23219	MAT 1:6	Jesi ikiningi doko Kiŋi Dapiti. Dapiti ikiningi Solomone. Solomone endangi doko wamba akali Yutayame enda nyiamo doko.
23239	MAT 2:1	Matiame Jisasa Jutia yuu taono Beteleme lenge dokonya mandea-pyaa. Gii dokopa akali Etote lenge doko kiŋi katea-pyaa. Maitakao niki pyakaengesa tange buinya tenge masingi akali mendapuame Jetusaleme ipupala lao pituu, “Jutamanya kiŋi katatana lapae wane ŋaŋa doko anja mandipae silyape? Naimame baanya bui doko niki pyakaengesa-kaita katamosa kandatala baa tama pyaa epelyamanona,” leami-pyaa.
23241	MAT 2:3	Kiŋi Etoteme pii doko sepala baa walu lea-pyaa. Jetusaleme tange endakali dupa pitakame sepala apata walu leamiaka-pyaa.
23247	MAT 2:9	Dupame kiŋi dokonya pii dupa sepala peami-pyaa. Peaminopa wamba niki pyakaengesa-kaita bui kateamo kandeamino dokoaka ipao katea-pyaa. Dopa petala wambao pao wane mandipae siamo desa katao lita pia-pyaa.
23254	MAT 2:16	Kanja epeamino akali niki pyakaengesa tange dupame Etote baa minakasetala pumi lumu lao masetala baa etete imbumi kumia-pyaa. Dopa petala yuu Betelemepi dee Beteleme tengesa yuu singi dupanyapi pupala wane ŋaŋa ane ee kana lapo pataepi dee ee kana laponya anatenapi dupa pitaka pyao kumasala pena lea-pyaa. Baame niki pyakaengesa tange masingi akali dupa pisiamopa, dupame baa lamaiyamino gii doko masoo dopa pia-pyaa.
23260	MAT 2:22	Dopaka doko, Akelesa dokome baanya takange Etotenya panda nyoo Jutia yuu dokonya kiŋi joo kalyamo lapae sia-pyaa. Dopa lapae sepala baa yuu dokaita paanya paka kaya-pyaa. Dokopa Goteme baa kombea mende pimaitiamopa, Galili yuu dokonya yangi-kaita pea-pyaa.
23338	MAT 5:35	Nyakamame pii mende pupu lasalanya yuunya kenge doko laa nayalapape. Yuu doko Gotenya moko setapae petenge panda mende. Nyakamame pii mende pupu lasalanya yuu taono Jetusaleme doko kenge laa nayalapapeaka. Jetusaleme doko kiŋi andake dokonya taono mende.
23340	MAT 5:37	Dopana, nyakamame pii mende ŋee lao pituu ŋee iki laapape. Daa lao pituu daa iki laapape. Pii waipa sinyoo lelyamino dupa Sataneme sakatasingina,” Jisasame lea-pyaa.
23504	MAT 10:18	Nyakamame namba watao payataminosa endakali dupame nyakama laminao pao kapomane andakepi kiŋipi dupanya enombanya katasetamiaka. Dopa pitamino dokonya-kaita nyakamame dupapi endakali tata waka dupapi nambanya lao pii lamaitami.
23520	MAT 10:34	“Nambame yuunya endakali dupa mona mendai paliuu katena lao epe yuu yongasalanya epeena lao masala nayalapape. Daa! Nambame epe yuu yongasala naepeona, ŋiliŋali lenge mana doko sakatasala epeo.
23521	MAT 10:35	Ikiningimi takange-pipa ŋiliŋali lena wanengeme endangi-pipa ŋiliŋali lena, akali mendenya etanengeme ayange-pipa ŋiliŋali lena lao lungu pisala epeo.
23536	MAT 11:8	Pande akali mende yonge pee epe tambo lapae yati pipae mende pyoo kateamo kanja peamipi? Yonge pee epe yati pipae dupa pyoo yuu isingi kiŋi dupanya andaka katengema.
