23214	MAT 1:1	Jiquio esohui etehueꞌyo Jesosa Quitoja etiiquiana. Yahuajo jama poa baꞌa: Dabi Jesosaja etiiquiana poa, Amajama peaꞌai.
23219	MAT 1:6	Isaija bacua emeshi mese Dabi poa. Dabija bacua Sanomoni bajjani poa. Sanomonija enaese eꞌahuemano poa, Oniaja quijjojea, Dabija huanaꞌyo poa.
23230	MAT 1:17	Jamajjeya Amajamaja bacua ejja tii majje jea ca poa pea. Majoya tii majje ohuaya pea jea ca poa. Jamaya aca poquiapoquia poa. Quijje nei etiiquiana Dabi cuaya poa. Etiiquiana Amajamaja jeaja osecua cuana 14 poa Dabi cuaya jjimahuajo. Majoya oya jayojja Dabija bacua ejja tii majje jea ca poa pea. Tii majje ohuaya pea jea ca poa. Quijje nei Dabija osecuaja jeaja osecua cuana 14 po majje, dejja mase cuaa etiiquiana cuana Babinonia meshi yasijje dojo ca poa. Majoya Babinonia meshi yasijje poqui majje oya jayojja aca poquiapoquia poa. Majoya quijje nei Jesosa Quito cuaya poa Joseja tii mee. Ma etiiquinaja jeaja osecua cuana 14 poa Jesosa Quito cuaya jjimahuajo. Eꞌe, jamaya poa.
23262	MAT 3:1	Jesosa Nasanenajo baꞌyanijo, Huani, ona besameejji poani poeyanaje Jodea meshi yasijje. Dejja cuana meshi jabojo anica huasijje sohuihuohui huichaꞌa huichaꞌa canaje Huaniya. Jama acanaje baꞌa:
23271	MAT 3:10	—Jama baꞌa: Acui tai sajja jajacajja cajeꞌyo cuaqui cabojjiya. Ejjajja chamajo acui cajaa acajeꞌyo. Jajajeaꞌyo majje dahuajea cajeꞌyo. Dejja mimishi acui tai jayojja jama acajeꞌyo Eyacuiñajjiya; cuaqui yasijje jea cajeꞌyo.
23273	MAT 3:12	Dejjaa oja tepeya shaa dojo mee majje anoso iya caꞌyani equijo; eshaa dahuajea cani. Jiquio ecua anoso shaa dojo mee cani jama eseya acajeꞌyo Eyacuiñajjiya. Joya quea pame nee baꞌyani jaahuana cajeꞌyo tii. Mimishi cuana ca ca quiyojea canequijeꞌyo tii tii.
23282	MAT 4:4	—Chojja de. ¡Bacue Eyacuiñajjija esohui etehueꞌyo! Jama poani baꞌa: “Dejja cuana bobijo caꞌa po majje pojjeama baꞌe tiitiijeꞌyo. Ojjaña Eyacuiñajjija esohui jayojja jama añajo ca se ca quea pame nee baꞌe tiitiijeꞌyo”. Jamaya aca poa —jamaya Jesosa poanaje.
23304	MAT 5:1	Dejja quea huiso cuana ba majje Jesosa eyiyo huasijje jaasohua pishanaquinaje.
23331	MAT 5:28	Jjeya ecuea esohui eyacua shajjaꞌajjacue jama baꞌa: Dejja pea eponajo jjashahuabaquianijo oya pea cojjojji epojji jayojja jama poani, ojaya ejjashahuabaquiꞌyojjijo; quea mimishi poani.
23334	MAT 5:31	—Moisesija etehueꞌyo jama poa peaꞌai baꞌa: “Dejjaa ojaya ehuanase cajaa acajo, huei canijo ¡esohui catehue cahua ehueijji!”
23344	MAT 5:41	Dejja maseya miya iña cajje ojaya aquiana quea huesha pishana dojo mee cajo, ¡quea huesha nee dojocue, jamatii!
23400	MAT 7:15	Jesosa jama poanaje peaꞌai baꞌa: —¡Esohui huohuijji nishoja esohui aꞌa shajjaꞌajjajji! Dasia ca chanaꞌ mi. Mi que poeje jjapee nishoquiya. Oya cuana quea bei jayojja poeꞌani. Cho, quea bei pojjeama. Aquiana quea mase jama poani oya cuana.
23446	MAT 8:32	—Eꞌe, ¡poquicue cuichi cuana huasijje! ¡Dobiquicue! —Jesosa poanaje. Jamajjeya dejja cuana jeananaꞌyo majje eshahua cuana cuichi cuana huasijje dobiquinaje, ojjaña. Dobiqui majje cuichi cuana cuajicuaji jaaoquequinananaje. Bae quea sahua doe nee nee yasijje cuichi cuana huiꞌiꞌyonaje, ojjaña.
