23230	MAT 1:17	Dopana, wamba Apotakame kateamo gii dokonya pituu, Dapiti kateamo dokonya tuu lao yumbange tata paleamino dupa kingi ita mende-kisa dee kitomende. Dapiti kateamo gii dokonya pituu, Isataele endakali dupa Bapilone yuu dokonya lanyoo peamino gii dokonya tuu lao yumbange paleamino dupa kingi ita mende-kisa dee kitomendeaka. Bapilone yuu dokonya lanyoo peamino gii dokonya pituu, Kataisa doko mandeamo gii dokonya tuu lao yumbange tata kingi ita mende-kisa dee kitomendeaka paleami-pyaa.
23232	MAT 1:19	Matia akalingi Josepe doko akali epe tolatae dokonyana, baame Matia elya pisala nayato lao masia-pyaa. Dopa lao masetala baame enda doko elyakao pata-pata lao kayatoana lao masia-pyaa.
23235	MAT 1:22	Piamo dutupa pitaka wamba Kamongome potopesa mende-kisa pii leamo datupa angi injisoo pia-pyaa: “Enda mapuakae akali mendepa tole napingi mendenya inginya wane ane mende pititamopa mandita. Mandipatamopa dupame baanya kenge doko Emanyuele latamina,” potopesa dokome dopa lea-pyaa. (Kenge Emanyuele dokonya tenge doko Gote naima-pipa tole kalyamano.)
23239	MAT 2:1	Matiame Jisasa Jutia yuu taono Beteleme lenge dokonya mandea-pyaa. Gii dokopa akali Etote lenge doko kiŋi katea-pyaa. Maitakao niki pyakaengesa tange buinya tenge masingi akali mendapuame Jetusaleme ipupala lao pituu, “Jutamanya kiŋi katatana lapae wane ŋaŋa doko anja mandipae silyape? Naimame baanya bui doko niki pyakaengesa-kaita katamosa kandatala baa tama pyaa epelyamanona,” leami-pyaa.
23244	MAT 2:6	‘Jutamanya yuu Beteleme, emba Juta tata isoo kalyamino akali andake dupanya pundipundi joo nasilino. Emba-kisa akali andake mende pyakalyeta. Baame nambanya Isataele endakali dupa setao katakatana,’ lao pia-pyaana,” leami-pyaa.
23245	MAT 2:7	Dopa lateaminopa Etote baame elyakawaka akali niki pyakaengesa tange kanja paanya epeamino dupa epena latala tipa-tipa pyoo, “Gii andukupa bui doko kateape?” lao pisia-pyaa.
23247	MAT 2:9	Dupame kiŋi dokonya pii dupa sepala peami-pyaa. Peaminopa wamba niki pyakaengesa-kaita bui kateamo kandeamino dokoaka ipao katea-pyaa. Dopa petala wambao pao wane mandipae siamo desa katao lita pia-pyaa.
23250	MAT 2:12	Kuka Goteme akali dokaita Etote kalyamosa-kaita pilyala naena lao kombea pimaiya-pyaa. Dopa piamosa dokaita kaitini waka mendenya-kaita nyakamanya yuusa pilyiami-pyaa.
23256	MAT 2:18	“Dupame yuu Lama lenge dokonya pii dupa setami. Dupame yako lao kondo-kondo pyoo ee latamino dupa setami. Enda Lesolome baanya wane dupa lao ee latamopa endakali mendaipi mendeme kapa pao baanya mona minao auu pisakamaiya nayata. Doko, baanya wane dupa pitaka nakatataminosa dopa latana,” lea-pyaa.
23260	MAT 2:22	Dopaka doko, Akelesa dokome baanya takange Etotenya panda nyoo Jutia yuu dokonya kiŋi joo kalyamo lapae sia-pyaa. Dopa lapae sepala baa yuu dokaita paanya paka kaya-pyaa. Dokopa Goteme baa kombea mende pimaitiamopa, Galili yuu dokonya yangi-kaita pea-pyaa.
