23264	MAT 3:3	Potopesa Aisayame lao pituu, “Endakali napalenge yuu mendasa akali mendeme katapala wii lao, ‘Kamongonya kaitini doko depa lanya setakamaiyepape! Baanya kaitini dupa tolasakamaiyepape!’ lao katatana,” lea-pyomo doko akali Jone baa kandao lea-pyaa.
23288	MAT 4:10	Dopa leamopa Jisasame baa lamaiyoo, “Satane, emba puu! ‘Embame embanya Kamongo Gote doko tama pyoo baanya iki kalai pyakamaiyoo katape!’ lao pepa pyapae silyamona,” lea-pyaa.
23315	MAT 5:12	Nyakamanya yole etete andake doko kaitinya sekelyamona, nyakama eteke kayao mona epe palyalapape! Wamba potopesa kateamino dupa dopaka piami daape.
23318	MAT 5:15	Endakali dupame lama mende kaiyepala titopene penge mendenya koko setapala sanga pyambala naengema. Dopa napinya, setapenge panda dokonya setengesa endakali andaka petenge dupa pitaka tii pisingi!
23319	MAT 5:16	Dopaka pyoo nyakamame endakali dupa tii pisoo kalyepape! Dopa pitaminopa dupame nyakamanya kalai epe dupa kandatala nyakamanya Takange kaitinya katenge doko lao lalyetamina,” Jisasame lea-pyaa.
23320	MAT 5:17	“Moseseme pii pepa piapi potopesa dupame pii pepa piamipi dupa nambame mee injisala epena lao masala nayalapape! Nambame etete angi injisala epeo.
23332	MAT 5:29	Dopana, embanya lenge tolae dokome emba koo pyaale lao mapisia kandeno doko, lukunya nepape! Embanya yonge dokonya kuki mende alu pitamo kandao doko, kuki auu pyoo katate. Dopaka doko, embanya yonge pitaka kateta yuu koo dokonya soo pyandatamo doko, etete auu pyoo nakatate.
23333	MAT 5:30	Embanya kingi tolae dokome emba koo pyaale lao mapisia kandeno doko, kepanya nepape! Embanya yonge dokonya kuki mende alu pitamo kandao doko, kuki auu pyoo katate. Dopaka doko, embanya yonge pitaka kateta yuu koo dokonya pateno doko, etete auu pyoo nakatatena,” Jisasame lea-pyaa.
23339	MAT 5:36	Nyakamame pii mende pupu lasalanya nyakamanya aiyomba iti akuala nayalapape! Nyakamame nyakamanya aiyomba iti mendaipi mende yaku injiseta pumbuti injiseta napitami.
23356	MAT 6:5	“Dopana nyakamame loma setamino gii dokopa minakasingi endakali dupame loma singimali pyoo sala nayalapape! Dupame losuu andapi kaitini kembopi dupanya katao endakali enombanya loma sipuma laka lao masilyamino. Dopa pingi endakali dupame nyakamanya yole doko nyepelyaminona lao nambame nyakama kiningi langilyo.
23357	MAT 6:6	Dopaka doko, nyakamame loma salanya pituu nyakamanya palenge palo ongonya pao kaita pai lanyetala nyakamanya Takange yalo pyoo katenge doko lao loma salapape! Dopa pitaminopa nyakamanya Takange dokome nyakamame yalo pyoo pitamino doko kandatala nyakama yole mende dita.
23358	MAT 6:7	“Dee nyakamame loma soo pituu, kamalya katenge endakali dupame pingimali pyoo niminamu lao loma sala nayalapape! Dokaitame pii longo lao loma silyamano doko mambele Goteme setana lao masingima.
23359	MAT 6:8	Nyakama endakali dopale joo nakalyepape! Nyakamanya Takange Gote dokome nyakamanya daa jilyamo dupa nyakamame tee laa naengesa wambao masingi!
