23218	MAT 1:5	Salomane ikiningi Boasa. Boasa endangi doko Leapa. Boasa ikiningi Opeta. Opeta endangi doko Lusa. Opeta ikiningi Jesi.
23231	MAT 1:18	Jisasa Kataisa mandeamo dokonya atome doko dapa: Jisasa endangi Matia doko akali Josepeme nyetana lao andaka joo peteambi-pyaa. Dopaka doko, Josepeme Matia endana lao lanyepala nayamopa, Oli Sipitisame Matia wane maiyamopa tongata petea-pyaa.
23233	MAT 1:20	Dopa lao masoo kateamopa, Kamongonya enjele mendeme baa kombeame lamaiyoo, “Josepe, Dapiti yumbange, embame enda Matia doko embanya enda jina lao lanyalanya paka nakayape. Baanya inginya wane pilyamo doko Oli Sipitisame maiya.
23272	MAT 3:11	Nambame nyakama mona kapilyalapale lao endakimi kaimbu pyekelyo. Dopaka doko, akali maita pyao epelyamo dokome Oli Sipitisa dokopa itatepame nyakamanya kaimbu pyakata. Baanya pupu lapae dokome nambanya pupu lapae doko ita miningi. Nambame baanya moko pee pingi dolapo sakamaipenge namba epe daaka.
23277	MAT 3:16	Jisasanya kaimbu pyalu petakamaiyamopa baame endaki doko yakinatala pyakalyia-pyaa. Pyakalyeteamopa kaiti doko saa papa laloo pia-pyaa. Dopa peteamopa baame kandeamopa Oli Sipitisa doko yaka maileo joo ipupala Jisasa baa-kisa petea-pyaa.
23279	MAT 4:1	Gii dokopa Sataneme Jisasa minao makande pina lao Oli Sipitisa dokome baa laminao endakali napalenge yuu mendasa pea-pyaa.
23506	MAT 10:20	Nyakamame pii latamino dupa nyakama tangeme masetala laa nayatami. Nyakamanya Takangenya Oli Sipitisa dokome nyakama lungu petala lata.
23586	MAT 12:28	Dopaka doko, nambame Gotenya Oli Sipitisa doko mambele enjele koo dupa watao pyato kandao doko, Goteme nyakama isala ipatamosa.
23589	MAT 12:31	Tenge dokonya nambame nyakama langilyo, Goteme endakali dupanya koo pingi dupapi baa kandao lamba latamino dupapi dupa pitaka kunanya nepakamaita. Dopaka doko, endakali mendeme Oli Sipitisa doko kandao lamba latamo kandao doko, Goteme baanya koo doko kunanya nepakamaiya nayata.
23590	MAT 12:32	Endakali mendeme Endakalinya Ikiningi doko kandao lamba latamo kandao doko, Goteme baanya doko kunanya nepakamaita. Dopaka doko, endakali mendeme Oli Sipitisa doko kandao lamba latamo kandao doko, Goteme baanya koo doko indupapi tendapi kunanya nepakamaiya nayatakana,” Jisasame lea.
23620	MAT 13:12	Opale singi endakali doko mendapua apata konda pyoo maitamopa, baa-kisa longo seta. Dopaka doko, opale nasingi endakali doko-kisa setamo dolapo nyokonyeta.
23786	MAT 17:17	Dopa leamopa Jisasame lao pituu, “Kanau! Masoo minala naenge uanga pyoo paengema endakali nyakama! Oo koto koto ongo namba nyakama-pipaka tole katatama laape? Nyakamame nambaka nenge nyoo katatami laape? Wane doko laminao namba kalyosa ipupa!” lea.
23896	MAT 21:1	Dokaita Jetusaleme tengesale pao pituu, Olipimanda yuu dokonya taono Betepasi dokonya peami. Pao pituu dokopa Jisasame disaipele lapoma wambao pena lao lamaiyoo, “Yuu taono yakane nyalambonya enomba-kaita omo silyamo ongonya pupala, mena dongi mende anjetae yakane apata katatambinopa, nyalambome pupae kanjambinona, liangao minao ipupape.