23264	MAT 3:3	Potopesa Aisayame lao pituu, “Endakali napalenge yuu mendasa akali mendeme katapala wii lao, ‘Kamongonya kaitini doko depa lanya setakamaiyepape! Baanya kaitini dupa tolasakamaiyepape!’ lao katatana,” lea-pyomo doko akali Jone baa kandao lea-pyaa.
23277	MAT 3:16	Jisasanya kaimbu pyalu petakamaiyamopa baame endaki doko yakinatala pyakalyia-pyaa. Pyakalyeteamopa kaiti doko saa papa laloo pia-pyaa. Dopa peteamopa baame kandeamopa Oli Sipitisa doko yaka maileo joo ipupala Jisasa baa-kisa petea-pyaa.
23278	MAT 3:17	Dokopa kaiti-kisa katao pii mende lea dokome, “Doo kalyamo doko nambanya Ikiningi etete mona setenge doko kalyamo. Nambame baa kandao etete mona epe palyingina,” lea-pyaa.
23299	MAT 4:21	Baa dee kuki ulipisale pupala nyalambo kaiminingipa waka mendalapo, Sepete ikiningi Jemesa dokopa baanya kaiminingi Jone dokopa dolapo kandea-pyaa. Dolapo nyalambonya takange Sepete doko-pipa sipi mendenya pituu nyakamanya wapaka nyingi mandi dupa wasoo petami-pyaa. Dopa piaminopa Jisasame akali dolapo epena lea-pyaa.
23300	MAT 4:22	Gii dokopaka akali dolapome sipi doko nyalambonya takange doko-pipa yakinatala, baa watao peambi-pyaa.
23325	MAT 5:22	Dopaka doko, nambame nyakama dapa langilyo: endakali mendeme endakali yango mende imbu kaelyamo doko laminao kosa laa pupenge. Dee endakali mendeme endakali yango mende kandao lamba lao pii koo lelyamo doko baa kanjole mupa dupa-kisa laminao pupenge. Dee endakali mendeme mende kandao kyakaenge mona napalengena lelyamo doko, baa ita tao katenge yuu koo dokonya pupenge.
23326	MAT 5:23	Dopana, embame epe mende Gote kundi maiyanya minao pao setakamaingi olata toko tengesa dosa katao, embanya endakali yango dokome emba-kisa kenda pipae mende setelyamona lao masii kandeno doko, epe minao pateno doko olata toko enombasa dosa sina setape. Setapala emba wambao pao baapa pii lao tolatala mona mendai palyalapape. Dopa petala embame dee ipao epe mende Gote maipenge doko maipina,” Jisasame lea-pyaa.
23329	MAT 5:26	Emba dokonya anjetae paliuu akali dokonya saandi emba-kisa setamo dupanya etete mendaipi mende nasina lao yanu pyao etapala dokopaka ipatena lao nambame emba kiningi langilyona,” lea-pyaa.
23342	MAT 5:39	Dopaka doko, nambame nyakama dapa langilyo: endakali mendeme nyakama-kisa koo pitamo doko pina kayalapape. Endakali mendeme nyakamanya wakena tolae-kaita pyao takia kandeno doko, yangi-kaita apata takina kayapeaka.
23348	MAT 5:45	Dopa pitamino dokome nyakamanya Takange kaitinya katenge dokonya wane joo katatami. Baame niki doko endakali koopi epepi dupa pitaka-kisa tapina lenge. Baame aiyuu doko endakali mana tolatae miningipi mana koo miningipi dupa pitaka-kisa epena lenge.
23354	MAT 6:3	Dopaka doko, nyakamame endakali tipya mende nisoo pituu dokopa, kingi tolae-kaitame nisetamino doko koya-kaitame nakandena lao nisalapape.
23365	MAT 6:14	Dopana, endakali mendeme nyakama-kisa koo pitamo dupanya yanu nyala nayatamino kandao doko, nyakamanya Takange kaitinya katenge dokome nyakamanya koo pitamino dupa kunanya nepakataka.
