23264	MAT 3:3	Potopesa Aisayame lao pituu, “Endakali napalenge yuu mendasa akali mendeme katapala wii lao, ‘Kamongonya kaitini doko depa lanya setakamaiyepape! Baanya kaitini dupa tolasakamaiyepape!’ lao katatana,” lea-pyomo doko akali Jone baa kandao lea-pyaa.
23288	MAT 4:10	Dopa leamopa Jisasame baa lamaiyoo, “Satane, emba puu! ‘Embame embanya Kamongo Gote doko tama pyoo baanya iki kalai pyakamaiyoo katape!’ lao pepa pyapae silyamona,” lea-pyaa.
23408	MAT 7:23	Gii dokopa nambame dokaita lamaiyoo, ‘Nambame nyakama kukipi masala naengena, nyakama endakali koo pingi dupa namba kalyosa naepenya pupa!’ latona,” Jisasame lea-pyaa.
23538	MAT 11:10	Akali doko kandao dapa lao pepa pyapae silyamo: ‘Kandeleno! Nambame nambanya wai minao paenge akali doko embanya wambao pekena latopa embanya kaita doko depa lanya setakata!’ lapae silyamo.
23544	MAT 11:16	“Nambame endakali tata indupa palelyamino dupa aki mendepa makande pyuape? Wane kole dupame kamapi dupanya kambu lapoma pyao pitipala pii dapa lao yanu pyaloo pyoo lengema: ‘Naimame nyakamanya pulupapulatakalamanoaka doko, nyakama lyala nayalamino! Nyakama kondo kayao ee latakalamanoaka doko, nyakama itingi laa nayalamino!’ Wane dupame dopa lao katengemana nyakama dopalema lamo.
23706	MAT 15:4	Wamba Goteme lao pituu, ‘Embanya endangi takangepa dolapo andanda semaiyoo katape!’ dee, ‘Endakali mendeme baanya endangi tamopi takange tamopi mende kandao pii koo latamo doko, baa kumina lao pyao kumasepengena,’ lea.
23789	MAT 17:20	Dopa leaminopa Jisasame dokaita lamaiyoo, “Nyakama kuki iki masoo minilyamino dokonya kapa nanjalamo. Nambame nyakama kiningi langilyo, nyakamame awa wainginya dii palenge dopale joo masoo minapimili kandao doko, opale mendaipi mende pyaanya kokala nayamili. Nyakamame yuu manda dake lamaiyoo, ‘Emba asa nasina omosa sala puu!’ lapiminopa kapa pao pupyali.
23821	MAT 18:25	Baame yanu doko kapa pao pyapenge nanjiamosa baanya akali andake dokome lao pituu, ‘Nyakamame akali dake, baanya endapi, wanepi, dee baanya oapapi dupa pitakame muni nyepala yanu doko pyakalapape!’ lea-pyaa.
23822	MAT 18:26	Dopa leamopa kalai akali dokome baa lao luma lakapala, ‘Nambame embanya muni dupa pitaka yanu pyakatona, embame namba maka nakaenya malisepoko!’ lea-pyaa.
23824	MAT 18:28	“Dopa peteamopa kalai akali dokome pupala baanya kalai akali yango mende kandanyia-pyaa. Akali doko-kisa baanya muni yanu kina andate mendai sia-pyaa. Dokonya baame baa minatala mange minao lakatete pyoo pituu, ‘Embame nambanya yanu doko pyaka!’ lea-pyaa.
23825	MAT 18:29	Dopa leamopa baanya kalai akali yango dokome tombauli sepala, ‘Nambame embanya muni dupa yanu pyakatona, embame namba maka nakaenya malisepoko!’ lea-pyaa.
23945	MAT 22:4	Dopa piaminosa baame kendemane mendatupa pena lao pituu, ‘Nambame endakali wamba epena lateo dutupa kandao dapa lamaiyepape: “Baame baanya nee andake doko depa latelyamo. Baanya mena pulumakao maipa dupapi dee pulumakao andapae dupapi pyapalamo. Dupa pitaka depa latae sepelyamona, nyakama dokonya nala ipupa,” lao lamaiyepape!’ lea-pyaa.
23950	MAT 22:9	Dopana nyakamame kaitini kembo dupanya pupala endakali kutao kandatamino dupa pitaka nee andake dakenya nala epena lamaiyepape!’ lea-pyaa.
24049	MAT 24:23	“Gii dokopa endakali mendeme nyakama langyoo, ‘Kataisa doko asa kalyamo kanjepa! Amasa kalyamo kanjepa!’ lea kandeno doko, baame kiningi lelyamona lao nyakamame masala nayalapape.
