102	GEN 4:22	Zilaba Tubal-Caiʌ̃da tosia. Idjia bronced̶ebemada idjab̶a jiorrod̶ebema sid̶a ne o cawa b̶asia. Tubal-Caiʌ̃ djabawẽrãra Naamá abadjid̶aa.
342	GEN 14:5	Maʌ̃ carea poa catorcebemane Quedorlaómera idjiare panʌ bororã sid̶a wãsid̶aa ãdjirã ume djõni carea. Wãbʌdad̶e naãrã Astarot-carnaim purud̶e jũẽsid̶aa. Mama repairãda poyasid̶aa. Mamaʌba Ham purud̶aa wãnaped̶a zuzirãda poyasid̶aa. Mamaʌba Quiriataim jewed̶ad̶e jũẽne wãnaped̶a emirãda poyasid̶aa.
344	GEN 14:7	Jẽda zebʌdad̶e En-mispat purud̶e jũẽsid̶aa. Maʌ̃ purura idjab̶a Cadé abadaa. Mama amalecitarãda poyad̶aped̶a jũma ãdjia eropanʌra ãrĩsid̶aa. Amorreorãda ara maʌ̃ quĩrãca osid̶aa Hazezon-tamar purud̶e.
679	GEN 25:20	Isa cuarenta poa b̶asid̶e idji quima Rebecara edasia. Rebecara Betuel cau basía idjab̶a Labaʌ̃ djabawẽrã basía. Ãdjirãra arameorã basía. Padan-Araʌ̃ druad̶ebemarã basía.
776	GEN 28:2	Padan-Araʌ̃ druad̶aa wãdua bʌ zezadrõã Betuelmaa. Mama bʌ djabadrõã Labaʌ̃ caurãnebemada ab̶a edadua.
779	GEN 28:5	Mãwã Isaba Jacobora wãbisia Padan-Araʌ̃ druad̶aa. Maʌ̃be Jacobora wãsia idji djabadrõã Labaʌ̃ ded̶aa. Maʌ̃ Labaʌ̃ra Betuel warra basía. Betuelera arameo basía. Labaʌ̃ra Rebeca djaba basía. Rebecara Jacobo idjab̶a Esaú papa basía.
780	GEN 28:6	Jacobo wãi naẽna idji zeza Isaba idjira bia jara b̶ʌped̶a jarasia Canaaʌ̃nebema wẽrãda edarãmãrẽã. Ãtebʌrʌ wãbisia Padan-Araʌ̃ druad̶ebema wẽrãda edamãrẽã. Esaúba maʌ̃gʌra jũma unu b̶asia.
781	GEN 28:7	Maʌ̃ awara unu b̶asia Jacoboba idji zeza bed̶ea, idji papa bed̶ea sid̶a ĩjã oped̶a Padan-Araʌ̃ druad̶aa wãsida.
891	GEN 31:17	Maʌ̃ ewarid̶e Labaʌ̃ra idji oveja cara tʌ b̶ʌda tʌmʌ b̶asia. Maʌ̃misa Raquelera chupea idji zeza ded̶e ed̶a wãped̶a dji zeza jʌwaba od̶a ãcõrẽda drʌasia. Maʌ̃be Jacoboba idji warrarãra, idji quimarã sid̶a cameyo ʌ̃rʌ̃ chũmʌsia. Ara maʌ̃da Canaaʌ̃ druad̶aa wãsia idji zeza Isamaa. Jũma idjia Padan-Araʌ̃ druad̶e edad̶ara edesia. Dji animarã sid̶a jʌre edesia.
1021	GEN 35:9	Jacobo Padan-Araʌ̃ druad̶eba jẽda zesi ewarid̶e Ãcõrẽra idjimaa waya zesia. Maʌ̃ ewarid̶e Ãcõrẽba idjira nãwã bia jara b̶ʌsia: –Bʌ trʌ̃ra Jacobo abadaa baribʌrʌ bʌra waa Jacobo ad̶aẽ́a. Ãtebʌrʌ bʌ trʌ̃ra Israel ad̶ia.– Mãwã Ãcõrẽba Jacobora trʌ̃ b̶ʌsia Israel.