23553	MAT 11:25	Gii dokopa Jisasame lao pituu, “Apane, emba yuupi kaitipi dupa pitakanya Kamongo kalyeno! Mana longo kandenge endakalipi masepae endakalipi dupame nakandena lao yalo piino dupa wane ŋaŋa joo katengema endakali dupame kandena lao embame panasiino dokonya nambame emba lao tama pilyo.
23583	MAT 12:25	Dopa leaminopa Jisasame dokaitanya masiamino doko kandatala dokaita lamaiyoo, “Yuu dupanya kiŋi mendeme isingi tata dupanya mende wakale pyoloo petala yanda pitaminopa tata doko etete koyata. Dee yuu taono mendenya tamopi anda mendenya tamopi endakali dupa wakale pyoloo petala yanda pitaminopa taono doko tamopi anda doko tamopi etete koyataka.
23669	MAT 14:3	Doko wamba Etoteme dapa pia-pyaa: baanya kaiminingi Pilipa etanenge Etotiasa lenge doko baa tondao nyia-pyaa. Dopa piamosa Jone Kaimbu Pingi dokome Etote lamaiyoo, “Embame enda doko tondao nyilino doko kopeta pilinona,” lea-pyaa. Dopa lati siamosa Etoteme Etotiasa lao masetala Etoteme Jone ŋili kendeme anjetala anjingi andaka pyandea-pyaa.
23675	MAT 14:9	Dopa leamosa Kiŋi Etote mona kenda kaya-pyaa. Dopa piamoaka doko, wamba baame pii, “Kiningi etete langilyona,” lao leamo dokopi, akali limbao peteamino dupapi lao masetala, “Lelyamo doko baa maiyepa!” lea-pyaa.
23769	MAT 16:28	Nambame nyakama kiningi langilyona, endakali ae kalyamino datupanya mendapua kumapala nayataminopa Endakalinya Ikiningi dokome kiŋi joo isala ipatamo gii doko kandatamina,” Jisasame dopa lea.
23794	MAT 17:25	Dopa leaminopa Pitame lao pituu, “Kini pingi daape,” latala andaka kolandea. Kolandeamopa Jisasame wambao Pita lamaiyoo, “Saimone, embame aipa lao masilipi? Yuu dakenya kiŋi dupame takisa tata tata dupa api-kisa nyingimape? Dupame yuu tenge tange dupa-kisa nyingimape, pande katamana lao epenge endakali dupa-kisa nyingimape?” lea.
23819	MAT 18:23	Dopana, Kaitinya Katenge dokome isingi doko akali kiŋi mendeme baanya kalai akali dupa-kisa yanu siamo dupa pyekena latoo lao masoo kateamo dopale.
23820	MAT 18:24	Kiŋi dokome tee pyao yanu dupa pyekena lao kateamopa kalai akali dupanya mende laminao epeami-pyaa. Akali doko-kisa baanya muni yanu yakiaka etete longo sia-pyaa.
23859	MAT 19:28	Dopa leamopa Jisasame dokaita lamaiyoo, “Nambame nyakama kiningi langilyona, tenda dupa pitaka enenge jetamo gii dokopa Endakalinya Ikiningi doko etete kamongao kiŋi petenge toko dokonya pitita. Gii dokopa nyakama namba watao paelyamino dupame Isataele tata kingi ita mende-kisa dee lapoma dupanya pii tolasakamaiyanya kiŋi petenge toko kingi ita mende-kisa dee lapoma dupanya pititamiaka.
23882	MAT 20:21	Dokopa Jisasame baa pisoo, “Embame aki mende auu kaelepe?” lea-pyaa. Dopa leamopa enda dokome baa lamaiyoo, “Emba kiŋi jeteno gii dokopa nambanya wane dalaponya mende embanya kingi tolae-kaita katata mende koya-kaita katata lao laa,” lea-pyaa.
23900	MAT 21:5	“Nyakamame Sayone tange dupa dapa lamaiyepape: Indupa nyakamanya kiŋi doko nyakama katamisa epelyamo kanjepa. Endakali andanda semaiyoo katenge doko dongi maita dokonya pituu epelyamo. Baa dongi mendenya yakane dokonya maitanya pituu epelyamona,” lea-pyaa.
