wb-examples

Wildebeest analysis examples for: enq-enq2 K

February 11, 2023 at 18:34

Script wb_pprint_html.py by Ulf Hermjakob

295 GEN 11:28 Tera baa saka kateamopa, yuu andake Kalidia taono Uru, baa mandeamino yuu dokonya Arane kumia.
296 GEN 11:29 Kumateamopa, Abrame, Neopa lapota enda nyiambi. Abrameme Sarai nyia. Neome Arane wanenge Milika nyia. Milika baa Isika kakingi.
298 GEN 11:31 Terame baanya ikiningi Abrame, Arane ikiningi Lote, aeyange Saraipi, dupa pitaka lanyoo, yuu andake Kalidia taono Uru yakinao, yuu Kenane paanya peami. Pao taono Arane pyakamatala, dokonya kateami.
299 GEN 11:32 Kateaminopa, Tera baa ee kana 205 leamopa, taono Arane dokonya kumia.
300 GEN 12:1 Tera kumateamopa, Kamongome Abrame lamaiyoo, “Embanya yuupi, embanya tatapi, embanya takangenya puupi, dupa yakinao, nambame emba yuu mende laitaka pitu dokonya pupi.
303 GEN 12:4 Abrame baa ee kana 75 leamopa, Kamongome lamaiyamoliaka pyoo, Abrame, Lotepi, taono Arane doko yakineambi.
304 GEN 12:5 Baanya etanenge Saraipi, kaimininginya ikiningi Lotepi, pinju setao kateamino dupapi, Arane tange kendemane nyiamo dupa pitaka lanyoo, Kenane yuu dokonya paanya pea.
305 GEN 12:6 Peamo doko pao, yuu Kenane dokonya lepa ita andake katenge, yuu More dokonya pyakamea. More yuu doko taono Sekeme dokonya singi. Gii dokopa, endakali Kenane tange dupa yuu dokonya paleamiaka.
306 GEN 12:7 Kamongo doko Abrame kateamo dokonya ipupala lamaiyoo, “Embanya mandipaenya mandipae dupa yuu dake maituna” lea. Kamongo ipao paneamo yuu dokonya Abrameme kana toko mende petala, Kamongo doko kenge lea.
307 GEN 12:8 Dokonya katao baa taono Betele makisa yuu manda niki pyakaenge dokaita pea. Pupala taono Betelepi, taono Aiipi, lenge dolaponya kaina dokonya baanya sele anda pia. Abrameme yuu dokonya kana toko mende petala, Kamongo kenge lao mambo pia.
316 GEN 12:17 Maiyamoaka doko, Paraome Abramenya etanenge Sarai nyakamailyamo latala, Kamongome Paraopi, baanya palupi, yaina koo mende maiya.
319 GEN 12:20 Dokopa, Paraonya kalai akali dupame Abrame pena kandena lea. Kandatala akali dokaitame Abrame baanya endapi, palupi, oapipi, dupa pitaka nyoo, pakale pena leami.
323 GEN 13:4 Wamba kana toko piamo dokonya Kamongo lao mambo pia.
325 GEN 13:6 Kateaminopa, yuu dokonya tata longo doko pitaka tole katapenge nanjia.
326 GEN 13:7 Dopa piamosa, Abrame, Lotepanya kalai akali yangolapo imbu kaeyapae sakatea. Gii dokopa, Kenane tangepi, Peresa tangepi, dupa yuu dokonya paleamiaka.
329 GEN 13:10 Dopa lateamopa, Lote baa kandao aowali latala, Jodane duu taono Soa singi dokaita yuu lama-lama auu petae siamo doko kandea. Kamongome Sodomo Gomora koeyala naeyamopa, yuu doko Kamongonya ee jepae, dee yuu Injipi yale sia.
331 GEN 13:12 Abrame baa Kenane kateamopa, Lote baa Jodane duu lama-lama taono singi dupanya Sodomo makisa, sele anda petala katea.
332 GEN 13:13 Dokopa, Sodomo tange endakali dupame Kamongonya enombanya mana etete koeyapae dupa minao, baa maka pisiami.
333 GEN 13:14 Lote pateamopa, Kamongome Abrame lamaiyoo, “Emba kalyeno dosa katao, kingi koeyatenapi, tolaetenapi, niki pyakaengesapi, niki pambengesapi, kandao aowali laa.
337 GEN 13:18 Dopa lateamopa, taono Ibrone dokonya, akali Mamarenya lepa ita balo makisa dokonya, sele anda petala, Kamongonya kenge lao, kana toko mende pia.
