23239	MAT 2:1	Matiame Jisasa Jutia yuu taono Beteleme lenge dokonya mandea-pyaa. Gii dokopa akali Etote lenge doko kiŋi katea-pyaa. Maitakao niki pyakaengesa tange buinya tenge masingi akali mendapuame Jetusaleme ipupala lao pituu, “Jutamanya kiŋi katatana lapae wane ŋaŋa doko anja mandipae silyape? Naimame baanya bui doko niki pyakaengesa-kaita katamosa kandatala baa tama pyaa epelyamanona,” leami-pyaa.
23268	MAT 3:7	Dee akali Patasipi Satyusipi longo mendapua kaimbu pyekena lao epeamino kandatala, baame dokaita lamaiyoo, “Nyakama kanopato pambeanya mandipae dupa, apimi nyakama Goteme kapa pao imbu kayata doko langipumosa paka kayao wandyalanya epelyamipi?
23316	MAT 5:13	“Nyakama aipi joo yuunya kalyamino. Aipi doko tende napitamo kandao doko, dee aipa petala tende pisepengepe? Aipi dopaleme mende etete napipenge. Endakali dupame soo nepatala moko katao paengema.
23349	MAT 5:46	Nyakamame endakali nyakama auu kayatamino dupa iki auu kayatamino kandao doko, dokonya nyakama yole aki mende nyetamipi? Takisa nyingi akali dupame dopaka napingimape?
23350	MAT 5:47	Dee nyakamame nyakamanya kaita miningi dupa iki pii epe lamaitamino kandao doko, aki mana mendeme waka dupa ita minatamipi? Kamalya katenge endakali dupame dopaka napingimape?
23376	MAT 6:25	“Dopana nyakamame nyakama tange auu pyoo katapenge dupanya lao masetala, ‘Naima neepi endakipi aki nao katatama laa kanjemape?’ dee ‘Yonge yati akimi pitamape?’ lao nea kayala nayalapape. Endakali auu pyoo katenge tenge doko neepi endakipi, yongenya yati pingipi dutupape?
23377	MAT 6:26	Nyakamame yaka dupa kanjepape! Dupame ee pokala naengema. Dupame nee mandyuu ipao nee setenge anda dupanya mau pyala naengemaka. Dopaka doko, nyakamanya Takange kaitinya katenge dokome dupa nee maingi. Dopana nyakamame yaka dupa etete ita minao nakalyamipi?
23378	MAT 6:27	Nyakamanya endakali mendeme baa gii longo lao katapu laka lao nea kayapala baa tangeme baanya katapenge gii dupanya ee kana mendapua waipa setape?
23379	MAT 6:28	“Angi aipuma nyakamanya yongenya pingi dupa lao masetala nea kaelyamipi? Nyakamame mee tanu dupanya dii yati pipae dupa aipa pyoo pyakalyingipi lao masokondape pyepape. Dupame kalai mende pyaa naengema. Dee yonge peepi mende wasala naengemaka daape!
23381	MAT 6:30	Mee tanu dupa indupa iki katapelyamopa taita pokanya setapala itatenya yangengemaka doko, Goteme tanu dopale dupa dii yati pipaeme yati pisingi! Dokaita joo baame nyakama yonge yati pingi dupa etete auu pyoo nandingipi? Nyakama kuki iki masoo miningima lamo!
23387	MAT 7:2	Doko aipuma? Nyakamame endakali mende koo epe lao yapatamili pyoaka Goteme nyakama koo epe lao yapata. Dee nyakamame endakali mende-kisa mana minataminoli pyoaka Goteme nyakama-kisa minata.
23388	MAT 7:3	Aipuma embame embanya lengenya ita waiyepae andake silyamo doko nakandenya, embanya endakali yango mendenya lengenya kuni silyamo doko kandakamaiyoo kalyepe?
23389	MAT 7:4	Emba tangenya lenge dokonya ita waiyepae andake mende setamopa aipa petala embame embanya endakali yango mende kandao, ‘Embanya lengenya kuni silyamona nyakatoo,’ latepe?
