67	GEN 3:11	Maʌ̃ne Ãcõrẽba iwid̶isia: –¿Caiba jarasi bʌra ãcad̶a b̶ʌda? ¿Bʌa jõsica mʌ̃a jõrãduad̶a nejõra?–
86	GEN 4:6	Maʌ̃ carea Ãcõrẽba Caiʌ̃a jarasia: –¿Cãrẽ cãrẽã quĩrũ nũmʌ? ¿Cãrẽ cãrẽã quĩrã cadjirua nũmʌ?
87	GEN 4:7	Bʌa biada oibʌrʌ ¿bʌra b̶ʌsrid̶a b̶aẽ́ca? Baribʌrʌ bʌa biada oẽ́bʌrʌ cadjirua jʌwaed̶a b̶aya. Baribʌrʌ bʌa cadjiruara poyaida b̶ʌa.–
90	GEN 4:10	Ãcõrẽba jarasia: –¿Cãrẽ cãrẽã bʌ djabara jãwã beasi? Idji oa egorod̶e erozoad̶aba jĩgua jara b̶ʌa mʌ̃a jipa cawa omãrẽã.
317	GEN 12:18	Maʌ̃neba dji boroba cawasia Saraira Abraʌ̃ quimada. Maʌ̃ bẽrã Abraʌ̃ra trʌ̃biped̶a jarasia: –¿Cãrẽ cãrẽã mʌ̃́a jaraẽ́ basi Saraira bʌ quimada? ¿Cãrẽ cãrẽã bʌ djabawẽrãana asi? Mʌ̃a bʌ quimara berara edasia. ¿Cãrẽ cãrẽã mʌ̃ra jãwã osi? Za b̶ʌa bʌ quimara. Edaped̶a isabe wãdua.–
363	GEN 15:2	Maʌ̃ne Abraʌ̃ba jarasia: –Ay, Ãcõrẽ, ¿cãrẽ cãrẽã mʌ̃ra ne bara b̶ʌi? Mʌ̃ra warra sid̶a neẽ́ b̶ʌa. Mʌ̃ beud̶acarea mʌ̃a erob̶ʌra mʌ̃ nezoca Elieze Damasco purud̶ebemaba jũma edaya.–
390	GEN 16:8	Maʌ̃ne Ãcõrẽ nezoca bajãnebemaba Agaraa iwid̶isia: –Agara, Sarai nezocawẽrã, ¿bʌra sãmaʌba zebʌrʌ? ¿Sãmaa wã?– Agaraba panusia: –Mʌ̃ra mʌ̃ boro Sarai ume b̶ad̶ada mĩrũ wãa.–
415	GEN 17:17	Maʌ̃be Abrahaʌ̃ba Ãcõrẽra waya b̶ʌ bẽrã chĩrãborod̶e cob̶eped̶a idji dratura egorod̶e b̶arru tẽũ cob̶esia. Baribʌrʌ ipid̶asia. Idji sod̶e crĩchasia: “Ẽberã cien poa b̶ʌba ¿sãwã warrada oi? Sara noventa poa b̶ʌda ¿sãwã mãwã b̶iogoa b̶ei?”
438	GEN 18:13	Maʌ̃ bẽrã Ãcõrẽba Abrahaʌ̃a jarasia: –¿Cãrẽ cãrẽã Sarara ipid̶asi? ¿Cãrẽ cãrẽã crĩcha b̶ʌ idji djora b̶ʌba warrara poya toẽ́da?
439	GEN 18:14	¿Mʌ̃a ne jũma poya o b̶ʌẽ́ca? Mʌ̃a jarad̶a quĩrãca za zei poad̶e mʌ̃ra bʌmaa wayacusa zeya. Maʌ̃ ewarid̶e Saraba umaquĩrã warrada to erob̶aya.–
448	GEN 18:23	Abrahaʌ̃ra Ãcõrẽ caitaara wãped̶a jarasia: –Bʌa Sodomanebemarã cawa obʌrʌd̶e, ¿ẽberã jipa b̶eada dji cadjiruarã ume ãbaa quinibica?
449	GEN 18:24	Jãʌ̃ purud̶e ẽberã jipa b̶eada cincuenta panʌbʌrʌ, ¿bʌa ãdji purura jũma ãrĩca? Bʌa maʌ̃ cincuenta ẽberã jipa b̶ea carea ¿ãdji puru ãrĩ crĩcha b̶ʌra idu b̶ʌẽ́ca?
463	GEN 19:5	Maʌ̃be dajadaareba Loa b̶ia iwid̶isid̶aa: –Naʌ̃ diamasi ẽberã bʌmaa zeped̶ad̶ara ¿sãma panʌ? Dajadaa enedua dairãra ãdji ume cãĩni carea.–
467	GEN 19:9	Maʌ̃ne purud̶ebemarãba jarasid̶aa: –Bʌra drua ãĩba dai purud̶e b̶ad̶e zesia. Maʌ̃ba id̶ira ¿dairãra jãwã quẽã b̶ʌca? ¡Ãyã wãdua! Bʌda ãyã wãẽ́bʌrʌ, daiba ãdji cãyãbara bʌda cadjiruaara od̶ia.– Ara maʌ̃da Lora chãtad̶aped̶a dji ed̶a wãbada ãrĩni carea panasid̶aa.
