23216	MAT 1:3	Juta ikiningi dolapo Petesapa Satapa. Dolaponya endangi doko Tama. Petesa ikiningi Esotone. Esotone ikiningi Lamo.
23217	MAT 1:4	Lamo ikiningi Aminatape. Aminatape ikiningi Nasone. Nasone ikiningi Salomane.
23218	MAT 1:5	Salomane ikiningi Boasa. Boasa endangi doko Leapa. Boasa ikiningi Opeta. Opeta endangi doko Lusa. Opeta ikiningi Jesi.
23220	MAT 1:7	Solomone ikiningi Liapome. Liapome ikiningi Apaisa. Apaisa ikiningi Esa.
23256	MAT 2:18	“Dupame yuu Lama lenge dokonya pii dupa setami. Dupame yako lao kondo-kondo pyoo ee latamino dupa setami. Enda Lesolome baanya wane dupa lao ee latamopa endakali mendaipi mendeme kapa pao baanya mona minao auu pisakamaiya nayata. Doko, baanya wane dupa pitaka nakatataminosa dopa latana,” lea-pyaa.
23309	MAT 5:6	“Lopo pilyamopapi endaki nanu pilyamopapi napu laka lao putiti kaengeli pyoo, mana tolatae doko nyipu laka lao putiti kayao katenge endakali dupa, Goteme maiyoo etete kapa pisetana mona yaepena.
23373	MAT 6:22	“Lenge doko yongenya kia joo telyamo. Embanya lenge doko auu pyoo tao payateno kandao doko, embanya yonge doko pitaka etete tii pita.
23399	MAT 7:14	Lete etete katenge panda dokonya penge kaitini doko yakane. Kaitini dokonya kembo doko tambukinatae. Endakali kuki mendai mendiaimi iki kaitini kembo doko kandasingimana,” Jisasame lea-pyaa.
23433	MAT 8:19	Dokopa mana setapae masingi akali mendeme baa kateasa ipupala lao pituu, “Mana Lenge Akali, emba payateli pyoo nambame emba watao payatoana,” lea-pyaa.
23533	MAT 11:5	‘Lenge koo dupa dee lenge telyamino. Moko koo dupa kaita paelyamino. Kopetali dupa mee jilyamino. Kaleketa dupame pii silyamino. Endakali kumapae dupa dee lenge tao kalyamino. Endakali tipya dupame Wai Pii Epe doko silyamino.
23596	MAT 12:38	Gii dokopa mana setapae masingi akalipi Patasipi mendapuame Jisasa lamaiyoo, “Mana Lenge Akali, embame kongali mende pipinopa naimame kandapuma laka lao masilyamanona,” leami.
23611	MAT 13:3	Kateaminopa Jisasame kongali lawaka pii longo dokaita lamaiya. Lamaiyoo pituu, “Kandeleno, akali mendeme ee wai lyandala pea-pyaa.
23614	MAT 13:6	Langa leamoaka doko, niki teamo dokome pyao nea-pyaa. Dupa pingi pyalakao napiamosa sapuiya-pyaa.
23615	MAT 13:7	Yangi lyiki tenge palengenya pea-pyaa. Lyiki dupa andapala ee wai dupa kuii pyambea-pyaa.
23672	MAT 14:6	Koto mende Etotenya mandenge gii dokonya akali limbao petamino kaina dokonya Etotiasa wanenge doko lyia-pyaa. Lyiamopa Etoteme auumi kumapala wanaku doko dapa lamaiya-pyaa: “Nambame kiningi etete langilyona, embame opale mende namba-kisa dii lao tee lateno doko nambame kapa pao dyaapona,” lea-pyaa.
23675	MAT 14:9	Dopa leamosa Kiŋi Etote mona kenda kaya-pyaa. Dopa piamoaka doko, wamba baame pii, “Kiningi etete langilyona,” lao leamo dokopi, akali limbao peteamino dupapi lao masetala, “Lelyamo doko baa maiyepa!” lea-pyaa.