338 GEN 14:1 Gii mendepa, Sodomo tange kiŋi Berapi, Gomora tange kiŋi Bisapi, Atama tange kiŋi Sinapapi, Seboma tange kiŋi Semebapi, dutupa Ilama tange kiŋi Kedolama dokome isia. Dee Bela tange kiŋi doko isoaka pia. (Taono Bela dokonya kenge mende doko Soa lenge.) Kedolama dokome ee kana 12 isoo katea. Ee kana 13 leamopa, baanya pii doko tanga leami. Ee kana 14 leamopa, kiŋi Kedolamame kiŋi waka tepoma yanda tole pingi dutupa lanyia. Dutupanya kenge dutupa: yuu Babilonia tange kiŋi Amarapelepi, yuu Elasa tange kiŋi Ariokopi, yuu Goima tange kiŋi Tidalapi, dutupa lanyia. Lanyepala kiŋi kitomende dutupame nyakamanya yanda pingi akali dupa lanyepala, taono Aseroto Kanaimi dokonya, akali Repaimi tata dupa pyao ita miniami. Dee maitapyao, taono Ame dokonya, akali Susa tata dupa pyao ita miniami. Ita minatala, yuu lama-lama taono Kititaimi tengesa dokonya, akali Eme tata dupa pyao ita miniami. Ita minatala, yuu Siya manda dokonya, akali Oro tata dupa, Elaparane yuu sapu dokonya watao pyasiami. Dokonya katao, dee kapilyetala, yuu Kadesa, kenge wambatae doko Ene Misapata lenge, dokonya pao pyakameami. Pyakamatala, akali Ameleke tata dokonya yuu andake dokopi, dee taono Asasone Tama dokonya, akali Amoa tata dupa pyao ita miniamiaka. Yanda doko pyoo ita minatala, Kedolamapi, baanya akali yanda pingi dutupapi pupala, kiŋi Sodomo tangepi, Gomora tangepi, Atama tangepi, Seboma tangepi, Bela tangepi, dutupa yanda pimaiya peami. Peaminopa, 5-pela kiŋi-pipa nyakamanya akali yanda pingi dutupa, yuu Sidimi lama-lama dokonya, yanda pyaanya kambu piami. Kambu pyatala, 5-pela kiŋi dutupame kiŋi kitomende dutupa yanda pimaiyami.
347 GEN 14:10 Yuu Sidimi lama-lama dokonya kolta petenge yuli longo singi. Kiŋi Sodomo tangepi, Gomora tangepi, dupa paka peaminosa, yuli dupanya mangeami. Dee yangi dupa mandale dupanya paka peami.
348 GEN 14:11 Kiŋi kitomende dutupame Sodomo Gomorapi tange dupanya nee pinjupi pitaka minambao, nyepala kaita peami.
354 GEN 14:17 Kiŋi Kedolama tata dupa Abrameme yanda pyoo ita minatala pilyiamopa, Sodomo tange kiŋi dokome, yuu lama-lama kenge Sape dokonya, baa kanja epea. (Sape dokonya kenge mende doko kiŋinya yuu lama-lama.)
355 GEN 14:18 Melekisedeke baa taono Saleme dokonya kiŋi, dee baa Ketae Kaitinya Gote dokonya pitisa, dokome betesa waenepi minao, Abrame maiya epea.
356 GEN 14:19 Melekisedekeme Abrame Gotenya kyeto doko dapa lao maiya: “Ketae Kaitinya Gote, yuu kaitipi wasingi dokome, emba minao etete auu pisina.
357 GEN 14:20 Embame yandapipili dupa yanda pimaipinopa, Ketae Kaitinya Gote dokome yanda doko pyoo ita minatale lao, emba nisipya. Dokonya, naimame baanya kenge doko minalyamana” lea. Dopa lateamopa, Abrameme baanya oapi dupa aopa lao, malu 10 mokosoo setapala, malu mendai Melekisedeke maiya.
359 GEN 14:22 Dopa leamopa, Abrameme baa lamaiyoo, “Kamongo, Ketae Kaitinya Gote, yuu kaitipi wasingi dokonya kengenya nambanya kingi minalyetala, nambame eteteaka kyeto joo, kiningi etete lelyo. Embame namba minao, kamongosiona latena, nambame embanya latae mende nanyotoo. Yakane tiki, setesa oapi tambuingipi, suu kendepi, mende nanyakalapo.
362 GEN 15:1 Gii mendatupa pateamopa, Kamongome Abrame lee mane-maneme pii lamaiyoo, “Abrame, namba embanya konambi, embanya nisingi akali andake joo kalyona, emba paka nakaeyape” lea.
363 GEN 15:2 Dopa leamopa, Abrameme pii yanu pyao, “Emba Dupa Pitakanya Kamongo, namba wane namandelyo dokonya, nambanya moeya dupa Eliesa Damaskesa tange dokome nyeta-lamona, embame namba aki mende ditipi?” lea.
365 GEN 15:4 Dokopa Kamongome Abrame lamaiyoo, “Embanya panda doko Eliesame nanyeta. Embanya manditi mendeme embanya panda doko nyetana” lea.
366 GEN 15:5 Dopa latala, baa lanyoo kamaka kolalyetala, “Kaitinya bui dupa itaki pyao kanda. Tenda embanya mandipaenya mandipae dupa dopa pitana” lea.
367 GEN 15:6 Kamongome kiningi lelyamo lao Abrameme masoo miniamo dokonya, baa tolataena lea.
368 GEN 15:7 Kamongome dee Abrame lamaiyoo, “Namba Kamongo dokome, Kenane yuu dake emba etete ditu latala, yuu andake Kalidia taono Uru dokonya katao lanyoo epeona” lea.
369 GEN 15:8 Dopa leamopa, Abrameme tipa pyoo, “Dupa Pitakanya Kamongo, nambame aipa petala yuu dake nambanya-lamo lao masotope?” lea.
370 GEN 15:9 Dokopa Kamongome baa lamaiyoo, “Embame bulumakao ina ee kana tepoma patae mendepi, meme ina ee kana tepoma patae mendepi, sipisipi maipa ee kana tepoma patae mendepi, yaka maiyolee lapoma-pipa minao namba dyaa ipupi” lea.
