23244	MAT 2:6	‘Jutamanya yuu Beteleme, emba Juta tata isoo kalyamino akali andake dupanya pundipundi joo nasilino. Emba-kisa akali andake mende pyakalyeta. Baame nambanya Isataele endakali dupa setao katakatana,’ lao pia-pyaana,” leami-pyaa.
23264	MAT 3:3	Potopesa Aisayame lao pituu, “Endakali napalenge yuu mendasa akali mendeme katapala wii lao, ‘Kamongonya kaitini doko depa lanya setakamaiyepape! Baanya kaitini dupa tolasakamaiyepape!’ lao katatana,” lea-pyomo doko akali Jone baa kandao lea-pyaa.
23270	MAT 3:9	Nyakamame nyakama tangenya mona dokome, ‘Apotakame naimanya takangena,’ lao masala nayalapape. Kana silyamo datupa Goteme kapa pao Apotakamenya wane jina lapyalina lao, nambame nyakama langilyo.
23284	MAT 4:6	Dopa latala baame Jisasa lamaiyoo, “Pii mende dapa lao pepa pyapae silyamo: ‘Goteme emba lao masetala baanya enjele dupa lamaiyapomona,’ dee, ‘Aopyoo latala kaname embanya mokopi mende koyatame lao enjele dupame emba kopyoo nyalamino.’ Dopana, emba Gote Ikiningi tamo kandao doko, ketae dokonya katao isa manga!” lea-pyaa.
23288	MAT 4:10	Dopa leamopa Jisasame baa lamaiyoo, “Satane, emba puu! ‘Embame embanya Kamongo Gote doko tama pyoo baanya iki kalai pyakamaiyoo katape!’ lao pepa pyapae silyamona,” lea-pyaa.
23376	MAT 6:25	“Dopana nyakamame nyakama tange auu pyoo katapenge dupanya lao masetala, ‘Naima neepi endakipi aki nao katatama laa kanjemape?’ dee ‘Yonge yati akimi pitamape?’ lao nea kayala nayalapape. Endakali auu pyoo katenge tenge doko neepi endakipi, yongenya yati pingipi dutupape?
23382	MAT 6:31	Dopana nyakamame ‘Neepi endakipi aki nalamane laa kanjemape, yonge pee aki pyaamane laa kanjemape?’ lao nea nakayalapape!
23389	MAT 7:4	Emba tangenya lenge dokonya ita waiyepae andake mende setamopa aipa petala embame embanya endakali yango mende kandao, ‘Embanya lengenya kuni silyamona nyakatoo,’ latepe?
23408	MAT 7:23	Gii dokopa nambame dokaita lamaiyoo, ‘Nambame nyakama kukipi masala naengena, nyakama endakali koo pingi dupa namba kalyosa naepenya pupa!’ latona,” Jisasame lea-pyaa.
23461	MAT 9:13	‘Kundi dingi doko daana, kondo kayamaingi doko nambame auu kaenge.’ Pii dopa lapae singi doko nyakamame mana nyala pupa. Nambame endakali tolatae dupa lanyala naepeo. Endakali mana koo minao paenge dupa lanyala epeona,” lea.
23493	MAT 10:7	Pupala, ‘Kaitinya Katenge dokome isingi doko tengesa petelyamona,’ lao pii lamaiyepape.
23518	MAT 10:32	“Endakali mendeme endakali dupa-kisa ‘Namba Kataisanyana,’ lao lao panatamo doko kandao, nambame nambanya Takange kaitinya katenge doko-kisa ‘Baa nambanyana,’ lao lao panatoaka.
23519	MAT 10:33	Dopaka doko, endakali mendeme endakali dupa-kisa ‘Namba Kataisanya daana,’ latamo doko kandao, nambame nambanya Takange kaitinya katenge doko-kisa ‘Baa nambanya daana,’ latoakana,” lea.
23533	MAT 11:5	‘Lenge koo dupa dee lenge telyamino. Moko koo dupa kaita paelyamino. Kopetali dupa mee jilyamino. Kaleketa dupame pii silyamino. Endakali kumapae dupa dee lenge tao kalyamino. Endakali tipya dupame Wai Pii Epe doko silyamino.