23394	MAT 7:9	Nyakamanya mendenya wane mendeme takange kandao mapu mende tee latamopa kana mende maitamipi?
23395	MAT 7:10	Dee baame wapaka mende tee latamopa kanopato koo nanenge mende maitamipi?
23401	MAT 7:16	Nyakamame dokaitanya mana minatamino dupa kandatala dopale lamo lao masetami. Ikililyambu kende dupanya kopi lyingipi? Dee take ita dupanya anga lyingipi?
23443	MAT 8:29	Dokopa akali dolapome puu lao ae lao, “Gote Ikiningi, embame naima aipa pyaanya epelepe? Embanya pipenge gii doko ipatala nayapumopa embame naima tanda andake dyaanya ae wambao epelepe?” leambi-pyaa.
23452	MAT 9:4	Dopa leamino doko Jisasame kandatala dokaita lamaiyoo, “Aipuma nyakamame koo dopale dupa masilyamipi?
23453	MAT 9:5	Anduku laa nayapengepe? Akali dakenya koo dupa kunanya nepakamailyona lapenge dokope, pande baa sakatatala kaita paena lapenge dokope?
23463	MAT 9:15	Dopa leaminopa Jisasame dokaitanya pii yanu pyakamaiyoo, “Akali mendeme enda kelyapala watapae pyao baanya kaita miningi dupa-pipa awapa kalyamo gii dokopa baanya kaita miningi dupame mona kenda kaengemape? Daa! Dopaka doko, yuu gii mende ipatamo dokopa enda kelenge akali doko dupanya kainanya nyokonyetatamopa dupa nee nanao katatamina,” lea.
23535	MAT 11:7	Jonenya disaipele dutupa pilyeteaminopa, endakali kambu pyao kateamino dupa Jonenya lao Jisasame pii lamaiyoo, “Wamba nyakamame endakali napalenge yuu dokonya aki mende kanja peamipi? Kembo maitangepi mende poome ema ema pyoo kateamo kanja peamipi?
23536	MAT 11:8	Pande akali mende yonge pee epe tambo lapae yati pipae mende pyoo kateamo kanja peamipi? Yonge pee epe yati pipae dupa pyoo yuu isingi kiŋi dupanya andaka katengema.
23537	MAT 11:9	Kiniaka doko, nyakamame aki mende kanja peamipi? Potopesa mende kanja peamipi? Kini, baa potopesa mende kateamo kandeaminoaka doko, baa mee potopesa mende daana lao langilyo.
23544	MAT 11:16	“Nambame endakali tata indupa palelyamino dupa aki mendepa makande pyuape? Wane kole dupame kamapi dupanya kambu lapoma pyao pitipala pii dapa lao yanu pyaloo pyoo lengema: ‘Naimame nyakamanya pulupapulatakalamanoaka doko, nyakama lyala nayalamino! Nyakama kondo kayao ee latakalamanoaka doko, nyakama itingi laa nayalamino!’ Wane dupame dopa lao katengemana nyakama dopalema lamo.
23551	MAT 11:23	Dee nyakama taono Kapaneame tange dupanya kenge doko kaiti-kisa kapa pao seta laape? Daa, Goteme nyakama yuu koo dokonya pyandata! Dupame kalai pupu lapae nyakamanya yuu dokonya kandeami dupa wamba taono Sotoma yuu dokonya kandeamili kandao doko, indupa dakepa Sotoma yuu doko koyala nayao mee sipyali.
23561	MAT 12:3	Dokopa Jisasame pii doko yanu pyao, “Nyakamame Dapitipi dee baa-pipa awapa kateamino akali dupapi lopo kayapala Dapitimi piamo doko nyakamame pepanya itaki pyala nayamipi?
23563	MAT 12:5	Dee nyakamame Moseseme mana pii pepa piamo dupanya mende itaki pyala nayamipi? Sambasa gii dupanya pitisa dupame mana yalao losuu anda andake dokonya kalai pilyaminoaka doko, tenge mende nasingi.
23569	MAT 12:11	Dopa leaminopa Jisasame dokaita lamaiyoo, “Nyakamanya akali mendenya mena sipisipi mende katatamo kandao doko, Sambasa gii mendenya yuli koko mendenya mangatamopa sipisipi tange dokome minatala kopyoo kamanda nanyetape?
23584	MAT 12:26	Dee Sataneme Satane tange watao pyatamo kandao doko, baame baa tangeaka wakale pyoloo petala yanda pimaita. Dopa pitamo kandao doko, baame isingi tata doko aipa petala kyoto joo katatape?