23716	MAT 15:14	Dopana nyakamame dupa katena kayalapape. Lenge monda dupame lenge monda yango dupa kaitini laitaka pingima. Akali lenge monda mendeme lenge monda yango mende kaitini laitaka pipyali kandao doko, dolapo lapota yuli mendenya mangambilina,” Jisasame lea.
23778	MAT 17:9	Dokaitame yuu manda dokonya katao lanao ipao pituu Jisasame kyoto joo dutupa lamaiyoo, “Nyakamame kanjimino doko mende lamaiya nayalapape. Lamaiya nayawaka katao Endakalinya Ikiningi doko malunya sakatasetamo gii dokonya tuu laapapena,” lea-pyaa.
23792	MAT 17:23	Laitaka pitamopa dupame baa pyao kumasetataminopa koto teponya Goteme baa dee sakatasetana,” lea. Dopa leamopa disaipele dupame mona etete kendame kumiami.
23811	MAT 18:15	“Embanya endakali yango mendeme emba koo pingitamo kandao doko, emba baa katatasa pao nyalambo iki pitipala baanya koo pitamo doko lao panasoo lamaipi. Lamaitinopa baame embanya pii setamo kandao doko, embame embanya endakali yango doko dee lanyete.
23812	MAT 18:16	Baame embanya pii nasetamo kandao doko, pii pepa pyapae singili pyoo, ‘Lapo tepopi mendeme pii dupa pitaka sokondape petala kyoto injisetaminopana,’ embame mendalapo lanyepala deaka lamaiya pupi.
23828	MAT 18:32	Lamaiyaminopa akali andake dokome baa epena latala lamaiyoo, ‘Emba kalai akali koo lamo! Embame namba pisipino dokonya nambame nambanya yanu emba-kisa sipumu doko pitaka kayapu.
23847	MAT 19:16	Yuu mendepa akali mende Jisasa kateasa ipupala lao pituu, “Mana Lenge Akali, tenda namba lete etete katatopa lao mana epe aki mende minawape?” lea.
23914	MAT 21:19	Lopo kayapala baame piki ita mende kaitini lembasa kateamo kandatala dokonya pea. Peamoaka doko, dii mende kutao nakandao yoko iki pyoo kateamo kandea. Dokopa baame piki ita doko kandao, “Embame tanga tangapi dii mende dee namanditi, etete daana!” lea. Dopa lalu piamopa piki ita doko sapuiya.
23957	MAT 22:16	Dopa petala nyakamanya disaipele mendapuapi dee Kiŋi Etote tata mendapuapi dupa Jisasa kateasa pena leaminopa dupame pupala baa kandao lao pituu, “Mana Lenge Akali, emba pii kiningi lenge akalina, embame kiningi pii lao Goteme endakali dupame pipimili lao masingili pyoo mana lamailino lao masilyamano. Embame endakali dupa paka nakayapala itange kandao mokosala nanenge.
23964	MAT 22:23	Koto gii dokopaka akali Satyusi mendapua Jisasa kateasa epeami. Dupame endakali kumapala dee sakatala naengena lengema. Akali dupame ipupala Jisasa pisoo, “Mana Lenge Akali, wamba Moseseme dapa lea-pyaa: ‘Akali mende wane manja nayao mee kumatamo kandao doko, baanya kaiminingi mendeme enda walyakae doko pisetala wane manditamo dupa kaiminingi kumapae dokonya manjakamaitana,’ lapae silyamo.
23976	MAT 22:35	Kapatala dokaitanya mana setapae masingi akali mendeme Jisasa minao makande pyaanya pisoo pituu, “Mana Lenge Akali, mana setapae dupanya anduku mupa joo silyape?” lea.
23994	MAT 23:7	Kamapi dupanya endakali dupame nyakama lasa lata ‘Mana Lenge Akalina’ lata, pipimili lao auu kaengemaka.
23995	MAT 23:8	Dopaka doko, endakali dupame nyakama kandao ‘Mana Lenge Akalina’ lena lao kayala nayalapape. Doko, nyakamanya Mana Lenge Akali mendai iki katamopa nyakama pitaka kaiminingiaka kalyamino.