23544	MAT 11:16	“Nambame endakali tata indupa palelyamino dupa aki mendepa makande pyuape? Wane kole dupame kamapi dupanya kambu lapoma pyao pitipala pii dapa lao yanu pyaloo pyoo lengema: ‘Naimame nyakamanya pulupapulatakalamanoaka doko, nyakama lyala nayalamino! Nyakama kondo kayao ee latakalamanoaka doko, nyakama itingi laa nayalamino!’ Wane dupame dopa lao katengemana nyakama dopalema lamo.
23546	MAT 11:18	Doko, Jone baa ipupala nee endakipi epe mende nanao katapumopa dupame baa kandao, ‘Enjele koo mendeme baa minao kyakasilyamona,’ lelyamino.
23547	MAT 11:19	Endakalinya Ikiningi doko ipupala nee endakipi epe dupa nao kalyamo. Dopa pimopa dupame baa kandao, ‘Akali dakeme neepi endakipi tuu lao nawaka katao, takisa nyingi akalipi mana koo minao paenge endakalipi dupa-pipa kaita minao kalyamona,’ lelyamino. Dopaka doko, Gotenya masepae dokome dii angi mandyuu, baanya masepae doko tolataena lao panasingina,” Jisasame lea.
23565	MAT 12:7	Pii mende dapa lapae silyamo: ‘Kundi dingi doko daana, kondo kayamaingi doko nambame auu kaenge.’ Pii dopa lapae silyamo dokonya tenge doko nyakamame masiamili kandao doko, tenge nasingi endakali dupa-kisa kapa pao tenge setala nayamili.
23585	MAT 12:27	Nambame Belesapulu mambele enjele koo dupa watao pyapuli kandao doko, nyakamanya mana nyingi dupame api mambele enjele koo dupa watao pyapimilipi? Dokonya dokaitame, ‘Nyakamame kopeta leami lamona,’ latami.
23595	MAT 12:37	Emba tangenya pii dokonyaka Goteme, ‘Emba-kisa tenge mende nasilyamona,’ lata. Daa tamo kandao doko, emba tangenya pii dokonyaka Goteme, ‘Tenge emba-kisa silyamona,’ latana,” Jisasame lea.
23601	MAT 12:43	“Enjele koo mendeme endakali mende yakinatala dokopa, baa mendasa koto nyoo kalyanya yuu sapu dupanya paelya paena pyoo panda kutingi. Kutao kayapala, baame lao pituu, ‘Nambame anda wamba yakineo dokonya dee pilyoo pato,’ lenge. Dopa latala baame anda dokonya pao kandelyamopa anda kuaa doko potoma polao yati petae kalyamo kandenge.
23622	MAT 13:14	Goteme potopesa Aisayanya nengekaita lungu petala pii mende dapa lea-pyomo doko endakali dupa-kisa angi jema-jema pilyamo: ‘Nyakamame pii sepala dee setamiaka doko, etete masala nayatami. Nyakamame kandatala dee kandatamiaka doko, angi mende nakandatami.
23635	MAT 13:27	Dokopa akali ee tange dokonya kalai akali dupame baa peteasa ipupala pisoo, ‘Akali andake, embame embanya ee dokonya wiisa wai epe lyandala naepe? Tanu koo kalyamo dupa anjatae kalyape?’ leami-pyaa.
23636	MAT 13:28	Dopa leaminopa baame dokaita lamaiyoo, ‘Doko akali yandapipi mendeme lyandao piana,’ lea-pyaa. Dopa leamopa kalai akali dupame baa lamaiyoo, ‘Naimame dupa yukuoo nepala pumili lao masilipi?’ leami-pyaa.
23706	MAT 15:4	Wamba Goteme lao pituu, ‘Embanya endangi takangepa dolapo andanda semaiyoo katape!’ dee, ‘Endakali mendeme baanya endangi tamopi takange tamopi mende kandao pii koo latamo doko, baa kumina lao pyao kumasepengena,’ lea.