470	GEN 19:12	Maʌ̃be bajãnebema nezocarã Lo ded̶e panʌba idjía jarasid̶aa: –Naʌ̃ purud̶e ¿bʌa ẽberãrãda dewara erob̶ʌca? Bʌ warrarã, bʌ caurã, bʌ wigurã, idjab̶a jũma naʌ̃ purud̶e erob̶ʌ sid̶a namabemada ãyã ededua.
478	GEN 19:20	Nama caita puru zaqueda b̶ʌa. ¿Mʌ̃ra mamaa mĩrũ wãida b̶ʌca? Dji purura wãrãda caibe quirua. ¿Bãrãba maʌ̃gʌra ãrĩnaẽ́ame? Mʌ̃ra mamaa idu wãbid̶adua beu amaaba.–
587	GEN 23:15	–Mʌ̃ boro, ũrĩdua. Dji ẽjũãra nẽdobueida b̶ʌa cuatrociento parata torrobari, baribʌrʌ ¿dadjimaarã maʌ̃da parataca? Bʌ quimara tʌb̶aridua.–
615	GEN 24:23	Maʌ̃ne iwid̶isia: –¿Bʌra cai cau? Mʌ̃ djuburia jaradua, ¿bʌ zeza dera bari b̶ʌca dai cãĩni carea?–
623	GEN 24:31	Maʌ̃ne Labaʌ̃ba jarasia: –Ãcõrẽba careba b̶ʌ ẽberã, mʌ̃ diguid̶aa zedua. Bʌra ¿cãrẽ cãrẽã puru dajada b̶ʌ? Mʌ̃ dera b̶ʌa bʌ cãĩmãrẽã idjab̶a bʌ cameyo panani sid̶a b̶ʌa.–
703	GEN 26:10	Abimeleba jarasia: –¿Cãrẽ cãrẽã jãwã osi? Mʌ̃ purud̶ebemarã ab̶aʌda bʌ quima ume cãĩnabara, bʌabʌrʌ daia maʌ̃ cadjiruara obicasia.–
746	GEN 27:18	Idji zezamaa wãped̶a Jacoboba jarasia: –¡Zeza!– Isaba panusia: –¿Cãrẽ, warra? Bʌra ¿caida mãwã b̶ʌ?–
761	GEN 27:33	Isaba maʌ̃ ũrĩbʌrʌd̶e dauperaped̶a ure nũmesia. Maʌ̃ne jarasia: –Mãẽteara ¿caida bʌ na ze b̶asi? Idjia bead̶ara mʌ̃́a diasia. Maʌ̃da mʌ̃a jũma cosia bʌ zei naẽna. Mʌ̃a idjira bia jara b̶ʌsia. Maʌ̃ bẽrã idjidrʌ bia b̶aya.–
766	GEN 27:38	Maʌ̃ne Esaúba dji zezaa b̶ia iwid̶isia: –Zeza, bʌa ¿ab̶abe idjidrʌ poya bia jara b̶ʌica? ¡Ay, zeza, mʌ̃ sid̶a bia jara b̶ʌdua!– Mãwã jara b̶ʌd̶e Esaúra bio jĩã nũmasia.
821	GEN 29:25	Nurẽma Jacoboba unusia Leadrʌ idji cʌd̶ad̶e b̶ʌda. Maʌ̃ carea Labaʌ̃maa wãped̶a jarasia: –¿Cãrẽ cãrẽã bʌa mʌ̃ra jãwã osi? ¿Mʌ̃ra Raquel carea bʌ itea bari trajaẽ́ basica? ¿Cãrẽ cãrẽã mʌ̃ra cũrũgasi?–
833	GEN 30:2	Maʌ̃ carea Jacobora Raquel ume quĩrũped̶a jarasia: –¿Mãwãra mʌ̃da Ãcõrẽca? Idjiabʌrʌ bʌra warra idu unubiẽ́ b̶ʌa.–
846	GEN 30:15	Maʌ̃ne Leaba jarasia: –¿Ya bia b̶ʌẽ́ca bʌa mʌ̃ quima jãrĩnada? Maʌ̃ awara ¿bʌa mʌ̃ warra mandragojõ sid̶a jãrĩca?– Raquelba panusia: –Bʌ warra mandragojõda mʌ̃́a diasira nane diamasi Jacobora bʌ ume cãĩya.– Raquelba jarad̶ara Leaba bia ũrĩsia.
900	GEN 31:26	Maʌ̃be Labaʌ̃ba Jacoboa jarasia: –¿Cãrẽ cãrẽã bʌa mʌ̃ra cũrũgasi? Bʌa mʌ̃ caurãra namaa enesia djõbadarãba ãdjia poyaped̶ad̶ara jida edebada quĩrãca. ¿Cãrẽ cãrẽã jãwã osi?
