23257	MAT 2:19	Etote kumateamopa, maitakao Kamongonya enjele mende Isipe yuu dokonya ipupala Josepe kombea pimaiyoo, “Emba wane dokopa endangipa dolapo laminao Isataelemanya yuu dokonya pilyepe. Wane doko pyalanya piamino endakali dupa kumatelyaminona,” lea-pyaa.
23301	MAT 4:23	Jisasame Galili yuu doko pitakanya awali lao paya-pyaa. Dopa pyoo baame endakali dupa nyakamanya losuu anda dupanya mana lamaita, Kaitinya Katenge dokome isingi dokonya lao Wai Pii Epe doko lamaita pia-pyaa. Dee baame endakalipi yaina tata tatame pyapae dupapi papa tambotae dupapi dupa pitaka mee injisoo katea-pyaa.
23315	MAT 5:12	Nyakamanya yole etete andake doko kaitinya sekelyamona, nyakama eteke kayao mona epe palyalapape! Wamba potopesa kateamino dupa dopaka piami daape.
23380	MAT 6:29	Wamba akali Solomoneme baa tangenya yati tata dupa pitaka petala tanu dupanya dii yati pipae epe dopale mendeme yati pyoo nakateana lao nambame nyakama langilyo.
23390	MAT 7:5	Emba sambo akali epe jili pyoo kalyeno! Wambao embanya lengenya ita waiyepae andake mende silyamo doko nyoo nepao embanya lenge takondape petala, endakali yango mendenya lenge kuni silyamo doko kapa pao nyoo nepakamaiti.
23407	MAT 7:22	Gii andake doko ipatamopa endakali longo dupame namba kandao, ‘Kamongo, Kamongo, naimame embanya kenge doko lao Wai Pii Epe doko lamaiyama. Naimame embanya kenge doko lao enjele koo longo watao piama. Naimame embanya kenge doko lao kalai pupu lapae longo dupa piamana,’ latami.
23450	MAT 9:2	Dokopa endakali mendapuame akali papa tambotae mende lapa tokonya soo baa kateasa epeami-pyaa. Dopa piaminopa Jisasame dokaitanya masoo miniamino doko kandatala, akali papa tambotae doko lamaiyoo, “Wane, embanya koo dupa kunanya nepekelyona, emba mona yaepa!” lea-pyaa.
23470	MAT 9:22	Dopa piamopa Jisasame kapilyetala enda doko kandatala lamaiyoo, “Wanaku, embame masoo minapino dokome emba mee injisetelyamona, emba mona yaepa!” lea. Dopa leamo gii dokopaka enda dokonya yaina doko mee jia.
23472	MAT 9:24	Dopa piaminopa baame dokaita lamaiyoo, “Nyakama pyuu pupa! Wanaku dake kumatala nayalamo. Baa luu palyeme lamona,” lea. Dopa leamopa endakali dupame baa kilya kandao gii kayami.
23481	MAT 9:33	Dokopa Jisasame akali doko-kisa enjele koo paleamo doko watao pyakamaiya. Pyatakamaiyamopa akali doko pii lea. Dopa piamopa endakali kambu piamino dupame mona etete andapala, “Wamba naima Isataele endakali dupame mana dapale mendaipi mende nakandeamana,” leami.
23483	MAT 9:35	Jisasame yuu taono andakepi yakanepi dupa pitakanya awali lao payao, nyakamanya losuu anda dupanya katao mana lamaita Kaitinya Katenge dokome isingi dokonya lao Wai Pii Epe doko lamaita pia. Dee baame endakali yaina tata tatame pyapaepi papa tambotaepi dupa pitaka mee injisia.
23507	MAT 10:21	“Akali mendapuame nyakamanya kaiminingi etete dupa enge nyepala pyao kumasina lao maitami. Akali mendapuame nyakamanya wane dupa dopaka pitami. Wane mendapuame kandapilyetala nyakamanya endangi takangepi dupa pyao kumasina lao maitamiaka.
23529	MAT 11:1	Jisasame pii manapi dutupa baanya disaipele kingi ita mende-kisa dee lapoma dutupa lamaiyoo etapala dokopa, baa kateamo panda doko yakinatala yuu dokaita taono singi dupanya Wai Pii Epe doko lamaiyoo, mana lamaiyoo pyaanya pea.