23707	MAT 15:5	Dopaka doko, endakali mendeme baanya endangi takangepi mende kandao, ‘Wamba nambame emba nisoo oapi dioliaka doko indupa nambame Gote maitapuna,’ latamopa nyakamame baanya endangi takangepi andanda semaiyoo nakatapenge jilyamona lengema. Dopa pyoo nyakamanya mana wambatae dupa watao minalanya Gotenya pii doko mee injisingima.
23710	MAT 15:8	‘Endakali tata dakeme kambumi namba lalyingimaka doko, nyakamanya moname namba-pipa kopala naengema.
23743	MAT 16:2	Dopa leaminoaka doko, baame dokaitanya pii yanu pyao, [“Yuu kualanya kone yuu pumbuti yuu pilyamopa nyakamame, ‘Kaiti kate pilyamona, paina pyaapome lamo,’ lengema.
23744	MAT 16:3	Dee yuu yongalanya puli ita waiyepae paelyamopa nyakamame, ‘Kaiti iminjeta kate pyata pilyamona, aiyuu ipapome lamo,’ lengema. Nyakamame kaiti doko kandatala opa pyaapome lamo apa pyaapome lamo lao yapengemaka doko, indupa gii dakepa kongali dupa nyakamame yapapenge nanjilyape?]
23779	MAT 17:10	Dokopa disaipele dupame Jisasa pisoo, “Mana setapae masingi akali dupame aipuma, ‘Ilainja wambao ipupengena,’ lengemape?” leami.
23789	MAT 17:20	Dopa leaminopa Jisasame dokaita lamaiyoo, “Nyakama kuki iki masoo minilyamino dokonya kapa nanjalamo. Nambame nyakama kiningi langilyo, nyakamame awa wainginya dii palenge dopale joo masoo minapimili kandao doko, opale mendaipi mende pyaanya kokala nayamili. Nyakamame yuu manda dake lamaiyoo, ‘Emba asa nasina omosa sala puu!’ lapiminopa kapa pao pupyali.
23812	MAT 18:16	Baame embanya pii nasetamo kandao doko, pii pepa pyapae singili pyoo, ‘Lapo tepopi mendeme pii dupa pitaka sokondape petala kyoto injisetaminopana,’ embame mendalapo lanyepala deaka lamaiya pupi.
23821	MAT 18:25	Baame yanu doko kapa pao pyapenge nanjiamosa baanya akali andake dokome lao pituu, ‘Nyakamame akali dake, baanya endapi, wanepi, dee baanya oapapi dupa pitakame muni nyepala yanu doko pyakalapape!’ lea-pyaa.
23822	MAT 18:26	Dopa leamopa kalai akali dokome baa lao luma lakapala, ‘Nambame embanya muni dupa pitaka yanu pyakatona, embame namba maka nakaenya malisepoko!’ lea-pyaa.
23824	MAT 18:28	“Dopa peteamopa kalai akali dokome pupala baanya kalai akali yango mende kandanyia-pyaa. Akali doko-kisa baanya muni yanu kina andate mendai sia-pyaa. Dokonya baame baa minatala mange minao lakatete pyoo pituu, ‘Embame nambanya yanu doko pyaka!’ lea-pyaa.
23825	MAT 18:29	Dopa leamopa baanya kalai akali yango dokome tombauli sepala, ‘Nambame embanya muni dupa yanu pyakatona, embame namba maka nakaenya malisepoko!’ lea-pyaa.
23828	MAT 18:32	Lamaiyaminopa akali andake dokome baa epena latala lamaiyoo, ‘Emba kalai akali koo lamo! Embame namba pisipino dokonya nambame nambanya yanu emba-kisa sipumu doko pitaka kayapu.
23830	MAT 18:34	Dopa latala akali andake dokome imbu kayapala baanya kalai akali doko anjingi andaka tanda maiyoo isingi akali dupanya kingilyaka maiyoo pituu, ‘Akali dakeme nambanya muni dupa pitaka yanu pyao etapalaka andaka ipatana anjoo soo pupa,’ lea-pyaana,” Jisasame lea.