23585	MAT 12:27	Nambame Belesapulu mambele enjele koo dupa watao pyapuli kandao doko, nyakamanya mana nyingi dupame api mambele enjele koo dupa watao pyapimilipi? Dokonya dokaitame, ‘Nyakamame kopeta leami lamona,’ latami.
23587	MAT 12:29	“Aipa petala akali mendeme akali pupu lapae mendenya andaka kolandatala baanya pinju setamo dupa kapa pao nyetape? Baame akali pupu lapae doko wambao kendeme yaki pinya setapala tamo kandao doko, kapa pao baanya andaka pinju setamo dupa pyao nyeta.
23592	MAT 12:34	Nyakama kanopato pambeanya mandipae! Nyakama koo dupame aipa petala kapa pao pii epe mende lengemape? Endakali monanya palelyali pyoo kambunya pyakalyingi.
23606	MAT 12:48	Dopa leamopa Jisasame akali dokonya pii yanu pyakamaiyoo, “Nambanya endangi doko apipi? Nambanya kaiminingi dupa apitupape?” lea.
23635	MAT 13:27	Dokopa akali ee tange dokonya kalai akali dupame baa peteasa ipupala pisoo, ‘Akali andake, embame embanya ee dokonya wiisa wai epe lyandala naepe? Tanu koo kalyamo dupa anjatae kalyape?’ leami-pyaa.
23659	MAT 13:51	Jisasame dokaita pisoo, “Nyakamame pii dutupa pitaka masilyamipi? lea. Dopa leamopa dokaitame baa lamaiyoo, “Masilyamanona,” leami.
23662	MAT 13:54	Baanya yuu tenge dokonya pupala endakali dupa nyakamanya losuu anda dokonya mana lamaiya. Dopa piamopa dupame walu latala lao pituu, “Akali dakeme masepae datupa anjatae nyia laape? Baame kalai pupu lapae dupa aipa petala pilya kanjemape?
23663	MAT 13:55	Akali dake kapendaa dokonya ikiningi daa kandamuape? Baanya endangi doko Matia daa kandamuape? Baanya kaiminingi dupa Jemesapi, Josepepi, Saimonepi, Jutasapi dutupa daa kandamuape?
23664	MAT 13:56	Baanya pimalenge dupa pitaka naima-pipa ae napilyamape? Dopana, baame pilyamo datupa pitaka anja mana nyia laape?” leami.
23703	MAT 15:1	Gii dokopa akali Patasipi mana setapae masingi akalipi mendapuame Jetusaleme katao Jisasa kateasa ipupala dapa lao pisiami: “Embanya disaipele dupame mana wambatae naimanya yumbangeme seteamino dupa aipuma yalengemape? Dupame nee nalanya dokopa kingi kaimbupingili pyoo napingima lamo!” leami.
23705	MAT 15:3	Dopa leaminopa Jisasame dupanya pii yanu pyakamaiyoo, “Doko aipuma nyakamame nyakama tangenya mana wambatae dupa watao minatala, Gotenya mana setapae dake yalengemape?
23718	MAT 15:16	Dopa leamopa Jisasame lao pituu, “Nyakamame apata masala naengemakape?
23719	MAT 15:17	Kini, nengekaita penge dupa pitaka inginya pupilyamopa, tao nepenge doko nyakamame masala naelyamipi?
23749	MAT 16:8	Dopa leamino doko Jisasame kandatala dokaita lamaiyoo, “Nyakama kuki masoo miningi dupame, aipuma betesa nasilyamo lao nyakamalapo mende lamai-lamai pilyamipi?
23750	MAT 16:9	Nyakamame masetala naelyamipi? Nambame betesa yuungi akali taosene yuungi dupanya konjakamaiyo doko kame silyamipi? Dopa piopa kakana siamo dupa nyakamame baseketa mandi akipatenya mandyuu tumbasiamipi?
23751	MAT 16:10	Dee nambame betesa kalange akali taosene kitomende dupanya konjakamaiyo dokopa kakana siamo dupa nyakamame baseketa mandi akipatenya mandyuu tumbasiamipi?