23984	MAT 22:43	Dopa leaminopa baame dupa lamaiyoo, “Dopa tamo kandao doko, Dapitimi aki mende masetala baanya yumbange doko kandao ‘Kamongona’ lea-pyaape? Doko, Oli Sipitisa dokome Dapitinya mona sakatasiamopa baame dapa lea-pyaana lapae silyamo:
24006	MAT 23:19	Nyakama lenge monda daape! Angi doko andukupi? Opale epe setapae dokope, pande setapae doko Gotenyana lao makande pingi olata toko dokope?
24026	MAT 23:39	Ongonya nambame nyakama langilyona, indupa pituu tee pyao nyakamame namba etete nakandawaka katao, ‘Akali epelyamo dake auu pisetaena, Kamongo Goteme epena lapumopa epelyamona,’ latamino gii dokonya tuu latamina,” Jisasame lea.
24029	MAT 24:3	Olipimanda yuu dokonya Jisasa peteamopa baanya disaipele dupame elyakao ipupala baa pisoo, “Embame laleno dutupa andukupa pitana lao lalepe? Aki mende pitamopa naimame kandatala emba dee ipanya pilino, yuu dake etalanya pilyamo lao masetama laape? Dokonya embame naima langi,” leami.
24054	MAT 24:28	Opale mende kumapae silya mendasa yaka lakepame dupa ipao kambu pingimana,” Jisasame lea.
24086	MAT 25:9	Dopa leaminoaka doko, enda masepae dutupame dolotupanya pii yanu pyakamaiyoo lao pituu, ‘Olipi ipange atupame naimapi nyakamapi pitaka kapa napyapome lamona, sisoa andaka pupala nyakamanya waka sambatamino doko kapana,’ leami-pyaa.
24106	MAT 25:29	Doko aipuma? Opale singi endakali dupa pitaka nambame mendatupa apata konda pyoo maitopa dupa-kisa longo seta. Dopaka doko, opale nasingi endakali doko-kisa setamo dolapo nyokonyoto.
24112	MAT 25:35	Wamba namba lopo kayopa nyakamame nee diami. Endaki nanu kayopa kamuoo diami. Opone joo epeopa lanyiami.
24120	MAT 25:43	Opone joo epeopa lanyala nayami. Yambale napyoo kateopa nandiami. Yaina siopapi anjetae paleopapi kanja naepeamina,’ lata.
24153	MAT 26:30	Dopa lateamopa dokaitame wee mende latao pituu kamanda pyakalyetala Olipimanda dokonya peami.
24283	MAT 28:19	Dopana nyakama pupala endakali paliuu pelyamo dupa pitaka nambanya disaipele injisalapape. Dopa pyoo pituu, Takange dokopi, Ikiningi dokopi, Oli Sipitisa dokopi dutupanya kenge doko lao kaimbu pyakamaiyepape.
24292	MRK 1:8	Nambame nyakamanya kaimbu endakimi pyekelyona, baame Oli Sipitisa dokome nyakamanya kaimbu pyakatana,” lea-pyaa.
24294	MRK 1:10	Kaimbu pyatakamaiyamopa baame endaki doko yakinatala ketae pyakalyulu petala kandeamopa kaiti doko saa papa laloo petala Oli Sipitisa doko yaka maileo joo baa-kisa epea-pyaa.
24296	MRK 1:12	Dokopa Oli Sipitisa dokome endakali napalenge mendasa baa pena lao pyasia-pyaa.
24386	MRK 3:29	Dopaka doko, endakali mendeme Oli Sipitisa kandao lamba latamo kandao doko, tendapi baanya koo doko baa-kisa etete seta. Baanya koo doko tenda tendapi soaka patana,” lea-pyaa.
24414	MRK 4:22	Doko, opale yalo petae silyamo dupa panatae seta. Opale sanga pyatae silyamo dupa lopalyetae seta.
24417	MRK 4:25	Opale singi endakali doko konda pyoo maita. Opale nasingi endakali doko-kisa setamo dolapo nyokonyetana,” lea-pyaa.
24499	MRK 6:23	Baame lao pituu, “Opale mende embame nambame isoo kalyo dokonya yangipa kapa lao tee lateli pyoo kiningi etete nambame dyaapona,” lea-pyaa.
