23214	MAT 1:1	Jisasa baa Dapiti tatanya mandipae. Dapiti baa Apotakame tatanya mandipae. Pii dake Jisasa Kataisanya yumbange tata paliuu epeamino dupanya:
23231	MAT 1:18	Jisasa Kataisa mandeamo dokonya atome doko dapa: Jisasa endangi Matia doko akali Josepeme nyetana lao andaka joo peteambi-pyaa. Dopaka doko, Josepeme Matia endana lao lanyepala nayamopa, Oli Sipitisame Matia wane maiyamopa tongata petea-pyaa.
23284	MAT 4:6	Dopa latala baame Jisasa lamaiyoo, “Pii mende dapa lao pepa pyapae silyamo: ‘Goteme emba lao masetala baanya enjele dupa lamaiyapomona,’ dee, ‘Aopyoo latala kaname embanya mokopi mende koyatame lao enjele dupame emba kopyoo nyalamino.’ Dopana, emba Gote Ikiningi tamo kandao doko, ketae dokonya katao isa manga!” lea-pyaa.
23325	MAT 5:22	Dopaka doko, nambame nyakama dapa langilyo: endakali mendeme endakali yango mende imbu kaelyamo doko laminao kosa laa pupenge. Dee endakali mendeme endakali yango mende kandao lamba lao pii koo lelyamo doko baa kanjole mupa dupa-kisa laminao pupenge. Dee endakali mendeme mende kandao kyakaenge mona napalengena lelyamo doko, baa ita tao katenge yuu koo dokonya pupenge.
23331	MAT 5:28	Dopaka doko, nambame nyakama dapa langilyo: akali mendeme enda mende kandatala kepo kolao nyipu laka lao masilyamo dokome enda doko moname kepo kolao nyepelyamo.
23335	MAT 5:32	Dopaka doko, nambame nyakama dapa langilyo: akali mendenya etanenge dokome kepo kolala nayatamopa mee watao pyatamosa, enda dokome dee akali waka mende nyetamo kandao doko, akali wambatae doko mambele enda dokome kepo kolao nyilyamo. Enda watao pyatae doko dee akali waka mendeme lanyilyamo dokome kepo kolawaka nyilyamo,” Jisasame lea-pyaa.
23337	MAT 5:34	Dopaka doko, nambame nyakama dapa langilyo: nyakamame pii mende lao pituu muli mauwa kiningi lelyona laa nayalapape. Pii doko pupu lasalanya kaiti doko kenge laa nayalapape. Kaiti doko Gotenya isoo petenge toko mende.
23342	MAT 5:39	Dopaka doko, nambame nyakama dapa langilyo: endakali mendeme nyakama-kisa koo pitamo doko pina kayalapape. Endakali mendeme nyakamanya wakena tolae-kaita pyao takia kandeno doko, yangi-kaita apata takina kayapeaka.
23347	MAT 5:44	Dopaka doko, nambame nyakama dapa langilyo: nyakamame nyakamanya yandapipi dupa auu kayao katao, nyakama watao pyalanya pilyamino dupa nisoo loma salapape.
23360	MAT 6:9	Nyakamame dapa lao loma salapape: Naimanya Takange ketae kaitinya katenge doko, Embanya kenge doko auu pyoaka sina lape.
23425	MAT 8:11	Dopana, nyakamame dake masalapape: niki pyakaengesa tangepi, niki landa pingisa tangepi, endakali longo dupa ipao Kaitinya Katenge dokome isingi panda dokonya Apotakame, Aisake, Jekopepi dutupa-pipa awapa nee andake nao pititami.
23488	MAT 10:2	Aposele kingi ita mende-kisa dee lapoma dutupanya kenge dupa datupa: wambao doko Saimone kenge mende Pita lengema dokopi, baanya kaiminingi Endutupi, Sepete ikiningi Jemesapi, baanya kaiminingi Jonepi, Pilipapi, Batolomyupi, Tomasapa takisa nyingi akali Matyupi, Aopiasa ikiningi Jemesapi, Tatiasapa Saimonekenge mende Kenanayosa lengema dokopi, Jisasa enge nyiamo akali Jutasa Isaketiote dokopi dutupa.
