23216	MAT 1:3	Jodaja bacua cuana Panesi bajjani, pea Sana bajjani poa, Tamaja mejo poa. Panesija bacua Esomo bajjani poa. Esomoja bacua Anami bajjani poa.
23230	MAT 1:17	Jamajjeya Amajamaja bacua ejja tii majje jea ca poa pea. Majoya tii majje ohuaya pea jea ca poa. Jamaya aca poquiapoquia poa. Quijje nei etiiquiana Dabi cuaya poa. Etiiquiana Amajamaja jeaja osecua cuana 14 poa Dabi cuaya jjimahuajo. Majoya oya jayojja Dabija bacua ejja tii majje jea ca poa pea. Tii majje ohuaya pea jea ca poa. Quijje nei Dabija osecuaja jeaja osecua cuana 14 po majje, dejja mase cuaa etiiquiana cuana Babinonia meshi yasijje dojo ca poa. Majoya Babinonia meshi yasijje poqui majje oya jayojja aca poquiapoquia poa. Majoya quijje nei Jesosa Quito cuaya poa Joseja tii mee. Ma etiiquinaja jeaja osecua cuana 14 poa Jesosa Quito cuaya jjimahuajo. Eꞌe, jamaya poa.
23310	MAT 5:7	—Ojaya epeejji cuana pea cuanajo jjashahuabaquiani pea jaahuanajji. Jamaya poanijo pea cuaa, Eyacuiñajjiya peaꞌai oya cuana jaahuana cajeꞌyo. Tecueꞌama poajeꞌyo ona nijje. ¡Eꞌe jojo nei quea bihui nee capoꞌyahua ojaya epeejji cuana!
23475	MAT 9:27	Quijje pishana Jesosa ma equijo ani cuayaquiꞌyonaje. Ejiojjijje poquianijo beca dejja o quiquishijji poquinaje, cojjamaꞌ cuana. Taaanaje jama baꞌa: —Jesosa, miya emeshi mese Dabija bacua. ¡Ecuanajo jjashahuabaquicue! ¡Cojjajji mo po meeꞌyocue!
23489	MAT 10:3	Penipe, Matonome, Tomasi, Mateo ma bejjo chichajji emeshi mesejo poa; Apeoja bacua ejja Satiaco;
23490	MAT 10:4	Simoni Senote; Nemeo ojaya pea bajjani Taneo; Jodasa Isicaniote, ma Jesosa iña meesahuajji poanaje dejja mimishija quecuaꞌyojji. Mahuiso Jesosaa babaca caꞌyonaje ojaya esohui huohuijji epojji.
23549	MAT 11:21	Jama poanaje baꞌa: —Miquianaya quea mimishi nee nee. ¡Quea yeno nee nee miquianaya poaje Conasijo baꞌe, Betesainajo baꞌe peaꞌai! Ma dejjaa ajjima acani eyaya ahuichaꞌa huichaꞌanaje miquianaja cuiñajji cuanajo miquea ebajji nisho. Yahuajo nei nei pea dejja cuana Tinojo, Sinonojo peaꞌai baꞌeja ojaya ba jjima eyaya ma dejja cuaa ajjima aña. Eba jojjemo oya cuanaa mimishi cuana pajea caꞌyo queaye mimishijo quea yeno po majje.
23550	MAT 11:22	¡Bacue oe! Quijje Eyacuiñajjiya ojjaña cuana sosequia cajeꞌyo ojaya ebaꞌeꞌyojji sosejji. Ohuaya yahuajo nei nei Tinojo baꞌe cuana, Sinonojo baꞌe cuana peaꞌai quea nee po mee cajeꞌyo mimishijo. Miquianaya Conasijo baꞌe, Betesainajo baꞌe peaꞌai ca ca quea nee nee po mee cajeꞌyo ecuea esohui miquiaaya mi shajjaꞌajjajo.
23615	MAT 13:7	Pea esoꞌ oquequinaje acuisha huasijje. Pohuaꞌyo majje jjonohua bebo caꞌyonaje. Tatajo nequi jjajja ajja poanaje. Manoꞌyonaje.
23696	MAT 14:30	Jamatii poqui pishana majje beni tii tii, enashajo quea quemo nee nee ba majje metenaje, de. Mete majje jaadobiꞌajjaquinaje Peno. Taaanaje: —Jesosa, ¡eya huiꞌijeꞌyo! ¡Iñacue mo, oe! —poanaje.
23723	MAT 15:21	Majoya Jesosa Jenesaneꞌ meshijo ani poquinaje Sinono meshi yasijje, Tino meshi yasijje peaꞌai.
23879	MAT 20:18	—¡Bacue oe! Eya jiquio ojjañaja Edoe Mese. Eseya Jenosanena huasijje poquije. Jomajo mo iña meesahuaje eya Jodio cuanaja equecua meeꞌyojji. Eꞌe, Moisesija etehueꞌyo huohuijjiya, Eyacuiñajji nijje emimijji etii cuaa peaꞌai eya iña mee caje. Taaa neineije cuana: “¡Oya quecuajeacue!” poaje.