374 GEN 15:13 Dokopa Kamongome Abrame lamaiyoo, “Emba auu pyoo gii londe katapala kumatenopa, nyoo malu pitami. Gii mendatupa patatamopa, embanya mandipaenya mandipae dupa, yuu wakamanya dupanya, tisa kendemane kalai pyoo, ee kana 400 katatami. Katataminopa, yuu tange dupame nyakama minao koeyasetami. Dopaka doko, nyakama koeyasetami dupa nambame tanda maitu. Gii dokopa, akali Amoa tata dupame luiyao koo pitamino dupa andake jetamopa, embanya mandipaenya mandipae dupa pinju longo-pipa auu pyoo pilyina latona, embame masepe” lea.
379 GEN 15:18 Peamo dokome, Kamongome Abrame-kisa pii yaki piamo doko dapa lao pia: “Embanya mandipaenya mandipae dupa endaki Naele matesa katao ipao, endaki Yupretisa tuu lao nambame maitu.
380 GEN 15:19 Yuu doko akali tata Kene, Kenesa, Kadamona,
382 GEN 15:21 Amoa, Kenane, Gigasa, Jebusapi, dupanyana” lea.
384 GEN 16:2 Sarai baame Abrame lamaiyoo, “Kamongome namba wane mandipenge ingi kyeto jia-lamona, nambanya kalai enda doko ketae wane mandyuu nyotoo, emba baa-pipa palyepa” lea. Dokopa Abrameme baanya pii doko yakana lea.
385 GEN 16:3 Gii dokopa, Abrame Kenane yuu dokonya ee kana 10 katapeamopa, Sarainya kalai enda Eka Injipi tange dokopa, Abramepa, enda akalipa joo petena lao, nyoo maiya.
387 GEN 16:5 Dokopa Saraimi Abrame lamaiyoo, “Naimanya mana singili pyoo, nambanya kalai enda Eka embanya kinginya yakineo. Embame Eka mana nalapinosa, namba tanda nyilyo. Dokonya Kamongome embapa nambapa minao tolasinana” lea.
389 GEN 16:7 Paka pao yuu sapu Sua kaitinisa, endaki pete tombapae singi mendasa peteamopa, Kamongonya enjele mende epea.
391 GEN 16:9 Dopa leamopa, Kamongonya enjele dokome baa lamaiyoo, “Emba Sarai pitatasa pilyoo pupala, baanya pii watao minao pitipi.
396 GEN 16:14 Ekame kenge leamo doko masetala, endakali dupame endaki pete tombapae Kadesapa, Beretapanya kainanya singi doko kenge Bilaro lengema.
399 GEN 17:1 Abrame ee kana 99 leamopa, Kamongo doko ipupala, “Namba Gote etete pupu lapae doko. Emba nambanya enombanya auu pyoo tolao katape.
406 GEN 17:8 Yuu Kenane dakenya emba epapu tisa kalyeno. Dopaka doko, tanga yuu dake pitaka embapa, embanya mandipaenya mandipae dupa etete ditu. Ditala, namba nyakamanya Gote doko katatona” lea.
409 GEN 17:11 Kepatami dokome, nambame nyakama-kisa pii yaki pilyo dake petae katata.
419 GEN 17:21 Kana kalyamano dakenyaka, ee kana mende omonya, Sarame wane Aisake mandita, doko-kisa nambame tenda pii lao yaki pituna” lea.
426 GEN 18:1 Gii mendepa, Abrakame kateamo dokonya Kamongo doko ipao panea. Etete kotaka dokonya, Mamarenya lepa ita balo makisa, Abrakame baanya sele anda kambu dokonya petea.
427 GEN 18:2 Pituu ulu kandalyiamopa, tengesa akali tepoma kalyu piamino kandea. Kandatala baa yapa kamaka pyakalyetala, akali dutupa mambo pyao lanyala pea. Pupala akali dutupanya enombanya luma lakapala, langalu yuunya sia.
430 GEN 18:5 Koto nyetaminopa, nyakamanya kalai akali namba katapu dokonya ipamini-lamo dokonya, nambame nee mendatupa nyepakatopa, nyakama napala, kyeto nyepala, nyakamanya patami dupanya pupale” lea. Dopa leamopa, nyakamame baa lamaiyoo, “Etete auu pyoo leeno, dopa pii” leami.
435 GEN 18:10 Dokopa, akali aiyomba joo epeamo dokome baa lamaiyoo, “Kana kalyamano dakenyaka, ee kana mende omonya, embanya etanenge Sara wane ane mende mandyuu setao, pititamopa ipatona” lea. Pii leambino dupa Sarame andaka kambusa pituu sia.
439 GEN 18:14 Namba Kamongo dokome dopale mende pyaanya nongo pingipi? Nambame gii setelyo dokonya, ee kana omonya, wane ane mende mandipatamopa, ipatona” lea.
440 GEN 18:15 Dokopa, Sara baa paka kaeyapala, yapae pyoo, “Nambame gii nakaeyalona” lea. Dopa leamoaka doko, Kamongome, “Kiningi, embame gii kaeyalenona” lea.
