babue diad̶e wãnamãrẽã.
7637	1SA 17:17	Ewari ab̶a Jeséba idji warra Davia jarasia: –Warra, bʌ djabarã itea naʌ̃ die paʌ̃da, naʌ̃ trigo jututiad̶a sid̶a ẽ ab̶a ededua.
7664	1SA 17:44	Maʌ̃ awara nãwã jarasia: –Zedua, mʌ̃a bʌ djarara diaya ãgosoba, mẽãbema animarã bid̶a cod̶amãrẽã.–
7675	1SA 17:55	Maʌ̃ naẽna Saulba Davira Goliá ume djõne wãbʌrʌda unusid̶e idji sordaorã boro Abne abadaa nãwã iwid̶isia: –Abne, jãʌ̃ warra zezara ¿cai?–
7676	1SA 17:56	Abneba panusia: –Ay, mʌ̃ boro, mʌ̃a wãrãda adua b̶ʌa.– Maʌ̃ carea Saulba idjía jarasia: –Mãẽteara iwid̶id̶e wãdua idji zezara cai cawaya.–
7678	1SA 17:58	Maʌ̃ne Saulba iwid̶isia: –Warra, ¿bʌ zezara cai? Daviba panusia: –Mʌ̃ra bʌ nezoca Beleʌ̃nebema Jesé warraa.–
7714	1SA 19:6	Jonataʌ̃ba jara b̶ʌ ũrĩbʌrʌd̶e Saulba panusia: –Warra, Ãcõrẽ quĩrãpita wãrãneba jaraya: mʌ̃a Davira beabiẽ́a.–
7797	1SA 22:7	Saulba idjiare b̶eaa nãwã jarasia: –Ũrĩnadua, bãrãra mʌ̃ quĩrãca Benjamiʌ̃neba yõped̶ad̶arãa. Baribʌrʌ Judad̶eba yõna Jesé warra Davira dadji israelerã boroda b̶eibʌrʌ, ¿idjia bãrãa ẽjũãda, uva ẽjũã sid̶a diaica? ¿Idjia bãrãra idji sordaorã bororãda b̶ʌica?
7801	1SA 22:11	Ara maʌ̃da Saulba Ahitob warra Ahimelera, idji zeza ẽberãrã sid̶a jũma trʌ̃bisia. Ãdjirãra Nobo purud̶e Ãcõrẽ sacerdoterã basía. Ãdjirã Saulma jũẽsid̶ad̶e Saulba Ahimelea jarasia: –Ahitob warra, mʌ̃a jarabʌrʌra ũrĩdua.– Ahimeleba panusia: –Jaradua, mʌ̃ boro.–
7806	1SA 22:16	Baribʌrʌ Saulba ĩjãnaẽ́ bẽrã nãwã jarasia: –Ahimele, bʌra, bʌ zeza ẽberãrã sid̶a mʌ̃a jũma beabiya.–
7925	1SA 26:17	Saulba cawasia Davida mãwã bed̶ea b̶ʌda. Maʌ̃ bẽrã jarasia: –Mʌ̃ warra Davi, ¿bʌda jãwã bed̶ea b̶ʌca?– Daviba panusia: –Mãẽ, mʌ̃ boro. Mʌ̃da mãwã bed̶ea b̶ʌa.
7966	1SA 28:21	Daubara wẽrã Saul caita wãped̶a unusia idjira ne wayaaba cacua urea nũmʌda. Maʌ̃ne jarasia: –Mʌ̃, bʌ nezocaba bʌ bed̶eara ĩjãsia. Mʌ̃ bead̶i adua bʌa jarad̶ara mʌ̃a jũma osia.
