2	GEN 1:2	Forsothe the erthe was idel and voide, and derknessis weren on the face of depthe; and the Spiryt of the Lord was borun on the watris.
9	GEN 1:9	Forsothe God seide, The watris, that ben vndur heuene, be gaderid in to o place, and a drie place appere; and it was doon so.
14	GEN 1:14	Forsothe God seide, Liytis be maad in the firmament of heuene, and departe tho the dai and niyt; and be tho in to signes, and tymes, and daies, and yeeris;
36	GEN 2:5	and ech litil tre of erthe bifore that it sprong out in erthe; and he made ech erbe of the feeld bifore that it buriownede. For the Lord God had not reyned on erthe, and no man was that wrouyte erthe;
39	GEN 2:8	Forsothe the Lord God plauntide at the bigynnyng paradis of likyng, wherynne he settide man whom he hadde formed.
42	GEN 2:11	The name of the o ryuer is Fyson, thilke it is that cumpassith al the lond of Euilath, where gold cometh forth,
51	GEN 2:20	And Adam clepide bi her names alle lyuynge thingis, and alle volatils, and alle vnresonable beestis of erthe. Forsothe to Adam was not foundun an helpere lijk hym.
56	GEN 2:25	Forsothe euer eithir was nakid, that is, Adam and his wijf, and thei weren not aschamed.
60	GEN 3:4	Forsothe the serpent seide to the womman, ye schulen not die bi deeth;
70	GEN 3:14	And the Lord God seide to the serpent, For thou didist this, thou schalt be cursid among alle lyuynge thingis and vnresonable beestis of erthe; thou schalt go on thi brest, and thou schalt ete erthe in alle daies of thi liif;
73	GEN 3:17	Sothely God seyde to Adam, For thou herdist the voys of thi wijf, and hast ete of the tree, of which Y comaundide to thee that thou schuldist not ete, the erthe schal be cursid in thi werk; in traueylis thou schalt ete therof in alle daies of thi lijf;
81	GEN 4:1	Forsothe Adam knewe Eue his wijf, which conseyuede, and childide Cayn, and seide, Y haue gete a man bi God.
82	GEN 4:2	And efte sche childide his brother Abel. Forsothe Abel was a kepere of scheep, and Cayn was an erthe tilyere.
97	GEN 4:17	Forsothe Cayn knewe his wiif, which conseyuede, and childide Enoth; and Cayn bildide a citee, and clepide the name therof of the name of hise sone Enoth.
98	GEN 4:18	Forsothe Enoth gendride Irad, and Irad gendride Manyael, and Manyael gendride Matusael, and Matusael gendride Lameth;
109	GEN 5:3	Forsothe Adam lyuede an hundrid yeer and thretti, and gendride a sone to his ymage and liknesse, and clepide his name Seth.
115	GEN 5:9	Forsothe Enos lyuede nynti yeer, and gendride Caynan;
121	GEN 5:15	Forsothe Malalehel lyuede sixti yeer and fyue, and gendride Jared.
127	GEN 5:21	Forsothe Enoth lyuede fyue and sixti yeer, and gendride Matusalem.
134	GEN 5:28	Forsothe Lameth lyuede an hundrid and `fourscoor yeer and two, and gendride a sone;
139	GEN 6:1	Forsothe Noe whanne he was of fyue hundrid yeer gendride Sem, Cham, and Jafeth. And whanne men bigunnen to be multiplied on erthe, and hadden gendrid douytris,
146	GEN 6:8	Forsothe Noe foond grace bifore the Lord.
149	GEN 6:11	Forsothe the erthe was corrupt bifore God, and was fillid with wickidnes.
164	GEN 7:4	For yit and aftir seuene daies Y schal reyne on erthe fourti daies and fourti nyytis, and Y schal do awey al substaunce which Y made, fro the face of erthe.
178	GEN 7:18	The watris flowiden greetli, and filliden alle thingis in the face of erthe. Forsothe the schip was borun on the watris.
183	GEN 7:23	And God dide awei al substaunce that was on erthe, fro man til to beeste, as wel a crepynge beeste as the briddis of heuene; and tho weren doon awei fro erthe. Forsothe Noe dwellide aloone, and thei that weren with hym in the schip.
185	GEN 8:1	Forsothe the Lord hadde mynde of Noe, and of alle lyuynge beestis, and of alle werk beestis, that weren with hym in the schip; and brouyte a wynd on the erthe.
204	GEN 8:20	Forsothe Noe bildide an auter to the Lord, and he took of alle clene beestis and briddis, and offride brent sacrifices on the auter.
213	GEN 9:7	Forsothe encreesse ye, and be ye multiplied, and entre ye on erthe, and fille ye it, Also the Lord seide thes thingis to Noe,
234	GEN 9:28	Forsothe Noe lyuede aftir the greet flood thre hundrid and fifti yeer;
238	GEN 10:3	Forsothe the sones of Gomer weren Asseneth, and Rifath, and Thogorma.
239	GEN 10:4	Forsothe the sones of Jauan weren Helisa, and Tharsis, Cethym, and Dodanym;
241	GEN 10:6	Sotheli the sones of Cham weren Thus, and Mesraym, and Futh, and Chanaan.
242	GEN 10:7	Forsothe the sones of Thus weren Saba, and Euila, and Sabatha, and Regma, and Sabatacha. The sones of Regma weren Saba, and Dadan.