23891	MAT 20:30	Becanejjijji peaꞌai cojjamaꞌ ejiojji sahuajo eꞌanioque ani. Jesosa shajjaꞌajja canaje poeje. Taaa neineinaje cuana: —Jesosa, miya emeshi mese Dabija osecua. ¡Ejo jjashahuabaquicue quea yeno! —taaanaje.
24010	MAT 23:23	Majoya Jesosaa Moisesija etehueꞌyo huohuijji cuana, Paniseo cuana peaꞌai jama tecueame acanaje baꞌa: —Miquea aquiana bobi quea johua eꞌajji equi pejjejo pohuani. Tiiyajo quiaña iye huiso Eyacuiñajjija epojji, ojaya ehuohuiꞌyo jayojja jama poani: “Miquianajaya aquiana ipiacue; ome miji peaꞌai, 10 oya jayojjaya, oe Eyacuiñajjija epojji, pea me oejje ebeca pee peaꞌai, 9 miquea epojji”. Eyacuiñajji yahuajo nei jamaya poa. Jamaya miya poani. Quea pame. Jamatii de, Moisesija etehueꞌyojo quea jaꞌa jjashahuaba tiitiiqui ajja. Jamaya quea tai aña baꞌa: Miya eꞌe jojo nei jjashahuabaqui jjima, siajje poani, jjashahuabaqui ajja aemaꞌ cuana baꞌe meesahuajji. Eyacuiñajjija esohui jayojja jama po tiitii ajja. Jamajjeya ¡Eyacuiñajjija etehueꞌyo jama baꞌecue! ¡Majoya Eyacuiñajji yasijje iye huiso quiacue ojjaña miquea aquiana peaꞌai! —Jesosa poanaje.
24081	MAT 25:4	Peaa jjashahuabaqui majje cuaquijiji dojo canaje eseijji. Tahuoojo dojo canaje peaꞌai ejijijji.
24084	MAT 25:7	—Taaaje shajjaꞌajja majje ojjaña epona shoꞌi cuana shequinaje. Ejijijji hui jeacuaya canaje.
24088	MAT 25:11	Joya esei jjequiya poquiya cuana poeꞌyo majje esecue ecaꞌa nequi ba cañaꞌyonaje. Taaa aninaje: “¡Che esecue caꞌapejocue!”
24163	MAT 26:40	Majoya oya poqui oꞌoyanaje o shajjaꞌajjajji cuana que. Ba cañaquiꞌyonaje cahuijaa. Tecueꞌama Peno nijje miminaje jama baꞌa: —¿Aꞌa mi cahuijaa? ¿Aꞌa che enijje cahui jjima nequi jjima soꞌo?
24222	MAT 27:24	Eꞌe, Jesosa pichojea mee jjima acanaje cuaa; quea quene nee neejo janobajjima nei siasianaje; taaa nequinaje Jodio. Taaa majamajajo Pinatohua huoojea canaje ena eme shacuajji jjequiya. Majoya ojjaña cuanaja ebajji Pinatohua eme topo canaje: —¡Eyaya pojjeama me cacaje Jesosa emanoꞌyojji! ¡Jamaya pojjeama ecuea esohui! ¡Miyaya ca jja ca oe jamaya aña! —Pinatohua acanaje.
24223	MAT 27:25	Taaajebenaje ojjaña Jodio etii cuana: —Eꞌe, ¡ecuaaya oya mano meejeꞌyo Jesosa; quea tai coma! ¡Oya mimishiꞌama jojoya, ecuanajaya ebacua, osecua cuana peaꞌai cacuia caꞌyahua, Eyacuiñajjiya! —Jesosa quea mimishi poso acanaje cuaa.
24365	MRK 3:8	Jenosanenajo baꞌeca cuana, Idomea meshijo baꞌeca cuana, Jodana cuei ojje mijijje baꞌeca cuana, Tinojo baꞌeca, Sinonojo baꞌeca cuana peaꞌai. Jesosaa jjaajaqui mee caꞌyoqui shajjaꞌajja majje o que poeyanaje quea huiso nee nee, de.
24375	MRK 3:18	Penipe; Matonome; Tomasi; Mateo, ma bejjo jjeshejji poani; Apeoja bacua ejja Satiaco; Simoni Senote; Taneo;
24399	MRK 4:7	Pea esoꞌ oquequinaje acuisha huasijje. Pohuaꞌyo majje jjonohua bebo caꞌyonaje. Tatajo nequi jjajja ajja poanaje; manoꞌyonaje.