23533	MAT 11:5	‘Lenge koo dupa dee lenge telyamino. Moko koo dupa kaita paelyamino. Kopetali dupa mee jilyamino. Kaleketa dupame pii silyamino. Endakali kumapae dupa dee lenge tao kalyamino. Endakali tipya dupame Wai Pii Epe doko silyamino.
23535	MAT 11:7	Jonenya disaipele dutupa pilyeteaminopa, endakali kambu pyao kateamino dupa Jonenya lao Jisasame pii lamaiyoo, “Wamba nyakamame endakali napalenge yuu dokonya aki mende kanja peamipi? Kembo maitangepi mende poome ema ema pyoo kateamo kanja peamipi?
23544	MAT 11:16	“Nambame endakali tata indupa palelyamino dupa aki mendepa makande pyuape? Wane kole dupame kamapi dupanya kambu lapoma pyao pitipala pii dapa lao yanu pyaloo pyoo lengema: ‘Naimame nyakamanya pulupapulatakalamanoaka doko, nyakama lyala nayalamino! Nyakama kondo kayao ee latakalamanoaka doko, nyakama itingi laa nayalamino!’ Wane dupame dopa lao katengemana nyakama dopalema lamo.
23598	MAT 12:40	Wamba Jonaa doko kotaka gii tepo kuka gii tepoaka wapaka andake mendenya ingi koko paleamoliaka pyoo, Endakalinya Ikiningi doko kotaka gii tepo kuka gii tepoaka yuu koko palita.
23599	MAT 12:41	Wamba akali Jonaa dokome yuu Nenepa tange dupa pii panao lamaiyamopa dokaitame sepala mona kapilyiaminoaka doko, indupa Jonaa doko ita miningi akali doko ae kalyamo. Tenge dokonya Goteme endakali mokosetamo gii dokopa endakali Nenepa tange dupame sakatatala nyakama kosimi latami.
23600	MAT 12:42	Wamba Isingi Enda Kuini mendeme yuu Sauta-kaita pituu masingi akali Solomone lenge doko kanjanya kaita etete londe mendenya epea-pyaa. Dopaka doko, indupa akali mendeme Solomone etete ita minao ae kalyamo. Tenge dokonya Goteme endakali mokosetamo gii dokopa, Isingi Enda Kuini dokome sakatatala nyakama kosimi latana,” lea.
23637	MAT 13:29	Dopa leaminopa baame dokaita lamaiyoo, ‘Daana, tanu koo dupa yukuwatiti wiisa dupa awapa yukuotamina, lapota pyasoo andao katao wambu pitamo gii dokonya tuu lena kayalapa. Wambu pitamo gii dokopa nambame nee mandyuu mau pingi akali dupa lamaiyoo, “Wambao nyakamame tanu koo dupa itatenya soo yangapengena yukuoo yaki-yaki pyepape. Dopa petala wiisa dupa elyambu petala nambanya nee setenge anda dokonya setalapape,” latona,’ lea-pyaana,” Jisasame lea.
23646	MAT 13:38	Ee doko, isa yuu dake. Wai epe lyandeamo doko, Goteme isingi endakali dupa. Dee tanu koo dupa, akali koo dokome isingi endakali dupa.
23647	MAT 13:39	Tanu koo lyandeamo akali yandapipi doko, Satane. Wambu pitamo gii doko, yuu dake etatamo doko. Dee nee mandyuu mau pingi akali dupa, enjele dupa.
23706	MAT 15:4	Wamba Goteme lao pituu, ‘Embanya endangi takangepa dolapo andanda semaiyoo katape!’ dee, ‘Endakali mendeme baanya endangi tamopi takange tamopi mende kandao pii koo latamo doko, baa kumina lao pyao kumasepengena,’ lea.
23707	MAT 15:5	Dopaka doko, endakali mendeme baanya endangi takangepi mende kandao, ‘Wamba nambame emba nisoo oapi dioliaka doko indupa nambame Gote maitapuna,’ latamopa nyakamame baanya endangi takangepi andanda semaiyoo nakatapenge jilyamona lengema. Dopa pyoo nyakamanya mana wambatae dupa watao minalanya Gotenya pii doko mee injisingima.
23709	MAT 15:7	Wamba potopesa Aisayame nyakama minakasingima akali nyakama makande pyokondape pyoo dapa lea-pyaa:
23786	MAT 17:17	Dopa leamopa Jisasame lao pituu, “Kanau! Masoo minala naenge uanga pyoo paengema endakali nyakama! Oo koto koto ongo namba nyakama-pipaka tole katatama laape? Nyakamame nambaka nenge nyoo katatami laape? Wane doko laminao namba kalyosa ipupa!” lea.