23451	MAT 9:3	Jesosaja esohui shajjaꞌajja majje Moisesija etehueꞌyo huohuijji poani cuana quenequenenaje. Jjashahuaba taiquinaje jama baꞌa: —¡De! Jiquio oya Eyacuiñajji pojjeama. ¿Apiojji Eyacuiñajji jayojja jama nei nei mimiani, de? Jamaya quea mimishi.
23471	MAT 9:23	Majoya Jesosa equi jaahuanajjija equi yasijje poquinaje. Dobiquinaje. Ba cañaquinaje quea huiso dejja cuana, ponaña peaꞌai equijo nequi. Epona shoꞌi emanoꞌyojo ojee paꞌani. Ojjaña quea shajjaquijjo poani. Dehue mia cani emojeaꞌyojjijo peaꞌai.
23475	MAT 9:27	Quijje pishana Jesosa ma equijo ani cuayaquiꞌyonaje. Ejiojjijje poquianijo beca dejja o quiquishijji poquinaje, cojjamaꞌ cuana. Taaanaje jama baꞌa: —Jesosa, miya emeshi mese Dabija bacua. ¡Ecuanajo jjashahuabaquicue! ¡Cojjajji mo po meeꞌyocue!
23484	MAT 9:36	Dejja cuana quea huiso nee nee jjachichaquinaje o que. Jesosaa oya cuana ba canaje ñajjajja jama. Ejaahuanajji quea pame chamajo ñajjajja nequi mee ajja quea pame nee. Jamaya ojjaña cuana quea yeno poani; ebaꞌejji quea camaja baꞌyani, ejaahuanajji quea pame chamaꞌ peaꞌai, de. Jamajjeya Jesosa ojjañajo quea yeno poanaje.
23485	MAT 9:37	O shajjaꞌajjajji cuana nijje miminaje dejja cuanajo. Jama poanaje Jesosa baꞌa: —Anoso quejo jahua majje echacojji cuanaa cachicha cahua. Dejja cuana anoso jahuajahua jayojja jama, quea huiso nee nee. Eꞌe de, jjeya ojjaña cuana jjashahuabaquiani eꞌe jojo nei epojji; shajjaꞌajja caje eya Emeshi Mese nei poeyanaje o jaahuanaa. Jamatii oe pojji Eyacuiñajjijo chaco sa poani. ¿Aya acuae oya cuana jjabahuejjaqui mee cajeꞌyo Eyacuiñajjijo?
23491	MAT 10:5	Jamajjeya Jesosaa jiquio 12 huoojea canaje onijje chacohua. Jamaya huohui canaje: —¡Aꞌa poquijji Jodio dejja pojjeama cuanaja meshi yasijje! ¡Dejja cuana Samania meshijo baꞌe cuana huasijje peaꞌai aꞌa poquijji jjeya!
23494	MAT 10:8	¡Emanojaa cuana jjaajaqui meeꞌyocue! ¡Emanoꞌyo cuana shequi mee oꞌoyacue! ¡Dejja batata epoꞌyo cuana jjajeaqui meeꞌyocue peaꞌai! ¡Eshahua cuana dejja cuana huasijje dobiquiajo huoojeacuayajeaꞌyocue peaꞌai! Eyaya miquianaya huaquia meesahuaña pea dejja cuana sosemaꞌ. Jamajjeya ¡pea cuana quea bihui nee oe huaquia meeꞌyocue sosemaꞌ!
23505	MAT 10:19	Dojo majje huohuiꞌajja caje jama baꞌa: “¿Ae poani miquianaya?” Jamaya acajje ¡aꞌa quea mete pojji! Aꞌa jjashahuabaquijji jama baꞌa: “¿Ae shai eyaya huohuije?”
23507	MAT 10:21	—Eꞌe, quijje pishana dejja cuana, ponaña peaꞌai quea mase nee poaje ecuea epeejji cuana nijje. Jamajjeya eꞌoꞌi mese oja chahua iña meesahua cajeꞌyo onajaya equecuaꞌyojji. Ejeajji cuaa jamaya acajeꞌyo oja bacua. Ebacua cuana shajjamaꞌ poaje. Dejja mase oja chii, oja enaese pojjaꞌa iña mee cajeꞌyo equecuaꞌyojji.
23509	MAT 10:23	Dejja cuaa oe cuiñajjijo baꞌeya miquianaya janobajjima napa cajo, ¡poquicue pea cuiñajji yasijje! Eyaya miya eꞌe jojo nei huohuiaña: Ojjaña Jodio dejja cuanaja cuiñajji cuana huasijje poqui jjimahuajo, ojjaña cuana huasijje ecue sohui huohui jjimahuajo peaꞌai eya, ojjañaja Edoe Mese poeje oꞌoya —Jesosa poanaje.