24420	MRK 4:28	Eꞌe, meshi quea pame neejo bana esoꞌ jamatii pohuani, tiiani. Tii majje jjajjani. Majoya jamatii jahuani.
24424	MRK 4:32	Tii majjeya ca ca quea cui quemo nee poaje, apoꞌe cui quemajja. Jamajjeya cuichojji cuana poeyani motasa acui biajje cahuiya —jamaya Jesosaa huohui canaje ojjaña ba meejji quijje Eyacuiñajjija epeejji cuana quea huiso nee, quea caꞌa nee nee po mee cajeꞌyo.
24474	MRK 5:41	Meꞌ iña majje epona shoꞌi oja sohuijo huohui canaje: —¡Tanitacomi! Ese Ejja esohuijo ca jama poanijje baꞌa: —¡Epona shoꞌi, nequisohuacue! —Jesosaa acanaje.
24556	MRK 7:24	Majoya Jesosa ma equijo ani poquinaje pea meshi yasijje. Tino pejjejo, Sinono peaꞌai pejjejo aninaje. Jjeya Jesosa mimi sa po ajja ojjaña cuana nijje. Jamajoya equi yasijje quehua dobiquinaje o shajjaꞌajjajji cuana nijje. Jamatii oya quehuajje ani meemee ajja; jjanequiquehuaqui meemee ajja.
24563	MRK 7:31	Jjeyahua nei Jesosa Tino pejjejo ani poquinaje. Sinono yejjenana majje Ome Miji peaꞌai Cuiñajji cuana yejjenana majje, Janinea bae yasijje poe oꞌoyanaje, ma Dejjaja Eyacuiñajji ba po jjimaja bae bajjani yasijje.
24579	MRK 8:10	Majoya Jesosaa ojjaña cuana huoojea canaje oja equi cuana huasijje. Jesosa ca ca bishe ai yasijje nequisohuaquinaje o shajjaꞌajjajji cuana nijje. Besapoquinaje ojje, pea meshi yasijje Majadana meshi yasijje, pea bajjani Namanota meshi yasijje, ma Ena Taꞌa Huoi bajjani yasijje.
24690	MRK 10:33	—¡Shajjaꞌajja neineicue mo! Eya jiquio ojjañaja Edoe Mese. Eseya Jenosanena huasijje poquije. Jomajo mo Jodio etii cuana iña meesahuaje equecua meeꞌyojji. Eꞌe, Moisesija etehueꞌyo huohuijji, Eyacuiñajji nijje emimijji etii cuana peaꞌaiya eya iña mee caje. Taaa neineije cuana: “¡Oya quecuajeacue!” poaje. Jodio pojjeama cuana huasijje mo huoojea caje equecua meeꞌyojji.
24703	MRK 10:46	Jenosanena huasijje poquije Jesosa o shajjaꞌajjajji cuana nijje dobiquinananaje Jenico huasijje. Majoya quijje pishana poqui oꞌoyanaje ejiojjijje. Quea huiso nee nee poquinaje onijje cuana. Batimeohua, Timoteoja bacua ejjaa ejiojji sahuajje eꞌanioqueaniya shajjaꞌajja canaje Jesosa poeje. Oya cojjamaꞌ.
24826	MRK 14:3	Jesosa Betaniajo ani poquinaje Simonija equi yasijje. Poquinaje ijjiaꞌijjiaa. Yahuajo nei Simoni quea mano nee nee batata epoꞌyo quea tai poa, ma dejja cuaa jjajea meequiꞌyo jjima acani. Jesosaa oya yahuajo jjajeaqui mee caꞌyonaje batata epoꞌyo. Simonija equijo ojee ijjiaꞌijjianijo, oe epona Jesosa que poeyanaje. Tahuoo quea nahue nee neejo shiyeshiye ye canaje. Tahuoo naba capa majje Jesosa huojja sha canaje shiyeshiyeya, nardo bajjaniya.
24860	MRK 14:37	Majoya oya poqui oꞌoyanaje o shajjaꞌajjajji cuana huasijje. Ba cañaquiꞌyonaje ecahuijaa. Tecueꞌama Peno nijje jama poanaje baꞌa: —¿Aꞌa mi cahuijaa? ¿Aꞌa mi enijje cahui jjima che nequi jjima?
24963	LUK 1:1	Eyaya mi que tehuenaje Teopino achajja Jesosa ebajji. Quea dejja huisohua Jesosaja ehuohuiꞌyo cuanajo tehue sa aca cua, huohui mee sa aca cua peaꞌai.
24965	LUK 1:3	Jamajjeya eyaya catehueꞌyahua onaa huohui caꞌyoqui Jesosajo. Jjeya eyaya mi que tehuenaje, Teopino. Jiquio esohui eꞌe jojo nei Jesosajo. Eyaya shajjaꞌajja neineinaje onaa huohui caꞌyoqui Jesosajo. Majoya jjashahuaba neineiquinaje jiquio etehuejji, jamajjeya eꞌe jojo nei jiquio esohui.