23845	MAT 19:14	Dokopa Jisasame dokaita lamaiyoo, “Wane wanakupi koo dupa epekena kaita lyokala nayakalapa! Kaitinya Katenge dokome wane wanakupi dapale joo kalyamino endakali dupa isoo kalyamona,” lea.
23883	MAT 20:22	Dopa leamopa Jisasame lao pituu, “Nyakamame lelyamino doko masokondape napilyamino. Wane nyalambome kapo penge namba nato dokonya kapa pao natambipi?” lea-pyaa. Dokopa dolapome baa lamaiyoo, “Nalimba kapana nambana,” leambi-pyaa.
23911	MAT 21:16	Dopa petala dokaitame baa lamaiyoo, “Wane dupame pii lelyamino doko embame silipi?” leami. Dokopa Jisasame dokaita lamaiyoo, “Kini, nambame silyona, pii mende dapa lapae silyamo: ‘Embame wane koopi ŋaŋapi dupanya nengekaita lumbakamainopa dupame emba lalyokondape piamina,’ lapae silyamo doko nyakamame itaki pyala nayamipi?” lea.
23926	MAT 21:31	Dopa latala wane dolaponya andukumi takangenya masiamoli pia lusilyamape?” lao Jisasame dokaita pisia. Dopa lao pisiamopa endakali dupame lao pituu, “Wane mupa dokome lumuna,” leami. Dopa leaminopa Jisasame dokaita lamaiyoo, “Dee nambame nyakama kiningi langilyona, takisa nyingi akalipi kepo kolao paenge endapi dupame nyakama nyoo maita pyatala Goteme isina lao kalyanya ipao wambelyamino.
23931	MAT 21:36	Dopa peteaminopa akali ee tange dokome dee kendemane mendatupa pena lea-pyaa. Wamba pena leamoli pyoo pena laa nayao dee longole pena lea-pyaa. Dopa piamopa ee isakamaingi dupame wamba piaminoliaka piami-pyaa.
23933	MAT 21:38	Dopa leamoaka doko, ee isakamaingi dutupame wane doko epeamo kandatala nyakamalapo lao pituu, ‘Wane dakeme takangenya moya nyepengena, yapa pyao kumasema! Pyao kumasetala baanya ee moya nyepenge dake naima nyetamana,’ leami-pyaa.
24013	MAT 23:26	Lenge monda Patasi! Wambao embame kapo dupanya koko-kaita katenge dupa kunanya nepape. Dopa pitinopa ketae-kaita kunapayaka seta.
24017	MAT 23:30	Dopa pyoo pituu, ‘Wamba naimanya yumbange dupa kateami gii dokopa naima kateamali kandao doko, naimame dupa-pipa awapa potopesa dupa pyao kumasala nayamalina,’ lengema.
24040	MAT 24:14	Dee Kaitinya Katenge dokome isingi dokonya lao Wai Pii Epe doko yuu dupa pitakanya endakali paliuu pelyamo dupa pitakame sina lao lamaitami. Lamaiyoo etapatamino dokopa yuu etenge gii doko ipatana,” lea.
24063	MAT 24:37	Wamba akali Noa kateamo gii dokopa endakali dupame pyoo kateaminoliaka pyoo katataminopa Endakalinya Ikiningi doko dee ipata.
24064	MAT 24:38	Wamba endaki andake doko ipatala nayamopa endakali dupame neepi endakipi dupa nao katao, akali dupa enda lanyoo, enda dupa akali pao Noa endakinya paenge sipi dokonya kolandeamo gii dokonya tuu leami-pyaa.
24112	MAT 25:35	Wamba namba lopo kayopa nyakamame nee diami. Endaki nanu kayopa kamuoo diami. Opone joo epeopa lanyiami.
24119	MAT 25:42	Wamba namba lopo kayopa nyakamame nee nandiami. Endaki nanu kayopa kamuoo nandiami.
24132	MAT 26:9	Wele dake endakalimi sambapiminopa yole andake nyepala endakali tipya dupa maipenge jipyalina,” leami.
24136	MAT 26:13	Nambame nyakama kiningi langilyona, Wai Pii Epe doko yuu dupa pitakanya lamaitaminoli pyoo, endakali dupame enda dake masina lao baame pyomo doko lao tayatamiakana,” Jisasame lea.