243	GEN 10:8	Forsothe Thus gendride Nemroth; he bigan to be myyti in erthe,
248	GEN 10:13	And sotheli Mesraym gendride Ludym, and Anamym, and Laabym, Neptuym, and Ferrusym, and Cesluym;
249	GEN 10:14	of which the Filisteis and Capturym camen forth.
250	GEN 10:15	Forsothe Chanaan gendride Sidon, his firste gendride sone, Ethei, and Jebusei,
260	GEN 10:25	And twei sones weren borun to Heber, the name to o sone was Faleg, for the lond was departid in hise daies; and the name of his brothir was Jectan.
268	GEN 11:1	Forsothe the lond was of o langage, and of the same speche.
272	GEN 11:5	Forsothe the Lord cam down to se the citee and tour, which the sones of Adam bildiden.
279	GEN 11:12	Forsothe Arfaxath lyuede fyue and thretti yeer, and gendride Sale;
283	GEN 11:16	Sotheli Heber lyuede foure and thretti yeer, and gendride Falech;
284	GEN 11:17	and Heber lyuede aftir that he gendride Falech foure hundrid and thretti yeer, and gendride sones and douytris.
285	GEN 11:18	Also Falech lyuede thretti yeer, and gendride Reu;
286	GEN 11:19	and Falech lyuede aftir that he gendride Reu two hundrid and nyne yeer, and gendride sones and douytris.
291	GEN 11:24	Forsothe Nachor lyuede nyne and twenti yeer, and gendride Thare;
294	GEN 11:27	Sotheli these ben the generaciouns of Thare. Thare gendride Abram, Nachor, and Aran. Forsothe Aran gendride Loth;
296	GEN 11:29	Forsothe Abram and Nachor weddiden wyues; the name of the wijf of Abram was Saray, and the name of the wiif of Nachor was Melcha, the douyter of Aran, fadir of Melcha and fadir of Jescha.
300	GEN 12:1	Forsothe the Lord seide to Abram, Go thou out of thi lond, and of thi kynrede, and of the hous of thi fadir, and come thou in to the lond which Y schal schewe to thee;
305	GEN 12:6	Abram passide thorou the lond til to the place of Sichem, and til to the noble valey. Forsothe Chananei was thanne in the lond.
313	GEN 12:14	And so whanne Abram hadde entrid in to Egipt, Egipcians sien the womman that sche was ful fair; and the prynces telden to Farao, and preiseden hir anentis him;
314	GEN 12:15	and the womman was takun vp in to the hous of Farao.
315	GEN 12:16	Forsothe thei vsiden wel Abram for hir; and scheep, and oxun, and assis, and seruauntis, and seruauntessis, and sche assis, and camels weren to hym.
316	GEN 12:17	Forsothe the Lord beet Farao and his hous with moste veniaunces, for Saray, the wijf of Abram.
317	GEN 12:18	And Farao clepide Abram, and seide to hym, What is it that thou hast do to me? whi schewidist thou not to me, that sche was thi wijf?
319	GEN 12:20	And Farao comaundide to men on Abram, and thei ledden forth hym, and his wijf, and alle thingis that he hadde.
321	GEN 13:2	Forsothe he was ful riche in possessyoun of siluer and of gold.
326	GEN 13:7	Wherfor also strijf was maad bitwixe the keperis of flockis of Abram and of Loth. Forsothe Chananei and Feresei dwelliden in that lond in that tyme.
332	GEN 13:13	Forsothe men of Sodom weren ful wickid, and synneris greetly bifore the Lord.
338	GEN 14:1	Forsothe it was don in that tyme, that Amrafel, kyng of Sennaar, and Ariok, kyng of Ponte, and Chodorlaomor, kyng of Elemytis,
341	GEN 14:4	For in twelue yeer thei seruyden Chodorlaomor, and in the threttenthe yeer thei departiden fro hym.
343	GEN 14:6	and Choreis in the hillis of Seir, til to the feldi placis of Faran, which is in wildirnesse.
347	GEN 14:10	Forsothe the valey of the wode hadde many pittis of pitche; and so the kyng of Sodom and the kyng of Gomorre turneden the backis, and felden doun there; and thei that leften fledden to the hil.
352	GEN 14:15	And whanne his felowis weren departid, he felde on hem in the niyt, and he smoot hem, and pursuede hem `til to Hoba, and Fenyce, which is at the left side of Damask.