23511	MAT 10:25	Echacojji poani o chacomeejji nijje chacochacoanijo, pea cuaa echacomeejji napa cajo, echacojji poani peaꞌai napa caje cuaa. ¿Aꞌa eꞌe? Dejja mimishi cuana ejo siajje poanaje jama baꞌa: “Miya Edosiquiana Meesemo bajjani”. Jamaya enijje quea tai mimijajianijo quijje quea tai nee nee mimijajije minijje ecuea epeejji poani jojoya. Jamajjeya miya e jayojjaya acajeꞌyo; ¡jamatii quea bihui nee pocue! —Jesosa poanaje.
23524	MAT 10:38	Eyaya Eyacuiñajjija esohui huohuiañajo, pea cuana enijje quea quene poajeꞌyo. Dejja mimishiya enapa ca poani jjejojo enijje mi jjapeequiani. Ojjaña joya e jayojjaya baꞌe sa po ajja ecuea epeejji pojjeama. Eꞌe, jiquio ecua acui ecueataꞌapee quea camaja eꞌabojji jama jayojja enijje jjapeequiyajo quea camaja poaje.
23525	MAT 10:39	Dejja mimishi cuaa ecuea epeejji quecua ca chanaꞌ. Jamajjeya quea mete nee neejo enijje jjapeequi sa po ajja. Cuaqui yasijje dobiquijeꞌyo tiitii. Joya enijje jjapeequiani ca ca dejja mimishi cuaa quecua cajeꞌyo pojjaꞌa. Jamatii. Manoꞌyo majje enijje baꞌe tiitiijeꞌyo quea pame nee eyajo —Jesosa poanaje.
23530	MAT 11:2	Yahuajo pea dejja cuaa Huani iña ca poa, ma ona besameejji poa. Dejja maseja equi ejjajeanobiaquijji yasijje jeanobiajea ca poa, emeꞌ jeyoꞌyo. Ejeanobiajaaa Huaniya shajjaꞌajja canaje onaja ehuohuiꞌyo Jesosajo. Jamajjeya o shajjaꞌajjajji cuana huoojea canaje Jesosa que.
23533	MAT 11:5	“Huani, Jesosaa cojjamaꞌ cuana quea cojja jaꞌa po mee caꞌyani. Jiojjijjajja jeo mee caꞌyani. Dejja batata epoꞌyo cuana jjajeaqui mee caꞌyani. Shajjaqueba peaꞌai quea shajja jaꞌa po mee caꞌyani. Emanoꞌyo cuana shequi mee caꞌyani peaꞌai. Esohui quea pame nee huohui caꞌyani ojjaña dejja quea yeno huasijje”.
23536	MAT 11:8	Miquianaya Huani que poquinaje ¿ae baa? ¿Aꞌa dejjaja daqui quea nahue nee ehuosho baꞌe banaje? Chojja. Dejjaa daqui quea nahue nee huosho cani equi quea quemojo baꞌeya.
23547	MAT 11:19	Eya ojjaña cuanaja Edoe Mese poeyanaje. Eya ca jja ca ijjiaꞌijjiani; ojjaña nijje mimimimiani. Jamajjeya miquianaya ejo siajje poani jama baꞌa: “¡Bacue jiquio dejja Jesosa! Oya jejje ajja tii. Dejja mimishi nijje jjapeequiani, bejjo chichajji cuana nijje peaꞌai, de”. Jiquio ecua eshoꞌiquiana pea nijje jjapeequi sa po ajja jama jayojja miquianaya ecuana nijje jjapeequi sa po ajja. Miquianaya jjashahuaba quehuaquiani Huanijo, ejo peaꞌai. Jamatii ecuanaa Eyacuiñajjija ejjashahuabaquijjijo quea jaꞌa nee jayojja jama añajo ecuanaa quea pame nee aña —Jesosa poanaje.
23561	MAT 12:3	Jesosaa oya cuana sajaꞌa canaje jama baꞌa: —¿Aꞌa miquea ba jjima esohui etehueꞌyo emeshi mese Dabija?
23610	MAT 13:2	Majoya o que jjachichaquinaje dejja cuana quea huiso nee nee. Jamajje bishe yasijje nequisohuaqui majje anioquenaje esohui huohuiya. Dejja cuana meshijajijo aninaje.
23636	MAT 13:28	—Echacojji meseya sajaꞌa canaje: “Eꞌe, quea pame poanaje. Dejja quea mimishiya quehuajje jeaajaqui canaje sipone soꞌ ecuea quejo, de” poanaje. —Echacojji cuaa huohuiꞌajja canaje: “¿Aꞌa sipone chiyojeajeꞌyo?”