901	GEN 31:27	Bʌ wãira mʌ̃́a jaraẽ́ basía. ¿Cãrẽ cãrẽã jãwã chupea wãsi? Bʌa jarad̶abara mʌ̃a b̶ʌsrid̶a ewarida ocasia. Trʌ̃ãbiba, tõnõãba, arpa bid̶a b̶ʌsrid̶ada ocasid̶aa.
910	GEN 31:36	Maʌ̃ carea Jacobora quĩrũped̶a jarasia: –¿Cãrẽ cadjiruada od̶a bẽrã bʌa mʌ̃ra jãcua ẽpẽ b̶ʌ?
911	GEN 31:37	Bʌa mʌ̃ netatara ab̶ed̶a jũma ware acʌsia. Dai ded̶e ¿bʌreda unusica? Mʌ̃a drʌad̶ada unusibʌrʌ, jũmarãa ebud̶a acʌbidua. Mãwã ãdjirãba poya cawa jarad̶ia dadji umébemarã caida jipa b̶ʌda.
917	GEN 31:43	Maʌ̃ ũrĩped̶a Labaʌ̃ba Jacoboa jarasia: –Naʌ̃ wẽrãrãda mʌ̃ caurãa, naʌ̃ warrarãda mʌ̃ wiuzaquerãa, za b̶ea ovejara mʌ̃rea. Za bʌa unu b̶ʌra jũma mʌ̃rea. Mãwãmĩna mʌ̃ caurãra, ãdjia toped̶ad̶a warrarã sid̶a ¿mʌ̃a sãwã oi?
958	GEN 32:30	Maʌ̃be Jacoboba jarasia: –Jãʌ̃be mʌ̃ djuburia bʌ trʌ̃ra jaradua.– Dji ẽberãba panusia: –¿Cãrẽ cãrẽã mʌ̃ trʌ̃ra iwid̶i b̶ʌ? Mʌ̃ trʌ̃ra mʌ̃a bʌ́a jaraẽ́a.– Mama dji ẽberãba Jacobora bia jara b̶ʌsia.
1092	GEN 37:8	Maʌ̃ carea Jose djabarãba quĩrũbid̶eba nãwã jarasid̶aa: –Mãwãra ¿bʌra dai boroda b̶eica? ¿Daira bʌ jʌwaed̶a erob̶aica?– Joseba maʌ̃ cãĩmocarad̶eba ãdjirã boro baida nẽbʌrʌd̶a carea dji djabarãba idjira wetara quĩrãmasid̶aa.
1094	GEN 37:10	Joseba idji djabarãa nẽbʌrʌd̶acarea dji zezaa bid̶a nẽbʌrʌsia. Maʌ̃ bẽrã idji zezaba idjira nãwã quẽãsia: –Maʌ̃ cãĩmocarad̶eba bʌa ¿cãrẽda jara b̶ʌ? Mãwãra ¿bʌ papara, bʌ djabarãra, mʌ̃ sid̶a bʌ quĩrãpita chĩrãborod̶e b̶arru copanenica?–
1110	GEN 37:26	Maʌ̃ne Judaba idji djabarãa jarasia: –Dadji djabada bead̶aped̶a mẽrãnibʌrʌ, maʌ̃ba ¿cãrẽ biada edad̶i?
1159	GEN 39:9	Naʌ̃ ded̶e nezoca mʌ̃ cãyãbara dji dromaara b̶ʌra neẽ́a. Mʌ̃ boroba jũma naʌ̃ ded̶e b̶ʌra mʌ̃ jʌwad̶e b̶ʌsia. Ab̶abe bʌdrʌ mʌ̃ jʌwad̶e b̶ʌẽ́ b̶ʌa, idji quima bẽrã. Maʌ̃ cadjirua waib̶ʌada mʌ̃a ¿cãrẽã oi? ¡Mãwã oibʌrʌ Ãcõrẽ quĩrãpita cadjiruada oya!–
1254	GEN 42:1	Maʌ̃ ewarid̶e Jose zeza Jacobora wad̶i Canaaʌ̃ druad̶e b̶abadjia. Jacoboba cawasia Egipto druad̶e trigora baraada. Maʌ̃ bẽrã idji warrarãa nãwã jarasia: –Mʌ̃a ũrĩsia Egiptod̶e trigora baraada. ¿Cãrẽda jʌ̃ã panʌ? Jãmaa nẽdod̶e wãnadua dadjirãba cod̶i carea. Mãwã dadjirãra jarrababa beud̶aẽ́a.–
1297	GEN 43:6	Maʌ̃ne Jacobo Israel abadaba iwid̶isia: –Bãrãba ¿cãrẽ cãrẽã maʌ̃ ẽberãa jarasid̶a dewara djabada eropanʌda? Maʌ̃ jaraped̶ad̶aba mʌ̃ra biẽ́ osid̶aa.–
1298	GEN 43:7	Ãdjirãba panusid̶aa: –Jãʌ̃ ẽberãba daia bio iwid̶isia daid̶ebemada, dai ẽberãrãnebema sid̶a. Nãwã iwid̶isia: “Bãrã zezara ¿wad̶i b̶ʌca? Bãrãba ¿dewara djabada eropanʌca?” Maʌ̃ bẽrã daiba idjía wãrãda jarasid̶aa. Daiba adua panasid̶aa idjia jaraida dai djaba eded̶amãrẽã.–
1318	GEN 43:27	Joseba ãdjía iwid̶isia sãwã panʌ cawaya. Maʌ̃ awara iwid̶isia: –Bãrã zezara ¿bia b̶ʌca? ¿Drõãra wad̶i b̶ʌca?–
1329	GEN 44:4	Ãdjira purud̶eba wad̶i tʌmʌ wãẽ́ panʌne Joseba idji nezocarã boroa jarasia: –Jãʌ̃ ẽberãrã caid̶u wãdua. Jidad̶e wãsira nãwã jaradua: “¿Cãrẽneba mʌ̃ boroba bãrãra biẽ́ od̶a bẽrã bãrãba jãwã idjira biẽ́ osid̶a? ¿Cãrẽ cãrẽã bãrãba idji taza parata od̶ara drʌasid̶a?
