294	GEN 11:27	Teranya mandipae palu dokaita. Baame wane ane mandeamoli pyoo kenge dutupa: Abrame, Neo, Aranepi. Araneme Lote mandea.
304	GEN 12:5	Baanya etanenge Saraipi, kaimininginya ikiningi Lotepi, pinju setao kateamino dupapi, Arane tange kendemane nyiamo dupa pitaka lanyoo, Kenane yuu dokonya paanya pea.
307	GEN 12:8	Dokonya katao baa taono Betele makisa yuu manda niki pyakaenge dokaita pea. Pupala taono Betelepi, taono Aiipi, lenge dolaponya kaina dokonya baanya sele anda pia. Abrameme yuu dokonya kana toko mende petala, Kamongo kenge lao mambo pia.
322	GEN 13:3	Negepe katao, yuu mendenya pata, mendenya pata pyoo, taono Betelepi, taono Aiipi kaina wamba kateamo dokonya pyakameami.
338	GEN 14:1	Gii mendepa, Sodomo tange kiŋi Berapi, Gomora tange kiŋi Bisapi, Atama tange kiŋi Sinapapi, Seboma tange kiŋi Semebapi, dutupa Ilama tange kiŋi Kedolama dokome isia. Dee Bela tange kiŋi doko isoaka pia. (Taono Bela dokonya kenge mende doko Soa lenge.) Kedolama dokome ee kana 12 isoo katea. Ee kana 13 leamopa, baanya pii doko tanga leami. Ee kana 14 leamopa, kiŋi Kedolamame kiŋi waka tepoma yanda tole pingi dutupa lanyia. Dutupanya kenge dutupa: yuu Babilonia tange kiŋi Amarapelepi, yuu Elasa tange kiŋi Ariokopi, yuu Goima tange kiŋi Tidalapi, dutupa lanyia. Lanyepala kiŋi kitomende dutupame nyakamanya yanda pingi akali dupa lanyepala, taono Aseroto Kanaimi dokonya, akali Repaimi tata dupa pyao ita miniami. Dee maitapyao, taono Ame dokonya, akali Susa tata dupa pyao ita miniami. Ita minatala, yuu lama-lama taono Kititaimi tengesa dokonya, akali Eme tata dupa pyao ita miniami. Ita minatala, yuu Siya manda dokonya, akali Oro tata dupa, Elaparane yuu sapu dokonya watao pyasiami. Dokonya katao, dee kapilyetala, yuu Kadesa, kenge wambatae doko Ene Misapata lenge, dokonya pao pyakameami. Pyakamatala, akali Ameleke tata dokonya yuu andake dokopi, dee taono Asasone Tama dokonya, akali Amoa tata dupa pyao ita miniamiaka. Yanda doko pyoo ita minatala, Kedolamapi, baanya akali yanda pingi dutupapi pupala, kiŋi Sodomo tangepi, Gomora tangepi, Atama tangepi, Seboma tangepi, Bela tangepi, dutupa yanda pimaiya peami. Peaminopa, 5-pela kiŋi-pipa nyakamanya akali yanda pingi dutupa, yuu Sidimi lama-lama dokonya, yanda pyaanya kambu piami. Kambu pyatala, 5-pela kiŋi dutupame kiŋi kitomende dutupa yanda pimaiyami.
394	GEN 16:12	Baa dongi kapu joo, tuu-tuu pyoo katao, baanya tata dupapi, endakali waka dupa-pipa yandapipili joo katatana” lea.
396	GEN 16:14	Ekame kenge leamo doko masetala, endakali dupame endaki pete tombapae Kadesapa, Beretapanya kainanya singi doko kenge Bilaro lengema.
418	GEN 17:20	Embame Isamale nisepe leeno dokonya, nambame baa minao, akali tata andake jetala, auu pisoto. Baanya ikiningi dutupa tata 12 palitaminopa, dutupanya akali aiyomba wakale-wakale katatami.
434	GEN 18:9	Nyakama nee napala, Abrakame tipa pyoo, “Embanya etanenge Sara doko anja pilyape?” leami. Dopa leaminopa, Abrakameme pii yanu pyao, “Baa sele andaka pilyamona” lea.