23644	MAT 13:36	Majoya Jesosaa —Poquia iña —acanaje dejja cuana. Bishejo ani cuayaquiꞌyo majje poquinaje equi yasijje. Dobiqui majje o shajjaꞌajjajji cuana o que poeyanaje. Huohuiꞌajja canaje: —Jesosa, ¡ba meesahuacue ehuohuiꞌyo siponejo! Maya ecuanaja quea quehua.
23653	MAT 13:45	—Eyacuiñajjija esohui ojaya epeejji cuanajo jama peaꞌai baꞌa: Dejja aquiana nahuejjiya saꞌajja tiitii canaje mei sisi siyosiyo copocopo quea nahue nee.
23657	MAT 13:49	Jamaya poaje e poe oꞌoyajo. Esohuidojojji cuana poeje; Eyacuiñajjija epeejji cuana ojjaña quea pame baꞌe chicha cajeꞌyo. Dejja mimishi cuana ca ca jeajea cajeꞌyo cajaajojo.
23681	MAT 14:15	Siniajo Jesosa que poe majje o shajjaꞌajjajji cuaa huohui canaje jama baꞌa: —Jesosa, sinia coma, de. Jiquiojo chamaꞌ equi, chamaꞌ bobi peaꞌai. ¡Dejja cuana huoojeacue cuiñajji sisi cuana huasijje oja bobi jjesheya!
23701	MAT 14:35	Dejja cuanaja jomajo baꞌeja Jesosa eba poanaje yahuajo. Jamajjeya oya ba oꞌoya majje ojjaña cuana iyaa meequi canaje Jesosa que. Jamajjeya ojjaña emanojaaca cuana Jesosa que ye canaje.
23707	MAT 15:5	Miyaya ca ca jama huohui taime yaña baꞌa: “Dejja oja chii etii nijje, oja nae etii nijje pojjaꞌa mimije jama baꞌa: “Eyaya miya ebaꞌe meesahuajji pojjeama. Chojja, eyaya ecuea aquiana Eyacuiñajji yasijje quiaña o bihuiajji”.
23724	MAT 15:22	Jomajo poquiani oe Cananea epona ma meshijo baꞌe o que poeyanaje. Oya Jodio pojjeama. Jamatii ejiojjijje poquije taaa majamaja poquinaje: —Emeshi Mese nei, Dabija osecua, ¡ejo jjashahuabaquicue! Ecue bacua piona quea sapa niñe jaa. Quea nee nee poani, quea mano.
23754	MAT 16:13	Majoya Jesosa Pinipo meshi yasijje poquinaje. Sesanea huasijje poquijeya o shajjaꞌajjajji huohuiꞌajja canaje Jesosaa: —Dejja cuana acuae jja ¿yajja poani ejo, ojjañaja Edoe Mesejo? ¿Aꞌya cuae eya?
23758	MAT 16:17	Jamajjeya Jesosaa oya jama acanaje baꞌa: —Simohui, Jjonaja bacua, ¡quea bihui nee pocue! Ecue Chii eyajo aniya miya ba meesahua cani eya oja huoojeaꞌyo ojjaña jaahuanajji. Dejjaa pojjeama miya ba meesahua cani, de.
23786	MAT 17:17	Jesosaa ojjaña cuana acanaje: —¡De! ¿Ache shono acuae jja nequiana ejo jjashahuabaquije eꞌe jojo nei? Quea sapa caꞌa mi coma. ¿Ache cahui huiso minijje nequi majje miyaya eya bajeꞌyo Eyacuiñajjija huoojeaꞌyo ojjaña jaahuanajji quea caꞌa nee nee? ¡Miquea ebacua ejja e que jjequicue!
23796	MAT 17:27	Jamatii oya queneꞌama epojji ejjasosequiaquijji. ¡Poquicue miya bae yasijje! ¡Joya ebionei ijjia caje oe jjequiquiayacue! ¡Oja nabajo baꞌe oe bacue ejjeshejji quea sose huiso nee nee, ejo, mijo peaꞌai esosequiaꞌyojji! ¡Dojocue! ¡Bejjo chichajji poani yasijje quiacue! “Maꞌaje esohui huohuijjija, ecuea peaꞌai” acue —Jesosa poanaje.
23841	MAT 19:10	—¡De! Jamajojoya eseya jjahuanaqui ca ajja. Jamatii shacuimaꞌ nequi cajji ojjaña eseya cuana. —o shajjaꞌajjajji poanaje.
23857	MAT 19:26	Cojja ba neinei canaje Jesosaa. Huohui canaje: —Dejjaa jamaya amee ajja tii. Eyacuiñajjiya oe neiya ojjaña acani. (Eyahuasijje dobiqui mee cani peaꞌai joya quea aquiana huiso nee) —Jesosa poanaje.