1332	GEN 44:7	Maʌ̃ne dji djabarãba jarasid̶aa: –¿Cãrẽ cãrẽã dadji boroba mãwã jara b̶ʌ? Dairãra ne drʌad̶acaa.
1333	GEN 44:8	Acʌdua, parata dai sacod̶e b̶ad̶ada daiba ununaped̶a Canaaʌ̃ druad̶eba jẽda enesid̶aa. Mãwã daiba jipa osid̶abʌrʌ ¿cãrẽ cãrẽã bʌ boro paratara wa oro sid̶a drʌad̶i?
1340	GEN 44:15	Maʌ̃be Joseba ãdjirãa jarasia: –Bãrãba ¿cãrẽ cãrẽã mʌ̃ tazara jãwã drʌasid̶a? ¿Bãrãba adua panʌca ne cawaiẽ́ b̶eada mʌ̃a cawabarida?–
1341	GEN 44:16	Judaba panusia: –Dai boro, ¿cãrẽda jarad̶i? ¿Sãwã jarad̶i daira bed̶ead̶e panʌẽ́da? Jũma daiba biẽ́ oped̶ad̶a carea Ãcõrẽba cawa obʌrʌa. Dairãra bʌ jʌwaed̶a panʌa. Bʌ nezocarã bad̶ia, idjab̶a bʌ taza drʌa erob̶ad̶a sid̶a bʌ nezoca baya.–
1359	GEN 44:34	¿Sãwã mʌ̃da dji cũdra neẽ́ mʌ̃ zezamaa wãi? Mʌ̃ zeza sopuaba biẽ́ b̶ʌda unu quĩrĩãẽ́ b̶ʌa.–
1483	GEN 49:9	Juda, bʌra imama quĩrãca b̶ʌa. Imamara ne beaped̶a, ne coped̶a jãwũãbaria. Maʌ̃be egode chũmeped̶a ʌ̃nãũbaria. ¿Caiba idjira mĩã sẽi? Ara maʌ̃ quĩrãca bʌa ẽberãrãra poyaped̶a ʌ̃nãũya, dewararãba wayad̶i bẽrã.
1551	EXO 1:18	Maʌ̃ carea Egiptod̶ebema boroba ãdjira trʌ̃ped̶a iwid̶isia: –¿Cãrẽã bãrãba jãwã o panʌ? ¿Cãrẽã umaquĩrã warra zaquerãra zocai b̶ʌ panʌ?–
1569	EXO 2:14	Dji djõ jʌrʌd̶aba panusia: –¿Caiba bʌra dai boroda b̶ʌsi? ¿Caiba bʌra dai cawa obarida b̶ʌsi? ¿Mʌ̃ sid̶a bʌa beaida crĩcha b̶ʌca Egiptod̶ebema bead̶a quĩrãca?– Maʌ̃ ũrĩbʌrʌd̶e Moisera dauperasia cawad̶a bẽrã idji mĩã bead̶ara cawasid̶ada.
1575	EXO 2:20	Reuelba idji caurãa iwid̶isia: –¿Maʌ̃ ẽberãra sãma b̶ʌ? ¿Cãrẽ cãrẽã idjira b̶eesid̶a? Trʌ̃ne wãnadua ne cod̶e zemãrẽã.–
1583	EXO 3:3	Maʌ̃ carea crĩchasia: “¿Cãrẽda jãwã uruga nũmʌ? Caitaara acʌd̶e wãya sãwãẽrã jãwã baẽ́ b̶ʌ cawaya.”
1613	EXO 4:11	Baribʌrʌ Ãcõrẽba jarasia: –¿Caiba ẽberãrã itera osi? ¿Mʌ̃abʌrʌ oẽ́ basica ẽberãrã quĩrãme cara b̶eada, cʌwʌrʌ qui b̶eada, dau bia b̶eada, idjab̶a daub̶errea b̶ea sid̶a? Mʌ̃ra Ãcõrẽ bẽrã mãwã oida b̶ʌa.
