23216	MAT 1:3	Juta ikiningi dolapo Petesapa Satapa. Dolaponya endangi doko Tama. Petesa ikiningi Esotone. Esotone ikiningi Lamo.
23319	MAT 5:16	Dopaka pyoo nyakamame endakali dupa tii pisoo kalyepape! Dopa pitaminopa dupame nyakamanya kalai epe dupa kandatala nyakamanya Takange kaitinya katenge doko lao lalyetamina,” Jisasame lea-pyaa.
23348	MAT 5:45	Dopa pitamino dokome nyakamanya Takange kaitinya katenge dokonya wane joo katatami. Baame niki doko endakali koopi epepi dupa pitaka-kisa tapina lenge. Baame aiyuu doko endakali mana tolatae miningipi mana koo miningipi dupa pitaka-kisa epena lenge.
23349	MAT 5:46	Nyakamame endakali nyakama auu kayatamino dupa iki auu kayatamino kandao doko, dokonya nyakama yole aki mende nyetamipi? Takisa nyingi akali dupame dopaka napingimape?
23351	MAT 5:48	Dopana, nyakamanya Takange kaitinya katenge dokome tolalakao tolatae katengeli pyoaka nyakama kalyepape!” Jisasame lea-pyaa.
23352	MAT 6:1	“Nyakamame nyakamanya mana tolatae dupa endakali dupame kandapimili lao minatamane lao kandao kalyepape. Dopa pitamino kandao doko, nyakamanya Takange kaitinya katenge dokome nyakama yole mende nandita.
23355	MAT 6:4	Dopa pyoo nyakamame kondo kaenge mana doko yalo pyoo minataminopa nyakamanya Takange dokome mana yalo pyoo minatamino dupa kandatala nyakama yole mende ditana,” Jisasame lea-pyaa.
23357	MAT 6:6	Dopaka doko, nyakamame loma salanya pituu nyakamanya palenge palo ongonya pao kaita pai lanyetala nyakamanya Takange yalo pyoo katenge doko lao loma salapape! Dopa pitaminopa nyakamanya Takange dokome nyakamame yalo pyoo pitamino doko kandatala nyakama yole mende dita.
23359	MAT 6:8	Nyakama endakali dopale joo nakalyepape! Nyakamanya Takange Gote dokome nyakamanya daa jilyamo dupa nyakamame tee laa naengesa wambao masingi!
23360	MAT 6:9	Nyakamame dapa lao loma salapape: Naimanya Takange ketae kaitinya katenge doko, Embanya kenge doko auu pyoaka sina lape.
23365	MAT 6:14	Dopana, endakali mendeme nyakama-kisa koo pitamo dupanya yanu nyala nayatamino kandao doko, nyakamanya Takange kaitinya katenge dokome nyakamanya koo pitamino dupa kunanya nepakataka.
23369	MAT 6:18	Endakali dupame nyakama nee nanao kalyaminona lao masala naena lao dopa pyepape. Dopa pitaminopa nyakamanya Takange yalo pyoo katenge dokome iki maseta. Baame nyakamanya yalo pyoo pitamino doko kandatala nyakama yole mende ditana,” Jisasame lea-pyaa.
23374	MAT 6:23	Dopaka doko, embanya lenge lapo tao payateno kandao doko, embanya yonge doko pitaka iminjeta. Tii pipae emba-kisa silyamo doko iminjetamo kandao doko, iminjetae doko etete andaka jetana,” Jisasame lea-pyaa.
23377	MAT 6:26	Nyakamame yaka dupa kanjepape! Dupame ee pokala naengema. Dupame nee mandyuu ipao nee setenge anda dupanya mau pyala naengemaka. Dopaka doko, nyakamanya Takange kaitinya katenge dokome dupa nee maingi. Dopana nyakamame yaka dupa etete ita minao nakalyamipi?
23383	MAT 6:32	Mana dopale dupa pitaka kamalya katenge endakali dupame watao miningima. Dopaka doko, nyakamanya Takange kaitinya katenge dokome nyakama daa jilyamo dupa pitaka masetelyamo.
23385	MAT 6:34	Tenge dokonya minao nyakamame taitanya lao masetala nea nakayalapape. Taita doko taitanya kalai. Kenda pipae yuu mendai doko gii dokopa ikiaka jingina,” Jisasame dopa lea-pyaa.
23393	MAT 7:8	Tee lelyamino endakali dupa pitakame nyingima. Kutilyamino endakali dupa pitakame kandengema. Andakaita watawata pilyamino endakali dupa pitakanya kaita lumbakamaingi.