24052	MAT 24:26	“Dopana, endakali mendapuame nyakama langyoo, ‘Baa endakali napalenge yuu dokonya kalyamona,’ leami kandeno doko, nyakama dosa napupape. Dee dupame, ‘Baa asa yalo petae kalyamo kanjepa!’ leami kandeno doko, kiningi lelyaminona lao masala nayalapape.
24083	MAT 25:6	“Dokopa kuka andatombe dokonya wii mende epeamo dokome, ‘Akali enda kelyalamo doko olo epelyamona, nyakamame kandanyalapale pupa!’ lea-pyaa.
24088	MAT 25:11	“Maitakao enda mapuakae mendatupa dutupame ipupala lao pituu, ‘Akali Andake! Akali Andake! Naima ipumana kaitini lumba!’ leami-pyaa.
24807	MRK 13:21	“Gii dokopa endakali mendeme nyakama langyoo, ‘Kataisa doko asa kalyamo kanjepa! Amasa kalyamo kanjepa!’ lea kandeno doko, baame kiningi lelyamona lao nyakamame masala nayalapape.
25140	LUK 4:8	Dokopa Jisasame baanya pii doko yanu pyakamaiyoo, “Pii mende dapa lao pepa pyapae silyamo: ‘Embame embanya Kamongo Gote doko tama pyoo baanya iki kalai pyakamaiyoo katape!’ lapae silyamona,” lea-pyaa.
25144	LUK 4:12	Dopa leamopa Jisasame baa lamaiyoo, “‘Embame embanya Kamongo Gote doko minao makande napipi!’ lapae silyamona,” lea-pyaa.
25155	LUK 4:23	Dokopa baame dokaita lamaiyoo, “Nyakamame namba kandao pii mana dapa lao kapa pao laapimino: ‘Dokosaa, embame emba tangenya yaina doko mee injisepe,’ laapimino. Dee nyakamame Kapaneame yuu dokonya kalai tata wamba sakateamo dupanya atome pii dupa sepala namba kandao, ‘Dopaka pyoo embanya yuu tenge dakenya pipi!’ latamina,” lea-pyaa.
25296	LUK 7:32	Wane kole dupame kamapi dupanya kambu lapoma pyao pitipala pii dapa lao yanu pyaloo pyoo lengema: ‘Naimame nyakamanya pulupapulatakalamanoaka doko, nyakama lyala nayalamino! Nyakama kondo kayao ee latalamanoaka doko, nyakamame itingi laa nayalamino!’ Wane dupame opa lao katengemana, nyakama dopalema lamona,” lea-pyaa.
25437	LUK 10:5	Nyakamame pao anda mendenya kolandatamili pyoo wambao dapa laapape: ‘Anda dakenya palenge endakali dupa mona lyuu lao pilyepape!’ lao lamaiyepape.
25480	LUK 11:6	Nambanya kaiminingi mende kaitaka payapala nambanya andaka ipumopa, nee maipenge mende nasilyamona,’ lao tee latamo kandao doko, akali andakote palitamo dokome baa lamaiyoo, ‘Nambame anda kaita pai latala nambanya wane dupa-pipa palipilyona, dee sakatatala kapa pao emba nandyapo lumuna, embame namba maka pisala nayape!’ lata.
25594	LUK 13:7	Dokopa baame baanya ee pokakamaingi akali doko lamaiyoo, ‘Kanau! Nambame ee kana tepoma dutupanya piki ita dakenya dii lyao nyalanya epewaka doko dii manja naelyamo doko, aipuma ita dakeme mee ee yuu lyakama pyao katatape? Embame pokanya nepape!’ lea-pyaa.
25612	LUK 13:25	“Dee akali anda tange dokome sakatatala wambao kaita pai latatamopa nyakama ipao kamaka katapala anda kaita doko watawata pyoo dapa latami: ‘Kamongo, embame naimanya kaita lumbaka!’ latami. Dopa lataminopa baame nyakamanya pii yanu pyao, ‘Nyakama anja tangepe lao masala naelyona,’ lata.
25614	LUK 13:27	Dopa lataminopa anda tange dokome nyakamanya pii doko yanu pyakao, ‘Nyakama anja tangepe lao nambame masala naelyo. Nyakama pitaka koo pingi endakali kalyaminona namba kalyosa naepenya pupa!’ anda tange dokome dopa latana,” lao Jisasame lea-pyaa.