442	GEN 18:17	Dokopa, Kamongome masoo pituu, “Nambame mende Abrakame-kisa pituna leo doko pitoo lao masilyo. Baanya wanepi, palupi, dupame nambanya pii sepala, watao minao tolao katapenge. Baame nyakama mana lamaina lao, nambame baa yapao nyio. Baa tata dupa andake jetala, pupu lapae joo palitaminopa, yuunya endakali palitamino dupa pitaka nyakama-kisa nisepae nyetami. Nambame mende Sodomo-kisa pyaanya pelyo doko, Abrakameme sina lamaitoo” lao masia.
491	GEN 19:33	Leambinoli pyoo, kuka dokonya nyakambanya takange waene longo nena maiyambi. Baa napala, masala naeyamopa, wanenge mupa dokome baa palimaiya. Oo yongama wanengeme piamo dupanya mende takangeme masala naeya.
496	GEN 19:38	Wanaku kole dokome wane aneaka mandipala, kenge Benami lea. Epapu akali tata Amona lao palelyamo.
508	GEN 20:12	Dopaka doko, Sara nambanya pimalenge. Nalimbanya takange mendai, endangi wakale. Baa nambanya etanenge.
528	GEN 21:14	Oo yongama wamba Abrakameme penge meme yanungimi wasepae mendenya endaki kamuo mandipala, nee dupa mandipala, Ekanya latainya sakamaiya. Dopa petala, Ekapa wane dokopa, lapota pena lea. Pena lateamopa, nyakamba yuu sapu Besiba dokonya patala, kyakao maeko-maeko lao, paeyambi.
534	GEN 21:20	Wane doko Gotepa apata katao angi jia. Baa yuu sapu Parane lenge dokonya katao, yanda ipyoo pyao, etete waa katea. Dokonya kateamopa, endangimi enda Injipi tange mende lanyakamaiya.
545	GEN 21:31	Anelyapome pii yaki piambi dokonya, yuu doko kenge Besiba leami.
546	GEN 21:32	Besiba yuu dokonya pii yaki petala, Abimelekepa, yanda singi Pikolapa, Pilistiamanya yuu dokonya pilyiambi.
547	GEN 21:33	Anelyapo pateambinopa, yuu Besiba dokonya ita kenge tamatesa lenge mende Abrakameme wai pyatala, dosa katao Kamongo Gote Kataowaka Katenge doko lao mambo pyao, loma sia.
567	GEN 22:19	Dokopa Abrakame baanya kalai akali kateambino dokonya pilyetala, dolapo apata Besiba yuu dokonya peami. Pupala Abrakame baa yuu dokonya katea.
569	GEN 22:21	Wane mandeamoli pyoo kenge dupa: Usa, Basa, Kemuele, Kesete, Aso, Pilidasa, Jidilapa, Betuelepi lenge. Kemuele baa Arame takange. Betuele baa Rebeka takange.
607	GEN 24:15	Loma soo kateamopa, wanaku Rebeka lenge mende penge soo endaki kamuala epea. Baa Betuele wanenge. Betuele baa Abrakame kaiminingi Neopa, enda Milikapanya ikiningi.
608	GEN 24:16	Wanaku doko mapukae, akali tole napingi etete malya mende. Baa endaki pete tombapae dokonya pyakanatala, endaki kamupala, lalyoo epea.
616	GEN 24:24	Dopa leamopa, Rebekame pii yanu pyao, “Nambanya takange doko, Neo, Milikapanya ikiningi Betuele lenge.
639	GEN 24:47	Dopa pipyanya, nambame baa apinya wanengepe lapupa, baa Neo Milikapanya ikiningi Betuele wanengena laamo. Dopa lapyanya, baanya lyamunginya golo riŋipi, kingi dolaponya golo kitambupi, dupa pisakamaiyo.
642	GEN 24:50	Dopa lateamopa, Labane Betuelepame yanu pyao, “Doko Kamongome pyome-lumuna, nalimbame dee aki lambanape?
654	GEN 24:62	Wamba Aisake baa yuu Bilaro katea doko yakinatala, Negepe yuu dokonya ipao katea.
657	GEN 24:65	Pyakanatala, Abrakamenya kalai akali doko tipa pyoo, “Akali laeyao epelyamo omo apipi?” lea. Dopa leamopa, kalai akali dokome yanu pyao, “Baa nambanya akali andake dokona” lea. Dokopa Rebeka aiyombanya yaki pingi lapalapa doko nyepala, baanya lengelyapi yame pia.