1033	GEN 35:21	Jacobo, Israel abadara mamaʌba wãped̶a idji wua dera Migdal-edar puru zaque wagaa osia.
1038	GEN 35:26	Lea nezocawẽrã Zilpaba tod̶ara naʌ̃gʌrã basía: Ga idjab̶a Aser. Jũma maʌ̃gʌrã basía Jacobo warrarã Padan-Araʌ̃ druad̶e toped̶ad̶ada.
1079	GEN 36:38	Saul beud̶acarea Baal-hanaʌ̃da dji boro basía. Idjira Acbor warra basía.
1080	GEN 36:39	Baal-hanaʌ̃ beud̶acarea Hadarda dji boro basía. Idji purura Pau abadjid̶aa. Hadar quimada Mehetabel abadjid̶aa. Idjira Matred cau basía idjab̶a Mezaab ãĩzaque basía.
1459	GEN 48:7	Mʌ̃ Padan-Araʌ̃ druad̶eba zebʌrʌd̶e bʌ papa Raquelera Canaaʌ̃ druad̶e jaid̶asia Eprata Beleʌ̃ abada caita. Mama mʌ̃a idjira tʌb̶arisia. Mʌ̃ra idji carea bio sopua b̶asia. Maʌ̃ carea mʌ̃a bʌ warra umébemarã mʌ̃reana abʌrʌa.–
1892	EXO 14:2	–Israelerãa jaradua Pi-Ajirod̶aa jẽda wãnamãrẽã. Jãma Migdol puru quĩrãpe pusa icawa ãdji wua dera Baal-Zepoʌ̃ caita ocuad̶ida panʌa.
1899	EXO 14:9	Jũma Egiptod̶ebema sordaorãra israelerã caid̶u wãsid̶aa; cawayod̶eba djõbadarãda, carretad̶eba djõbadarãda, waabema sordaorã sid̶a. Israelerãra pusa icawa Pi-Ajiro caita Baal-Zepoʌ̃ quĩrãpe unune wãsid̶aa.
4060	NUM 11:35	Kibro-hataavad̶eba israelerãra Hazerod̶aa wãnaped̶a mama duanesid̶aa.
4352	NUM 21:11	Mamaʌba wãnaped̶a Ije-Abariʌ̃ne duanesid̶aa. Maʌ̃ra Moab druad̶eba ʌ̃mãdau odjabariare ẽjũã põãsa ewaraga b̶ʌd̶e b̶ʌa.
4415	NUM 22:39	Maʌ̃be Balaaʌ̃ra Balá ume Quiriat-huzot purud̶aa wãsid̶aa.
4417	NUM 22:41	Nurẽma diaped̶ed̶a Balába Balaaʌ̃ra eya Bamo-baal abadad̶e ʌ̃taa edesia. Mamaʌba israelerã caitaara panʌra unusia.
4475	NUM 25:3	Mãwã israelerãba moabitarã ãcõrẽ Baal-peor abadada ẽpẽ panesid̶aa. Maʌ̃ carea Ãcõrẽra israelerã ume bio quĩrũped̶a quinibibʌrʌ basía.