25630	LUK 14:8	“Akali mendeme enda lanyepala watapae pyao nee andake yawata mendenya nee nala ipu lao wii latamopa embame panda enomba nyoo dupanya napitipi. Aopyoo latala akali andake emba ita minao mende apata wii latala baame laminao ipao pituu emba langyoo, ‘Emba pilyeno dosa akali dake petena panda mai!’ latamopa emba elya andake kayapala etete maita-kaita pao pititi.
25643	LUK 14:21	“Dokopa kendemane dokome baanya kamongo doko lamaiya pea-pyaa. Lamaitiamopa anda tange dokome imbu kayapala kendemane doko lamaiyoo, ‘Embame alo pyao yuu taono dakenya kaitini andakepi yakanepi dupanya pupala endakali tipyapi, papa tambotaepi, lenge mondapi, moko koyapaepi dupa nambanya andaka laminao ipupi!’ lea-pyaa.
25662	LUK 15:5	Nyepala dokopa baame mona etete yaepao lataiyanya setapala soo pao andaka lai petala baanya kaita miningi endakalipi makisa katengepi dupa kambu pyamana epena lata. Dopa latala baame dokaita lamaiyoo, ‘Nambanya mena sipisipi mende alu pipumu doko kutapala kandao nyepelyona, nyakama namba-pipa mona yaepamana!’ lata.
25669	LUK 15:12	“Wane laponge dokome takange lamaiyoo, ‘Apane, embanya munipi oapi moya nyepenge dupa waima minao nalimbanya mokosakate dokopa namba diti mendatupa indupa dii!’ lea-pyaa. Dokopa takange dokome baanya oapi dupa wane dolaponya mokosoloo pyakamaiya-pyaa.
25685	LUK 15:28	Dokopa wane mupa dokome imbutongo mandipala andaka peteamino dokonya etete napatoo lao masetala kamaka katea-pyaa. Dokopa takange dokome kamaka pyakalyetala baa andiki andiki pisoo, ‘Wane emba andaka ipupoko!’ lea-pyaa.
25687	LUK 15:30	Dopaka doko, embanya ikini dakeme embanya oapi dupa pitaka enda akali nyele-nyele paenge dupa-kisa etasetakala pilyoo ipumopa embame mena pulumakao yakane andapae doko baanya lao pyakamaiyene lamona!’ lea-pyaa.
25695	LUK 16:6	Dopa lateamopa akali dokome lao pituu, ‘Namba-kisa olipi ipange peteta jatamu penge andate mendai yanu silyamona,’ lea-pyaa. Dopa lateamopa oapi isakamaingi akali dokome baa lamaiyoo, ‘Indupa embanya yanu singi pepa dake nyepala isa pituu emba-kisa yanu kingi itaka yuungi silyamo lao yapa pepa pyaa!’ lea-pyaa.
25696	LUK 16:7	Dee akali mende epeamo doko pisoo, ‘Emba-kisa yanu akitupa silyape?’ lea-pyaa. Akali dokome lao pituu, ‘Namba-kisa wiisa mandipae beke nuu andake taosene mendai yanu silyamona,’ lea-pyaa. Dokopa oapi isakamaingi akali dokome baa lamaiyoo, ‘Embanya yanu singi pepa dake nyepala emba-kisa yanu andate tukulapo silyamona lao pepa pyaa!’ lea-pyaa.
25713	LUK 16:24	Kandatala baame dapa lao ae lao wii lea-pyaa: ‘Apane Apotakame, namba itate angenya etete tanda nelyo. Embame namba kondo kayapala, Lasatasanya kingi konde dokome endaki mendalapo poyanyetala nambanya keke ange kuki manda tasetakala epena lapoko!’ lea-pyaa.
25717	LUK 16:28	Nambanya kaiminingi yuungi kalyamino dupame aopyoo latala namba tanda nao kalyo dakenya ipao tanda natamina baame dupa pii kyoto joo lamaiyakala pena laa!’ lea-pyaa.
25726	LUK 17:6	Dopa leaminopa Kamongo dokome lao pituu, “Nyakamame awa wainginya dii palenge dopale joo masoo minapimili kandao doko, nyakamame diiwi ita dake lamaiyoo, ‘Emba tangeme embanya pingi dupa yukuopala pao solowata pete andake kaina dokonya pokatae kata!’ laminopa laminoli pipyalina,” lea-pyaa.
25728	LUK 17:8	Daa, dopa nalenya embame kendemane doko lamaiyoo, ‘Emba nee endakipi tenda natale namba wambao natoo depa latakala emba lapalapa epe mende nyoo ketae petala nee natoli pyoo minakao ipu!’ late daape.