23374	MAT 6:23	Dopaka doko, embanya lenge lapo tao payateno kandao doko, embanya yonge doko pitaka iminjeta. Tii pipae emba-kisa silyamo doko iminjetamo kandao doko, iminjetae doko etete andaka jetana,” Jisasame lea-pyaa.
23387	MAT 7:2	Doko aipuma? Nyakamame endakali mende koo epe lao yapatamili pyoaka Goteme nyakama koo epe lao yapata. Dee nyakamame endakali mende-kisa mana minataminoli pyoaka Goteme nyakama-kisa minata.
23396	MAT 7:11	Dopana, nyakama takange koo dupame nyakamanya wane dupa oapi epe dupa maingima tamo kandao doko, nyakamanya Takange kaitinya katenge dokome nyakamanya wane mailyamino doko etete ita minao baa-kisa tee lelyamino endakali dupa opale epe dupa maingi.
23400	MAT 7:15	“Nyakamame sambo potopesa dupa kandao isoo kalyepape! Dokaitame mena sipisipi yanu pee petala nyakama katatamisa ipatamiaka doko, monanda-kaita yana kapua joo ipatami.
23414	MAT 7:29	Nyakamanya mana setapae masingi akali dupame mana lengemali pyoo baame laa nayao baa tange-kisa pupu lapae singina lao mana lea-pyaa.
23425	MAT 8:11	Dopana, nyakamame dake masalapape: niki pyakaengesa tangepi, niki landa pingisa tangepi, endakali longo dupa ipao Kaitinya Katenge dokome isingi panda dokonya Apotakame, Aisake, Jekopepi dutupa-pipa awapa nee andake nao pititami.
23430	MAT 8:16	Yuu kualanya niki landa piamopa endakali mendapuame enjele koo paleta endakali longo dupa Jisasa kateasa laminao epeami-pyaa. Dokopa Jisasame endakali dupa-kisa enjele koo paleamo dupa piimi watao pyata, endakali yaina pyapae dupa pitaka saka nyepa pia-pyaa.
23437	MAT 8:23	Dopa latala Jisasame sipi mendenya pyakalyiamopa baanya disaipele dupa pyakalyetala baa-pipa awapa peami-pyaa.
23442	MAT 8:28	Jisasame endaki pete dokonya omotena Gatata tangemanya yuu dokaita pao pyakameamopa akali mendalapo endakali malu kananda dupanya katao ipao baa kandanyiambi-pyaa. Akali dolapo-kisa enjele koo longo palelyaminopa, etete kapua joo kalyambinosa endakali dupame kaitini dokonya-kaita etete napaengema-pyaa.
23446	MAT 8:32	Dopa leaminopa Jisasame dupa kandao, “Pupana!” lea-pyaa. Dopa leamopa enjele koo dupame akali dolapo yakinatala pao mena dupa-kisa landa piami-pyaa. Dopa peteaminopa mena elyambu doko alo pyao pao papatale mendenya pyakatala endaki pete dokonya tumbitambi napala kumiami-pyaa.
23447	MAT 8:33	Dokopa mena setao katenge akali dupame yuu taono dokonya paka pupala piamo dupa pitakapi, akali enjele koo palenge dolapo-kisa piamo dupapi dupa pitaka dopa pyomo dopa pyomo lao lamaiyami-pyaa.
23454	MAT 9:6	Dopaka doko, Endakalinya Ikiningi dokome isa yuu dakenya katao endakali dupanya koo dupa kunanya nepenge pupu lapae doko baa-kisa singi lamo lao kanjepalena,” lea-pyaa. Dopa latala baame akali papa tambotae doko lamaiyoo, “Emba sakata! Sakatatala embanya lapa toko doko nyoo soo andaka puuna!” Jisasame lea-pyaa.
23458	MAT 9:10	Maitakao Jisasa Matyunya andaka nee nao peteamopa takisa nyingi akalipi mana koo minao paengepi dupanya longo epeami. Jisasapi baanya disaipelepi dupa-pipa awapa nee nao peteami.