23377	MAT 6:26	Nyakamame yaka dupa kanjepape! Dupame ee pokala naengema. Dupame nee mandyuu ipao nee setenge anda dupanya mau pyala naengemaka. Dopaka doko, nyakamanya Takange kaitinya katenge dokome dupa nee maingi. Dopana nyakamame yaka dupa etete ita minao nakalyamipi?
23379	MAT 6:28	“Angi aipuma nyakamanya yongenya pingi dupa lao masetala nea kaelyamipi? Nyakamame mee tanu dupanya dii yati pipae dupa aipa pyoo pyakalyingipi lao masokondape pyepape. Dupame kalai mende pyaa naengema. Dee yonge peepi mende wasala naengemaka daape!
23381	MAT 6:30	Mee tanu dupa indupa iki katapelyamopa taita pokanya setapala itatenya yangengemaka doko, Goteme tanu dopale dupa dii yati pipaeme yati pisingi! Dokaita joo baame nyakama yonge yati pingi dupa etete auu pyoo nandingipi? Nyakama kuki iki masoo miningima lamo!
23382	MAT 6:31	Dopana nyakamame ‘Neepi endakipi aki nalamane laa kanjemape, yonge pee aki pyaamane laa kanjemape?’ lao nea nakayalapape!
23390	MAT 7:5	Emba sambo akali epe jili pyoo kalyeno! Wambao embanya lengenya ita waiyepae andake mende silyamo doko nyoo nepao embanya lenge takondape petala, endakali yango mendenya lenge kuni silyamo doko kapa pao nyoo nepakamaiti.
23392	MAT 7:7	“Nyakamame tee laapape! Kapa pao nyetami. Kutalapape! Kapa pao kandatami. Andakaita watawata pyepape! Kapa pao lumbakata.
23397	MAT 7:12	“Endakali dupame nyakamanya pyakapimili lao masetamili pyoaka nyakamame dupanya pyakamaiyepape! Moseseme pii pepa piapi potopesa dupame pii pepa piamipi dupame pii dokonyaka tenge paliuu lapae silyamona,” Jisasame lea-pyaa.
23400	MAT 7:15	“Nyakamame sambo potopesa dupa kandao isoo kalyepape! Dokaitame mena sipisipi yanu pee petala nyakama katatamisa ipatamiaka doko, monanda-kaita yana kapua joo ipatami.
23418	MAT 8:4	Dopa piamopa Jisasame akali doko lamaiyoo, “Kandeleno! Embame endakali mendaipi mende lamaiya naenya, pitisa dokome emba kandena puu! Dopa petala emba mee jilino doko dokaitame kandena laitaka pyoo wamba Moseseme makande seteamoli pyoo, opale epe mende Gote lao kundi maiyalena,” lea-pyaa.
23422	MAT 8:8	Dopa leamopa yanda singi isingi akali dokome baanya pii yanu pyakamaiyoo, “Akali Andake, dopa napipi! Emba nambanya andaka kapa pao ipupenge namba akali epe daana, embame piimi iki latenopa nambanya kendemane doko saka paapomo.
23454	MAT 9:6	Dopaka doko, Endakalinya Ikiningi dokome isa yuu dakenya katao endakali dupanya koo dupa kunanya nepenge pupu lapae doko baa-kisa singi lamo lao kanjepalena,” lea-pyaa. Dopa latala baame akali papa tambotae doko lamaiyoo, “Emba sakata! Sakatatala embanya lapa toko doko nyoo soo andaka puuna!” Jisasame lea-pyaa.
23463	MAT 9:15	Dopa leaminopa Jisasame dokaitanya pii yanu pyakamaiyoo, “Akali mendeme enda kelyapala watapae pyao baanya kaita miningi dupa-pipa awapa kalyamo gii dokopa baanya kaita miningi dupame mona kenda kaengemape? Daa! Dopaka doko, yuu gii mende ipatamo dokopa enda kelenge akali doko dupanya kainanya nyokonyetatamopa dupa nee nanao katatamina,” lea.