24547	MRK 7:15	Opale kamanda silya mende endakali mende-kisa landa pilya dokome kapa pao baa minao koyasala naenge. Endakali mende-kisa opale koko palelya mende kamanda epelya dokome baa minao koyasingi.
24550	MRK 7:18	Dopa piaminopa baame dokaita lamaiyoo, “Nyakamame apata masala naengemakape? Opale kamanda singi doko pitaka endakali mende-kisa landa pyatala endakali doko kapa pao koyasala naenge doko nyakamame masala naelyamipi?
24552	MRK 7:20	Dopa latala dee baame lao pituu, “Opale endakali koko paliuu kamanda epenge dokome endakali doko koyasingi.
24626	MRK 9:19	Dopa leamopa Jisasame lao pituu, “Kanau! Masoo minala naengema endakali nyakama! Oo koto koto ongo namba nyakama-pipaka tole katatama laape? Nyakamame nambaka nenge nyoo katatami laape? Nyakamame baa laminao namba kalyo asa ipupa,” lea-pyaa.
24710	MRK 11:1	Dupa Jetusaleme tengesale pao pituu, Olipimanda yuu dokonya taono Betepasipa Betanipa singi dolaponya peami-pyaa. Dopa petala Jisasame baanya disaipele dupanya lapoma wambao pena lea-pyaa.
24759	MRK 12:17	Dopa leaminopa baame dokaita lamaiyoo, “Opale Kapomane Isingi Mupa dokonya dupa tange maiyakamaiyepape. Dee opale Gotenya dupa Gote tangeaka maiyakamaiyepape,” lea-pyaa. Jisasame dopa leamopa dokaitame baa kandao mona andeami-pyaa.
24778	MRK 12:36	Oli Sipitisame lungu piamopa Dapiti tangeme dapa lea ‘Kamongo Gote dokome nambanya Kamongo doko lamaiyoo, “Emba nambanya kingi tolae-kaita katape. Katatenopa nambame embanya yandapipili dupa embanya moko pundipundi ongonya katena lato,” leana,’ lea-pyaa.
24789	MRK 13:3	Jisasa baa Olipimanda yuu dokonya losuu anda andake doko katenge dokaita-kaita kandatae petea-pyaa. Dopa piamopa Pitapi, Jemesapi, Jonepi, Endutupi dutupame elyakao baa dapa lao pisiami-pyaa:
24797	MRK 13:11	Endakali dupame nyakama anjetala laminao kosa anda ongonya pataminopa nyakamame aipa lamanape lao wambao nea nakayalapape. Kosa lapenge gii ongopa Goteme nyakama pii ditali pyoo laapape. Nyakamame latamino doko nyakama tangeme laa nayatamina, Oli Sipitisame lata.
24849	MRK 14:26	Dopa lateamopa dokaitame wee mende latao pituu kamanda pyakalyetala Olipimanda dokonya peami-pyaa.
24977	LUK 1:15	Baa Kamongonya enomba dokonya andake joo katata. Baa bia akipi waenepi dupa etete nanao katata. Baa endanginya ingiandaka pititamopa Oli Sipitisa doko tee pyao baa-kisa tumbasalanya ipata.
24979	LUK 1:17	Oli Sipitisa dokome Ilainja-kisa pupu lao epeamoli pyoo baa-kisa ipatamopa baame Kamongo doko ipatana lao baa wambata. Wambatala baame wanepi takangepi waka joo katenge dupa nyoo pyaseta. Baame Gotenya pii watao minala naenge dupame mana tolao minao paenge endakali dupame masingimali pyoo masina lao minao kapilyeta. Baame endakali dupa depa lakamaitamopa dokaitame Kamongo dokonya depa latae endakali joo katatamina,” enjele dokome dopa lea-pyaa.
24997	LUK 1:35	Dokopa enjele dokome Matia lamaiyoo, “Oli Sipitisa doko emba-ketae ipata. Etete Ketae Katenge pupu lapae dokome emba isoo katata. Goteme wane epe etete doko embanya inginya palyetakatamopa, embame manditino doko kandao kenge Gote Ikiningi latami.
