23233	MAT 1:20	Dopa lao masoo kateamopa, Kamongonya enjele mendeme baa kombeame lamaiyoo, “Josepe, Dapiti yumbange, embame enda Matia doko embanya enda jina lao lanyalanya paka nakayape. Baanya inginya wane pilyamo doko Oli Sipitisame maiya.
23288	MAT 4:10	Dopa leamopa Jisasame baa lamaiyoo, “Satane, emba puu! ‘Embame embanya Kamongo Gote doko tama pyoo baanya iki kalai pyakamaiyoo katape!’ lao pepa pyapae silyamona,” lea-pyaa.
23409	MAT 7:24	“Dopana, nambanya pii dutupa sepala watao minatamino endakali dupa pitaka, akali masepae mendeme baanya anda yuu kyotonya piamo dopale.
23439	MAT 8:25	Dopa piamopa baanya disaipele dupame baa pyale tatala, “Kamongo, naima kumalanya petelyamanona, embame naima pyoo nyaa!” leami-pyaa.
23450	MAT 9:2	Dokopa endakali mendapuame akali papa tambotae mende lapa tokonya soo baa kateasa epeami-pyaa. Dopa piaminopa Jisasame dokaitanya masoo miniamino doko kandatala, akali papa tambotae doko lamaiyoo, “Wane, embanya koo dupa kunanya nepekelyona, emba mona yaepa!” lea-pyaa.
23470	MAT 9:22	Dopa piamopa Jisasame kapilyetala enda doko kandatala lamaiyoo, “Wanaku, embame masoo minapino dokome emba mee injisetelyamona, emba mona yaepa!” lea. Dopa leamo gii dokopaka enda dokonya yaina doko mee jia.
23476	MAT 9:28	Jisasa andaka kolandatala peteamopa akali lenge monda dolapo epeambi. Epeambinopa baame dolapo pisoo, “Nambame kapa pao nyalambome pyakapili lao masilyambinoli pyakalapenona lao masoo minilyambipi?” lea. Dopa leamopa dolapome yanu pyao, “Kamongo, kini dopaka lao masilyambanona,” leambi.
23512	MAT 10:26	“Dopana, nyakamame endakali dupa paka nakayalapape. Sanga pyatae silyamo dupa pitaka tenda lopalyeta. Yalo petae silyamo dupa tenda panasetaka.
23553	MAT 11:25	Gii dokopa Jisasame lao pituu, “Apane, emba yuupi kaitipi dupa pitakanya Kamongo kalyeno! Mana longo kandenge endakalipi masepae endakalipi dupame nakandena lao yalo piino dupa wane ŋaŋa joo katengema endakali dupame kandena lao embame panasiino dokonya nambame emba lao tama pilyo.
23605	MAT 12:47	[Dopa piaminopa akali mendeme Jisasa lamaiyoo, “Yaa, embanya endangi dokopi kaiminingi dupapi kamaka katapala emba-pipa pii lamua laka lao masilyaminona,” lea.]
23611	MAT 13:3	Kateaminopa Jisasame kongali lawaka pii longo dokaita lamaiya. Lamaiyoo pituu, “Kandeleno, akali mendeme ee wai lyandala pea-pyaa.
23626	MAT 13:18	“Dopana, akali mendeme ee wai lyandeana lao kongali pii dokonya tenge doko dapana salapape.
23682	MAT 14:16	Dopa leaminopa Jisasame dokaita lamaiyoo, “Daa, dupa napenana, nyakamameaka dokaita nee maiyepa!” lea.
23694	MAT 14:28	Dokopa Pitame baa lamaiyoo, “Kamongo, embaka tamo kandao doko, embame namba endaki ketae moko katao emba kalyeno dokonya ipu laa,” lea.
23696	MAT 14:30	Peamoaka doko, baame poo leamo doko kandatala paka kayapala baa endakinya landa pyalanya pia. Dopa petala baame, “Kamongo, embame namba nisa!” lao ae lea.
