23376	MAT 6:25	“Dopana nyakamame nyakama tange auu pyoo katapenge dupanya lao masetala, ‘Naima neepi endakipi aki nao katatama laa kanjemape?’ dee ‘Yonge yati akimi pitamape?’ lao nea kayala nayalapape. Endakali auu pyoo katenge tenge doko neepi endakipi, yongenya yati pingipi dutupape?
23382	MAT 6:31	Dopana nyakamame ‘Neepi endakipi aki nalamane laa kanjemape, yonge pee aki pyaamane laa kanjemape?’ lao nea nakayalapape!
23635	MAT 13:27	Dokopa akali ee tange dokonya kalai akali dupame baa peteasa ipupala pisoo, ‘Akali andake, embame embanya ee dokonya wiisa wai epe lyandala naepe? Tanu koo kalyamo dupa anjatae kalyape?’ leami-pyaa.
23636	MAT 13:28	Dopa leaminopa baame dokaita lamaiyoo, ‘Doko akali yandapipi mendeme lyandao piana,’ lea-pyaa. Dopa leamopa kalai akali dupame baa lamaiyoo, ‘Naimame dupa yukuoo nepala pumili lao masilipi?’ leami-pyaa.
23829	MAT 18:33	Nambame emba kondo kayapu dopaka pyoo embame embanya kalai akali yango doko kondo kayapili, yaka nanjipyalipi?’ lea-pyaa.
23867	MAT 20:6	“Dopa petala alemandi kiloko yuungi laanya piamopa baa deaka pupala akali mendapua mee kateamino kandatala dupa lamaiyoo, ‘Aipuma nyakama indupa gii dake pitaka mee dakenya katalamipi?’ lea-pyaa.
23876	MAT 20:15	Nambanya muni dokome mendita mende pitoo lao masoto doko kapa pao napitope? Dee nambame auu pyoo dokonya emba mona koo palyilipi?’ akali ee tange dokome dopa lea-pyaa.
23920	MAT 21:25	Joneme kaimbu pyakamaiyamo doko apimi pina leape? Goteme pina leape, pande endakalimi pina leamipi?” lea. Dokopa dokaitame pii doko sepala nyakamalapo lao pituu, “Naimame, ‘Goteme pina leana,’ latamano kandao doko, ‘Aipuma nyakamame Jonenya pii doko masoo minala nayamipi?’ lata.
23953	MAT 22:12	Kandatala baame baa lamaiyoo, ‘Kaimia, embanya yonge pee enda kelenge giinya pingi doko napyene lamo doko aipa petala emba dakenya kolandalepe?’ lao pisia-pyaa. Dopa lao pisiamopa akali dokome pii mende lapenge nanjia-pyaa.
24116	MAT 25:39	Andukupa naimame emba yaina siinopapi anjetae paleenopapi kandatala kanja epeamape?’ latami.
24121	MAT 25:44	Dopa latamopa dokaitame apata yanu pyao, ‘Akali Andake, andukupa naimame emba lopo kayenopapi, endaki nanu kayenopapi, opone joo epeenopapi, yambale napyoo kateenopapi, yaina siinopapi, anjetae paleenopapi kandatala nisala nayamape?’ latami.
24464	MRK 5:31	Baanya disaipele dupame yanu pyao, “Emba katao tambukinelyamino endakali kambu doko emba tangeme kandao pituu embame, ‘Apimi namba kingimi watandelyape?’ leepe?” leami-pyaa.
24712	MRK 11:3	Endakali mendeme nyilyambo langyoo, ‘Aipuma dopa pilyambipi?’ lea kandeno doko, ‘Kamongo dokome kalai mende dongi dakeme pipenge jilyamona, petala dee yapa pealapomona,’ laapape,” lea-pyaa.
24740	MRK 11:31	Dopa leamopa dokaitame pii doko sepala nyakamalapo lao pituu, “Naimame, ‘Goteme pina leana,’ latamano kandao doko, ‘Aipuma nyakamame Jonenya pii doko masoo minala nayamipi?’ lata.
25545	LUK 12:17	Andeamopa baanya moname dapa lao masia-pyaa: ‘Nambanya nee dupa nyoo setapenge panda nasilyamo doko aipa pito laape?’ lao masowaka katea-pyaa.
25548	LUK 12:20	Oapi longo setenge akali dokome dopa leamoaka doko, Goteme baa lamaiyoo, ‘Emba akali mona napalenge lamo! Indupa kuka gii dakenya emba kapa pao kumalapeno. Dokopa oapi embanya nyoo limbateleno dupa pitaka apinya jetape?’ lea-pyaa.
25550	LUK 12:22	Dokopa Jisasame baanya disaipele dutupa lamaiyoo, “Nyakamame nyakama tange auu pyoo katapenge dupanya lao masetala, ‘Naima nee aki nao katatama laa kanjemape?’ dee ‘Yonge yati akimi pitamape?’ lao nea kayala nayalapape!
25613	LUK 13:26	Dopa latatamopa nyakamame anda tange doko lamaiyoo, ‘Wamba naima emba-pipa neepi endakipi awapa naneamape? Embame naimanya yuu taono dupanya katao mana leeno doko akipi?’ latami.