24966	LUK 1:4	Tehuenaje eyaya miquea Jesosa eba neineijji. Mi jjashahuaba neineiquijji eyaya tehuenaje, de. Jamajjeya ¡ba neineicue jiquio esohui ecue tehueꞌyo!
25032	LUK 1:70	Jamaya yahuajo tehue ca cua Eyacuiñajjija esohui huohuijji cuaa. Tehue majamaja ca cua Quitojo.
25095	LUK 3:1	Quijje nei mahuiso emeshi mese cuana cua baꞌa: Shomano dejja cuanaja emeshi mese Timeneo bajjani. Quea huiso shequiajame, 15 shequiajame nequijo Jodea meshija emeshi mese Ponisio Pinato bajjani nequinaje. Janinea meshija emeshi mese Enode bajjani cua. Oja doe etii Penipe bajjani cua. Oya Itoneaja emeshi mese cua, Taconiteja emeshi mese peaꞌai cua. Amininiaja emeshi mese Nisania bajjani cua.
25128	LUK 3:34	Jona ca Jacoboja bacua ejja cua. Jacobo ca Isaacaja bacua ejja cua. Isaaca ca Amajamaja bacua ejja cua. Amajama ca Taneja bacua ejja cua. Tane ca Naconija bacua ejja cua.
25230	LUK 6:15	Mateo, Tomasi, Apeoja bacua bajjani Satiaco; Simoni, ojaya meshi quea boti nee nee cua,
25232	LUK 6:17	Majoya Jesosa o shajjaꞌajjajji cuana nijje eyiyojo ani jaaoque oꞌoya cua. Jaaoque majje nequiꞌya cua meshi bame bamejo esohui huohuiya. Quea huiso Jesosaja pea e shajjaꞌajjajji cuana jomajo ania cua. Quea dejja huiso cueya cua, Jodea meshijo baꞌe cuana, Jenosanenajo baꞌe cuana, Tinojo baꞌe cuana, Sinonojo baꞌe cuana peaꞌai. Quea huesha baꞌe cuana cueya cua Jesosa shajjaꞌajjaa.
25301	LUK 7:37	Jesosa ijjiaꞌijjia anijo oe epona dobiquia cua equi yasijjeya Jesosa baa. Ma epona quea mimishi baꞌya cua. Tahuoojo shiyeshiye ye ca cua, Jesosa ba majje.
25445	LUK 10:13	Majoya aje Jesosa tecuetecuea cua dejja shajjamaꞌ cuana nijje. Jama huohuime aca cua baꞌa: —Coya nequianaya quiyoꞌyo chanaꞌ, Conasijo baꞌe cuana, Betesainajo baꞌe cuana peaꞌai. Miquianaaya eya banaje, ecuea esohui shajjaꞌajjanaje peaꞌai. Jamatii miquianaya ca mi ca oe shajjamaꞌ nei nei cuani, de. Yahuajo Eyacuiñajjiya Tinojo baꞌe cuana Sinonojo baꞌe cuana peaꞌai quiyojea mee caꞌya cua quea mimishi nee neejojo. Ojaya cuanaja ca ca eya shahuaba jjima nei nei cua, de. Ohuaya eya eshahuaba jojjemo ecuea esohui eshajjaꞌajja jojjemo quea yeno nee nee poquiꞌaye ojaya mimishijo. Conasijo baꞌeja ca jjaja ca iña oe eshahuaba cuanaje, jamatii jjejojoya ca nequiana ca oe shajjamaꞌ nei nei cuanaje ecuea esohuijo, de. Betesainajo baꞌe jayojja ca mi ca oe cuanaje.
26327	JHN 6:1	Majoya Jodio dejja cuana nijje mimi majje, quijje Jesosa o shajjaꞌajjajji nijje, ecuana nijje Jenosanenajo ani poquinaje Janinea bae yasijje, pea bajjani Timenia bae yasijje. Bishe aijo ojje miji yasijje besapoqui oꞌoyanaje.
26349	JHN 6:23	Majoya pea bishe cuana Timenia cuiñajjijo ani poeyanaje. Baꞌeñaquinaje bae sahuajo, jomajo yahuajo Jesosaa Eyacuiñajji bihuia majje quea huiso cuana bobia canaje.
26543	JHN 9:34	Oja sohui quea pame shajjaꞌajja sa po ajjajojo Jodio etii cuana quea quene nee nee poanaje. Tecuea canaje jama baꞌa: —¡De! Miya quea mimishi nee nee jjejojo cojjamaꞌ cuaya poa; miya Eyacuiñajjija cajaa. ¿Aꞌa ecuaaya miya shajjaꞌajjaje? Chojja. ¡Poquicue miya! ¡Aꞌa jiquicua poe oꞌoyajji! ¡Ecuanaja ojee ejjachichaquijji equi yasijje aꞌa poe oꞌoya tiitiijji! —jamaya Jodio etii cuaa oya huoojeacuayajea canaje.