24013	MAT 23:26	Lenge monda Patasi! Wambao embame kapo dupanya koko-kaita katenge dupa kunanya nepape. Dopa pitinopa ketae-kaita kunapayaka seta.
24040	MAT 24:14	Dee Kaitinya Katenge dokome isingi dokonya lao Wai Pii Epe doko yuu dupa pitakanya endakali paliuu pelyamo dupa pitakame sina lao lamaitami. Lamaiyoo etapatamino dokopa yuu etenge gii doko ipatana,” lea.
24041	MAT 24:15	“Losuu anda andake koyasingi aii pyapae doko kandao wamba Goteme potopesa Daniele-kisa lungu petala leamo doko panda etete epe dokonya katatamopa nyakamame kandatami. (Pii dake itaki pyatamo endakali dokome tenge doko masepenge.)
24071	MAT 24:45	“Lelyamoli pyoo kalai pyakamaingi mona palenge akali kendemane doko apipi? Baa kamongo dokome baanya kendemane waka dupa isoo nee napenge gii dii lao makosoo maiyoo katena lenge kendemane doko daape.
24141	MAT 26:18	Dopa leaminopa baame dokaita lamaiyoo, “Nyakamame yuu taono Jetusaleme dokonya pupala akali mende kanjaminona doko dapa lamaiyepape: ‘Mana Lenge Akali dokome, “Nambanya gii doko tengesa petelyamona,” laamo. “Napinya Kayamo Nee doko nambame nambanya disaipele dupa-pipa embanya andaka natoo,” laamona,’ lao lamaiyepape,” lea.
24148	MAT 26:25	Dopa leamopa baa enge nyiamo akali Jutasa dokome yanu pyao, “Mana Lenge Akali, embame leeno doko, nambame lao leepe?” lea. Dopa leamopa Jisasame baa lamaiyoo, “Emba tangeme latelenona,” lea.
24168	MAT 26:45	Loma setala baame ipao disaipele dutupa lamaiyoo, “Nyakama mee luaka paliuu koto nyilyamipi? Kandeleno! Gii doko ipatelyamo. Akali mendeme Endakalinya Ikiningi doko koo pingi endakali dupa laitaka pyaapomona, mona nyakama sakatalapa. Namba enge nyipumu akali doko ipatelyamona, kanjepa!” lea-pyaa.
24172	MAT 26:49	Dopa lamaitala ipao baa Jisasa kateasa tolao pupala, “Mana Lenge Akali, emba asa katalepe?” latala baa nunu pia.
24237	MAT 27:39	Jisasa pyao yukuotae kateamo dokonya-kaita endakali payamino dupame Jisasa kilya kandao aiyomba ema-ema pyoo dapa leami: “‘Losuu anda andake doko lakyepala yuu gii tepoma pitona,’ leeno akali dake! Emba Gotenya Ikiningi tamo kandao doko, emba tangeme pupu latala ita poko doko yakinatala isa ipu!” leami.
24315	MRK 1:31	Lamaitiaminopa baame enda doko siasa pupala baanya kinginya minatala sakatasia-pyaa. Dokopa yonge itaita piamo doko mee jeteamopa enda dokome dokaitanya nee yangakamaiya-pyaa.
24343	MRK 2:14	Lamaitala baa kaita pao pituu Aopiasa ikiningi Lipai lenge doko takisa nyingi anda dokonya peteamo kandatala baa lamaiyoo, “Embame namba watao ipu,” lea-pyaa. Dokopa baa sakatatala Jisasa watao pea-pyaa.
24344	MRK 2:15	Maitakao Jisasa baa Lipainya andaka nee nao peteamo dokonya takisa nyingi akalipi mana koo minao paenge longo mendapuame Jisasapi baanya disaipelepi dupa-pipa awapa nee nao peteami-pyaa. Doko, dokaita longome baa watao peami-pyaa.
