23224	MAT 1:11	Josaya ikiningi dupa Jekenayapi dee baanya kaiminingi dupapi. Gii dokopa Isataele endakali dupa Bapilone yuu dokonya lanyoo peami-pyaa.
23230	MAT 1:17	Dopana, wamba Apotakame kateamo gii dokonya pituu, Dapiti kateamo dokonya tuu lao yumbange tata paleamino dupa kingi ita mende-kisa dee kitomende. Dapiti kateamo gii dokonya pituu, Isataele endakali dupa Bapilone yuu dokonya lanyoo peamino gii dokonya tuu lao yumbange paleamino dupa kingi ita mende-kisa dee kitomendeaka. Bapilone yuu dokonya lanyoo peamino gii dokonya pituu, Kataisa doko mandeamo gii dokonya tuu lao yumbange tata kingi ita mende-kisa dee kitomendeaka paleami-pyaa.
23244	MAT 2:6	‘Jutamanya yuu Beteleme, emba Juta tata isoo kalyamino akali andake dupanya pundipundi joo nasilino. Emba-kisa akali andake mende pyakalyeta. Baame nambanya Isataele endakali dupa setao katakatana,’ lao pia-pyaana,” leami-pyaa.
23251	MAT 2:13	Akali dokaita pateaminopa, kuka Kamongonya enjele mendeme Josepe kombea pimaiyoo, “Emba sakatala wane dokopa endangipa dolapo laminao Isipe yuu dokonya paka puu. Dokonya katatenopa nambame emba tenda dee langitoli pyoo pilyetena, Etoteme wane doko kutao pyao kumasalanya pilyamona,” lea-pyaa.
23252	MAT 2:14	Dopa lateamopa kuka dokonya Josepeme sakatatala wane dokopa endangipa dolapo laminao Isipe paanya pea-pyaa.
23253	MAT 2:15	Pupala Josepe Isipeaka katao Etote kumiamo gii dokonya tuu lea-pyaa. Dopa piamo dokome potopesa mendenya nengekaita lungu petala Kamongome lao pituu, “Nambanya ikiningi doko Isipe yuu dokonya kateamopa, nambame epena leona,” leamo pii doko etete angi jia-pyaa.
23257	MAT 2:19	Etote kumateamopa, maitakao Kamongonya enjele mende Isipe yuu dokonya ipupala Josepe kombea pimaiyoo, “Emba wane dokopa endangipa dolapo laminao Isataelemanya yuu dokonya pilyepe. Wane doko pyalanya piamino endakali dupa kumatelyaminona,” lea-pyaa.
23259	MAT 2:21	Dokopa Josepeme wane dokopa endangipa dolapo laminao Isataelemanya yuu dokonya pilyia-pyaa.
23267	MAT 3:6	Ipupala dupame nyakamanya koo pingi dupa lao paneaminopa, baame dupa endaki Jotanenya kaimbu pyakamaiya-pyaa.
23273	MAT 3:12	Baame baanya yati doko minao wiisa angi imbupi pyasoo silyamo dupa pitaka yapapala angi dupa baanya nee setenge anda dokonya setata. Imbu dupa ita konjala naenge dokonya soo yangatana,” lea-pyaa.
23278	MAT 3:17	Dokopa kaiti-kisa katao pii mende lea dokome, “Doo kalyamo doko nambanya Ikiningi etete mona setenge doko kalyamo. Nambame baa kandao etete mona epe palyingina,” lea-pyaa.
23281	MAT 4:3	Dokopa makande pingi akali dokome baa kateasa ipupala lao pituu, “Emba Gote Ikiningi tamo kandao doko, embame kana silyamo datupa kapilyetala nee jina laa!” lea-pyaa.
23284	MAT 4:6	Dopa latala baame Jisasa lamaiyoo, “Pii mende dapa lao pepa pyapae silyamo: ‘Goteme emba lao masetala baanya enjele dupa lamaiyapomona,’ dee, ‘Aopyoo latala kaname embanya mokopi mende koyatame lao enjele dupame emba kopyoo nyalamino.’ Dopana, emba Gote Ikiningi tamo kandao doko, ketae dokonya katao isa manga!” lea-pyaa.