670	GEN 25:11	Abrakame kumateamopa, Aisake baa yuu Bilaro dokonya katea. Dokonya kateamopa, Goteme baa minao auu pisia.
23218	MAT 1:5	Salomoneme Boasa mandea. Boasa endangi doko Reapa lenge. Boasame Obeta mandea. Obeta endangi doko Ruta lenge. Obetame Jesi mandea.
23224	MAT 1:11	Josaeyame Jekonaeya mandipala, dee wane ane mendatupa apataka mandea. Dokopa Babilone tange yanda singi dupame, Israele tange dupa yanda pyoo ita minatala, Babilone anjoo soo peami.
23230	MAT 1:17	Dopana, wamba Abrakame kateamo gii dokonya pituu, Dapiti kateamo dokonya tuu lao, yumbange tata paleamino dupa 14 paleami. Dapiti kateamo gii dokonya pituu, Israele tange dupa Babilone anjoo soo peamino, gii dokonya tuu lao, yumbange tata paleamino dupa 14-aka paleami. Babilone anjoo soo, peamino gii dokonya pituu, Kraisa doko mandeamo gii dokonya tuu lao, yumbange tata dupa 14-aka paleami.
23234	MAT 1:21	Baame wane ane mende manditamo dokome, baanya endakali dupanya koo dupa kunao nepakamaitala pyoo nyetana, baanya kenge doko Jisasa lape” lea.
23239	MAT 2:1	Erote baa kiŋi kateamopa, Mariame Jisasa yuu andake Judia, taono Beteleme dokonya mandea. Mandipiamopa, niki pyakaengesa tange, buinya tenge masingi akali mendapuame Jerusalema ipupala,
23243	MAT 2:5	Dopa leamopa, dokaitame pii yanu pyao, “Goteme propeta mende-kisa lamaiyamo doko, dapa lao pepa pyapae silyamo: 'Nyakama Beteleme tange dupa, nyakamanya yuu taono doko taono waka Judia silyamo, dupanya pundi-pundi naseta. Nyakamanya mandipaenya mandipae, dupanya isingi akali mende pyakalyetamo dokome, nambanya Israele tange endakali dupa setao katakatana' lao pepa pyapae silyamo. Dopa lapae silyamo dokonya, Kraisa doko yuu andake Judia dokonya taono yakane Beteleme mandipengena” leami.
23246	MAT 2:8	Dopa petala dokaita lamaiyoo, “Nyakama Beteleme pupala, wane doko kutakondape pyoo kutalapape. Kutao kandatala dokopa, nambame apata mambo pyala patoana, langya ipupape” lea.
23254	MAT 2:16	Niki pyakaengesa tange masingi akali dupame Erote baa minakasetala, pupimi-lumu lao sepala, baa etete imbumi kumia. Imbu kaeyapala baame wamba akali dupa, bui doko gii andukupa kateape lao tipa piamo, doko masia. Masetala Betelemepi, yuu dosa makisa singipi, dupanya pupala, wane ane ee kana laponya anatena patae, dupa pitaka baanya yanda singi dupame, pyao kumasala pena lea.
23261	MAT 2:23	Pupala taono Nasarete lenge dokonya katea. Dopa piamo dokome, wamba propeta dupame, “Baa Nasarete tangena latamina” leamo pii doko angi jia.
23265	MAT 3:4	Jone baa yonge pee kamele itimi wasepaepi, matapu bulumakao yanungimi wasepaepi, dupa pyoo katea. Baa paiyombapi, ambulya kakasa lyingipi, dupa nao katea.
23302	MAT 4:24	Baame piamo dupa Siria yuu doko, pitakanya lao taeyami. Dopa piamopa, endakali dupame yaina tata longome pyapaepi, tanda koo nengepi, imambu koo paletapi, mandipaeme nyingipi, papa tambutaepi, dupa pitaka laminao baa kateasa epeami. Dopa piaminopa, Jisasame yaina dupa mee jeta pyakamaiya.
23348	MAT 5:45	Dopa pitamino dokome, nyakamanya Takange kaitinya katenge dokonya, wane joo katatami. Baame niki doko endakali koopi epepi, dupa pitaka-kisa tapina lenge. Baame aiyuu doko, endakali mana tolatae miningipi, mana koo miningipi, dupa pitakanya epena lenge.