23730	MAT 15:28	Dopa leamopa Jisasame enda doko lamaiyoo, “Enda, embame kyoto joo masoo minao petenge lamona, embame pyakapyali lao masilinoli pyekenana,” lea. Dopa leamo gii dokopaka baanya wanenge doko mee jia-pyaa.
23758	MAT 16:17	Dopa leamopa Jisasame baa lamaiyoo, “Saimone, Jone ikiningi, emba mona yaepasetae. Doko embame pii kiningi leleno dake endakali mendeme langya naya. Daa. Nambanya Takange kaitinya katenge dokome emba-kisa panasia.
23763	MAT 16:22	Dopa leamopa Pitame Jisasa laminao umbisale pupala pyalanya lao, “Kamongo, emba dopa etete napina! Goteme emba kondo kaenana!” lea.
23764	MAT 16:23	Dopa lao pyalanya leamopa Jisasame kandapilyetala Pita lamaiyoo, “Satane, emba nao puu! Embame namba koo pyaale lao makande pilino. Embame Gotenya masingi doko masala naenya, endakalinya masingi doko masilinona,” lea.
23773	MAT 17:4	Kandatala Pitame Jisasa lamaiyoo, “Kamongo, naima angenya katamanopa auu pilyamona, embame kapana lao maseteno kandao doko, nambame angenya aiyaa anda tepo pitoo. Mende embanya, mende Mosesenya, mende Ilainjanyana,” lea-pyaa.
23780	MAT 17:11	Jisasame dutupanya pii yanu pyakamaiyoo, “Kini, Ilainjame dupa pitaka dee katengeli pina lao tolasalanya ipupenge.
23794	MAT 17:25	Dopa leaminopa Pitame lao pituu, “Kini pingi daape,” latala andaka kolandea. Kolandeamopa Jisasame wambao Pita lamaiyoo, “Saimone, embame aipa lao masilipi? Yuu dakenya kiŋi dupame takisa tata tata dupa api-kisa nyingimape? Dupame yuu tenge tange dupa-kisa nyingimape, pande katamana lao epenge endakali dupa-kisa nyingimape?” lea.
23817	MAT 18:21	Dokopa Pitame ipupala Jisasa pisoo lao pituu, “Kamongo, nambanya endakali yango mendeme paa akipatesa namba koo pingyetamopa nambame baanya koo yanu doko kayapengepe? Paa kalangesa kayapengepe?” lea.
23858	MAT 19:27	Dokopa Pitame baa lamaiyoo, “Kandeleno, naimame dupa pitaka yakinatala emba watao paelyamano dokonya tenda naimame aki mende nyetamape?” lea.
23894	MAT 20:33	Dopa leamopa akali dolapome baa lamaiyoo, “Kamongo, embame nalimbanya lenge tasakapili lao masilyambanona,” leambi.
23911	MAT 21:16	Dopa petala dokaitame baa lamaiyoo, “Wane dupame pii lelyamino doko embame silipi?” leami. Dokopa Jisasame dokaita lamaiyoo, “Kini, nambame silyona, pii mende dapa lapae silyamo: ‘Embame wane koopi ŋaŋapi dupanya nengekaita lumbakamainopa dupame emba lalyokondape piamina,’ lapae silyamo doko nyakamame itaki pyala nayamipi?” lea.
23920	MAT 21:25	Joneme kaimbu pyakamaiyamo doko apimi pina leape? Goteme pina leape, pande endakalimi pina leamipi?” lea. Dokopa dokaitame pii doko sepala nyakamalapo lao pituu, “Naimame, ‘Goteme pina leana,’ latamano kandao doko, ‘Aipuma nyakamame Jonenya pii doko masoo minala nayamipi?’ lata.
24028	MAT 24:2	Dopa piaminopa baame dokaita lamaiyoo, “Kini, nyakamame datupa pitaka kandelyamipi? Kandelyaminoaka doko, nambame nyakama kiningi langilyona, ae kaname petae kalyamo datupanya mendaipi mende kalyamoli petae katena lao kayala nayao, pitaka kalunya nepatamina,” lea.
