23810	MAT 18:14	Ñajjajja jaahuanajji ñajjajja baꞌyo majje quea bihui nee nee poa. Jamaya poaje ecue Chii: Ecuea epeejji eyacua quea mimishi jjejojo epoquiquehuaꞌyo jayojja jama ojo jjashahuabaqui oꞌoyajo, Eyacuiñajji quea bihui nee poajeꞌyo —Jesosa poanaje.
24109	MAT 25:32	Ojjaña cuana e que jjachichaqui meejeꞌyo. Majoya eyaya ñajjajja cuiñajji jayojja jama aje jama baꞌa: Ñajjajja cuiñajjiya ñajjajja cuana, chivo cuana nequiashiña cani.
24110	MAT 25:33	Ñajjajja oo pana nequiashiña cani ebianeijje. Chivo ca ca huapa nequia acani, shanijje.
24111	MAT 25:34	Ñajjajja cuiñajji jayojja jama eyaya, ojjañaja Emeshi Meseya ojjaña dejja cuana nequishiñajeꞌyo. Ecuea epeejji quea pame nee ebianeijje nequiajeꞌyo. Oya cuana ajeꞌyo jama baꞌa: “Miquianaya ecue Chiija bacua cuana eꞌe jojo nei poanaje, ojaya huapa pojjeama. Jamajjeya onijje nequi tiitiijeꞌyo. Eyacuiñajji jamaya jjashahuabaquiꞌya poa yahuajo nei nei, meshi pana jjimahuajo.
24154	MAT 26:31	Majoya Jesosa o shajjaꞌajjajji cuana nijje miminaje jama baꞌa: —Jiquio mecajje ojjaña miquianaya enijje jjapeequi pajeajeꞌyo. Eꞌe, yahuajo Eyacuiñajjija esohui tehuejji cuaa tehue ca poa ejo: Eya ñajjajja cuiñajji jayojja jama poaje. E manoꞌyajo ecuea epeejji cuana ñajjajja cuana jayojja jama poaje; jjajeaajajeaquinanajeꞌyo. Etehueꞌyo yahuajo nei nei jama poa baꞌa: “Quijje eyaya ñajjajja cuiñajji jaahuana neinei ajja. Jamajjeya onaaya oya cuia cajeꞌyo. Ñajjajja cuiñajji chamajo, ñajjajja cuana jjajeaajajeaquinanajeꞌyo”. Jamaya aca poa yahuajo nei nei —Jesosa poanaje—.
24850	MRK 14:27	Ejiojjijje poquije Jesosaa o shajjaꞌajjajji cuana acanaje jama baꞌa: —Jiquio mecajje ojjaña miquianaya enijje jjapeequipajeajeꞌyo. Eꞌe, yahuajo Eyacuiñajjija esohui tehuejji cuaa ejo tehue ca poa jayojja jama poaje jama baꞌa: “Quijje eyaya ñajjajja cuiñajji jaahuana neinei ajja. Jamajjeya onaaya oya cuia cajeꞌyo. Ñajjajja cuiñajji chamajo, ñajjajja cuana jjajeaajajeaquinanajeꞌyo”. Jamaya yahuajo nei nei tehue ca poa ejo —Jesosaa acanaje—. Eꞌe, eya ñajjajja cuiñajji jayojja jama poaje. Eya manoꞌyo majje ecuea epeejji cuana ñajjajja cuana jayojja jama poaje; jjajeaajaquinanajeꞌyo.
25057	LUK 2:15	Majoya esohuidojojji baꞌesohuaquiꞌya cua eyahuasijje. Ñajjajja jaahuanajji cuana jama mimime cua baꞌa: —De, cueꞌajjaa Benena huasijje. Ma esohuidojojjiya huohui canaje jayojjaya aje seya aje.
25663	LUK 15:6	Ñajjajja meseya ojaya epeejji jama huohuime acanaje baꞌa: “Baꞌyonaje eyaya ecuea oe ñajjajja, de. Jjeya nei enequiꞌyo, eꞌe de, jjeya eseya quea bihui epoꞌyo”.