23368	MAT 6:17	Nyakamame Gote loma soo, nee nanao katao, endakali dupame nyakama nee nanao kalyaminona lao, masala naena lao, nyakamanya lengelyapi wasa pyapala, iti weleme kai pyapala kalyepape. Dopa pitaminopa, nyakamanya Takange yalo pyoo katenge dokome, iki kandata. Baame nyakamanya yalo pyoo pitamino doko kandatala, nyakama yole mende ditana” lea.
23410	MAT 7:25	Baame yuu kyetonya muku minatala, piamo dokonya, poo pupu lao lata, aiyuu ipata, endaki lyoo ipata piamopa, anda doko takyala naeya.
23412	MAT 7:27	Baame endaki keanya muku minatala, anda piamo dokonya, poo pupu lao lata, aiyuu ipata, endaki lyoo ipata piamopa, anda doko kaluo koeya dokome, oapi dupa pitaka koeyakana” lea.
23431	MAT 8:17	Baame dopa piamo dokome, wamba propeta Aisaiyame lao pituu, “Baame naimanya yongenyapi, imambunyapi, yaina dupa mee jakatana” leamo doko angi jia.
23489	MAT 10:3	Pilipa, Batolomyu, Tomasa, takisa nyingi akali Matyu, Alopiasa ikiningi Jemesa, Tadiusa,
23511	MAT 10:25	Endakali dupame mana lenge akali doko, mana maitaminoliaka pyoo, mana nyingi akali doko mana maitami. Isingi akali doko mana maitaminoliaka pyoo, kalai akali doko mana maitami. Dopana, endakali dupame namba isingi akali doko kandao, kenge koo Belesabulu ditamino dokonya, nyakama nambanya tata dupa kandao, kenge etete koo mendapu ditamiakana” lea.
23549	MAT 11:21	“Taono Korasina tangepi, Betsaida tangepi, dupa nyakama koeyatamina, kandao kalyepape. Mirakolo kalai nyakamanya taono dupanya, pio dupa, taono Saidone tangepi, Taeya tangepi, dupame kandeamili doko, nyakamame yonge pee pumbuti dupa petala, yonge lindi pyapala, wamba mona kapilyiamili.
23550	MAT 11:22	Goteme endakali mokosetamo gii dokopa, Taeyapi, Saidonepi, dupa-kisa tenge andake setataka doko, nyakama Korasina tangepi, Betsaida tangepi, dupa-kisa Goteme tenge eteteaka andake setata.
23576	MAT 12:18	“Dake nambanya kalai akali, nambame baa yapao nyio doko. Baa nambanya etete mona setenge doko. Namba tange baa etete auu kaenge. Nambanya Spirit doko baa maitupa, baame nambanya mana tolatae doko, akali tata dupa pitaka panao lamaita.
23577	MAT 12:19	Baame kaitinisa katao, pii yanda pyoo, pii puu lao latamopa nasetami.
23581	MAT 12:23	Baame piamo dupa kandatala, endakali kambu piamino dupa pitakame walu latala, “Akali dake Dapiti Yumbange dokope?” leami.
23582	MAT 12:24	Parasai dupame pii doko sepala lao pituu, “Baa-kisa imambu koo dupanya isingi, Belesabulu doko ipao palipya dokome, imambu koo waka dupa watao pilyamona” leami.
23585	MAT 12:27	Belesabulu dokome namba pupu lapae dilyamopa, imambu koo dupa watao pingina lelyamino. Dopa lelyamino doko, nyakamanya disaipolo dupa apimi pupu lapae mailyamopa, imambu koo dupa watao pingina lelyamipi? Nyakamanya disaipolo dupameaka, nyakamame kopeta lapimi-lamona latami.
23619	MAT 13:11	Baame nyakamanya pii yanu pyakamaiyoo, “Gotenya isingi mate dokonya, pii tenge yalo petae palelyamo doko, nambame nyakama panao langitoo. Dopaka doko, endakali waka dupa panao lamaiya naeyato.
23643	MAT 13:35	Baame kongaliaka lao lamaiyamo dokome, wamba Goteme propeta mende-kisa, “Yuupi kaitipi tee piamo dokonya pituu, indupa tuu lao, yalo petae dupa nambame kongaliaka lao, endakali dupa lamaituna” leamo doko angi jia.