358	GEN 14:21	Forsothe the kyng of Sodom seide to Abram, Yyue thou the men to me; take thou othir thingis to thee.
376	GEN 15:15	Forsothe thou schalt go to thi fadris in pees, and schalt be biried in good age.
381	GEN 15:20	and Fereseis, and Raphaym, and Amorreis,
390	GEN 16:8	he seide to hir, Fro whennus comest thou Agar, the seruauntesse of Sarai, and whidur goist thou? Which answerde, Y fle fro the face of Sarai my ladi.
395	GEN 16:13	Forsothe Agar clepide the name of the Lord that spak to hir, Thou God that seiyest me; for sche seide, Forsothe here Y seiy the hynderere thingis of him that siy me.
399	GEN 17:1	Forsothe aftir that Abram bigan to be of nynti yeer and nyne, the Lord apperide to hym, and seide to him, Y am Almyyti God; go thou bifore me, and be thou perfit;
419	GEN 17:21	Forsothe Y schal make my couenaunt to Ysaac, whom Sare schal childe to thee in this tyme in the tother yeer.
421	GEN 17:23	Forsothe Abraham took Ismael, his sone, and alle the borun seruauntis of his hous, and alle which he hadde bouyte, alle the malis of alle men of his hous, and circumsidide the fleisch of her yerde, anoon in that dai, as the Lord comaundide him.
426	GEN 18:1	Forsothe in the valei of Mambre the Lord apperide to Abraham, sittynge in the dore of his tabernacle, in thilke heete of the dai.
432	GEN 18:7	Forsothe he ran to the droue of beestis, and took therof a calf moost tendre and best, and yaf to a child, which hastide, and sethede the calfe;
436	GEN 18:11	Forsothe bothe weren olde, and of greet age, and wommans termes ceessiden to be maad to Sare.
438	GEN 18:13	Forsothe the Lord seide to Abraham, Whi leiyeth Sare, thi wijf, seiynge, whether Y an eld womman schal bere child verili?
440	GEN 18:15	Sare was aferd for drede, and denyede, seiynge, Y leiyede not. Forsothe the Lord seide, It is not so, but thou leiyedist.
444	GEN 18:19	For Y woot that Abraham schal comaunde hise children, and his hows after hym, that thei kepe the weie of the Lord, and that thei do riytfulnesse and dom, that the Lord bringe for Abraham alle thingis whiche he spak to Abraham.
450	GEN 18:25	Fer be it fro thee that thou do this thing, and sle a iust man with a wickid man, and that a iust man be maad as a wickid man; this is not thin that demest al erthe; thou schalt not make this doom.
452	GEN 18:27	Abraham answerde and seide, For Y bigan onys, Y schal speke to my Lord, sithen Y am dust and aische;
456	GEN 18:31	Abraham seide, For Y bigan onys, Y schal speke to my Lord; what if twenti be foundun there? The Lord seide, Y schal not sle for twenti.
462	GEN 19:4	Forsothe bifore that thei yeden to sleepe, men of the citee compassiden his hows, fro a child `til to an eld man, al the puple togidre;
470	GEN 19:12	Forsothe thei seiden to Loth, Hast thou here ony man of thine, hosebonde of thi douyter, ethir sones, ethir douytris; lede thou out of this citee alle men that ben thine,
485	GEN 19:27	Forsothe Abraham risynge eerly, where he stood bifore with the Lord, bihelde Sodom and Gomorre,
487	GEN 19:29	For whanne God distriede the citees of that cuntrey, he hadde mynde of Abraham, and delyuerede Loth fro destriynge of the citees in whiche he dwellide.
500	GEN 20:4	Forsothe Abymalech touchide not hir; and he seide, Lord, whether thou schalt sle folc vnkunnynge and iust?
511	GEN 20:15	dwelle thou, where euere it plesith thee. Forsothe Abymelech seide to Sare, Lo!
515	GEN 21:1	Forsothe God visitide Sare, as he bihiyte, and fillide tho thingis, that he spak.
531	GEN 21:17	Forsothe the Lord herde the vois of the child, and the aungel of the Lord clepide Agar fro heuene, and seide, What doist thou, Agar? nyle thou drede, for God hath herd the vois of the child fro the place where ynne he is.
535	GEN 21:21	and dwellide in the deseert of Faran; and his modir took to him a wijf of the lond of Egipt.
536	GEN 21:22	In the same tyme Abymelech, and Ficol, prince of his oost, seide to Abraham, God is with thee in alle thingis whiche thou doist;
547	GEN 21:33	Forsothe Abymelech roos, and Ficol, prince of his chyualrie, and thei turneden ayen in to the lond of Palestyns. Sotheli Abraham plauntide a wode in Bersabee, and inwardli clepide there the name of euerlastinge God;
552	GEN 22:4	Forsothe in the thridde dai he reiside hise iyen, and seiy a place afer;
563	GEN 22:15	Forsothe the aungel of the Lord clepide Abraham the secounde tyme fro heuene,
570	GEN 22:22	and Cased, and Asan, and Feldas,
572	GEN 22:24	Forsothe his concubyn, Roma bi name, childide Thabee, and Gaon, and Thaas, and Maacha.