23491	MAT 10:5	Jisasame akali kingi ita mende-kisa dee lapoma dutupa kalai pyaa pena lao pituu dapa pyepape lea: “Nyakamame endakali tata waka dupanya yuusa napupape. Dee Samatiamanya yuu taono mendenya napupapeaka.
23538	MAT 11:10	Akali doko kandao dapa lao pepa pyapae silyamo: ‘Kandeleno! Nambame nambanya wai minao paenge akali doko embanya wambao pekena latopa embanya kaita doko depa lanya setakata!’ lapae silyamo.
23542	MAT 11:14	Dee nyakamame setami tamo kandao doko, dake apata salapape: ‘Ipatana’ latae Ilainja doko Jonena, nyakama kalekaita singi dupame pii doko salapape!
23544	MAT 11:16	“Nambame endakali tata indupa palelyamino dupa aki mendepa makande pyuape? Wane kole dupame kamapi dupanya kambu lapoma pyao pitipala pii dapa lao yanu pyaloo pyoo lengema: ‘Naimame nyakamanya pulupapulatakalamanoaka doko, nyakama lyala nayalamino! Nyakama kondo kayao ee latakalamanoaka doko, nyakama itingi laa nayalamino!’ Wane dupame dopa lao katengemana nyakama dopalema lamo.
23565	MAT 12:7	Pii mende dapa lapae silyamo: ‘Kundi dingi doko daana, kondo kayamaingi doko nambame auu kaenge.’ Pii dopa lapae silyamo dokonya tenge doko nyakamame masiamili kandao doko, tenge nasingi endakali dupa-kisa kapa pao tenge setala nayamili.
23594	MAT 12:36	“Nambame nyakama dapa langilyo: tenda mokosetamo gii dokopa Goteme endakali pii mee ambe lengema dupanya maa minao tenge angi doko piseta.
23621	MAT 13:13	Nambame endakali dupa kongali pii lao lamailyo dokonya tenge doko dapa: endakali dupame kandelyaminoaka doko, angi nakandelyamino. Silyaminoaka doko, angi nasilyamino. Dee dupame masala naelyaminoaka.
23622	MAT 13:14	Goteme potopesa Aisayanya nengekaita lungu petala pii mende dapa lea-pyomo doko endakali dupa-kisa angi jema-jema pilyamo: ‘Nyakamame pii sepala dee setamiaka doko, etete masala nayatami. Nyakamame kandatala dee kandatamiaka doko, angi mende nakandatami.
23643	MAT 13:35	Dopa piamo dokome wamba potopesa mende-kisa lungu petala Goteme pii dapa leamo doko angi jia: “Nambame dupa pii kongali lao lamaito. Tee piamo dokonya pituu indupa tuu lao yalo petae dupa nambame lao pyanga pyatona,” lea.
23703	MAT 15:1	Gii dokopa akali Patasipi mana setapae masingi akalipi mendapuame Jetusaleme katao Jisasa kateasa ipupala dapa lao pisiami: “Embanya disaipele dupame mana wambatae naimanya yumbangeme seteamino dupa aipuma yalengemape? Dupame nee nalanya dokopa kingi kaimbupingili pyoo napingima lamo!” leami.
23721	MAT 15:19	Monanya paliuu pyakalyingi dupa datupa: masingi koopi, endakali pyao kumasingipi, kepo kolengepi, endakalipi nyele-nyele paengepi, pake nengepi, sambo pii lengepi, lamba lengepi dopale dupame endakali koyasingi. Dopaka doko, endakali mendeme kingi kaimbu napinya mee nee nyoo nelyamo dokome baa koyasala naengena,” Jisasame lea.
23759	MAT 16:18	Nambame emba kandao dapa langilyoaka: Pita, emba kana yangapae kyoto. Kana yangapae doko-kisa nambame nambanya sosa doko sakatasoto. Yuu koo dokonya pupu lapae dokome sosa doko nyoo isa palyala nayata.
23762	MAT 16:21	Gii dokopa pituu Jisasame baanya disaipele dupa panao dapa lamaiya: “Namba Jetusaleme pupenge. Patopa isingi akalipi, pitisa mupapi, mana setapae masingi akalipi dupame tanda longo ditala namba pyao kumasetataminopa kote teponya Goteme dee sakatasetana,” lea.