24398	MRK 4:6	Langa leamoaka doko, niki teamo dokome pyao nea-pyaa. Dupa pingi pyalakao napiamosa sapuiya-pyaa.
24399	MRK 4:7	Yangi lyiki tenge palengenya pea-pyaa. Lyiki dupa andapala ee wai dupa kuii pyambea-pyaa. Dopa piamopa dii namandea-pyaa.
24430	MRK 4:38	Jisasa baa sipi ongonya maitakaita sanda mendenya aiyomba setapala palipia-pyaa. Palipiamopa dupame baa pyale tatala, “Mana Lenge Akali, naima kumalanya pilyamano doko embame angi mende daana lao masilipi?” leami-pyaa.
24442	MRK 5:9	Dokopa Jisasame baa pisoo, “Emba kenge apipi?” lea-pyaa. Dopa leamopa akali dokome yanu pyao, “Naima longo dokonya nambanya kenge Longo lengena,” lea-pyaa.
24468	MRK 5:35	Dopa lao kateamopa Jutamanya losuu anda isingi akali dokonya andaka katao akali mendapuame ipupala, “Embanya wanaku doko kumatalamona, aipa lao Mana Lenge Akali doko minao dee kenda pisetepe?” leami-pyaa.
24478	MRK 6:2	Pupala Sambasa gii doko epeamopa baame Jutamanya losuu anda dokonya mana lamaiya-pyaa. Lamaiyamopa pii siamino endakali longo dupame walu latala lao pituu, “Baame mana datupa anjatae nyia laape? Masepae baa maiya lamo doko aipale laa kanjemape? Baame kalai pupu lapae dopale dupa aipa petala pilya kanjemape?
24612	MRK 9:5	Kandatala Pitame Jisasa lamaiyoo, “Mana Lenge Akali, naima angenya katapumanopa auu pilyamona, naimame aiyaa anda tepoma pimana. Mende embanya, mende Mosesenya, mende Ilainjanyana,” lea-pyaa.
24624	MRK 9:17	Endakali kambu kateamino dupanya mendeme yanu pyao, “Mana Lenge Akali, enjele koo mendeme nambanya wane doko mumaa injisingi dokonya baa emba katapisa laminao epo.
24645	MRK 9:38	Joneme baa lamaiyoo, “Mana Lenge Akali, akali mendeme embanya kenge doko lao enjele koo dupa watao pyapumopa naimame kandatala baa naima watao napaenge dokonyana baanya kalai doko kaena lao daa lapumana,” lea-pyaa.
24674	MRK 10:17	Dopa petala baa paanya kaitini nyiamopa akali mendeme alo pyao ipao baa kandao luma lakapala baa pisoo, “Mana Lenge Akali Epe, namba lete etete katatopa lao aipa pyuape?” lea-pyaa.
24677	MRK 10:20	Akali dokome baa lamaiyoo, “Mana Lenge Akali, wamba namba wane kolesa pituu mana setapae dutupa pitaka watao minio doko minawaka kalyona,” lea-pyaa.
24692	MRK 10:35	Akali Sepete ikiningi Jemesapa Jonepame ipupala Jisasa lamaiyoo, “Mana Lenge Akali, nalimbame emba-kisa mendita mende tee lambana embame latambanoliaka pyoo pipi laka lao masilyambanona,” leambi-pyaa.
24708	MRK 10:51	Dokopa Jisasame baa lamaiyoo, “Nambame embanya aipa pyakapili lao masilipi?” lea-pyaa. Akali lenge monda dokome baa lamaiyoo, “Mana Lenge Akali, namba lenge dee tapuli lao masilyona,” lea-pyaa.
24730	MRK 11:21	Pitame doko kandao masetala Jisasa lamaiyoo, “Mana Lenge Akali, kuaka embame piki ita doko-kisa pii kenda pipae lanya setapino doko sapupya lamo kanda,” lea-pyaa.
24756	MRK 12:14	Akali dupame ipupala baa lamaiyoo, “Mana Lenge Akali, emba pii kiningi lenge akalina, embame endakali dupa paka nakayapala itange kandao mokosala naenge. Daa, embame kiningi pii lao Goteme endakali dupame pipimili lao masingili pyoo mana lamailino lao masilyamano. Dopana, naimanya mana setapae dupanya aipa lapae silyape? Kapomane Isingi Mupa dokonya takisa dupa naimame pyakamaipengepe, pande kayapengepe?” leami-pyaa.