442 GEN 18:17 Dokopa, Kamongome masoo pituu, “Nambame mende Abrakame-kisa pituna leo doko pitoo lao masilyo. Baanya wanepi, palupi, dupame nambanya pii sepala, watao minao tolao katapenge. Baame nyakama mana lamaina lao, nambame baa yapao nyio. Baa tata dupa andake jetala, pupu lapae joo palitaminopa, yuunya endakali palitamino dupa pitaka nyakama-kisa nisepae nyetami. Nambame mende Sodomo-kisa pyaanya pelyo doko, Abrakameme sina lamaitoo” lao masia.
445 GEN 18:20 Dopa lao masetala Kamongome Abrakame lamaiyoo, “Taono Sodomo Gomorapi tange dupame koo pilyamino lapae sipu
447 GEN 18:22 Dokopa, Abrakame baa Kamongopa kateambinopa, akali dolapo Sodomo peambi.
448 GEN 18:23 Pateambinopa, Kamongonya enomba dokonya Abrakame katapala, baa tipa pyoo, “Embame endakali koo pingi dupa etasoo pyateno dokopa, tolatae katatamino dupa apata pyatepe?
451 GEN 18:26 Dokopa Kamongome baa lamaiyoo, “Sodomo tange endakali 50 tolatae katatamino kandato doko, dutupa masetala, nambame yuu doko mende napitoana” lea.
455 GEN 18:30 Dopa leamopa, deaka Abrakameme Kamongo lamaiyoo, “Akali Andake, embame namba imbu nakaeyape. Embame endakali 30 tolatae katatamino kandao doko, pyatepe?” “Nambame endakali 30 tolatae katatamino kandato doko, pyala naeyatona” lea.
458 GEN 18:33 Nyakamba pii lao etapala, Kamongo doko peamopa, Abrakame baa andaka pilyia.
463 GEN 19:5 Kakopatae katao dokaitame Lote lao wii lao, “Akali lapoma embanya andaka ipambino dolapo anja pilyambipi? Naimame dolapo elya pingi pimana, laminao kamaka pyakalya” leami.
465 GEN 19:7 Paii lanyetala dokaita lamaiyoo, “Kaimia paluma, mana kopeta dopale dupa kaeyalapa.
469 GEN 19:11 Kaita paii lanyetala, enjele dolapome wane kolepi, akali angipi, kamaka kateamino pitaka lenge minao iminjiambino dokome, nyakama kaita kutao kaeyami.
470 GEN 19:12 Dokopa enjele dolapome Lote lamaiyoo, “Taono dakenya mana koo tata longo pilyamino lapae Kamongome sepala, nalimbame taono dake koeyasala pupa laamo. Dokonya nalimbame yuu dake koeyasalanya pilyambano. Dopana, embanya enda wanepi, wanengenya lakuingipi, dupa lanyoo, yuu dake yakinao, paka puu” leambi.
472 GEN 19:14 Dopa lateambinopa, Lote kamaka pyakalyetala, baanya wanenge dolaponya lakuingi dolapo lamaiyoo, “Kamongome taono dake koeyasotoo lelyamona, nyakamba taono dake yapa yakinao, paka pupa!” lea. Pii leamo doko, male pyoo lelyamo lao masiambi.
474 GEN 19:16 Dopa leambinoaka doko, Lote nembo tele peteamopa, enjele dolapome Lotepi, etanengepi, wanengepinya kinginya minatae katao, taono yakinao kamaka peami. Kamongome Lote kondo kaeyamo dokonya, dopa piambi.
482 GEN 19:24 Dokopa Kamongome kana yuli taputa dupa kaitinya katao, taono Sodomo Gomorapa-kisa aiyuu joo kaii lao yangea.
485 GEN 19:27 Oo yongama wamba Abrakame sakatatala, wamba Kamongopa pii lao kateambino dosa pao katea.
492 GEN 19:34 Yuu gii mende dokonya wanaku mupa dokome kakingi kole doko lamaiyoo, “Kuakama nambapa tole palyambanona, indupa kuakama embapa tole palyepale, deaka waene longo nena maimbana. Dopa pitambano dokome, naima tata doko etala naeyao paliuwaka patamina” lea.
497 GEN 20:1 Abrakame baa Mamarenya lepa ita balo doko yakinatala, yuu Negepe pea. Pupala yuu Kadesapi, Suapi, kaina dokonya pao katea. Gii mendalapo katapala, baa pao taono Gera katea.
502 GEN 20:6 Dopa leamopa, Goteme, “Kiningi leeno. Embame nambanya enombanya koo napyaale lao, kaita lyokapu. Dopa pipu dokonya, embame enda doko yonge tole napyapi.
513 GEN 20:17 Wamba Abimelekeme Sara lanyiamo dokonya tenge latala, Kamongome Abimelekenya etanengepi, kalai endapi, dupa pitaka wane namandena lao, ingi kyeto jisia. Dopaka doko, Abrakameme Gote lao loma siamopa, Abimelekenya yaina doko etasepa, enda dupa dee wane mandena lao, ingi kaka seta pyakamaiya.
515 GEN 21:1 Kamongome wamba pii lao yaki piamoli pyoo, Sara minao auu pisia.
524 GEN 21:10 Kandatala Abrakame lamaiyoo, “Embanya moeya dupa pitaka nambanya ikiningi Aisakenya ikina, embanya kalai enda Eka ikiningi dokome embanya moeya dupanya mende nanyinana, lapota watao pyaa” lea.
547 GEN 21:33 Anelyapo pateambinopa, yuu Besiba dokonya ita kenge tamatesa lenge mende Abrakameme wai pyatala, dosa katao Kamongo Gote Kataowaka Katenge doko lao mambo pyao, loma sia.