23815	MAT 18:19	“Dee nambame pii mende nyakama dapa langilyo: nyakamanya endakali lapomame isa yuu dakenya katao mona mendai palyetala mende pyekena lao loma soo tee latambino kandao doko, nambanya Takange kaitinya katenge dokome kapa pao pyakamaita.
23840	MAT 19:9	Dopana nambame nyakama dapa langilyo: akali mendenya etanenge dokome kepo kolala nayatamopa, baame mee watao pyapala enda waka mende lanyetamo kandao doko, akali dokome kepo kolatana,” lea.
23878	MAT 20:17	Jisasa Jetusaleme pao pituu, baanya disaipele kingi ita mende-kisa dee lapoma dutupa iki lanyepala kaitinisa dapa lamaiya: “Kandeleno! Naima indupa Jetusaleme pelyamano. Akali mendeme Endakalinya Ikiningi doko enge nyepala pitisa mupapi mana setapae masingi akalipi dupa laitaka pitamopa dupame baa kosa lao pyao kumasemana latami.
23899	MAT 21:4	Dopa piamo dokome akali potopesa mendeme pii mende dapa leamo doko angi jia:
23900	MAT 21:5	“Nyakamame Sayone tange dupa dapa lamaiyepape: Indupa nyakamanya kiŋi doko nyakama katamisa epelyamo kanjepa. Endakali andanda semaiyoo katenge doko dongi maita dokonya pituu epelyamo. Baa dongi mendenya yakane dokonya maitanya pituu epelyamona,” lea-pyaa.
23904	MAT 21:9	Dee endakali dupa wambata maita pyata pyoo pao pituu puu lao dapa lao wee leami: “Dapiti Yumbange, embame pyoo nyoo katape! Akali epelyamo dake auu pisetaena Kamongo Goteme epena lapumopa epelyamo! Etete Ketae Kaitinya Katenge, embame pyoo nyoo katapena,” leami.
23911	MAT 21:16	Dopa petala dokaitame baa lamaiyoo, “Wane dupame pii lelyamino doko embame silipi?” leami. Dokopa Jisasame dokaita lamaiyoo, “Kini, nambame silyona, pii mende dapa lapae silyamo: ‘Embame wane koopi ŋaŋapi dupanya nengekaita lumbakamainopa dupame emba lalyokondape piamina,’ lapae silyamo doko nyakamame itaki pyala nayamipi?” lea.
23938	MAT 21:43	Dopana, nambame nyakama dapa langilyo: Goteme nyakama dee isala nayao baame isingi dokonya dii manditamino endakali dupa iseta.
23945	MAT 22:4	Dopa piaminosa baame kendemane mendatupa pena lao pituu, ‘Nambame endakali wamba epena lateo dutupa kandao dapa lamaiyepape: “Baame baanya nee andake doko depa latelyamo. Baanya mena pulumakao maipa dupapi dee pulumakao andapae dupapi pyapalamo. Dupa pitaka depa latae sepelyamona, nyakama dokonya nala ipupa,” lao lamaiyepape!’ lea-pyaa.
23980	MAT 22:39	Dee mendai dopaleaka lapo doko dake: ‘Embame emba tange auu kaengeli pyoo embanya endakali yango doko auu kayao katape.’
23984	MAT 22:43	Dopa leaminopa baame dupa lamaiyoo, “Dopa tamo kandao doko, Dapitimi aki mende masetala baanya yumbange doko kandao ‘Kamongona’ lea-pyaape? Doko, Oli Sipitisa dokome Dapitinya mona sakatasiamopa baame dapa lea-pyaana lapae silyamo:
24003	MAT 23:16	“Kaitini laitaka pingi akali lenge monda nyakama koyatami iki lamo! Nyakamame endakali dupa dapa lao mana lamaingima: ‘Endakali mendeme losuu anda andake dake mauwana kiningi etete dopa pitona latamo dokome latamoli napipenge. Dopaka doko, endakali dokome losuu anda andake dokonya golome wasepae dupa mauwana kiningi etete dopa pitona latamo dokome kayala nayao latamoli pipengena,’ lamaingima.
24005	MAT 23:18	Dee nyakamame endakali dupa dapa lao mana lamaingimaka: ‘Endakali mendeme losuu anda andake dokonya kundi maingi olata toko doko mauwana kiningi etete dopa pitona latamo dokome latamoli napipenge. Dopaka doko, endakali mendeme opale epe mende Gotenya lao setapae olata toko ketae dokonya singi doko mauwana latamo dokome kayala nayao latamoli pipengena,’ lamaingima.