24760	MRK 12:18	Dokopa akali Satyusi mendapuame Jisasa kateamo dokonya epeami-pyaa. Akali dupame endakali kumapala dee sakatala naengena lengema-pyaa. Akali dupame ipupala Jisasa pisoo, “Mana Lenge Akali, wamba Moseseme naimanya mana mende dapa lao pepa pyanya setekea-pyaa: ‘Akali mende wane manja nayao mee kumatamo kandao doko, baanya kaiminingi dokome enda walyakae doko pisetala wane manditamo dupa kaiminingi kumapae dokonya manjakamaitana,’ lapae silyamo.
24774	MRK 12:32	Dopa leamopa mana setapae masingi akali dokome baa lamaiyoo, “Mana Lenge Akali, yaka leeno. Baa mendai iki kalyamona, waka mende nakalyamona, kiningi leeno.
24787	MRK 13:1	Jisasame losuu anda andake kame doko yakinatala peamopa baanya disaipele dupanya mendeme baa lamaiyoo, “Mana Lenge Akali, kana yale domopapi anda yale petae kalyamo domopapi kanda!” lea-pyaa.
24837	MRK 14:14	Pao baa anda kolandatamo dokonya nyalambo apata kolandalapape. Kolandatala anda tange doko lamaiyoo, ‘Mana Lenge Akali dokome, “Nambanya disaipele dupa-pipa Napinya Kayamo Nee doko natoo nambanya nee napenge anda palo doko anja kalyape?” lelyamo,’ lamaiyepape.
24868	MRK 14:45	Dopa lamaitala ipao baa Jisasa kateamo ongonya tolao pupala, “Mana Lenge Akali,” lea-pyaa. Dopa latala baa nunu pia-pyaa.
24896	MRK 15:1	Dokopa Pitisa mupa dupapi, Jutamanya isingi akali dupapi, mana setapae masingi akali dupapi, kanjole dupa pitakapi dutupa yongama wamba kambuiyami-pyaa. Lao kambutala Jisasa anjetala laminao pao Pailate maiyami-pyaa.
24916	MRK 15:21	Dokopa akali Saimone lenge doko kamalyatena katao yuu taono dokonya paanya epeamopa yanda singi dupame kaitinisa kandanyetala Jisasanya ita poko doko sakamaina leami-pyaa. Akali doko yuu taono Saitini tange Alekesandapa Lupasapanya takange-pyaa.
24924	MRK 15:29	Jisasa pyao yukuotae kateamo dokonya-kaita endakali payamino dupame Jisasa kilya kandao aiyomba ema-ema pyoo dapa leami-pyaa: “‘Losuu anda andake doko lakyepala yuu gii tepoma pitona,’ leeno akali dake!
25028	LUK 1:66	Lao tayamino doko siamino endakali dupa pitakame dapa lao masiami-pyaa: Kamongo dokome wane doko pupu lao nisoo katapalumuna lao masetala lao pituu, “Tenda wane doko aipale joo katata lusilyamape?” leami-pyaa.
25043	LUK 2:1	Akali Okasatasa lenge doko Loma yuu dokonya Kapomanenya Isingi Mupa katao baame yuu pitakanya endakali dupa kenge pepanya setena lao baame pii doko yuu pitakanya wai lao taya-pyaa.
25060	LUK 2:18	Lao paneaminopa pii doko siamino endakali dupa pitaka mona andeami-pyaa.
25095	LUK 3:1	Wamba Kapomane Isingi Akali Mupa Taipitiasa lenge dokome Loma yuu doko pitaka ee kana kingi ita mende-kisa dee yuungi dupa isoo kateamopa, akali Pondiasa Pailate lenge doko yuu Jutia dokonya kapomane andake katea-pyaa. Gii dokopaka akali Etote lenge dokome yuu potopinja yakane Galili dokonya kapomanenya isingi akali katea-pyaa. Etotenya kaiminingi Pilipa lenge dokome yuu potopinja yakane Itutiapa Tekonaitasapa dolapo isoo katea-pyaa. Akali Laisaniasa lenge dokome yuu potopinja yakane Apilini doko isoo katea-pyaa.