23752	MAT 16:11	Nambame betesanya lao nalalo doko, aipa petala nyakamame masala naelyamipi? Patasipi Satyusipi dupanya iisa dupame nyakama koyasetamina kandao kalyepape lalona,” lea.
23767	MAT 16:26	Doko, endakali mendeme yuunya oapi dupa pitaka nyoo setao katapala baa koyatamo kandao doko, oapi dupa pitakame aipa petala baa nisetape? Dee aki mendeme baa tange kii tamao nyepengepe?
23786	MAT 17:17	Dopa leamopa Jisasame lao pituu, “Kanau! Masoo minala naenge uanga pyoo paengema endakali nyakama! Oo koto koto ongo namba nyakama-pipaka tole katatama laape? Nyakamame nambaka nenge nyoo katatami laape? Wane doko laminao namba kalyosa ipupa!” lea.
23794	MAT 17:25	Dopa leaminopa Pitame lao pituu, “Kini pingi daape,” latala andaka kolandea. Kolandeamopa Jisasame wambao Pita lamaiyoo, “Saimone, embame aipa lao masilipi? Yuu dakenya kiŋi dupame takisa tata tata dupa api-kisa nyingimape? Dupame yuu tenge tange dupa-kisa nyingimape, pande katamana lao epenge endakali dupa-kisa nyingimape?” lea.
23808	MAT 18:12	“Nyakamame aipa lao masilyamipi? Akali mendenya mena sipisipi andate mendai katatamo kandao doko, dutupanya mendai alu pitamopa baame aipa pitape? Baame sipisipi kingi ita mange mendai wakyoo-kisa dee mange mendai wakyoo dutupa tanu nao pau manda mendenya katena latala mendai alu pitamo doko pao kutata daape!
23817	MAT 18:21	Dokopa Pitame ipupala Jisasa pisoo lao pituu, “Kamongo, nambanya endakali yango mendeme paa akipatesa namba koo pingyetamopa nambame baanya koo yanu doko kayapengepe? Paa kalangesa kayapengepe?” lea.
23835	MAT 19:4	Dopa leaminopa baame yanu pyao, “Nyakamame pii dake itaki napiamipi? ‘Tee piamo dokopa Pyoo Injiamo dokome endapa akalipa lao wasia-pyaa.’
23848	MAT 19:17	Dopa leamopa Jisasame baa lamaiyoo, “Aipuma embame aki mana mende epepe lao namba kandao pisilipi? Mendai iki baa epe. Emba lete etete kalyanya masii kandeno doko, mana setapae dupa watao minape!” lea.
23874	MAT 20:13	“Dopa leaminopa baame yanu pyao akali dupanya mende kandao dapa lea-pyaa: ‘Kaimia, nambame emba koo pingyala naelyona, emba muni kina mendai nyatalena lao nalimba mona mendai palyala nayalambape?
23876	MAT 20:15	Nambanya muni dokome mendita mende pitoo lao masoto doko kapa pao napitope? Dee nambame auu pyoo dokonya emba mona koo palyilipi?’ akali ee tange dokome dopa lea-pyaa.
23918	MAT 21:23	Jisasa losuu anda andake dokonya pilyetala endakali dupa mana lamaiyoo kateamopa, pitisa mupapi Jutamanya isingi akalipi dupame baa kateasa ipupala lao pituu, “Embame apinya pii minao kalai datupa pilipi? Apimi kalai datupa emba-kisa seteape?” leami.
23920	MAT 21:25	Joneme kaimbu pyakamaiyamo doko apimi pina leape? Goteme pina leape, pande endakalimi pina leamipi?” lea. Dokopa dokaitame pii doko sepala nyakamalapo lao pituu, “Naimame, ‘Goteme pina leana,’ latamano kandao doko, ‘Aipuma nyakamame Jonenya pii doko masoo minala nayamipi?’ lata.
23927	MAT 21:32	Doko aipumape? Jone Kaimbu Pingi doko nyakama kateamisa ipupala mana tolatae doko laitaka peteamoaka doko, nyakamame baa masala nayami. Dopaka doko, takisa nyingi akalipi kepo kolao paenge endapi dupame masiami. Dopa piamino doko nyakamame kandatala mona aloo petala baa masala nayamina,” Jisasame lea.