24052	MAT 24:26	“Dopana, endakali mendapuame nyakama langyoo, ‘Baa endakali napalenge yuu dokonya kalyamona,’ leami kandeno doko, nyakama dosa napupape. Dee dupame, ‘Baa asa yalo petae kalyamo kanjepa!’ leami kandeno doko, kiningi lelyaminona lao masala nayalapape.
24145	MAT 26:22	Dopa leamopa dokaitame mona etete kenda kayapala mendai mendai lawame baa pisoo, “Kamongo, embame leeno doko, namba kandao leepe?” laa laa peami.
24163	MAT 26:40	Dopa lao loma setala ipao disaipele tepoma dutupa kandeamopa luu palyasiamisa baame Pita lamaiyoo, “Anematupa, aipa petala gii kuki iki dutupanya nyakamame namba-pipa kapa pao kandao isoo nakatalamipi?
24173	MAT 26:50	Dopa piamopa Jisasame baa lamaiyoo, “Kaimia, embame angi pyaanya ipate doko yapa pii!” lea. Dokopa dokaitame ipao baa minatala anjiami.
24190	MAT 26:67	Dopa latala dupame baanya lengelyaapinya sopakalimi pyapala kii momangame piami-pyaa. Dee mendapuame baa pyao pituu, “Kataisa, akali dokome pilyamo lao embame laa!” leami-pyaa.
24244	MAT 27:46	Kiloko tepopi mendenya Jisasame etete puu lao lao, “Eli, Eli, lema sapakatani!” lea. Dopa leamo doko kapilyoo, “Nambanya Gote, nambanya Gote, embame namba aipuma yakinelepe?” lea.
24273	MAT 28:9	Alo pyao peambinopa Jisasame kaitinisa kandanyetala, “Wanalapo, anja paanya epelyambipi?” lea-pyaa. Dokopa dolapome tengesa ipao luma lakapala baanya mokonya minao baa tama piambi-pyaa.
24334	MRK 2:5	Dokopa Jisasame akali kitomende dokaitanya masoo miniamino doko kandatala, akali papa tambotae doko lamaiyoo, “Wane, embanya koo dupa kunanya nepekelyona,” lea-pyaa.
24389	MRK 3:32	Endakali baa kakopao peteamino dupame Jisasa lamaiyoo, “Yaa, embanya endangi kaiminingipi dupa ipao kamanda katapala emba kutilyaminona,” leami-pyaa.
24467	MRK 5:34	Dokopa baame enda doko lamaiyoo, “Wanaku, embame masoo minapino dokome emba mee injisetelyamo. Embanya yaina doko mee jilyamona emba mona yaepatala puu,” lea-pyaa.
24474	MRK 5:41	Pupala wanaku dokonya kinginya minatala baa lamaiyoo, “Talita kumu,” lea-pyaa. Pii doko kapilyoo, “Wanaku, emba nambame sakata lelyona,” lea-pyaa.
24602	MRK 8:33	Dopa leamoaka doko, baame kapilyetala baanya disaipele dupa kandatala Pita pyalanya lao, “Satane, emba nao puu! Embame Gotenya masingi doko masala naenya endakalinya masingi doko masilinona,” lea-pyaa.
24685	MRK 10:28	Pitame baa lamaiyoo, “Kandeleno, naimame dupa pitaka yakinatala emba watao payatelyamanona,” lea-pyaa.
24696	MRK 10:39	Dolapome baa lamaiyoo, “Nalimba kapana,” leambi-pyaa. Jisasame dolapo lamaiyoo, “Kini, nambame kapo penge nelyo dokonya nyilyambome natambiaka.