25741	LUK 17:21	Dee endakali mendeme kapa pao, ‘Gotenya isingi doko omosa silyamo kanjepa! Amasa silyamo kanjepa!’ lapenge daaka. Baame nyakamanya mona andaka ipao katapala isilyamona masalapape,” lea-pyaa.
25743	LUK 17:23	Tenda endakali mendapuame nyakama langyoo, ‘Omo kanjepa!’ ‘Ama kanjepa!’ latamiaka doko, nyakamame mendasa kutao kanja napenya mee kalyepape.
25760	LUK 18:3	Dee enda walyakae mendeme yuu dokonyaka pituu koteaka lao jasa doko kateamo dokonya ipatapu baa lamaiyoo, ‘Endakali mendeme namba pundu nyoo diana embame namba nisoo pundu doko lao tolasakape!’ lata pingi-pyaa.
25770	LUK 18:13	Dopaka doko, takisa nyingi akali dokome lembasa waka yuu kandanatae katao kingi tukyoo dapa lao loma sia-pyaa: ‘Nambame mana koo miningina, Gote embame namba kondo kayape!’ lao loma sia-pyaa.
25824	LUK 19:24	Dopa latala baame endakali tengesa kateami dupa lamaiyoo, ‘Nambame muni kina kingi ita lapo akali doko maiyo dolapo nyakamame yukuoo nyepala muni kina andate lapoma setenge kendemane dake maiyepa!’ lea-pyaa.
25827	LUK 19:27	Dopana, namba kandao yandapipi jingima dupame wamba nambame nyakama isatale lao auu kayala nayamino dokonya nyakamame dokaita angenya laminao ipao nambanya enombasa pyao kumasalapape!’ lea-pyaana,” lao Jisasame lea-pyaa.
25862	LUK 20:14	Pena leamoaka doko, akali ee isakamaingi dutupame akali dokonya ikiningi doko epeamo kandatala nyakamalapo lao pituu, ‘Akali dakeme takangenya moya nyepengena, moya dake naimanya jina lao baa pyao kumasemana!’ leami-pyaa.
26006	LUK 23:2	Pupala dokaitame baa tee pyao kosimi lao pituu, “Naima tata dupame kapomane minakasalapale lao akali dakeme dapa lenge: ‘Kapomane Isingi Mupa doko muni takisa namaiyepape!’ lenge. Dee baame baa tange kandao, ‘Namba Kataisa. Namba kiŋi kalyona,’ leamopa naimame siamana,” leami-pyaa.
26018	LUK 23:14	Ipao limbateaminopa baame dokaita lamaiyoo, “Akali dakeme ‘Nyakamame kapomane minakasalapa!’ lengena lao kosimi lalamino dokonya nambame baa nyakamanya enombasa makande pyoo pisipupa kosimi lapenge tenge dopale mendaipi mende baa-kisa panala naelyamo.
26032	LUK 23:28	Dopa lao peaminopa Jisasame kapilyetala dupa lamaiyoo, “Tenda gii doko ipatamopa endakali dupame, ‘Enda ingi pyakilyetae, wane namandenge, wane andu nanenge enda dupa iki mona yaepatae pilyaminona,’ latami. Tenda endakali dupame ‘Yuu manda dupa longapala naima pyaa!’ latami. Dee yuu manda yakane dupame, ‘Naima pyao sanga pyaa!’ lao katatami. Dopana, nyakama Jetusaleme tange enda dupame namba kandao ee laa nayalapape. Nyakama tangepi nayakamanya wanepi dupa lao masoo ee laapape.
27385	ACT 11:9	Dopa leopa dee lapo pyoo kaiti-kisa katao pii mende yanu pyao epeamo dokome lao pituu, ‘Goteme auu pinya setatamo dupa kandao embame kaimala pipaena nalape!’ lea.
27785	ACT 22:13	Baame namba kateo tengesa dosa ipupala namba langyoo, ‘Kaimia Solo, emba lenge taa!’ lea. Dopa lalu piamopa lenge tapala nambame baa kandeo.
30073	HEB 3:11	Dokopa nambame imbu kayapala lao pituu, ‘Dupa nambanya koto nyingi panda dokonya naipatami, etete muli mauwa daa!’ leona,” lea-pyaa.
30084	HEB 4:3	Dopana, naima masoo minilyamano endakali dupa koto nyingi panda dokonya kalya pelyamano. Dokonya Goteme dapa lea-pyaa: “Nambame imbu kayapala lao pituu, ‘Dupa nambanya koto nyingi panda dokonya naipatami, etete muli mauwa daa!’ leona,” lea-pyaa. Dopaka doko, Gote baanya kalai dupa baame yuupi kaitipi wapuoo eteamo dokopa etea-pyaa.