23362	MAT 6:11	Indupaka natamanoli pyoo nee dupa dipi.
23401	MAT 7:16	Nyakamame dokaitanya mana minatamino dupa kandatala dopale lamo lao masetami. Ikililyambu kende dupanya kopi lyingipi? Dee take ita dupanya anga lyingipi?
23402	MAT 7:17	Ita epe dupa pitakame dii epe mandenge. Ita koo dupa pitakame dii koo mandenge.
23403	MAT 7:18	Ita epe dupame kapa pao dii koo namandenge. Ita koo dupame kapa pao dii epe namandengeaka.
23424	MAT 8:10	Jisasame pii doko sepala akali doko kandao longo lao masia-pyaa. Dopa petala baa watao epeamino endakali dupa lamaiyoo, “Nambame nyakama kiningi langilyona, Isataele endakali dupanya dapa pyoo masoo miningi endakali mende nambame nakandapu.
23434	MAT 8:20	Dopa lateamopa Jisasame baa lamaiyoo, “Yana kapua dupanya palenge yuli tombapae dupa singi. Dee yaka dupanya palenge panda singiaka doko, Endakalinya Ikiningi dokonya imambu soo aiyomba setenge panda mende nasingina,” lea-pyaa.
23443	MAT 8:29	Dokopa akali dolapome puu lao ae lao, “Gote Ikiningi, embame naima aipa pyaanya epelepe? Embanya pipenge gii doko ipatala nayapumopa embame naima tanda andake dyaanya ae wambao epelepe?” leambi-pyaa.
23454	MAT 9:6	Dopaka doko, Endakalinya Ikiningi dokome isa yuu dakenya katao endakali dupanya koo dupa kunanya nepenge pupu lapae doko baa-kisa singi lamo lao kanjepalena,” lea-pyaa. Dopa latala baame akali papa tambotae doko lamaiyoo, “Emba sakata! Sakatatala embanya lapa toko doko nyoo soo andaka puuna!” Jisasame lea-pyaa.
23481	MAT 9:33	Dokopa Jisasame akali doko-kisa enjele koo paleamo doko watao pyakamaiya. Pyatakamaiyamopa akali doko pii lea. Dopa piamopa endakali kambu piamino dupame mona etete andapala, “Wamba naima Isataele endakali dupame mana dapale mendaipi mende nakandeamana,” leami.
23488	MAT 10:2	Aposele kingi ita mende-kisa dee lapoma dutupanya kenge dupa datupa: wambao doko Saimone kenge mende Pita lengema dokopi, baanya kaiminingi Endutupi, Sepete ikiningi Jemesapi, baanya kaiminingi Jonepi, Pilipapi, Batolomyupi, Tomasapa takisa nyingi akali Matyupi, Aopiasa ikiningi Jemesapi, Tatiasapa Saimonekenge mende Kenanayosa lengema dokopi, Jisasa enge nyiamo akali Jutasa Isaketiote dokopi dutupa.
23492	MAT 10:6	Dopa napinya Isataele tata dupanya mendapua mena sipisipi alu petae joo kalyamino dupanya pupape.
23509	MAT 10:23	Dopana endakali dupame nyakama yuu taono mendenya watao pyatamino dokopa waka mendenya paka pupape. Nambame nyakama kiningi langilyona, nyakamame Isataele yuu dokonya taono dupa pitakanya kalai pyoo etapala nayataminopa Endakalinya Ikiningi doko ipata.
23521	MAT 10:35	Ikiningimi takange-pipa ŋiliŋali lena wanengeme endangi-pipa ŋiliŋali lena, akali mendenya etanengeme ayange-pipa ŋiliŋali lena lao lungu pisala epeo.