24198	MAT 26:75	Wamba Jisasame Pita kandao, “Yaka pauli pii ene laanya pitamopa embame paa tepomasa namba nakandengena laapeno,” leamo doko Pitame masia-pyaa. Masetala kamaka pao ee lao yamataka lea-pyaa.
24270	MAT 28:6	Baa angenya nasilyamo. Wamba baame leamoli pyoo sakatatalamona baa seteamino dakenya kanja ipupa.
24273	MAT 28:9	Alo pyao peambinopa Jisasame kaitinisa kandanyetala, “Wanalapo, anja paanya epelyambipi?” lea-pyaa. Dokopa dolapome tengesa ipao luma lakapala baanya mokonya minao baa tama piambi-pyaa.
24285	MRK 1:1	Jisasa Kataisa Gotenya Ikiningi doko kandao Wai Pii Epe tee piamo doko.
24298	MRK 1:14	Jone anjeteamino dokopa Jisasame Galili yuu dokonya ipupala Gotenya Wai Pii Epe doko lamaiya-pyaa.
24299	MRK 1:15	Baame lao pituu, “Yuu gii doko indupa etete ipatelyamo. Goteme isingi doko tengesa petelyamona, nyakama mona kapilyetala Wai Pii Epe doko masoo minalapa!” lea-pyaa.
24334	MRK 2:5	Dokopa Jisasame akali kitomende dokaitanya masoo miniamino doko kandatala, akali papa tambotae doko lamaiyoo, “Wane, embanya koo dupa kunanya nepekelyona,” lea-pyaa.
24341	MRK 2:12	Dopa leamo dokopa akali dokome pupae sakatatala endakali dupa pitakanya enomba dokonya baanya lapa toko doko nyoo soo kamanda pea-pyaa. Dopa piamosa endakali dupa pitakame doko kandao mona andapala Gote lao lalyoo, “Wamba naimame opale mende etete nakandeamana,” leami-pyaa.
24354	MRK 2:25	Dokopa Jisasame dokaita lamaiyoo, “Dapitimi piamo doko nyakamame pepanya itaki napiamipi? Wamba akali Apayata doko pitisa mupa joo kateamo dokopa Dapitipi baa-pipa awapa kateamino akali dupapi nee daa jiamosa lopo kayapala Dapitimi Gotenya losuu anda dokonya kolandatala betesa Gotenya lao setapae pitisa dupame iki napenge dupa nyepala baa-pipa awapa kateamino dupa maiyoo nea-pyaana,” lea-pyaa.
24420	MRK 4:28	Wambao yoko pingi. Dopa petala mange pyakalyingi. Mange ongonya dii lyoo wambu pingi.
24421	MRK 4:29	Wambu petala napenge gii doko epelyamopa akali dokome uaa pepo dokome lyingina,” lea-pyaa.
24467	MRK 5:34	Dokopa baame enda doko lamaiyoo, “Wanaku, embame masoo minapino dokome emba mee injisetelyamo. Embanya yaina doko mee jilyamona emba mona yaepatala puu,” lea-pyaa.
24472	MRK 5:39	Dopa petala baame andaka kolandatala dokaita lamaiyoo, “Aipuma nyakama pii longo lao ee lao kalyamipi? Wanaku doko kumala nayalamo. Baa luu palelyamona,” lea-pyaa.
24474	MRK 5:41	Pupala wanaku dokonya kinginya minatala baa lamaiyoo, “Talita kumu,” lea-pyaa. Pii doko kapilyoo, “Wanaku, emba nambame sakata lelyona,” lea-pyaa.
24475	MRK 5:42	Dopa leamo dokopa wanaku doko sakatatala paya-pyaa. Dopa piamopa dupame doko kandatala etete walu lao mona andeami-pyaa. Wanaku doko ee kana kingi ita mende-kisa dee lapoma patae-pyaa.
24492	MRK 6:16	Etoteme pii doko sepala lao pituu, “Wamba nambame mange kepeo Jone doko sakatapyana,” lea-pyaa.
24493	MRK 6:17	Wamba akali Etote dokome baanya kaiminingi Pilipa etanenge Etotiasa lenge doko tondao nyia-pyaa. Dopa piamopa, Joneme Etote lamaiyoo, “Embame embanya kaimininginya etanenge tondao nyilino doko kopeta pilinona,” lea-pyaa. Dopa lati siamosa Etoteme enda Etotiasa doko lao masetala baameaka yanda singi mendapuame Jone doko anjina latala anjingi andaka ŋili kendeme anjinya palyia-pyaa.