24740	MRK 11:31	Dopa leamopa dokaitame pii doko sepala nyakamalapo lao pituu, “Naimame, ‘Goteme pina leana,’ latamano kandao doko, ‘Aipuma nyakamame Jonenya pii doko masoo minala nayamipi?’ lata.
24751	MRK 12:9	“Dopana, akali getepe ee tange dokome aipa pitape? Baame ipupala ee isakamaingi dokaita pyao kumasetala, getepe ee doko akali waka mendapuame isoo katekena lata.
24859	MRK 14:36	Baame loma soo pituu, “Apane, Apane, embame kapa pao dupa pitaka pingi. Embame namba-kisa kenda pipae silyamo dake nyoo nepakape. Dopaka doko, nambame masilyoli napinya, embame masetenoli pipina,” Jisasame lea-pyaa.
24860	MRK 14:37	Dopa lao loma setala ipao kandeamopa disaipele dutupa luu palyasiamisa baame Pita lamaiyoo, “Saimone, emba luu palelepe? Embame gii kuki mende kapa pao kandao isoo nakatalepe?
24893	MRK 14:70	Dopa leamopa Pitame deaka tanga lea-pyaa. Dokopa kuki maitakawale akali kateamino dupame Pita deaka lamaiyoo, “Kini, emba akali dutupanya mende lamo. Emba apata Galili tange lamona,” leami-pyaa.
24899	MRK 15:4	Dokopa Pailateme baa dee pisoo, “Kandeleno, dakaitame emba-kisa tenge longo lao setelyamino doko, embame piipi mende yanu pyao nalelepe?” lea-pyaa.
24929	MRK 15:34	Kiloko tepo dokonya Jisasame etete puu lao lao, “Eli, Eli, lema sapakatani?” lea-pyaa. Dopa leamo doko kapilyoo, “Nambanya Gote, nambanya Gote, embame namba aipuma yakinelepe?” lea-pyaa.
24975	LUK 1:13	Dokopa enjele dokome baa lamaiyoo, “Sakataya, emba paka nakayape! Embame mende Gote-kisa tee lao loma sipino doko baame sepelyamona, embanya enda Ilisapeta dokome wane ane mende manjakatana, embame wane doko kenge Jone lape.
24992	LUK 1:30	Dokopa enjele dokome baa lamaiyoo, “Matia, emba paka nakayape! Goteme emba kandao mona epe palyetelyamo.
25022	LUK 1:60	Dopa leaminoaka doko, endangi dokome dokaita lamaiyoo, “Daa, wane doko kenge Jone lamanana!” lea-pyaa.
25071	LUK 2:29	“Kamongo, embame leenoli pilino doko namba embanya kendemane doko mona lyuu lasetala yakinape.
25076	LUK 2:34	Dokopa Simioneme wane Jisasapi endangi takangepi dutupa Goteme auu pisina lao loma setakamaitala, Jisasanya endangi Matia doko lamaiyoo, “Kandeleno, Isataele endakali longo dupa wane dake-kisa kapa pao lombapae setaminopa dee longo dupame sakatatamina lao Goteme baa panasetelyamo. Dokonya endakali longo dupame nyakamanya masingi yalo petae katenge dupa panasoo tanga lataminopa, itate mendeme embanya mona doko yangatana,” Simioneme lea-pyaa.
25090	LUK 2:48	Endangi takangepame walu lao baa kandeambi-pyaa. Kandatala endangi dokome Jisasa lamaiyoo, “Wane, embame aipuma nalimba kandao dopa pyepe? Embanya takangepa nalimbame mona etete kenda kayao emba kutao katapumbana,” lea-pyaa.
25166	LUK 4:34	“Kanau, Nasatete tange Jisasa, emba Gotenya akali epe etete doko kalyeno nambame kandengena, embame naima aipa pyaa epepe? Embame naima minao koyasala epepe?” lea-pyaa.
25170	LUK 4:38	Dokopa Jisasame losuu anda doko yakinatala akali Saimonenya andaka pea-pyaa. Saimonenya enda imange doko yaina nyepala yonge etete itaita koo piamo siamopa, “Jisasa, embame enda doko nisetepe?” lao endakali dupame pisiami-pyaa.