23835	MAT 19:4	Dopa leaminopa baame yanu pyao, “Nyakamame pii dake itaki napiamipi? ‘Tee piamo dokopa Pyoo Injiamo dokome endapa akalipa lao wasia-pyaa.’
23836	MAT 19:5	Dopa petala baame lao pituu, ‘Tenge dokonya akalimi baanya endangi takangepa yakinatala, baanya etanengepa kopatala dolapo yonge mendai joo pititambina,’ lea-pyaa.
23865	MAT 20:4	Kateaminopa baame dupa lamaiyoo, ‘Nyakama apata getepe ee dokonya kalai pyaa pupa. Nambame nyakama yole yaka dyaapona,’ lea-pyaa.
23867	MAT 20:6	“Dopa petala alemandi kiloko yuungi laanya piamopa baa deaka pupala akali mendapua mee kateamino kandatala dupa lamaiyoo, ‘Aipuma nyakama indupa gii dake pitaka mee dakenya katalamipi?’ lea-pyaa.
23868	MAT 20:7	Dopa leamopa dupame yanu pyao, ‘Akali mendeme naima kalai nandyomona,’ leami-pyaa. Dokopa baame dupa lamaiyoo, ‘Nyakama apata nambanya getepe ee dokonya kalai pyaa pupa,’ lea-pyaa.
23869	MAT 20:8	“Yuu kualanya piamopa akali ee tange dokome ee isingi akali doko lamaiyoo, ‘Embame kalai akali dupa epena latala yole maipi. Maiyanya pituu embame kalai akali etete maitakao ipamino dupa wambao maima-maima pyoo maiyoo pao, tee pyao ipamino dokonya tuu lape,’ lea-pyaa.
23872	MAT 20:11	Nyepala dokopa dupame akali ee tange doko kandao imbu kayapala mumu lao lao pituu, ‘Akali etete maitakao ipamino datupame kiloko gii mendai iki kalai pimino doko, naima niki popome kumao indupa gii doko pitaka lekeleke tao kalai pyemano. Dopaka doko, embame dupa naima-pipa kapa kapa lao yole pilinona,’ leami-pyaa.
23898	MAT 21:3	Endakali mendeme nyalambo kandao pii mende lea kandeno doko, nyalambome baa lamaiyoo, ‘Kamongo dokome kalai mende dongi dalapome pipenge jilyamona,’ laapape. Dopa latambinopa yapa pealapomona,” lea.
23908	MAT 21:13	Dopa petala baame dokaita lamaiyoo, “Gotenya pii pepa pyapae singi dokonya, ‘Nambanya anda doko kandao endakalimi loma singi andana latamina,’ lapae silyamo. Dopaka doko, nyakamame anda dake pake nao makongao paenge endakali dupa yalo pingi kananda injisilyaminona,” lea.
23911	MAT 21:16	Dopa petala dokaitame baa lamaiyoo, “Wane dupame pii lelyamino doko embame silipi?” leami. Dokopa Jisasame dokaita lamaiyoo, “Kini, nambame silyona, pii mende dapa lapae silyamo: ‘Embame wane koopi ŋaŋapi dupanya nengekaita lumbakamainopa dupame emba lalyokondape piamina,’ lapae silyamo doko nyakamame itaki pyala nayamipi?” lea.
23920	MAT 21:25	Joneme kaimbu pyakamaiyamo doko apimi pina leape? Goteme pina leape, pande endakalimi pina leamipi?” lea. Dokopa dokaitame pii doko sepala nyakamalapo lao pituu, “Naimame, ‘Goteme pina leana,’ latamano kandao doko, ‘Aipuma nyakamame Jonenya pii doko masoo minala nayamipi?’ lata.
23921	MAT 21:26	Dee, ‘Endakalimi pina leamina,’ latamano kandao doko, endakali pitakame Jone doko akali potopesana lao masingima dokonya paka pyaumuna,” lao nyakamalapo leami.