25003	LUK 1:41	Matiame baa pisiamo doko Ilisapetame siamo gii dokopaka Ilisapetanya ingi dokonya wane peteamo doko ema pia-pyaa. Dokopa Oli Sipitisa dokome ipao Ilisapetanya mona sakatasoo tumbalu pia-pyaa.
25015	LUK 1:53	Opale daa jilya endakali dupa epeme kapa pisetala, opale longo silya endakali dupa mee pena lao watao pingi.
25029	LUK 1:67	Oli Sipitisa doko ipao wane dokonya takange doko-kisa tumbiamopa, baame potopesa joo dapa lea-pyaa:
25043	LUK 2:1	Akali Okasatasa lenge doko Loma yuu dokonya Kapomanenya Isingi Mupa katao baame yuu pitakanya endakali dupa kenge pepanya setena lao baame pii doko yuu pitakanya wai lao taya-pyaa.
25067	LUK 2:25	Gii dokopa akali Simione lenge mende Jetusaleme yuu dokonya katea-pyaa. Baa akali epe tolatae joo katao Gote lao tama pyoo katenge-pyaa. Akali mendeme Isataele endakali dupa mona yaepasoo kii tamao nyala ipatana lao malisoo katelyamopa Oli Sipitisa doko baa-kisa katenge-pyaa.
25068	LUK 2:26	Oli Sipitisa dokome wambao Simione doko kandao dapa lamaiya-pyaa: “Emba yapa kumala nayate. Kamongo dokonya Kataisa doko kandatala kumatena,” lea-pyaa.
25069	LUK 2:27	Yuu mende Oli Sipitisa dokome akali Simione dokonya mona sakatasiamopa baa losuu anda andake dokonya pea-pyaa. Gii dokopa Jisasanya endangi takangepame Kamongonya mana seteamoli pyoo losuu anda andake dokonya wane doko mandyuu peambiaka-pyaa.
25110	LUK 3:16	Dopa lao masiaminopa Joneme dupa pitaka lamaiyoo, “Nambame nyakama endakimi kaimbu pyekelyoaka doko, akali mende epelyamo dokonya pupu lapae dokome nambanya pupu lapae doko ita miningi. Baanya moko pee pingi kende dolapo tata lakamaipenge namba epe daa. Baame ipupala Oli Sipitisapa itatepa dolapome nyakamanya kaimbu pyakatana,” lea-pyaa.
25116	LUK 3:22	Dopa piamopa Oli Sipitisa doko yaka maileo joo Jisasa-kisa epeamopa, pii mende kaitinya katao leamo dokome lao pituu, “Emba nambanya Ikiningi mona setenge dokona, nambame emba kandao mona epe palyingina,” lea-pyaa.
25126	LUK 3:32	Dapiti baa Jesi ikiningi. Jesi baa Opeta ikiningi. Opeta baa Boasa ikiningi. Boasa baa Sila ikiningi. Sila baa Nasone ikiningi.
25133	LUK 4:1	Joneme baanya kaimbu doko pyatakamaiyamopa Jisasame endaki Jotane doko yakinea-pyaa. Dokopa Oli Sipitisa dokome baa-kisa tumbatala laminao endakali napalenge yuu mendasa pea-pyaa.
25146	LUK 4:14	Dokopa Oli Sipitisa dokome Jisasa pupu lasoo kateamopa, Galili yuu dokonya pilyoo pea-pyaa. Dokome baanya lao pii lapae mende Galili yuu doko pitakanya taya-pyaa.
25150	LUK 4:18	“Kamongo dokonya Oli Sipitisa dokome namba isilyamo. Nambame endakali tipya dupa Wai Pii Epe doko lamaipi lao baame yapao nyia. Baame namba puu lao pituu: ‘Endakali anjetae palenge dupa Goteme mokao nyepelyamona, endakali lenge koo dupa Goteme lenge tasetekelyamona lao pii lamaiya puu lea. Dee endakali kenda pipaenya anjetae joo katenge dupa nambame mokao nyala puu lea.
25332	LUK 8:18	“Opale singi endakali doko konda pyoo maita. Dopaka doko, opale nasingi endakali mendeme silyamona lao masilyamo dolapo nyokonyetana, nyakamame pii aipa pyoo silyamape lao kandao soo kalyepape!” lea-pyaa.