23472	MAT 9:24	Dopa piaminopa baame dokaita lamaiyoo, “Nyakama pyuu pupa! Wanaku dake kumatala nayalamo. Baa luu palyeme lamona,” lea. Dopa leamopa endakali dupame baa kilya kandao gii kayami.
23520	MAT 10:34	“Nambame yuunya endakali dupa mona mendai paliuu katena lao epe yuu yongasalanya epeena lao masala nayalapape. Daa! Nambame epe yuu yongasala naepeona, ŋiliŋali lenge mana doko sakatasala epeo.
23542	MAT 11:14	Dee nyakamame setami tamo kandao doko, dake apata salapape: ‘Ipatana’ latae Ilainja doko Jonena, nyakama kalekaita singi dupame pii doko salapape!
23544	MAT 11:16	“Nambame endakali tata indupa palelyamino dupa aki mendepa makande pyuape? Wane kole dupame kamapi dupanya kambu lapoma pyao pitipala pii dapa lao yanu pyaloo pyoo lengema: ‘Naimame nyakamanya pulupapulatakalamanoaka doko, nyakama lyala nayalamino! Nyakama kondo kayao ee latakalamanoaka doko, nyakama itingi laa nayalamino!’ Wane dupame dopa lao katengemana nyakama dopalema lamo.
23549	MAT 11:21	Baame lao pituu, “Taono Kotasina tange dupame koyatama iki lamo lao masina! Taono Betesaita tange dupame koyatamaka iki lamo lao masina! Dupame kalai pupu lapae nyakamanya yuu dolaponya kandeami dupa wamba Taya yuupa Saitone yuupa dolaponya endakali dupame kandeamili kandao doko, dokaitame kenai lumbanya aiyombanya pyalyetala mena kende matapu pyoo yuu wamba waka mona kapilyiamili!
23551	MAT 11:23	Dee nyakama taono Kapaneame tange dupanya kenge doko kaiti-kisa kapa pao seta laape? Daa, Goteme nyakama yuu koo dokonya pyandata! Dupame kalai pupu lapae nyakamanya yuu dokonya kandeami dupa wamba taono Sotoma yuu dokonya kandeamili kandao doko, indupa dakepa Sotoma yuu doko koyala nayao mee sipyali.
23553	MAT 11:25	Gii dokopa Jisasame lao pituu, “Apane, emba yuupi kaitipi dupa pitakanya Kamongo kalyeno! Mana longo kandenge endakalipi masepae endakalipi dupame nakandena lao yalo piino dupa wane ŋaŋa joo katengema endakali dupame kandena lao embame panasiino dokonya nambame emba lao tama pilyo.
23570	MAT 12:12	Endakalimi sipisipi dupa etete ita minao kalyamino daape! Dopana naimame Sambasa gii dokonya mana epe dupa minapengena,” lea.
23592	MAT 12:34	Nyakama kanopato pambeanya mandipae! Nyakama koo dupame aipa petala kapa pao pii epe mende lengemape? Endakali monanya palelyali pyoo kambunya pyakalyingi.
23597	MAT 12:39	Dopa leaminopa baame dokaitanya pii yanu pyakamaiyoo, “Endakali indupa palelyamino dupame Gote yakinenge kooma lamo! Nyakamame kongali mende kandamana lelyaminoaka doko, nambame kongali mende pyakala nayatoo. Goteme potopesa Jonaa-kisa kongali piamo dokoaka makande petae seta.
23697	MAT 14:31	Dopa leamopa Jisasame yapa pyakamatala Pita minatala lamaiyoo, “Kuki masoo miningi! Aipuma embame mona lapo palyalepe?” lea.
23712	MAT 15:10	Jisasame endakali kambu piamino dupa epena latala lamaiyoo, “Nyakamame sepala masokondape pyepape!
23724	MAT 15:22	Peamopa Kenane enda mende yuu dokaita petenge doko ipupala puu lao lao pituu, “Akali Andake, emba Dapiti Yumbange, embame namba kondo kayape! Enjele koo mendeme nambanya wanenge doko etete koyasilyamona,” lea.