1616	EXO 4:14	Maʌ̃ carea Ãcõrẽra Moise ume quĩrũsia. Nãwã jarasia: –¿Bʌ djaba Aaroʌ̃ Levid̶eba yõnada b̶ʌẽ́ca? Mʌ̃a cawa b̶ʌa idjira bia bed̶eabarida. Idjira bʌ acʌd̶e zebʌrʌa. Bʌ unubʌrʌd̶e idjira b̶ʌsrid̶aya.
1635	EXO 5:2	Maʌ̃ne Egiptod̶ebema boroba panusia: –¿Cai maʌ̃ Ãcõrẽ mãwã idjia israelerã idu wãbiduad̶a ad̶ara mʌ̃a ĩjãi carea? Mʌ̃a idjira adua b̶ʌa. Maʌ̃ bẽrã mʌ̃a bãrã israelerãra idu wãbiẽ́a.–
1637	EXO 5:4	Baribʌrʌ Egiptod̶ebema boroba jarasia: –¡Moise, Aaroʌ̃! Israelerãra zocãrã panʌa. ¿Cãrẽ cãrẽã bãrãba ãdjirã trajura obi ama panʌ? Bãrã israelerãra jũma trajad̶e wãbʌrʌd̶adua.–
1647	EXO 5:14	Idjab̶a dji traju obibada bororãba dji traja panʌ bororã israelerãda ubadjid̶aa ãdjia b̶ʌped̶ad̶amĩna. Dji traju obibada bororãba ãdjirãa iwid̶ibadjid̶aa: –¿Sãwãẽrã nuena, id̶i bid̶a bãrãba de obada mõgarara daucha od̶aẽ́ panʌ? Naẽna bãrãba ewariza daucha obadjid̶aa.–
1655	EXO 5:22	Maʌ̃be Moiseba Ãcõrẽa iwid̶isia: –¡Mʌ̃ Boro! ¿Cãrẽ cãrẽã bʌ purura biẽ́ o b̶ʌ? ¿Cãrẽ cãrẽã mʌ̃ra diabuesi?
1720	EXO 8:5	Moiseba panusia: –Bia b̶ʌa. Jaradua sãʌ̃be bʌa quĩrĩã b̶ʌda mʌ̃a Ãcõrẽa iwid̶ida bʌ carea, dji dromarã carea, idjab̶a bʌ druad̶ebemarã carea bid̶a. ¿Sãʌ̃be quĩrĩã b̶ʌ mʌ̃a Ãcõrẽa iwid̶ida naʌ̃ baujĩãra bʌd̶ebemada, bʌ diguid̶abema sid̶a jõbimãrẽã? Iwid̶isira ab̶abe doed̶abʌrʌ baujĩãra baraa baya.–
1737	EXO 8:22	Baribʌrʌ Moiseba panusia: –Dairãba naʌ̃ Egipto druad̶e mãwã poya od̶aẽ́a, animarã dairãba Ãcõrẽa babue diad̶ida panʌra bãrã egiptorãba idu babue diabid̶aca bẽrã. Maʌ̃ animarãda bãrã quĩrãpita Ãcõrẽa babue diad̶ibʌrʌ, ¿bãrãba dairãra mõgaraba tab̶ari bead̶aẽ́ca?
1781	EXO 10:3	Ara maʌ̃da Moisera Aaroʌ̃ sid̶a Egiptod̶ebema boromaa wãnaped̶a nãwã jarasid̶aa: –Dai hebreorã Ãcõrẽba nãwã jara b̶ʌa: “¿Bʌa sãʌ̃bebʌrʌ mʌ̃ra wayai? Mʌ̃ purura idu wãbidua mʌ̃́a animarãda babue diad̶amãrẽã.
1785	EXO 10:7	Maʌ̃be Egiptod̶ebema dji dromarãba dji boroa jarasid̶aa: –¿Bʌa wad̶ibid̶a jãʌ̃ ẽberãa idu dadjirãra mĩã sẽbi b̶aica? Israelerãra idu wãbidua ãdji Ãcõrẽa animarãda babue diad̶amãrẽã. ¿Bʌa wad̶ibid̶a adua b̶ʌca Egipto druara jũma ãrĩbʌrʌda?–
1895	EXO 14:5	Maʌ̃ ewarid̶e Egiptod̶ebema boroa israelerã mĩrũ wãsid̶ada jarasid̶aa. Maʌ̃ne idjia, dji dromarã bid̶a israelerã idu wãbiped̶ad̶ada jẽda crĩchasid̶aa. Nãwã jarasid̶aa: “¿Cãrẽ cãrẽã jãwã israelerãra idu wãbisid̶a? Dadjirãba õgo trajabibadara neẽ́ panesid̶aa.”
1901	EXO 14:11	Maʌ̃ne ãdjirãba Moisea jarasid̶aa: –¿Bʌa cãrẽ cãrẽã jãwã osi? ¿Cãrẽ cãrẽã Egiptod̶eba dairãra nama pe enesi? ¿Egiptod̶e dairã joud̶i carea ẽjũãra neẽ́ basica? ¿Bʌa dairãra naʌ̃ ẽjũã põãsa ewaraga b̶ʌd̶e beubi carea enesica?