25196	LUK 5:20	Dokopa Jisasame dokaitanya masoo miningi dupa kandatala lao pituu, “Wane, embanya koo dupa kunanya nepekelyona,” lea-pyaa.
25242	LUK 6:27	“Dopana, nyakama nambanya pii silyamino dupa dapa lao langilyo: nyakamame nyakamanya yandapipi dupa-pipa auu kayao kalyepape. Nyakama kandao imbu kaengelyamino endakali dupa nyakamame mana epe lamaiyepape.
25304	LUK 7:40	Dopa lao masiamopa Jisasame baa lamaiyoo, “Saimone, emba nambame pii mende langitoo,” lea-pyaa. Dopa leamopa Saimoneme baa lamaiyoo, “Mana Lenge Akali, embame pii doko laa,” lea-pyaa.
25362	LUK 8:48	Dokopa Jisasame baa lamaiyoo, “Wanaku, embame masoo minapino dokome emba mee injisilyamona, emba mona yaepao puu!” lea-pyaa.
25365	LUK 8:51	Dopa latala baa isingi akali dokonya andaka pupala baame endakali waka dupa andakote, “Kolandala nayalapape!” daana latala, “Pitapi, Jonepi, Jemesapi, wanaku dokonya endangi takangepa dolapopi dutupa namba-pipa andakote kolandamana,” lea-pyaa.
25424	LUK 9:54	Dokopa disaipele Jemesapa Jonepame mana doko kandatala Jisasa lamaiyoo, “Kamongo, nalimbame kaitinya itate kaiyepae mende epena lao wii latala endakali dokaita tao mulyina lambape?” lao pisiambi-pyaa.
25449	LUK 10:17	Maitakao akali kingi ita kalange-kisa dee lapoma dupa pilyoo ipao pituu mona yaepeami-pyaa. Dokaitame lao pituu, “Kamongo, embame naima kalai pyepape leenoli pyoo pipumanopa, enjele koo dupame naimanya pii sakapimiakana,” leami-pyaa.
25453	LUK 10:21	Gii dokopaka Oli Sipitisa dokome Jisasanya mona etete yaepasiamopa, Jisasame lao pituu, “Apane, emba yuupi kaitipi dupa pitakanya Kamongo kalyeno! Embame mana longo kandenge endakalipi masepae endakalipi dupame nakandena lao yalo piino dupa endakali wane ŋaŋa joo katengema dupame kandena lao panasiino dokonya nambame emba lao tama pilyo. Kini, Apane, embame pitona lao auu pyoo masiinoli pyoo petee-pyaana,” lea-pyaa.
25469	LUK 10:37	Dokopa mana setapae masingi akali dokome lao pituu, “Akali kondo kayapala nisia lumu dokoaka lumuna,” lea-pyaa. Dopa leamopa Jisasame baa lamaiyoo, “Dopana, embame pupala dopaka pyoo katape,” lea-pyaa.
25473	LUK 10:41	Dopa leamopa Kamongo dokome baanya pii yanu pyakamaiyoo, “Mata, Mata, embame longo dupa moname masoo nea kayao pilino.
25475	LUK 11:1	Koto mendepa Jisasame mendasa loma soo kateamo doko soo etapeamopa, baanya disaipele dupanya mende epea-pyaa. Ipupala Jisasa lamaiyoo, “Kamongo, wamba Joneme baanya disaipele dupa mana lamaiyamoli pyoo embame loma singi mana doko naima langi,” lea-pyaa.
25569	LUK 12:41	Dokopa Pitame baa lamaiyoo, “Kamongo, embame kongali pii doko naima iki kandao leepe, pande endakali pitaka kandao leepe?” lea-pyaa.