23923	MAT 21:28	Dee Jisasame lao pituu, “Akali mendenya wane lapoma kateambi-pyaana salapape! Dolaponya takange dokome ipao wane mupa doko lamaiyoo, ‘Emba indupa getepe ee dokonya kalai pyaa puu,’ lea-pyaa.
23924	MAT 21:29	Dopa leamopa wane dokome yanu pyao, ‘Namba daana,’ lea-pyaa. Dopa leamoaka doko, maitakao mona aloo petala pea-pyaa.
23932	MAT 21:37	Dee etao doko baame baanya ikiningi doko dokaita kateamisa pena lao pituu, ‘Dupame nambanya ikiningi doko andanda semaitamina,’ lao masetala pena lea-pyaa.
23933	MAT 21:38	Dopa leamoaka doko, ee isakamaingi dutupame wane doko epeamo kandatala nyakamalapo lao pituu, ‘Wane dakeme takangenya moya nyepengena, yapa pyao kumasema! Pyao kumasetala baanya ee moya nyepenge dake naima nyetamana,’ leami-pyaa.
23937	MAT 21:42	Dokopa Jisasame dokaita lamaiyoo, “Nyakamame Gotenya pii pepa pyapae singi dake itaki pyatala nayamipi? ‘Anda pingi akali dupame anda pingina daa latala nepeamino doko pingina mupa jetea. Kamongome dopa pipumu doko, naimame kandamanopa auu etete pilyamona,’ lapae silyamo.
23945	MAT 22:4	Dopa piaminosa baame kendemane mendatupa pena lao pituu, ‘Nambame endakali wamba epena lateo dutupa kandao dapa lamaiyepape: “Baame baanya nee andake doko depa latelyamo. Baanya mena pulumakao maipa dupapi dee pulumakao andapae dupapi pyapalamo. Dupa pitaka depa latae sepelyamona, nyakama dokonya nala ipupa,” lao lamaiyepape!’ lea-pyaa.
23949	MAT 22:8	“Dokopa kiŋi dokome baanya kendemane dupa lamaiyoo, ‘Nambanya nee andake doko depa latae sepelyamoaka doko, nala epena leo endakali dupa kooma lamo.
23954	MAT 22:13	Dopa piamopa kiŋi dokome kendemane dupa lamaiyoo, ‘Nyakamame baanya kingi mokopi dupa yaki petala yuu etete iminjetae dokonya baa soo pyale laapa! Dokonya katao baa ee lao yamataka lao nenge gilyoo katatana,’ kiŋi dokome dopa lea-pyaa.
23964	MAT 22:23	Koto gii dokopaka akali Satyusi mendapua Jisasa kateasa epeami. Dupame endakali kumapala dee sakatala naengena lengema. Akali dupame ipupala Jisasa pisoo, “Mana Lenge Akali, wamba Moseseme dapa lea-pyaa: ‘Akali mende wane manja nayao mee kumatamo kandao doko, baanya kaiminingi mendeme enda walyakae doko pisetala wane manditamo dupa kaiminingi kumapae dokonya manjakamaitana,’ lapae silyamo.
23972	MAT 22:31	Endakali kumapae dupa dee sakatatamina lao Goteme nyakamanya pii pepa pyao setekeamo doko itaki napiamipi? Baame dapa lea-pyaa: ‘Namba Apotakamepi, Aisakepi, Jekopepi, dutupanya Gote dokona,’ lapae silyamo. Baa endakali lete katenge dupanya Gotena, kumapae dupanya daana,” Jisasame lea.
23980	MAT 22:39	Dee mendai dopaleaka lapo doko dake: ‘Embame emba tange auu kaengeli pyoo embanya endakali yango doko auu kayao katape.’
23985	MAT 22:44	‘Kamongo Gote dokome nambanya Kamongo doko lamaiyoo, “Emba nambanya kingi tolae-kaita katape. Katatenopa nambame embanya yandapipili dupa embanya moko pundipundi ongonya katena latona,” lea-pyaana,’ lea.