23396	MAT 7:11	Dopana, nyakama takange koo dupame nyakamanya wane dupa oapi epe dupa maingima tamo kandao doko, nyakamanya Takange kaitinya katenge dokome nyakamanya wane mailyamino doko etete ita minao baa-kisa tee lelyamino endakali dupa opale epe dupa maingi.
23406	MAT 7:21	“Namba kandao, ‘Kamongo, Kamongo,’ lenge endakali dupa pitaka Kaitinya Katenge dokome isingi dokonya napatami. Nambanya Takange kaitinya katenge dokome masingili pingima dupa iki patami.
23444	MAT 8:30	Tengesa dosale mena elyambu mende nao kateami-pyaa.
23488	MAT 10:2	Aposele kingi ita mende-kisa dee lapoma dutupanya kenge dupa datupa: wambao doko Saimone kenge mende Pita lengema dokopi, baanya kaiminingi Endutupi, Sepete ikiningi Jemesapi, baanya kaiminingi Jonepi, Pilipapi, Batolomyupi, Tomasapa takisa nyingi akali Matyupi, Aopiasa ikiningi Jemesapi, Tatiasapa Saimonekenge mende Kenanayosa lengema dokopi, Jisasa enge nyiamo akali Jutasa Isaketiote dokopi dutupa.
23506	MAT 10:20	Nyakamame pii latamino dupa nyakama tangeme masetala laa nayatami. Nyakamanya Takangenya Oli Sipitisa dokome nyakama lungu petala lata.
23515	MAT 10:29	Endakali dupame muni toya mendaimi yaka pimbinakae lapoma sambengema daape. Dopa pingimaka doko, nyakamanya Takange dokome kaka nasilyamo kandao doko, yaka dupanya mendaipi mende isa mangala naenge.
23518	MAT 10:32	“Endakali mendeme endakali dupa-kisa ‘Namba Kataisanyana,’ lao lao panatamo doko kandao, nambame nambanya Takange kaitinya katenge doko-kisa ‘Baa nambanyana,’ lao lao panatoaka.
23519	MAT 10:33	Dopaka doko, endakali mendeme endakali dupa-kisa ‘Namba Kataisanya daana,’ latamo doko kandao, nambame nambanya Takange kaitinya katenge doko-kisa ‘Baa nambanya daana,’ latoakana,” lea.
23549	MAT 11:21	Baame lao pituu, “Taono Kotasina tange dupame koyatama iki lamo lao masina! Taono Betesaita tange dupame koyatamaka iki lamo lao masina! Dupame kalai pupu lapae nyakamanya yuu dolaponya kandeami dupa wamba Taya yuupa Saitone yuupa dolaponya endakali dupame kandeamili kandao doko, dokaitame kenai lumbanya aiyombanya pyalyetala mena kende matapu pyoo yuu wamba waka mona kapilyiamili!
23550	MAT 11:22	Goteme endakali mokosetamo gii dokopa yuu dolaponya kenda pipae ipatamo dokome Taya yuupa Saitone yuupa dolaponya kenda pipae doko ita minatana lao nambame nyakama langilyo.
23555	MAT 11:27	“Nambanya Takangeme dupa pitaka nambame isepe lao namba-kisa setea. Endakali mendaipi mendeme Ikiningi doko masala naenge. Takangeme iki masingi. Dee endakali mendaipi mendeme Takange doko masala naengeaka. Ikiningimi iki masingi. Dee Ikiningi dokome Takange doko endakali mende laitaka pitoo lao masetala petelyamopa endakali dokome Takange doko lao masingiaka.
23571	MAT 12:13	Dopa latala baame akali kingi kumapae doko lamaiyoo, “Embanya kingi doko tinoka,” lea. Tinokateamopa kingi doko yangi epe dopaleaka jia.
23589	MAT 12:31	Tenge dokonya nambame nyakama langilyo, Goteme endakali dupanya koo pingi dupapi baa kandao lamba latamino dupapi dupa pitaka kunanya nepakamaita. Dopaka doko, endakali mendeme Oli Sipitisa doko kandao lamba latamo kandao doko, Goteme baanya koo doko kunanya nepakamaiya nayata.
23595	MAT 12:37	Emba tangenya pii dokonyaka Goteme, ‘Emba-kisa tenge mende nasilyamona,’ lata. Daa tamo kandao doko, emba tangenya pii dokonyaka Goteme, ‘Tenge emba-kisa silyamona,’ latana,” Jisasame lea.