23459	MAT 9:11	Dopa piamino doko akali Patasi dupame kandatala Jisasanya disaipele dupa pisoo, “Nyakamanya mana lenge akali dokome takisa nyingi akalipi mana koo minao paenge endakalipi dupa-pipa awapa nee nao pituu kalyamo doko aipuma pilyape?” leami.
23463	MAT 9:15	Dopa leaminopa Jisasame dokaitanya pii yanu pyakamaiyoo, “Akali mendeme enda kelyapala watapae pyao baanya kaita miningi dupa-pipa awapa kalyamo gii dokopa baanya kaita miningi dupame mona kenda kaengemape? Daa! Dopaka doko, yuu gii mende ipatamo dokopa enda kelenge akali doko dupanya kainanya nyokonyetatamopa dupa nee nanao katatamina,” lea.
23468	MAT 9:20	Peaminopa enda mende ee kana kingi ita mende-kisa dee lapoma dupanya koteaka lao andaka nao paliti-paliti singi mendeme Jisasanya maitasa-kaita ipupala baanya yonge pee ketae pingi londe dokonya puna dosa watandea.
23481	MAT 9:33	Dokopa Jisasame akali doko-kisa enjele koo paleamo doko watao pyakamaiya. Pyatakamaiyamopa akali doko pii lea. Dopa piamopa endakali kambu piamino dupame mona etete andapala, “Wamba naima Isataele endakali dupame mana dapale mendaipi mende nakandeamana,” leami.
23484	MAT 9:36	Dopa pyoo baame payamoli pyoo kandeamopa endakali kambu longo dupa mona kendame kumao maka-maka kayao mena sipisipi setao katenge akali nakatenge dopale joo kateaminosa baame dupa kondome kumia.
23487	MAT 10:1	Jisasame baanya disaipele kingi ita mende-kisa dee lapoma dutupa epena latala, enjele koo watao pyapengepi, endakali yaina tata tatame pyapaepi, papa tambotaepi dupa mee injisepengepi, pupu lapae doko dokaita-kisa setea.
23488	MAT 10:2	Aposele kingi ita mende-kisa dee lapoma dutupanya kenge dupa datupa: wambao doko Saimone kenge mende Pita lengema dokopi, baanya kaiminingi Endutupi, Sepete ikiningi Jemesapi, baanya kaiminingi Jonepi, Pilipapi, Batolomyupi, Tomasapa takisa nyingi akali Matyupi, Aopiasa ikiningi Jemesapi, Tatiasapa Saimonekenge mende Kenanayosa lengema dokopi, Jisasa enge nyiamo akali Jutasa Isaketiote dokopi dutupa.
23491	MAT 10:5	Jisasame akali kingi ita mende-kisa dee lapoma dutupa kalai pyaa pena lao pituu dapa pyepape lea: “Nyakamame endakali tata waka dupanya yuusa napupape. Dee Samatiamanya yuu taono mendenya napupapeaka.
23499	MAT 10:13	Endakali dupame nyakama taeme ipamini lamo lao lanyetamino kandao doko, nyakamanya mona lyuu lasingi pii epe doko dupa-kisa seta. Dopa napitamino kandao doko, nyakama tange-kisa pilyeta.
23503	MAT 10:17	Endakali mendapuame nyakama anjoo soo kanjole dupa-kisa kosimi laa patami. Dopa pitaminopa dupame nyakamanya losuu anda dupanya nyakama konjame pyatamina kandao isoo kalyepape.
23504	MAT 10:18	Nyakamame namba watao payataminosa endakali dupame nyakama laminao pao kapomane andakepi kiŋipi dupanya enombanya katasetamiaka. Dopa pitamino dokonya-kaita nyakamame dupapi endakali tata waka dupapi nambanya lao pii lamaitami.
23518	MAT 10:32	“Endakali mendeme endakali dupa-kisa ‘Namba Kataisanyana,’ lao lao panatamo doko kandao, nambame nambanya Takange kaitinya katenge doko-kisa ‘Baa nambanyana,’ lao lao panatoaka.