23994	MAT 23:7	Kamapi dupanya endakali dupame nyakama lasa lata ‘Mana Lenge Akalina’ lata, pipimili lao auu kaengemaka.
23995	MAT 23:8	Dopaka doko, endakali dupame nyakama kandao ‘Mana Lenge Akalina’ lena lao kayala nayalapape. Doko, nyakamanya Mana Lenge Akali mendai iki katamopa nyakama pitaka kaiminingiaka kalyamino.
23997	MAT 23:10	Endakali dupame nyakama kandao ‘Akali Andakena’ lena lao kayala nayalapapeaka. Nyakamanya Akali Andake mendai iki kalyamo. Doko baa Kataisa.
24003	MAT 23:16	“Kaitini laitaka pingi akali lenge monda nyakama koyatami iki lamo! Nyakamame endakali dupa dapa lao mana lamaingima: ‘Endakali mendeme losuu anda andake dake mauwana kiningi etete dopa pitona latamo dokome latamoli napipenge. Dopaka doko, endakali dokome losuu anda andake dokonya golome wasepae dupa mauwana kiningi etete dopa pitona latamo dokome kayala nayao latamoli pipengena,’ lamaingima.
24005	MAT 23:18	Dee nyakamame endakali dupa dapa lao mana lamaingimaka: ‘Endakali mendeme losuu anda andake dokonya kundi maingi olata toko doko mauwana kiningi etete dopa pitona latamo dokome latamoli napipenge. Dopaka doko, endakali mendeme opale epe mende Gotenya lao setapae olata toko ketae dokonya singi doko mauwana latamo dokome kayala nayao latamoli pipengena,’ lamaingima.
24017	MAT 23:30	Dopa pyoo pituu, ‘Wamba naimanya yumbange dupa kateami gii dokopa naima kateamali kandao doko, naimame dupa-pipa awapa potopesa dupa pyao kumasala nayamalina,’ lengema.
24026	MAT 23:39	Ongonya nambame nyakama langilyona, indupa pituu tee pyao nyakamame namba etete nakandawaka katao, ‘Akali epelyamo dake auu pisetaena, Kamongo Goteme epena lapumopa epelyamona,’ latamino gii dokonya tuu latamina,” Jisasame lea.
24031	MAT 24:5	Tenge doko endakali longome namba epele lao ipupala, ‘Namba Kataisa dokona,’ lao endakali longo minao kyakasetami.
24049	MAT 24:23	“Gii dokopa endakali mendeme nyakama langyoo, ‘Kataisa doko asa kalyamo kanjepa! Amasa kalyamo kanjepa!’ lea kandeno doko, baame kiningi lelyamona lao nyakamame masala nayalapape.
24052	MAT 24:26	“Dopana, endakali mendapuame nyakama langyoo, ‘Baa endakali napalenge yuu dokonya kalyamona,’ leami kandeno doko, nyakama dosa napupape. Dee dupame, ‘Baa asa yalo petae kalyamo kanjepa!’ leami kandeno doko, kiningi lelyaminona lao masala nayalapape.
24074	MAT 24:48	Dopaka doko, baa kendemane koo tamo kandao baanya moname, ‘Nambanya kamongo doko yasoo waka ipatana,’ lao masetala, baame baanya kendemane yango dupa pyapapu waene nao kyakao paenge dupa-pipa neepi waenepi awapa nao katata.
24083	MAT 25:6	“Dokopa kuka andatombe dokonya wii mende epeamo dokome, ‘Akali enda kelyalamo doko olo epelyamona, nyakamame kandanyalapale pupa!’ lea-pyaa.
24085	MAT 25:8	Dokopa enda masala naenge dutupame enda masepae dutupa lamaiyoo, ‘Naimanya lama datupa konjalanya pilyamona nyakamanya olipi ipange dupanya mendatupa naima dyepa,’ leami-pyaa.
24086	MAT 25:9	Dopa leaminoaka doko, enda masepae dutupame dolotupanya pii yanu pyakamaiyoo lao pituu, ‘Olipi ipange atupame naimapi nyakamapi pitaka kapa napyapome lamona, sisoa andaka pupala nyakamanya waka sambatamino doko kapana,’ leami-pyaa.