23599	MAT 12:41	Wamba akali Jonaa dokome yuu Nenepa tange dupa pii panao lamaiyamopa dokaitame sepala mona kapilyiaminoaka doko, indupa Jonaa doko ita miningi akali doko ae kalyamo. Tenge dokonya Goteme endakali mokosetamo gii dokopa endakali Nenepa tange dupame sakatatala nyakama kosimi latami.
23600	MAT 12:42	Wamba Isingi Enda Kuini mendeme yuu Sauta-kaita pituu masingi akali Solomone lenge doko kanjanya kaita etete londe mendenya epea-pyaa. Dopaka doko, indupa akali mendeme Solomone etete ita minao ae kalyamo. Tenge dokonya Goteme endakali mokosetamo gii dokopa, Isingi Enda Kuini dokome sakatatala nyakama kosimi latana,” lea.
23608	MAT 12:50	Nambanya Takange kaitinya katenge dokome masingili pingima endakali dupa nambanya kaiminingipi, pimalengepi, endangipina,” Jisasame lea.
23635	MAT 13:27	Dokopa akali ee tange dokonya kalai akali dupame baa peteasa ipupala pisoo, ‘Akali andake, embame embanya ee dokonya wiisa wai epe lyandala naepe? Tanu koo kalyamo dupa anjatae kalyape?’ leami-pyaa.
23643	MAT 13:35	Dopa piamo dokome wamba potopesa mende-kisa lungu petala Goteme pii dapa leamo doko angi jia: “Nambame dupa pii kongali lao lamaito. Tee piamo dokonya pituu indupa tuu lao yalo petae dupa nambame lao pyanga pyatona,” lea.
23647	MAT 13:39	Tanu koo lyandeamo akali yandapipi doko, Satane. Wambu pitamo gii doko, yuu dake etatamo doko. Dee nee mandyuu mau pingi akali dupa, enjele dupa.
23651	MAT 13:43	Dokopa endakali tolatae dupa niki tele pyoo dupanya Takangeme isingi dokonya katatamina, nyakama kalekaita singi dupame pii doko salapapena!” Jisasame lea.
23656	MAT 13:48	Tumbatelyamopa wapaka nyingi akali dupame pyalya lao lembasa nyepala isa pituu yapengema. Yapapala epe dupa nyakamanya pengenya pyandatala koo dupa nepengema.
23715	MAT 15:13	Baame dokaitanya pii yanu pyao, “Nambanya Takange kaitinya katenge dokome waingi pokala nayamo dupa pitaka pingi-pipa yukuota.
23723	MAT 15:21	Jisasame yuu doko yakinatala yuu taono Tayapa Saitonepanya yuu siamo dupanya pea.
23758	MAT 16:17	Dopa leamopa Jisasame baa lamaiyoo, “Saimone, Jone ikiningi, emba mona yaepasetae. Doko embame pii kiningi leleno dake endakali mendeme langya naya. Daa. Nambanya Takange kaitinya katenge dokome emba-kisa panasia.
23768	MAT 16:27	Endakalinya Ikiningi doko baanya enjele dupa-pipa baanya Takangenya tii pipae doko tambetambe kapa pao ipata. Ipupala endakali mendai mendai lao dupame mana minataminoli pyoo yanu pyata.
23806	MAT 18:10	“Nyakamame wane koo datupanya mendaipi mende angi mende daa lamo lao masetamina kandao kalyepape. Nambame nyakama langilyona, wane koo dupa isingi enjele dupa koteaka lao nambanya Takange kaitinya katenge doko-pipa awapa katengema.
23810	MAT 18:14	Dopaka pyoo nyakamanya Takange kaitinya katenge dokome wane koo datupanya mende alu napipya laka lao masingina,” Jisasame lea.
23815	MAT 18:19	“Dee nambame pii mende nyakama dapa langilyo: nyakamanya endakali lapomame isa yuu dakenya katao mona mendai palyetala mende pyekena lao loma soo tee latambino kandao doko, nambanya Takange kaitinya katenge dokome kapa pao pyakamaita.
23831	MAT 18:35	Dopa latala baame kongali pii doko etasoo lao pituu, “Nyakama mendai mendai lao dupame nyakamanya endakali yango mendeme koo pingyetamo dupanya yanu dupa kiningi etete kayala nayatamino kandao doko, nambanya Takange kaitinya katenge dokome nyakama mendai dopaka pitana,” lea.