25106	LUK 3:12	Dee takisa nyingi akali mendapua kaimbu pyekena lao ipupala dupame baa lamaiyoo, “Mana Lenge Akali, naimame aipa pimape?” leami-pyaa.
25118	LUK 3:24	Ilai baa Matate ikiningi. Matate baa Lipai ikiningi. Lipai baa Melekai ikiningi. Melekai baa Janai ikiningi. Janai baa Josepe ikiningi.
25121	LUK 3:27	Jota baa Joanane ikiningi. Joanane baa Lesa ikiningi. Lesa baa Setapapele ikiningi. Setapapele baa Siatiele ikiningi. Siatiele baa Netai ikiningi.
25123	LUK 3:29	Ea baa Josua ikiningi. Josua baa Eliase ikiningi. Eliase baa Jotimi ikiningi. Jotimi baa Matate ikiningi. Matate baa Lipai ikiningi.
25124	LUK 3:30	Lipai baa Simione ikiningi. Simione baa Juta ikiningi. Juta baa Josepe ikiningi. Josepe baa Joname ikiningi. Joname baa Elayakimi ikiningi.
25129	LUK 3:35	Neo baa Setaka ikiningi. Setaka baa Liu ikiningi. Liu baa Peleke ikiningi. Peleke baa Ipa ikiningi. Ipa baa Sila ikiningi.
25130	LUK 3:36	Sila baa Kenana ikiningi. Kenana baa Apasata ikiningi. Apasata baa Sema ikiningi. Sema baa Noa ikiningi. Noa baa Lemeke ikiningi.
25131	LUK 3:37	Lemeke baa Metusala ikiningi. Metusala baa Inoko ikiningi. Inoko baa Jeteta ikiningi. Jeteta baa Malalili ikiningi. Malalili baa Kenana ikiningi.
25138	LUK 4:6	Laitaka petala Sataneme Jisasa lamaiyoo, “Dupanya isepenge kalaipi dee kalai dupanya kenge singipi dupa pitaka namba-kisa sepelyamona emba ditoana, nambame masingili pyoo mokosepenge.
25203	LUK 5:27	Dopa petala Jisasame kamaka pyakalyetala pao pituu muni takisa nyingi akali Lipai lenge mende takisa nyingi anda ongonya peteamo doko kandatala lamaiyoo, “Embame namba watao ipu!” lea-pyaa.
25205	LUK 5:29	Akali Lipai dokome baanya andaka Jisasanya nee longo yangakamaiyamopa takisa nyingi akalipi endakali wakapi longo dupa awapa dolapo-pipa nee nao peteami-pyaa.
25282	LUK 7:18	Jisasanya lao pii doko lao tayaminopa Jonenya disaipele dupame pii dupa pitaka sepala Jone lamaiyami-pyaa. Lamaitiaminopa baame baanya disaipele lapoma epena latala Kamongo doko kateasa pii dapa lao pisala pena lea-pyaa: “Emba akali mende ‘Ipatana’ latae dokope, pande naimame akali waka mende malisemape?” lao pisala pena lea-pyaa.
25286	LUK 7:22	Dokopa Jisasame Jonenya disaipele dolapo lamaiyoo, “Nyilyambome pilyetala kandelyambino dupapi silyambino dupapi Jone lamaiyepape. Lenge koo dupa dee lenge telyamino. Moko koo dupa kaita paelyamino. Kopetali dupa mee jilyamino. Kaleketa dupame pii silyamino. Endakali kumapae dupa dee lenge tao kalyamino. Endakali tipya dupame Wai Pii Epe doko silyamino.