26608	JHN 11:16	Jesosa shajjaꞌajjajji Tomasi, ma Becajaa bajjani miminaje pea shajjaꞌajjajji cuana nijje, ecuana nijje jama baꞌa: —¡Cuaꞌa, Jesosa nijje epoqui! Jodio etii cuaa o cuia caꞌyajo ecuana ojee Jesosa nijje tii manojeꞌyo peaꞌai.
26662	JHN 12:13	Jamajjeya ojjaña cuana jememe iña jaja majje poquinaje Jesosa baa. Poquijeya jememe iña cuana jeasohua canaje. Jamaya Jodio cuaa acanaje pea bihuiajji, emeshi mese jaꞌajjequijji cuiñajji yasijje. Jesosa bihuia canaje peaꞌai. Taaanaje jama baꞌa: —Jesosa, ¡miya ojjaña jaahuanajji poeyanaje! ¡Eyacuiñajjiya miya huoojea canaje! ¡Ohuaya miya cajaahuana cahua! Eꞌe de, miya ecuanajaya, Isaeni cuanajaya Emeshi Mese oe nei —taaame poanaje ojjaña cuana.
26704	JHN 13:5	Majoya ecuana jiojji topo canaje. Topo majje jiojji cui caꞌyonaje ma daquiya, ejjacomayijjiquijji ai jayojjaa, Jesosaa. Jamaya poanaje ecuana jjabahuejja meequijji jama baꞌa: Pea cuana quea jea nee aña, ¡baꞌe meesahuacue! Jama jjashahuabaquime epo meejji jiojji topo canaje.
26742	JHN 14:5	Majoya Tomasi Jesosa nijje jama poanaje baꞌa: —Jesosa, ¿achacua miya poquijeꞌyo? Joya mi poquije yasijje ecuanajaya ejiojji ba jjima, de. Jamajjeya ecuanaja eba pojjeama ejiojji ma mi poquiani yasijje epoquijji —acanaje Tomasiya.
26743	JHN 14:6	—Tomasi, ojjaña ecue sohui eꞌe jojo nei. Eya ejiojji eyahuasijje epoquijji jayojja. Eꞌe, ecuea esohui jayojja jama poanijo, miya ecue Chii baꞌyani yasijje poqui meejeꞌyo. Ojjaña enijje jjapeequiani eyaya baꞌe tiitii meejeꞌyo ecue Chii nijje tii. Ojjaña joya enijje jjapeequi ajja ca ca ecue Chii nijje ebaꞌe tiitiiꞌyojji pojjeama.
26960	JHN 20:24	Jesosa ecuana nijje, o shajjaꞌajjajji cuana nijje jjajaꞌaquiꞌyonajejo, Tomasi, Beca Jaa bajjani chamaꞌ poanaje.
26961	JHN 20:25	Jamajjeya ecuaaya Tomasi huohui majamajanaje jama baꞌa: —Eꞌe jojo nei ecuaaya Jesosa baꞌyonaje. ¡Eshe ca coma! —ecuanaa anaje. Jamatii Tomasiya sajaꞌa canaje jama baꞌa: —Eꞌe pojjaꞌa. Chojja, de. Equecuahuejja ojaya eme jjoto huejja cuana ba majje, napaꞌajja majje, ojaya emapejje esiꞌ napaꞌajja majje peaꞌai ecuea eba poaje Jesosa eꞌe jojo nei eshe —poanaje Tomasi; Jesosa shequiꞌyo ajja poso acanaje.
26962	JHN 20:26	Quijje me oejje pea beca cahuime, 7 po majje ecuana ma equijo ojee ani oꞌoyanaje Tomasi nijje peaꞌai. Esecue ecaꞌa nequinaje peaꞌai. Jamatii Jesosa ecuana nijje jjajaꞌaqui oꞌoyanaje. Ecuana nijje mimi oꞌoyanaje jama baꞌa: —¡Quea bei nee nee pocue! —poanaje.
26963	JHN 20:27	Majoya ohuaya Tomasi huohui canaje: —Tomasi, ¡ecuea eme bacue! ¡Eme jjoto equecuahuejja napaꞌajjacue eme sisiya! ¡Emapejje esiꞌ peaꞌai napaꞌajjacue! ¡Bacue eya eshequiꞌyo eꞌe jojo nei! ¡Aꞌa eya edojjoshahua poso ajji! —Jesosa poanaje.