23937	MAT 21:42	Dokopa Jisasame dokaita lamaiyoo, “Nyakamame Gotenya pii pepa pyapae singi dake itaki pyatala nayamipi? ‘Anda pingi akali dupame anda pingina daa latala nepeamino doko pingina mupa jetea. Kamongome dopa pipumu doko, naimame kandamanopa auu etete pilyamona,’ lapae silyamo.
23958	MAT 22:17	Dopana, naimanya mana setapae dupanya aipa lapae silyape? Kapomane Isingi Mupa dokonya takisa dupa naimame pyakamaipengepe, pande kayapenge? Embame aipa lao masilipi? Naima langi,” leami.
23959	MAT 22:18	Dopaka doko, Jisasame dupanya mana koo doko kandatala lao pituu, “Nyakama endakali minakasingi akali! Aipuma nyakamame namba minao makande pilyamipi?
23972	MAT 22:31	Endakali kumapae dupa dee sakatatamina lao Goteme nyakamanya pii pepa pyao setekeamo doko itaki napiamipi? Baame dapa lea-pyaa: ‘Namba Apotakamepi, Aisakepi, Jekopepi, dutupanya Gote dokona,’ lapae silyamo. Baa endakali lete katenge dupanya Gotena, kumapae dupanya daana,” Jisasame lea.
23982	MAT 22:41	Patasi dupa kapatae kateaminopa Jisasame dokaita pisoo, “Nyakamame Kataisa doko kandao apina lao masilyamipi? Baa apinya yumbangepe?” lea. Dokopa dupame baanya pii yanu pyakamaiyoo, “Baa Dapitinya yumbangena,” leami.
24004	MAT 23:17	Nyakama lenge monda kyakaenge! Angi doko andukupi? Golome wasepae dupape, pande golome wasepae dupa Gotenyana lao makande pingi losuu anda andake dokope?
24006	MAT 23:19	Nyakama lenge monda daape! Angi doko andukupi? Opale epe setapae dokope, pande setapae doko Gotenyana lao makande pingi olata toko dokope?
24020	MAT 23:33	Nyakama kanopato! Kanopato pambeanya mandipae! Goteme nyakama yuu koo dokonya nyoo pyandatamo doko, aipa petala nyakamame wandyatamipi?
24028	MAT 24:2	Dopa piaminopa baame dokaita lamaiyoo, “Kini, nyakamame datupa pitaka kandelyamipi? Kandelyaminoaka doko, nambame nyakama kiningi langilyona, ae kaname petae kalyamo datupanya mendaipi mende kalyamoli petae katena lao kayala nayao, pitaka kalunya nepatamina,” lea.
24029	MAT 24:3	Olipimanda yuu dokonya Jisasa peteamopa baanya disaipele dupame elyakao ipupala baa pisoo, “Embame laleno dutupa andukupa pitana lao lalepe? Aki mende pitamopa naimame kandatala emba dee ipanya pilino, yuu dake etalanya pilyamo lao masetama laape? Dokonya embame naima langi,” leami.
24071	MAT 24:45	“Lelyamoli pyoo kalai pyakamaingi mona palenge akali kendemane doko apipi? Baa kamongo dokome baanya kendemane waka dupa isoo nee napenge gii dii lao makosoo maiyoo katena lenge kendemane doko daape.
24106	MAT 25:29	Doko aipuma? Opale singi endakali dupa pitaka nambame mendatupa apata konda pyoo maitopa dupa-kisa longo seta. Dopaka doko, opale nasingi endakali doko-kisa setamo dolapo nyokonyoto.
24114	MAT 25:37	Dopa latamopa endakali tolatae dupame yanu pyao: ‘Akali Andake, naimame andukupa emba lopo kayenopa kandatala nee diamape? Andukupa endaki nanu kayenopa kamuoo diamape?
24115	MAT 25:38	Andukupa opone joo epeenopa kandatala lanyiamape? Andukupa yambale napyoo kateenopa diamape?
24133	MAT 26:10	Dopa leamino doko Jisasame sepala dokaita lamaiyoo, “Aipuma nyakamame enda dake kenda pisilyamipi? Baame namba-kisa kalai epe wakane mende pyakalamo.