24088	MAT 25:11	“Maitakao enda mapuakae mendatupa dutupame ipupala lao pituu, ‘Akali Andake! Akali Andake! Naima ipumana kaitini lumba!’ leami-pyaa.
24089	MAT 25:12	Dopa leaminoaka doko, baame dokaitanya pii yanu pyao, ‘Nambame nayakama etete masala naelyona,’ lea-pyaa.
24097	MAT 25:20	Dopa piamopa muni taosene yuungi nyiamo akali dokome taosene yuungi dee konda pyoo minao ipupala lao pituu, ‘Akali Andake, embame namba muni taosene yuungi diino doko, nambame taosene yuungiaka potopesa nyiona, kanda,’ lea-pyaa.
24098	MAT 25:21	Dopa leamopa baanya kamongo dokome baa lamaiyoo, ‘Kalai yaka pyekee lamo! Emba kendemane epe dokome auu pii lamo. Embame kalai kuki dutupa nambame leoli pyoo auu pyoo isii lamo dokonya nambame emba longo dupa isoo kata latoo. Embapa nambapa mona yaepao katambana ipu,’ lea-pyaa.
24099	MAT 25:22	“Dokopa akali muni taosene lapoma nyiamo dokome apata ipupala lao pituu, ‘Akali Andake, embame namba muni taosene lapoma diino doko, nambame taosene lapomaka potopesa nyiona, kanda,’ lea-pyaa.
24100	MAT 25:23	Dopa leamopa baanya kamongo dokome baa lamaiyoo, ‘Kalai yaka pyekee lamo! Emba kendemane epe dokome auu pii lamo. Embame kalai kuki dutupa nambame leoli pyoo auu pyoo isii lamo dokonya nambame emba longo dupa isoo kata latoo. Embapa nambapa mona yaepao katambana ipu,’ lea-pyaa.
24101	MAT 25:24	“Dokopa muni taosene mendai nyiamo akali dokome apata ipupala lao pituu, ‘Akali Andake, emba akali tomba neleno nambame kandenge. Embame eenya waingi pokala naeleno dupanya yukuoo nao, dee waingi lyandala naeleno dupanya mandyuu nao pingi kandapi.
24103	MAT 25:26	“Dopa leamopa baanya kamongo dokome baa lamaiyoo, ‘Emba akali koo maka kayapae lamo! Nambame eenya waingi pokala naelyo dupanya yukuoo nao, waingi lyandala naelyo dupanya mandyuu nelyopi dupa embame kandenge lumu doko, nambanya muni dupa potopesa mandenge beŋe mendenya pyasekeeli kandao doko, namba dee pilyoo ipupala nambanya muni dutupa-pipa potopesa mendatupa apata nyipuli.
24111	MAT 25:34	“Dokopa kiŋi dokome kingi tolae-kaita katatamino dupa lamaiyoo lao pituu, ‘Nyakama nambanya Takangeme auu piseteana ipupa! Yuupi kaitipi tee piamo dokopa baame isingi panda doko nyakamanyana lao depa lanya setekeamo dokona nyala ipupa.
24114	MAT 25:37	Dopa latamopa endakali tolatae dupame yanu pyao: ‘Akali Andake, naimame andukupa emba lopo kayenopa kandatala nee diamape? Andukupa endaki nanu kayenopa kamuoo diamape?
24117	MAT 25:40	Dopa lataminopa kiŋi dokome dokaita lamaiyoo dapa lata: ‘Nambame nyakama kiningi langilyona, nambanya kaiminingi datupanya koo mende nisiamino dokome, namba nisiamiakana,’ lata.
24118	MAT 25:41	“Dopa latala baame kingi koya-kaita katatamino dupa lamaiyoo lao pituu, ‘Nyakama watao pyataena namba yakinatala pupa! Goteme Satanepi Satanenya enjele koopi dupanya lao itate konjala naenge setakamaiyamo dokonya nyakama pupa!
24121	MAT 25:44	Dopa latamopa dokaitame apata yanu pyao, ‘Akali Andake, andukupa naimame emba lopo kayenopapi, endaki nanu kayenopapi, opone joo epeenopapi, yambale napyoo kateenopapi, yaina siinopapi, anjetae paleenopapi kandatala nisala nayamape?’ latami.