24021	MAT 23:34	Tenge dokonya minao nambame nyakama dapa langilyona salapape: nambame potopesapi, mana kandenge akalipi, pii lapae masingi akalipi dupa nyakama katatamisa epena lato. Dopa pitopa nyakamame dupanya mendapua pyao kumasetami. Mendapua pyao ita pokonya yukuotami. Dee mendapua nyakamanya losuu andaka dupanya konjame pyapala yuu taono mendenya watao pyata mendenya watao pyata pitami.
24069	MAT 24:43	Nyakamame dake masalapape: akali anda tange dokome pake nenge akali mende kuka dokonya gii ongopa ipapomo lao wambao masetali kandao doko, baa lenge tao katapala baanya anda doko kaluina lao kayala nayatali.
24114	MAT 25:37	Dopa latamopa endakali tolatae dupame yanu pyao: ‘Akali Andake, naimame andukupa emba lopo kayenopa kandatala nee diamape? Andukupa endaki nanu kayenopa kamuoo diamape?
24117	MAT 25:40	Dopa lataminopa kiŋi dokome dokaita lamaiyoo dapa lata: ‘Nambame nyakama kiningi langilyona, nambanya kaiminingi datupanya koo mende nisiamino dokome, namba nisiamiakana,’ lata.
24141	MAT 26:18	Dopa leaminopa baame dokaita lamaiyoo, “Nyakamame yuu taono Jetusaleme dokonya pupala akali mende kanjaminona doko dapa lamaiyepape: ‘Mana Lenge Akali dokome, “Nambanya gii doko tengesa petelyamona,” laamo. “Napinya Kayamo Nee doko nambame nambanya disaipele dupa-pipa embanya andaka natoo,” laamona,’ lao lamaiyepape,” lea.
24183	MAT 26:60	Dokopa akali longo ipupala Jisasa-kisa sambo pii setao kosimi leami-pyaa. Dopa piaminopaka doko, baa pyao kumasepenge tenge mende kandao nanyiami-pyaa. Dee ete pyoo akali lapoma ipupala lao pituu, “Akali dakeme dapa lea: ‘Gotenya losuu anda andake doko kapa pao lakyepala, yuu gii tepoma pito,’ leana,” leambi-pyaa.
24187	MAT 26:64	Dopa leamopa Jisasame baa lamaiyoo, “Embame lateleno. Dopaka doko, nambame nyakama dapa langilyo: indupa pituu tenda tuu lao Endakalinya Ikiningi doko Gote etete pupu lapae dokonya kingi tolae dokonya katao kaitinya kopa ketae dokonya ipatamo nyakamame kandatamina,” lea-pyaa.
24237	MAT 27:39	Jisasa pyao yukuotae kateamo dokonya-kaita endakali payamino dupame Jisasa kilya kandao aiyomba ema-ema pyoo dapa leami: “‘Losuu anda andake doko lakyepala yuu gii tepoma pitona,’ leeno akali dake! Emba Gotenya Ikiningi tamo kandao doko, emba tangeme pupu latala ita poko doko yakinatala isa ipu!” leami.
24239	MAT 27:41	Mendai dopaka pyoo, pitisa mupapi, mana setapae masingi akalipi, Jutamanya isingi akalipi dupame Jisasa kandao dapa lao lamba leamiaka: “Baame endakali waka dupa nisiamoaka doko, baa tange kapa pao nisala naelyamo. Kini, baa naima Isataele dupanya Kiŋi tamo kandao doko, naimame baa lao masoo minamana, epapu ita poko doko yakinatala isa epena.
24271	MAT 28:7	Kandatala, yapa pao baanya disaipele dupa dapa lamaiyepape: ‘Baa malunya sakatatala Galili yuu dokonya wambao pame lamo, nyakamame baa yuu dokonya kandatamina,’ nambame nyalambo langitilyo doko masalapape!” lea-pyaa.
24286	MRK 1:2	Potopesa Aisayanya buku dokonya dapa lao pyatae silyamo: “Kandeleno! Nambame nambanya wai minao paenge akali doko embanya wambao pekena latopa embanya kaita doko depa lanya setakata.