295	GEN 11:28	Tera baa saka kateamopa, yuu andake Kalidia taono Uru, baa mandeamino yuu dokonya Arane kumia.
296	GEN 11:29	Kumateamopa, Abrame, Neopa lapota enda nyiambi. Abrameme Sarai nyia. Neome Arane wanenge Milika nyia. Milika baa Isika kakingi.
298	GEN 11:31	Terame baanya ikiningi Abrame, Arane ikiningi Lote, aeyange Saraipi, dupa pitaka lanyoo, yuu andake Kalidia taono Uru yakinao, yuu Kenane paanya peami. Pao taono Arane pyakamatala, dokonya kateami.
299	GEN 11:32	Kateaminopa, Tera baa ee kana 205 leamopa, taono Arane dokonya kumia.
300	GEN 12:1	Tera kumateamopa, Kamongome Abrame lamaiyoo, “Embanya yuupi, embanya tatapi, embanya takangenya puupi, dupa yakinao, nambame emba yuu mende laitaka pitu dokonya pupi.
303	GEN 12:4	Abrame baa ee kana 75 leamopa, Kamongome lamaiyamoliaka pyoo, Abrame, Lotepi, taono Arane doko yakineambi.
304	GEN 12:5	Baanya etanenge Saraipi, kaimininginya ikiningi Lotepi, pinju setao kateamino dupapi, Arane tange kendemane nyiamo dupa pitaka lanyoo, Kenane yuu dokonya paanya pea.
305	GEN 12:6	Peamo doko pao, yuu Kenane dokonya lepa ita andake katenge, yuu More dokonya pyakamea. More yuu doko taono Sekeme dokonya singi. Gii dokopa, endakali Kenane tange dupa yuu dokonya paleamiaka.
306	GEN 12:7	Kamongo doko Abrame kateamo dokonya ipupala lamaiyoo, “Embanya mandipaenya mandipae dupa yuu dake maituna” lea. Kamongo ipao paneamo yuu dokonya Abrameme kana toko mende petala, Kamongo doko kenge lea.
307	GEN 12:8	Dokonya katao baa taono Betele makisa yuu manda niki pyakaenge dokaita pea. Pupala taono Betelepi, taono Aiipi, lenge dolaponya kaina dokonya baanya sele anda pia. Abrameme yuu dokonya kana toko mende petala, Kamongo kenge lao mambo pia.
316	GEN 12:17	Maiyamoaka doko, Paraome Abramenya etanenge Sarai nyakamailyamo latala, Kamongome Paraopi, baanya palupi, yaina koo mende maiya.
319	GEN 12:20	Dokopa, Paraonya kalai akali dupame Abrame pena kandena lea. Kandatala akali dokaitame Abrame baanya endapi, palupi, oapipi, dupa pitaka nyoo, pakale pena leami.
323	GEN 13:4	Wamba kana toko piamo dokonya Kamongo lao mambo pia.
325	GEN 13:6	Kateaminopa, yuu dokonya tata longo doko pitaka tole katapenge nanjia.
326	GEN 13:7	Dopa piamosa, Abrame, Lotepanya kalai akali yangolapo imbu kaeyapae sakatea. Gii dokopa, Kenane tangepi, Peresa tangepi, dupa yuu dokonya paleamiaka.
329	GEN 13:10	Dopa lateamopa, Lote baa kandao aowali latala, Jodane duu taono Soa singi dokaita yuu lama-lama auu petae siamo doko kandea. Kamongome Sodomo Gomora koeyala naeyamopa, yuu doko Kamongonya ee jepae, dee yuu Injipi yale sia.
331	GEN 13:12	Abrame baa Kenane kateamopa, Lote baa Jodane duu lama-lama taono singi dupanya Sodomo makisa, sele anda petala katea.
332	GEN 13:13	Dokopa, Sodomo tange endakali dupame Kamongonya enombanya mana etete koeyapae dupa minao, baa maka pisiami.
333	GEN 13:14	Lote pateamopa, Kamongome Abrame lamaiyoo, “Emba kalyeno dosa katao, kingi koeyatenapi, tolaetenapi, niki pyakaengesapi, niki pambengesapi, kandao aowali laa.
337	GEN 13:18	Dopa lateamopa, taono Ibrone dokonya, akali Mamarenya lepa ita balo makisa dokonya, sele anda petala, Kamongonya kenge lao, kana toko mende pia.