25599	LUK 13:12	Dopa petae enda doko Jisasame kandatala epena lea-pyaa. Ipateamopa baame enda doko lamaiyoo, “Enda, embanya yaina doko mee jekelyamona,” lea-pyaa.
25610	LUK 13:23	Dokopa akali mendeme baa pisoo pituu, “Kamongo, tenda Goteme endakali kuki iki pyoo nyeta laape?” lea-pyaa. Dokopa Jisasame endakali dokaita dapa lamaiya-pyaa.
25757	LUK 17:37	Dopa leamopa disaipele dupame pii dutupa sepala lao pituu, “Kamongo, andusa dopa pitape?” leami-pyaa. Dokopa Jisasame dokaita lamaiyoo, “Opale mende kumapae silya mendasa yaka lakepame dupa ipao kambu pingimana,” lea-pyaa.
25797	LUK 18:40	Dopa leamopa Jisasame ipao katapala dokaita lamaiyoo, “Nyakamame baa laminao namba kalyo dasa ipupa,” lea-pyaa. Dokopa dokaitame baa tengesa laminao ipateaminopa Jisasame baa pisoo, “Nambame embanya aipa pyakapili lao masilipi?” lea-pyaa. Dokopa akali lenge monda dokome baa lamaiyoo, “Kamongo, namba lenge dee tapuli lao masilyona,” lea-pyaa.
25805	LUK 19:5	Pyakalyetala ita wangya dokonya paleamopa, Jisasame paleamo dosa ipao pituu kandalyetala baa lamaiyoo, “Sakiasa, indupa namba embanya andaka pitimbanalena, emba yapa isa pyakana,” lea-pyaa.
25853	LUK 20:5	Dokopa dokaitame nyakamalapo lao pituu, “Naimame, ‘Goteme pina leana,’ latamano kandao doko, baame naima kandao, ‘Doko aipuma nyakamame Jonenya pii doko masoo minala nayamipi?’ lata.
25863	LUK 20:15	Dopa latala dokaitame getepe ee dokonya baa kamalyatena soo pyale latala pyao kumasiami-pyaa. “Dopana, akali ee tange dokome dokaita aipa pitape?
25966	LUK 22:33	Dopa leamopa Pitame Jisasa lamaiyoo, “Kamongo, namba embapa awapa anjetae palitambanopi dee awapa pao kumatambanopi dupa kapakana lao masetelyona,” lea-pyaa.
25971	LUK 22:38	Dokopa dokaitame lao pituu, “Kamongo, konjua lapoma silyamo kanda!” leami-pyaa. Dokopa baame dokaita lamaiyoo, “Kapa lumuna kayalapa!” lea-pyaa.
25975	LUK 22:42	“Apane, embame namba-kisa kenda pipae silyamo dake nyoo nepakape! Dopaka doko, nambame masilyoli napinya, embame masetenoli pipina,” lea-pyaa.
25981	LUK 22:48	Dokopa Jisasame baa lamaiyoo, “Jutasa, embame Endakalinya Ikiningi doko yandapipi dupa laitaka pyoo nunu pyaa epelepe?” lea-pyaa.
25982	LUK 22:49	Dopa lateamopa akali epeamino dokaitame Jisasa-kisa pitamino dupa baanya disaipele awapa kateamino dupame kandatala, “Kamongo, naimame dokaita uaa pepome pokamape?” leami-pyaa.
26046	LUK 23:42	Dopa latala baame Jisasa lamaiyoo, “Jisasa, embame kiŋi jetala ipateno gii dokopa namba kame sala nayape!” lea-pyaa.
26151	JHN 1:38	Watao peambinopa Jisasame maitakaita kandapilyetala dolapo pisoo, “Nyilyambo aki kutao epelyambipi?” lea. Dopa leamopa dolapome baa pisoo, “Lapae, emba andusa palengepe?” leambi. (Kenge Lapae doko kapilyoo, Mana Lenge Akali lenge.)