24538	MRK 7:6	Dopa leaminopa baame dokaita lamaiyoo, “Wamba potopesa Aisayame nyakama minakasingima akali dupa makande pyokondape pyoo dapa lea pyaa: ‘Endakali tata dakeme kambumi namba lalyingimaka doko, nyakamanya moname namba-pipa kopala naengema.
24553	MRK 7:21	Endakali dupanya monanya paliuu masingi koo datupa kamanda epenge: endakalipi nyele-nyele paengepi, pake nengepi, endakali pyao kumasingipi, kepo kolengepi, oapi nyipu laka lao masingipi, koo pingipi, minakasingipi, luiyawaka paengepi, opale lengeme kandatala putiti kaengepi, lamba lengepi, alyasale joo kalyo lao masingipi, kyakaenge mana miningipi koo dutupa pitaka monanya paliuu kamanda ipupala endakali dupa koyasingina,” Jisasame lea-pyaa.
24771	MRK 12:29	Jisasame yanu pyao pituu, “Mana setapae mupa doko dake: ‘Nyakama Isataele endakali dupame salapape! Naimanya Kamongo Gote baa Kamongo mendai iki doko kalyamo.
24773	MRK 12:31	Mana setapae laponge doko dake: ‘Embame emba tange auu kaengeli pyoo embanya endakali yango doko auu kayao katape.’ Dolapo ita minao mana setapae dupanya waka mende alyasale joo nasilyamona,” Jisasame lea-pyaa.
25140	LUK 4:8	Dokopa Jisasame baanya pii doko yanu pyakamaiyoo, “Pii mende dapa lao pepa pyapae silyamo: ‘Embame embanya Kamongo Gote doko tama pyoo baanya iki kalai pyakamaiyoo katape!’ lapae silyamona,” lea-pyaa.
25141	LUK 4:9	Dopa lateamopa Sataneme Jisasa laminao Jetusaleme pupala losuu anda andake kame etete ketae dokonya katena lea-pyaa. Dopa latala baame Jisasa lamaiyoo, “Pii mende dapa lao pepa pyapae silyamo: ‘Goteme baanya enjele dupame emba isokondape pina laapomona,’ dee ‘Aopyoo latala kaname embanya mokopi mende koyatame lao enjele dupame emba kopyoo nyalamino.’ Dopana, emba Gote Ikiningi tamo kandao doko, ketae dokonya katao isa manga!” lea-pyaa.
25150	LUK 4:18	“Kamongo dokonya Oli Sipitisa dokome namba isilyamo. Nambame endakali tipya dupa Wai Pii Epe doko lamaipi lao baame yapao nyia. Baame namba puu lao pituu: ‘Endakali anjetae palenge dupa Goteme mokao nyepelyamona, endakali lenge koo dupa Goteme lenge tasetekelyamona lao pii lamaiya puu lea. Dee endakali kenda pipaenya anjetae joo katenge dupa nambame mokao nyala puu lea.
25155	LUK 4:23	Dokopa baame dokaita lamaiyoo, “Nyakamame namba kandao pii mana dapa lao kapa pao laapimino: ‘Dokosaa, embame emba tangenya yaina doko mee injisepe,’ laapimino. Dee nyakamame Kapaneame yuu dokonya kalai tata wamba sakateamo dupanya atome pii dupa sepala namba kandao, ‘Dopaka pyoo embanya yuu tenge dakenya pipi!’ latamina,” lea-pyaa.
25242	LUK 6:27	“Dopana, nyakama nambanya pii silyamino dupa dapa lao langilyo: nyakamame nyakamanya yandapipi dupa-pipa auu kayao kalyepape. Nyakama kandao imbu kaengelyamino endakali dupa nyakamame mana epe lamaiyepape.
25264	LUK 6:49	Dopaka doko, endakali mendeme nambanya pii doko sepala watao minala naenge akali doko dapale: baame baanya anda piamo doko muku minala naenya mee yuunya piamosa maitakao endaki lyepala anda doko yapa takyepala etete koya-pyaana,” lea-pyaa.
25291	LUK 7:27	Akali doko kandao dapa lao pepa pyapae silyamo: ‘Kaneleno! Nambame nambanya wai minao paenge akali doko embanya wambao pekena latopa embanya kaita doko depa lanya setakatana,’ lapae silyamo.