23519	MAT 10:33	Dopaka doko, endakali mendeme endakali dupa-kisa ‘Namba Kataisanya daana,’ latamo doko kandao, nambame nambanya Takange kaitinya katenge doko-kisa ‘Baa nambanya daana,’ latoakana,” lea.
23521	MAT 10:35	Ikiningimi takange-pipa ŋiliŋali lena wanengeme endangi-pipa ŋiliŋali lena, akali mendenya etanengeme ayange-pipa ŋiliŋali lena lao lungu pisala epeo.
23529	MAT 11:1	Jisasame pii manapi dutupa baanya disaipele kingi ita mende-kisa dee lapoma dutupa lamaiyoo etapala dokopa, baa kateamo panda doko yakinatala yuu dokaita taono singi dupanya Wai Pii Epe doko lamaiyoo, mana lamaiyoo pyaanya pea.
23547	MAT 11:19	Endakalinya Ikiningi doko ipupala nee endakipi epe dupa nao kalyamo. Dopa pimopa dupame baa kandao, ‘Akali dakeme neepi endakipi tuu lao nawaka katao, takisa nyingi akalipi mana koo minao paenge endakalipi dupa-pipa kaita minao kalyamona,’ lelyamino. Dopaka doko, Gotenya masepae dokome dii angi mandyuu, baanya masepae doko tolataena lao panasingina,” Jisasame lea.
23551	MAT 11:23	Dee nyakama taono Kapaneame tange dupanya kenge doko kaiti-kisa kapa pao seta laape? Daa, Goteme nyakama yuu koo dokonya pyandata! Dupame kalai pupu lapae nyakamanya yuu dokonya kandeami dupa wamba taono Sotoma yuu dokonya kandeamili kandao doko, indupa dakepa Sotoma yuu doko koyala nayao mee sipyali.
23555	MAT 11:27	“Nambanya Takangeme dupa pitaka nambame isepe lao namba-kisa setea. Endakali mendaipi mendeme Ikiningi doko masala naenge. Takangeme iki masingi. Dee endakali mendaipi mendeme Takange doko masala naengeaka. Ikiningimi iki masingi. Dee Ikiningi dokome Takange doko endakali mende laitaka pitoo lao masetala petelyamopa endakali dokome Takange doko lao masingiaka.
23556	MAT 11:28	“Nambame nyakama imambu nyalapa latona, kenda pipae andake dupa pitaka soo namba-kisa ipupape.
23557	MAT 11:29	Nambame endakali dupa andanda semaiyoo, namba tange anasale joo katenge. Nambanya lataiyanya itakalya silyamo doko nyoo nyakamanya lataiyanya setapala, namba-kisa mana nyalapa. Nyepala dokopa nyakama imambu setami.
23561	MAT 12:3	Dokopa Jisasame pii doko yanu pyao, “Nyakamame Dapitipi dee baa-pipa awapa kateamino akali dupapi lopo kayapala Dapitimi piamo doko nyakamame pepanya itaki pyala nayamipi?
23565	MAT 12:7	Pii mende dapa lapae silyamo: ‘Kundi dingi doko daana, kondo kayamaingi doko nambame auu kaenge.’ Pii dopa lapae silyamo dokonya tenge doko nyakamame masiamili kandao doko, tenge nasingi endakali dupa-kisa kapa pao tenge setala nayamili.
23576	MAT 12:18	“Dake nambanya kalai akali doko nambame baa yapao nyepeo. Nambame baa etete auu kayapala, baa kandao etete mona epe palyingi. Nambanya Sipitisa doko baa-kisa setatopa, baame nambanya mana tolatae doko endakali tata dupa pitaka panao lamaita.
23588	MAT 12:30	“Endakali mende namba tata joo nakalyamo doko nambanya yandapipi lamo. Dee endakali mendeme namba-pipa endakali nyoo limbala naelyamo dokome endakali dupa saa lasingi.