23530	MAT 11:2	Jone Kaimbu Pingi doko anjetae paliuu Kataisame kalai pupu lapae dupa pilyamo lapae sepala, baanya disaipele mendatupame Kataisa kateasa pupala, “Emba akali mende ‘Ipatana’ latae dokope, pande naimame akali waka mende malisemape?” lao pisoo sala pena lea-pyaa.
23542	MAT 11:14	Dee nyakamame setami tamo kandao doko, dake apata salapape: ‘Ipatana’ latae Ilainja doko Jonena, nyakama kalekaita singi dupame pii doko salapape!
23547	MAT 11:19	Endakalinya Ikiningi doko ipupala nee endakipi epe dupa nao kalyamo. Dopa pimopa dupame baa kandao, ‘Akali dakeme neepi endakipi tuu lao nawaka katao, takisa nyingi akalipi mana koo minao paenge endakalipi dupa-pipa kaita minao kalyamona,’ lelyamino. Dopaka doko, Gotenya masepae dokome dii angi mandyuu, baanya masepae doko tolataena lao panasingina,” Jisasame lea.
23555	MAT 11:27	“Nambanya Takangeme dupa pitaka nambame isepe lao namba-kisa setea. Endakali mendaipi mendeme Ikiningi doko masala naenge. Takangeme iki masingi. Dee endakali mendaipi mendeme Takange doko masala naengeaka. Ikiningimi iki masingi. Dee Ikiningi dokome Takange doko endakali mende laitaka pitoo lao masetala petelyamopa endakali dokome Takange doko lao masingiaka.
23566	MAT 12:8	Endakalinya Ikiningi dokome Sambasa gii doko isoo kalyamona,” Jisasame lea.
23578	MAT 12:20	Kembo maitange mende tambapala lakalanya pitamo doko baame etete lakasala nayata. Ita langa mende konjalanya kii lao setamo doko baame etete konjisala nayata. Baame dopa pyoaka katao mana tolatae dokome ita minatamo dokonya tuu lata.
23590	MAT 12:32	Endakali mendeme Endakalinya Ikiningi doko kandao lamba latamo kandao doko, Goteme baanya doko kunanya nepakamaita. Dopaka doko, endakali mendeme Oli Sipitisa doko kandao lamba latamo kandao doko, Goteme baanya koo doko indupapi tendapi kunanya nepakamaiya nayatakana,” Jisasame lea.
23591	MAT 12:33	“Ita epe dupame dii epeaka mandenge. Ita koo dupame dii ka mandenge. Ita mendenya dii mandelyamo dupa wambao kandatala ita angi doko dopale lamo lao masingima.
23598	MAT 12:40	Wamba Jonaa doko kotaka gii tepo kuka gii tepoaka wapaka andake mendenya ingi koko paleamoliaka pyoo, Endakalinya Ikiningi doko kotaka gii tepo kuka gii tepoaka yuu koko palita.
23600	MAT 12:42	Wamba Isingi Enda Kuini mendeme yuu Sauta-kaita pituu masingi akali Solomone lenge doko kanjanya kaita etete londe mendenya epea-pyaa. Dopaka doko, indupa akali mendeme Solomone etete ita minao ae kalyamo. Tenge dokonya Goteme endakali mokosetamo gii dokopa, Isingi Enda Kuini dokome sakatatala nyakama kosimi latana,” lea.
23645	MAT 13:37	Dopa leaminopa baame yanu pyao, “Ee wai epe lyandeamo akali doko, Endakalinya Ikiningi doko.
23649	MAT 13:41	Endakalinya Ikiningi dokome baanya enjele dupa epena latamopa dupame ipupala, koo pina lao mapisingi endakalipi tanga lao koo pingi endakalipi dupa baame isingi endakali dupa-pipa awapa katatamino dupa nyoo elyambu pitami.