26168	JHN 2:4	Dopa leamopa Jisasame endangi lamaiyoo, “Enda, nambanya gii doko ipatala naelyamona nambame pipenge dupa embame namba langya nayape,” lea.
26246	JHN 4:21	Dopa leamopa Jisasame baa lamaiyoo, “Enda, embame nambanya pii lelyo dake kiningina masepe: yuu gii mende ipatamo dokopa yuu manda dakenyapi Jetusaleme dokonyapi dolaponya katao Takange Gote lalyala nayatami.
26293	JHN 5:14	Maitakao Jisasame losuu anda andake kame dokonya akali doko kandatala lamaiyoo, “Kandeleno, indupa emba mee jetelenona, emba-kisa kenda pipae andake mende ipatana dee koo mende napipi,” lea.
26340	JHN 6:14	Dopa pyoo Jisasame kongali piamo doko endakali dupame kandatala, “Kiningi, dake isa yuunya ipatana lengema Potopesadoko lamona,” leami.
26360	JHN 6:34	Dokopa dokaitame baa lamaiyoo, “Kamongo, koteaka lao betesa doko naima dipi,” leami.
26394	JHN 6:68	Saimone Pitame yanu pyao, “Kamongo, emba-kisa lete etete katasingi pii dupa silyamo doko, naima api-kisa patamape?
26437	JHN 7:40	Endakali kambu pyao kateamino dupanya mendapuame baame pii dutupa leamo sepala lao pituu, “Kini, akali dake Potopesadoko lamona,” leami.
26518	JHN 9:9	Dopa leaminopa endakali mendapuame lao pituu, “Kini, dokona,” leami-pyaa. Yangi mendapuame lao pituu, “Daa, akali dake mendai dopaleaka lamona,” leami-pyaa. Dokopa akali doko tangeme, “Namba dokokana,” lea-pyaa.
26547	JHN 9:38	Akali dokome lao pituu, “Kamongo, nambame masoo minilyona,” lea. Dopa latala baame luma lakapala Jisasa lao tama pia.
26595	JHN 11:3	Dopa piamosa pimalenge dolapome Jisasa kateasa wai lao “Kamongo, embame auu kaenge akali kandapino doko yaina silyamona,” leambi-pyaa.
26604	JHN 11:12	Dokopa disaipele dupame baa lamaiyoo, “Kamongo, baa luu palitamo kandao doko, dee baa yaka joo pilyamona,” leami.
26613	JHN 11:21	Dokopa Matame Jisasa lamaiyoo, “Kamongo, emba ae kateeli kandao doko, nambanya pimalenge doko kumala nayali.
26619	JHN 11:27	Dokopa Matame Jisasa lamaiyoo, “Kini, Kamongo, emba Kataisana, Gote Ikiningi isa yuunya ipupenge dokona lao nambame masoo minao petelyona,” lea.
26624	JHN 11:32	Dokopa Matia Jisasa kateamo dokonya ipupala baa kandea. Dopa petala baa ipao Jisasanya moko kateamo dosa tombauli sepala baa lamaiyoo, “Kamongo, emba ae kateeli kandao doko, nambanya pimalenge doko kumala nayalina,” lea.
26626	JHN 11:34	Dokopa Jisasame lao pituu, “Nyakamame baa anja malu piamipi?” lea. Dopa leamopa dokaitame baa lamaiyoo, “Kamongo, embame kanja ipu,” leami.
26631	JHN 11:39	Jisasame lao pituu, “Nyakamame kana dake nyoo kapya laapa,” lea. Dopa leamopa akali kumiamo dokonya pimalenge Mata dokome baa lamaiyoo, “Kamongo, indupa baa ai pyatao pilyamo. Baa malu petae katamopa koto kitomende patapyana,” lea.
26633	JHN 11:41	Dokopa dupame kana doko nyoo kapya leami. Dopa peteaminopa Jisasame kaiti-kisa kandalyetae katao, “Apane, embame nambanya pii doko silino dokonya nambame emba kandao yaka pilino lelyo.