338	GEN 14:1	Gii mendepa, Sodomo tange kiŋi Berapi, Gomora tange kiŋi Bisapi, Atama tange kiŋi Sinapapi, Seboma tange kiŋi Semebapi, dutupa Ilama tange kiŋi Kedolama dokome isia. Dee Bela tange kiŋi doko isoaka pia. (Taono Bela dokonya kenge mende doko Soa lenge.) Kedolama dokome ee kana 12 isoo katea. Ee kana 13 leamopa, baanya pii doko tanga leami. Ee kana 14 leamopa, kiŋi Kedolamame kiŋi waka tepoma yanda tole pingi dutupa lanyia. Dutupanya kenge dutupa: yuu Babilonia tange kiŋi Amarapelepi, yuu Elasa tange kiŋi Ariokopi, yuu Goima tange kiŋi Tidalapi, dutupa lanyia. Lanyepala kiŋi kitomende dutupame nyakamanya yanda pingi akali dupa lanyepala, taono Aseroto Kanaimi dokonya, akali Repaimi tata dupa pyao ita miniami. Dee maitapyao, taono Ame dokonya, akali Susa tata dupa pyao ita miniami. Ita minatala, yuu lama-lama taono Kititaimi tengesa dokonya, akali Eme tata dupa pyao ita miniami. Ita minatala, yuu Siya manda dokonya, akali Oro tata dupa, Elaparane yuu sapu dokonya watao pyasiami. Dokonya katao, dee kapilyetala, yuu Kadesa, kenge wambatae doko Ene Misapata lenge, dokonya pao pyakameami. Pyakamatala, akali Ameleke tata dokonya yuu andake dokopi, dee taono Asasone Tama dokonya, akali Amoa tata dupa pyao ita miniamiaka. Yanda doko pyoo ita minatala, Kedolamapi, baanya akali yanda pingi dutupapi pupala, kiŋi Sodomo tangepi, Gomora tangepi, Atama tangepi, Seboma tangepi, Bela tangepi, dutupa yanda pimaiya peami. Peaminopa, 5-pela kiŋi-pipa nyakamanya akali yanda pingi dutupa, yuu Sidimi lama-lama dokonya, yanda pyaanya kambu piami. Kambu pyatala, 5-pela kiŋi dutupame kiŋi kitomende dutupa yanda pimaiyami.
347	GEN 14:10	Yuu Sidimi lama-lama dokonya kolta petenge yuli longo singi. Kiŋi Sodomo tangepi, Gomora tangepi, dupa paka peaminosa, yuli dupanya mangeami. Dee yangi dupa mandale dupanya paka peami.
348	GEN 14:11	Kiŋi kitomende dutupame Sodomo Gomorapi tange dupanya nee pinjupi pitaka minambao, nyepala kaita peami.
354	GEN 14:17	Kiŋi Kedolama tata dupa Abrameme yanda pyoo ita minatala pilyiamopa, Sodomo tange kiŋi dokome, yuu lama-lama kenge Sape dokonya, baa kanja epea. (Sape dokonya kenge mende doko kiŋinya yuu lama-lama.)
355	GEN 14:18	Melekisedeke baa taono Saleme dokonya kiŋi, dee baa Ketae Kaitinya Gote dokonya pitisa, dokome betesa waenepi minao, Abrame maiya epea.
356	GEN 14:19	Melekisedekeme Abrame Gotenya kyeto doko dapa lao maiya: “Ketae Kaitinya Gote, yuu kaitipi wasingi dokome, emba minao etete auu pisina.
357	GEN 14:20	Embame yandapipili dupa yanda pimaipinopa, Ketae Kaitinya Gote dokome yanda doko pyoo ita minatale lao, emba nisipya. Dokonya, naimame baanya kenge doko minalyamana” lea. Dopa lateamopa, Abrameme baanya oapi dupa aopa lao, malu 10 mokosoo setapala, malu mendai Melekisedeke maiya.
359	GEN 14:22	Dopa leamopa, Abrameme baa lamaiyoo, “Kamongo, Ketae Kaitinya Gote, yuu kaitipi wasingi dokonya kengenya nambanya kingi minalyetala, nambame eteteaka kyeto joo, kiningi etete lelyo. Embame namba minao, kamongosiona latena, nambame embanya latae mende nanyotoo. Yakane tiki, setesa oapi tambuingipi, suu kendepi, mende nanyakalapo.
362	GEN 15:1	Gii mendatupa pateamopa, Kamongome Abrame lee mane-maneme pii lamaiyoo, “Abrame, namba embanya konambi, embanya nisingi akali andake joo kalyona, emba paka nakaeyape” lea.
363	GEN 15:2	Dopa leamopa, Abrameme pii yanu pyao, “Emba Dupa Pitakanya Kamongo, namba wane namandelyo dokonya, nambanya moeya dupa Eliesa Damaskesa tange dokome nyeta-lamona, embame namba aki mende ditipi?” lea.
365	GEN 15:4	Dokopa Kamongome Abrame lamaiyoo, “Embanya panda doko Eliesame nanyeta. Embanya manditi mendeme embanya panda doko nyetana” lea.
366	GEN 15:5	Dopa latala, baa lanyoo kamaka kolalyetala, “Kaitinya bui dupa itaki pyao kanda. Tenda embanya mandipaenya mandipae dupa dopa pitana” lea.
367	GEN 15:6	Kamongome kiningi lelyamo lao Abrameme masoo miniamo dokonya, baa tolataena lea.
368	GEN 15:7	Kamongome dee Abrame lamaiyoo, “Namba Kamongo dokome, Kenane yuu dake emba etete ditu latala, yuu andake Kalidia taono Uru dokonya katao lanyoo epeona” lea.
369	GEN 15:8	Dopa leamopa, Abrameme tipa pyoo, “Dupa Pitakanya Kamongo, nambame aipa petala yuu dake nambanya-lamo lao masotope?” lea.
370	GEN 15:9	Dokopa Kamongome baa lamaiyoo, “Embame bulumakao ina ee kana tepoma patae mendepi, meme ina ee kana tepoma patae mendepi, sipisipi maipa ee kana tepoma patae mendepi, yaka maiyolee lapoma-pipa minao namba dyaa ipupi” lea.