23745	MAT 16:4	Endakali indupa palelyamino dupame Gote yakinenge kooma lamo! Nyakamame kongali mende kandamana lelyaminoaka doko, nambame kongali mende pyakala nayatoo. Goteme akali Jonaa-kisa kongali piamo dokoaka makande petae setana,” lea. Dopa latala baame dupa yakinatala pea.
23763	MAT 16:22	Dopa leamopa Pitame Jisasa laminao umbisale pupala pyalanya lao, “Kamongo, emba dopa etete napina! Goteme emba kondo kaenana!” lea.
23764	MAT 16:23	Dopa lao pyalanya leamopa Jisasame kandapilyetala Pita lamaiyoo, “Satane, emba nao puu! Embame namba koo pyaale lao makande pilino. Embame Gotenya masingi doko masala naenya, endakalinya masingi doko masilinona,” lea.
23783	MAT 17:14	Endakali kambu pyao kateamino dokonya dutupa ipateaminopa akali mendeme Jisasa kateasa ipao baa lao luma lakapala lamaiyoo, “Akali Andake, embame nambanya wane doko kondo kyayakape! Baa mandipaeme nyilyamosa paa longo itatenya tapa endakinya mangata pyoo etete koyao tanda nao katenge.
23786	MAT 17:17	Dopa leamopa Jisasame lao pituu, “Kanau! Masoo minala naenge uanga pyoo paengema endakali nyakama! Oo koto koto ongo namba nyakama-pipaka tole katatama laape? Nyakamame nambaka nenge nyoo katatami laape? Wane doko laminao namba kalyosa ipupa!” lea.
23803	MAT 18:7	Koo pina lao mapisingi yuunya endakali dupa koyatami iki lamo! Koo pina lao mapisingi mana dupa kapa pao sepengeaka doko, endakali mendeme mapisetamo doko, baa koyata iki lamo!
23804	MAT 18:8	“Embanya kingi mokopi mendeme emba koo pyaale lao mapisia kandeno doko, kepanya nepape! Emba kingi tamopi moko tamopi tanoma kateta lete etete katenge ongonya pateno doko, auu pyoo katate. Kingi mokopi pitaka kateta itate konjala naenge dokonya soo pyandatamo doko, auu pyoo nakatate.
23805	MAT 18:9	Dee embanya lenge dokome emba koo pyaale lao mapisia kandeno doko, lukunya nepape! Emba lenge mendai iki tao lete etete katenge ongonya pateno doko, auu pyoo katate. Emba lenge lapota tapeta ita tao katenge yuu koo dokonya soo pyandatamo doko, auu pyoo nakatatena,” lea.
23808	MAT 18:12	“Nyakamame aipa lao masilyamipi? Akali mendenya mena sipisipi andate mendai katatamo kandao doko, dutupanya mendai alu pitamopa baame aipa pitape? Baame sipisipi kingi ita mange mendai wakyoo-kisa dee mange mendai wakyoo dutupa tanu nao pau manda mendenya katena latala mendai alu pitamo doko pao kutata daape!
23828	MAT 18:32	Lamaiyaminopa akali andake dokome baa epena latala lamaiyoo, ‘Emba kalai akali koo lamo! Embame namba pisipino dokonya nambame nambanya yanu emba-kisa sipumu doko pitaka kayapu.
23845	MAT 19:14	Dokopa Jisasame dokaita lamaiyoo, “Wane wanakupi koo dupa epekena kaita lyokala nayakalapa! Kaitinya Katenge dokome wane wanakupi dapale joo kalyamino endakali dupa isoo kalyamona,” lea.
23891	MAT 20:30	Dokopa akali lenge monda lapoma kaitinisa peteambi-pyaa. Akali dolapome Jisasa epelyamo leamino sepala dolapome puu lao ae lao, “Dapiti Yumbange! Kamongo! Embame nalimba kondo kayape!” leambi.