1902	EXO 14:12	¿Egiptod̶e panasid̶ad̶e dairãba bʌ́a egiptorã itea idu trajabiduad̶a ad̶aẽ́ basica? Naʌ̃ ẽjũã põãsa ewaraga b̶ʌd̶e beud̶i cãyãbara biara b̶acasia egiptorã nezocarãda b̶ead̶ida.–
1905	EXO 14:15	Maʌ̃be Ãcõrẽba Moisea jarasia: –¿Bʌa cãrẽ cãrẽã wad̶ibid̶a mʌ̃́a quĩrã djuburiada iwid̶i b̶ʌ? Israelerãa jaradua nocod̶aa wãnamãrẽã.
1954	EXO 16:6	Maʌ̃be Moiseba Aaroʌ̃ ume israelerãa jarasid̶aa: –¿Daira mãwãra cai, bãrãba mãwã daidrʌ biẽ́ jarad̶i carea? Bãrãba daida biẽ́ jara panʌẽ́a; Ãcõrẽdrʌ biẽ́ jara panʌa. Idjia maʌ̃ra ũrĩ b̶ʌa. Maʌ̃ carea nane quewara idjia bãrãa cawabiya idjiabʌrʌ bãrãra Egiptod̶eba nama ẽdrʌ enesida. Idjab̶a nu diaped̶a bãrãba ununia idjia ne ununaca waib̶ʌada obʌrʌda. Nane quewara idjia nedjarada diaya idjab̶a nu diaped̶a paʌ̃da ad̶uba diaya bãrãra jãwũã ne cod̶amãrẽã.–
1976	EXO 16:28	Maʌ̃ carea Ãcõrẽba Moisea jarasia: –¿Ab̶a sãʌ̃be israelerãba mʌ̃a jara b̶ʌra ĩjãnaẽ́ panani?
1986	EXO 17:2	Maʌ̃ bẽrã ãdjirãba quĩrũbid̶eba Moiseda biẽ́ jarasid̶aa: –Bʌa dairãa baidora diaida b̶ʌa dod̶i carea.– Maʌ̃ne Moiseba ãdjirãa jarasia: –¿Cãrẽ cãrẽã jãwã mʌ̃́a biẽ́ bed̶ea panʌ? ¿Ãcõrẽba sãwã oi cawaya jãwã panʌca?–
1987	EXO 17:3	Baribʌrʌ israelerã opichia panʌ bẽrã quĩrũbid̶eba Moisea jara duanasia: –¿Cãrẽ cãrẽã dairãra Egiptod̶eba ẽdrʌ enesi? Dairãra, dai warrarãra, idjab̶a dai animarã sid̶a opichiaba jũma quininia.–
1988	EXO 17:4	Maʌ̃ne Moiseba Ãcõrẽa quĩrã djuburiada nãwã iwid̶isia: –Mʌ̃a naʌ̃ ẽberãrãra ¿sãwã oi? Mʌ̃a isabe baidoda diaẽ́bʌrʌ ãdjirãba mʌ̃ra mõgaraba tab̶ari bead̶ia.–
2014	EXO 18:14	Moise zãwãrẽba maʌ̃ unusid̶e idjía jarasia: –¿Cãrẽ cãrẽã jãwã bʌdub̶aʌba naʌ̃ ẽberãrã nẽbʌrara cawa o b̶ʌ? Bʌdub̶a b̶ʌ bẽrã ãdjirãra bʌma ʌ̃ta powua duanʌa diaped̶abemada ab̶a queubʌrʌd̶aa.–
2450	EXO 32:11	Mãwãmĩna Moiseba idji Ãcõrẽa bed̶ea djuburiasia. Nãwã jarasia: –Ay, Ãcõrẽ, bʌ quĩrũbid̶eba bʌ puru Egiptod̶eba enenara mãwã orãdua. ¿Bʌ ʌb̶ʌa waib̶ʌa b̶ʌd̶eba maʌ̃ purura Egiptod̶eba ẽdrʌ enesiẽ́ca?
2451	EXO 32:12	Ãdjirãda mãwã quinibibʌrʌ egiptorãba jarad̶ia bʌa israelerãra ẽdrʌ enesida biẽ́ oi carea. Jarad̶ia naʌ̃ eyad̶aa enesida quenai carea ni ab̶aʌ ãdjid̶ebemada naʌ̃ ẽjũãne b̶erãmãrẽã. ¿Bʌa quĩrĩã b̶ʌca egiptorãba mãwã jarad̶ida? Maʌ̃ bẽrã bʌ quĩrũbira tumadua. Bʌ puru quinibi crĩcha erob̶ʌra quĩrãdoadua.
2490	EXO 33:16	Bʌda dairã ume wãẽ́bʌrʌ, ¿dewararãba sãwã cawad̶i mʌ̃da, bʌ puru sid̶a bʌa bia unu b̶ʌda? ¿Sãwã cawad̶i dairãra jũma naʌ̃ ẽjũãne b̶ea puru cãyãbara awara panʌda?–
4036	NUM 11:11	Maʌ̃ carea Moiseba Ãcõrẽa jarasia: –Mʌ̃ra bʌ nezocaa. Maʌ̃da ¿cãrẽ cãrẽã bʌa mʌ̃ra jãwã biẽ́ o b̶ʌ? ¿Mʌ̃a cãrẽda bʌ quĩrãpita biẽ́ od̶a bẽrã bʌa jãwã naʌ̃ purura mʌ̃ jʌwad̶e b̶ʌsi?