374	GEN 15:13	Dokopa Kamongome Abrame lamaiyoo, “Emba auu pyoo gii londe katapala kumatenopa, nyoo malu pitami. Gii mendatupa patatamopa, embanya mandipaenya mandipae dupa, yuu wakamanya dupanya, tisa kendemane kalai pyoo, ee kana 400 katatami. Katataminopa, yuu tange dupame nyakama minao koeyasetami. Dopaka doko, nyakama koeyasetami dupa nambame tanda maitu. Gii dokopa, akali Amoa tata dupame luiyao koo pitamino dupa andake jetamopa, embanya mandipaenya mandipae dupa pinju longo-pipa auu pyoo pilyina latona, embame masepe” lea.
379	GEN 15:18	Peamo dokome, Kamongome Abrame-kisa pii yaki piamo doko dapa lao pia: “Embanya mandipaenya mandipae dupa endaki Naele matesa katao ipao, endaki Yupretisa tuu lao nambame maitu.
380	GEN 15:19	Yuu doko akali tata Kene, Kenesa, Kadamona,
382	GEN 15:21	Amoa, Kenane, Gigasa, Jebusapi, dupanyana” lea.
384	GEN 16:2	Sarai baame Abrame lamaiyoo, “Kamongome namba wane mandipenge ingi kyeto jia-lamona, nambanya kalai enda doko ketae wane mandyuu nyotoo, emba baa-pipa palyepa” lea. Dokopa Abrameme baanya pii doko yakana lea.
385	GEN 16:3	Gii dokopa, Abrame Kenane yuu dokonya ee kana 10 katapeamopa, Sarainya kalai enda Eka Injipi tange dokopa, Abramepa, enda akalipa joo petena lao, nyoo maiya.
387	GEN 16:5	Dokopa Saraimi Abrame lamaiyoo, “Naimanya mana singili pyoo, nambanya kalai enda Eka embanya kinginya yakineo. Embame Eka mana nalapinosa, namba tanda nyilyo. Dokonya Kamongome embapa nambapa minao tolasinana” lea.
389	GEN 16:7	Paka pao yuu sapu Sua kaitinisa, endaki pete tombapae singi mendasa peteamopa, Kamongonya enjele mende epea.
391	GEN 16:9	Dopa leamopa, Kamongonya enjele dokome baa lamaiyoo, “Emba Sarai pitatasa pilyoo pupala, baanya pii watao minao pitipi.
396	GEN 16:14	Ekame kenge leamo doko masetala, endakali dupame endaki pete tombapae Kadesapa, Beretapanya kainanya singi doko kenge Bilaro lengema.
399	GEN 17:1	Abrame ee kana 99 leamopa, Kamongo doko ipupala, “Namba Gote etete pupu lapae doko. Emba nambanya enombanya auu pyoo tolao katape.
406	GEN 17:8	Yuu Kenane dakenya emba epapu tisa kalyeno. Dopaka doko, tanga yuu dake pitaka embapa, embanya mandipaenya mandipae dupa etete ditu. Ditala, namba nyakamanya Gote doko katatona” lea.
409	GEN 17:11	Kepatami dokome, nambame nyakama-kisa pii yaki pilyo dake petae katata.
419	GEN 17:21	Kana kalyamano dakenyaka, ee kana mende omonya, Sarame wane Aisake mandita, doko-kisa nambame tenda pii lao yaki pituna” lea.
426	GEN 18:1	Gii mendepa, Abrakame kateamo dokonya Kamongo doko ipao panea. Etete kotaka dokonya, Mamarenya lepa ita balo makisa, Abrakame baanya sele anda kambu dokonya petea.
427	GEN 18:2	Pituu ulu kandalyiamopa, tengesa akali tepoma kalyu piamino kandea. Kandatala baa yapa kamaka pyakalyetala, akali dutupa mambo pyao lanyala pea. Pupala akali dutupanya enombanya luma lakapala, langalu yuunya sia.
430	GEN 18:5	Koto nyetaminopa, nyakamanya kalai akali namba katapu dokonya ipamini-lamo dokonya, nambame nee mendatupa nyepakatopa, nyakama napala, kyeto nyepala, nyakamanya patami dupanya pupale” lea. Dopa leamopa, nyakamame baa lamaiyoo, “Etete auu pyoo leeno, dopa pii” leami.
435	GEN 18:10	Dokopa, akali aiyomba joo epeamo dokome baa lamaiyoo, “Kana kalyamano dakenyaka, ee kana mende omonya, embanya etanenge Sara wane ane mende mandyuu setao, pititamopa ipatona” lea. Pii leambino dupa Sarame andaka kambusa pituu sia.
439	GEN 18:14	Namba Kamongo dokome dopale mende pyaanya nongo pingipi? Nambame gii setelyo dokonya, ee kana omonya, wane ane mende mandipatamopa, ipatona” lea.
440	GEN 18:15	Dokopa, Sara baa paka kaeyapala, yapae pyoo, “Nambame gii nakaeyalona” lea. Dopa leamoaka doko, Kamongome, “Kiningi, embame gii kaeyalenona” lea.
442	GEN 18:17	Dokopa, Kamongome masoo pituu, “Nambame mende Abrakame-kisa pituna leo doko pitoo lao masilyo. Baanya wanepi, palupi, dupame nambanya pii sepala, watao minao tolao katapenge. Baame nyakama mana lamaina lao, nambame baa yapao nyio. Baa tata dupa andake jetala, pupu lapae joo palitaminopa, yuunya endakali palitamino dupa pitaka nyakama-kisa nisepae nyetami. Nambame mende Sodomo-kisa pyaanya pelyo doko, Abrakameme sina lamaitoo” lao masia.