23911	MAT 21:16	Dopa petala dokaitame baa lamaiyoo, “Wane dupame pii lelyamino doko embame silipi?” leami. Dokopa Jisasame dokaita lamaiyoo, “Kini, nambame silyona, pii mende dapa lapae silyamo: ‘Embame wane koopi ŋaŋapi dupanya nengekaita lumbakamainopa dupame emba lalyokondape piamina,’ lapae silyamo doko nyakamame itaki pyala nayamipi?” lea.
23942	MAT 22:1	Jisasame dee kongali pii mendapua dokaita lamaiyoo lao pituu, “Kaitinya Katenge dokome isingi doko kiŋi mendenya ikiningi doko enda keleamopa baame nee andake mende yawakamaiyamo dopale.
23944	MAT 22:3	Kiŋi dokome endakali wamba epena lateamo dupa nee andake dokonya nala epena lao baanya kendemane mendapuame lanyala pena lea-pyaa. Dopaka doko, dokaitame nala ipumana lao masala nayami-pyaa.
23947	MAT 22:6	Dee yangimi kiŋi dokonya kendemane dupa minatala mana koo minao pyao kumasiami-pyaa.
23948	MAT 22:7	Dopa piamino doko soo kiŋi dokome imbu kayapala baanya yanda singi amii dupa pena lateamopa, dupame pupala kendemane pyao kumasiamino endakali dutupa pyao kumasetala dutupanya yuu taono doko pyao yangeami-pyaa.
23949	MAT 22:8	“Dokopa kiŋi dokome baanya kendemane dupa lamaiyoo, ‘Nambanya nee andake doko depa latae sepelyamoaka doko, nala epena leo endakali dupa kooma lamo.
23952	MAT 22:11	“Peteamino dokonya kiŋi dokome endakali dokaita kanjanya kolandatala kandeamopa, akali mende yonge pee enda kelenge giinya pingi doko napyoo mee peteamo kandea-pyaa.
23954	MAT 22:13	Dopa piamopa kiŋi dokome kendemane dupa lamaiyoo, ‘Nyakamame baanya kingi mokopi dupa yaki petala yuu etete iminjetae dokonya baa soo pyale laapa! Dokonya katao baa ee lao yamataka lao nenge gilyoo katatana,’ kiŋi dokome dopa lea-pyaa.
23957	MAT 22:16	Dopa petala nyakamanya disaipele mendapuapi dee Kiŋi Etote tata mendapuapi dupa Jisasa kateasa pena leaminopa dupame pupala baa kandao lao pituu, “Mana Lenge Akali, emba pii kiningi lenge akalina, embame kiningi pii lao Goteme endakali dupame pipimili lao masingili pyoo mana lamailino lao masilyamano. Embame endakali dupa paka nakayapala itange kandao mokosala nanenge.
24033	MAT 24:7	Akali tata mendeme tata mende yanda pimaita, kiŋi mendenya isingi tata mendeme kiŋi mendenya isingi tata mende yanda pimaita pitami. Dee yuu wakale wakale dupanya lopo andake dupa sepa titiwali dupa minata pita.
24058	MAT 24:32	“Nyakamame piki ita dupanya makande doko masalapape. Mange dupa kanga latala yoko ŋaŋa pyakalyilyamo doko kandatala nyakamame aiyuu kana palyanya pilyamona lao masingima.
24103	MAT 25:26	“Dopa leamopa baanya kamongo dokome baa lamaiyoo, ‘Emba akali koo maka kayapae lamo! Nambame eenya waingi pokala naelyo dupanya yukuoo nao, waingi lyandala naelyo dupanya mandyuu nelyopi dupa embame kandenge lumu doko, nambanya muni dupa potopesa mandenge beŋe mendenya pyasekeeli kandao doko, namba dee pilyoo ipupala nambanya muni dutupa-pipa potopesa mendatupa apata nyipuli.
24108	MAT 25:31	“Tenda Endakalinya Ikiningi doko baanya tii pipae dokonya tambetambe enjele dupa pitaka-pipa awapa ipupala, baa etete kamongao kiŋi petenge toko dokonya pitita.