24504	MRK 6:28	Kepao nyepala pelesa mendenya setapala nyoo ipao wanaku doko maiya-pyaa. Wanaku dokome nyoo baanya endangi maiya-pyaa.
24538	MRK 7:6	Dopa leaminopa baame dokaita lamaiyoo, “Wamba potopesa Aisayame nyakama minakasingima akali dupa makande pyokondape pyoo dapa lea pyaa: ‘Endakali tata dakeme kambumi namba lalyingimaka doko, nyakamanya moname namba-pipa kopala naengema.
24543	MRK 7:11	Dopaka doko, endakali mendeme baanya endangi takangepi mende kandao, ‘Wamba nambame emba nisoo oapi dioliaka doko, indupa nambame Gote maitapuna,’ latamopa nyakamame baanya endangi takangepi mende nisala naena lao daa lengema.
24604	MRK 8:35	Endakali mendeme baa tange isoo auu pyoo katapu laka lao masetamo kandao doko, baa alu pita. Dopaka doko, endakali mendeme nambapa Wai Pii Epe dokopa lao masetala baa tange kame setamo kandao doko, baa auu pyoo katata.
24660	MRK 10:3	Dopa leaminopa baame yanu pyao dokaita lamaiyoo, “Wamba Moseseme nyakamame aipa pyepape lea-pyaape?” lea-pyaa.
24671	MRK 10:14	Dokopa Jisasame kandatala imbu kayapala dokaita lamaiyoo, “Wane wanakupi koo dupa epekena kaita lyokala nayakalapa! Doko, Goteme wane wanakupi dapale joo kalyamino endakali dupa isoo kalyamo.
24681	MRK 10:24	Dopa leamo doko baanya disaipele dupame sepala mona andeami-pyaa. Dokopa Jisasame deaka dokaita lamaiyoo, “Wane paluma, endakali dupa Goteme isina lao kalyanya eteteaka lekeleke tengema.
24686	MRK 10:29	Jisasame lao pituu, “Nambame nyakama kiningi langilyona, nambapa dee Wai Pii Epe dokopa lao masetala endakali dupame nyakamanya anda tamopi, kaiminingi tamopi, pimalenge tamopi, endangi tamopi, takange tamopi, wane tamopi, ee tamopi dupa yakineamino dupame indupa gii dakepa andapi, kaiminingipi, pimalengepi, endangipi, wanepi, eepi dupa andate mende lao nyoo kalyamino. Dee endakali mendapuame dupa watao pilyaminoaka. Dopa petala yuu enenge setamo dokonya lete etete katatami.
24719	MRK 11:10	Wamba Dapitimi naimanya yumbange dupa isoo kateamoli pyoo, indupa Kataisame naima isoo kalyanya epelyamo doko Goteme auu pisetae! Etete Ketae Kaitinya Katenge, embame pyoo nyoo katapena,” leami-pyaa.
24749	MRK 12:7	Pena leamoaka doko, ee isakamaingi akali dupame nyakamalapo lao pituu, ‘Wane dakeme takangenya moya nyepengena, yapa pyao kumasema! Pyao kumasetala baanya ee moya nyepenge dake naima nyetamana,’ leami-pyaa.
24796	MRK 13:10	Wambao Wai Pii Epe doko endakali tata dupa pitaka lamaipenge.
24798	MRK 13:12	Akali mendapuame nyakamanya kaiminingi etete dupa enge nyepala pyao kumasina lao maitami. Akali mendapuame nyakamanya wane dupa dopaka pitami. Wane mendapuame kandapilyetala nyakamanya endangi takangepi dupa pyao kumasina lao maitamiaka.
24828	MRK 14:5	Wele dake endakalimi kapa pao sambapiminopa muni kina andate tepoma-kisa dee mendatupa apata nyepala endakali tipya dupa maipenge jipyalina,” leami-pyaa. Dopa latala enda doko pyalanya leami-pyaa.
24832	MRK 14:9	Nambame nyakama kiningi langilyona, Wai Pii Epe doko yuu dupa pitakanya lamaitaminoli pyoo, endakali dupame enda dake masina lao baame pilyamo dake lao tayatamiakana,” Jisasame lea-pyaa.