26964	JHN 20:28	—Jesosa, miya ecuea Emeshi Mese nei, Eyacuiñajji —Tomasiya oya bihuia canaje.
26965	JHN 20:29	—Tomasi, miya e ba majje jjabahuejjaquinaje eya eꞌe jojo nei eshequiꞌyo. Pea cuanaja ba jjima ecuea eme jjoto huejja, emape siꞌ peaꞌai. Jamatii oya cuana jjabahuejjaquije ejo, eya eshequiꞌyo. Jamajjeya ¡oya cuana eꞌe jojo nei quea bihui nee capoahua! —Jesosa poanaje.
26969	JHN 21:2	Simohui Peno, Tomasi Beca Jaa bajjani nijje, Natanaeni ma Canajo, Janinea meshijo baꞌe nijje, ecuanaya Semeneoja bacua ejja eya, ecue oꞌi Jacobo nijje, pea beca dejja nijje peaꞌai bae sahuajo aninaje. Mahuisoya ecuana ojee aninaje.
26993	ACT 1:1	Ecuea epeejji Teopino, eyaya, Noca bajjaniya jiquio esohui tehueaña miquea ebajji. Yahuajo eyaya miya huohuinaje Jesosajo ma ohua acanaje oja Chiija jjequisohuaꞌyo jjimahuaa. Ojaya ehuohui cuanajo peaꞌai eyaya tehuenaje. Maya eyaya mi que tehuenaje ecuea ebionei esohui etehueꞌyojo.
27005	ACT 1:13	Oya cuanaja ojaya equi yahuajo aninaje yasijje dobiqui oꞌoyanaje. Ejamacoo equecuayijji ai yasijje dobiqui oꞌoyanaje mahuiso baꞌa: Peno, Jacobo, Huani, Anesi, Penipe, Tomasi, Batanomee, Mateo, Simoni Senote, Apeoja bacua ejja Satiaco, oja chahua Jode bajjani peaꞌai; mahuisoya.
27073	ACT 3:8	Jamajjeya oya jjeyahua nei nequisohua majje jeonaje. Peno nijje, Huani nijje peaꞌai Eyacuiñajjija equi yasijje dobiquinaje, equecuayijji yasijje ma Sanomoja equi bajjani yasijje. Oya quea jaji nee jeonaje. Tohuaatohuaa poanaje. Eyacuiñajji bihuia canaje peaꞌai. Ojjañaa equijo nequiya oya ba canaje tohuaani, Eyacuiñajji bihuia poequi peaꞌai.
27112	ACT 4:21	Jamatii Jodio etii cuaa Peno, Huani peaꞌai cuia sa acanaje. Jamatii cuia jjima poanaje quea meteya jjejojo. Ojjaña cuaa Eyacuiñajji bihuia canaje Jiojjijjajja jeo mee canajejo; Peno, Huani peaꞌai ojjañaja quea nahue ecuia meeꞌyojji poanaje. Jamajjeya mi cuia canaje. Tecuea canaje ca ca oe; majoya tecuea majje huoojea canaje Huani, Peno peaꞌai.
27154	ACT 5:26	Jamajjeya sohuinano huoojeajji poani echacosahuajji nijje poquinaje Jesosaja esohui huohuijji cuana jjequi oꞌoyaa. Jamajjeya quea huiso cuanaja Jesosaja esohui huohuijji cuana quea jea nee poanaje, quea nahue nee poanaje etecueajji. Tecuea jjima nei jjequime acanaje. Eꞌe, dejja mase quea mete jama poanaje baꞌa: —E sapa jajahuejjajea ca meiya —poanaje.
27164	ACT 5:36	¡Niñebaꞌyocue! Yahuajo pishana oe dejja Teodasi bajjani emeshi mese jayojja quea caꞌa poꞌajjanaje. Huohui canaje jama baꞌa: “Eya quea pame nee, quea caꞌa nee nee. Quea huiso nee nee ecuea eba. ¡Eya shajjaꞌajjacue!” Jamajjeya quea huiso nee nee, beshahua nei 400 huisome dejja cuana onijje jjapeequiꞌyonaje. Jamatii peaa Todasi quecua caꞌyonaje. Todasi quecua caꞌyajo, ojaya epeejji cuana ojaya esohui pajea caꞌyonaje.
27168	ACT 5:40	Ojjaña Jodio etii cuaa oja sohui shajjaꞌajja canaje. Jamaya acanaje. Jamajjeya Jesosaja huoojeaꞌyo esohui huohuijji cuana iyaa canaje. Cuiasejjajea canaje acui sisiya. Tecuea ca oꞌoyanaje jama baꞌa: —¡Aꞌa jja oe Jesosajo huohui majajji! —jamaya amajje oya cuana huoojeacuayajea caꞌyonaje.