24163	MAT 26:40	Dopa lao loma setala ipao disaipele tepoma dutupa kandeamopa luu palyasiamisa baame Pita lamaiyoo, “Anematupa, aipa petala gii kuki iki dutupanya nyakamame namba-pipa kapa pao kandao isoo nakatalamipi?
24168	MAT 26:45	Loma setala baame ipao disaipele dutupa lamaiyoo, “Nyakama mee luaka paliuu koto nyilyamipi? Kandeleno! Gii doko ipatelyamo. Akali mendeme Endakalinya Ikiningi doko koo pingi endakali dupa laitaka pyaapomona, mona nyakama sakatalapa. Namba enge nyipumu akali doko ipatelyamona, kanjepa!” lea-pyaa.
24176	MAT 26:53	Nambame nambanya Takangeme namba nisina lao wii lapupa baame gii dokopaka enjele tata kingi ita-kisa dee lapoma ita minao etete longo epena lapyalina lao embame masala naelepe?
24178	MAT 26:55	Dopa latala dokopa baame endakali kambu doko lamaiyoo, “Nyakamame akali pake nao makongao paenge mende anjala epele lao konjuapi kolyepepi dupa minao namba anjala epelyamipi? Nambame koteaka lao losuu anda andake dokonya endakali dupa mana lamaiyoo kateo dokopa nyakamame namba anjala nayami.
24188	MAT 26:65	Dopa leamosa pitisa mupa dokome baa tangenya yonge pee dupa minao lapyepala lao pituu, “Baame Gote kilya kandao lelyamo. Aipuma naimame endakali mendapuanya pii deaka nyetamape? Epapu baame Gote kilya kandao pii lelyamo doko nyakamame sepelyamino!
24202	MAT 27:4	Dopa petala baame dokaita lamaiyoo, “Akali mana koopi naminingi mende nambame koo pyoo enge nyio dokonya baa kumata lamona,” lea-pyaa. Dopa leamoaka doko, dokaitame lao pituu, “Doko naimanya kalaipi? Daa, embanya kalaina,” leami-pyaa.
24215	MAT 27:17	Dokonya endakali dupa ipao kambu pyateaminopa Pailateme dokaita pisoo, “Nambame nyakamanya api mokakapili lao masilyamipi? Batapasa dokope, pande Kataisa lengema Jisasa dokope?” lea-pyaa.
24307	MRK 1:23	Gii dokopa nyakamanya losuu anda dokonya akali enjele koo paleta mende peteamo dokome ae lao lao pituu, “Nasatete tange Jisasa, emba Gotenya akali epe etete doko kalyeno nambame kandengena, embame naima aipa pyaa epepe? Embame naima minao koyasala epepe?” lea-pyaa.
24311	MRK 1:27	Dopa piamopa endakali dupa pitakame mona andapala mende lamai lamai pyoo, “Doko aipa pilya kanjemape? Doko mana enenge mende lamo! Mana doko pupu lapae singi mende lamo! Baame enjele koo dupame mende pina lelyamopa lelyali pingima lamona,” leami-pyaa.
24335	MRK 2:6	Dokonya mana setapae masingi akali mendapua peteamino dupame nyakamanya mona koko masoo pituu, “Baame aipuma dopa lelya kanjemape? Baame Gote kilya kandao lelyamo. Apimi kapa pao koo dupa kunao nepakamailyona latape? Goteme iki kapa pao koo dupa kunao nepakamailyona lapengena,” lao masiami-pyaa.
24337	MRK 2:8	Dopa lao masiamino dokopaka masiamino doko Jisasa baanya moname masetala dokaita lamaiyoo, “Aipuma nyakamame nyakamanya moname dopa lao masilyamipi?
24338	MRK 2:9	Akali papa tambotae dake kandao anduku laa nayapengepe? Akali dakenya koo dupa kunao nepakamailyona lapenge dokope, pande baa sakatatala baanya lapa toko doko nyoo soo kaita pena lapenge dokope?
24348	MRK 2:19	Jisasame dokaita lamaiyoo, “Akali mendeme enda kelyapala watapae pyao baanya kaita miningi dupa-pipa awapa kalyamo gii dokopa baanya kaita miningi dupame nee dokonya nanenya kapa pao kaengemape? Daa, enda kelelyamo akali doko dupa-pipa kalyamo dokopa dupame nee nanenya kapa pao kayala naengema.