23662	MAT 13:54	Baanya yuu tenge dokonya pupala, endakali dupa nyakamanya lotuu anda dokonya mana lamaiyamopa, walu latala, “Akali dakeme masepae epepi, mirakolo kalaipi, dupa pitaka anja-tae nyiape?
23663	MAT 13:55	Akali dake kapenda dokonya ikiningi daape? Baanya endangi doko Maria daape? Baanya kaiminingi dupa Jemesapi, Josepepi, Saimonepi, Judasapi dutupa daape?
23664	MAT 13:56	Baanya pimalenge dupa pitaka, ae naima-pipa apata napilyamape? Baame pilyamo datupa pitaka, anja mana nyiape?” leami.
23668	MAT 14:2	Sepala baanya kalai akali dupa lamaiyoo, “Akali doko Jone kaimbu pingi doko. Baa malunya sakatatala, mirakolo kalai dapale dupa pyoo kalyamona” lea.
23679	MAT 14:13	Jisasame Jone malu pimi lapae doko sepala, baame yuu doko yakinatala, sipi mendenya pituu, Galilea pete omotena endakali napalenge yuu mendakaita, mendeme nakandena lao baa pea. Baa pelyamo lapae endakali dupame sepala, nyakamanya taono dupanya katao, baa watao kaitini peami.
23688	MAT 14:22	Dokopa Jisasame baanya disaipolo dupa, sipinya pyakalyetala, Galilea pete omotena wambao pena lea. Baame endakali kambu dupa, andaka pena latala kandao katea.
23771	MAT 17:2	Kateaminopa dutupanya enombanya Jisasa waka jia. Baanya lengelyapi doko tii pyoo, niki tele pia. Dee baanya yonge pee dupa, kyoo lao pole-pole pia.
23808	MAT 18:12	Nyakamame aipa lao masilyami? Akali mendenya 100 sipisipi katatamo dokonya, mendai alu pitamopa, baame aipa pitape? Baame 99 sipisipi dutupa, pau manda mendenya katena latala, mendai alu pitamo doko kutala naeyatape?
23812	MAT 18:16	Baame embanya pii nasetamo doko, pii pepa pyapae singili pyoo, mendai lapopi mende lanyepala, nyakambanya pii latambino dupa sina, laminao deaka lamaiya pupape.
23813	MAT 18:17	Baame dutupanya pii nasetamo doko, embame siosanya endakali kambu pyatae dupa lamaipi. Dee baame siosanya apata pii nasetamo doko, baa kamalya katenge endakalipi, takisa nyingi akalipi, dopale-lamo lao kandatala, wandyuu kalyepape.
23889	MAT 20:28	Dopaka pyoo, Akalinya Ikiningi dokome baanya kalai pyekena lao naepea. Baame endakali longo dupa nisoo, kii tamao nyalanya, baa tangeme kumala epeana” lea.
23896	MAT 21:1	Jisasa disaipolo dupa-pipa Jerusalema tengesa, Olipimanda dokonya taono Betepasa peami. Pao pituu, Jisasame disaipolo lapoma wambao pena latala
23906	MAT 21:11	Dopa leaminopa, endakali kambu Jisasa-pipa apata peamino dupame, “Akali epelyamano dake kenge Jisasa lenge. Baa yuu andake Galilea taono Nasarete, tange propeta dokona” leami.
23912	MAT 21:17	Dopa latala baame dokaita yakinatala, Betani pao palea.
23945	MAT 22:4	Dopa piaminosa, baame kalai akali mendatupa pena lao pituu, 'Endakali nee napenge latae dupa kandao, “Bulumakao maipapi, bulumakao andapaepi, dupa pyapalamo. Dupa pitaka depa latae sepelyamona, nyakama dokonya nala ipupa” lapape' lea.
23965	MAT 22:24	“Mana Lenge Akali, wamba Mosesame mana leamo dokonya, 'Akali mendeme enda nyepala, wane manja naeyao kumatamopa, baanya kaiminingi dokome enda walyakae doko piseta. Baapa enda walyakae dokopa, wane mupa manditambino doko, kaiminingi kumia dokonya lao, manjakamaitana' lapae silyamo.
23973	MAT 22:32	Goteme 'Namba Abrakame, Aisake, Jekopepinya Gotena' lea. Baa kumapae dupanya Gote daa. Baa saka katenge dupanya Gote. Abrakame, Aisake, Jekopepi dee tanga sakatao katatamina lao, Goteme masala naeyali doko, baa dutupanya Gote laa naeyalina” lea.