23867	MAT 20:6	Eshequi ejjajeapaaquijo peaꞌai poqui oꞌoyanaje. Dejja cuana chacochaco jjima ani ba canaje. “¿Apiojji acuae mi chacochaco jjima ani?” acanaje eꞌacuijjajja meseya.
23891	MAT 20:30	Becanejjijji peaꞌai cojjamaꞌ ejiojji sahuajo eꞌanioque ani. Jesosa shajjaꞌajja canaje poeje. Taaa neineinaje cuana: —Jesosa, miya emeshi mese Dabija osecua. ¡Ejo jjashahuabaquicue quea yeno! —taaanaje.
23892	MAT 20:31	—¡Aꞌa oe taaa majajji! ¡Esohui oe caꞌacue! —acanaje cuaa. Jamatii taaa neineinaje cojjamaꞌ cuana: —Jesosa, Dabija osecua, ¡ejo jjashahuabaquicue!
23897	MAT 21:2	Jama poanaje baꞌa: —¡Poquicue Mepaje yasijje! ¡Dobiqui majje mapichi sisi, ebacua shoꞌi ai nijje ejeyo nequia nequi bañaquicue! ¡Ba majje, picho majje yecue e que!
23902	MAT 21:7	Mapichi sisi bacuajji dojo canaje. Daqui ao cuana mapichi sisija bacuaja daasaꞌ biajje iya canaje. Jesosa anisohuaquinaje mapichija bacua shoꞌi aija daasaꞌ biajje.
23904	MAT 21:9	Ojjaña ehui dojojji poquije, Jesosa quishishijji poquije peaꞌai taaaca poquinaje quea bihui nee nee: —Eꞌe Jesosa, emeshi mese Dabi yahuajo baꞌe miquea etiiquiana. Mi poeyajo ecuana quea bihui nee nee. Quea pame nee nee miya, Jesosa. ¡Eyacuiñajji eyajo aniya miya cajaahuana cahua! ¡Eyacuiñajji cabihuia cahua, ojjañaa!
23907	MAT 21:12	Quijje pishana Jesosa ojjaña cuana nijje Eyacuiñajjija equi yasijje poqui oꞌoyanaje. Dobiquinaje. Aquiana quiajji poani Eyacuiñajjija equijo nequi cuana huoojeacuayajea canaje Jesosaa, aquiana jjeshe poequi peaꞌai. Aquiana cuana jjahuojjojeajeaqui canaje; bejjo, pea bejjo sosejje quia cani cuanaja bejjo nequijji cuana jeapajjajea canaje; huiaꞌ quiajji peaꞌaija huiaꞌ nequijji cuana jeabichajea canaje:
23915	MAT 21:20	Quijje pishana acui esajjaiꞌyo ba majje o shajjaꞌajjajji cuana jjajjasoaquinaje: —¡De! ¡Jjeya nei ca ca sajjaiꞌyonaje! —poanaje.
23921	MAT 21:26	Shajjaꞌajja majje Jodio cuana ojee mimimiminaje: —¿Yajja sajaꞌame shai eseya aje soꞌo, de? Quea mete ojjaña dejja cuanajo. Ojjañaa ba cani Huani Eyacuiñajjiya huoojea canaje esohui huohuiya. Jamajjeya: “Dejjaa Huani huoojea canaje” eseya ajje se jajahuejjajea ca chanaꞌ meiya. “Eyacuiñajjiya Huani huoojea canaje” eseya ajje aje se oe jama acaje baꞌa: “Jamajje, ¿apiojji miyaya Huani shajjaꞌajja jjima aña?” Jesosaa acaje.
23927	MAT 21:32	Eꞌe, Huani, ma ona besameejji poa yahuajo nei poeya poa miquiana ba meesahuaa. Huohui ca poa jama baꞌa: “¡Miquea mimishijo quea yeno pocue! ¡Mimishi cuana pajeaꞌyocue Eyacuiñajjija esohui jama ebaꞌejji, onijje ejjapeequijji!” Huani poa. Miquianaya aje oe Huani shajjaꞌajja sa po ajja poanaje. Dejja mimishi cuana, epona quea mimishi cuanaya ca ca shajjaꞌajja majje: “Eꞌe, ¡Eyacuiñajji nijje ejjapeequi, mimishi cuana ejjapajeaquiꞌyo!” poanaje. Ma ba majje jamatii miquianaya jjashahuabaqui jjima, Eyacuiñajjija esohui jama a sa po ajja tii poanaje —Jesosaa acanaje Jodio etii cuana.
23940	MAT 21:45	Jesosaja esohui shajjaꞌajja majje Moisesija etehueꞌyo huohuijji cuana, Eyacuiñajji nijje emimijji etii cuana peaꞌai quea quene nee poanaje: —¡De! Ecuanajo oya mimiani, equi yamajjanajo pojjeama. Eseya que jaahuanajji quea mimishi jayojja peaꞌai ohuaya acani —poanaje Jodio cuana.