25296	LUK 7:32	Wane kole dupame kamapi dupanya kambu lapoma pyao pitipala pii dapa lao yanu pyaloo pyoo lengema: ‘Naimame nyakamanya pulupapulatakalamanoaka doko, nyakama lyala nayalamino! Nyakama kondo kayao ee latalamanoaka doko, nyakamame itingi laa nayalamino!’ Wane dupame opa lao katengemana, nyakama dopalema lamona,” lea-pyaa.
25325	LUK 8:11	“Ee wai lyandeana lao kongali lalo dokonya tenge doko dapa petae silyamo: ee wai doko Gotenya pii doko.
25437	LUK 10:5	Nyakamame pao anda mendenya kolandatamili pyoo wambao dapa laapape: ‘Anda dakenya palenge endakali dupa mona lyuu lao pilyepape!’ lao lamaiyepape.
25442	LUK 10:10	Dee nyakama yuu taono mendenya pataminopa endakali dupame nyakama lanyala nayami kandeno doko, nyakama yuu taono dokonya kaitini dupanya awali lao pupala dapa laapape:
25476	LUK 11:2	Dokopa baame dokaita lamaiyoo, “Nyakamame loma setaminoli pyoo dapa lao loma salapape: Apane, embanya kenge doko auu pyoaka sina lape. Embame naima isoo ipao katape.
25483	LUK 11:9	Dee nambame nyakama dapa langilyo: nyakamame tee laapape! Kapa pao nyetami. Kutalapape! Kapa pao kandatami. Anda kaita watawata pyepape! Kapa pao lumbakata.
25533	LUK 12:5	Dopana, nyakamame paka kayapenge tenge angi doko nambame nyakama panao langitoo: Gote baa paka kayalapape! Baame endakali dupa pyao kumasetala yuu koo dokonya kapa pao soo pyandatana, nyakamame baa lao paka kayalapape lao kiningi langilyo.
25546	LUK 12:18	Dopa lao masetala, ‘Nambame dapa pitoo: indupa nambame nambanya nee setenge anda dupa lakyepala dee andake pyoo petapeta pitoo. Dopa petala nambanya wiisa dupa pitakapi oapi epe dupapi anda dutupanya nyoo setatona,’ lao masia-pyaa.
25567	LUK 12:39	“Dee nyakamame dake masalapape: akali anda tange dokome pake nenge akali mende gii ongopa ipapomo lao wambao masetali kandao doko, baame pake nenge akali dokome anda kalupala andaka kolandena lao kayala nayatali.
25612	LUK 13:25	“Dee akali anda tange dokome sakatatala wambao kaita pai latatamopa nyakama ipao kamaka katapala anda kaita doko watawata pyoo dapa latami: ‘Kamongo, embame naimanya kaita lumbaka!’ latami. Dopa lataminopa baame nyakamanya pii yanu pyao, ‘Nyakama anja tangepe lao masala naelyona,’ lata.
25619	LUK 13:32	Dopa leaminopa Jisasame dokaita lamaiyoo, “Nyakamame akali yana kapua joo waa katenge doko dapa lamaiyepape: ‘Indupa taitapa nambame enjele koo dupa watao pyao, yaina paleta dupa auu pisoo katapala gii tepo dokonya nambanya kalai doko pyoo etatona lelyamo,’ lao lamaiyepape.
25651	LUK 14:29	Aopyoo latala baame muku minao tee pyao petala malatae sina kayatamopa, endakali dupame kandatala akali doko kandao dapa lao lamba latami:
25715	LUK 16:26	Dee tenge mende silyamo: naima kalyamano panda dakepa nyakama kalyamino panda dokopa dolaponya kainanya nangale andake mende nyia-pyaa. Naimame nangale doko kapa pao yalatala nyakama kalyamino dokonya naipupenge. Dee nyakamame nangale doko yalatala naima kalyamano dakenya naipupengeakana,’ Apotakameme lea-pyaa.
25730	LUK 17:10	Dopaka pyoo Goteme nyakama kandao, ‘Pyepa!’ latamo dupa pitaka petala dokopa nyakamame dapa laapape: ‘Naima kendemane endakaliaka dupame naimanya isingi akalimi kalai pyepape leamo dutupa ikiaka petelyamanona,’ laapape,” Jisasame lea-pyaa.