24122	MAT 25:45	Dopa lataminopa kiŋi dokome dokaita lamaiyoo, ‘Nambame nyakama kiningi langilyona, nyakamame endakali datupanya koo mende nisala nayamino dokome, namba nisala nayamiakana,’ lata.
24141	MAT 26:18	Dopa leaminopa baame dokaita lamaiyoo, “Nyakamame yuu taono Jetusaleme dokonya pupala akali mende kanjaminona doko dapa lamaiyepape: ‘Mana Lenge Akali dokome, “Nambanya gii doko tengesa petelyamona,” laamo. “Napinya Kayamo Nee doko nambame nambanya disaipele dupa-pipa embanya andaka natoo,” laamona,’ lao lamaiyepape,” lea.
24154	MAT 26:31	Dokopa Jisasame dokaita lamaiyoo, “Indupa kuka gii dakepa nyakama pitakame namba yakinatala lombapae salamino. Doko, Gotenya pii pepa pyapae singi dokonya, ‘Sipisipi setao katenge doko nambame pyatopa, sipisipi ambo doko polao wakale puu puu pyoo patamina,’ lapae silyamo.
24183	MAT 26:60	Dokopa akali longo ipupala Jisasa-kisa sambo pii setao kosimi leami-pyaa. Dopa piaminopaka doko, baa pyao kumasepenge tenge mende kandao nanyiami-pyaa. Dee ete pyoo akali lapoma ipupala lao pituu, “Akali dakeme dapa lea: ‘Gotenya losuu anda andake doko kapa pao lakyepala, yuu gii tepoma pito,’ leana,” leambi-pyaa.
24260	MAT 27:62	Sambasanya opale depa lenge kalai yuungi doko pateamopa taita dopa pyoo pitisa mupapi Patasipi dupame Pailate peteasa ipao kambu pyatala lao pituu, “Akali Andake, pii mende sambo lenge akali dokome mee katao pituu, ‘Koto teponya namba dee sakatatona,’ lea doko naimame masilyamano.
24262	MAT 27:64	Dopa leana aopyoo latala baanya disaipele dupame pao baa nyoo yalo petala endakali dupa lamaiyoo, ‘Baa sakatapyana,’ latamina, malu doko isokondape pyoo isoo katao koto tepo dokonya tuu lena lape. Dopa pitamino kandao doko, wamba sambo leamo doko maitakao sambo dokome ita minatana,” leami-pyaa.
24271	MAT 28:7	Kandatala, yapa pao baanya disaipele dupa dapa lamaiyepape: ‘Baa malunya sakatatala Galili yuu dokonya wambao pame lamo, nyakamame baa yuu dokonya kandatamina,’ nambame nyalambo langitilyo doko masalapape!” lea-pyaa.
24287	MRK 1:3	Endakali napalenge yuu dokonya akali mendeme katapala wii lao, ‘Kamongonya kaitini doko depa lanya setakamaiyepape! Baanya kaitini dupa tolasakamaiyepape,’ lea-pyaana,” lapae silyamo.
24464	MRK 5:31	Baanya disaipele dupame yanu pyao, “Emba katao tambukinelyamino endakali kambu doko emba tangeme kandao pituu embame, ‘Apimi namba kingimi watandelyape?’ leepe?” leami-pyaa.
24538	MRK 7:6	Dopa leaminopa baame dokaita lamaiyoo, “Wamba potopesa Aisayame nyakama minakasingima akali dupa makande pyokondape pyoo dapa lea pyaa: ‘Endakali tata dakeme kambumi namba lalyingimaka doko, nyakamanya moname namba-pipa kopala naengema.
24542	MRK 7:10	Moseseme lao pituu, ‘Embanya endangi takangepa dolapo andanda semaiyoo katape.’ Dee, ‘Endakali mendeme baanya endangi tamopi takange tamopi mende kandao pii koo latamo doko baa kumina lao pyao kumasepengena,’ lea-pyaa.