23892	MAT 20:31	Dopa leambinopa endakali dupame dolapo pii kaena lao pyalanya leami. Dopa leaminoaka doko, akali dolapome dee eteteaka puu lao ae lao, “Dapiti Yumbange! Kamongo! Embame nalimba kondo kayape!” leambi.
23904	MAT 21:9	Dee endakali dupa wambata maita pyata pyoo pao pituu puu lao dapa lao wee leami: “Dapiti Yumbange, embame pyoo nyoo katape! Akali epelyamo dake auu pisetaena Kamongo Goteme epena lapumopa epelyamo! Etete Ketae Kaitinya Katenge, embame pyoo nyoo katapena,” leami.
23923	MAT 21:28	Dee Jisasame lao pituu, “Akali mendenya wane lapoma kateambi-pyaana salapape! Dolaponya takange dokome ipao wane mupa doko lamaiyoo, ‘Emba indupa getepe ee dokonya kalai pyaa puu,’ lea-pyaa.
23933	MAT 21:38	Dopa leamoaka doko, ee isakamaingi dutupame wane doko epeamo kandatala nyakamalapo lao pituu, ‘Wane dakeme takangenya moya nyepengena, yapa pyao kumasema! Pyao kumasetala baanya ee moya nyepenge dake naima nyetamana,’ leami-pyaa.
23954	MAT 22:13	Dopa piamopa kiŋi dokome kendemane dupa lamaiyoo, ‘Nyakamame baanya kingi mokopi dupa yaki petala yuu etete iminjetae dokonya baa soo pyale laapa! Dokonya katao baa ee lao yamataka lao nenge gilyoo katatana,’ kiŋi dokome dopa lea-pyaa.
23959	MAT 22:18	Dopaka doko, Jisasame dupanya mana koo doko kandatala lao pituu, “Nyakama endakali minakasingi akali! Aipuma nyakamame namba minao makande pilyamipi?
24000	MAT 23:13	“Mana setapae masingi akalipi Patasipi nyakama koyatami iki lamo! Nyakama endakali minakasingi akali! Nyakamame endakali dupa Kaitinya Katenge dokome isala naena lao kaitini lyokakamaingima. Nyakama isina lao nakatenya dee endakali isina lao kalyanya pipimino dupa isina lao kayala naelyaminoaka.
24001	MAT 23:14	[“Mana setapae masingi akalipi Patasipi nyakama koyatami iki lamo! Nyakama endakali minakasingi akali! Nyakamame enda walyakae dupanya anda yuupi dupa minamao nyepakamaitala, endakali dupame nyakama epepe lao masina lao loma londe pyoo singima. Dokonya Goteme nyakama-kisa kenda pipae etete andake mende setata.]
24002	MAT 23:15	“Mana setapae masingi akalipi Patasipi nyakama koyatami iki lamo! Nyakama endakali minakasingi akali! Nyakamame endakali mende Juta injisalanya solowata pete andake dupanya yangi-kaita pata yuu dupanya mendasa pata pingima. Dopa petala nyakamame endakali mende nyepa pilyamino dokome nyakamanya mana koo dupa ita minao yuu koo dokonya mupa joo pupenge endakali injisingima.
24003	MAT 23:16	“Kaitini laitaka pingi akali lenge monda nyakama koyatami iki lamo! Nyakamame endakali dupa dapa lao mana lamaingima: ‘Endakali mendeme losuu anda andake dake mauwana kiningi etete dopa pitona latamo dokome latamoli napipenge. Dopaka doko, endakali dokome losuu anda andake dokonya golome wasepae dupa mauwana kiningi etete dopa pitona latamo dokome kayala nayao latamoli pipengena,’ lamaingima.
24004	MAT 23:17	Nyakama lenge monda kyakaenge! Angi doko andukupi? Golome wasepae dupape, pande golome wasepae dupa Gotenyana lao makande pingi losuu anda andake dokope?