25304	LUK 7:40	Dopa lao masiamopa Jisasame baa lamaiyoo, “Saimone, emba nambame pii mende langitoo,” lea-pyaa. Dopa leamopa Saimoneme baa lamaiyoo, “Mana Lenge Akali, embame pii doko laa,” lea-pyaa.
25344	LUK 8:30	Mana dopale dupa minao katenge doko Jisasame pisoo, “Emba kenge apipi?” lea-pyaa. Baame Jisasanya pii yanu pyao, “Namba kenge Longo lengena,” lea-pyaa. Enjele koo longo baa-kisa paleamino tenge dokonya kenge Longona lea-pyaa.
25363	LUK 8:49	Jisasame pii dopa lao kateamopa Jutamanya losuu anda isingi akali Jaitasa dokonya andaka katenge akali mendeme ipupala Jaitasa lamaiyoo, “Embanya wanaku doko kumatalamona, Mana Lenge Akali doko deaka embame kenda pisala nayape!” lea-pyaa.
25385	LUK 9:15	Leamoli pyoo baanya disaipele dupame lamaitiaminopa endakali pitaka isa peteami-pyaa.
25408	LUK 9:38	Dokopa akali dupanya mendeme endakali kaina dokonya katao kyoto joo ee lao, “Mana Lenge Akali! Embame nambanya wane dake nisakape! Nambanya wane mendai dake iki-kaita embame nisakatale lao ee lelyo.
25412	LUK 9:42	Laminao epeamopa enjele koo dokome wane doko lombanya setapala minao walu lasia-pyaa. Dokopa Jisasame enjele koo doko pyalanya leamosa wane doko mee jia-pyaa. Dokopa Jisasame wane doko takange doko tange maiyakamaiya-pyaa.
25457	LUK 10:25	Dokopa mana setapae masingi akali mendeme ipupala Jisasa makande pyoo dapa lea-pyaa: “Mana Lenge Akali, nambame aipa petala lete etete katatope?” lea-pyaa.
25464	LUK 10:32	Maitakao akali Lipai tata mende epeamo dokome dopaka pyoo akali pyapae doko kandatala lemba pyatalaka pea-pyaa.
25519	LUK 11:45	Dopa leamopa mana setapae masingi akali dupanya mendeme baanya pii yanu pyao, “Mana Lenge Akali, embame naima pii lamba lao imbu pisilinoakana,” lea-pyaa.
25541	LUK 12:13	Endakali longo kambu pyao peteamino dupanya akali mendeme Jisasa lamaiyoo, “Mana Lenge Akali, embame nambanya kaiminingi doko lamaiyoo, ‘Nalimbanya takangenya moya dupa baame mokosetala yangi namba dina,’ lamaiyakape,” lea-pyaa.
25570	LUK 12:42	Dopa leamopa Kamongo dokome lao pituu, “Lelyamoli pyoo kalai pyakamaingi mona palenge kendemane doko apipi? Baa kamongo dokome baanya kendemane waka dupa isoo nee napenge gii dii lao mokosoo maiyoo katena lenge kendemane doko daape.
25640	LUK 14:18	Leamoli pyoo kendemane dokome pao endakali dokaita lamaitiamopa dokaita pitakame pii mendai dopaleaka lao, ‘Kapa napumana lumuna,’ leami-pyaa. Mendeme kendemane doko lamaiyoo, ‘Nambame yuu mende sambapuna doko kanja patoo, naipapo lumuna pipitana maka nakayape,’ lea-pyaa.
25643	LUK 14:21	“Dokopa kendemane dokome baanya kamongo doko lamaiya pea-pyaa. Lamaitiamopa anda tange dokome imbu kayapala kendemane doko lamaiyoo, ‘Embame alo pyao yuu taono dakenya kaitini andakepi yakanepi dupanya pupala endakali tipyapi, papa tambotaepi, lenge mondapi, moko koyapaepi dupa nambanya andaka laminao ipupi!’ lea-pyaa.
25709	LUK 16:20	Dee akali tipya amungi longo pingi Lasatasa lenge doko koteaka lao kamongo dokonya anda kambusa paliuu sepa pingi-pyaa.