24862	MRK 14:39	Dopa latala baa deaka pao loma sia-pyaa. Wambao loma soo leamo pii dutupaka lao loma sia-pyaa.
24936	MRK 15:41	Wamba Jisasa Galili yuu dokonya kateamo dokopa enda dutupame baa watao pupala baa nisiami-pyaa. Dee enda longo mendapua Jisasa-pipa awapa Jetusaleme lalyoo peamino dupa dosa kateamiaka-pyaa.
24949	MRK 16:7	Nyakamame pupala baanya disaipele dupapi Pitapi lamaiyoo, ‘Baa wambao Galili yuu dokonya pelyamo. Wamba baame nyakama langiamoli pyoo nyakamame baa Galili yuu dokonya kandatamina,’ lamaiyepape,” lea-pyaa.
24951	MRK 16:9	[Sandee gii dokonya yongama wamba Jisasa sakatatala Matia Makatala tange dokome wambao kandena lao panea-pyaa. Wamba enda doko-kisa enjele koo kalange paleamopa Jisasame watao pyakamaiya-pyaa.
24957	MRK 16:15	Dopa latala baame dokaita lamaiyoo, “Nyakamame yuu dupa pitakanya pupala Wai Pii Epe doko endakali dupa pitaka lamaiyepape.
24963	LUK 1:1	Tiopilasa, emba akali etete epe! Wamba naimanya kainanya kalai tata sakateamo dupa Gotenya pii lamaingi akali mendapuame lengeme kandatala dupanya lao leaminopa naimame siama. Dee akali longo dupame dokaitanya pii sepala tolao setalanya pepa dupa pyao makande piami-pyaa.
24976	LUK 1:14	Emba mona yaepao eteke kayao katate. Wane doko mandipatamopa, endakali longo dupame mona yaepatamiaka.
24979	LUK 1:17	Oli Sipitisa dokome Ilainja-kisa pupu lao epeamoli pyoo baa-kisa ipatamopa baame Kamongo doko ipatana lao baa wambata. Wambatala baame wanepi takangepi waka joo katenge dupa nyoo pyaseta. Baame Gotenya pii watao minala naenge dupame mana tolao minao paenge endakali dupame masingimali pyoo masina lao minao kapilyeta. Baame endakali dupa depa lakamaitamopa dokaitame Kamongo dokonya depa latae endakali joo katatamina,” enjele dokome dopa lea-pyaa.
24998	LUK 1:36	Embanya kaiingi Ilisapeta lenge enda wambake kandapino dokonya inginya wane ane mende pilyamo. Wamba ingi pyakilyetae wane namandipengena lengema kandapino doko indupa wane tongata pitipumopa kana tokange patelyamo.
25025	LUK 1:63	Dopa leaminopa takange dokome pepa pingi selesa mende peena lao kingimi makande pia-pyaa. Selesa mende maitiaminopa pepa pyao pituu, “Wane dokonya kenge Jonena,” lao baame pepa pia-pyaa. Dopa lao pepa piamopa endakali dupame kandatala mona andeami-pyaa.
25038	LUK 1:76	Wane, emba Gote Etete Ketae Katenge dokonya potopesana latami. Emba wambao pupala Kamongo doko epena lao kaitini dupa depa lakamaiti.
25052	LUK 2:10	Dopa piaminopa enjele dokome dokaita lamaiyoo, “Nyakama paka nakayalapape! Nambame wai pii epe mende minao nyakama langya epelyona salapape! Wai pii epe dokome endakali pitakanya mona etete yaepaseta.
25054	LUK 2:12	Wane doko dapa petae silyamona, nyakamame kandatala baa lamo lao masalamino. Endangi dokome wane doko lapalapa mendeme ambo pyapala mena pulumakawanya nee nenge tapoko mendenya palelyamona kutao pao kanjaminona,” lea-pyaa.
25062	LUK 2:20	Wamba enjele dokome akali mena sipisipi setao katenge dutupa kandao lamaiyamoli pyoo angi kandatala siamino dupapi kandeamino dupapi dutupa pitaka lao masetala Gote lao lalyoo tama pyoo pilyiami-pyaa.
25063	LUK 2:21	Koto gii tukulapo dokonya wane dokonya elya pingi kambu kepakamaipenge gii doko epea-pyaa. Dokopa wane dokonya elya pingi kambu kepatakamaitala wane doko kenge Jisasa leami-pyaa. Wamba Matianya inginya wane napeteamopa enjele mendeme kenge lena leamo dokoaka leami-pyaa.