23595	MAT 12:37	Emba tangenya pii dokonyaka Goteme, ‘Emba-kisa tenge mende nasilyamona,’ lata. Daa tamo kandao doko, emba tangenya pii dokonyaka Goteme, ‘Tenge emba-kisa silyamona,’ latana,” Jisasame lea.
23597	MAT 12:39	Dopa leaminopa baame dokaitanya pii yanu pyakamaiyoo, “Endakali indupa palelyamino dupame Gote yakinenge kooma lamo! Nyakamame kongali mende kandamana lelyaminoaka doko, nambame kongali mende pyakala nayatoo. Goteme potopesa Jonaa-kisa kongali piamo dokoaka makande petae seta.
23600	MAT 12:42	Wamba Isingi Enda Kuini mendeme yuu Sauta-kaita pituu masingi akali Solomone lenge doko kanjanya kaita etete londe mendenya epea-pyaa. Dopaka doko, indupa akali mendeme Solomone etete ita minao ae kalyamo. Tenge dokonya Goteme endakali mokosetamo gii dokopa, Isingi Enda Kuini dokome sakatatala nyakama kosimi latana,” lea.
23604	MAT 12:46	Jisasame endakali kambu dupa pii lamaiyoo kateamopa baanya endangi dokopi baanya kaiminingi dupapi ipao kamaka katapala, baa-pipa pii lamana lao masiami.
23605	MAT 12:47	[Dopa piaminopa akali mendeme Jisasa lamaiyoo, “Yaa, embanya endangi dokopi kaiminingi dupapi kamaka katapala emba-pipa pii lamua laka lao masilyaminona,” lea.]
23613	MAT 13:5	Yangi kana-kisa yuu epao napalengenya pea-pyaa. Yuu epao napalenge dokonyana wai dupa pupae langa lea-pyaa.
23620	MAT 13:12	Opale singi endakali doko mendapua apata konda pyoo maitamopa, baa-kisa longo seta. Dopaka doko, opale nasingi endakali doko-kisa setamo dolapo nyokonyeta.
23622	MAT 13:14	Goteme potopesa Aisayanya nengekaita lungu petala pii mende dapa lea-pyomo doko endakali dupa-kisa angi jema-jema pilyamo: ‘Nyakamame pii sepala dee setamiaka doko, etete masala nayatami. Nyakamame kandatala dee kandatamiaka doko, angi mende nakandatami.
23637	MAT 13:29	Dopa leaminopa baame dokaita lamaiyoo, ‘Daana, tanu koo dupa yukuwatiti wiisa dupa awapa yukuotamina, lapota pyasoo andao katao wambu pitamo gii dokonya tuu lena kayalapa. Wambu pitamo gii dokopa nambame nee mandyuu mau pingi akali dupa lamaiyoo, “Wambao nyakamame tanu koo dupa itatenya soo yangapengena yukuoo yaki-yaki pyepape. Dopa petala wiisa dupa elyambu petala nambanya nee setenge anda dokonya setalapape,” latona,’ lea-pyaana,” Jisasame lea.
23641	MAT 13:33	Baame dee kongali pii mende dokaita lamaiyoo, “Kaitinya Katenge dokome isingi doko enda mendeme iisa mendalapo nyoo palawa longo-pipa kapilya mina-mina pilyamopa, iisa dokome palawa doko pitakanya tayapala andasingi dopalena,” lea.
23643	MAT 13:35	Dopa piamo dokome wamba potopesa mende-kisa lungu petala Goteme pii dapa leamo doko angi jia: “Nambame dupa pii kongali lao lamaito. Tee piamo dokonya pituu indupa tuu lao yalo petae dupa nambame lao pyanga pyatona,” lea.
23649	MAT 13:41	Endakalinya Ikiningi dokome baanya enjele dupa epena latamopa dupame ipupala, koo pina lao mapisingi endakalipi tanga lao koo pingi endakalipi dupa baame isingi endakali dupa-pipa awapa katatamino dupa nyoo elyambu pitami.