26142	JHN 1:29	Majoya mecahuajje Huaniya ojjaña huasijje esohui huohui ca oꞌoyanijo, Jesosa o que poeyanaje. Huaniya Jesosa ba majje ojjaña cuana huohui neinei canaje jama baꞌa: —¡Bacue oe, oya poeyani Jesosa, Eyacuiñajjija huoojeaꞌyo! Oya manojeꞌyo ojjaña cuanaja mimishi cuijeaꞌyojji. Eꞌe, Eyacuiñajji nijje emimijji cuaa ñajjajja cuia majje Eyacuiñajji yasijje dahua cani oya mimishi cuanajo queneꞌama epo meejji. Ñajjajja jayojja jama poajeꞌyo Jesosa; manojeꞌyo ojjaña cuanaja mimishi cuijea neineiꞌyojji —Huani poanaje—.
26281	JHN 5:2	Jenosanena cuiñajji mei jiyojo Ñajjajja Dobiquijji esecue yani. Ma esecue pejjejo yani ena, bae sisi jama, ebesajji, Emeo esohuijo Metena ena bajjani. Ena sahuajo yani me oejje equi sisi.
26551	JHN 10:1	Majoya Jesosa ojjaña nijje jama poanaje peaꞌai baꞌa: —Ecuea esohui ejjashahuabaqui meejji ñajjajja cuiñajjijo jama baꞌa: Ñajjajja jaahuanajjiya ñajjajja cuana jiyojo cahui mee cani, ijjiacajji mase cuaa eꞌijjia ca poajejje. Ejaahuanajji jiyo esecue jjanijo jaani, esecue jjani queya cani. Siipojji cuana ca ca ñajjajja jiyojje nequisohua majje quehua dobiquiani. Oya cuana siipojji jjejojo esecuejje dobiqui ajja.
26552	JHN 10:2	Ñajjajja jaahuanajji ca ca esecuejje dobiquiani, de.
26553	JHN 10:3	Jiyo esecue cuiñajjiya esecue caꞌapejo cani ñajjajja cuiñajji dobiquijji. Dobiqui majje ejaahuanajjiya ojaya ñajjajja iyaa cani. Iyaa cajje o que poeyani. Ñajjajja jaahuanajji ehui dojojji poquiani esecue yasijje.
26561	JHN 10:11	—Eꞌe, eya ñajjajja cuiñajji quea pame nee jayojja jama poani. Ñajjajja cuiñajjiya ojaya ñajjajja nahue neinei cani ijjiacajji maseya eꞌijjia ca poaje jjejojo. Oya jayojja eya manojeꞌyo ecuea epeejji cuana baꞌe tiitii meeꞌyojji.
26563	JHN 10:13	Ñajjajja cuana ojaya nahueꞌama. Echacojji cuajicuajijeananani, ojaya pojjeamajojo mi nahue cani —Jesosa poanaje.
27277	ACT 8:32	Majoya Eyacuiñajjija esohui ba canaje ma Isaiaa yahuajo tehue ca poa Jesosajo, Eyacuiñajjija huoojeaꞌyo ojjaña jaahuanajjijo jama baꞌa: “Ñajjajja dojo cani quecuaꞌyohua jayojja jama onaaya oya iña caje equecuaꞌyojji. Ñajjajja ña dede canijo, quea nee po majje ñajjajja siasia ajja jama jayojja oya mimipanajea ajja poaje onaa oya napa canijo.
30267	HEB 11:28	Moisesiya Eyacuiñajjija epeejji nei poaniya jjejojo Eyacuiñajjija esohui jayojja huohuime aca poa Jodio cuana jama baꞌa: —¡Ñajjajja cuiacue! Majoya cuiaꞌyo majje ¡jeasijijeacue oja naa miquea esecue jjanijo esohuidojojjiya miquea ebacua ejja ecuiajeajji pojjeamajo, cojjasobo! Jamajjeya poeje shajjamaja bacua ejja cuiajeaa —Moisesiya aca poa. Jamajjeya Moisesiya esohuidojojjiya Jodio cuanaja ebacua ejja cuia jjima amee ca poa. Majoya jamaya Jodio cuaa ojjaña shequiaja ojee ijjia ca poa ebacua cuiaꞌyo jjima aca poa shejo, epajeaꞌyojji pojjeama jojoya.