4037	NUM 11:12	¿Mʌ̃ra ãdji papaca? ¿Mʌ̃abʌrʌ ãdjirãra tocuasica? Mãwãra ¿cãrẽ cãrẽã jara b̶ʌ ãdjirãra bʌa ãdji drõã naẽnabemarãa diai jarad̶a druad̶aa edemãrẽã daupẽbariba warra jʌwad̶e bara edebari quĩrãca?
4038	NUM 11:13	Naʌ̃ ẽberãrã jĩã panʌba mʌ̃́a jara panʌa: “Dairãa nedjarada cod̶i carea diadua.” Baribʌrʌ mʌ̃a ¿sãma nedjarada edai ãdjirãa diai carea?
4048	NUM 11:23	Ãcõrẽba Moisea jarasia: –¿Mʌ̃a jũma poya oẽ́ca? Id̶i bʌa unuya mʌ̃a jarad̶ara poya oida wa poya oẽ́da.–
4054	NUM 11:29	Moiseba jarasia: –¿Bʌa crĩcha b̶ʌca ab̶abe mʌ̃abʌrʌ Ãcõrẽ Jaurera erob̶aida b̶ʌda? Mʌ̃maarã bia b̶acasia Ãcõrẽba idji Jaureda jũmarãa diabʌrʌbara idjab̶a jũmarãda idjid̶eba bed̶eabʌdabara.–
4062	NUM 12:2	Ãdjia nãwã jarasid̶aa: –¿Ãcõrẽra ab̶abe Moised̶eba bed̶eabarica? ¿Dadjid̶eba bid̶a bed̶eacaca?– Mãwã bed̶ea panʌra Ãcõrẽba biẽ́ ũrĩsia. (
4074	NUM 12:14	Ãcõrẽba panusia: –Idji zezaba cawa obʌrʌd̶e idji quĩrãdarrad̶e id̶od̶abara, ¿siete ewari puru jĩga b̶ʌd̶aẽ́ bacasid̶aca quĩrã peramãrẽã? Ara maʌ̃ quĩrãca bãrãba idjira siete ewari puru jĩga b̶ʌd̶ida panʌa. Mãwãnacarea poya jẽda zeya.
4112	NUM 14:3	¿Ãcõrẽba cãrẽ cãrẽã dairãra maʌ̃ druad̶aa edebʌrʌ? ¿Mama djõ panʌne maʌ̃ druad̶ebemarãba dairãra quenanamãrẽã edebʌrʌca? ¿Dai wẽrãrãra, warrarã sid̶a maʌ̃ ẽberãrãba ara ãdjirã itea jidad̶amãrẽã edebʌrʌca? ¿Egiptod̶aa jẽda wãnida biara b̶ʌẽ́ca?–
4136	NUM 14:27	–¿Ab̶a sãʌ̃be naʌ̃ puru cadjiruaba mʌ̃ra biẽ́ jara panani? Mʌ̃a ũrĩ b̶ʌa ãdjia mʌ̃da biẽ́ jara panabadada.
4150	NUM 14:41	Baribʌrʌ Moiseba jarasia: –¿Bãrãba cãrẽ cãrẽã Ãcõrẽba jarad̶ara ĩjãnaẽ́? Bãrãda Canaaʌ̃ druad̶aa wãnibʌrʌ, bia wãnaẽ́a.
4204	NUM 16:9	Dadji israelerã Ãcõrẽba bãrãdrʌ awara b̶ʌsia idji caita poya wãnamãrẽã. Mãwã israelerãba Ãcõrẽa animarã babue diad̶e wãbʌdad̶e bãrãbʌrʌ ãdjirãra carebabadaa idjab̶a dadjirã nocod̶aa wãbʌdad̶e Ãcõrẽ wua dera edebadaa. ¿Ara maʌ̃ba bia b̶ʌẽ́ca?
4206	NUM 16:11	Maʌ̃ bẽrã bʌa, bʌare b̶ea bid̶a Ãcõrẽra igara panʌa. ¿Cãrẽ cãrẽã Aaroʌ̃ra biẽ́ jara panʌ? ¿Aaroʌ̃ra bed̶ead̶e b̶ʌca Ãcõrẽba idji sacerdote bamãrẽã b̶ʌd̶a bẽrã?–
4208	NUM 16:13	Bʌa daira drua biad̶eba ẽdrʌ enesia. Maʌ̃ druad̶ebʌrʌ baridua ne uped̶ad̶ara bia zaubaria. Bʌa daira naʌ̃ ẽjũã põãsa ewaraga b̶ʌd̶e jũma quinibibʌrʌa. Maʌ̃da ¿bʌra wad̶ibid̶a dai boroda b̶a quĩrĩã b̶ʌca?