27175	ACT 6:5	Jiquio ehuohuiꞌyo jayojja jama a sa poanaje ojjaña Jesosaja epeejji cuana. Jamajjeya Estema babaca canaje Jesosaja epeejji eꞌahuemano jaahuanajji. Ohuaya, Estemaa Edojjoshahua Pame shajjaꞌajja neinei canaje. Eyacuiñajjija esohui jayojja jama atiitii canaje peaꞌai. Majoya pea dejja cuana babaca canaje peaꞌai: Penipe, Pocono, Nicaino, Timono, Pamenase, Niconasi peaꞌai. Oya Niconasi Jodio pojjeama; oya yahuajo Atioquia cuiñajjijo baꞌya poa. Jodio cuanaja ehuohuiꞌyo jayojja Eyacuiñajji bihuia ca poa, jjeya ca ca Jesosa nijje jjapeequiani.
27242	ACT 7:57	Jodio dejja cuana ma shajjaꞌajja majje quea quene nee nee poanaje. Estemaja esohui Jesosajo eshajjaꞌajja poaje jjejojo eme sisiya eshajja huejja noco canaje. Taaa majje ojjaña cuajicuajijebenaje Estema que.
27296	ACT 9:11	Emeshi Mese neiya oya huohui canaje jama baꞌa: —Anania, ¡poquicue ejiojji yasijje bajjani Ejiojji Epii Nei! ¡Jonasaja equi yasijje poquicue! Dobiqui majje Jonasa huohuiꞌajjacue jama baꞌa: “¿Achejo jaa Sanoni, ma yahuajo Tanaso cuiñajjijo baꞌya poa? Eya onijje mimije” acue, Anania.
27315	ACT 9:30	Maya ba majje Sanonija epeejji cuaa oya dojo canaje Sesanea cuiñajji yasijje. Majoya oya huoojea canaje quea huesha nee, oja cuiñajji yasijje, Tanaso huasijje bishejo.
27321	ACT 9:36	Jope cuiñajjijo epona tii Tabita bajjani baꞌya poa, Ese Ejja esohuijo ca ca oya Docuei bajjani. Oya Jesosaja epeejji nei. Tabitaa quea pame nee atiitii canaje. Aemaꞌ cuana baꞌe meesahua canaje peaꞌai.
27322	ACT 9:37	Tabita aje quea mano poanaje. Manoꞌyonaje. Epeejji cuaa oya shacua caꞌyonaje. Majoya jaahuana canaje eyajo jaa equecuayijji yasijje.
27324	ACT 9:39	Jamajjeya shajjaꞌajja majje Penohua ojaya aquiana bio canaje. Ona nijje poquinaje Jope yasijje. Jope yasijje poeꞌyajo ojjaña cuana nijje oya sohuaquinaje eya equecuayijji yasijje Tabita baa. Ojjaña eꞌahuemano cuaa pa neineianiya Peno ocuee canaje. Tabitaja soco ba mee canaje. Ojo jama huohuime acanaje baꞌa: —¡Bacue, Peno! Eshe anijo Tabitaa ecuanaja daqui eyami, daqui nei peaꞌai quea huiso soco canaje. ¡Bacue ojaya esipiꞌyo ecuanajaya peaꞌai! —acanaje cuaa.
27325	ACT 9:40	Majoya Penohua ojjaña cuana huoojeacuayajea canaje esecue yasijje. Ecuiꞌoshajjajo nequi majje Eyacuiñajji nijje miminaje. Eyacuiñajji nijje mimi majje epona emanoꞌyojaa nijje miminaje jama baꞌa: —¡Tabita, shequiꞌyocue! ¡Nequisohuaꞌyocue miya! Shequiꞌyo majje Tabita jjabapojjaquiꞌyonaje. Peno ba majje anisohuanaje.
27326	ACT 9:41	Majoya Penohua Tabita me iña majje nequisohua meesahua caꞌyonaje. Tabita nequisohua meesahuaꞌyo majje Penohua Jesosaja epeejji cuana, eꞌahuemano cuana peaꞌai esecuejo nequi iyaa canaje Tabita bajji. Jama acanaje baꞌa: —¡Dobicue! ¡Miquea epeejji Docuei bahuacue! Shequiꞌyonaje, Jesosaa oya shequi mee caꞌyonaje.
27329	ACT 10:1	Eꞌe Teopino, eyaya, Nocaa jiquio pea esohui tehueaña miquea ebajji. Esohui eꞌe nei Jesosaja epeejji cuanajo tehueaña jama baꞌa: Oe dejja Conenio bajjani Sesanea cuiñajjijo baꞌenaje. Oya Jodio pojjeama, Shomano dejja, quea huiso nee sohuinano huoojeajji poani, ma bajjani baꞌa: Itaniano sohuinano cuana.
27401	ACT 11:25	Majoya Benabe poquiꞌyonaje Tanaso cuiñajji yasijje Sanoni saꞌajjaꞌyohua.
27407	ACT 12:1	Ecuea epeejji Teopino, eyaya, Nocaa pea esohui tehueaña Jesosaja epeejji cuanajo jama baꞌa: Pea Enode emeshi mese nequinaje. Ohuaya Jesosaja epeejji cuana napa caꞌyonaje quea huiso.