24111	MAT 25:34	“Dokopa kiŋi dokome kingi tolae-kaita katatamino dupa lamaiyoo lao pituu, ‘Nyakama nambanya Takangeme auu piseteana ipupa! Yuupi kaitipi tee piamo dokopa baame isingi panda doko nyakamanyana lao depa lanya setekeamo dokona nyala ipupa.
24113	MAT 25:36	Yambale napyoo kateopa diami. Yaina siopa kanja epeami. Anjetae paleopa kanja epeamiakana,’ kiŋi dokome dopa lata.
24117	MAT 25:40	Dopa lataminopa kiŋi dokome dokaita lamaiyoo dapa lata: ‘Nambame nyakama kiningi langilyona, nambanya kaiminingi datupanya koo mende nisiamino dokome, namba nisiamiakana,’ lata.
24122	MAT 25:45	Dopa lataminopa kiŋi dokome dokaita lamaiyoo, ‘Nambame nyakama kiningi langilyona, nyakamame endakali datupanya koo mende nisala nayamino dokome, namba nisala nayamiakana,’ lata.
24209	MAT 27:11	Jisasa baa kapomane andake dokonya enombasa kateamopa kapomane andake dokome baa pisoo, “Emba Jutamanya kiŋi dokope?” lea-pyaa. Dopa leamopa Jisasame yanu pyao, “Embame latelenona,” lea-pyaa.
24227	MAT 27:29	Dee dupame ikililyambu mendapua nyoo langapu pipala Jisasanya aiyombanya petakamaitala, kyoo konja mende baanya kingi tolae-kaita minasakamaiyami-pyaa. Dopa petala dupame baa kandao minakasoo luma lakao lamba lao lao pituu, “Jutamanya Kiŋi, emba auu pyoo katape!” leami-pyaa.
24235	MAT 27:37	Jisasa-kisa tenge seteami pepa pyapae doko baanya aiyomba sia ketae dosa yukuiyami. Pepa dokonya, “Dake Jisasa, Jutamanya Kiŋi dokona,” latae katea.
24239	MAT 27:41	Mendai dopaka pyoo, pitisa mupapi, mana setapae masingi akalipi, Jutamanya isingi akalipi dupame Jisasa kandao dapa lao lamba leamiaka: “Baame endakali waka dupa nisiamoaka doko, baa tange kapa pao nisala naelyamo. Kini, baa naima Isataele dupanya Kiŋi tamo kandao doko, naimame baa lao masoo minamana, epapu ita poko doko yakinatala isa epena.
24363	MRK 3:6	Dopa piamopa Patasi dupame pupae kamanda pupala Kiŋi Etote tata dupa-pipa Jisasa aipa petala pyao kumasemape lao kambuiyami-pyaa.
24381	MRK 3:24	Yuu dupanya kiŋi mendeme isingi tata mende wakale pyoloo petala yanda pitambino kandao doko, tata doko kapa pao auu pyoo nakatata.
24437	MRK 5:4	Paa longosa dupame baa kingipi mokopi dupa ŋili kendepi anengapupi dupame anjeta pilyaminopa anengapu dupa pindanya nepatala ŋili kende dupa takyoo nepenge-pyaa. Dopa pilyamopa endakali mendaipi mendeme kapa pao baa minao tambo lasapenge nanjingi-pyaa.
24452	MRK 5:19	Dopa leamopa Jisasame ongonya ŋee nalea-pyaa. Nee nalenya baa lamaiyoo, “Embame embanya andaka emba palu dupa katatamisa puu. Pupala Kamongo dokome embanya pyakalamo dupapi dee emba kondo kayalamo dokopi dutupa dupa lamaipina,” lea-pyaa.
24490	MRK 6:14	Jisasanya kenge doko yuu dupa pitakanya taya-pyaa. Dopa piamopa Kiŋi Etote dokome Jisasanya lao pii doko sia-pyaa. Dupame lao pituu, “Jone Kaimbu Pingi doko malunya sakatatala kalai pupu lapae dupa pyoo kalyamona,” leami-pyaa.