4209	NUM 16:14	Bʌa drua biad̶aa edeyad̶a asia. Maʌ̃ druad̶e baridua ne uped̶ad̶ara bia zaubariad̶a asia. Baribʌrʌ bʌa daira mamaa edeẽ́ tab̶ʌa. Ẽjũãda, uva bara b̶ʌ ẽjũã sid̶a diaẽ́ tab̶ʌa. ¿Bʌa wad̶ibid̶a daira cũrũga quĩrĩã b̶ʌca? Daira bʌmaa wãnaẽ́a.–
4316	NUM 20:4	¿Bãrãba cãrẽ cãrẽã dairã, Ãcõrẽ purura naʌ̃ ẽjũã põãsa ewaraga b̶ʌd̶aa enesid̶aa? ¿Dairãra dai animarã sid̶a nama beud̶amãrẽã enesid̶aca?
4317	NUM 20:5	¿Cãrẽ cãrẽã Egiptod̶eba naʌ̃ ẽjũã biẽ́ tab̶ʌd̶aa enesid̶a? ¡Nama poya ne ucara tab̶ʌa! ¡Higojõda, uvada, granadajõ sid̶a neẽ́ tab̶ʌa! ¡Baido sid̶a neẽ́ tab̶ʌa!–
4346	NUM 21:5	Maʌ̃ carea Ãcõrẽda, Moise sid̶a nãwã biẽ́ jara duanesid̶aa: –¿Bʌa dairãra Egiptod̶eba ẽdrʌ enesica naʌ̃ ẽjũã põãsa ewaraga b̶ʌd̶e quininamãrẽã? Cod̶ira neẽ́a. Baido sid̶a neẽ́a. Idjab̶a naʌ̃ maná warraẽ́ tab̶ʌ co panʌba sẽ panʌa.–
4385	NUM 22:9	Maʌ̃ diamasi Ãcõrẽra Balaaʌ̃ma odjaped̶a nãwã iwid̶isia: –¿Ẽberãrã bʌ ded̶e panʌra cairãda jãwã panʌ?
4408	NUM 22:32	Ãcõrẽ nezoca bajãnebemaba Balaaʌ̃a jarasia: –¿Bʌa cãrẽ cãrẽã bʌ burrora b̶arima ũbea usí? Mʌ̃abʌrʌ ora jũãtrʌ erob̶ʌa bʌ nocod̶aa wãrãmãrẽã. Bʌa od̶e wãbʌrʌra mʌ̃a quĩrĩãẽ́a.
4413	NUM 22:37	Balaaʌ̃ jũẽsid̶e Balába idjía jarasia: –Mʌ̃a bʌ naãrã trʌ̃bisid̶e ¿cãrẽ cãrẽã isabe zeẽ́ basi? ¿Mʌ̃a paratada waib̶ʌa poya diaẽ́da crĩcha b̶asica?–
4425	NUM 23:8	Mãwãmĩna Ãcõrẽba bia jara b̶ʌd̶a ẽberãrãda ¿mʌ̃a sãwã biẽ́ jara b̶ʌi? Ãcõrẽba bia o b̶ʌd̶a ẽberãrãda ¿mʌ̃a sãwã biẽ́ o b̶ʌi?
4427	NUM 23:10	Jacobod̶eba yõped̶ad̶arãra ĩbʌ quĩrãca zocãrã panʌ bẽrã ni ab̶aʌba ãdjirãra poya juachad̶aẽ́a. ¿Caiba israelerãra maãrĩ poya juachai? Jãʌ̃ ẽberãrã jipa b̶ea beubʌdad̶e bid̶a bia b̶ead̶ia. Mʌ̃ beubʌrʌd̶e ara ãdji quĩrãca b̶e quĩrĩã b̶ʌa.
4428	NUM 23:11	Balaaʌ̃ mãwã bed̶eabʌrʌ carea Balába quĩrũbid̶eba jarasia: –¿Bʌa cãrẽda jara b̶ʌ? Mʌ̃a bʌra zebisia mʌ̃ ume dji quĩrũda biẽ́ jara b̶ʌmãrẽã. Baribʌrʌ bʌa ãdjirãra bia jara b̶ʌa.–
4443	NUM 23:26	Maʌ̃ne Balaaʌ̃ba panusia: –¿Mʌ̃a ab̶abe Ãcõrẽba jarabid̶adrʌ jaraida b̶ʌad̶a asiẽ́ca?
4456	NUM 24:9	Imamara egode chũmeped̶a ʌ̃nãũbaria. ¿Caiba idjira mĩã sẽi? Ara maʌ̃ quĩrãca Israel puruba ẽberãrãra poyaped̶a ʌ̃nãũya, dewararãba wayad̶i bẽrã. Jũma israelerã bia jara panʌ ẽberãrãra Ãcõrẽba carebaya. Baribʌrʌ jũma ãdji biẽ́ jara panʌra Ãcõrẽba biẽ́ b̶ʌya.
4470	NUM 24:23	Maʌ̃ awara Balaaʌ̃ra nãwã bed̶easia: Ay, ¿caida zocai b̶ei Ãcõrẽba jũma nãwã obʌrʌd̶e?