23657	MAT 13:49	Dopana, yuu dake etatamo gii dokopa mana mendai dokoaka seta. Enjele dupa ipupala endakali tolatae dupa-pipa koo pingi katatamino dupa yapao nyepala, itate andake dokonya soo pyandatami. Dopa pitaminopa dokonya katao ee lao yamataka lao nenge gilyoo katatamina,” Jisasame lea.
23664	MAT 13:56	Baanya pimalenge dupa pitaka naima-pipa ae napilyamape? Dopana, baame pilyamo datupa pitaka anja mana nyia laape?” leami.
23672	MAT 14:6	Koto mende Etotenya mandenge gii dokonya akali limbao petamino kaina dokonya Etotiasa wanenge doko lyia-pyaa. Lyiamopa Etoteme auumi kumapala wanaku doko dapa lamaiya-pyaa: “Nambame kiningi etete langilyona, embame opale mende namba-kisa dii lao tee lateno doko nambame kapa pao dyaapona,” lea-pyaa.
23683	MAT 14:17	Dopa leamopa dupame baa lamaiyoo, “Angenya naimanya nee longo nasilyamo. Betesa yuungi-pipa wapaka lapoma iki silyamona,” leami.
23685	MAT 14:19	Dopa latala baame endakali dupa tanu dupanya petena lea. Petena latala baame betesa yuungi wapaka lapoma pyoo siamo dutupa nyepala, kaiti-kisa kandalyetae katao yaka pilino lea. Dopa latala betesa dutupa konjepala baanya disaipele dupa maiyamopa, dupame endakali dupa mokosoo maiyami.
23686	MAT 14:20	Dokaita pitakame nao tiaka kayateaminopa, kakana siamo dupa disaipele dupame nyoo baseketa mandi kingi ita-kisa dee lapomanya mandyuu tumbasiami.
23690	MAT 14:24	Dokopa sipi dokonya pituu endaki pete kainasale paanya peaminopa poo andake mende paanya peamino dokaita-kaita lao ipupala, endaki doko buli piamo dokome sipi doko yangi pyasa-pyasa pia.
23700	MAT 14:34	Dokaitame endaki pete dokonya yangi-kaita Genesatete yuu dokonya pao pyakameami.
23710	MAT 15:8	‘Endakali tata dakeme kambumi namba lalyingimaka doko, nyakamanya moname namba-pipa kopala naengema.
23715	MAT 15:13	Baame dokaitanya pii yanu pyao, “Nambanya Takange kaitinya katenge dokome waingi pokala nayamo dupa pitaka pingi-pipa yukuota.
23721	MAT 15:19	Monanya paliuu pyakalyingi dupa datupa: masingi koopi, endakali pyao kumasingipi, kepo kolengepi, endakalipi nyele-nyele paengepi, pake nengepi, sambo pii lengepi, lamba lengepi dopale dupame endakali koyasingi. Dopaka doko, endakali mendeme kingi kaimbu napinya mee nee nyoo nelyamo dokome baa koyasala naengena,” Jisasame lea.
23725	MAT 15:23	Dopa leamopa Jisasame pii mende yanu pyao baa lamaiya naya. Dokopa baanya disaipele dupame ipupala baa lamaiyoo, “Enda dakeme wii lata-lata pyoo naima watao epelyamona, embame baa pena laa!” leami.
23734	MAT 15:32	Dokopa Jisasame baanya disaipele dupa epena latala lamaiyoo, “Endakali dakaita yuu gii tepoma namba-pipa katapumano doko, indupa dupa nee natami nasilyamo dokonya dupa kondome kumilyo. Nambame dakaita mee pena latopa aopyoo latala kaitinisa lopome lawambe latala lombapae setamina, mee pena nalatowana,” lea.
23736	MAT 15:34	Dopa leaminopa baame dokaita pisoo, “Nyakamanya betesa akipate silyape?” lea. Dopa leamopa dokaitame baa lamaiyoo, “Betesa kalange-pipa wapaka yakane mendalapopi silyamona,” leami.