25771	LUK 18:14	Dopa piambi-pyaana nambame nyakama dapa langilyo: akali dolapome losuu anda andake doko yakinateambinopa, takisa nyingi akali doko Gotenya enombasa tolatae joo andaka pea-pyaa. Akali mende doko daa. Endakali mende tangeme alyasale joo katenge dupa Goteme minanya isa palyeta. Dee endakali mende tangeme anasala joo katenge dupa baame kenge minalyetana,” Jisasame lea-pyaa.
25777	LUK 18:20	Embame mana setapae datupa masilino: ‘Embame kepo kolala nayape. Embame endakali pyao kumasala nayape. Embame pake nala nayape. Embame endakali mende minakasalanya sambo laa nayape. Embanya endangi takangepa dolapo andanda semaiyoo katapena,’ lapae silyamo dutupa masilino,” lea-pyaa.
25890	LUK 20:42	Losuu Wee dupanya Dapiti tangeme dapa lea lapae silyamo: ‘Kamongo Gote dokome nambanya Kamongo doko lamaiyoo, “Emba nambanya kingi tolae-kaita katape!
25970	LUK 22:37	Nambame nyakama langilyona, nambanya lao pii pepa pyapae singi dupa angi jina! Pii pepa pyapae singi dokonya dapa lapae silyamo: ‘Mana setapae nepenge akali dupa-pipa baa pyasoo itaki pyatamina,’ lapae silyamo pii doko indupa namba-kisa angi jalanya petelyamona,” lea-pyaa.
26006	LUK 23:2	Pupala dokaitame baa tee pyao kosimi lao pituu, “Naima tata dupame kapomane minakasalapale lao akali dakeme dapa lenge: ‘Kapomane Isingi Mupa doko muni takisa namaiyepape!’ lenge. Dee baame baa tange kandao, ‘Namba Kataisa. Namba kiŋi kalyona,’ leamopa naimame siamana,” leami-pyaa.
26082	LUK 24:22	Indupa naima tata dokonya enda mendatupame yongama wamba Jisasa malu dokonya kanja pupala Jisasa kutao kayapala pilyoo ipao pii dapa lao naima mona sakatasalamino: ‘Goteme enjele mendalapo panasimosa naima kanjemano. Enjele dolapome, “Baa saka kalyamona,” lambino,’ lao enda dupame naima mona sakatasalamino.
26106	LUK 24:46	Dopa petala baame dokaita lamaiyoo, “Pepa pyapae dokome Kataisa kandao: ‘Baa tanda nao kumapala koto tepo dokonya malunya sakatata.
26128	JHN 1:15	Joneme baanya lao pii puu lao dapa lea: “Akali doko kandao nambame nyakama langyoo, ‘Namba watao maitapyao epelyamo akali doko nambanya alyasale. Doko, namba namandengesa baa wamba katea-pyaana,’” lea.
26246	JHN 4:21	Dopa leamopa Jisasame baa lamaiyoo, “Enda, embame nambanya pii lelyo dake kiningina masepe: yuu gii mende ipatamo dokopa yuu manda dakenyapi Jetusaleme dokonyapi dolaponya katao Takange Gote lalyala nayatami.
26355	JHN 6:29	Jisasame yanu pyao dokaita lamaiyoo, “Gotenya kalai doko dapa: baame pena leamopa epeamo akali doko lao nyakamame masoo minalapape,” lea.
26365	JHN 6:39	Namba puu leamo dokome pipili lao masingi doko dapa: baame namba endakali diamo doko pitakanya mende nambame yakinala naenya, yuu etatamo gii dokopa pitaka malunya sakatasipi laka lao masingi.
26366	JHN 6:40	Nambanya Takangenya masingi doko dapa: Ikiningi doko kandatala baa lao masoo minatamo endakali doko pitaka lete etete katapimi laka lao masingi. Dee yuu gii etatamo dokopa nambame endakali doko malunya sakatasipi laka lao masingiakana,” lea.
26642	JHN 11:50	Nyakamame dake masala naelyamino: aopyoo latala endakali paliuu pelyamo dupa pitaka alu pitamina akali mendaimi endakali dupa nisoo kumatamo kandao doko epena,” lea-pyaa.