23983	MAT 22:42	“Nyakamame Mesaeya dokonya yumbange doko, apina lao masilyamipi?” leamopa, “Baa Dapitinya yumbangena” leami.
23984	MAT 22:43	Dopa leaminopa, Jisasame dupa lamaiyoo, “Oli Spiritame lungu piamopa, Dapitimi dapa lea: 'Goteme nambanya Kamongo Mesaeya doko lamaiyoo, “Emba nambanya kingi tolae-kaita piti. Dokonya pititinopa, nambame embanya yandapipi dupa ita minatakala, embanya moko pundi-pundi katena latona' lao, pyapae silyamo.” Dopa latala Jisasame dokaita tipa pyoo, “Dapitimi Mesaeya doko kandao, baanya Kamongona lea-lumu doko, kaitini andukunya-kaita, Mesaeya doko baanya yumbangena leape? Mesaeya doko baa Dapitinya yumbange iki daa. Baanya Kamongo dokona lao, nyakamame masala naelyamipi?” lea.
24022	MAT 23:35	Nyakamame dopa pitaminosa, wamba akali tolatae kateamino dupa pitaka pyao kumasiami dokonya, tenge doko nyakama-kisa seta. Akali tolatae Abele lenge doko, pyao kumasiami dokonya pituu, Berekia ikiningi Sakaraeya, lotuu anda andakepa, altapa, dolaponya kainanya pyanya seteami, dokonya tuu lao tenge doko, nyakama-kisa seta.
24071	MAT 24:45	Jisasame dee mende lao pituu, “Kalai akali pii watao miningi, masepae singi mendeme, baanya akali andake dokonya pii seta. Baanya akali andake dokome kalai akali waka dupa isina latala, yuu tependa mendakaita patamopa, baame dokaita isoo katao pituu, nee napenge gii dokonya, nee mokosoo maiyoo katata.
24129	MAT 26:6	Jisasa baa taono Betani dokonya, akali kopetali Saimone lenge dokonya andaka, nee nao petea.
24133	MAT 26:10	Dopa leamino doko Jisasame sepala, dokaita lamaiyoo, “Baame namba-kisa kalai epe etete mende pilyamona, aipuma nyakamame enda dakenya mona kenda pisakamailyamipi?
24188	MAT 26:65	Dopa leamo sepala, pitisa mupa dupanya aiyomba dokome, baa tangenya yonge pee dupa minao lapyepala, lao pituu, “Baame Gote lamba lao pii lelyamo doko, nyakamame sepelyamino. Aipuma endakali mendapuanya pii deaka nyemanape?
24189	MAT 26:66	Nyakamame aipa pimana lao masilyamipi?” lea. Dopa leamopa dupame, “Baa pyao kumasepengena” leami.
24214	MAT 27:16	Gii dokopa akali Barabasa lenge mende, pundunya kenge singi doko anjetae palea.
24215	MAT 27:17	Pitisa mupa dupame Jisasa-pipa tilya nyepala, baa anjoo dimini-lamo lao kandatala, Pailateme endakali kambu kateamino dupa tipa pyoo, “Nambame api mokakaowape? Barabasape, pande Jisasa Kraisa lengema dokope?” lea.
24218	MAT 27:20	Dokopa pitisa mupapi, Judamanya isingi akalipi dupame, “Barabasa mokekena, Jisasa pyao kumasina lapape,” lao endakali kambu dupa, ingi tuu leami.
24219	MAT 27:21	Dopa piaminopa, Pailateme endakali kambu dupa deaka tipa pyoo, “Nambame akali lapoma dolaponya, anduku nyakamanya mokakapili lao masilyamipi?” lea. Dopa leamopa, dokaitame yanu pyao, “Barabasana” leami.
24221	MAT 27:23	Dopa leaminopa, baame dokaita lamaiyoo, “Baame koo aki mende pipyape?” lea. Dopa leamopa, dokaitame eteteaka puu lao, “Baa pyao yuku!” leami.
24223	MAT 27:25	Dopa leamopa, endakali dupa pitakame, “Baanya taiyoko doko naimapi, naimanya wanepi, dupa-kisa sina kaeya!” leami.