24493	MRK 6:17	Wamba akali Etote dokome baanya kaiminingi Pilipa etanenge Etotiasa lenge doko tondao nyia-pyaa. Dopa piamopa, Joneme Etote lamaiyoo, “Embame embanya kaimininginya etanenge tondao nyilino doko kopeta pilinona,” lea-pyaa. Dopa lati siamosa Etoteme enda Etotiasa doko lao masetala baameaka yanda singi mendapuame Jone doko anjina latala anjingi andaka ŋili kendeme anjinya palyia-pyaa.
24498	MRK 6:22	Dopa piamopa nee nao peteamino dokonya Etotiasa wanenge doko ipao kolandatala lyia-pyaa. Dokopa Etote mauwapi dee baa-pipa awapa nee nao peteamino dupame etete auu kayami-pyaa. Dopa petala Kiŋi Etote dokome wanaku doko lamaiyoo, “Embame opale mende namba-kisa tee lateno doko embame latenoli pyoo nambame emba dyaapona,” lea-pyaa.
24501	MRK 6:25	Dokopa wanaku dokome pupae yapa kiŋi doko peteasa ipupala, “Embame Jone Kaimbu Pingi dokonya aiyomba doko kepao pelesa mendenya setapala epapuaka dipi laka lao masilyona,” lao tee lea-pyaa.
24502	MRK 6:26	Dopa leamopa kiŋi doko etete mona kenda kaya-pyaa. Dopa piamoaka doko, wambao baame etete kiningi lelyona leamo dokopi dee endakali baa-pipa awapa peteamino dupapi lao masetala wanaku dokonya pii nepala nayatoo lao masia-pyaa.
24566	MRK 7:34	Dopa petala kaiti-kisa kandalyetae katao mona ŋee latala, “Epata,” lea-pyaa. Epata doko kapilyoo lumba lea-pyaa.
24581	MRK 8:12	Dopa leaminopa Jisasame etete mona ŋee latala, “Aipuma endakali indupa palelyamino dupame kongali mende pii lelyamipi? Nambame nyakama kiningi langilyona, endakali indupa palelyamino dupa kongali mende laitaka napitowana,” lea-pyaa.
24755	MRK 12:13	Jisasame pii mende latamo dokonya baa mangenya minamanalena latala akali Patasi mendapuapi Kiŋi Etote tata mendapuapi baa kateamo dokonya pena leami-pyaa.
24794	MRK 13:8	Akali tata mendeme tata mende yanda pimaita, kiŋi mendenya isingi tata mendeme kiŋi mendenya isingi tata mende yanda pimaita pitami. Dee yuu wakale wakale dupanya titiwali dupa minata lopo andake dupa sepa pita. Dutupa pitamo doko enda wane maita pyalanya tee pingi dopale joo pita.
24795	MRK 13:9	Dopaka doko, nyakamame nyakama tange kandao kalyepape. Endakali dupame nyakama anjoo soo kanjole dupa-kisa kosimi laa patami. Dee nyakama losuu anda dupanya pyatamiaka. Nyakamame namba watao payataminosa endakali dupame nyakama kapomane isingi akali andakepi kiŋipi dupanya enombasa laminao pupala katasetaminopa nyakamame dupa nambanya lao pii lamaitami.
24814	MRK 13:28	“Nyakamame piki ita dupanya makande doko masalapape. Mange dupa kanga latala yoko ŋaŋa pyakalyilyamo doko kandatala nyakamame aiyuu kana palyanya pilyamona lao masingima.
24897	MRK 15:2	Dopa piaminopa Pailateme baa pisoo, “Emba Jutamanya Kiŋi dokope?” lea-pyaa. Dopa leamopa baame Pailatenya pii yanu pyakamaiyoo, “Embame latelenona,” lea-pyaa.
24904	MRK 15:9	Dopa leaminopa Pailateme dokaita pisoo, “Nambame nyakamanya Kiŋi doko mokakapili lao masilyamipi?” lea-pyaa.