26687	JHN 12:38	Dopa piamino dokome potopesa Aisayame pii leamo dake angi jia: “Kamongo, naimame pii lamaiyamano doko apimi masoo miniape? Kamongome baanya pupu lapae doko api-kisa paneape?” lea-pyaana lapae silyamo.
26688	JHN 12:39	Aisayame dee lao pituu, dupame kapa pao baa lao masoo minala nayapengema tenge doko dapa: “Goteme dokaitanya lenge minao iminjetala, mona minao kana injisia. Dupame lengeme nakandena lawapi, moname masala naena lawapi, dee nambame dupa auu pisatale lao namba tengesa pilyala naena lawapi piana,” lea-pyaa.
26733	JHN 13:34	Mana setapae enenge dake nambame nyakama dilyo: nyakamame mende auu kaya kaya pyoo kalyepape. Nambame nyakama auu kaelyoli pyoo nyakamame mende auu kaya kaya pyoo kalyepape.
26765	JHN 14:28	Nambame nyakama pii dapa langio doko sepeami: ‘Nambame nyakama yakinatala patona, dee nyakama katatamisa ipatona,’ lea. Wamba nyakamame namba auu kayapimili kandao doko, namba Takange katapyasa paapeno lao nyakamame mona yaepapimili. Doko Takange baa nambanya alyasale.
26780	JHN 15:12	Nambanya mana setapae doko dapa: nambame nyakama auu kaelyoli pyoo, nyakamame nyakama tangelapo mende auu kaya kaya pyoo kalyepape.
26785	JHN 15:17	Nambame nyakama dapa pyepape lelyo: nyakamame mende auu kaya kaya pyoo kalyepape,” lea.
26788	JHN 15:20	Nambame nyakama pii langio datupa masalapape: kendemane mendeme baanya akali andake doko ita naminingi. Dupame namba watao piami tamo kandao doko, nyakama apata watao pyatamiaka. Dupame nambanya pii doko watao miniami tamo kandao doko, nyakamanya pii doko apata watao minatamiaka.
26806	JHN 16:11	Kosa dokonya baame dapa pyoo tenge panaseta: yuu dakenya isingi doko kosanya alu petelyamo.
26913	JHN 19:19	Pailateme pii mende pepa pyanya ita poko dokonya ketae katea. Pepa pyao kateamo doko dapa latae katea: JISASA DOKO NASATETE TANGE. BAA JUTA DUPANYA KINI DOKO.
26968	JHN 21:1	Dutupa etapeamopa maitakao Jisasa baa disaipele dupame kandena lao endaki Taipitiasa pete singi dosa deaka panea. Baa dapa pyoo panea: Saimone Pitapi, Tomasa lenge Pakao Mandenge lengema dokopi, Galili yuu dokonya yuu taono Kena tange Natanielepi, Sepete ikiningi dolapopi, dee baanya disaipele dupanya mendalapopi dutupa tole kateami.
27012	ACT 1:20	Pitame lao pituu, “Gotenya pii lapae doko Losuu Wee dupanya dapa lapae silyamo: ‘Baanya ee anda yuupi dupa mee sina. Akali mende dokonya nao nakatenana,’ lapae silyamo. Dee pii mende silyamoaka: ‘Baanya kalai isoo pingi doko akali waka mendeme nyinana,’ lapae silyamo.
27101	ACT 4:10	Dopa pilyamino dokonya nyakamapi dee Isataele dupa pitaka-pipame masalapale lao pii dakeme yanu pyekelyambano: nyakamame Jisasa Kataisa Nasatete tange ita pokonya pyao yukuiyamino doko Goteme baa malunya sakatasiamo dokonya kenge dokomeaka akali dake moko epe jetala nyakamanya enombanya kalyamo.
27227	ACT 7:42	Dopa piaminopa Goteme dupa maita maitala niki kanapi buipi dopale kaiti-kisa katenge dupa tama pima pena kaya-pyaa. Ongonya potopesa dupanya pii pepa pyapae dokonya dapa lao pyapae silyamo: ‘Nyakama Isataele dupame endakali napalenge yuu dokonya ee kana kingi ita kitomende dupanya payao kateamino dokopa nyakama pulumakao sipisipipi dupa namba lao kundi dyoo tama piamipi?