23835	MAT 19:4	Dopa leaminopa baame yanu pyao, “Nyakamame pii dake itaki napiamipi? ‘Tee piamo dokopa Pyoo Injiamo dokome endapa akalipa lao wasia-pyaa.’
23836	MAT 19:5	Dopa petala baame lao pituu, ‘Tenge dokonya akalimi baanya endangi takangepa yakinatala, baanya etanengepa kopatala dolapo yonge mendai joo pititambina,’ lea-pyaa.
23884	MAT 20:23	Dopa leambinopa Jisasame dolapo lamaiyoo, “Kiningi etete nyalambome nambanya kapo penge dokonya natambiaka doko, nambanya kingi tolae-kaita petena lengepi koya-kaita katena lengepi doko nambanya kalai daa. Nambanya Takangeme katatamina lao yapao nyiamo endakali dupa katatamina,” lea-pyaa.
23925	MAT 21:30	Takange dokome wane mende doko kateasa pao dopaka lamaiya-pyaa. Dopa lamaiyamopa, ‘Apane, yaka lumu,’ leamoaka doko, angi napea-pyaa.
23970	MAT 22:29	Dokopa Jisasame dokaitanya pii yanu pyakamaiyoo, “Nyakamame Gotenya pii pepa pyapae singi doko masala nayao baanya pupu lapae doko masala nayawaka pingima. Tenge dokonya nyakamame etete kopeta lelyamino.
23996	MAT 23:9	Dee nyakamame isa yuu dakenya endakali mende nyakamanya ‘Takangena’ laa nayalapape. Kaitinya katenge doko iki nyakamanya Takange.
24021	MAT 23:34	Tenge dokonya minao nambame nyakama dapa langilyona salapape: nambame potopesapi, mana kandenge akalipi, pii lapae masingi akalipi dupa nyakama katatamisa epena lato. Dopa pitopa nyakamame dupanya mendapua pyao kumasetami. Mendapua pyao ita pokonya yukuotami. Dee mendapua nyakamanya losuu andaka dupanya konjame pyapala yuu taono mendenya watao pyata mendenya watao pyata pitami.
24031	MAT 24:5	Tenge doko endakali longome namba epele lao ipupala, ‘Namba Kataisa dokona,’ lao endakali longo minao kyakasetami.
24062	MAT 24:36	“Endakali mendaipi mendeme yuu etenge gii doko andukupa ipatape, kiloko gii andukunya ipatape lao masala naengema. Enjele kaiti-kisa katenge dupame masala naengema. Ikiningi dokome apata masala naengeaka. Takange dokome iki masingi.
24108	MAT 25:31	“Tenda Endakalinya Ikiningi doko baanya tii pipae dokonya tambetambe enjele dupa pitaka-pipa awapa ipupala, baa etete kamongao kiŋi petenge toko dokonya pitita.
24111	MAT 25:34	“Dokopa kiŋi dokome kingi tolae-kaita katatamino dupa lamaiyoo lao pituu, ‘Nyakama nambanya Takangeme auu piseteana ipupa! Yuupi kaitipi tee piamo dokopa baame isingi panda doko nyakamanyana lao depa lanya setekeamo dokona nyala ipupa.
24152	MAT 26:29	Dee nambame nyakama langilyona, indupa pituu nambame getepe ipange dake nala nayawaka katao tenda nambanya Takangeme isingi dokonya, nyakama-pipa awapa getepe ipange enenge doko natamano gii dokonya tuu latona,” Jisasame lea.
24162	MAT 26:39	Dopa latala baa kuki umbisale pao yuunya tombauli sepala loma soo pituu, “Nambanya Takange, embame namba-kisa kenda pipae silyamo dake nyoo nepakapenge jia kandeno doko, nyoo nepakape! Dopaka doko, nambame masilyoli napinya, embame masetenoli pipi,” lea-pyaa.
24165	MAT 26:42	Dopa latala Jisasame dee paa lapo pyoo pao loma soo pituu, “Nambanya Takange, nambame kenda pipae dake kayala nayao nyepengeaka jia kandeno doko, embame masetenoli pipi,” lea-pyaa.
24176	MAT 26:53	Nambame nambanya Takangeme namba nisina lao wii lapupa baame gii dokopaka enjele tata kingi ita-kisa dee lapoma ita minao etete longo epena lapyalina lao embame masala naelepe?