24907	MRK 15:12	Dopa piaminopa Pailateme dokaita deaka pisoo, “Nyakama Jutamanya Kiŋi lengema dake nambame aipa pyakawape?” lea-pyaa.
24913	MRK 15:18	Dupame baa minakasoo lalyoo, “Jutamanya Kiŋi, emba auu pyoo katape!” leami-pyaa.
24921	MRK 15:26	Jisasa-kisa tenge seteami pii doko, “Jutamanya Kiŋi dokona,” lao pepa pyatae katea-pyaa.
24927	MRK 15:32	Kataisa doko, naima Isataele dupanya Kiŋi doko, epapu ita poko doko yakinatala isa epena. Dopa pitamopa naimame kandatala baa lao masoo minamanalena,” leami-pyaa. Akali lapoma baa-pipa awapa yukuotae kateambino dolapome apata baa kandao pii koo leambiaka-pyaa.
24967	LUK 1:5	Jutia yuu dokonya akali Etote lenge mende katea-pyaa. Baa akali andake kiŋi joo kateamo gii dokopa, pitisa Sakataya lenge mende katea-pyaa. Baa pitisa tata Apaisa lenge dokonya mende-pyaa. Baanya etanenge Ilisapeta lenge dokonya yumbange takangepi dupa pitisaka katengema-pyaa.
24989	LUK 1:27	Yuu dokonya enda mapuakae mende akali Josepe lenge dokonya nyetana latae doko pii lamaiya pena lea-pyaa. Josepe doko Kiŋi Dapiti lenge dokonya tatanya mandipae-pyaa. Enda mapuakae doko kenge Matia lenge-pyaa.
24995	LUK 1:33	Baame kiŋi joo Jekope tata doko koteaka lao tanga tangapi isoo katata. Isoaka katao kayala nayatana,” enjele dokome dopa lea-pyaa.
25014	LUK 1:52	Baame kiŋi pupu lapae dupa isa pyandatala, kenge nasingi endakali dupa minalyia.
25021	LUK 1:59	Koto kalange pateamopa koto tukulapo dokonya wane ŋaŋa dokonya elya pingi kambu kepakamaipenge gii doko epea-pyaa. Dokopa endakali dupame limbatala wane doko baanya takangenya kenge lengeli pyoo, “Sakataya lamana.” leami-pyaa.
25289	LUK 7:25	Pande akali mende yonge pee epe tambo lapae yati pipae mende pyoo kateamo kanja peamipi? Yonge pee epe yati pipae pyoo opale apalepi epe longo setengema dupa yuu isingi kiŋi dupanya andaka katengema.
25343	LUK 8:29	Jisasame akali doko-kisa enjele koo paleamo doko kandao akali doko yakinatala pena leamosa akali dokome pii dopa lea-pyaa. Wamba enjele koo dokome paa longosa akali doko minanjetae kateamosa endakali dupame akali doko isoo katao kingipi mokopi dupa ŋili kendepi anengapupi dupame anjetala pilyaminoaka doko, baame dupa pindao nepata pingi-pyaa. Enjele koo mendeme akali doko lungu piseta pilyamosa baa endakali napalenge yuu dupanya pata pingi-pyaa.
25435	LUK 10:3	Kandeleno! Nambame nyakama mena sipisipi ŋaŋa jepae dupa yana kapua jepae dupanya kainanya pupa lelyona masetala pupape!
25453	LUK 10:21	Gii dokopaka Oli Sipitisa dokome Jisasanya mona etete yaepasiamopa, Jisasame lao pituu, “Apane, emba yuupi kaitipi dupa pitakanya Kamongo kalyeno! Embame mana longo kandenge endakalipi masepae endakalipi dupame nakandena lao yalo piino dupa endakali wane ŋaŋa joo katengema dupame kandena lao panasiino dokonya nambame emba lao tama pilyo. Kini, Apane, embame pitona lao auu pyoo masiinoli pyoo petee-pyaana,” lea-pyaa.
25456	LUK 10:24	Wamba potopesapi kiŋipi longo dupame indupa nyakamame kandelyamino dupa kandapuma laka lao masiaminoaka doko, nakandeami. Pii nyakamame silyamino dupa sipuma laka lao masiaminoaka doko, nasiamina lao nambame nyakama langilyona,” lea-pyaa.