23951	MAT 22:10	—Jamajjeya poquinaje. Ojjaña cuana iyaa canaje; dejja quea pame, dejja quea mimishi cuanaya. Quea huiso poeyanaje. Dobiquinaje. Equi cuio canaje. Chamaꞌ pea eꞌanijji poanaje.
23965	MAT 22:24	—Esohui huohuijji, Moisesiya jama tehue ca poa yahuajo nei nei baꞌa: “Dejja ejjahuanaqui, bacuamaꞌ manoꞌyajo, oja chahuaa ehuanase equijjojea ani cahuana caꞌyahua, oja oꞌija bacua jea jayojja jama epojji”. ¿Aꞌa eꞌe?
23976	MAT 22:35	Majoya Jesosa que poe oꞌoyanaje Paniseo cuana. Dasiaꞌyohua nisho Moisesija etehueꞌyo huohuijjiya huohuiꞌajja canaje jama baꞌa:
23983	MAT 22:42	—¿Yajja huohuime acuae nequiaa aña Eyacuiñajjija huoojeaꞌyo dejja jaahuanajjijo Quitojo? ¿Ache etiiquianaja osecua oya? —Quito emeshi mese Dabija osecua, ma yahuajo baꞌya poaja —acanaje Paniseo cuaa.
23984	MAT 22:43	—Jamajjeya ¿yajjajje acuae Eyacuiñajjija Edojjoshahua Pameya emeshi mese Dabi jama amee ca poa yahuajo baꞌa: “Eyacuiñajjija huoojeaꞌyo ojjaña jaahuanajji Quito ecuea Emeshi Mese nei”? Yahuajo nei Dabiya jama huohui ca poa peaꞌai baꞌa:
23985	MAT 22:44	“Eyacuiñajjiya ecuea Emeshi Mese Quito jama aca poa: —¡Enijje anioquecue ebianei mijijje ojjaña cuana huoojeaꞌyojji! Eyaya mi quecuajji nisho epo jeabichajea jeyojeyojeꞌyo”. Jamaya huohui ca poa yahuajo Dabiya ejo.
23986	MAT 22:45	Eꞌe, Dabiya Eyacuiñajjija huoojeaꞌyo Quito aca poa “Ecuea Emeshi Mese”. Jamajjeya Quito Dabija Emeshi Mese nei poani. Jamatii oya Dabija osecua peaꞌai, de —Jesosaa acanaje—. Eya, Eyacuiñajjija huoojeaꞌyo, dejjaja jea pojjeama; Eyacuiñajjija Bacua Ejja. Jamajjeya eya ojjañaja Emeshi Mese nei.
23991	MAT 23:4	Eꞌe, jamaya poani baꞌa: Dejjaa aquiana quea biquie abo mee cani pea dejja. Jamatii huanasohua sahua ajja, de, quea mimishiya jjejojo. O jayojja Jodio esohui huohuijjiya pea cuana baꞌe meesahua ajja Eyacuiñajjija etehueꞌyo jama —Jesosa poanaje.
23992	MAT 23:5	—Quea pame poso oya jjabaquiani onaja ebihuiajji: “Eꞌe de, oya esohui huohuijji quea pame nee” epo meejji acani. Jamajjeya esohui etehueꞌyo quea quemo jjasapahuahuo iyaquiani, aa huahuo peaꞌai ojjañaja ebajji. Daqui quea pame nee nee, quea ao nee huosho cani ojjañaja ebajji peaꞌai.
24038	MAT 24:12	Dejja cuana shajjamaꞌ jayojja po majje emeshi mese cuana shajjaꞌajja sa po ajja poajeꞌyo. Jamajjeya pea cuana botiꞌama poajeꞌyo.
24041	MAT 24:15	—Eyacuiñajjija esohui huohuijji Dañeniya yahuajo nei huohui ca poa jama baꞌa: “Quijje Eyacuiñajjija equijo nequije aquiana quea tai nee nee, ojjaña quea mete nee nee epo meejji”.
24050	MAT 24:24	Eꞌe, Eyacuiñajjija huoojeaꞌyo ojjaña jaahuanajji e jayojja nisho, Eyacuiñajjija esohui huohuijji nisho peaꞌai poeje quea huiso nee nee. Ohuaya ma pea dejjaa ajjima acani acajeꞌyo Eyacuiñajjija epeejji cuana dasiaꞌyojji nisho. Dasia cajeꞌyo quea huiso nee; ecuea epeejji nei peaꞌai beshahua nei eya pajea mee cajeꞌyo o jayojja epojji; chojja, jjadasia meequi ajja.