4476	NUM 25:4	Maʌ̃ne Ãcõrẽba Moisea jarasia: –Jũma Baal-peor ẽpẽ panʌ dji bororãda jidad̶aped̶a bead̶adua. Mʌ̃ quĩrãpita ãsa ãdjirãra bacuru cũmiane ʌ̃tʌ su jira b̶ʌd̶adua jũmarãba acʌd̶amãrẽã. Mãwãbʌrʌ mʌ̃ quĩrũbira bãrã israelerã ume b̶ʌda tumaya.–
4477	NUM 25:5	Ara maʌ̃da Moiseba israelerã bororãa jarasia: –Bãrã jʌwaed̶a b̶earã dji Baal-peor ẽpẽ b̶eada jũma bead̶adua.–
4483	NUM 25:11	–Mʌ̃a quĩrĩã b̶ʌa israelerãba ab̶abe mʌ̃drʌ ẽpẽnida. Maʌ̃ carea Baal-peor ẽpẽsid̶ad̶e mʌ̃ quĩrũbid̶eba ãdjirãra jũma quinibi basía. Baribʌrʌ Eleaza warra Pinéba mʌ̃ quĩrũbira tumabisia. Idjia od̶ad̶eba unubisia idjia bid̶a quĩrĩã b̶ʌda ẽberãrãba ab̶abe mʌ̃drʌ ẽpẽnida. Idjia od̶a carea mʌ̃a israelerãra jũma quinibiẽ́ basía. (Pinéra sacerdote Aaroʌ̃ wiuzaque basía.)
4490	NUM 25:18	Mãwã od̶ad̶ua ãdjirãba bãrãra quinibisid̶a bẽrã. Cũrũga panʌneba bãrãa ãdji ãcõrẽ Baal-peor abadada ẽpẽbisid̶aa mʌ̃a bãrãra quinibimãrẽã. Cozbiba od̶a carea bid̶a mʌ̃a bãrãra quinibibʌrʌ basía. Baal-peor ẽpẽ panʌ carea bãrã quinibʌda basid̶e Pinéba maʌ̃ wẽrãra beasia.– (Cozbira Madiaʌ̃nebema dji droma cau basía.)
4728	NUM 32:8	¿Ara maʌ̃ quĩrãca bãrã drõã naẽnabemarãba osid̶aẽ́ca mʌ̃a ãdjirã Cadé-barnead̶eba Canaaʌ̃ drua acʌd̶e diabuesid̶e?
4756	NUM 32:36	Bet-nimra idjab̶a Bet-Araʌ̃. Jũma maʌ̃ puru b̶eara mõgaraba aud̶u jũrã casid̶aa. Idjab̶a corra b̶eada ãdjirã animarã itea osid̶aa.
5847	DEU 34:6	Idjira tʌb̶arisia Moab druad̶e b̶ʌ jewed̶ad̶e Bet-peor caita. Baribʌrʌ id̶i bid̶a idji tʌb̶arid̶ada ni ab̶aʌba adua panʌa.
5980	JOS 7:2	Jericod̶eba Josueba ẽberãrãda Hai puru acʌd̶e diabuesia. Hai purura Beteld̶eba ʌ̃mãdau odjabariare Bet-Aveʌ̃ caita b̶asia. Josueba diabued̶arãra wãnaped̶a Hai purura quĩrãcuita acʌsid̶aa sãwã poyad̶i cawaya.
6076	JOS 10:10	Israelerãba urabʌdad̶e Ãcõrẽba amorreorãra ne wayabiped̶a memenesid̶aa. Mãwã israelerãba ãdjirãra Gabaoʌ̃ druad̶e zocãrã quenasid̶aa. Amorreorã ʌ̃taa Bet-horoʌ̃naa mĩrũ wãbʌdad̶e israelerãba caid̶u quena wãsid̶aa ab̶a Azecá purud̶aa idjab̶a Maquedá purud̶aa bid̶a.
6077	JOS 10:11	Amorreorã Bet-horoʌ̃neba ed̶aa Azecád̶aa mĩrũ wãbʌdad̶e Ãcõrẽba hielo waib̶ʌada cue quĩrãca ãdjirã ʌ̃rʌ̃ jurrubisia. Israelerãba necoba quenaped̶ad̶a cãyãbara maʌ̃gʌba zocãrãara quenasia.