23699	MAT 14:33	Dokopa disaipele sipinya peteamino dupame, “Kiningi etete, emba Gote Ikiningi lamona,” lao tama piami.
23726	MAT 15:24	Dopa leaminopa Jisasame dupanya pii yanu pyao, “Goteme namba Isataele tata dupanya mendapua mena sipisipi alu petae joo kalyamino dupanya iki puu leana,” lea.
23731	MAT 15:29	Jisasame yuu doko yakinatala endaki Galili pete tengesa dosale epea. Ipupala manda mendenya lalyoo pupala petea.
23733	MAT 15:31	Dopa piamo doko endakali kambu piamino dupame kandeaminopa, mumaa dupame pii lao, kuli uanga petae dupa tolao, moko koo dupa kaita payao, lenge monda dupa lenge tao piaminosa, dupame mona andapala Isataelemanya Gote doko lao lalyiami.
23754	MAT 16:13	Jisasa baa yuu taono Sisatia Pilipae-tena pea. Pupala baanya disaipele dupa pisoo, “Endakali dupame Endakalinya Ikiningi doko kandao apina lengemape?” lea.
23755	MAT 16:14	Dupame yanu pyao, “Yangimi emba kandao Jone Kaimbu Pingi dokona, yangimi Ilainjana, yangimi Jetemaya tamopi potopesa waka dupanya mende tamopina lengemana,” leami.
23757	MAT 16:16	Dokopa Saimone Pitame baa kandao, “Emba Kataisa Gote saka katenge dokonya Ikiningi dokona,” lea.
23768	MAT 16:27	Endakalinya Ikiningi doko baanya enjele dupa-pipa baanya Takangenya tii pipae doko tambetambe kapa pao ipata. Ipupala endakali mendai mendai lao dupame mana minataminoli pyoo yanu pyata.
23769	MAT 16:28	Nambame nyakama kiningi langilyona, endakali ae kalyamino datupanya mendapua kumapala nayataminopa Endakalinya Ikiningi dokome kiŋi joo isala ipatamo gii doko kandatamina,” Jisasame dopa lea.
23772	MAT 17:3	Dokopa akali Mosesepa Ilainjapa Jisasa-pipa awapa pii lao kateambinopa dutupame kandeami-pyaa.
23773	MAT 17:4	Kandatala Pitame Jisasa lamaiyoo, “Kamongo, naima angenya katamanopa auu pilyamona, embame kapana lao maseteno kandao doko, nambame angenya aiyaa anda tepo pitoo. Mende embanya, mende Mosesenya, mende Ilainjanyana,” lea-pyaa.
23774	MAT 17:5	Pitame pii doko lao mee kateamopa kopa etete kyoo lapae mendeme ipupala dokaita sanga pia-pyaa. Dopa piamopa kopa tambetambe dokonya pii mende lea dokome, “Doo kalyamo doko nambanya Ikiningi etete mona setenge doko kalyamo. Nambame baa kandao etete mona epe palyingina, nyakamame baanya pii doko sakamaiyepape!” lea-pyaa.
23778	MAT 17:9	Dokaitame yuu manda dokonya katao lanao ipao pituu Jisasame kyoto joo dutupa lamaiyoo, “Nyakamame kanjimino doko mende lamaiya nayalapape. Lamaiya nayawaka katao Endakalinya Ikiningi doko malunya sakatasetamo gii dokonya tuu laapapena,” lea-pyaa.
23779	MAT 17:10	Dokopa disaipele dupame Jisasa pisoo, “Mana setapae masingi akali dupame aipuma, ‘Ilainja wambao ipupengena,’ lengemape?” leami.
23780	MAT 17:11	Jisasame dutupanya pii yanu pyakamaiyoo, “Kini, Ilainjame dupa pitaka dee katengeli pina lao tolasalanya ipupenge.
23781	MAT 17:12	Dopaka doko, Ilainja ipateana lao nambame nyakama langilyo. Ipateamopa endakali dupame baa lamo lao nakandenya, baa-kisa pyuani kayamino dupa pitaka piami. Dupame mana mendai dopaka pyoo Endakalinya Ikiningi doko tanda maitamina,” lea.