25090	LUK 2:48	Endangi takangepame walu lao baa kandeambi-pyaa. Kandatala endangi dokome Jisasa lamaiyoo, “Wane, embame aipuma nalimba kandao dopa pyepe? Embanya takangepa nalimbame mona etete kenda kayao emba kutao katapumbana,” lea-pyaa.
25095	LUK 3:1	Wamba Kapomane Isingi Akali Mupa Taipitiasa lenge dokome Loma yuu doko pitaka ee kana kingi ita mende-kisa dee yuungi dupa isoo kateamopa, akali Pondiasa Pailate lenge doko yuu Jutia dokonya kapomane andake katea-pyaa. Gii dokopaka akali Etote lenge dokome yuu potopinja yakane Galili dokonya kapomanenya isingi akali katea-pyaa. Etotenya kaiminingi Pilipa lenge dokome yuu potopinja yakane Itutiapa Tekonaitasapa dolapo isoo katea-pyaa. Akali Laisaniasa lenge dokome yuu potopinja yakane Apilini doko isoo katea-pyaa.
25112	LUK 3:18	Dopa latala endakali dupa mona sakatasakamaiyanya Wai Pii Epe tenge longo dupa waipa soo lamaiyoo katea-pyaa.
25150	LUK 4:18	“Kamongo dokonya Oli Sipitisa dokome namba isilyamo. Nambame endakali tipya dupa Wai Pii Epe doko lamaipi lao baame yapao nyia. Baame namba puu lao pituu: ‘Endakali anjetae palenge dupa Goteme mokao nyepelyamona, endakali lenge koo dupa Goteme lenge tasetekelyamona lao pii lamaiya puu lea. Dee endakali kenda pipaenya anjetae joo katenge dupa nambame mokao nyala puu lea.
25175	LUK 4:43	Dopa pyoo kateaminoaka doko, baame dokaita lamaiyoo, “Goteme isilyamona lapae Wai Pii Epe dake nambame yuu taono waka tange dupa apata lamaipengeaka. Tenge dokonya baame namba puu leana,” lea-pyaa.
25178	LUK 5:2	Dokopa baame sipi lapoma endaki lemba dokonya siamo kandea-pyaa. Wapaka nyingi akali dupame sipi dolapo yakinatala wapaka nyingi mandi dupanya kuni pateamo dupa kaimbu pyao nepao kateami-pyaa.
25196	LUK 5:20	Dokopa Jisasame dokaitanya masoo miningi dupa kandatala lao pituu, “Wane, embanya koo dupa kunanya nepekelyona,” lea-pyaa.
25241	LUK 6:26	Wamba dokaitanya yumbange dupame sambo potopesa dupanya kenge minalyiaminoli pyoo endakali pitakame nyakamanya kenge minalyetamino kandao doko, nyakama koyatami iki lamo!
25257	LUK 6:42	Embame emba tangenya lenge dokonya ita waiyepae andake silyamo doko kandala naeleno doko aipa pyoo embanya endakali yango doko kandao, ‘Kaimia, embanya lengenya kuni silyamona nyakatoo,’ latepe? Emba sambo akali epe jili pyoo kalyeno! Wambao embanya lengenya ita waiyepae andake silyamo doko nyoo nepao embanya lenge takondape petala endakali yango mendenya lenge kuni silyamo doko kapa pao nyoo nepakamaitina,” lea-pyaa.
25278	LUK 7:14	Dopa latala baame tengesa pupala kingimi akali kumapae soo epeamino lapa toko dokonya watandeamopa, akali soo epeamino dupame mee sakatae kateami-pyaa. Dokopa Jisasame lao pituu, “Wane! Emba sakata lelyona, sakata!” lea-pyaa.
25286	LUK 7:22	Dokopa Jisasame Jonenya disaipele dolapo lamaiyoo, “Nyilyambome pilyetala kandelyambino dupapi silyambino dupapi Jone lamaiyepape. Lenge koo dupa dee lenge telyamino. Moko koo dupa kaita paelyamino. Kopetali dupa mee jilyamino. Kaleketa dupame pii silyamino. Endakali kumapae dupa dee lenge tao kalyamino. Endakali tipya dupame Wai Pii Epe doko silyamino.