8308	2SA 12:19	Daviba unusia dji dromarãra ãdjidub̶a bed̶ea panʌda. Maʌ̃gʌd̶eba cawasia idji warrara jaid̶asida. Maʌ̃ bẽrã iwid̶isia: –¿Mʌ̃ warrara jaid̶asica?– Ãdjia panusid̶aa: –Mãẽ, jaid̶asia.–
9343	1KI 17:23	Ara maʌ̃da Elíaba warrara ed̶aa dji papamaa diad̶e wãsia. Diabʌrʌd̶e nãwã jarasia: –Acʌdua, bʌ warrara zocai b̶ʌa.–
9352	1KI 18:8	Elíaba panusia: –Mãẽ, mʌ̃da jãwã b̶ʌa. Bʌ boro Acaboa jarad̶e wãdua mʌ̃ra nama b̶ʌda.–
9394	1KI 19:4	Maʌ̃be idjira ẽjũã põãsa ewaraga b̶ʌd̶e ewari ab̶a wãsia. Mama bacuru zaque edre chũmeped̶a nãwã crĩchasia: “Biara b̶ʌa beuida.” Maʌ̃ bẽrã idjia Ãcõrẽa jarasia: –Ãcõrẽ, waaẽ́a. Mʌ̃ra beadua. Mʌ̃ drõã naẽnabemarã beuped̶ad̶a cãyãbara mʌ̃ra biara b̶ʌẽ́a.–
9399	1KI 19:9	Jũẽna diamasi Elíara eya uriad̶e cãĩne wãsia. Maʌ̃ne Ãcõrẽba idjía nãwã jarasia: –Elía, ¿cãrẽda nama o b̶ʌ?–
9403	1KI 19:13	Maʌ̃ ũrĩbʌrʌd̶e Elíaba jʌ̃ b̶ʌba idji quĩrãdarrara jũãtrʌsia. Maʌ̃be dajadaa wãped̶a eya uria caita nũmesia. Maʌ̃ne bed̶eada ũrĩsia. Maʌ̃ba nãwã jarasia: –Elía, ¿cãrẽda nama o b̶ʌ?–
9474	1KI 21:20	Elía Acaboma jũẽsid̶e Acaboba idjía jarasia: –Mʌ̃ dji quĩrũ, ¿bʌa mʌ̃ra acʌd̶e ze b̶ʌca?– Elíaba panusia: –Mãẽ, bʌra acʌd̶e ze b̶ʌa. Bʌa Ãcõrẽ quĩrãpita jũmawãyã cadjiruada o b̶ʌa.
9487	1KI 22:4	Maʌ̃ bẽrã Acaboba Josapaa nãwã iwid̶isia: –¿Bʌra mʌ̃are Gala druad̶e djõne wãica Ramo ẽdrʌ edad̶i carea?– Josapaba panusia: –Mʌ̃da, mʌ̃ sordaorãda, mʌ̃ cawayod̶eba djõbadarã sid̶a bʌ ume wãnia.–
9558	2KI 2:3	Jũẽbʌdad̶e Ãcõrẽneba bed̶eabadarã Beteld̶ebemada Eliseomaa zed̶aped̶a nãwã iwid̶isid̶aa: –¿Bʌa cawa b̶ʌca id̶i Ãcõrẽba bʌ boro Elíara edeida?– Eliseoba panusia: –Mãẽ, cawa b̶ʌa. Chupea pananadua.–
9559	2KI 2:4	Maʌ̃be Elíaba Eliseoa jarasia: –Eliseo, nama b̶edua. Ãcõrẽba mʌ̃ra Jerico purud̶aa wãbi b̶ʌa.– Eliseoba panusia: –Ãcõrẽ zocai b̶ʌ quĩrãpita, bʌ quĩrãpita bid̶a wãrãneba jaraya: bʌdub̶a wãbiẽ́a.– Ara maʌ̃da Jerico purud̶aa wãsid̶aa.