25491	LUK 11:17	Dopa lao kateaminoaka doko, baame dokaitanya masiamino doko kandatala dapa lea-pyaa: “Yuu dupanya kiŋi mendeme isingi tata dupanya mende wakale pyoloo petala yanda pitaminopa tata doko koyata. Dee anda mendenya palu dupa wakale pyoloo petala yanda pitaminopa koyataka.
25560	LUK 12:32	“Nyakama tata yakane dupa! Nyakamanya Takange dokome nyakamanya Kamongo Kiŋi katatona lao mona mendai palyetelyamona, paka nakayalapape.
25653	LUK 14:31	“Dee akali kiŋi mendeme kiŋi waka mende yanda pimaiya paanya pituu, nambanya yanda singi taosene kingi ita mende kalyamino dupame kiŋi waka mendenya yanda singi taosene kingi ita lapoma katatamo dupa kapa pao watao pyapala ita minatamape aipa pitamape lao auu pyoo wambao tolasepenge daape!
25679	LUK 15:22	Dopa leamoaka doko, takange dokome baanya kendemane dupa lamaiyoo, ‘Nambanya wane dake kumia jiamo doko indupa ipame lamo. Baa alu peteamo doko indupa dee kandelyamano. Tenge dokonya nyakamame pupae lao nambanya yonge pee enomba nyoo pingi londe doko nyoo ipao baanya pyakamaiyepa! Dee kinginya pisingi liŋi doko pisakamaiyepa! Dee moko pee pingi mendalapo pyakamaiyepa! Dee mendapuame mena pulumakao yakane andapae doko nyoo ipupala pyalapa! Naimame nee nao mona yaepao pitimana,’ lea-pyaa. Dopa lateamopa dokaitame sakatatala mona yaepenge mana dupa miniami-pyaa.
25772	LUK 18:15	Yuu mendepa endakali mendapuame wane wanakupi ŋaŋa dupa Jisasame watandena lao mandyuu epeami-pyaa. Dopaka doko, disaipele dupame dokaita kandatala pyalanya leami-pyaa.
25812	LUK 19:12	“Akali kenge singi mendeme yuu tependa mendakakaita pao kiŋi jetala pilyetona lao masia-pyaa.
25814	LUK 19:14	Dopaka doko, baanya tata dokaitame baa kandao mona etete auu nakayapala akali mendapuame baa watao pena leami-pyaa. Pupala, ‘Akali dakeme naimanya kiŋi joo naima isoo nakatapyali lao masilyamanona,’ lao baa peamo yuu dokaita tange dupa lamaina leami-pyaa.
25815	LUK 19:15	“Dopa leaminoaka doko, baame yuu tependa dokonya katao kiŋi jetala dee pilyoo epea-pyaa. Ipupala pupae lao wamba baanya kendemane muni maiyamo dutupa epena latala akali mendai mendai lawame, ‘Nambanya muni utupanya potopesa akipate nyekeamipi lao kandatoo,’ lea-pyaa.
25817	LUK 19:17	Dokopa kiŋi dokome baa lamaiyoo, ‘Kalai yaka pyekee lamo! Emba kendemane epe! Embame kalai kuki dutupa nambame leoli pyoo auu pyoo isoo pii lamo dokonya embame nambanya yuu taono dupanya kingi ita mende isatale lao nambame emba-kisa setelyona,’ lea-pyaa.
25819	LUK 19:19	Dokopa kiŋi dokome baa lamaiyoo, ‘Embame nambanya yuu taono dupanya yuungi isatale lao nambame emba-kisa setelyona,’ lea-pyaa.
25822	LUK 19:22	“Dopa lateamopa kiŋi dokome akali doko lamaiyoo, ‘Kiningi, nambame tomba napala akali waka mendenya oapi silyamo dupa nyoo ee mendenya nee pokatae dupa yukuoo nyoo pingina lao embame masoo leeno. Dopa lao masetala embame namba andaka pilyoo ipato dokopa muni potopesa mendapua nyetena lao nambanya muni datupa aipuma potopesa mandenge beŋe mendenya setakala naekeepe? Emba tangeme pii leleno dutupanya nambame emba-kisa tenge setapala emba akali koo lamo lelyona,’ lea-pyaa.