23791	MAT 17:22	Galili yuu dokonya Jisasapi baanya disaipele dupapi pao kambu pyatala baame dupa lamaiyoo, “Akali mendeme Endakalinya Ikiningi doko endakali dupa laitaka pyaanya enge nyalanya pilyamo.
23807	MAT 18:11	[Endakalinya Ikiningi dokome endakali alu petae dupa pyoo nyala epea.]
23835	MAT 19:4	Dopa leaminopa baame yanu pyao, “Nyakamame pii dake itaki napiamipi? ‘Tee piamo dokopa Pyoo Injiamo dokome endapa akalipa lao wasia-pyaa.’
23859	MAT 19:28	Dopa leamopa Jisasame dokaita lamaiyoo, “Nambame nyakama kiningi langilyona, tenda dupa pitaka enenge jetamo gii dokopa Endakalinya Ikiningi doko etete kamongao kiŋi petenge toko dokonya pitita. Gii dokopa nyakama namba watao paelyamino dupame Isataele tata kingi ita mende-kisa dee lapoma dupanya pii tolasakamaiyanya kiŋi petenge toko kingi ita mende-kisa dee lapoma dupanya pititamiaka.
23878	MAT 20:17	Jisasa Jetusaleme pao pituu, baanya disaipele kingi ita mende-kisa dee lapoma dutupa iki lanyepala kaitinisa dapa lamaiya: “Kandeleno! Naima indupa Jetusaleme pelyamano. Akali mendeme Endakalinya Ikiningi doko enge nyepala pitisa mupapi mana setapae masingi akalipi dupa laitaka pitamopa dupame baa kosa lao pyao kumasemana latami.
23889	MAT 20:28	Dopaka pyoo Endakalinya Ikiningi dokome baanya kalai pyekena lao naepea. Baame endakali dupa nisoo kii tamao nyalanya baa tangeme kumala epeana,” Jisasame lea.
23900	MAT 21:5	“Nyakamame Sayone tange dupa dapa lamaiyepape: Indupa nyakamanya kiŋi doko nyakama katamisa epelyamo kanjepa. Endakali andanda semaiyoo katenge doko dongi maita dokonya pituu epelyamo. Baa dongi mendenya yakane dokonya maitanya pituu epelyamona,” lea-pyaa.
23902	MAT 21:7	Dopa petala dolapome dongi matakai dokonya yakane doko kateta minao epeambi. Ipupala nyalambonya yonge pee ketae pingi dolapo dongi maita dolaponya ketae seteambinopa, Jisasa dongi yakane dokonya pyakalyetala pituu pea.
23958	MAT 22:17	Dopana, naimanya mana setapae dupanya aipa lapae silyape? Kapomane Isingi Mupa dokonya takisa dupa naimame pyakamaipengepe, pande kayapenge? Embame aipa lao masilipi? Naima langi,” leami.
23962	MAT 22:21	Dopa leamopa dokaitame lao pituu, “Doko Kapomane Isingi Mupa dokonya kalyamona,” leami. Dopa leaminopa baame dokaita lamaiyoo, “Dopa tamo doko, opale Kapomane Isingi Mupa dokonya dupa tange maiyakamaiyepape. Dee opale Gotenya dupa Gote tangeaka maiyakamaiyepape,” lea.
24053	MAT 24:27	Doko, niki pyakaengesa-kaita pituu yuu wapaka pilyamo doko pyoo niki landa pingisa-kaitapi yuu pitakanya tii piyoko lenge. Dopaka pyoo Endakalinya Ikiningi doko ipata.
24056	MAT 24:30	Dokopa Endakalinya Ikiningi doko ipatamo dokonya kongali doko kaiti-kisa pitamopa, yuunya endakali tata dupa pitakame etete ee lao yamataka latami. Dupame Endakalinya Ikiningi doko kaitinya kopa ketae dokonya pupu lao etete tii pyoo ipatamo kandatami.