24006	MAT 23:19	Nyakama lenge monda daape! Angi doko andukupi? Opale epe setapae dokope, pande setapae doko Gotenyana lao makande pingi olata toko dokope?
24010	MAT 23:23	“Mana setapae masingi akalipi Patasipi nyakama koyatami iki lamo! Nyakama endakali minakasingi akali! Nyakamame takae mondai itamaiyapi dupa paa kingi ita lao mokosepala mende doko Gote maingima. Dopa pingimaka doko, mana tolatae miningipi, kondo kayamaingipi, lelyamoli pingipi, mana setapae dupanya pii angi dopale dupa nyakamame watao naminingima. Nyakamame mendatupa dutupa yakinala nayao pituu angi datupa watao miningima pyali yaka.
24011	MAT 23:24	Kaitini laitaka pingi dupa nyakama lenge monda daape! Nyakamanya kapo penge dupanya pongena mende pelyamo doko nyoo nepengemaka doko, mena kamele dupa mee goe lengema daape!
24012	MAT 23:25	“Mana setapae masingi akalipi Patasipi nyakama koyatami iki lamo! Nyakama endakali minakasingi akali! Nyakamame nyakamanya kapopi pelesapi dupanya ketae-kaita iki kunanya nepao katengema. Dopa pingimaka doko, pake nyilyamino dupapi pyuani kayao pilyamino dupapi dupame kapo pelesapi dupanya koko-kaita tumbatae katena kaengema.
24013	MAT 23:26	Lenge monda Patasi! Wambao embame kapo dupanya koko-kaita katenge dupa kunanya nepape. Dopa pitinopa ketae-kaita kunapayaka seta.
24014	MAT 23:27	“Mana setapae masingi akalipi Patasipi nyakama koyatami iki lamo! Nyakama endakali minakasingi akali! Nyakama endakali malu dupanya akaipu wai nyetae katengeli pyoo kalyamino. Endakali dupame ketae-kaita kandelyaminopa etete epe jilyamoaka doko, koko-kaita endakali kumapae kuli akipi tamopae dupame tumbatae katenge.
24016	MAT 23:29	“Mana setapae masingi akalipi Patasipi nyakama koyatami iki lamo! Nyakama endakali minakasingi akali! Nyakamame potopesa kumiami dupanya malu dupa makande pyoo, malu ketae dupanya anda auu pipae dupa pinya katengema. Dee nyakamame endakali tolatae kumiami malu kananda dupa yati pingimaka.
24019	MAT 23:32	Dopana, nyakamame nyakamanya yumbange dupame tee piamino doko pyoo etasalapape!
24020	MAT 23:33	Nyakama kanopato! Kanopato pambeanya mandipae! Goteme nyakama yuu koo dokonya nyoo pyandatamo doko, aipa petala nyakamame wandyatamipi?
24024	MAT 23:37	“Kanau! Kanau! Jetusaleme tange! Nyakamame potopesa dupa pyao kumasoo dee Goteme epena latae akali dupa kaname pyao kumasoaka katengema! Gii longo paka nambame nyakama nyoo limbatala yaka matakaimi yakane dupa papa pundipundi yapu nengeli pitoo lao masoo katewaka doko, nyakamame tanga leami!
24045	MAT 24:19	Enda wane tongatapi enda wane andu nengepi dupa gii dokopa etete kondo pita!
24049	MAT 24:23	“Gii dokopa endakali mendeme nyakama langyoo, ‘Kataisa doko asa kalyamo kanjepa! Amasa kalyamo kanjepa!’ lea kandeno doko, baame kiningi lelyamona lao nyakamame masala nayalapape.
24051	MAT 24:25	Kandeleno! Nambame nyakama ene pimopa langitilyo.
24088	MAT 25:11	“Maitakao enda mapuakae mendatupa dutupame ipupala lao pituu, ‘Akali Andake! Akali Andake! Naima ipumana kaitini lumba!’ leami-pyaa.