24206	MAT 27:8	Tenge dokonya endakali dupame yuu doko kandao kenge Taiyokopausa leami doko indupa mee lelyaminoaka.
24283	MAT 28:19	Dopana nyakama pupala endakali paliuu pelyamo dupa pitaka nambanya disaipele injisalapape. Dopa pyoo pituu, Takange dokopi, Ikiningi dokopi, Oli Sipitisa dokopi dutupanya kenge doko lao kaimbu pyakamaiyepape.
24357	MRK 2:28	Tenge dokonya, Endakalinya Ikiningi dokome Sambasa gii doko apata isoo kalyamoakana,” Jisasame lea-pyaa.
24364	MRK 3:7	Jisasapi baanya disaipele dupapi endaki pete dokonya peami-pyaa. Galili tange kambu longo mendeme baa watao peami-pyaa. Dee Jutia tangepi, Jetusaleme tangepi, Itumia tangepi, endaki Jotane yangitena tangepi, Taya tangepi, Saitone tangepi dupame baame pilyamo lapae dupa sepala baa kateamo dokonya kambu longo dupa epeami-pyaa.
24375	MRK 3:18	Baame Endutupi, Pilipapi, Batolomyupi, Matyupi, Tomasapi, Aopiasa ikiningi Jemesa dokopi, Tatiasapi, Saimonekenge mende Kenanayosa lengema dokopi, Jisasa enge nyiamo akali Jutasa Isaketiote dokopi dutupa makande pia-pyaa.
24474	MRK 5:41	Pupala wanaku dokonya kinginya minatala baa lamaiyoo, “Talita kumu,” lea-pyaa. Pii doko kapilyoo, “Wanaku, emba nambame sakata lelyona,” lea-pyaa.
24515	MRK 6:39	Baame disaipele dupa lamaiyoo, “Tanu dupanya endakali dupa pitaka wakale wakale lao kambu pyao petena laapa,” lea-pyaa.
24556	MRK 7:24	Dopa latala baame yuu doko yakinatala yuu taono Taya dokonya yuu siamo dupanya pea-pyaa. Pupala baa anda mendenya kolandatala endakali mendeme baa nakandamili lao masia-pyaa. Dopa lao masiamoaka doko, baa kapa pao yalo pipenge nanjia-pyaa.
24563	MRK 7:31	Dee baa yuu taono Taya dokonya yuu siamo dupa yakinatala Saitonepa Dekapolisapa yuu dolaponya-kaita pao endaki Galili pete dokonya pilyia-pyaa.
24607	MRK 8:38	Endakali kepo kolenge koo pingi palelyamino dupanya mendeme nambapi nambanya piipi dupanya elya kayatamo kandao doko, Endakalinya Ikiningi doko Takangenya tii pipae dokonya tambetambe enjele etete epe dupa-pipa tole ipatamo dokopa baame apata endakali doko kandao elya kayatana,” Jisasame lea-pyaa.
24664	MRK 10:7	Tenge dokonya akalimi baanya endangi takangepa yakinatala, baanya etanengepa kopatambi.
24703	MRK 10:46	Dokopa dokaita yuu taono Jeteko dokonya epeami-pyaa. Jisasapi baanya disaipele dupapi, dee endakali kambu andake mendepimi Jeteko yuu doko yakinatala peaminopa, Timiasa ikiningi Batimiasa lenge akali lenge monda muni akipi tee lao petenge doko kaitinisa petea-pyaa.
24721	MRK 11:12	Taita dopa pyoo Betani yuu ongonya katao epeaminopa Jisasa baa lopo kaya-pyaa.
24723	MRK 11:14	Jisasame piki ita doko lamaiyoo, “Tenda tendapi endakali mendaipi mendeme embanya dii doko dee nala nayapengena,” lea-pyaa. Dopa leamo doko baanya disaipele dupame siami-pyaa.
24729	MRK 11:20	Taita dopa pyoo yongama wamba kaita dokonya pao pituu kandeaminopa piki ita doko tengenya pituu sapuoo pao mangenya tuu latae katea-pyaa.
24733	MRK 11:24	Tenge dokonya minao nambame nyakama langilyona, nyakamame opale nyemana lao loma soo tee latamino dupa pitaka nyetamana lao masoo minao kalyepape. Dopa pitaminopa kini angi jakata.
24734	MRK 11:25	Nyakamame toya katao loma soo pituu, nyakamanya Takange kaitinya katenge dokome nyakamanya koo dupa kunanya nepekena lao endakali mendeme nyakama-kisa koo pitamo dokonya yanu dupa kayalapape.