24354	MRK 2:25	Dokopa Jisasame dokaita lamaiyoo, “Dapitimi piamo doko nyakamame pepanya itaki napiamipi? Wamba akali Apayata doko pitisa mupa joo kateamo dokopa Dapitipi baa-pipa awapa kateamino akali dupapi nee daa jiamosa lopo kayapala Dapitimi Gotenya losuu anda dokonya kolandatala betesa Gotenya lao setapae pitisa dupame iki napenge dupa nyepala baa-pipa awapa kateamino dupa maiyoo nea-pyaana,” lea-pyaa.
24361	MRK 3:4	Dopa latala baame endakali dupa lamaiyoo, “Sambasa gii dokonya koo pipenge doko kapa pelyape, pande epe pipenge doko kapa pelyape? Dee endakali pyao kumasepenge doko kapa pelyape, pande pyoo nyepenge doko kapa pelyape? lea-pyaa. Dopaka doko, dokaita ema napiami-pyaa.
24380	MRK 3:23	Dopa leaminopa baame dokaita epena latala kongali mendapua dapa lamaiya-pyaa. “Sataneme Satane tange aipa petala kapa pao watao pyatape?
24390	MRK 3:33	Jisasame yanu pyao, “Nambanya endangi doko apipi? Nambanya kaiminingi dupa apitupape?” lea-pyaa.
24405	MRK 4:13	Jisasame dokaita lamaiyoo, “Nyakamame kongali pii dake masala naelyamino doko, aipa petala kongali pii waka dupa pitaka masetamipi?
24413	MRK 4:21	Dopa latala baame dokaita lamaiyoo, “Endakali mendeme lama kaiyepae mende titopene penge kokopi palenge toko pundipundipi dupanya setalanya minao epengepe? Daa, setapenge panda dokonya setalanya minao epenge.
24422	MRK 4:30	Jisasame dokaita dapa lao pisia-pyaa. “Naimame Goteme isingi doko aipalena lamape? Aki mendepa makande pyoo kongali lamape?
24432	MRK 4:40	Dokopa baame dokaita lamaiyoo, “Aipuma nyakama paka kaelyamipi? Nyakamame masoo minatala naelyamipi?” lea-pyaa.
24440	MRK 5:7	Dopa petala baame puu lao ae latala, “Jisasa emba Gote Etete Ketae Katenge dokonya Ikiningi, embame namba aipa pitipi? Nambame Gotenya kenge doko lao embame namba tanda andake nandipoko,” lea-pyaa.
24472	MRK 5:39	Dopa petala baame andaka kolandatala dokaita lamaiyoo, “Aipuma nyakama pii longo lao ee lao kalyamipi? Wanaku doko kumala nayalamo. Baa luu palelyamona,” lea-pyaa.
24478	MRK 6:2	Pupala Sambasa gii doko epeamopa baame Jutamanya losuu anda dokonya mana lamaiya-pyaa. Lamaiyamopa pii siamino endakali longo dupame walu latala lao pituu, “Baame mana datupa anjatae nyia laape? Masepae baa maiya lamo doko aipale laa kanjemape? Baame kalai pupu lapae dopale dupa aipa petala pilya kanjemape?
24479	MRK 6:3	Akali dake akali kamonda kalai pingi doko daa kandamuape? Baa enda Matia ikiningi, Jemesapi, Josisapi, Jutasapi, Saimonepi dutupanya kaiminingi daape? Baanya pimalenge dupa ae naima-pipa awapa napilyamape?” leami-pyaa. Dopa latala dupame Jisasa kandao mona koo palyiami-pyaa.
24550	MRK 7:18	Dopa piaminopa baame dokaita lamaiyoo, “Nyakamame apata masala naengemakape? Opale kamanda singi doko pitaka endakali mende-kisa landa pyatala endakali doko kapa pao koyasala naenge doko nyakamame masala naelyamipi?
24581	MRK 8:12	Dopa leaminopa Jisasame etete mona ŋee latala, “Aipuma endakali indupa palelyamino dupame kongali mende pii lelyamipi? Nambame nyakama kiningi langilyona, endakali indupa palelyamino dupa kongali mende laitaka napitowana,” lea-pyaa.