25411	LUK 9:41	Dopa leamopa Jisasame lao pituu, “Kanau! Masoo minala naengema uanga pyoo paengema endakali nyakama! Oo koto koto ongo namba nyakama-pipaka tole katatama laape? Nyakamame nambaka nenge nyoo katatami laape?” lea-pyaa. Dopa latala baame akali doko lamaiyoo, “Embanya wane doko laminao asa ipu!” lea-pyaa.
25453	LUK 10:21	Gii dokopaka Oli Sipitisa dokome Jisasanya mona etete yaepasiamopa, Jisasame lao pituu, “Apane, emba yuupi kaitipi dupa pitakanya Kamongo kalyeno! Embame mana longo kandenge endakalipi masepae endakalipi dupame nakandena lao yalo piino dupa endakali wane ŋaŋa joo katengema dupame kandena lao panasiino dokonya nambame emba lao tama pilyo. Kini, Apane, embame pitona lao auu pyoo masiinoli pyoo petee-pyaana,” lea-pyaa.
25487	LUK 11:13	Dopana, nyakama takange koo dupame nyakamanya wane dupa oapi epe dupa maingima tamo kandao doko, Takange kaitinya katenge dokome nyakamanya wane mailyamino doko etete ita minao baa-kisa tee lelyamino endakali dupa Oli Sipitisa doko maingina,” lea-pyaa.
25538	LUK 12:10	“Endakali mendeme Endakalinya Ikiningi doko daa latamo kandao doko, Goteme baanya koo doko kunanya nepakamaita. Dee endakali mendeme Oli Sipitisa doko kandao lamba latamo kandao doko, Goteme baanya koo doko kunanya nepakamaiya nayata.
25540	LUK 12:12	Oli Sipitisa dokome pii lapenge dupa gii dokopaka nyakama ditana,” lea-pyaa.
25548	LUK 12:20	Oapi longo setenge akali dokome dopa leamoaka doko, Goteme baa lamaiyoo, ‘Emba akali mona napalenge lamo! Indupa kuka gii dakenya emba kapa pao kumalapeno. Dokopa oapi embanya nyoo limbateleno dupa pitaka apinya jetape?’ lea-pyaa.
25743	LUK 17:23	Tenda endakali mendapuame nyakama langyoo, ‘Omo kanjepa!’ ‘Ama kanjepa!’ latamiaka doko, nyakamame mendasa kutao kanja napenya mee kalyepape.
25757	LUK 17:37	Dopa leamopa disaipele dupame pii dutupa sepala lao pituu, “Kamongo, andusa dopa pitape?” leami-pyaa. Dokopa Jisasame dokaita lamaiyoo, “Opale mende kumapae silya mendasa yaka lakepame dupa ipao kambu pingimana,” lea-pyaa.
25826	LUK 19:26	Dopa leaminoaka doko, kiŋi dokome dokaita lamaiyoo, ‘Opale singi endakali dupa pitaka konda pyoo maito. Dopaka doko, opale nasingi endakali doko-kisa setamo dolapo nyokonyoto.
25829	LUK 19:29	Pao Olipimanda yuu dokonya taono Betepasipa Betanipanya tengesa pyakamatala baame baanya disaipele dupanya lapoma wambao pena lea-pyaa.
25837	LUK 19:37	Yuu Olipimanda dokonya lanao ipao Jetusaleme tengesale pateamopa, baanya disaipele dupanya kambu longo mendeme wamba baame kalai pupu lapae piamo kandeamino dupa pitaka lao masoo mona yaepatala puu lao Gote lalyoo dapa lao wee leami-pyaa: “Kiŋi epelyamo dake auu pisetaena, Kamongo Goteme epena lapumopa epelyamo! Goteme naima kandao mona lyuu lelyamo. Etete Ketae Kaitinya Katenge doko lao tama pyoo katamanalena,” leami-pyaa.
25931	LUK 21:36	Nyakama kandao isoaka kalyepape! Opale pitamo dupanya wandinya nepatamana lao, dee Endakalinya Ikiningi dokonya enombanya elya nakayao toya katatamana, Gote embame naima pupu lasepe lao loma soaka kalyepape,” lea-pyaa.