24062	MAT 24:36	¿Ache shono shai jamaya poaje, ojjaña apoa poajeꞌyo? Dejja cuanaja ba jjima; esohuidojojji cuanaja ba jjima peaꞌai; ecuea ehuohuijji pojjeama. Ecue Chiija eba ojaye nei. Ohuaye nei huohui cajeꞌyo ojjaña apoa epoꞌyojji —Jesosa poanaje.
24087	MAT 25:10	—Jocuama o poquiahuajo, shacuimaꞌ nequi poeyanaje. Ojjaña dobiquiꞌyonaje, joya apoa epo, o jjahueaquijji equi yasijje. Dobiqui majje esecue caꞌa canaje.
24106	MAT 25:29	Eꞌe, joya hueaꞌama poani aquiana cuana quia caje cuaa. Dejja aemaꞌ quea hueaja aquiana ojjaña jjesheꞌyo majje dojo cajeꞌyo cuaa.
24123	MAT 25:46	—Majoya eyaya, Emeshi Mese neiya dejja quea mimishi cuana quea huesha nee huoojeajeꞌyo cuaqui yasijje edobiquiꞌyojji. Quea nee nee po tiitiijeꞌyo. Dejja pame cuana ebianeijje nequi ca ca baꞌe tiitii meejeꞌyo Eyacuiñajji nijje —jamaya huohui canaje Jesosaa.
24181	MAT 26:58	Penohua ca ca equijje aca poquinaje Jesosa onaa dojo caje. Caipaja equi yasijje Peno nequiñaquinaje. Dobiquinaje epeeyi nequi yasijje, sohuinana cuana nijje anioquenaje ae onaa Jesosa acaje ebajji.
24188	MAT 26:65	Shajjaꞌajja majje Jodio etii quea quene nee nee poanaje. Quea quene nee nee po majje ojaya daqui, oja huosho baꞌe daqui isajea canaje. Jodio dejjaa jamaya oja daqui isajea cani quea quene po majje. Ojjaña cuana huohui canaje jama baꞌa: —De, ¡pea dejja aꞌa iyaajji Jesosa huohuijji! Jamatii. ¡Oya Jesosa mimiqui Eyacuiñajjija Bacua Ejja miame! ¿Aꞌa acuae miquiaaya shajjaꞌajjanaje oja sohui? Jamajjeya ¿yajja acuae seya aje soꞌo, de, Jesosa?
24233	MAT 27:35	Etehueꞌyo o baꞌe sapa biajje oja bajjani caca canaje, Jesosa bajjani, oya apiojji me cacajea caꞌyonaje huohui epoꞌyojji. Etehueꞌyo jama poa baꞌa: OYA JESOSA JODIOJA EMESHI MESE EPOꞌYOJJI Jesosa baꞌe pejjejo beca siipojji pea acui ecueataꞌapee cuanajo baꞌehuanasohuajea peaꞌai caꞌyonaje, Jesosaja ebianei mijijje, pea shani mijijje. Majoya eꞌanioque aniya ojjaña cuaa ba neinei ca aninaje oja epeejjiya ebaꞌehuanaoquea caꞌyo poajejje.
24258	MAT 27:60	Daqui oshe eyacua neijo bebo majje huananobia caꞌyonaje ojaya mei jjani yasijje, ma oja jjeya nei tio huasijje. Majoya mei quea quemo jeacajjajja canaje mei jjani naba capaꞌyojji. Jesosa mei jjani dojjojo jaa capajea canaje. Capaꞌyo majje poquinaje Jose pea cuana nijje.
24263	MAT 27:65	Jamajjeya Pinatohua huoojea canaje: —¡Maꞌaje sohuinano cuana! ¡Dojoꞌyocue mei jjani yasijje, ma Jesosa ehuananobia jaa huasijje! ¡Aꞌa acuae jjani caꞌajeꞌyo baꞌajja socue! —poanaje Pinato.
24305	MRK 1:21	Majoya quijje pishana Jesosa o shajjaꞌajjajji nijje posohuaquinaje Capenaoma cuiñajji yasijje. Epojja ejomishocajjijo oya cuana poquinaje Jodio cuanaja equi ojee ejjachichaquijji yasijje. Dobiqui majje Jesosaa ojjaña jomajo ani sohuihuohui canaje.
24306	MRK 1:22	O shajjaꞌajja majje ojjaña cuana jama poanaje baꞌa: —¡De! Ohuaya Jesosaa esohui huohui cani quea jaꞌa nee. Huohui cani emeshi mese jayojja jamaa quea jaꞌa nee nee. Moisesija esohui etehueꞌyo huohuijjiya quea jaꞌa pishana esohui huohui cani, de. ¡Cashajjaꞌajjaꞌyahua Jesosa! —poanaje ojjaña cuana.