27426	ACT 12:20	Majoya emeshi mese Enode quea quene nee nee poanaje Tino cuiñajjijo baꞌe cuana nijje, Sinono cuiñajjijo baꞌe cuana nijje peaꞌai. Jamajjeya oya cuana Enode nijje jjapeequi oꞌoya sa poanaje. Ojee poquinaje Enode baa. Ebionei Basito ba cañaquinaje, Enodeja echacojji, oja aquiana cuana jaahuanajji. Bejjo quia cajje Basito quea bihui poanaje ona nijje. Majoya pea bejjo sosejje Basito Enode nijje miminaje: —Dejja cuana Tinojo baꞌe, Sinonojo baꞌe peaꞌai minijje jjapeequi oꞌoya sa poani. ¡Che oe onijje mimicue! —acanaje Basitohua. Tinojo, Sinono meshijo peaꞌai chamaꞌ bobi. Jamajjeya Enodeja bobi sa poanaje quea huiso. Jamajoya Enode quea bihui po mee sa acanaje onijje.
27432	ACT 13:1	Jesosaja epeejji cuana quea huiso nee nee poanaje Atioquiajo. Jomajo Eyacuiñajjija esohui huohuijji, Eyacuiñajjija esohui ba meesahuajji peaꞌai yaninaje: Benabe, Sanoni, Simoni Ese Ejjaja esohuijo Dejja Tehue bajjani, Nosio ma Sinene cuiñajjijo baꞌya poa, emeshi mese Enodeja edoe mese Manaeni peaꞌai. Mahuiso.
27442	ACT 13:11	Jamajjeya jjeyahua nei Eyacuiñajjiya miya cojjamaꞌ po mee cajeꞌyo quea huiso cahuime —Pabohua acanaje. Jjeyahua nei eyamiquecua cojjamaꞌ poajeꞌyo. Quea cojja misi nee nee. Taaanaje jama baꞌa: —Cojjamaꞌ mo po mee caꞌyonaje Jesosaa. ¡Emejo mo che dojocue quiaa! ¡Me pejjejeacue mo oe! —poanaje eyamiquecua.
27553	ACT 16:1	Majoya Pabo Sinasi nijje poqui oꞌoyanaje Debe yasijje, Nisata huasijje peaꞌai. Jomajo ohuaya Jesosaja epeejji shacuimaꞌ nequi ba canaje Timoteo bajjani. Timoteoja enaese Jodio pona poanaje, Jesosaja epeejji peaꞌai. Ojaya ejeajji ca ca Jieno dejja poanaje.
27554	ACT 16:2	Ojjaña Jesosaja epeejji cuaa Nisatajo baꞌeya, Iconiojo baꞌeya peaꞌai Timoteojo quea bihui nee huohui canaje jama baꞌa: —Timoteo quea pame nee, Jesosaja epeejji quea caꞌa nee oya, de —poanaje.
27555	ACT 16:3	Jamajjeya Pabohua Timoteo dojo sa acanaje onijje esohui huohuiya. Quea huiso Jodio cuana ma meshijo baꞌenaje; ojjañaja eba Timoteoja ejeajji Jodio pojjeama, Jieno dejja. Jamajjeya ebacua ejja Timoteo Jieno cuana jayojja jama tiiꞌyonaje; Moisesija etehueꞌyo jayojja jama cuiishasha biso nei jehuisejjajea jjima poanaje. Jamajjeya Jodio cuana tecueꞌama onijje epojji Pabohua Timoteo cuiishasha biso nei jehuisejjajea mee canaje.
27560	ACT 16:8	Jamajjeya oya cuana Misia meshije jjayejjequinaje. Toasa cuiñajji yasijje poquinaje, bae ai sahua huasijje.
27563	ACT 16:11	Eꞌe Teopino, eyaya, Nocaa pea esohui Jesosaja epeejji cuanaja, ma eyaya banaje eyaya tehueaña miquea ebajji jama baꞌa: Majoya Toasa huasijje poe majje ecuana bishe ai yasijje nequisohuaquinaje. Besapoquinaje Samatasia nasi yasijje. Majoya pea mecahuajje besapoquinaje Neaponi cuiñajji yasijje, bishe aijo.
27566	ACT 16:14	Oe eponaa Ninia bajjaniya quea jaꞌa nee shajjaꞌajja canaje. Oya Tiatina pona, Tiatina cuiñajjijo baꞌe, daqui huoꞌo quiajji peaꞌai, daqui huoꞌo quea pame nee nee quiajji. Oya Ninia Eyacuiñajjija epeejji yahuajo poanaje. Jamajjeya Emeshi Mese neiya oya shajjaꞌajja meesahua canaje Paboja esohui quea pame nee Jesosaja.