24735	MRK 11:26	[Nyakamame endakali mendenya koo pingi yanu dupa kayala nayatamino kandao doko, nyakamanya Takange kaitinya katenge dokome nyakamanya koo dupa kunanya nepakala nayatakana,”] Jisasame lea-pyaa.
24818	MRK 13:32	“Endakali mendaipi mendeme yuu etenge gii doko andukupa ipatape kiloko gii andukunya ipatape lao masala naengema. Enjele kaiti-kisa katenge dupame masala naengema. Ikiningi dokome apata masala naengeaka. Takange dokome iki masingi.
24960	MRK 16:18	Kanopato salenda dupa kingimi minatala koyala nayatami. Tomakai dupa napala kumala nayatami. Endakali yaina pyapae dupa kingimi minataminopa yaina dupa mee jetamina,” lea-pyaa.
24963	LUK 1:1	Tiopilasa, emba akali etete epe! Wamba naimanya kainanya kalai tata sakateamo dupa Gotenya pii lamaingi akali mendapuame lengeme kandatala dupanya lao leaminopa naimame siama. Dee akali longo dupame dokaitanya pii sepala tolao setalanya pepa dupa pyao makande piami-pyaa.
25028	LUK 1:66	Lao tayamino doko siamino endakali dupa pitakame dapa lao masiami-pyaa: Kamongo dokome wane doko pupu lao nisoo katapalumuna lao masetala lao pituu, “Tenda wane doko aipale joo katata lusilyamape?” leami-pyaa.
25091	LUK 2:49	Dokopa Jisasame dolapo lamaiyoo, “Aipa lao masetala namba kutao katambipi? Nambame nambanya Takangenya anda dakenya pititina lao nyilyambome masala nayapimbipi?” lea-pyaa.
25095	LUK 3:1	Wamba Kapomane Isingi Akali Mupa Taipitiasa lenge dokome Loma yuu doko pitaka ee kana kingi ita mende-kisa dee yuungi dupa isoo kateamopa, akali Pondiasa Pailate lenge doko yuu Jutia dokonya kapomane andake katea-pyaa. Gii dokopaka akali Etote lenge dokome yuu potopinja yakane Galili dokonya kapomanenya isingi akali katea-pyaa. Etotenya kaiminingi Pilipa lenge dokome yuu potopinja yakane Itutiapa Tekonaitasapa dolapo isoo katea-pyaa. Akali Laisaniasa lenge dokome yuu potopinja yakane Apilini doko isoo katea-pyaa.
25128	LUK 3:34	Juta baa Jekope ikiningi. Jekope baa Aisake ikiningi. Aisake baa Apotakame ikiningi. Apotakame baa Teta ikiningi. Teta baa Neo ikiningi.
25175	LUK 4:43	Dopa pyoo kateaminoaka doko, baame dokaita lamaiyoo, “Goteme isilyamona lapae Wai Pii Epe dake nambame yuu taono waka tange dupa apata lamaipengeaka. Tenge dokonya baame namba puu leana,” lea-pyaa.
25229	LUK 6:14	Akali Saimone doko Jisasame kenge mende Pita leamo dokopi, Saimonenya kaiminingi Endutu dokopi, Jemesapi, Jonepi, Pilipapi, Batolomyupi, Matyupi, Tomasapi, Jemesa lenge Aopiasa ikiningi dokopi, Saimonekenge mende Selote lenge dokopi, Jutasa lenge Jemesa ikiningi dokopi, Jutasa Isaketiote lenge Jisasa enge nyiamo akali dokopi dutupa yapao nyepala kenge aposele lea-pyaa.
25232	LUK 6:17	Jisasame akali dutupa-pipa yuu lama mendasa lanao ipupala baanya disaipele longopi, Jutia yuu doko pitakanya endakali etete longo epeamino dupapi, Jetusaleme tangepi, solowata pete andake dokonya lembanya yuu singi Taya tangepi, Saitone tangepi dupa awapa kateamiaka-pyaa.
25251	LUK 6:36	Nyakamanya Takange kaitinya katenge dokome nyakama kondo kaengeli pyoo nyakamame endakali dupa kondo kayalapape.
25275	LUK 7:11	Taita dopa pyoo Jisasa yuu taono Nena lenge dokonya pea-pyaa. Baanya disaipele dupapi endakali kambu longo mendapua-pipa awapa peami-pyaa.