24098	MAT 25:21	Dopa leamopa baanya kamongo dokome baa lamaiyoo, ‘Kalai yaka pyekee lamo! Emba kendemane epe dokome auu pii lamo. Embame kalai kuki dutupa nambame leoli pyoo auu pyoo isii lamo dokonya nambame emba longo dupa isoo kata latoo. Embapa nambapa mona yaepao katambana ipu,’ lea-pyaa.
24100	MAT 25:23	Dopa leamopa baanya kamongo dokome baa lamaiyoo, ‘Kalai yaka pyekee lamo! Emba kendemane epe dokome auu pii lamo. Embame kalai kuki dutupa nambame leoli pyoo auu pyoo isii lamo dokonya nambame emba longo dupa isoo kata latoo. Embapa nambapa mona yaepao katambana ipu,’ lea-pyaa.
24103	MAT 25:26	“Dopa leamopa baanya kamongo dokome baa lamaiyoo, ‘Emba akali koo maka kayapae lamo! Nambame eenya waingi pokala naelyo dupanya yukuoo nao, waingi lyandala naelyo dupanya mandyuu nelyopi dupa embame kandenge lumu doko, nambanya muni dupa potopesa mandenge beŋe mendenya pyasekeeli kandao doko, namba dee pilyoo ipupala nambanya muni dutupa-pipa potopesa mendatupa apata nyipuli.
24107	MAT 25:30	Dopana, nyakamame kendemane koo dake yuu etete iminjetae koo dokonya soo pyale laapa! Dokonya katao baa ee lao yamataka lao nenge gilyoo katatana,’ kamongo dokome dopa lea-pyaana,” Jisasame lea.
24111	MAT 25:34	“Dokopa kiŋi dokome kingi tolae-kaita katatamino dupa lamaiyoo lao pituu, ‘Nyakama nambanya Takangeme auu piseteana ipupa! Yuupi kaitipi tee piamo dokopa baame isingi panda doko nyakamanyana lao depa lanya setekeamo dokona nyala ipupa.
24118	MAT 25:41	“Dopa latala baame kingi koya-kaita katatamino dupa lamaiyoo lao pituu, ‘Nyakama watao pyataena namba yakinatala pupa! Goteme Satanepi Satanenya enjele koopi dupanya lao itate konjala naenge setakamaiyamo dokonya nyakama pupa!
24131	MAT 26:8	Dopa piamo doko disaipele dupame kandatala imbu kayao, “Aipuma wele dake mee maa yangelya kanjemape!
24147	MAT 26:24	Kini, Endakalinya Ikiningi dokonya lao Gotenya pii pepa pyapae singi dokonya lapae silyamoli pyoo, baa kumalapomo. Dopaka doko, Endakalinya Ikiningi doko enge nyilyamo akali doko koyata iki lamo! Akali doko endangimi manja nayali kandao baa yaka jipyalina,” lea.
24162	MAT 26:39	Dopa latala baa kuki umbisale pao yuunya tombauli sepala loma soo pituu, “Nambanya Takange, embame namba-kisa kenda pipae silyamo dake nyoo nepakapenge jia kandeno doko, nyoo nepakape! Dopaka doko, nambame masilyoli napinya, embame masetenoli pipi,” lea-pyaa.
24168	MAT 26:45	Loma setala baame ipao disaipele dutupa lamaiyoo, “Nyakama mee luaka paliuu koto nyilyamipi? Kandeleno! Gii doko ipatelyamo. Akali mendeme Endakalinya Ikiningi doko koo pingi endakali dupa laitaka pyaapomona, mona nyakama sakatalapa. Namba enge nyipumu akali doko ipatelyamona, kanjepa!” lea-pyaa.
24175	MAT 26:52	Dopa piamopa Jisasame baa lamaiyoo, “Embanya konjua doko palenge andanda dokonya mandi! Konjua minao yanda pingi dupa pitaka, konjuameaka kumingi.