25932	LUK 21:37	Jisasame losuu anda andake dokonya kotaka dii lao endakali dupa mana lamaitala yuu kuala epeamopa baame yuu taono doko yakinatala Olipimanda dokonya palya pata pia-pyaa.
25972	LUK 22:39	Dopa latala Jisasame yuu taono doko yakinatala Olipimanda dokonya pengeliaka pyoo peamopa baanya disaipele dupa awapa peami-pyaa.
26146	JHN 1:33	Nambame baa kanja nayao katewaka doko, endakimi kaimbu pyakamaiya puu leamo Gote dokome namba langyoo, ‘Sipitisa doko ipao akali mende-kisa pititamo kandate. Akali dokome Oli Sipitisa dokome kaimbu pyakamaitana,’ lea.
26148	JHN 1:35	Oo yongama Jone baa dee baanya akali disaipele dupanya lapoma-pipa dokonya awapa katea.
26156	JHN 1:43	Oo yongama Jisasa baa Galili yuu dokonya patoo lao masetala, pao baame Pilipa kandatala lamaiyoo, “Emba namba watao ipu,” lea.
26159	JHN 1:46	Dopa leamopa Natanieleme baa lamaiyoo, “Opale epe mende Nasatete yuu dokonya kapa pao pyakalyetape?” lea-pyaa. Pilipame baa lamaiyoo, “Kanjale ipu,” lea-pyaa.
26194	JHN 3:5	Dopa leamopa Jisasame yanu pyao, “Nambame emba etete kiningi langilyona, endakali mende endakipa Oli Sipitisa dokopame dee ŋaŋa joo manja nayatamo kandao doko, Gotenya isingi dokonya kapa pao napata.
26195	JHN 3:6	Endakalimi endakaliaka mandenge. Oli Sipitisame sipitisaka mandenge.
26197	JHN 3:8	Poo dokome poo lao patoo lao masilyali pyoo lao pelyamopa embame poo lelyamo doko singi. Dopaka doko, angi anja pituu lelyape, anja lao pelyape lao nakandenge. Dokotekee joo, Oli Sipitisame mandelyamo endakali dupa pitaka mendai dopaka pingina,” lea-pyaa.
26436	JHN 7:39	Baame dopa leamo doko, endakali baa lao masoo minatamino dupame Oli Sipitisa doko nyetamina lao masoo lea. Gii dokopa Jisasa kenge andake nyepala nayamo dokonya Oli Sipitisa doko ipatala naya.
26451	JHN 8:1	[Endakali dupa pitaka mendai mendai lao nyakamanya andaka peami. Dopaka doko, Jisasa baa Olipimanda yuu dokonya pea.
26763	JHN 14:26	Dopaka doko, nyakama nisetamo Oli Sipitisa doko Takangeme namba lao masetala epena lata. Dokome dupa pitaka nyakama mana langyoo dee nambame nyakama mana langio dupa pitaka masalapale lao nyakamanya masingi sakatasakao pita.
26913	JHN 19:19	Pailateme pii mende pepa pyanya ita poko dokonya ketae katea. Pepa pyao kateamo doko dapa latae katea: JISASA DOKO NASATETE TANGE. BAA JUTA DUPANYA KINI DOKO.
26958	JHN 20:22	Dopa latala baame dokaita-kisa poo lanya pisetala lao pituu, “Nyakama Oli Sipitisa doko nyalapa.
26993	ACT 1:1	Kaimia Tiopilasa, nambame pepa wambao pio dokonya Jisasame tee pyao kalai pyoo mana lamaiyoo kateamo ongo pitakanya lao lao pao Goteme baa kaiti-kisa lanyiamo dokonya lao tuu leo. Jisasame baanya aposele yapao nyiamo dutupame kalai pina lao Oli Sipitisa doko-kisa pii lamaitiamopa Goteme baa kaiti-kisa lanyia-pyaa.
26997	ACT 1:5	Joneme endakimi endakali dupanya kaimbu pyakamaiya. Dopaka doko, gii kuki patatamopa Takange dokome Oli Sipitisa dokome nyakamanya kaimbu pyakatana,” lea-pyaa.