25683	LUK 15:26	Sepala baame kalai akali mende epena latala doko pisoo, ‘Dupa aipa pyoo kalyamipi?’ lea-pyaa.
25694	LUK 16:5	Dopa lao masetala baame kamongo dokonya yanu singi akali dupa pitaka epena lea-pyaa. Akali wambao epea mende pisoo, ‘Nambanya kamongo dokonya yanu akitupa emba-kisa silyape?’ lea-pyaa.
25696	LUK 16:7	Dee akali mende epeamo doko pisoo, ‘Emba-kisa yanu akitupa silyape?’ lea-pyaa. Akali dokome lao pituu, ‘Namba-kisa wiisa mandipae beke nuu andake taosene mendai yanu silyamona,’ lea-pyaa. Dokopa oapi isakamaingi akali dokome baa lamaiyoo, ‘Embanya yanu singi pepa dake nyepala emba-kisa yanu andate tukulapo silyamona lao pepa pyaa!’ lea-pyaa.
25720	LUK 16:31	Dopa leamoaka doko, Apotakameme baa lamaiyoo, ‘Mosese mauwapi potopesapi dupanya pii lapae dupa soo masala naelyamino doko, akali mendeme malunya sakatatala pii lamaitamo doko aipa petala soo masetamipi?’ Apotakameme lea-pyaana,” lao Jisasame lea-pyaa.
25831	LUK 19:31	Dopa pitambinopa endakali mendeme nyilyambo kandao, ‘Dongi doko aipuma liangelyambipi?’ lao pisia kandeno doko, nyilyambome yanu pyao, ‘Kamongo dokome kalai mende dongi dakeme pipenge jilyamona,’ laapape,” lea-pyaa.
25853	LUK 20:5	Dokopa dokaitame nyakamalapo lao pituu, “Naimame, ‘Goteme pina leana,’ latamano kandao doko, baame naima kandao, ‘Doko aipuma nyakamame Jonenya pii doko masoo minala nayamipi?’ lata.
25960	LUK 22:27	Api alyasale joo kalyape?’ Nee nao petenge akali doko alyasalepe, pande baanya nee yangao setakamaiyoo nisingi akali doko alyasalepe? Nee nao petenge akali doko alyasale joo katenge daape! Dopaka doko, namba nyakama-pipa katao nisingi akali joo kalyo.
26800	JHN 16:5	“Indupa namba puu leamo doko katatasa paanya pilyo. Dopa pipu dokopa nyakamanya mendeme, ‘Emba anja patepe?’ lao pisala naelyamino.
27211	ACT 7:26	Taita dopa pyoo Moseseme Isataele mendalapo pyao piambino kandatala, baame akali dolaponya mona auu pisakamaiyanya pii epe lamaiyoo, ‘Nyalambo kaiminingi dolapo, aipuma mende koyasa koyasa pilyambipi?’ lea-pyaa.
27213	ACT 7:28	Kuaka embame akali Isipe tange mende pyao kumasipinoli pyoo namba pyao kumasipuli lao masilipi?’ lea-pyaa.
27220	ACT 7:35	“Dupame Mosese daa latala, ‘Apimi emba naimanya isingi akalipi pii tolasingi akalipi joo kata lapyape?’ leami-pyaa. Dopaka doko, akali doko isingi akalipi pyoo nyingi akalipi lapota joo Goteme katena lea-pyaa. Goteme baanya enjele ikililyambu mauunya kateamo doko-kisa Mosese Isipe pena lea-pyaa.
27235	ACT 7:50	Nambanya kingimi dupa pitaka wasala nayope?’ lea-pyaa.
27779	ACT 22:7	Dopa piamopa namba lombapae soo pituu siopa pii mende leamo dokome, ‘Solo, Solo, embame aipuma namba watao pilipi?’ lea.
27780	ACT 22:8	Dopa leamopa nambame lao pituu, ‘Kamongo, emba apipi?’ lao pisio. Dokopa baame namba langyoo, ‘Namba Jisasa Nasatete tange embame watao pyao kalyeno dokona,’ lea.
27782	ACT 22:10	Dokopa nambame lao pituu, ‘Kamongo, nambame aipa pyuape?’ leo. Dokopa Kamongome namba langyoo, ‘Emba sakatatala Damasakosa yuu dokonya puu. Dokonya patenopa embame kalai pitina lao nambame masetelyo dutupa pitaka akali mendeme laitaka pyaapomona,’ lea.
27884	ACT 25:20	Nambame pii dopale dupanya tenge dupa aipa petala masoape lao kutao kayapala akali doko lamaiyoo, ‘Embanya kosa doko Jetusaleme sakatopa patepe?’ lao pisio.
27906	ACT 26:15	Dopa leamopa nambame, ‘Kamongo, emba apipi?’ leo. Dopa leopa Kamongo dokome, ‘Embame namba watao pyao kalyeno Jisasa dokona, emba sakatatala toya kata. Emba nambanya kalai akali joo katatenopa lao yapao nyalanya epelyo. Nambame indupa pipupa kandeleno dupapi tanga laitaka pitopa kandateno dupapi dupa embame endakali dupa lamaiyoo katate.
28262	ROM 10:6	Dopaka doko, masoo miningi dokonya-kaita tolatae joo katenge dokonya pii dake silyamo: “Embame embanya mona dokome, (Kataisa laminao isa ipanya) ‘Api kaiti-kisa patape?’ lao masala nayape.
28263	ROM 10:7	Dee, (Kataisa laminao ketae pyakalyalanya) ‘Api yuu koko patape?’ lao masala nayapeaka.”