25825	LUK 19:25	Dopa leamopa dokaitame kiŋi doko lamaiyoo, ‘Akali Andake, embame akali maiyepa leeno dokonya muni kina andate lapoma sepelyamona,’ leami-pyaa.
25826	LUK 19:26	Dopa leaminoaka doko, kiŋi dokome dokaita lamaiyoo, ‘Opale singi endakali dupa pitaka konda pyoo maito. Dopaka doko, opale nasingi endakali doko-kisa setamo dolapo nyokonyoto.
25837	LUK 19:37	Yuu Olipimanda dokonya lanao ipao Jetusaleme tengesale pateamopa, baanya disaipele dupanya kambu longo mendeme wamba baame kalai pupu lapae piamo kandeamino dupa pitaka lao masoo mona yaepatala puu lao Gote lalyoo dapa lao wee leami-pyaa: “Kiŋi epelyamo dake auu pisetaena, Kamongo Goteme epena lapumopa epelyamo! Goteme naima kandao mona lyuu lelyamo. Etete Ketae Kaitinya Katenge doko lao tama pyoo katamanalena,” leami-pyaa.
25905	LUK 21:10	Dopa latala baame dokaita lamaiyoo, “Akali tata mendeme tata mende yanda pimaita kiŋi mendenya isingi tata mendeme kiŋi mendenya isingi tata mende yanda pimaita pitami.
25907	LUK 21:12	“Dopaka doko, mana dopale dupa pitaka ene ipanya pitamopa, wambao endakali mendapuame nyakama anjoo kenda pisetami. Dupame dupanya losuu anda dupanya nyakama kosimi latala anjingi anda dupanya anjinya palyetami. Dee nyakamame namba watao payataminosa dupame kapomane isingi akali andakepi kiŋipi dupa-kisa laminao patami.
25925	LUK 21:30	Nyakama tangeme ita dupanya mende yoko ŋaŋa pyakalyilyamo doko kandatala aiyuu kana palyanya petelyamona lao masingima.
25958	LUK 22:25	Dopa piaminopa Jisasame dokaita lamaiyoo, “Endakali tata dupanya kiŋi kalyamino dupame endakali dupanya alyasale joo katengema. Dee endakali dupame tangenya isingi akali dupa kandao akali epena lao lalyingima.
25962	LUK 22:29	Dopana, nambanya takange dokome namba kiŋi joo isoo katape leamoli pyoo, nambame nyakama kiŋi joo kalyepape langilyo.
25963	LUK 22:30	Nyakamame nambanya isingi panda dokonyaka katao nambanya nee nao petenge toko dokonya pitipala neepi endakipi nao pititami. Dee nyakamame kiŋi dupanya petenge toko dupanya pitipala Isataele tata kingi ita-kisa dee lapoma dupanya pii tolasakamaitamina,” lea-pyaa.
26006	LUK 23:2	Pupala dokaitame baa tee pyao kosimi lao pituu, “Naima tata dupame kapomane minakasalapale lao akali dakeme dapa lenge: ‘Kapomane Isingi Mupa doko muni takisa namaiyepape!’ lenge. Dee baame baa tange kandao, ‘Namba Kataisa. Namba kiŋi kalyona,’ leamopa naimame siamana,” leami-pyaa.
26007	LUK 23:3	Dokopa Pailateme baa pisoo, “Emba Jutamanya Kiŋi dokope?” lea-pyaa. Dopa leamopa Jisasame Pailatenya pii yanu pyakamaiyoo, “Embame latelenona,” lea-pyaa.
26040	LUK 23:36	Dopa lateaminopa yanda singi dupame tengesa ipupala baa minakasoo waene kaa pipae mende nena lao maiyoo pituu, “Emba Jutamanya Kiŋi tamo kandao doko, embame emba tange nisa!” leami-pyaa.