9560	2KI 2:5	Jũẽbʌdad̶e Ãcõrẽneba bed̶eabadarã Jericod̶ebemada Eliseomaa zed̶aped̶a iwid̶isid̶aa: –¿Bʌa cawa b̶ʌca id̶i Ãcõrẽba bʌ boro Elíara edeida?– Eliseoba panusia: –Mãẽ, cawa b̶ʌa. Chupea pananadua.–
9621	2KI 4:14	Maʌ̃ne Eliseoba idji nezoca Guiezia iwid̶isia: –¿Idji itea cãrẽda od̶i?– Guieziba panusia: –Cawaẽ́a, baribʌrʌ idjira warra neẽ́ b̶ʌa idjab̶a idji quimara drõãda quirua.–
9632	2KI 4:25	Ara maʌ̃da wãnaped̶a Carmelo eyad̶e Eliseo b̶ʌma jũẽsid̶aa. Eliseoba tʌmʌba ãdji zebʌdada unusid̶e idji nezoca Guiezia jarasia: –Acʌdua, Suneʌ̃ purud̶ebema wẽrãra zebʌrʌa.
9676	2KI 5:25	Maʌ̃be ed̶a wãped̶a idji boro Eliseo quĩrãpita nũmesia. Maʌ̃ne Eliseoba idjía iwid̶isia: –Guiezi, bʌra ¿sãma b̶asi?– Guieziba panusia: –Mʌ̃, bʌ nezocara ãyã wãẽ́ b̶ʌa.–
9771	2KI 9:11	Jehú wayacusa sordao bororã duanʌma jũẽbʌrʌd̶e ab̶aʌba iwid̶isia: –Mẽrã, jãʌ̃ cũdra quĩrãẽ́ b̶ʌra ¿cãrẽ cãrẽã ze b̶asi? ¿Cãrẽda sãwãsi?– Jehúba panusia: –Bãrãba cawa panʌa jãʌ̃gʌca b̶eara sãwã bed̶eabadada.–
9791	2KI 9:31	Jehú dji purud̶e ed̶a wãbadama jũẽsid̶e Jezabelba idjía jarasia: –Mẽrã, Zimri quĩrãca b̶ʌ, bʌ boro bead̶a.–
9889	2KI 13:14	Eliseora cacua biẽ́ b̶eped̶a jaid̶abʌrʌ basía. Mãwã b̶ʌd̶e Israeld̶ebema boro Joasaba idjira acʌd̶e wãsia. Idji carea jĩã b̶ʌd̶e Joasaba nãwã jarasia: –Zeza, zeza, carretad̶eba djõbadarã idjab̶a cawayod̶eba djõbadarã quĩrãca bʌa israelerãra bio carebabaria.–
10976	1CH 22:7	Nãwã jarasia: –Warra, mʌ̃ Boro Ãcõrẽ itea mʌ̃a de dromada oida crĩcha b̶asia.
22614	JON 1:14	Maʌ̃ carea Ãcõrẽa nãwã iwid̶isid̶aa: –Ãcõrẽ, naʌ̃ ẽberã beabʌda carea daira beubirãdua. Idjida bed̶ea neẽ́ b̶ʌda bead̶ibʌrʌ, daira bed̶ead̶e b̶ʌrãdua. Wãrãda bʌabʌrʌ ara bʌdjia crĩcha b̶ʌ quĩrãca o b̶ʌa.–
23233	MAT 1:20	Mãwã crĩcha b̶ʌd̶e bajãnebema nezocada cãĩmocarad̶eba Josemaa zeped̶a nãwã jarasia: –Jose, David̶eba zed̶a, Maria edaira wayarãdua, idjira Ãcõrẽ Jaured̶ebabʌrʌ b̶iogoa b̶ʌ bẽrã.
23288	MAT 4:10	Maʌ̃ne Jesuba diaurua jarasia: –Satana, ãyã wãdua. Ãcõrẽ Bed̶ead̶e nãwã b̶ʌ́ b̶ʌa: “Bʌ Boro Ãcõrẽabʌrʌ bia bed̶eadua. Ab̶a idjidrʌ ĩjã b̶adua.”–
23433	MAT 8:19	Baribʌrʌ wãni naẽna judiorã ley jaradiabarida Jesumaa zesia. Maʌ̃ ẽberãba jarasia: –Jaradiabari, bʌ wãbʌrʌza mʌ̃ra bʌ ume wãya.–