6107	JOS 10:41	Josueba jũmarãda poyasia Cadé-barnead̶eba ab̶a Gazad̶aa idjab̶a Goseʌ̃neba ab̶a Gabaoʌ̃naa.
6126	JOS 11:17	Jũma edasia Halac eyad̶eba ab̶a Baal-ga purud̶aa. Halac eyara Seír druad̶e b̶ʌa. Baal-ga purura Libano ẽjũãne b̶ʌa Hermoʌ̃ eya carrad̶e. Puruza dji borora Josueba jidaped̶a jũma beasia.
6381	JOS 20:7	Mãwã jarad̶a bẽrã israelerãba mĩrũbada puruda b̶ʌcuasid̶aa. Neptali ẽjũã eyaid̶a b̶ʌd̶e Quedé puruda b̶ʌsid̶aa. Maʌ̃ purura Galilea druad̶e b̶ʌa. Epraiʌ̃ ẽjũã eyaid̶a b̶ʌd̶e Siqueʌ̃ puruda b̶ʌsid̶aa. Juda ẽjũã eyaid̶a b̶ʌd̶e Quiriat-arbá puruda b̶ʌsid̶aa. Maʌ̃ purura idjab̶a Hebroʌ̃ abadaa.
6508	JOS 24:30	Timnat-sera abadad̶e idjia edad̶a ẽjũãne israelerãba idjira tʌb̶arisid̶aa. Maʌ̃ ẽjũãra Epraiʌ̃ eyaid̶a b̶ʌ druad̶e b̶ʌa Gaa eya caita.
6556	JDG 2:9	Timnat-sera abadad̶e idjia edad̶a ẽjũãne israelerãba idjira tʌb̶arisid̶aa. Maʌ̃ ẽjũãra Epraiʌ̃ eyaid̶a b̶ʌ druad̶e b̶ʌa Gaa eya caita.
6603	JDG 4:2	Maʌ̃ carea Ãcõrẽba ãdjirãra cananeorã boro Jabiʌ̃ jʌwaed̶a b̶ʌsia. Jabiʌ̃ra Hazor purud̶e b̶abadjia. Jabiʌ̃ sordaorã borora Sisará basía. Maʌ̃ Sisarára Haroset-goiʌ̃ne b̶abadjia.
6614	JDG 4:13	Maʌ̃ carea idji jiorro od̶a djõbada carreta noveciento panʌda, idji sordaorã sid̶a ãbaa jʌreped̶a Haroset-goiʌ̃neba Quisoʌ̃ do zaqued̶aa wãsid̶aa.
6717	JDG 7:21	Maʌ̃ne israelerã tresciento panʌba cachura ãdji duanʌma zá panesid̶aa. Ãdjirãba madianitarãra jũrã eropanana bẽrã madianitarãra b̶iad̶aped̶a mĩrũ piraposid̶aa. Maʌ̃ne Ãcõrẽba madianitarãra ara ãdjidub̶a necoba djõbigasia. Mãwã panʌne madianitarãra Zererad̶aa wãbada od̶e Bet-sita purud̶aa mĩrũ wãsid̶aa. Idjab̶a Abel-mehola purud̶aa Tabat caita mĩrũ wãsid̶aa.
6864	JDG 11:33	Jepteba amonitarãra zocãrã quenasia. Aroer purud̶eba ab̶a Minit purud̶aa idjab̶a Abel-queramiʌ̃ purud̶aa bid̶a veinte puru poyasia. Mãwã amonitarãra israelerã jʌwaed̶a panesid̶aa.
7342	1SA 6:9	Baribʌrʌ naʌ̃gʌda quĩrãcuitad̶adua: pacaba carretara israelerã puru Bet-semed̶aa eded̶ibʌrʌ, wãrãda Ãcõrẽba dadjirãra biẽ́ erob̶asia. Mamaa eded̶aẽ́bʌrʌ dadjirãba cawad̶ia idjia dadjirãra jãwã oẽ́ b̶asida; ãtebʌrʌ ara jãwã biẽ́ panesid̶aa.–
7345	1SA 6:12	Paca quenabuesid̶ad̶e jipa Bet-semenaa b̶ia wãsid̶aa, ni maãrĩ bid̶a o ãyã wãnaẽ́ basía. Maʌ̃ne pilisteorã dji droma b̶eara caid̶u acʌd̶e wãsid̶aa ab̶a Bet-seme daucha.