445	GEN 18:20	Dopa lao masetala Kamongome Abrakame lamaiyoo, “Taono Sodomo Gomorapi tange dupame koo pilyamino lapae sipu
447	GEN 18:22	Dokopa, Abrakame baa Kamongopa kateambinopa, akali dolapo Sodomo peambi.
448	GEN 18:23	Pateambinopa, Kamongonya enomba dokonya Abrakame katapala, baa tipa pyoo, “Embame endakali koo pingi dupa etasoo pyateno dokopa, tolatae katatamino dupa apata pyatepe?
451	GEN 18:26	Dokopa Kamongome baa lamaiyoo, “Sodomo tange endakali 50 tolatae katatamino kandato doko, dutupa masetala, nambame yuu doko mende napitoana” lea.
455	GEN 18:30	Dopa leamopa, deaka Abrakameme Kamongo lamaiyoo, “Akali Andake, embame namba imbu nakaeyape. Embame endakali 30 tolatae katatamino kandao doko, pyatepe?” “Nambame endakali 30 tolatae katatamino kandato doko, pyala naeyatona” lea.
458	GEN 18:33	Nyakamba pii lao etapala, Kamongo doko peamopa, Abrakame baa andaka pilyia.
463	GEN 19:5	Kakopatae katao dokaitame Lote lao wii lao, “Akali lapoma embanya andaka ipambino dolapo anja pilyambipi? Naimame dolapo elya pingi pimana, laminao kamaka pyakalya” leami.
465	GEN 19:7	Paii lanyetala dokaita lamaiyoo, “Kaimia paluma, mana kopeta dopale dupa kaeyalapa.
469	GEN 19:11	Kaita paii lanyetala, enjele dolapome wane kolepi, akali angipi, kamaka kateamino pitaka lenge minao iminjiambino dokome, nyakama kaita kutao kaeyami.
470	GEN 19:12	Dokopa enjele dolapome Lote lamaiyoo, “Taono dakenya mana koo tata longo pilyamino lapae Kamongome sepala, nalimbame taono dake koeyasala pupa laamo. Dokonya nalimbame yuu dake koeyasalanya pilyambano. Dopana, embanya enda wanepi, wanengenya lakuingipi, dupa lanyoo, yuu dake yakinao, paka puu” leambi.
472	GEN 19:14	Dopa lateambinopa, Lote kamaka pyakalyetala, baanya wanenge dolaponya lakuingi dolapo lamaiyoo, “Kamongome taono dake koeyasotoo lelyamona, nyakamba taono dake yapa yakinao, paka pupa!” lea. Pii leamo doko, male pyoo lelyamo lao masiambi.
474	GEN 19:16	Dopa leambinoaka doko, Lote nembo tele peteamopa, enjele dolapome Lotepi, etanengepi, wanengepinya kinginya minatae katao, taono yakinao kamaka peami. Kamongome Lote kondo kaeyamo dokonya, dopa piambi.
482	GEN 19:24	Dokopa Kamongome kana yuli taputa dupa kaitinya katao, taono Sodomo Gomorapa-kisa aiyuu joo kaii lao yangea.
485	GEN 19:27	Oo yongama wamba Abrakame sakatatala, wamba Kamongopa pii lao kateambino dosa pao katea.
492	GEN 19:34	Yuu gii mende dokonya wanaku mupa dokome kakingi kole doko lamaiyoo, “Kuakama nambapa tole palyambanona, indupa kuakama embapa tole palyepale, deaka waene longo nena maimbana. Dopa pitambano dokome, naima tata doko etala naeyao paliuwaka patamina” lea.
497	GEN 20:1	Abrakame baa Mamarenya lepa ita balo doko yakinatala, yuu Negepe pea. Pupala yuu Kadesapi, Suapi, kaina dokonya pao katea. Gii mendalapo katapala, baa pao taono Gera katea.
502	GEN 20:6	Dopa leamopa, Goteme, “Kiningi leeno. Embame nambanya enombanya koo napyaale lao, kaita lyokapu. Dopa pipu dokonya, embame enda doko yonge tole napyapi.
513	GEN 20:17	Wamba Abimelekeme Sara lanyiamo dokonya tenge latala, Kamongome Abimelekenya etanengepi, kalai endapi, dupa pitaka wane namandena lao, ingi kyeto jisia. Dopaka doko, Abrakameme Gote lao loma siamopa, Abimelekenya yaina doko etasepa, enda dupa dee wane mandena lao, ingi kaka seta pyakamaiya.
515	GEN 21:1	Kamongome wamba pii lao yaki piamoli pyoo, Sara minao auu pisia.
524	GEN 21:10	Kandatala Abrakame lamaiyoo, “Embanya moeya dupa pitaka nambanya ikiningi Aisakenya ikina, embanya kalai enda Eka ikiningi dokome embanya moeya dupanya mende nanyinana, lapota watao pyaa” lea.
547	GEN 21:33	Anelyapo pateambinopa, yuu Besiba dokonya ita kenge tamatesa lenge mende Abrakameme wai pyatala, dosa katao Kamongo Gote Kataowaka Katenge doko lao mambo pyao, loma sia.