23741	MAT 15:39	Napeaminopa Jisasame endakali dupa pena latala, baa sipi mendenya pituu yuu taono Makatana-tena pea.
23742	MAT 16:1	Dokopa Patasipi Satyusipi mendapuame Jisasa kateasa ipupala baa minao makande pyoo baame kaitinya-tae kongali mende kandamana pina leami.
23745	MAT 16:4	Endakali indupa palelyamino dupame Gote yakinenge kooma lamo! Nyakamame kongali mende kandamana lelyaminoaka doko, nambame kongali mende pyakala nayatoo. Goteme akali Jonaa-kisa kongali piamo dokoaka makande petae setana,” lea. Dopa latala baame dupa yakinatala pea.
23749	MAT 16:8	Dopa leamino doko Jisasame kandatala dokaita lamaiyoo, “Nyakama kuki masoo miningi dupame, aipuma betesa nasilyamo lao nyakamalapo mende lamai-lamai pilyamipi?
23754	MAT 16:13	Jisasa baa yuu taono Sisatia Pilipae-tena pea. Pupala baanya disaipele dupa pisoo, “Endakali dupame Endakalinya Ikiningi doko kandao apina lengemape?” lea.
23758	MAT 16:17	Dopa leamopa Jisasame baa lamaiyoo, “Saimone, Jone ikiningi, emba mona yaepasetae. Doko embame pii kiningi leleno dake endakali mendeme langya naya. Daa. Nambanya Takange kaitinya katenge dokome emba-kisa panasia.
23759	MAT 16:18	Nambame emba kandao dapa langilyoaka: Pita, emba kana yangapae kyoto. Kana yangapae doko-kisa nambame nambanya sosa doko sakatasoto. Yuu koo dokonya pupu lapae dokome sosa doko nyoo isa palyala nayata.
23768	MAT 16:27	Endakalinya Ikiningi doko baanya enjele dupa-pipa baanya Takangenya tii pipae doko tambetambe kapa pao ipata. Ipupala endakali mendai mendai lao dupame mana minataminoli pyoo yanu pyata.
23772	MAT 17:3	Dokopa akali Mosesepa Ilainjapa Jisasa-pipa awapa pii lao kateambinopa dutupame kandeami-pyaa.
23781	MAT 17:12	Dopaka doko, Ilainja ipateana lao nambame nyakama langilyo. Ipateamopa endakali dupame baa lamo lao nakandenya, baa-kisa pyuani kayamino dupa pitaka piami. Dupame mana mendai dopaka pyoo Endakalinya Ikiningi doko tanda maitamina,” lea.
23786	MAT 17:17	Dopa leamopa Jisasame lao pituu, “Kanau! Masoo minala naenge uanga pyoo paengema endakali nyakama! Oo koto koto ongo namba nyakama-pipaka tole katatama laape? Nyakamame nambaka nenge nyoo katatami laape? Wane doko laminao namba kalyosa ipupa!” lea.
23787	MAT 17:18	Jisasame wane doko-kisa enjele koo paleamo dokome wane doko yakinena lao pyalanya leamopa yakinatala pea. Peamo gii dokopaka wane doko mee jia.
23790	MAT 17:21	[Dopaka doko, loma sowapi nee nanenya kayawapi pingi dokonya-kaita iki enjele koo dopale dupa watao pingi. Kaitini waka mendenya-kaita daana,” lea.]
23794	MAT 17:25	Dopa leaminopa Pitame lao pituu, “Kini pingi daape,” latala andaka kolandea. Kolandeamopa Jisasame wambao Pita lamaiyoo, “Saimone, embame aipa lao masilipi? Yuu dakenya kiŋi dupame takisa tata tata dupa api-kisa nyingimape? Dupame yuu tenge tange dupa-kisa nyingimape, pande katamana lao epenge endakali dupa-kisa nyingimape?” lea.
23795	MAT 17:26	Pitame yanu pyao, “Katamana lao epenge endakali waka dupa-kisa nyingimana,” lea. Dopa leamopa Jisasame baa lamaiyoo, “Dopa tamo doko, yuu tenge tange dupame takisa napyapenge.