24188	MAT 26:65	Dopa leamosa pitisa mupa dokome baa tangenya yonge pee dupa minao lapyepala lao pituu, “Baame Gote kilya kandao lelyamo. Aipuma naimame endakali mendapuanya pii deaka nyetamape? Epapu baame Gote kilya kandao pii lelyamo doko nyakamame sepelyamino!
24237	MAT 27:39	Jisasa pyao yukuotae kateamo dokonya-kaita endakali payamino dupame Jisasa kilya kandao aiyomba ema-ema pyoo dapa leami: “‘Losuu anda andake doko lakyepala yuu gii tepoma pitona,’ leeno akali dake! Emba Gotenya Ikiningi tamo kandao doko, emba tangeme pupu latala ita poko doko yakinatala isa ipu!” leami.
24287	MRK 1:3	Endakali napalenge yuu dokonya akali mendeme katapala wii lao, ‘Kamongonya kaitini doko depa lanya setakamaiyepape! Baanya kaitini dupa tolasakamaiyepape,’ lea-pyaana,” lapae silyamo.
24311	MRK 1:27	Dopa piamopa endakali dupa pitakame mona andapala mende lamai lamai pyoo, “Doko aipa pilya kanjemape? Doko mana enenge mende lamo! Mana doko pupu lapae singi mende lamo! Baame enjele koo dupame mende pina lelyamopa lelyali pingima lamona,” leami-pyaa.
24327	MRK 1:43	Dokopa Jisasame kyoto joo baa lamaiyoo, “Kandeleno! Embame endakali mendaipi mende lamaiya naenya, pitisa dokome emba kandena puu! Dopa petala emba mee jilino doko dokaitame kandena laitaka pyoo wamba Moseseme mana seteamoli pyoo opale mende Gote lao kundi maiyalena,” lea-pyaa.
24340	MRK 2:11	“Emba sakata! Sakatatala embanya lapa toko doko nyoo soo andaka puu lelyona,” lea-pyaa.
24395	MRK 4:3	“Nyakamame salapape! Akali mendeme ee wai lyandala pea-pyaa.
24431	MRK 4:39	Dokopa baame sakatatala poo doko kaena lea-pyaa. Endaki pete doko lamaiyoo, “Emba yatu laa! Ema napinya mee saa!” lea-pyaa. Dokopa poo doko yatu leamopa endaki kuki emapi mende napia-pyaa.
24546	MRK 7:14	Dokopa Jisasame endakali kambu piamino dupa baa kateamo dokonya dee epena latala lamaiyoo, “Nyakama pitakame pii nambame lelyo dake sepala masokondape pyepape!
24602	MRK 8:33	Dopa leamoaka doko, baame kapilyetala baanya disaipele dupa kandatala Pita pyalanya lao, “Satane, emba nao puu! Embame Gotenya masingi doko masala naenya endakalinya masingi doko masilinona,” lea-pyaa.
24626	MRK 9:19	Dopa leamopa Jisasame lao pituu, “Kanau! Masoo minala naengema endakali nyakama! Oo koto koto ongo namba nyakama-pipaka tole katatama laape? Nyakamame nambaka nenge nyoo katatami laape? Nyakamame baa laminao namba kalyo asa ipupa,” lea-pyaa.
24646	MRK 9:39	Dopaka doko, Jisasame baa lamaiyoo, “Nyakamame baanya kalai doko kaena lao daa nalalapape! Doko, endakali mendeme nambanya kenge doko lao kalai pupu lapae mende pilyamo dokome kapa pao namba kandao yapa pii koo laa naenge.
24671	MRK 10:14	Dokopa Jisasame kandatala imbu kayapala dokaita lamaiyoo, “Wane wanakupi koo dupa epekena kaita lyokala nayakalapa! Doko, Goteme wane wanakupi dapale joo kalyamino endakali dupa isoo kalyamo.
24718	MRK 11:9	Dee endakali dupa wambata maita pyata pyoo pao pituu puu lao dapa lao wee leami-pyaa. “Embame pyoo nyoo katape! Akali epelyamo dake auu pisetaena, Kamongo Goteme epena lapumopa epelyamo!