7346	1SA 6:13	Maʌ̃ ewarid̶e israelerã Bet-semed̶ebemaba ãdji trigoda jewed̶ad̶e ewa duanasia. Maʌ̃ne cawaẽ́ne pacaba dji carretara Ãcõrẽ baurude bara erreb̶ari enebʌdada unusid̶aa. Maʌ̃ carea bio b̶ʌsrid̶asid̶aa.
7347	1SA 6:14	Dji carreta Bet-seme druad̶e jũẽsid̶e pacara nũpanesid̶aa ẽberã Josue abada ẽjũãne, mõgara waib̶ʌa cob̶ʌ caita. Mama levitarãba Ãcõrẽ baurudera, oro ocuad̶a bara b̶ʌ baurude sid̶a edad̶aped̶a maʌ̃ mõgara waib̶ʌa ʌ̃rʌ̃ cob̶ʌsid̶aa. Maʌ̃ne ẽberãrãba carretara ẽgawed̶aped̶a tʌbʌda cajẽrãsid̶aa. Maʌ̃be pacara, dewara animarã sid̶a Ãcõrẽa babue diasid̶aa.
7351	1SA 6:18	Maʌ̃ awara pilisteorã boro juesuma panʌba dewara puru b̶eada ãdjirã jʌwaed̶a eropanasid̶aa. Puruza churi quĩrãca oro od̶ada ab̶a diasid̶aa. Ʌ̃cʌrʌ purura mõgaraba jũrã ca b̶easia idjab̶a ʌ̃cʌrʌ ara jãwã b̶easia. Maʌ̃ purura b̶easia pilisteo druad̶eba ab̶a mõgara waib̶ʌa cob̶ʌma. Maʌ̃ mõgarara wad̶ibid̶a Josue Bet-Semed̶ebema ẽjũãne b̶ʌa israelerãba Ãcõrẽ baurudera ʌ̃rʌ̃ cob̶ʌped̶ad̶ama.
7352	1SA 6:19	Ãcõrẽba israelerã Bet-semed̶ebemara setenta quinibisia idji bauruded̶e ed̶a acʌped̶ad̶a carea. Maʌ̃ne purura bio jĩãsia Ãcõrẽba zocãrã quinibid̶a bẽrã.
7354	1SA 6:21	Maʌ̃ carea Quiriat-jeariʌ̃ purud̶aa ʌ̃cʌrʌ diabuesid̶aa nãwã jarad̶amãrẽã: –Pilisteorãba Ãcõrẽ baurudera waya jẽda diabuesid̶aa. Maʌ̃ bẽrã jʌrʌd̶e zed̶adua.–
7355	1SA 7:1	Ara maʌ̃da Quiriat-jeariʌ̃nebemarã zed̶aped̶a Ãcõrẽ baurudera edesid̶aa. Maʌ̃be eya zaqued̶e Abinadá ded̶e b̶ʌd̶aped̶a Abinadá warra Eleazada edasid̶aa waga b̶amãrẽã.
7492	1SA 13:5	Maʌ̃misa pilisteorãra dji jʌresid̶aa israelerã ume djõni carea. Djõbada carretada treinta mil idjab̶a cawayod̶eba djõbada sordaorãda sei mil edesid̶aa. Waabema sordaorã edeped̶ad̶ara bio cãbana panʌ bẽrã poya juachad̶aẽ́ basía. Ãdjirãra Micmánaa wãnaped̶a Bet-aveʌ̃neba ʌ̃mãdau odjabariare duanesid̶aa.