24062	MAT 24:36	“Endakali mendaipi mendeme yuu etenge gii doko andukupa ipatape, kiloko gii andukunya ipatape lao masala naengema. Enjele kaiti-kisa katenge dupame masala naengema. Ikiningi dokome apata masala naengeaka. Takange dokome iki masingi.
24063	MAT 24:37	Wamba akali Noa kateamo gii dokopa endakali dupame pyoo kateaminoliaka pyoo katataminopa Endakalinya Ikiningi doko dee ipata.
24065	MAT 24:39	Dupame aipa pitape lao masala nayawaka kateaminopa endaki andake dokome ipupala dokaita pitaka pyao soo pea-pyaana, tenda Endakalinya Ikiningi doko ipatamopa dopaka pita.
24070	MAT 24:44	Dopana, Endakalinya Ikiningi doko naipapomo lao masetami gii mendenyaka ipatana, nyakama apata depa latae kalyepape!” lea.
24077	MAT 24:51	Ipupala kamongo dokome baa pyao etete indyepala minakasingi endakali dupa-pipa awapa katena lao katata. Dopa petatamopa baa dokonya katao ee lao yamataka lao nenge gilyoo katatana,” Jisasame dopa lea.
24078	MAT 25:1	“Endakalinya Ikiningi doko dee ipatamopa Kaitinya Katenge dokome isetamo doko, enda mapuakae kingi ita mende peteamino dupame akali enda kelyapala ipatamo doko kandanyemana latala, nyakamanya lama dupa kaiyoo minao peamino dopale jeta.
24108	MAT 25:31	“Tenda Endakalinya Ikiningi doko baanya tii pipae dokonya tambetambe enjele dupa pitaka-pipa awapa ipupala, baa etete kamongao kiŋi petenge toko dokonya pitita.
24124	MAT 26:1	Jisasame pii manapi dokaita pitaka lamaiyoo etapala, baanya disaipele dupa lamaiyoo, “Koto lapoma sepatamopa Napinya Kayamo Gii ipata doko nyakamame masilyamino. Dokopa endakali mendapuame Endakalinya Ikiningi doko ita pokonya pyao yukuina lao akali mendeme dokaitanya kingilyaka maitana,” lea.
24137	MAT 26:14	Gii dokopa disaipele kingi ita mende-kisa dee lapoma dupanya mende Jutasa Isaketiote lenge doko pitisa mupa dupa kateamisa pupala baame dokaita pisoo, “Nambame Jisasa nyakama laitaka pitoo nyakamame namba aki mende ditamipi?” lea-pyaa. Dokopa dokaitame baa muni silipa kingi ita tepoma maiyami-pyaa.
24147	MAT 26:24	Kini, Endakalinya Ikiningi dokonya lao Gotenya pii pepa pyapae singi dokonya lapae silyamoli pyoo, baa kumalapomo. Dopaka doko, Endakalinya Ikiningi doko enge nyilyamo akali doko koyata iki lamo! Akali doko endangimi manja nayali kandao baa yaka jipyalina,” lea.
24154	MAT 26:31	Dokopa Jisasame dokaita lamaiyoo, “Indupa kuka gii dakepa nyakama pitakame namba yakinatala lombapae salamino. Doko, Gotenya pii pepa pyapae singi dokonya, ‘Sipisipi setao katenge doko nambame pyatopa, sipisipi ambo doko polao wakale puu puu pyoo patamina,’ lapae silyamo.
24168	MAT 26:45	Loma setala baame ipao disaipele dutupa lamaiyoo, “Nyakama mee luaka paliuu koto nyilyamipi? Kandeleno! Gii doko ipatelyamo. Akali mendeme Endakalinya Ikiningi doko koo pingi endakali dupa laitaka pyaapomona, mona nyakama sakatalapa. Namba enge nyipumu akali doko ipatelyamona, kanjepa!” lea-pyaa.