27000	ACT 1:8	Dopaka doko, Oli Sipitisa doko nyakama-kisa ipatamopa nyakamame pupu lapae nyepala Jetusaleme yuu dokonyapi, Jutia yuu pitaka dupanyapi, Samatia yuu dokonyapi, dee yuu dupa pitakanya nambanya lao pii lamaiyoo kapa pitamina,” lea-pyaa.
27004	ACT 1:12	Dokopa dokaita Olipimanda katao Jetusaleme pilyiami-pyaa. Olipimanda doko Jetusaleme tengesaIsataele dupame Sambasa giinya kaitini tengesa paengema opale.
27008	ACT 1:16	“Kaimia paluma, wamba Oli Sipitisa dokome akali Dapitinya kambunya lungu piamo doko pepa pyapae silyamo. Sipitisa dokome Jisasa anjala epeamino akali dupa kaitini laitaka piamo akali Jutasa kandao lea-pyaa. Pepa pyapae doko kiningi jepengena, indupa kiningi jetelyamo.
27022	ACT 2:4	Oli Sipitisa doko dupa pitaka-kisa tumbia-pyaa. Dokopa dutupame Sipitisa dokome pii lena lao maiyali pyoo pii tata waka waka dupa lao sakateami-pyaa.
27030	ACT 2:12	Dopa latala mona andao dupa pitakame mende lamai lamai pyoo, “Ongo aipa pilyape?” leami-pyaa.
27051	ACT 2:33	Goteme baa kaiti-kisa lanyiamopa Gotenya kingi tolae dokonya kalyamo. Wamba Takangeme maitona leamoli pyoo Oli Sipitisa doko Takange-kisa nyepelyamo. Dopa petala indupa nyakamame soo kandelyamino dupa Goteme pilyamo.
27056	ACT 2:38	Dopa leaminopa Pitame dutupanya pii yanu pyakamaiyoo, “Nyakama mona kapilyetala nyakama mendai mendai lawanya Goteme koo dupa kunanya nepekena lao Jisasa Kataisanya kenge doko lao kaimbu nyalapape. Dokopa Goteme Oli Sipitisa doko nyakama mee ditona leamo doko dita.
27099	ACT 4:8	Dokopa Oli Sipitisa dokome Pita-kisa tumbateamopa baame dupa lamaiyoo, “Akali andakepi, isingi akalipi, nyakamame indupa gii dakenya nalimba kosimi lao akali yaina pyapae dake aipa petala auu pyoo kalyape lao pisilyamino.
27116	ACT 4:25	Oli Sipitisa dokome embanya kalai akali naimanya yumbange Dapiti doko lungu pisetala baa-kisa embame dapa lea-pyaa: ‘Aipuma endakali tata waka dupame kandanya paliuu imbu kayami-pyaape? Aipuma naimanya tata dupame angi nanjepenge kalai dupa pimana lao kaita kutiami-pyaape?
27122	ACT 4:31	Dopa lao loma sepeaminopa limbao peteamino anda doko ema-ema pia-pyaa. Dokopa Oli Sipitisa dokome dokaita pitaka-kisa tumbateamopa paka nakayao Gotenya pii doko pupu lao lamaiyami-pyaa.
27131	ACT 5:3	Dopa piamopa Pitame baa pisoo, “Ananayasa, embame aipuma Satane doko embanya ingi monapinya ipao tumbina kayalepe? Embame aipuma Oli Sipitisa doko sambo pii lamaitala, yuu dokonya muni mendatupa tange nyoo setalepe?
27137	ACT 5:9	Ongopa Pitame baa lamaiyoo, “Nyalambome aipuma mona mendai paliuu Kamongonya Sipitisa doko minao makande pilyambipi? Embanya akalingi malu pyaa pamino dupa kyuku lao kambusa ipatalumino dupame emba kamaka soo paaminoakana,” lea-pyaa.
27160	ACT 5:32	Naimapi dee Oli Sipitisa Goteme baanya pii sakamaingi endakali diamo dokopimi piamo dupa lao panelyamanona,” leami-pyaa.
27173	ACT 6:3	Dopana, kaimia paluma, nyakamame nyakamanya akali kalange kenge epe singi masingi epe palenge Oli Sipitisame tumbatae mendatupa kutalapape. Kutao nyepataminopa naimame akali dutupame kalai dake isoo kandao katena latama.