24310	MRK 1:26	Jesosa mimi jeahuajo, eshahuaa o niñepoqui meejji poaniya dejja jjequiꞌihui mee majje, siasia mee majje cuayaquinananaje. Dejja jea canaꞌyonaje.
24311	MRK 1:27	Ba majje ojjaña cuana quea mete nee nee poanaje. Ojee miminaje jama baꞌa: —¡De! ¿Yajja shai poani? Jamaya yahuajo ecuanaja ba jjima, de. Jesosaa quea jaꞌa nee huohui cani emeshi mese jamaa, oya quea sohui poja nee nee. Ojaya esohui shajjaꞌajja cani eshahuaa. Oja sohui jayojja jama acani, de —poanaje ojjaña.
24313	MRK 1:29	Jesosa Jodio cuanaja equi ojee ejjachichaquijjijo nequi cuayaquiꞌyo majje poquinaje Simohuija equi yasijje, Anesija peaꞌai equi yasijje. Dobiquinaje Jacobo nijje, Huani peaꞌai nijje.
24331	MRK 2:2	Jamajjeya quea huiso nee nee jjachichaquinaje ojaya equi yasijje. Dobiqui mee ajja quea dejja huisojojo. Esecuejo nequinaje; equi shajjaquibojo aequiana nequi canaje peaꞌai. Jesosaa oya cuana Eyacuiñajjija esohui huohui canaje.
24336	MRK 2:7	—¡De! Jiquio oya Eyacuiñajji pojjeama. ¿Apiojji Eyacuiñajji jayojja jama nei nei mimiani, de? Jamaya quea mimishi. ¿Aꞌa acuae ohuaya mimishi cuijea mee cajeꞌyo jjabaquiani? Chojja, Eyacuiñajji oe nei mimishi cuijeaꞌyojji poani —poanaje Jodio etii cuana, Jesosa Eyacuiñajjija Bacua Ejja pojjeama poso acanaje.
24354	MRK 2:25	Jesosaa oya cuana acanaje jama baꞌa: —¿Aꞌa miquea ba jjima esohui etehueꞌyo emeshi mese Dabija, ojaya epeejji cuanaja peaꞌai?
24355	MRK 2:26	Yahuajo nei nei Abiata Eyacuiñajji nijje emimijji etii poanijo, Dabija epeejji cuana quea shoe nee po majje Dabi Eyacuiñajjija equi yasijje dobiquia poa. Ijjia ca poa pahui, maya Eyacuiñajji yasijje quia ca poa cuaa o bihuiajji. Ojaya epeejji cuana ijjia mee ca poa peaꞌai. Jiquio ca oe Eyacuiñajji nijje mimianiya caꞌijjia cahua; pea cuanaja eꞌijjiajji pojjeama.
24356	MRK 2:27	Majoya Jesosa ojjaña nijje jama poanaje baꞌa: —Dejja, epona peaꞌai pana majje Eyacuiñajjiya oe epojja ejomishocajji acaꞌyonaje dejja cuana jomishocajji. Aꞌa jjashahuabaquijji jama baꞌa: “Epojja ejomishocajjijo eya jamatii anije”. ¡Cho, quea pame nee acue ma pojjajo! —Jesosa poanaje—.
24393	MRK 4:1	Majoya Jesosa equijo ani cuayaquinaje. Bae sahua huasijje poqui majje anioquenaje. Majoya o que jjachichaquinaje dejja cuana quea huiso nee nee. Jamajjeya bishe yasijje nequisohuaqui majje anioquenaje esohui huohuiya. Dejja cuana ca ca meshijajijo aninaje.
24446	MRK 5:13	—Eꞌe, ¡poquicue cuichi cuana huasijje! ¡Dobiquicue! —Jesosa poanaje. Jamajjeya dejja niñepoqui jeananaꞌyo majje eshahua cuana cuichi cuana huasijje dobiquinaje, ojjaña. Dobiqui majje cuichi cuana cuajicuaji jaaoquequinananaje. Bae quea sahua doe nee nee yasijje cuichi cuana huiꞌiꞌyonaje, ojjaña, beca mil huisome.
24451	MRK 5:18	Jamajjeya Jesosa bishe ai yasijje nequisohuaquinaje ojje ebesapoquiꞌyojji. Dejja ma niñepoqui poanaje onijje poqui sa poanaje, onijje eꞌanijji.
24471	MRK 5:38	Jainoja equi yasijje poqui majje ba cañaquinaje quea huiso dejja cuana, ponaña peaꞌai equijo nequi. Epona shoꞌi emanoꞌyojo ojee paꞌani. Ojjaña quea shajjaquijjo poani. Dehue mia cani emojeaꞌyojjijo peaꞌai.