7621	1SA 17:1	Maʌ̃ ewarid̶e pilisteo sordaorãda Soco purud̶e Judad̶eba yõped̶ad̶arã ẽjũãne ãbaa dji jʌred̶aped̶a Epes-damiʌ̃ abadad̶e duanesid̶aa. Maʌ̃ ẽjũãra Soco puru idjab̶a Azecá puru ẽsi b̶asia.
8022	1SA 31:10	Maʌ̃be pilisteorãba ne jũma Saulba djõi carea erob̶ad̶ara ãdji jʌwaba od̶a ãcõrẽ Astarte ded̶e ed̶a b̶ʌsid̶aa. Idji cacuara ʌ̃tʌ jira b̶ʌsid̶aa israelerã puru Bet-saʌ̃ mõgaraba aud̶u jũrã ca b̶ʌd̶e.
8024	1SA 31:12	Ara maʌ̃da dji sozarra b̶eaba Saul cacuara edad̶e wãsid̶aa. Jũma maʌ̃ diamasi wãbʌdad̶e Bet-saʌ̃ purud̶e jũẽsid̶aa. Maʌ̃be Saul cacuara, dji warrarã cacua sid̶a ed̶aa edad̶aped̶a jẽda Jabed̶aa enesid̶aa. Mama ãdji cacuara babuesid̶aa.
9317	1KI 16:31	Idjimaarã Nabat warra Jeroboaʌ̃ba cadjirua od̶a quĩrãca o b̶aira bia b̶asia. Maʌ̃ awara Sidoʌ̃nebema boro Et-baal cau Jezabelda edaped̶a Sidoʌ̃nebema jʌwaba od̶a ãcõrẽ Baalda ẽpẽsia.
9406	1KI 19:16	Maʌ̃ awara Nimsi wiuzaque Jehúmaa wãped̶a nedragada idji boro ʌ̃rʌ̃ weadua Israeld̶ebema boroda b̶ʌi carea. Idjab̶a Abel-mehola purud̶ebema Sapa warra Eliseomaa wãped̶a nedragada idji boro ʌ̃rʌ̃ weadua bʌ cacuabari mʌ̃neba bed̶eabarida b̶ʌi carea.
9649	2KI 4:42	Mãwãnacarea Baal-salisa purud̶eba ẽberãda Eliseomaa zesia. Maʌ̃ ẽberãba idji néu naãrã ewad̶ad̶ebemada Eliseo itea enesia. Paʌ̃ cebada od̶ada veinte, trigo djiwid̶i ewad̶a sid̶a cʌmʌne enesia. Maʌ̃be Eliseoba idji nezocaa jarasia: –Naʌ̃da Ãcõrẽneba bed̶eabadarãa cobidua.–
11203	2CH 1:4	Baribʌrʌ Salomoʌ̃ ewarid̶e Ãcõrẽ baurudera maʌ̃ ded̶e b̶aẽ́ basía, Daviba Quiriat-jeariʌ̃ purud̶eba Jerusaleʌ̃ purud̶aa eded̶a bẽrã. Mama idjia obid̶a wua ded̶e ed̶a waga b̶ʌsia.
23754	MAT 16:13	Mãwãnacarea Jesura idji ume nĩbabadarã sid̶a Cesarea-Pilipo druad̶e jũẽne wãsid̶aa. Maʌ̃ne Jesuba ãdjía iwid̶isia: –Mʌ̃, Naʌ̃ Djara Edad̶ara ¿ẽberãrãba caida crĩcha panʌ?–
24596	MRK 8:27	Mãwãnacarea Jesura idji ume nĩbabadarã sid̶a Cesarea-Pilipo druad̶e puru zaque b̶eaza pʌrrʌad̶e wãsid̶aa. Od̶e nĩnane Jesuba idji ume nĩbabadarãa iwid̶isia: –Ẽberãrãba mʌ̃ra ¿caida crĩcha panʌ?–