24186	MAT 26:63	Dopa leamoaka doko, Jisasa ema napia-pyaa. Dokopa pitisa mupa dokome dee baa lamaiyoo, “Nambame emba pii mende pisilyona embame Gote lete katenge doko lao masetala angi langipi. Emba Gote Ikiningi, Kataisa dokope?” lea-pyaa.
24187	MAT 26:64	Dopa leamopa Jisasame baa lamaiyoo, “Embame lateleno. Dopaka doko, nambame nyakama dapa langilyo: indupa pituu tenda tuu lao Endakalinya Ikiningi doko Gote etete pupu lapae dokonya kingi tolae dokonya katao kaitinya kopa ketae dokonya ipatamo nyakamame kandatamina,” lea-pyaa.
24207	MAT 27:9	Dopa piamino dokome pii mende wamba Goteme potopesa Jetamaya lungu piamopa baame dapa leamo doko etete angi jia-pyaa: “Isataele endakali dupame pii lao wasetala muni silipa kingi ita tepoma baapa kapana lateamino muni dutupa nyepala, Kamongo dokome namba langiamoli pyoo titopene akipi wasingi akali dokonya yuu doko sambeamina,” lea-pyaa.
24220	MAT 27:22	Dokopa Pailateme lao pituu, “Dopa tamo doko, nambame Kataisa lengema Jisasa doko aipa pyuape?” lea-pyaa. Dopa leamopa dokaita pitakame lao pituu, “Ita pokonya pyao yuka!” leami-pyaa.
24237	MAT 27:39	Jisasa pyao yukuotae kateamo dokonya-kaita endakali payamino dupame Jisasa kilya kandao aiyomba ema-ema pyoo dapa leami: “‘Losuu anda andake doko lakyepala yuu gii tepoma pitona,’ leeno akali dake! Emba Gotenya Ikiningi tamo kandao doko, emba tangeme pupu latala ita poko doko yakinatala isa ipu!” leami.
24239	MAT 27:41	Mendai dopaka pyoo, pitisa mupapi, mana setapae masingi akalipi, Jutamanya isingi akalipi dupame Jisasa kandao dapa lao lamba leamiaka: “Baame endakali waka dupa nisiamoaka doko, baa tange kapa pao nisala naelyamo. Kini, baa naima Isataele dupanya Kiŋi tamo kandao doko, naimame baa lao masoo minamana, epapu ita poko doko yakinatala isa epena.
24241	MAT 27:43	Baame Gote masokondape pingi daape. Dee baame baa Gotenya Ikiningina lenge. Dopana, Goteme baa auu kayatamo kandao doko, epapu baa pyoo nyinana,” leami.
24245	MAT 27:47	Dopa leamo doko endakali dosa kateamino dupanya mendapuame sepala lao pituu, “Ilainja lao wii lelyamona,” leami.
24247	MAT 27:49	Dopaka doko, yangi dupame lao pituu, “Ilainjame baa pyoo nyala epelyape lao kandamana maliseta!” leami.
24252	MAT 27:54	Yanda singi amii isingi dokopi baa-pipa awapa Jisasa isoo kateamino dupapimi titiwali miniapi piamo dupa pitakapi kandao etete pakame kumapala lao pituu, “Kiningi etete akali dake Gote Ikiningi lamona,” leami.
24283	MAT 28:19	Dopana nyakama pupala endakali paliuu pelyamo dupa pitaka nambanya disaipele injisalapape. Dopa pyoo pituu, Takange dokopi, Ikiningi dokopi, Oli Sipitisa dokopi dutupanya kenge doko lao kaimbu pyakamaiyepape.
24285	MRK 1:1	Jisasa Kataisa Gotenya Ikiningi doko kandao Wai Pii Epe tee piamo doko.
24295	MRK 1:11	Kaiti-kisa katao pii mende lea dokome, “Emba nambanya Ikiningi etete mona setenge dokona, embame nambanya mona epe palisekelenona,” lea-pyaa.